رواية شوگ و ورد الفصل الثالث والخمسون 53 - بقلم wad. al.Basha

للكاتبه:  ود الباشا

خِذني يمَك
بعَد ما ضَل كُل عذِر لا تعتذر
لَيل عُمري وعُمرك مَا خلص
بعَد ما بي صبُر
خَل نلم احلاَمنا ونحفُظ صوَرهن
قبل لا ياخذهِن بدربه الفَجر
وخَل نِلم البَاقيات ، سِنيني وسنينك
نسويهن عُمر وهنَّ ما يكفن عُمر
و نبدي من جدَّ و جديد
بواهِس سنين الصُغر
ولو وازانه الكُبر
خَلي ايامنا بخطوة العَاقل
وافتخر بيهَ ويا روحَك
وانهَ ويا رُوحي اضل بيك افتخُر
خَل نسَوي العِشرة ورقة
ونصنَع مِن الدَمعة والضحكة حِبر
حَتى كِل لحظة تمُر ، بالجاي نكتبها شِعر

غسق: كام مهاب جابه بوكس ولزمه من ياخته
رجعت ليوره ثنينهم يخوفون خفت حتى اتقرب منهم

مهاب:  حذرررتك تعوفني لووو لا سااااقط لوووو ما الخوه والصداقه البينه والله موتك يصير على ايدي

غسق: ضحك ضحكه مستفزه وكأنو متاكد مهاب مراح ياذي

نمرود:  اذا تريد ترتاح وتعرف الشغل الدفعنه عليه دم گلبنه اكتلني وروح غير هيج مراح تكدر

مهاب: كاافي انه اكتفيييت تعبت كبرت اريد اعيش حياتي اشوف اطفالي عائلتي مرتاحه كبال عيني

نمرود:  مجان هذه كلامك

مهاب: كبررررت تغير تفكيري صحيت على نفسي

نمرود: بهلسهوله؟ وروس الكبار المعتمده علينا شدكللهم ضميري صحى لو تريد تذبهم براسي وتشرد بريشاتك

مهاب: يووولون انت خلي ايدك بايدي نطلع منها سوه مراح يگظون حياتهم يدورون علينا

نمرود:  واذا لكونه

مهاب: لا تخلي احتمالات احنا انريد نطلع من هلمزبله وراح نطلع

نمرود:  انت تعرف شكاعد تسوي تلعب بلنااار اكلك روس كبار بطگه اصبع يلكوك يطلعوك من جوه الكاع غيره انه ساتر عليك وساد مكانك واركض منا ومنا
انت الحب خبلك وطير عقلك

غسق: باوعلي مهاب بتعب

مهاب: انت مناوي تعيش مثل هلناس بدون  السوالف الوصخه بدون ما نتعاطه بدون مانحس كاعد نرتكب ذنب نتحاسب عليه اني من اشوف اهلي كدامي اكل بروحي اشوف ابوي امي گلبي يتگطع كبروني وتعبو عليه علمود يرفعون راسهم بيه مو ينزلو اذا سمعووو ثق بالله ينجلطون بمكانهم

نمرود:  لا تخبلنييي لك كوا... هسسه صحيت هسه تذكرررت احننننه طامسييين من ساسنه لراسنه
شلوووون تريدنه نطلع شلووون فهمنيييي
بنسبه الي مرتاح وباقي بمكاني ماناقص دوخه راس

مهاب: ابتعد منيييي لا تبقى تلحكنييي وين مارووووح عووووووفني اشوف دربييي

نمرود:  لك ازماااال يكتلوك بلعباااااس يكتلوك انه لو مخايف عليك ماسوي هيييييج

مهاب: كتلك ماعليك يكتلوني خليهم يكتلوني مادام راضي تبقى اهنا عوفني انه ادبر اموري واطلع روحي

غسق: يحجون واني اباوع عليهم حركه كلبهم واضحه على ملامحهم

نمرود:  وياك كوا... تعرف بيه ماكدر اعوفك

غسق: شو ذولي تحاضنو وبقى يدكون على جتف بعضهم لا هاهي جنت بواحد صرت بثنين

مهاب: نطلع منا لازم

نمرود سهله نطلع ادبرها الك بس اذا متت ياا مهاب الا اموتك بعدني مشايف شي بحياتي

مهاب: عار مايصيبك شي لا تخاف

غسق: ابتسم وطلع شديصير؟

مهاب: مثل ماشفتي

غسق: شفت بس مافتهمت شي

مهاب: انه ويا اصدقاء من الابتدائيه كتلج لا تشوفي هيج انه الوحيد الاعرفه

غسق: اذا صديقك ليش ماساعدك ليش جابك اهنا وصار مرتين يسويها

مهاب: يخاف عليه يكتلوني

غسق: اني ممرتاحتله

مهاب: اطمئني مايغدر

غسق: لا تثق بيه صدكني ممرتاحتله ماعتقد يساعدك هو بلسانه كال اني مرتاح بمكاني فرك وجه باوعلي بحيره

مهاب: ماعنده مصلحه باذيتي

غسق: ماتعرف النفوس شبيها اني كتلك احذر منه
هز راسه تقرب كعد يمي

مهاب: ضميري كاعد ياكل بيه اكل

غسق: باوعتله مركزه اريد اعرف ليش

مهاب: احس اذيتج بسببي صار كم مره تعيشين برعب

غسق: مجاوبته سحب ايدي باس بطنها

مهاب: وعد اعوضج

غسق: باوعت عليه عيوني مدمعه مشاعري مخربطه اتجاهه اني هم ماعرف شنو داحس وشنو البداخلي اله
طلع نفسك وطلعني منا احلى تعويض بنسبه الي

مهاب: تشوفيني كاعد وساكت انه هم مليت عايش بخوف على اهلي وعليج

غسق: بقيت اباوع عليه
شعجب كدرت اطلعهم منا يعني هم شلون اقتنعو

مهاب: مشتاقين لاخوي وبحجته طلعتهم بعد مااتفقت ويا هو ساعدني

غسق: اخوك يدري بشغلك

مهاب: لا

غسق: لعد شلون ساعدك

مهاب: كتله متورط ويا جماعه علمود افلوس

غسق: سكتت سحبني لحضنه وخله راسه على راسي

مهاب: لو تعرفين خوفي عليج وشلون قلق نص حيلي مهدود وحق كافل زينب

غسق: ليش حبيتني؟

مهاب: كلبي غير رادج الج انه جنت قافل ماورط وحده وياي اعرف النتائج شنو يبقون الكواو.... يهددون من يشوفونا نتعلق بأحد علمود يبقون مسيطرين علينا

غسق: اجيت بوقت ممتوقعتك بي

مهاب: لو رسول ميت من زمان جان تعرفت عليج شو طوول يلا توكل

غسق: جان يشتغل وياكم

مهاب: انعل روحه شورطني وطيح حضي غيره

غسق: مو كلت اصدقائك هم الورطوك

مهاب: جانو ويااا وهو دازهم عليه العن شريفهم واحد بقى يسحب بلثاني وهاي تاليتنه

غسق: هذه نمرود هم وياهم

مهاب: اي هو هذه طيح حضي جان صديقي الح وخالي متفق ويا وسحبني على دربه

غسق: اذا طلعنا منا وين نروح

مهاب: مادري انه هم حاير وين اخذج وين اضمج منهم من  اطلعج ارتاح ويصفى بالي اشتغلهم واحد واحد

غسق: خايفه عليك كلبي ممرتاح ابتسم وباس راسي

مهاب: خايفه علي؟ 

غسق: هزيت راسي بمعنى اي

مهاب: لا تخافين انه اعرف دماراتهم

غسق: يغدروك

مهاب: الله كريم ربج يسهلها مادام ناوي امشي صح متاكد راح يسهلها ويوكف ويانه

غسق: ان شالله نفتحت الباب دخل نمرود يباوعلي ويخزر بيه كام مهاب وكف كدامه

مهاب: بشر

نمرود:  نص ساعه واطلعون جهزتلكم سياره

مهاب: مانريد سياره طلعنا واني ادبر الباقي

نمرود:  ها سالمين هيج الثقه طايره

مهاب: انت تعرف السيارات العدنا كلها مراقبيها بعد ليش تحجي

نمرود:  براحتك يابه علساس اذا تركب سياره عاديه مراح يراقبوك انت تلعب بلنار بدون ماتحس

مهاب: راسي ماذيني جلابك وين اريد سويج السياره

نمرود:  ها مبين معوزز انطيك مني

مهاب: لا انطيني السويج خليني اتوكل

نمرود:  متاكد من الدتسوي تره تندم مهاب اذا لزموك ميرحموك

مهاب: تراجعت؟

نمرود:  فكرت بيها هواي ماكدر انه مرتاح وماكدر اخاطر وانه اعرف بيهم هم شنو اليميل وياهم ميخسرون بي غير طلقه وحده

مهاب: سهله الله يوفقك بس ومحمد خليها ترجيه باذنك اذا سمعت غدرت بيه او طلعت منك الناقصه هلطلقه التحجي بيها اخليها براسك واخلصك

نمرود:  انه اكدر ماطلعك منا ويطبك الف مرض فوك مرض بس اريد اساعدك لأن اعرف اهلك ميستاهلون الدتسوي وها اذا مالازمك قبلهم ولاكي عنوانك جان كتلوكم

مهاب: ماتقصر ادري بيك سبع

نمرود:  انتبهه لنفسك واحسب حساب لكل خطوه

غسق: كاعده واسمعلهم مبين القلق من كلامهم بقيت اكل بروحي من الخوف طلعو سوه وسدو الباب شويه ورجع بايده سويج السياره اشرلي كومي وعلامات الوجع مرسومه على وجهه
بيك شي هز راسه لا متاكد وجهك يكول غير شي اشر بايده على حلكه بمعنى سكتي طلعت ويا ركبنا السياره مشينا شويه وكفها طلع من صفحه الكرسي جيس وبلع حبايتين طبگ بلعت ريكي واني اباوع عليه كلبي كام يدك الف

فتحت الچگمچه شفت جيس ثاني صار عندي فضول مختلط بخوف قبل لا احجي واسأله جاوبني

مهاب: السويج جان يمهم واكيد لاعبين بيهن ومبدليهن انه بوضع لازم اكون حذر ماعرف منو وياي ومنو علي
يعني كلامج صح انه هم كلبي لعب من نمرود
وفكرت بكلامه وحركاته ليش مرتين وكف بطريقي وهسه عافني الموضوع بي انه مو لسواد عيوني ولا علمود الصداقه الحجيت عنها

غسق: اني كتلك انتبهه منه لأن مبين حقير
هز راسه السياره شلون اكيد هسه مراقبيك

مهاب: اي اكيد مابيها مجال بس عندي حل نروح لبيتنا ونخليها بلباب ونعبر من سطح الجيران

غسق: شلون نعبر؟

مهاب: نوصل وسهله بس غيري ملابسج لبسي بنطرون وشي مستور فوكا وخلي احتياجاتج بجنطه ضهر

غسق: اخاف يلزمونه

مهاب: غسق حبيبي روحي انتي عوفي الخوف على صفحه حالياً فدوه اروحلج ساعديني خليني ارتاح

غسق: هزيت راسي وصلنا للبيت نزل طبيعي واني بقيت اتلفت فتح الصندوك نزل الجنطه مسترخي ولاكانو اكو شي فتح البيبان دخلنا شمر الجنطه باوعلي

مهاب:  رايح اسبح علما اطلع من الحمام اشوفج متحضره ماريد اي تاخير تعاي وراي

غسق: رحت وراء لغرفتنا طلع جنطه جتف فتح القاصه بيها افلوس خلاها بجنطه صغير والمستمساكات. هم خلاهن بلجنطه  باوعلي

مهاب: اخلي احتياجاتج وياها وخفي ايدج

غسق: خليت بيها صايه وملابس كم قطعه والذهب لبست بنطررن اسود وفوكا قميص هم اسود لفيت حجابي ولبست حذاء رياضي
خليت ساعه بايدي علمود اعرف الوقت دخل بسرعه بدل قميص اسود وبنطرون جينز وحذاء رياضي اباوعله بخوف مشط شعره فتح الكنتور طلع موبايل فتحه واتصل شويه وحجه ويا صديقه فهمه انو هو واكع بمشكله ويريد يطلعه من بيتهم بقى يتشكر منه كطعه و  خله مسدس بخصره  قفل البيبان من جوه وصعدنا علسطح احس بطني صارت تلويني باوعلي

مهاب: قووي روحج تره انه متقوي بيج ولخاطرج

غسق: مجاوبته لأن احس حتى الساني يرجف مو بس رجليه احنا راح نطفر من سطح الجيران لبيتهم مثل ماكال الولد صديقه وعدهم باب خلفي نطلع منه بسياره الولد  هيج مراح يشوفونا فعلا طفر هو وشمرت عليه الجنطه خلاها بلكاع واشرلي يلا طفرت لزمني

مهاب: تاذيتي

غسق: لا دك الباب دكتين انفتحت تسألمو هو والولد اني حتى نسيت شلون احجي من الخوف اذا يكلي شلونج اكله البقيه بحياتك
نزلنا محد اكو الافتهمته كايللهم اصدقائي راح يجون وكل واحد داخل لغرفته خطيه انخبص ويانه جاب سويج سيارته وفتح الباب عدهم حديقه خلفيه وباب خلفي وسياره هم بلكراج ركبنه ليوره ودنجنه راسنا مشت السياره واني ماخليت دعاء ولا خليت نبي ولا امام مانخيته علما كال رفعو راسكم طلعنا من المنطقه

مهاب: ماعرف شلون اشكرك حيدر وكفتك هاي مانساها بعمري.

حيدر:  غالي حبيبي تأمرني امر

مهاب: حبيبي نزلنا يمك لا تعبك نفسك اكثر

حيدر: اكلك اذا انت مهدديك اطلع من بغداد روح لكربلاء

مهاب: اشوف شلون تصير

حيدر:  لا تفكر مثل ما اكلك روح اهناك فتره علما تنسي السالفه انه طالع بشغله لهناك اوصلك بدربي

مهاب: اخاف ازاحمك والله

حيدر:  لا يابه بدربي رايح انه وبعدين بشنو تزاحمني اخويه انت

مهاب: ممنون منك غالي ابو كرار

غسق: خليت راسي علجامه واني احمد الله واشكره
بقو يسولفون سوه علما وصلنا راد ياخذنا لبيت كرايبه بس مهاب ماقبل وتشكر منه نزلنا لزم ايدي

مهاب: ناكل وبعدين نروح لفندق

غسق: متاكد احنا بأمان

مهاب:  اي اطمئني

غسق: كعدنا بمطعم اكلنا شرب جاي وطلعنا لفندق اخذنا غرفه همزين عدنا العقد جان مخلونا بلفندق
تمددت بتعب حيلي رايح من الخوف هو هم تمدد وسحبني لحضنه

مهاب:  اتمنى عمري يوكف بهلحظه هاي

غسق: بقى يلعب بشعري علما ثكلت انفاسه اني هم نمت لليل كعدت هو بعده نايم سحبت روحي منه فز رجع سحبني وگلب نفسه عليه همس

مهاب: وين رايحه

غسق: اغير ملابسي

مهاب: مشتاقلج

غسق: مجاوبته باسني وخله كصته على كصتي وارنبه خشمه على خشمي

مهاب: حياتي جانت عدم قبلج خليتيني احس بطعمها خليتيني احبها

غسق: بقى ساعه يتغزل وساعه يبوسني علما رحنا اني ويا لغير عالم
راح لحمام طلع رحت وراء سبحت غيرت ملابسي طلعت. كاعد علسرير شافني ابتسم

مهاب: حضري روحي نروح انزور

غسق: اخاف يشوفونا خلينا اهنا

مهاب: سالفه الخوف بطليها ابويه وحضري روحج نطلع

غسق: لبست الصايه لبست حجابي وطلعنا لزم ايدي وتمشينا للامام علما وصلنه اني ابجي وادعي ربي بجاهم يريح بالنه ويخلصنا منهم ويعمي عيونهن زرنا صلينا وكعدنا بلصحن

مهاب: باجر اروح ادور شقه احسن من الفندق ناخذ راحتنا

غسق: ناوي تستقر اهنا

مهاب: اي فتره

غسق: خلينا نطلع منا مهاب اخاف عدهم ايد بكل مكان ويلكونا نروح من مطار النجف لدبي او غير بلد فتره

مهاب: نبقى فتره اهنا وبعدين نروح

غسق: مهاب لا دكول فتره انت مدتحس بلخوف االبداخلي الله يخليك خلينا نطلع اعصابي خربت من التفكير والله

مهاب: عندي امور لازم اصفيها قبل لا نروح

غسق: عوف كلشي لخاطري خلينا نبدي من الصفر
بقى يباوعلي بحيره واني دموعي تنزل

مهاب: عليش البجي مسحي دموعج

غسق: اوعدني نطلع منا  فدوه خلينا نروح والله اذا لكونه هلمره مراح يرحمون بحالنه

مهاب: الله كريم هسه اشوف شلون تصير

غسق: باجر احجز خلينا نروح لا تأجلها
سكت مجاوبني اشوف الحيره بعيونه بقينا كاعدين بحوش الامام علما تعبنا رحنا لسوبر ماركت اشترينا حبشكلات ورجعنا للفندق بعد ماحجينه تابعنا فلم علمود ننسه او نتناسه النمر بي نمنا كعدت ثاني يوم على صوت اذان الضهر صليت كعد مهاب  تغدينا نزل جاي وباوعلي

مهاب: باجر نطلع للنجف وباجر اروح احجز لدبي

غسق: ابتسمت بفرحه والله احسن شي منبقى بهلقلق العايشي هسه هز راسه

مهاب: نروح للسوك اشتري شكم حاجه وكم قطعه ملابس

غسق: طلعنا بوجهنا للسوك اشتره ملابس وانه هم اشتريت كم حاجه فرحانه لأن اقتنع ومتاكده راح نرتاح اهناك ممكن تكون البدايه صعبه فتره علما نتعود وهي اساساً بدايه كلشي بهلحياه صعب رجعنا للفندق سبح غير ملابسه وطلعنا لامام صليتا المغرب والعشاء بقيت ادعي من كل گلبي ربي يسهللنا رجعنا گبل نمنا للفجر كعدنا لمينا غراضنا وصلينا وطلعنا اخذنا تكسي للنجف خليت راسي على الجامه علما وصلنا هم اخذنا فندق صعدنا للغرفه تمدد صارت بثمانيه كام

مهاب: اروح احجز وارجع نزور

غسق: هزيت راسي طلع كمت قفلت الباب وتمددت
حاسه براحه مختلط بخوف وقلق
للدعش يلا رجع مكمل التذاكر كمت من الفرحه حضنته وبسته فعلاً حسيته يسوي كلشي علمودي علمود يسعدني ويحميني الخوف البعيونه عليه واضح حضني بكل قوته

مهاب: دتجبريني علمنكر

غسق: ابتسمت نزور ونتريك

مهاب: هااا هسه صارت بيها زياره ماخفتي ربج ماكلتي خطيه اخلي الشياطين تكمز على راسه

غسق: ابتعدت منه وهو يضحك متنعاد سحبني صرت على صدره

مهاب: لا دكولين متنعاد انه دافع عمري ثمن لحضناتج

غسق: باس راسي وراح للحمام بدلت طلع شوكت نروح

مهاب: باجر

غسق: ليش مو اليوم

مهاب: مستعجله

غسق: ممستعجله بس اخاف يلكون مكانه

مهاب: ميصير هلشي يلا امشي

غسق: رحنا تريكنا ودخلنا زرنا فعلا راحه هلمكان تحس من تدخل الهموم البداخلك كلها تتبخر الراحه الي بهلمكان ماتنوصف كملت طلعت شفته كاعد منتضني تقربت وكفت يمه

مهاب: زياره مقبوله

غسق: يتقبل الله اعمالك كعدت يمه اطلب منك طلب

مهاب: عيوني الج

غسق: نروح نزور بابا وماما

مهاب: سهله العصر نروح الشمس قويه هسه

غسق: هزيت راسي لمحت مره من بعيد توزع علك اكيد طالبه مراد وتوزع نذرها باوعت عليه هسه اجي تقربت منها اخذت علك باوعتله ابتسمت كعدت بصفه

مهاب: جان كتيلي اشتريلج قبل لا ندخل

غسق: جيب ايدك

مهاب: شسوين

غسق: جيبها خلاها بحضني سويت العلك قطعتين شديت نص بايده ونص هو شداها بايدي وباسها

مهاب: ربي لا يحرمني منج يا شمعتي يا ضوه روحي

غسق: ويحفظك ويخليك ابتسم بقينه كاعدين للعصر رحنا للمكبره وصلنا على كبرهم كعدت بيناتهم  صفنت عليهم  لو عايشين مجان شفت كل هذه ولا عشت العشته مشتاقتلكم اني والله كلبي يوجعني عليكم كل ليله ماما حبيبتي مشتاقتلج مشتاقه لضحكتج لكلامج لنصائحج لو تعرفين شلون ايام عشت من بعدكم لو تعرفين الوجع العشته والخوف والقلق مجان بقيتيني وحدي جان اخذتيني خليتيني يمج بحضنج ماما ليش رحتي وعفتيني اني بحاجتج بحاجه لكلامج ودعائج
مشتاقه لكعدتج وجهج يا بعد عافيتي غسلت الكبور لزمت كبر خليل حتى انت اشتاقيتلك اقبل تجرحني وتاذيني بكلامك بس ارجع تدري خليل انت من جانو بابا وماما عايشين تحسدني على حبهم ودلالهم وبسبب هلشي كرهتني وهسه اني احسدك لأن قريب منهن وشابع منهم بس اني ماكرهك انت اخوي وغالي عليه ادعي ربي يرحمك ويغفرلك قريت قران اراتحيت التفت شفت مهاب واكف يدخن ويباوعلي ابتسمت تقربمني قره الفاتحه مسح دموعي اعتذر اخرتك

مهاب: عادي ماعندي شي تأمرين وتددللين على كلبي الواكع بيج

غسق: ابتسمت التفت على كبر بابا

مهاب: الف رحمه على روحك عمي على هلخلفه والانتاج هذه تستاهل ادعيلك بلجنه وحور العين

غسق: ضربت جتفه حور العين عليمن تريد تزعل ماما

مهاب: شهلضلم يعني بلدنيا مكابلها بلاخره هم يكابلها غير شوي يغير ميصير هيج

غسق: باوعتله ماما متتغير بابا معليك بي مو تزعل ماما تره ازعل منك سحبني من ايدي هو ويضحك

مهاب: لا تگلبيها مناحه تره اشاقه عمي بروح ابوك ابقى على عمتي اصيله

غسق: ودعتهم وطلعنا رجعنا للفندق صلينا ونمنا لثاني يوم الصبح باوعتله كاعد يفرك براسه بيك شي

مهاب: لا ماكو حضري روحج علمود نطلع للمطار

غسق: ساعه بيش الطياره

مهاب: العصر بس انتي حضري كلشي علمود نطلع نفتر ونصلي ونرجع ناخذ غراضنا ونطلع گبل

غسق: كمت حضرت كلشي شفت ملامح الوجع واضحه بوجهه همست بيك شي

مهاب: ماكو بس احس راسي ماذيني

غسق: اخاف مال الشسمه

مهاب: اي هسه شوي ويروح الوجع

غسق: بدلت وطلعنا افترينا واكلنا اشترينا شكم شغله نحتاجها خليناها بلفندق ورحنا صلينا وزرنا ودعنا الامام وطلعنا للفندق اخذنا اغراضنا ورحنا للمطار ننتضر طيارتنا اجه الوكت كلبي كام يدك لزمت ايد مهاب قوي باوعلي وابتسم شون صار راسك

مهاب: احسن

غسق: ركبنا الطياره وبقينا وشوي شوي صعدنا فوك لازمه ايده بقوه واحجي ويا مهاب ممصدكه راح نخلص يعني نرتاح ابتسم

مهاب: فرحتج تسوه عندي الدنيا والبيها

غسق: ساعتين وصلنا تقريبا ب ثمانيه هبطت طيارتنا
باوعلي

مهاب: ناخذ فندق الليله وباجر اطلع ادور على شقه

غسق: اي رحنا لفندق ارتاحينه لثاني يوم طلع يدور شقه للمغرب يلا رجع الله يساعدك شو تاخرت

مهاب: لكيت شي مرتب وماثث يلا نروح

غسق: جريت حسره صار اقل الاسبوع مغيرين كومه اماكن راسي داخ واحس بتعب وصلنا للشقه فعلاً حلوه وحتى اثاثها حلو

مهاب: عجبتج

غسق: كلش حلوه عاشت ايدك رتبت اغراضنا ورحت كعدت يمه بيك شي احسك مهموم

مهاب: احجيلج بدون ماتضوجين

غسق: هزيت راسي اي

مهاب: الحبوب العندي بدت تخلص وانه لذا ماخذها راسي ينفطر من الوجع

غسق: بلعت ريك بخوف خفت يضعف بسببهن ويرجعلهم وينسى كل التعب التعبنا لزمت ايده بخوف يمكن الخوف واضح على ملامحي وصوتي اليرجف
اتعالج روح لدكتور وشوف شنو يكلك

مهاب: احس ماعندي طاقه للعلاج

غسق: حاول لخاطري مهاب بداعتي وغلاتي عندك لاتضعف حك طرف حاجبه وباعلي

مهاب: هلسبوع احاول اروح لدكتور بس اعتقد فتره العلاج تتاخر. شلون بهلحاله ابقيج وحدج؟

غسق: تعالج بلبيت

مهاب: ماكدر انه من ماخذ هلسم اصير حيوان واخاف ائذيج وماتسيطرين على الوضع

غسق: ماعليه شي اني ابقى اهنا منتضرتك فرك وجه وسحبني باس راسي

مهاب: اتفق ويا حارس العماره كل يومين يجيبلج مسواگ والتحتاجي ارتب اموري واروح

غسق: باوعتله تجرئت بست عينه

مهاب: كولي ماحارش؟

غسق: بستك محارشتك

مهاب: خلت بانزين على النار ودكول ممحارشتك  تعاي فدور كملي واخذي حقج الشرعي وانه الممنون

غسق: عززه شكد منحرف انت والفااظك محلوه كمت من يمه هو هم كام وقلد صوتي

مهاب: عزززه ماجربت الحمام شلونه مريح ششو تعاااي

غسق: مرت الايام هاي اسبوع احنا اهنا مهاب كلما يتقرب موعد الدكتور كلما يتوتر ويعصب اكثر لأن يعرف حالته تحتاج مستشفى
اليوم كاعده بصاله وهو بلغرفه عفته نايم كمزت من صوت شي يتكسر ركضت للغرفه شفته مكسر الجامه وبعده مستمر يضرب بلغراض مهااب شبييك شدتسوووي

مهاب: كله بسببببج انه وصلت لهنا عاااايش ومرتاح وماكل خررره ونعل ومنجب شكوووو دخلتي حياااتي شكوووو حبييت وصخمت وجهي

غسق: تقربت منه دفعني

مهاب: لا تتتقربييييين

غسق: شبيك لا تخوفني شصاير اهلك بيهم شي

مهاب: خرره بييج وخررره بلحب وخررره بليحب انييي تالي عمررري امشي وره مررره ولااا اغير حياااتي علمودهاااا انعل كحبتك.... ويا شريفتكم

غسق: كترت نفسي خفت يضربني مصدومه من تصرفه قبل لا ينام جان كاعد ويتغزل بيه ويحجيلي عن خوفه عليه من يروح يتعالج وشلون يبقيني وحدي حتى جهاز اشترالي علمود يتطمئن عليه واطمئن عليه تعب كعد علسرير يدخن بعصبيه والعرگ يقطر من كصته منضره يخوف تقربت منه لزمت ايده المجروحه مهاب لا تخوفني شبيك

مهاب: انه ماكدر بدونهن غسق افهميني من البارحه مماخذ خلصت احس وجع راسي عامي عيوني

غسق: روح مهاب فدوه رحتلك روح انت مو الدكتور كلك تحتاج متسشفى روح هسه خليهم يعالجوك اذا تريد اجي وياك

مهاب: لا ميحتاج رايح بس حضريلي جنطه ملابس علما اروح اغسل

غسق: يحجي عيونه حمر دم. راح للحمام حضرت جنطته وخليت كلشي يحتاجه ومن ضمنهم قران صغير ومصلايه اكيد يحتاجهم اهناك طلع غير ملابسه باوعلي تقرب مني حضني حيل باس راسي

مهاب: مثل ماوصيتج غسق تحتاجين شي وصي الحارس طلعه لا طلعين اخاف تضيعين والفلوس بلكنتور من تحتاجين شي وبليل قفلي البيبان زين

غسق: انتبهه لنفسك مهاب خليني بين عيونك دووم راح الهواي بقى شي قليل باس راسي ومشى خطوه حضنته من وره وهمست احبك ارجع بسرعه محتاجتك اني

يتبع<>

‏"كُلُّ مَكاسِب الإنسان تتجلّىٰ فِي اللحظة الَّتِي يَشعُر بأنَّهُ ثمِين فِي حَضرة مَنْ يُحِبّ "