رواية شوگ و ورد الفصل الثاني والخمسون 52 - بقلم wad. al.Basha

للكاتبه:  ود الباشا

المهم رديت بس مغوركه عيوني
رجعت احضن حياطيني
رجعت وروحي توجعني
واحس بس غرفتي التكدر
تواسيني بجيت من المخده
لاخر احلامي لحد ما غوشت عيني

غسق: بلعت ريگ وكمت بخوف حالته تقهر وبنفس الوكت تخوف
بقيت اباوع عليه كعد على القنفه لازم راسه وايده ترجف رفع راسه باوعلي بنفس النضره
بيك شي

مهاب: ألم مينجرع احسس قبق راسي مفتوح من الوجع

غسق: تقربت منه بخوف خلينا نروح لدكتور بلكت ينطيك علاج شي ترتاح عليه بس هليومين بعدها انت تتعود هز راس برفض

مهاب: ماكدر كتتلج مراقبيننننيييي الزماااايل مااااكدر اتحرك بررراحتي ليييش ماتفهميين انتي

غسق: سكتت منه لأن ادري من الوجع ميعرف شيسوي

مهاب: رايييح انطمر مااريد صووت صوووت ابررره ماااريد اسممممع

غسق: صار دخل للغرفه وطبگ الباب حيل كمت سويتله تشريب كلت يكعد جوعان طلعت اللحم خليته يموع داريد اطلع الجدر وكع القبع طلع صوت شلته بسرعه ماهتميت ماحس غير انسحبت من ايدي ونشمرت علئ الحايط

مهاب: كتتتتتلج صووووت مااااريد بنت الگلب عليييش تعانديييين

غسق:  يحجي بعصبيه مبين متوجع خفت منه ومن حالته بس حاولت مابين

مهاب: احجييييي ويااااج جاوبينيييي شكووو هيج تعاندييين

غسق: ماعرفت هو وكع من ايدي بدون قصد تقرب لزم فچي

مهاب:  حذذرررتج انه

غسق: جريت نفس مهاب اهدى خليني انطيك ماي اكعد شوي كعد على الكرسي جبتله كلاص ماي باوعلي بيأس

مهاب: مكاعد اتحمل الوجع البيه جسمي مداسيطر عليه كتلج موبهلسهوله تعببت راسي راح ينفجررر

غسق: تحمل لخاطري هليومين صعبه بعدها تتعودد
مجاوبني شرب الماي ورجع للغرفه احسه يبتعد مني علمود مياذيني جريت نفس ودعيت ربي من كل گلبي يساعده يترك ويعيش حياته طبيعي كمت سويت الاكل ورجعت كعدت اخاف ادخل للغرفه ويعصب عليه تمددت على القنفه اتفرج تلفزيون شويه وسمعت صوت صياحه وتكسر الغراض طفرت من مكاني للغرفه شفته كاسر المرايه والعطور بقيت واكفه بلباب اباوعله

مهاب: ممكااااعد اتحمل رااااسي مووووتني

غسق: انطيك مسكن عافني وطلع بسرعه قابض على ايده صحت وراء مجاوبني طلع بره مديت راسي من الباب شخط السياره وراح خفت عليه خفت يصير بي شي هو دايخ ويسوق دخلت جوه اكل بروحي بقيت انتضره الف فكره وفكره اجت ابالي تقريباً ساعتين ودخل هادى تقربت منه انت زين هز راسه بمعنى اي

مهاب: احسن

غسق: شفت ملامحه هادئه استغربت معقوله رجع اتعاطى جوعان؟

مهاب: اي رايح اغير ملابسي واجي

غسق: صعد واني اباوعله مستغربه واخاف اساله يكون جوابه اي حضرت الاكل وكعدت انتضره نزل وهو يحجي بلموبايل كعد ختم اتصاله باوعلي

مهاب: بيج شي

غسق: رجعت تعاطيت؟
نزل عيونه عرفت جوابه بدون مايحجي اني ادري ماتصيرله جاره لأن هو مديسااعد نفسه كمت كعدت بصاله كعد كدامي مكرفص لزم ايدي

مهاب: فترره بس انطيني مجاال علما ارتب امووري واطلع نفسي منهم بعدها. اترك هسه ماكدر

غسق: تكددر بس انت مدتساعد نفسك لووو صاابر بس هليومين

مهاب: حااولت بس شفتيني وصلتتتت الموت وجع الراس مينحمل غسق افهميني اروحلج فدوه
وعد وداعت عيوونج وداعت غلاتج عندددي اصفيي اموووريي وبعدهااا اتعااالج انه مدمن مو اليوم ولا البارحه

غسق: اني بعد ماعلي ماتدخل بيك التريده سوووي ماكو داعي تحجيلي وتبررلي عفته ودخلت للمطبخ وعدت روحي اعيش لنفسي وماعليه بي
اجه ورايه حضني

مهاب: افكر بطريقه اطلعج منااا تفهمييي هلشي مو وكته طززز بيه انه ماااريد اتاذه بيج وهم الكواو.... لازميني بيج

غسق: كتلك براحتج سوي التريده اني مالي علاقه

مهاب: حضري امورج وكتري جنطه على كد احتياجاتج
اذا كدرت اطلع منا راح اخذج كبل للشمال ومناك اشوف شلون اطلعج

غسق: هزيت راسي عافني وراح للغرفه رحت وراء انطيني جهازك اريد اخابر مسره

مهاب: ذاك اخذي

غسق:  اخذته وطلعت بصاله دكيت على مسره جاوبتني سلمت عليها سألت على خاله وغسان وعمو

مسره: كلنا تمام الحمدالله بشريني انتي شلون ان شالله مرتاحه

غسق: الحمدالله مشتاقتلكم

مسره: احنا اكثر والله ماما دائماً تسألني عنج بالها يمج

غسق: طمنيها اني بخير لا يضل بالها كاعده احاجيها اطمنها

مسره لا نامت اكلج سمعتي المسكين ارشد شصاير بي

غسق: شبي

مسره: طالع من دوامه وخاطفي مزوركي مزوعي العافيه

غسق: هااي شنو ماعرفو منو وليش هيج مسوين بي

مسره: يكول اعرفهم بس ميحجي وماشتكى عليهم الله العالم بعد

غسق: هو شغله حساس اكيد عنده اعداء اني حجيت وكعد مهاب كدامي

مسره: اي فوكاها مرجع مرته ويكولون هم زعلانه وشاكين باخوها هو يكو مو اخوها

غسق: كضوو عمرها عرگ وزعل

مسره: اي والله متقهرني غير امه كلما تشوفني تسألني عليج خوو هذه رجلها العااار ميموت ويفضها بعد شاالع باب كلبها المسكينه

غسق: بعده على سوالفه

مسره: اسواء وصلت بي حتى ضرب يضربها بهذه عمرها الارعن

غسق: ابو الطبع اسألي على سلامته

مسره: اي والله انه انقهرلها وعندج ولده ثنينهم ميقبلون عليه

غسق: معلينا بيهم نارهم تاكل حطبهم

مسره:  ماتجين يمنا

غسق: مادري اشوف وانطيج خبر بقينا نسولف شوي علما ختمته منها باوعت على مهاب صافن بيه

مهاب: منو هذه شغله حساس؟

غسق: رجل صديقتها هز راسه ومبين عليه ممصدكني بس مشاها

مهاب: اكدر احضنج وانام تعبان

غسق: التزمت السكوت لأن كلش ضايجه منه واذا احجي ابقى اغرد عليه ماتحمل شوكت اطلعنيي منا

مهاب: باقرب فرصه

غسق: واذا لزمونا

مهاب: ارتبها انه لا يضل بالج

غسق: مر اسبووع  يطلع من الصبح يجي بليل ينام اليوم الضهر كاعده ومحضره نفسي يجي اتعارك ويا روحي طكت منه للعصر دخل مخبوص

مهاب: دقيقتظن تحضرين روحج وتجين يللااا بسرعه

غسق: شكو شصاير

مهاب: بعدددين مو وكت اسأله هسه بسرررعه

غسق: صعدت لبست صايتي وجبت تلجنطه المخضرنها ونزلت شفته طفه الكهربا وفصل الغاز طلعنا قفل البيبان ركبنا السياره مشى سريع گلبي وكف اخاف ارجع اساله ويعصب عليه مهاب خفف السرعه وين طاير شصاير

مهاب: ادعييي نطلع منها هلمرره اذا وكعنا بايدهم منطلع سالمين

غسق: شصاير

مهاب: بعدين افهمج

غسق: هو عينه عليه واحس دمه فاير وجهاز ماسكت دقيقه وحده طلعنا من بغداد للشمال ارتاح شويه جر نفس

مهاب: جان عندي بضاعه اسلمها لصاحبها بس ماسلمتها  واشتكيت عليهم كلهم وانطيتهم ادله

غسق: هم سكتو؟

مهاب: بعدهم مايعرفون انه هيج سويت

غسق: بلعت ريكي بخوف يعني اذا لكونه مراح يسكتون هلمره صفن وكانما تذكر شي وكف السياره اخذ الموبايل فتحه طلع الشريحه كسرها وذبها بطريق
شسويت ليش هيج

مهاب: احسسن يطلعون موقعي من الشريحه وانروح بيها

غسق: اخاف مراقبينا هز راسه بوجع بيك شي

مهاب: انطيني جيس الحب منا

غسق: اشر على الجگمجه بلعت ريك طلعتله الجيس خليته بايده ودرت وجهي منه متقززه ماحجه حرف علما وصلنا للبيت الاخذني اله اول مره بقيت اباوع على الطبيعه نزلنا دخلنا للبيت باوعتله كم يوم راح نبقى اهنا

مهاب: مامعلوم

غسق: شلون يعنيي اخاف يلگونه ونروح بيها

مهاب: طلعي هل افكار من راسج وبطلي خووف مستحيل يندلون هلمكان اطمئني من هلناحيه

غسق: كعدت وعيوني تتحرك على البيت بخوف
كعد بصفي اخذني لحضنه باس راسي

مهاب: نضر عيني باعيلي من شنو خايفه

غسق: نزلت دموعي مسحهن بطرف اصبعه
وجهم مابي اي رحمه خايفه يلزمونه مراح يرحمونه وانت مشتكي عليهم يعني اكيد راح يدورون عليك

مهاب: كتلج لا تخافين انه مدبر كلشي كومي انام شويه وبعدين نكعد ناكل لگمه

غسق: ليش تحجي بكل هلبروود فرك وجه

مهاب: شسوي اكوم الطم مثلاً

غسق: مهاااب انت دتتعامل ويا عصاااابه يعنيي ايدهم بكل مكان موو صعبه عليهم يلكون مكانه

مهاب: هسه انتي بيش مفاوله عليناا لا تكعدين تعيدين للموضوع انسيييي

غسق: كام راح للغرفه كمت شفت المطبخ الثلاجه مليانه اكل يعني مجهز اموره
درت وجهي شفته متجي على باب المطبخ يباوعلي.

مهاب: هديتي

غسق: يعني انت مخايف؟ من الديصير متفكر

مهاب: لا اصلاً كلش مرتاح للكاعد اسوي

غسق: تقربت منه بيناتنه كم خطوه بس انت متعلم عليهم وعلى اسلوبهم وعلى كل هذه الديصير بس اني ممتعوده داعيش رعب

مهاب: مابقى شي بس طلعير هلتفكير من راسج

غسق: سحبني للغرفه تمدد خلاني على ايده

مهاب: انه سويت كل هِذّهِ لَخَأّطّرجِ علمود نعيش براحه ومثل ماتردين
واذا تردين الصراحه انه بعمري مامفكر اطلع منهم ولا بعمري اجه ابالي اسوي كل هذه

غسق: اني خايفه حاسه راح يصير شي
ر حسره وحضني بقوه

مهاب: مراح يصير شي راح يمشي الوضع مثل مانريد نعيش بسلام وحبنا يكبر وعائلتنا تكبر تخيلي وياي كاعدين ابيتنا واطفالنا يلعبون

غسق: ابتسمت من تخيلت هلشي اني ماجذب بديت اميله وبديت احبه بس الخوف البداخلي غالبني الديصير واعيشه مو سهل على يا ساعه ننلزم واحتمال انموت لهنا وثكلت انفاسنا ماحسيت غير دنيا ليل كعدت على صوت مهاب يحجي ويا احد كمت لبست حجابي. طلعت لكيته يحجي ويا شاب يطلع من عمره سلمت ودخلت للمطبخ دخل بعصبيه لزمني من زندي

مهاب: شكوووو طالعه قندررره

غسق: لاااا تغلللط شمدرييين عندك خطارر

مهاب: لج بنت الگلب ماسمعتي صوتنا الهارج الدنيا

غسق:  كزيت على اسناني وحجيت بعصبيه وحرگه گلب غللللط لا تغلللط اول مره واخر مره اسمعك تغلط على بابا دفعني وطلع كعدت علكرسي خليت ايدي على راسي بحيره شوي واختفى صوتهم اجه وكف فوك راسي

مهاب: جوعانه؟

غسق: مجاوبته كرفص كدامي

مهاب:  لج ابويه اعذريني بلقران عقل ماضال برراسي

غسق: انتت لعنه ودخلت لحياااتي الله ياااخذني واخلص منك بقيت مخليه عيني بعينه ببقهر
عافني وكام طلع برره احس حرگه بگلبي مادري شلون اطلعها مرت الايام ثنينه مبتعدين من بعضنا هو ينام بصااله واني بلغرفه عيونه ملاحگتني وين ماروح
كاعده اتفرج تلفزيون ودخل لونه مخطوف باوعلي عيونه نار احسها تطلع منها بلعت ريگي بخوف

مهاب: كومي حضري نفسج علسريع

غسق: شصاير

مهاب: سرريع بدون اسأله

غسق: كمت لميت غراضي ولبست صايتي هو مخبوص بسلاحه طلعنا ركبنا السياره ومشى سالته مجاوبني التزمت السكوت لنص الطريق ماحسينا غير سياره وكفت كبال سيارتنا والطريق شبهه مهجور اعظامي كامن يطكطكن من الخوف شديصير مهاب

مهاب:  اشتعلت لشته لمهاااب نزززلي راااسج

غسق: ماحسينا غير فوك العشر زلم طوقو سيارتنا مو كلت انسجنوو ابتسم بحزن

مهاب:  لا تردين عليهم مهما حجووو نزل باوعت شفت نفسه نمرود واكف بكل بشاعته وحقارته ومخلي ايده بجيوبه من شاف مهاب نزل تقرب ضربه مهاب هم مقصر ويا رجعله الضربه

نمرود:  تعررررف بهذه تصررررفك الغبيييي شكددددد خسرتنه شمتوقع اعووووفك واخلي ايدددي جوه خدددي واكعد انتتتت تعرف اكثر مده نبقى بيها بلسجن هي اسبووووع عليييش هييييج سووويت لك كوا.....ابن سطعش كوا......

مهاب: اطلع من زباااالتك كااافي بعدددد كااافي انه مامتحمل الخييييسه العااااايش بيها

غسق: لزمه من ياخته

نمرود:  يااااا خيسه لك ابن الخيسه هسه صارت شغلتنه كخه ومتعجبك هسسه حسيت على نفسك باااااوعلي وتعرفني من احجييييي اخسر بيها طلقه وحده ولخلقك ومايرفلي جفن متحملك وصابر عليك اكول صااااحبييي وماكسر بكلبك بس انتتتت طلعتها من ماعونهاااااا

غسق: باوعلي بنظره مليانه حقد نزلت راسي بسرعه حسيت گلبي وكف من نظرته بعد ماتحرئت ارفع راسي

مهاب: نزل عييينك لا افكسهن الللك

نمرود: الخسااااير الصااارت تتحملهن

مهاب: تحلم حبيبي انه انسااااني ماخسر شي ومارجع وياااك وهسه تفتحلي الدرب انه بخير وانت بسلامه دروبنا ماتتلاگه بعدددد

غسق: رفعت راسي فضووول اشوف جهرتهم من يحجون وملامح وجهم

نمرود:  كاعد تلعب بعداد عمررررك وانه صابر عليك اشوفك وين توصل

مهاب: سوووي التريدده مااايهمنييي ولا تهز شعره من راسي وانت تعرف كلش زين

نمرود: انطيتك فرصه بس رفست نعمتك بااايدك اخذوووو

مهاب: جلااابك وخرهم ارجع امانه عندي وبعدها نتحاااسب

نمرود:  أمانتك ماترجعها تبقى عدنا

غسق: حجاها وغمز المهاب مهاب خجم عليه ضربه كله

نمرود : تقطر حب ابن الزفره صاير تضرب

مهاب: اكسررررررك عييينك منها لا بلعباااس اثرمك

نمرود:  سهله حبيبي انه مامخلي عيني على عرضك لا استغفر الله ولا مفكر بيها اخذووووو

غسق: هجموو اربعه جتفو وهو يتصار وياهم دمي نشف عيوني كامت تغوش دفع ثنين منهم راد يهجم عليه وواحد ضربه من وره بلمسدس على راسه وكع من طوله صحت بعلو صوتي وخليت ايدي على حلگي

نمرود:  نزلييي

غسق: ماات

نمرود:  فدوه الج

غسق: داكللللك مات

نمرود:  وداكلج فدوه الج

غسق: يحجي ويقلد صوتي راد يسحب ايدي ابتعدت لاااا تلزمني اني امشي ركب سياره واشرلي اركب
مهاب اني اركب ويا مهاب رفعزحاجبه بستفزاز

نمرود:  صعدددي لا انزل اصعد روحج للسما هو انه متحمل عللليييج من وراج ووووره جهرررتج خررررب شغليييي كله منييين طلعتي انتيييي

غسق: صعدت وماخليت دعا ماقريته وكل شويه تطلع مني شهگعواحاول اكتمها

نمرود:  صوووت مااااسمع خرررره بييييج شكد تنووووحين هل اثوووول شعاجبه بيج مااااددرييي
بس لا مشتغلته يم ام عباااس

غسق: مجاوبته زمخ بيه

نمرود: مشتغللللته يم ام عبااااس مووو مثل ماتوقعت؟
احجييييي

غسق: م مننو ام عباس ماعرفها

نمرود:  فقيره تنگطين برائه خطيه يلااا عود اندخلج دوره يمنا نعلمج

غسق: وين ماخذني

نمرود:  مستعجله على رزقج؟ 

غسق: اكتلني انت مو تريد تتخلص مني اكتلني ولا دكول الاحد بس لا تاذيني حباب باوعلي نظره مطوله بعدها حجه

نمرود:  اوكف خليني اعيش اللحظه وانزل دمعتين وياج علوهس

غسق: درت وجهي علجامه ايدي بدت ترجف

نمرود:  صووووتج تره نعلتي والددديه فوك لعنتهم

غسق:  لزمت حلگي بايدي اخفي شهكاتي خفت يضربني بقت السياره تمشي لا ساعه ولا ساعتين
وهو لو يحجي ويا جلابه لو يخابر احس گلبي راح يوكف
دخلنا بغداد باوعتله بتوسل خليني اروح
مجاوبني اخذوني لنفس المكان الاخذوني اله من هددو مهاب بيه نزلت من السياره عيوني ماشوف بيهن من كثر الدموع بقيت واكفه ماريد ادخل ماااريد اعيش اكثر من هلرعب هذه ماحسيت غير اندفعت من وره وكعت على وجهي خشمي حسيته انكسر وكصتي انزلغت بلكاع باوعت الدم اليطلع من خشمي مو. طبيعي رفعت راسي يباوع مبتسم

نمرود:  كومي دخلي بدون صوت لا اكسر راسج هم

غسق: خليت ايدي على خشمي ودخلت جوه خمس شباب كاعدين كدامهم اكل رجعت خطوه ليوره دخل كلهم كامو وكفو گلبي احسه راح يوكف بقيت ادعي من كل گلبي امووت واخلص من كلشي وجه سوأله لجلابه

نمرود:  وين خليتو

غسق: اشروو على الغرفه المقابيلنا

نمرود:  صحى

لا بعده

نمرود:  خير ان شالله شكوووو واكفه جنج شمعه فكرررر تعاي يمي

غسق: بقيت اباوع عليه

نمرود:  تقربيي

غسق: باوعت على باب الغرفه متأمله يطلع متأمله بي يطلعني مره ثانيه باوعت على واحد منهم مسدس بخصره تقربت وكفت يمه وسحبته من خصره بقى على كعدته واني موجه المسدس عليه
صفك

نمرود:  احييج تفيدينا الصراحه

غسق: خليني ارووح تره والله اضرب لا عبالك اشاااقه

نمرود:  ضربي يلا

غسق: ايدي ترجف والمسدس يركص بايدي رادو يتقربون مني اشرللهم بمعنى عوفوها
خلونييي اطلع

نمرود:  ضرربي قبلل لا طلعين يلااااا لا تخااافين

غسق: وجهت المسدس على نفسي حسبي الله عليك وعلى كل واحد مثلك ماحسيت غير تقيدت من وره اخذ السلام من ايدي ودفعني وكعت بلكاع رجعت ليوره

نمرود:  طلعوووو بررره

غسق: خلينييي ارووووح مااااريد ابقى اهنااااا

نمرود: خلينا نسولف نحجي نتفاهم يصير هيج بكل سهوله اطلعين

غسق: شتريد تربع كبالي وورث جكارته سحبت رجلي لصدري اباوعله خايفه منه وجهه اي رحمه مابي

نمرود: تنظمين ويانه

غسق: شنووو

نمرود:  تصيرين ويانه وحدنا منا وبينا

غسق: اني اشتغل وياكم؟ 
هز راسه بمعنى اي اني ردت اطلع مهاب من خيستكم والحرررام الطامسين بي تريدني انييييي اغرگ وياكم حلم تحلم بي

نمرود:  فتره وتتعودين وها مهاب ذراعي اليمين لا عبالج اتخلى عنه بسهوله

غسق: والله حلم تحلم

نمرود:  بس مرات الحلم يصير حقيقه تره

غسق: ردت احجي سمعنا صوت مهاب

نمرود: فكري مراح تندمين

غسق: ميحتاج افكر

نمرود: يعني راح اتعبيني

غسق: لا اتعبك ولا تعبني خليني اروح وبعد وجهي ماتشوفه

نمرود: اهو دخول الحمام زي خروجو؟

مهاب: نمرررررروووود لك كووا....

نمرود:  انه محترمج ومقدرج ومكعدج اسولف وياج وشوفي رجلج الطايح حظ شلون يغلط

غسق: كام فتح باب الغرفه كمت بخطوات بطيئه مكسوره دخلت وراء باوعلي

مهاب: غسق زينه اذوووج احجيييي

غسق: زينه

مهاب: شبي وجهج شنوووو هلدم

نمرود:  ضيافه حبيبي لا يضل بالك

مهاب: افتتتتح ايدي سكط

نمرود: ابن القندره متجاوز عليك شكو تتجاوز

مهاب: افتتتتح ايدي

نمرود:  بعد مو هسه

مهاب: خليها تروووح حسااابك ويااااي مو وياها

نمرود:  دخلت القائمه وياك

مهاب: خليها ترووووح

نمرود:  صارت وحده منا وبينا واليدهل ويانه مايطلع

مهاب: شسويتلهاااا نمرود نهايتك على ايدي

نمرود:  مامسويلها شي بس اذا تبقى تهدد اسويلها
والسااانك خلي بطيبه گلبك حالياً مايفيدك

مهاب: افتح ايدي نتفاهم

نمرود:  على شنو تتفاهم انتتت دكتك الاخيره حتى الناااقص مايسويها

مهاب: خلينا نعيش كاافي اطلع من هلخيسه مو بنفسك تتزوج وتبني عائله مو اجيت بلساااانك كلت البنيه الاحبها وتقدمتلها مانطوها الي لأن سألين عليه والناس كلها حاجين بلموزين خلينا نسافر كاافي تاذينا هو واذينه هواي عالم

نمرود:  اوكف خليني امسح دموعي

غسق: باوعلي

نمرود: خوش مدخلته دوره يمج

غسق: انت ماتحس الدتسوووي حرام عليك انت حتى بطنك خايسه من الحرررام تقرب وكف كدامي ضربني راجدي وكعت بلكاع مهاب تخبل بمكانه ومايكدر يسوي شي مقيدينه

مهاب:  عوووووفها افتح ايدددي لااااا تتترجل على مررره

نمرود: انه جايبكم اهنا نكمل شغلنا مو تنطوني دروس اخلاقيه ودينيه

مهاب: الزمك الزمك توكع بايدي لوووو لا اطلع حليب امك النگس من خشمك

نمرود:  شغلك تكمله لااا تجبرني اصيررر ناقص اكثر من الزووووم

مهاب: شغل ماكمل انه ثق بالله اي شغله تنطينياها ابلغ عنها بعد انت بكيفك ضلت عندك

نمرود: ماجنت ناقص بس يمكن انعديت من هلناقصه التبيع شرف واخلاقيات براسنا

مهاب: اشرف من الشرف تخسى تجيب طاريها بلموزين انت لو صدك رجال ايدي تفتحها بس ادري بيك بوووخه خاتل وره زبالتك المخليهم جلاب بره تتباهه بيهم بلنوادي

نمرود:  تحسسني نبي ونازل عليك الوحي بابا احجي هلحجي الواحد ميعرفك مو خابزم وعاجنك ومگضي عمره وياك. علعموم بضاعتنا الجديد تووب وتعحبك تجربها؟

مهاب:  لا تلعب وياي اذا تريد تثكل هيج اللعبه انصحك نصيحه لخاطر الخوه والعشره اكتلني وطلعني منا دير بالك اطلعني وانه عايش اخلي روح تطلع من ط.....

نمرود: عاجبني اجرب عليها ليش مستكثرها عليه

غسق: مكتره نفسي واباوعلهم ومهاب كل شويه يباوعلي ويرجع يحجي ويا

نمرود:  كوومي يلا

مهاب: تبقى يمي ماتطلع منااا خطوه

نمرود:  هاي شنو تتأمر عليه؟

مهاب: غصب عنك هم مو بس أمر خطوووه ماتطلع منا

نمرود:  كتلك عاجبني اضيفها وراح اضيفها

مهاب:  تااااكل تبن

غسق: ابتسم بحقاره وطلع باوعلي مهاب

مهاب: شبي وجهج شنو هلدم

غسق: وكعت

مهاب: اذووج؟

غسق: مجاوبته شهگه بصدري مو كلت راح نخلص

مهاب: ماتوقعت يصير هيج

غسق: هسه شنسوي هذه ماكو رحمه بكلبه مراح يخلينا نروح بسهوله

مهاب: لا تشوفي انه اعرفه غصب عنه تالي يخضع ويخلينا

غسق: شلون عرف المكان انت مو كلت مايندل وكسرت الشريحه بعد شلوون اندله

مهاب: تتذكرين الولد الجان كاعد يمي ودخلتي علينا

غسق: هزيت راسي بمعنى اي

مهاب: منطي كم فلس وحاجيله

غسق: مسحت دموعي هو شيريد منك غمض عينه بتعب

مهاب: شغله مايمشي بدوني يريدني ويا

غسق: مجاوبته بقيت اباوعله يحرك بنفسه ايدك توجعك

مهاب: لا راح اسوي روحي اتخربطت صيحي عليهم

غسق: شسوي

مهاب: سوي مثل ما اكلج

غسق: سوه روحه متخربط بقيت اصيح ماكو احد الضاهر طالعين

مهاب: حاولي مره ثانيه

غسق: صحت بعلو صوتي لحكووووني نفتح الباب دخل

نمرود:  شبيييج انكرصتي الف مره كتلج لا تصيحييين

غسق: مهاب تخرربط شوفه تقرب منه بخوف ضرب خده

نمرود:  مهااب شبيك

غسق: اخذوو للمستشفى اخاف ضغطه صاعد

نمرود:  خررره بيج اسكتي اسكتييييي

غسق: شنووو اسكت شوف حااله شصاير بي
حاولت بكل طاقتي امثل ويا لأن ماريد ابقى اهنا الخوف ماكلني وارجف بس ماسكتت انتت ماكو بكلبك رحمه راح ييمووووت

نمرود:  مهاااب تسمعني افتح عينك

غسق: تقربت منه لزمت وجه بثنين ايدي مهاب حبيبي اصحى حباب لا تعوفني افتح عيوونك حباب متاكد تسمعني
دفعني لزكني بلحايط

نمرود:  ماااال الزمج اكطعج بسناني منين طلعتيلنا انتييييييي انعل رروووحج ويا روح العرفنا عليج ونام بكبره

غسق: يحجي ويفتح بايده فتح الحبل كام يغسل وجه مهاب  بلماي ويدردم عليه  كام مهاب جابه بوكس ولزمه من ياخته
رجعت ليوره ثنينهم يخوفون خفت حتى اتقرب منهم

يتبع<>
ود الباشا

رديت مو من الصفر
حتى الصفر مايبدي
رديت منك منكسر
والبال ابد مايهدي
جندي ورجع من المعركه
رابح انه المعركه
وخسران بلعندي