رواية شوگ و ورد الفصل الثلاثون 30 - بقلم wad. al.Basha

للكاتبه : ود الباشا

لوحدي تعلمت ماردت عون انسان تلويني المصايب وارجع الويها عزت نفسي جندي من اعثر ارمي الروح اكتلها ولا للاسر انطيها ،

غسق: بلعت ريكي وكمت ازحف ليوره تقرب مني خطوه لا تتقررررب  حااولت اكوم مكدرت

رائد: شمطلعج بهليل؟

غسق: مجاوبته بقيت ارجع ليوره تقرب راد يلزم ايدي صرخت بحرگه سريعه لزم حلگي

رائد:  اشش اساعدج انتي تبقين ثوله ماتصيرلج جاره

غسق: مااريد مساعدتك مسمعني لزم ايدي حاولت اسند نفسي عليه واكوم مكدرت رفعني من خصري دفعت ايده ومشيت بخطوات ثكيله اخاف لا اوكع

رائد: شمطلعج مادكليلي جان رجلج راحت بهليل

غسق: بقيت اون من وجع رجلي ردت اوكع اجه لزمني

رائد: استغفر الله هو يتزوج وانه ابتليي بابا احجي شنو انخرستي شمطلعج بهلصخام

غسق: نزلت دموعي طلعت اشتم هوه اختنكت

رائد: اي زين راحت الخنگه لو بعدها اذا بعدها خطيه لا تزعلين رجلج الثانيه هم كسريها فرد نوب علمود تكعدين شويه تستقرين بمكان مو تكمزييين

غسق: رجع استغفر لا تجيب اسم الله علسانك وانت شارب

رائد:  شارب نعل وانتي انطيتيني مجال اشتم ريحته علمود الحك اشرب خرب يومج ويوم الشفتج بي

غسق: مجاوبته ياهو اليشوفني يكفر بليوم الشافني بي حسيت نفسي صدك فكر
وكفت لزمت الحايط ماكدر اكمل عفيه رجلي متت كعدت ابجي فرك وجه

رائد:  انتضري اجيب السويج واجيج اخذج للمستشفى

غسق: دخل بقيت اباوع على السما وابجي حيل متاذيه احسها ادك بگلبي
شويه وطلع باوعلي

رائد: اساعدج دكومين حاولت اكعد الوالده بس مكعدت ومكدرت الح

غسق: هزيت راسي كمت بلكوه سانده نفسي علحايط التفتلي تقرب لزم ايدي
ركبت السياره ولزمت رجلي من الوجع روحي احسها طلعت رائد يسوق وكل شوي يلتفتلي

رائد:  وصلنا مضل شي

غسق: وصلنا تقرب راد يلزم ايدي ماخليته رغم الوجع البيه بس حيل حذره ويا ادري بي ميحبني ولا اني اطيقه
دخلنا لرده الكسوور اخذولي اشعه وطلعت مفصوخه

الدكتور:  بابا تتحملين اطكها الج ترتاحين

غسق: هزيت راسي لا عفيه توجع
تقرب رائد باوع بعيوني

رائد:  تحملي شويه علمود ترتاحين

غسق: لا والله ماكدر خلوها هيج عادي اتحمل الوجع
فرك وجه بعصبيه

رائد يا تتحملين شوفي خلقتتتج لا تاذيني

الدكتور:  اسمعي كلام زوجج يلا بنتي

غسق: بقيت اباوع علدكتور

رائد: لزمي ايدي ولا تباعين

غسق: مالزمت ايده خليت اثنين ايديه على وجهي
وحسيت للدكنور يفرك برجلي وفجى طكهها الي يااابه شصار بيه صرخت صرخه هزيت المستشفى

الدكتور:  ها اها هانت خلصنا مابيج غير العافيه

غسق: انطوني مسكن وعصارات ولفوها الي رائد يباوعلي ويبتسم متشمت

رائد:  ههههه عليش اتشمت جبانه
يلا كومي لا يكعدون ومايشوفوج بلبيت يسووج زليخه براسي وانه خاطفج

غسق: كمت على كيفي مسحت دموعي ارشد مخابر جر حسره

رائد:  لا

غسق: طلعنا الطريق كله ساكتين وصلنا للبيت

رائد : بعدها توجعج

غسق:  احسن من قبل شويه يمكن المسكن اخذ مفعوله

رائد:  روحي ارتاحي

غسق: شكرا تعبتك
مجاوبني اني هم نزلت دخلت للمطبخ صفنت شلون اصعد اخاف اوكع وحوضي هم يتكسر
لزمت المحجر بايد وبقيت اصعد بايه بايه فتحت الباب الغرفه بارده ترد الروح تمددت بعد ماحسيت على شي يمكن المسكن اله دور بهاي نومتي العميقه فتحت عيني على دگه الباب كمت واني اصلا نسيت رجلي دست عليها روحي شاغت فتحت الباب خاله صبحت عليها تباوع لرجلي بصدمه

ام ارشد:  يايمه شصاير بيج

غسق: مجاوبتها

ام ارشد:  حجالي رائد يكول مخترعه شايفته بليل بصاله ضلمه وواكعه من الدرج

غسق: فتحت عيني مصدومه وبعدني على سكوتي دگ جهازها فتححته عرفت دتحجي ويا ارشد
انطتني الجهاز اجاني صوته

ارشد:  شوونج

غسق: الحمدالله انت شونك

ارشد:  ليش هيج تخلين بالي يمج بس فهميني لو صاير بيج شي

غسق: منتبهت والله

ارشد:  متوجعه يا وجعة گلبي

غسق: لا مابيه احسن بهواي من البارحه

ارشد:  احاول باجر انزل گلبي مفرفح عليج لا دومين هليومين ارتاحي لا تضغطين عليها

غسق: بقيت مركزه بلهفته وصوته اليرجف معقوله يحبني لهل درجه

ارشد:  غسق تسمعيني

غسق: اي

ارشد: روحي ارتاحي وفوك لا تصعدين كعدي بلغرفه الجوه

غسق: اي ميخالف انطيت الجهاز الخاله وبقت هيه تحجي ويا صفنت معقوله يحبني بدون مصلحه بس اني اخاف ياخذ طفل مني ويعوفني كلبي يفرفح جريت حسره رفعت راسي صارت ريتاج كبالي متشمته

ريتاج: اليوم شفت رجلج هيج ان شالله يوم الشوفج مجفنه بجفن واخلص من خلقتج

غسق: مجاوبتها اجتي خاله انطتني علاجي همست داتعبج وياي خاله

ام ارشد:  تعبج راحه بنيتي

غسق: عفتهم وستاذنت من خاله رحت للغرفه الجوه تمددت احس بروحي نعسانه خليت راسي علمخده نفتحت الباب دخلت ريتاج وطبكتها عدلت كعدتي

ريتاج: انتييي تااالي وياااج
والله يا غسق اذا ماطلعتي بكرامتج من حياتنه اطلعج سحلل اخليهم يطلعوووج باااالف جلااااق

غسق: طلعييي منا

ريتاج:  فكررري بكلاممييي واشتري روحج وسمعتج ليش تصير بلوحل

غسق: طلعت وطبكت الباب بقيت صافنه تعبت نفسيتي تعبت داحارب نفسي علمود اعيش واتعاااايش تااالي بكلمتين منها ينهدم كلشي بيه
تمددت ودمعتي بخدي غفيت للمغرب كعدت على صوت خاله

ام ارشد: غسق بنيتي كافي نوم غوربت الدنيا شجاج

غسق: كمت بكسل وياها للمطبخ خكيه حارت بيه صبتلي اكل وكعدت تاكل وياي مادري شون اجازيها همست خاله شكرا على كلشي تسوي وياي

ام ارشد: يمه فدوه لوجهج شمسويه هيه هاي اللكمه ناكلها انه وياج بنيتي انتي

غسق: مرت يومين عاديه وجع رجلي خف واكدر امشي عليها بس ماكدر اضغط زايد
العصر كاعده ومخليه الكتب اقره انفتحت باب الغرفه رفعت راسي ارشد كمت بسرعه وكفت بقيت صافنه عليه تقرب مبتسم باس راسي

ارشد:  شو كلما اعوفج تحلوين اكثر

غسق: الله يساعدك

ارشد:  ويساعدج يابه شون صارت رجلج

غسق: احسن اكدر امشي علبها بس ماكدر اضغط

ارشد:  شو امشي اشوف

غسق: مشيت باوعتله وجه مزنبر

ارشد:  ارتاح العصر اخذج لدكتور يشوفج نتاكد

غسق: مابيها شي وجعها راح يومين 3 وتصير زينه

ارشد:  ميخالف حبيبي نتاكد شو تعاي اشوف شنو هاي يم خدج

غسق: تقربت منه عض خدي ردت اصرخ لزم حلگي اذيتنيي

ارشد:  اكزكز اكلج شسوي بيج لخاطر ربج ولو انتي وحده شايفه نفسها ومغروره بس شسوي امري لربي

غسق: رفعت تك حاجب لا والله

ارشد:  اي والله بالله كلتي رجلي جوعان تعبان سابح مرتاح صارلج ربع ساعه موكفتني اهنا عقاب خوما عقاب

غسق: ههههههههه اسبح علما اصبلك اكل
سحبني من ايدي

ارشد:  جوعان بيج

غسق: راد يبوسني وندكت الباب حيل طبك حواجبه

ارشد:  مداهمه هم مو هيج شكوووو

غسق: نفتحت الباب دخلت ريتاج رجعت ليوره تقربت حضنته وبقت تبوس بي وهو يباوعلي بلعت ريك وتسحبت مسحت عيوني اني مالي مكان بينهم هو ومرته اني المدخله روحييي لازم انجب واتحمل من البدااايه جان رفضتي غبييه طول عمرج تبقين غبيه
نزلت للمطبخ حضرت الاكل خليته علميز دخل رائد باوعلي وياكل خيار

رائد: شبيج جنج عجوز ماكول عشاها

غسق: باوعتله بطرف عيني

رائد: باوعي عدل لا افكسهن الج

غسق: شبيك شتريد

رائد:  صبيلي اكل جوعان

غسق: كول من البدايه بعد عليمن صار ساعه تحجي
اخذت الماعون وصبيتله خليته كدامه انطينته صمون اجه ارشد مزنبر وريتاج وراء كام رائد سلم عليه وبقى مره يباوعلي ومره يباوعله ردت اصب لارشد سحبت الماعون من ايدي بقيت صافنه عليها
ترخصت منهم

رائد: وين متاكلين

غسق: حجيت بخنگه اروح ادرس عفتهم اخذت كتبي من الغرفه وصعدت قفلت الباب بقيت صافنه على الكتب ليش گلبي هيج يدك ليش احس روحي تريد تطلع مو جنت مااهتم مو جنت اكول اني دخيله بينهم مالي علاقه ليش احاولي تغيرت احس بيه نااار تحركني مجنت اهتم والله ماريد اهتم اصلاً اني اهنا فتررره بس فتره اعتمد على نفسي واطلع مابقى اهنا
كمت غسلت وجهي اريد النار البيه تطفى فتحت شعري ورجعت سديته بقيت افتح واسد بسحاب التشيرت تريد شي يهديني خليت راسي علئ الجربايه وبقيت اباوع علسكف مو هاي حياتي ولا هذه مكاني بعمري مردت هيج بمكان وهيج حياة طموحي اكبر من هيج
اببد مو طموحي اتزوج رجال متزوج واكعد اغار عليه من زوجته هايي مو اني مووو اني والله مو اني
مسحت وجهي متوتره ليش هيج صار بيه حتئ لو يطلكني وين اررح المن اشكي اكعد ابيت بابا وحدي الجيران مراح يكولون شعندج وحدج مراح يفكرون تفكير محلو بيه تحركت يده الباب بقيت اباوع عليها غمضت عيني دكها دكتين

ارشد:  غسق فتحي

غسق: غمضت عيني اقوه رجع دكها مافتحتهت دكها قوووي

ارشد:  فتحيها لا اكسرها لا تخلين بالي يمج

غسق: كمت بخطوات بطيئه فتحت الباب دخل باوعلي

ارشد:  شبيها عيونج

غسق: خليت ايدي على وجهي وكمت ابجي بهستريه اني هم مداعرف نفسي ومداعرف شداسوي كرفص كدامي وخر ايدي من وجهي وحضني

ارشد:  شبيج باابا لا تخبليني فوك خبالي منو ويااج

غسق: انت انت مو ت تحبني طبك حواجبه
طلگنييي والله ماتحمل اني ماتحمل اعيش هيج روحي دتطلع تفهم موووو
كومني كعدني علسرير جاب بطل ماي شربني

ارشد: شددكولين بيج شي انه كايلج وارجع اكلج ريتاج مالج شغل بيها ولو مخايف عليج ثااانيه وحده مابقيج اهنا

غسق: حضني بقوته احس شويه وادخل بضلوعه

ارشد:  ااشش ماريد اشوف دموعج لخاطر الله تره تعبان روحي طافره مييفييد اكلج كومي بدددلي خلينا نطلع

غسق: مسحت دموعي وين

ارشد:  كومي بعدين عود اكلج وين

غسق:  لبست صايه ولفيت حجابي ردت اخلي مكياج مقبل نزلنه لازم ايدي عمو وريتاج وخاله كاعدين شافو لازم ايدي عمو نتر بي

ابو ارشد:  وييين ياالله هسه دخلت للبيت الاعرفه تاخذلك يومين نايم

ارشد:  يابه عندي شغل ميصير

ريتاج: اجي وياكم

ارشد:  غير مره يلا اترخص

غسق: سحبني وطلعنا للكراج شافنه رائد ابتسم

رائد: اخويه العزيز مسحول  خير ان شالله

ارشد:  خير اليصيبك طالعين شبييكم تحسسوني اول مره اطلع

غسق: سحب ايدي طلعنا ركبنا السياره بقيت اباوع عليه وين رايحين

ارشد:  اخذج لدكتور اشوف رجلج

غسق: ماكو داعي والله مابيه شي

ارشد:  متاكده متائذيج الدكتور مكال ارجعي

غسق: لا مجاب طاري وهي اصلاً صارت زينه
سكت ماحجه حرك السياره وصلنا للكاظم باوعلي وابتسم تذكرت من جابني اهنا عقد عليه غصب ومخلاني ازور خاف اشرد منه

ارشد:  ندخل نزور براحتنا

غسق: متخاف اشرد؟

ارشد:  متسويها

غسق: نزلنا لزم ايدي بكل قوته

ارشد:  احجيلج اول مره اجينا اهنا وجنتي محبوره تجيين وياي

غسق: بيومها هواي تاذيت حسيت روحي طلعت وانت عصبتني على كلشي

ارشد:  حبيتج ومجنت اعرف بروحي شسوي شصرف شلون احميج جان الحل الوحيد تكدرين تنسين كلشي
نبدي صفحه جديده

غسق: نمشي ايد بايد واباوع على گبه الامام واذني يمه اسمع كلامه ماريد احبه ماريد اتعلق بي احلامي اكبر من هيج احلامي اكبر بهواي من اكعد اخلي ايدي جوه خدي واغار عليه من ريتاج نزلت دمعتي من تذكرت اني حبيته كلبي يركص لشوفته

ارشد:  ندخل نزور ونصلي واشوفج بحوش الامام

غسق: هزيت راسي
باس راسي بشارع كدام الناس ماهمه شي وراح اني هم دخلت فتشووني ودخلت كبل للامام زرت وصليت اختنكت بجي حايره ضايعه ماعرف شصرف اتي احبه بس ماحب الضروف الجمعتنا ولا احب كونه عنده زوجه شلون حبيته مادري شلون كلبي خدعني هيج مسحت دموعي وكمت لمحت غدير هي والله هي مستحيل انساها تقربت منها بقيت اباوع عليها وهيه صافنه بوجهي معرفتني همست بتردد خفت تكون وحده تشبهه غدير دمعت عينها

منو انتي

غسق: غسق تذكريني ماحجت شي حضنتني

غدير:  شلون ماذكرج شلونج هاي شصاير بيج

غسق: انتي شلونج باوعت بطنها جبيره مبين حامل شسويتي ويا ابن عمج والله مانسيتج

غدير:  تزوجته غصب وعايشه ويا غصب

غسق: عندج وكت نكعد نسولف
هزت راسها ليش تبجين

غدير: اهلي دمروني غسق حطموني بدون مايحسووون
اني رضيت بي وكلت ربي قاسملي هيج يوم بعد يوم اكتشف بي شي يخليني اكرهه اليوم اجه يعقد فوك كلشي تزوج عليه بحجه ممرتاح وياي واني جامده ويا

غسق: صفنت بوجهه اني ضعت من بعد اهلي وهيه اهلها ضيعوها اني احتركت من بعدهم وهيه محتركه بوجودهم اكو اهل حررام يتسمون اهل تحبي
مسحت مسحت دموعها

غدير:  لا امره والله بس هاااني خلاهم يتشمتون بيه وهو يضحك گلبي ديحترك فوكاها اني حامل ماردت طفل والله ماردت وداخذ مانع مادري شون صار زاد همي هم

غسق: الكلام ضاع مني خرت شحجي شكول يبرد نارها
حضنتها وكمت ابجي وياها شويه واجتي مره مدحدحه عرفتها مرت عمها اجت تاخذها حضنتني وبقت تبجي

غدير:  ادعيلي اموت وارتاح الظاهر ممقسومتلي الراحه ببدنيا

غسق: اسم الله عليج ربي يبرد كلبج ويسعدج اخذتها مرت عمها وراحت بقيت ابجي وزاد قهر گلبي فوك قهري جانت شاطره روحها بدراستها حسبي الله باهلها
طلعت ادور على ارشد شفته واكف ويتلفت خاير عيونه ادور تقربت منه هنست زياره مقبوله وفركت ارنبه خشمي كابك حواجبه مزنبر

ارشد:  صدك تحجين تاليتج تخبليني بلقران

غسق: شكو

ارشد:  صارلج شكددد بااالي ضل عليج

غسق: شفت صديقتي وكعدنا حجينا

ارشد : وشبيها عيونج

غسق: خطيه بجتني سحبني من ايدي وطلعنا مو كلت نكعد بحوش الامام

ارشد:  جعت نروح ناكل

غسق: شكد ياكل كعدنا بمطعم نزل اكل صفن بوجهي

ارشد:  شبيها صديقتج هيج مبجيتج منعوله الوالدين

غسق:  اهلها ظلموها زوجوها غصب واليوم جاي وجايبها يعقد علئ غيرها وهي حامل بحجه ممريحته
بقى صافن بوجهي ومسح وجه بكف ايده

ارشد:  ناقص

غسق: بلعت ريك مو انت هم تزوجتني على ريتاج باوعلي عيونه حمر ذب اللكمه من ايده

ارشد : وانه متبطرن وتزوجت على صخمان مو تعرفين الصار مو عندج علم بكلشي

غسق: مو مبررر انتو دائماً تبررون لنفسكم
مجاوبني شويه ورجع همس

ارشد:  اذا بيوم افترگنا عادي عندج؟ تكملين حياتج طبيعي

غسق: حسيت بكلامه يقصد شي ديلمحلي على شي
اذا عندك شي اسأل بدون الغاز خليني افتهم وافهمك
اتهرب بعيونه محجه بعد صاح الولد على جاي كعد يشرب ويباوعلي دك موبايله حوله صامت وشمره عرفت ريتاج

ارشد:  حجزتلج باجر دكتوره نسائيه

غسق: اني ماريد طفل صاح بصوت البلمطعم كلها التفت علينا

ارشد:  مو بكيفج خلصينييي بعد تعبببت

غسق: بقيت صافنه اريد افهم قصده من شنو تعب من شنو اخلصه تهرب من عيوني كام راح للحمامات واني على صفنتي حتى اللكمه الجنت اريد اخليها بحلگي ذبيتها بلماعون رجع عبونه دم وحواجبه مطبوكه

ارشد:  خلصتي

غسق: هزيت راسي اي كمت ويا دفع الحساب ركلعنا للكراج ركبت السياره وراسي احس بي حرب من التفكير خليت راسي علجامه مشى بدون مايحجي عدلت كعدتي لازم افتهم منا باوعتله يدخن ويسوق
ارشد شقصدك من شنو اخلصك ومن شنو تعبت؟

ارشد:  ماكو شي وانتي لا تكعدين تحسبيلي الحجايات احساب

غسق: ضام عليه شي زمخ بيه

ارشد:  لااا تلحييين كتلج ماكو شي

غسق: بلعت ريگي وسكتت خايفه من كلشي احس على يا ساعه انصدم بي يغدر بيه مثل عمي

وصلنا للبيت نزلت صارت بوجهي مسره هي وغسان ابتسمت سلمت عليهم مشتاقتلج شو ماكو

مسره: بلبيت والله مريلنا حبابه

غسق: هزيت راسي ان شالله ترخصو جانو مستعجلين يطلعون دخلت جوه ملتمين بصاله دخلت رائد باوعلي ونزل راسه ريتاج بقت تباوعلي بحقد سلمت وصعدت للغرفه قفلت الباب حيرني مادري شيريد حتخبل اندكت الباب مافتحتها

ارشد:  غسسسق فتحييي

غسق: خفت يعصب وياذيني فتحت الباب سحبني من ايدي

ارشد:  علييييش قافلتها

غسق: ردت ابدل رفع حاجبه وعافني قفلها راح نزع ملابسه ودخل للحمام تمددت افكر بكلامه وبلديصير
اكو شي مشفر شي ضامي بيناتهم غيرت ملابسي ونزلت متحملت ابقى ويا بنفس المكان اعرف بنفسي افقد واتعارك ويا

كعدت يم خاله همستلي

ام ارشد:  بيج شي يمه لونج مخطوف

غسق: هزيت راسي لا

ام ارشد:  رحتي لدكتور شكال على رجلج

غسق: زينه مابيها شي رفعت راسي رائد يباوع ويدخن نزلت راسي بسرعه اخلص من اخو هو يطلع بوجهي راح انفجر اريد مكان مابي احد نزل ارشد باوعلي بخزره واشرلي اصعد ماهتميتله كعد بصفي وكرصني من زندي فزيت انتبهت خاله بس ماسألتني ترخص رائد صعد فوك

ارشد:  عليش نزلتي

غسق: اذيتني

ارشد:  عليييش نزلتي

غسق: كاز على اسنانه ويحجي ردت اجاوبه وجاني صوت ريتاج

ريتاج: حبيبي تجي للغرفه شويه اريد احجي وياك بموضوع

ارشد:  بعدين ريتاج

ريتاج:  ماكو بعدين

غسق: كام راح وياها خاله باوعتلي وهزت راسها ابتسمت الها ترخصت صعدت لغرفتي خفت اقفل الباب وهم يحجي مالي خلك لشي تمددت وغمضت عيني محسيت شلون نمت فزيت على ايد تلعب بشعري والثانيه على خصري فزيت مرعوبه

ارشد:  شبيج

غسق: كمت من مكاني

ارشد:  وين

غسق: اشرت للحمام دخلت طبكت الباب بقيت صافنه علما اندكت الباب

ارشد:  غسسق فتحي بيج شي

غسق: كمت غسلت وجهي عدلت شعري وطلعت شافني

ارشد:  شبيج لونج مخطوف

غسق: حلمت حلم محلو

ارشد:  تعاي نامي ارتاحي شوي

غسق: هزيت راسي رحت علسرير حضني وبقى يلعب بشعري معقوله هاي حنيته خوفه نظراته جذب معقوله ديمثل عليه

ارشد:  لا تفكرين بشي نامي

غسق: غمضت عيني ونمت بتعب كعدت الصبح على دگه الباب قويه كام فرك وجه وصااح

ارشد: فررررد نوب كسروو الباااب

غسق: فتحها دخلت ريتاج عيونها مدمعه انقهرت عليها

ريتاج: حبيبي ماما وبابا جوه وانت تاخرت

ارشد: ناازل

غسق: طلعت وهو راح غسل وبدل بدون مايحجي حرف
كمت غسلت طلعت شفته ماكو كعدت علسرير ماريد انزل واسمع حجايه كلبي مو حمل صدمه بعد ماكدر

كلت انزل اسلم واروح يم مسره مشتاقتلها وهيه بذاته لا تجي ولا تسأل نزلت درجه اخطي خكوه ومتردده بلثانيه صار بوجهي رائد

رائد:  شبيج تسوي تاتي تواتي

غسق: منو بلمطبخ

رائد:  داحس نفسي صاير حباب اعتقد احنا واحد مكايق الثاني شكو تسأليني

غسق: مجاوبته فتت من يمه همس

رائد:  كلهم بلمطبخ

غسق: التفت عليه مسره ابيتهم رفع حاجبه

رائد:  قصدج غسان

غسق: عفته وفتت للمطبخ صبحت عليهم محد حاوبني غير خاله وارشد ترخص عفتهم وطلعت للكراج ردت اروح يم مسره خفت نايمين استحي جريت حسره ودخلت كعدت ين خاله اشرتلي قربت من الاكل وهمست اكلي بقيت انكش

ريتاج:  حبيبي نروح نتونس حباب ضايجه

غسق: رفعت راسي باوعتله

ارشد:  عندي موعد اليوم ماكدر غير يوم

ريتاج:  اجي وياكم لعد

ارشد:  ريتاااااج كااافي

غسق: كامت صعدت مبرطمه امها عاتبته كام دفع الكرسي وصعد اني هم جريت حسره نظرات امها اكلتني عفتهم وصعدت لغرفتي دافتح الباب ولمحت بابهم مفتوحه حاضنه لازمها من خصرها
وراسها بركبته

ريتاج:  ماتحمل تصيح عليه والله تعبت كلشي ماريد اريدك الك

ارشد:  مبقى شي ريتاج لا تخربين عليه الاول وتااالي تحملي ويااااي تره انه هم متااذي

غسق: متحملت منضرهم عفتهم ودخلت للغرفه احس نغزه بگلبي خليت ايدي حباب لا تكسرني تقوه لا تخليني انذل وانكسر لا تتعلق بشي مو الك لا تعبني
نفتحت الباب دخل ارشد درت وجهي للصفحه الثانيه ماريده يشوفني هيج تقرب مني رفع وجهي

ارشد:  شبيج شوكت صعدتي؟

غسق: هسه

ارشد.  صاير شي

غسق: لا

ارشد:  كومي غسلي وجهج وكاغي بجي

غسق: ماهتميتله تمددت كعد كدامي

ارشد:  العصر موعد الدكتوره مو تنسين

غسق: طفل ماريد

ارشد: موو بكيفج خليها ابااالج لو اكر الامر والعلاااج يتاااخر انسوووي انابيب

غسق: عدلت كعدتي بقيت اباوع عليه شنو غاايتك اللن يخليك احجي لا تضم شي لا تخدعني وتاذيني
فرك وجه متوتر

ارشد:  عبااالج كلها مثل عمج وخااالج

غسق: يعني مراح تخدعني مثلهم
ماحجه طلع وطبك الباب حيل للعصر نفتحت الباب غمضت عيني بسرعه تقرب يمي

ارشد:  ادري بيج كاعده كومي حضري روحج

غسق: نزلت دمعتي لزمت ايدع بارعت بعيونه والدمرع تلالي بعيني مراح تخدعني مراح تغدرني موو راح نصير عائله

ارشد:  شوووكت تجوزين من هلسالفه

غسق: اقنعني تريد طفل النه مو علمود تنطي لاحد

ارشد.  كومي هسه مو وكت هلحجي يلا منتضرج جوه

غسق: كمت بتعب غيرت ملابسي ونزلت كلهم ملتمين بصاله خاله اجت وكفت يمي

ام ارشد:  شبي وجهج اصفر يمه اكلي لكمه

غسق: مااشتهي خاله باوعتلها طبطبت على متني ركبنا السياره طول الطريق محجينا شي نزلنا يم العياده انتضرنا سرانا صاحت السكرتيره اسمي دخلنا حجالها على الحمل الوالد والاسقاط وهي اتهز راسها
كتبتلنا جدول وعلاجات وكالت الشهر الجاي راجعوني احتمال جبير حمل لان البنيه نضيفه

طلعت مخنوكه ركبت السايره وهو راح يشتري العلاج رجع باوعلي وساق

ارشد:  ابقي بلغرفه الجوه لا تصعدين

غسق: ماارتاح جوه

ارشد:   بس فتره

غسق: هزيت راسي وصلنا للبيت صعدترلان ملابسي كلها فوك ذبيت الصايه دخل

ارشد:  شكلت انه

غسق: ملابسي كلها اهنا انزل الاحتاجهم

ارشد:  اي احسن رائد ابتعدي منه ماريده يسمملج عقلج مالي خلك روحي تره

غسق: انت تعرف علاقتي ويا موشي

ارشد:  اي احسن رايح ارتاح اخذي التحتاجيهم ونزلي

غسق: طلع وطبك الباب اخذت كم قطعه ملابس ونزلت شافتني خاله اجت وراي للغرفه

ام ارشد:  شو جوه يمه

غسق: رفعت جتفي مادري ارشد كال هزت راسها
خاله اسالج جاوبيني فدوه لزمت ايدها

ام ارشد:  شبيج امي

غسق: خاله ارشد ليش تزوجني وليش يريد طفل فدوه احجي كلام عمو صحيح مووو يعني يريد ياخذ الطفب ينطي الريتاج

ام ارشد:  منيلج هلحجي ارشد كلج

غسق: لا هاله اني اني داحس هيج والله احساسي يكلي هيج

ام ارشد: عوفي هلتفكير امي لا تخربين حياتج من وره هلتفكير وتاذين نفسج ارشد مياذيج هو يمشي ويوصيني بيج

غسق: نفتحت الباب دخل عيونه بكصته محجه شي بس يخزر بيه طلعت خاله وتقرب لزمني من حنجي

ارشد:  تخبلتي انتي موووو صاحيه

غسق: متكدر تنكر والله اني داقره عيوونك لزمت ايده وهو صافن عليه حباب ارشد لا تكسرني اني اني حبيتك والله كلبي يدك طبل من يشوفك لا تكسرني وتاذيني مااستاهل

ارشد:  نااامي غسق انتي خلااااص تخبلتي

غسق: ليييش تشرد من عيوني باوعلي باوعلي وكووول جذب بررر ريحني

يتبع<>

- ‏لو أنني أعرف كلمة أعمق من كلمة انطفأت لقلتها، أنا لم أشعر من قبل بانطفاء روحي مثلما أشعر بها الان، بات قلبي فارغًا كأنني مدينة بلا نوافذ.