رواية شوگ و ورد الفصل الحادي والثلاثون 31 - بقلم wad. al.Basha

للكاتبه ود الباشا

چَا وكَلبي هَسه المن ، چَا والعيوُن البيك حِلمن ؟ .

غسق: كووول جذب بررر ريحني

ارشد: مامجبووور اكعد ابررلج شي هاااي الافكار شيليها من بااالج

غسق: عافني وطلع مبرد گلبي محجه كلمه يريحني بيها استسلمت لكلشي خضعت اله حبيته حتى من يلتحق صرت اخابره اسمع صوته مرات يجاوبني ومرات لا مرت الايام وهااي شهرين على روحتي للدكتوره احس بروحي حامل بس اخاف احجي
بعد يومين يجي ارشد
ريتاج مبتعده مني مالها شغل بيه وهلشي مريحني عمو مااكعد ويا بنفس المكان لان ياذيني بكلامه طلعت رحت لبيت غسان دكيت الباب مرتبكه فتحتها امه باوعتلي

ام غسان: خير يمه

غسق: بلعت ريكي اجيت اشوف مسره

ام غسان: راحت لبيت اهلها مو اهنا

غسق: هزيت راسي عفتها ومشيت اجه رائد

رائد: اليوم بلكراج

غسق: ردت اتمشى شوي حك راسه وباوعلي بتمعن حيرني

رائد: احاجيج بس لا تسأليني شي

غسق: هزيت راسي

رائد: طفل لا تسوين امنعي هلشي

غسق: طبگت حواجبي بعلامه استفهام
رجع كل الشك والقهر لراسي احجيلي شتعرف الله يخليك

رائد: ميفيد احجيلج او لا بس اخذيها نصيحه مني لا تسوين

غسق: ليش

رائد: مو كتلج لا تسألين

غسق: عافني وراح كعدت بمكاني صافنه ميسويها اني واثقه منها اذا ميحبني جان عافني يم خليل مجان ساعدني مجان تزوجني وحارب الكل علمودي
جان خلاني اتزوج وماهتم مو اجه محروك خرب كلشي
كمت نكتت ملابسي دخلت جوه صاحتني خاله

ام ارشد: يمه بيج شي

غسق: هزيت راسي لا

ام ارشد: تجين وياي للسوك محتااجه شي طالعه اجيب كم حاجه

غسق: اي بس دقيقه ابدل واجي ردت بس امشي اطلع الطاقه من جسمي اذا ابقئ هيج يصير بيه الف مرض لبست ونزلت صارت بوجهي ريتاج نترت بوجهي

ريتاج: وييين

غسق: رفعتلها حاجبي شعليييج عفتها ورحت للمطبخ شفت خاله منتضرتني كامت

ريتاج: خاله وين ماخذتها ارشد مايقبل تطلع

ام ارشد: البنت وياي لا احد يتدخل امشي يمه

غسق: اخذت موبايلها ودخلت جوه عرفتها حتخابره بس مهتميت مخنوگه اريد اتنفس طلعنا شفت غسان واكف سلمت عليه لعد مو خاله كالت انتو بيت اهل مسره طبك حواجبه

غسان: لا مرايحين جنت نايم شوكت كلتلج

غسق: سكتت مجاوبته عرفتها متريدني اتقرب منهم لهل سبب مسره متجي يمي مانعتها وصلنا للسوك نزلنا اني وخاله اشتريت كومه شغلات احتاجهم اجت عيني على كلاده رجاليه فضه اشتريتها لارشد خاله تباوعلي وتبتسم شفت ملابس اطفال دخلت وخاله صافنه عليه اشتريت حذا صغير متت عليه وملابس حديثي ولاده وجنطه مال اطفال

ام لرشد: ربي يرزقكم ويفرح كلبكم بنيتي

غسق: ابتسمت رجعنا للبيت شفت عمو واكف بلمطبخ عصبي بلعت ريكي وجهه ميبشر بخير

ابو ارشد: انتي على اي اساس طالعه خابرتي رجلج انطيتي خبر؟

غسق: طالعه ويا خاله مو وحدي ليش انطي خبر نتر بيه

ابوارشد: رجلجججج تنطييي خبر غصب عنج

غسق: التفت على خاله

ابو ارشد: وانتييي شون اطلعيها بدون علم رجلها

ام ارشد: وين طلعتها للسوك خطيه جانت محتاجه شويه غراض وبسرعه رجعنه

غسق: دخل رائد يباوع بلوجوه

رائد: صاير شي

ام ارشد: لا يمه ماكو شي

ابو ارشد: انتي تاااليي مخرفه بهلعمررر لو شلقضييه

رائد: يااابه تحترم شيباتها كدام جناينها شهلحجي

غسق: باوعت عليها دمعتها بطرف عينها
عافتنا وراحت لغرفتها باوعلي بخزره

ابو ارشد: شكلج ماااااشوفه من انه بلبيت وبررره ماطلعييين بدون اذن رجلج

غسق: اذا ماتريد تشوف شكلي مامجبورين بيه مخليني عدكم خلوووني اروح انتو بخير واني بسلامه
رائد اشرلي سكتي اني حجيت هيج هو رادها من الله مبقى غلط مغلطه على اهلي وخليل رفعت اصبعي ماااسمحلك تجيب طاااري اهليي والله ساكته اكول رجال جبير وماريد احجي تره اني هم عندي لساااان
ماحسيت الا راجدي شعل خدي

ابو ارشد: من اكوووول ناااقصه تربيه مامجذب

غسق: للمره الثانيه يضربني رائد لزمه بعده مني وريتاج كاعده تباوع تتبسم اشتعلت ناار شمرت غراضي بلغرفه وطلعت للكراج وين اروح المن اروح عمي محمد اخاف يفشلني وارجع انذل الهم مسحت دموعي ابجي بشهكه
كعدت بلكاع مكسوره ضايعه روحي تلووب حسيت ضل فوك راسي رفعت راسي شفت رائد

رائد: كومي لغرفتج

غسق: ليييش يضربني شمسويتله اني

رائد: ليش جاوبتي جان وليتيي لغرفتج

غسق: باوعتله صفح وكعدت العب بلحشيش

رائد: انتي بهاي نظراتج تخلين الواحد غصب يمد ايده عليج

غسق: اني شكو انتو متعلمين تمدون ايدكم علنسوان تحسبوها رجوله خزرني ونتر بيه

رائد: غسسق الساانج ضبييي

غسق: عافني وراح بقيت العب بلحشيش بعصبيه اشلع بي رجع وكف فوك راسي

رائد: كومي دخلي جوه وماكو داعي تبجين

غسق: مارريد ادخل وبكيفي ابجي او لا ميخصك دار وجه استغر الله وباوعلي

رائد: براحتج بس هاي سوالف مراح تفيدج بشي فكري بعقلج وحاولي تسوين شي لنفسج

غسق: شي مثل شنو يعني

رائد: احجيي ويا ارشد خلي يكمل عقد المحكمه ليش ليهسه انتي بدون عقد محكمه

غسق: طبكت حواجبي اني شلون ناسيه هلشي باوعتله واذا رفض. رفع اجتافه

رائد: انتي وشطارتج بعد كومي دخلي جوه ابجي لطمي على حضج المصخم اصدقائي راح يجون

غسق: خلاني بدوامه تفكير عفته ودخلت للغرفه كبل خليت ايدي على بطني متاكده اني حامل بس ماريد هلطفل رجعت خليت ايدي شعور حلو من تحس روح داخل جسدك يحس بيك
يجي ارشد احجي ويا وبعدها اقرر مصيرك
دموع خاله ابالي انقهرتلها خطيه بهلعمر ويرزل بيه
طلعت الكلاده ابتسمت خليتها على صفحه والملابس ضميتهم بلكنتوور خفت احد يشوفهم مرت يومين طبيعيه ابو ارشد مشايفتن او اني اتفاده شوفته
اليوم يرجع ارشد خاله مخبوصه ريتاج حايره مشويه بروحها ساعدت خاله ردخلت لغرفه سبحت وكعدت امشط
نفتحت الباب دخل وكفت باوعلي من فوك ليجوه
همست الله يساعدك فرك وجهه وبعده بملابسه

ارشد: تاالي وياج انتي فهميني

غسق: مفهمت شمسويه

ارشد: شلووون تتجاوزين على الوالد

غسق: محجيت شي اني هو الي ردت اكمل زمخ بيه

ارشد: لوووو يطيح حضج تسكتين وترجعين لغرفتج

غسق: اني ممسويتله شي ليش هيج يتجاوز عليه

ارشد: شلوون اطلعين من المهجوم بدون ماتنطيني خبر

غسق: رحت ويا خاله وعبالي انت ماتهتم رفع ايده بتحذير

ارشد: اخرر مره فاهمه

غسق: هزيت راسي اي بدون وعي حضنته هو بقى مصدوم
ابتعدت تسبح

ارشد: اي

غسق: مشيت خطوه افتح الحمام نفتحت الباب ريتاج
حضنته

ريتاج: مشتاقتلك محضرتلك كلشي امشي

غسق: اخذته وراحت بقيت ااباوع عليهم
للعصر مانزلو جعت رحت صبيت وكعدت اكل
صافنه ودمعتي تنزل ويا لكمتي حسيت بصوت حمحم رفعت راسي رائد

رائد: كلما اشوفج تبجين شلسالفه

غسق: تاكل

رائد: لا عاشت ايدج متغدي خوما اكعد انتضر ذولاك الناس وانضرب بوري

غسق: ممنتضره احد اني محجه عافني وراح كملت غسلت مواعيني وهمه دخلو للمطبخ عفتهم ورحت لغرفتي وقفلت الباب همزين ميكدر يلح لان الغرفه قريبه على غرفه اهله تمددت اجه كلام رائد ابالي لازم اشوف طريقه احجي ويا يعقد
ثاني يوم كعدت غسلت وطلعت شفتهم ملتمين بلمطبخ طلعت من باب الصاله للحديقه شفته ديخابر بعصبيه

ارشد: اني ويااااك اتفقنا على هذه المبلغ ربع زاايد تحلم بي. لا تخليني اضحك روح طم روحك احسن قندررره لا تهدد مره ثانيه اطلعك من جوه الكاع

غسق: التفتلي انصدم نتر بيه

ارشد: من شووووكت انتي اهنا

غسق: هسه اجيت اكدر احجي وياك

ارشد: اي اسمعج

غسق: انت مو تريد طفل هز راسه بمعنى اي
لعد شوكت نعقد محكمه

ارشد: شجاي تمسلتين شجاب هاي لهاي

غسق: لعد الطفل يجي وين يتسجل

ارشد: هاي السالفه مووو وكتها من يصير عندي مجال الله كريم

غسق: انت عندك واسطه حتى متتاخر بيها بسرعه يمشوها الك

ارشد: مو وكتها اكطعي هلسالفه

غسق: لعدد شلون تريد طفل شلون تسويله بيان

ارشد: كلشي بوكته حلوو
دخل جوه

غسق: ماا ادخل علما نشوف حل لهلموضوع فرك وجه

ارشد: اعناااد ماااريد دخلييي يلاااا

غسق: عفته ودخلت مر اسبوع عادي كله يم ريتاج اليوم كاعده بلغرفه اگلب بكتبي ودفاتري فتح الباب باوعلي دخل وسدها

ارشد: حضري روحج اخذج لدكتوره

غسق: ماروح

ارشد: ربع ساعه والكاج مزروعه كبالي

غسق: عافني وطلع كعدت ماروح بس بوكت الدكتوره يتذكرني ومن بجي يمي يتلفت اخاف يعرف وهو بعده معاقد فتح الباب خزرني

ارشد: ليييش هلعناااد كوووومي

غسق: مااريد اروح تعبانه
وبعدددين اني ماااسوي طفل ولا افكر بي اذا متعقد محكمه تقرب لزمني من فجي وخله عيونه بعيني

ارشد: مووو بكيفج امشييي انه
تغيرين لو راسج اكسرررره

غسق: اكتلني موووتني احسسسن

ارشد: ارجعج منين ماجبتتتتج تجدددين وتشتغلين بلكوفيهااات تعلمتتي عليهن

غسق: دمعت عيني اذا اني ام كوفيها على كولتك ومجديه شكو تريد طفل منييي روح شوفلك ام بيها خير لطفلك

ارشد: تجيبين هلطفل غصب عننننج واذا سمعت فااااره ذيلج بلقرااان نهايتج تصير على ايدي

غسق: عافني وطلع بقيت ارمش بعيني مصدومه منه ليش هيج تغير شنو الغيره حتى كلمه حلوه مكمت اسمع منه طلعت ورااء شفت اهل مرته كلهم مجتمعين بلصاله ماسلمت دخلت للمطبخ وعيوني احس يطلع منها نار اريد اطلع منا ماررريد ابقى احس روحي داختنك دخل غسان شايل كراتين ماي خلاهم بلمطبخ باوعلي

غسان: خيرج غسق شبيج

غسق: طلعني منا داحس روحي داختنك
صاح على خالتي اجتي خطيه سلمت عليه وباوعتلي

غسان: يمه شوفي شبيها لونها مخطوف

غسق: ويا حجايته دخل ارشد

ارشد: شمدخلك لهناااا

ام ارشد: يمه انه كتله يجيب ماي

غسق: التفتتلي تمسد على راسي

ام ارشد: شبيج امي شجرالج

غسق: خاله داختنك

ام ارشد: اخذج لدكتور

ارشد: شبيج شو باعيلي

غسق: دخلت ريتاج ويا حجايته وكفت يمه

ريتاج: حبيبي اهلي وحدهم زحمه

ارشد: روحي شويه وجاي
غسق باعي شبيج شيوجعج

غسق: مجاوبته كومتني خاله دخلتني لغرفتها كعدت وخلت راسي بحضنها بقت تقرالي ادعيه وقران غفيت
بحضنها مادري شكد مر وكت فتحت عيني ضلمه ومتغطايه رجعت غطيت راسي نفتحت الباب اشتغلت الاضويه وانجر الغطه من راسي

ام ارشد: كومي امي اكلي لكمه سندي بيها نفسج

غسق: مجوعانه

ام ارشد: شبيج منو وياج احجيلي

غسق: بقيت اباوعلها محد

ام ارشد: كومي لعد اكلي لكمه محد بلبيت كلهم بلحديقه كاعدين

غسق: طلعت وراها كعدت بلمطبخ جابت صينيه مشاوي كعدت اكل بدون نفس هيج اسند بيها روحي
دخل ارشد بقى يباوعلي شرب ماي وكف يمي

ارشد: شلون صرتي

غسق: احسن

ارشد: باجر اخذج لدكتور وضعج معاجبني

غسق: ماكو داعي
جر حسره وطلع بدون مايحجي شي كملت ودخلت غرفتي ثاني يوم وكف فوك راسي الا تمشين اخذج لدكتور اجتي خاله هم وكفت فوك راسي ويا
كمت بدلت وطلعنا وكف يم الدكتور طلب تحاليل لان كله اوضاعها مو تمام وبس تنام متاكل
رحت اخذت تحاليل كامله بقينه ننتضر علما طلعت ورجعنا للدكتور باوع لتحاليل ورجع باوع علينا

الدكتور: شغلتكم يم دكتوره بابا زوجتك حامل

غسق: مانصدمت لان اعرف بنفسي بس هو بقى صافن بوجه الدكتور الا شويه ويحضنه ويبوس خشمه

ارشد: سمعتي مو انه مغلطان

غسق: هزيت راسي لا مغلطان دخلنا للسياره كال

ارشد: لا تحجين هسه خلينا باجر نروح للدكتور نتاكد وبعدين يصير خير

غسق: وصلنا للبيت نزل

ارشد: انتبهي على نفسج ماريدج تشيلين كشاااايه من الكاع

غسق: رحت للغرفه حبيت ردة فعله وفرحته عيونه تلمع من الفرحه غيرت ملابسي وطلعت كعدت يم خاله بلمطبخ

ام ارشد: ربي يسعدكم امي شكد احبكم من تمشون سوه لايكين لبعضكم

غسق: ابتسمت ويحفظج خاله تردين اساعدج بشي

ام ارشد: لا ماعندي ام غسان حضرت كلشي الله ينطيها العافيه

غسق: دخلو ريتاج وارشد واحد لازم ايد الخ
باوعتلي ابتسمت استغربت مو من عوايدها تبتسملي
ترخصو من خاله وطلعو كالو لا تحسبون احسابنا للعشا
اني هم ترخصت كلت اروح يم مسره بلكت ام غسان تخليني اشوفها مشتاقتلها طلعت صار بوجهي رائد
رفع حاجبه

رائد: ويين

غسق: اشوف مسره
ماحجه عافني وراح اني رحت دكيت الباب همزين طلعلي غسان سلمت عليه وسئلته على مسره

غسان: فوتي شبيج

غسق: لا حباب مخنوكه من البيت صيحها نكعد اهنا بلحديقه هز راسه وراح صاحها اجني حضنتني وهمست

مسره: مشناقتلج

غسق: رفعت حاجبي اي كلش مبين طلعنا كعدنا بلحديقه

مسره: والله عمتي متخليني اطلع ومشوفتني نجوم الضهر وساكته ومتحمله لخاطر غسان اكول خطيه ادوخه بهلسوالف

غسق: اي عفيه غلسي معليج بيها هو لازم يطلع شي يكرهج بحياتج ماترهم كلشي يصير زين
اكولج شي

مسره: كوولي

غسق: اني حامل بقت تباوعلي مصدومه وفاتحه عينها
خليت ايدي كدام وجه وبقيت احركها شبييج
حضنتني

مسره: الف مبروك دكومين بسلامه يارب

غسق: الله يسلمج يوم الج

مسره: ان شالله

غسق: حسيتها ضاجت بس ماهتميت كلت يمكن متوهمه بقينا نسولف علما سمعت صوت وراي

ارشد: غسسق

غسق: هيه كامت ترخصت مني واني كمت نكتت ملابسي وتقربت منه

ارشد: شمكعدج لهلوكت بره

غسق: جنت يم مسره

ارشد: فوتي نامي من وكت موزين عليج السهر

غسق: ليش

ارشد: مادري بس غير حامل تحتاجين راحه

غسق: ابتسمت مو لهل درجه راد يحجي وطلعت ربتاج واكفتلي عظم ابلعومي بس هم اكو حقها خطيه

ريتاج: حبيبي نعسانه امشي انام

غسق: همسلي

ارشد: تصبحين على خير

غسق: وانت من اهله
دخلت اني هم نمت ثاني يوم العصر رحنا للدكتور كالت كلشي تمام كتبتلي مقويات رجعنا للبيت كعد يم خاله باس راسها وهي تباوعلنا

ارشد: يمه راح تصيرين حبوبه

غسق: هلهلت بفرح واشرتلي تعاي حضنتني وباستني

ام ارشد: ربي يكومج بسلامه

غسق: تسلمين خاله اجتي ريتاج ماستغربت عبالك تعرف باركتلي وكعدت مبتسمه وجذبتني حجايه عمو

ابو ارشد: ماضل شي هانت

غسق: بقيت مركزه ويا اريد افهم شيقصد باوعله ارسد وصاح

ارشد: يااابه

غسق: باوعت على رائد مجتف ويباوع عليه اشرتله شبيك هز جتفه عفتهم ودخلت لغرفتي حجايه عمو ترن براسي مرت الايام والشهور طبيعيه حجيت مرتين ويا ارشد ارجع لدراستي ميقبل يكول من دكومين بسلامه شتسوين سوي مينام بغرفتي ابد ابتعد عني حتى كلمه حلوه صرت مااسمع منه كلت يمكن خايف على مشاعر ريتاج لان تحس بنقص ميريد ياذيها
مبتعده مني تماماً مالها شغل بيه وهلشي ريحني وحتى عمو كام ميسمعني كلام رائد صرت اشوفه صدفه
اليوم دخلت بشهر السابع كاعده بغرفتي مخليه ايدي على بطني منتضرته يتحرك احب هلشعور
نفتحت الباب دخل ارشد مبتسم

ارشد: شسوين

غسق: ديتحرك جيب ايدك شوف
تقرب خله ايده كبرت ابتسامته

ارشد: مياذيج

غسق: هزيت راسي لا شعور حلو داحسب يوم يوم اشوفه متحمسه مداصدك راح اصير ام
باوعلي نظرات طويله وكام ورث جكارته

ارشد: كومي تغدي بتد شوي نروح لدكتوره عندج موعد

غسق: هزيت راسي عافني وطلع باوعت على نفسي بلمرايه كلش سمنانه خدودي يردن ينفجرن وبطني طالعه ليكدام طالعه تشققات ابطني من تذكرته شلون يتحرك وشلون احساس حلو واتخيل شكله من يجي لدنيا كلشي يهون عندي طلعت سمعته ينت. بريتاج ماهتميت مبتعده منهم رحت للمطبخ خاله وعمو ورائد كاعدين سلمت وكعدت يم خاله شوي ودخلو ارشد وريتاج عيونها حمر
اكلت رفعت راسي اجت بعينها

ريتاج: شكد تاكلين راح تنفجريين ادري حامل لو فاتحين معده بصف كعدتج

غسق: بلعت اللكمه وبقيت اباوع عليها مستغربه

ارشد: ريتااااج

ريتاج: اووي شكلت انه علمودها احجي شوف صايره شكدها شسمنها وهسه يلا بشهر السابع

ام ارشد: غير حامل معليج امي اكلي دكومين بسلامه بوكتها فكري بجسمج ورشاقتج مو كلشي بلدنيا رشاقه وجسم

غسق: حجتها وباوعت على ريتاج صفح

رائد: انتي مخلصه حجي عود لا تاكلين وحافضي على رشاقتج عوفي الناس بحالها وبعدي سمج منهم

ارشد: كااافيزعاد ماسمع صوت

غسق: سكتو بس مكدرت اكل بعد احس العيون كلها عليه ترخصت ودخلت لغرفتي صافنه شبيها هاي كل هل ايام خانسه واليوم فطنت عليه باوعت على المرايه صح سمنانه بس مو ذاك السمن الاوفر
مهتميت اندكت الباب شفت ارشد ابتسم

ارشد: حضري روحج نروح لدكتوره

غسق: هزيت راسي كمت غيرت ملابسي وخليت حمره وشوي احمر خدود
طلعت شافني رفع حاجبه بس ماحجه دخلنا للعياده بقى كاعد ويهز برجله صاحاتي السكرتيره مثل العاده حجه وياها دخلته وياي سلمنا وكعدنا اخذتلي سونار وبقت هواي ابتسمت وباوعتلنا

الدكتوره: راح يجيكم ولد وكح مبين من هسه

غسق: ابتسمت

ارشد: شلون صحتها وصحته دكتوره

الدكتوره: اطمئن كلشي تمام

غسق: طلعنا واني مبتسمه وهو مبين الفرحه بعيونه
اكو محلات يم العياده بيهم مال اطفال
ارشد باوعلي هاي محلات خلينا ننزل نشتري جهاز للطفل حباب ارتبك

ارشد: الوالده كالت انه اجهز واذا اشترينا شي تزعل

غسق: ماتزعل اني احجي وياها

ارشد: غير يوم تعبان غسق

غسق: ماحجيت شي وصلنا للبيت دخلنا خاله منتضرتنه بلمطبخ وكاعده يمها ريتاج تاكل باضافرها
دخلت كبتسمه حضنتني خاله

ام ارشد: ها يمه شلون صحتكم انتي والطفل

غسق: كلشي تمام الحمدالله

ريتاج: شنو جنسه

غسق: باوعتلها كتلها بفرحه
ولد خاله هلهلت اجه رائد وعمو علئ صوتها

ابو ارشد: شكو

ام ارشد: راح يجينا اوليد يمه حفيدي شوكت احضنه واشمه

غسق: التفت عمو وبارك لريتاج بقيت فاگه عيني مصدومه سحبتني خاله للغرفه رادت تضيع عليه السالفه بس مكدرت اتجاهل واسكت خاله عمو ليش هيج سوه شنو ديصير

ام ارشد: يمه ماكو ماتعرفين سوالف عمج ماتتلمتي عليها

غسق: لزمت ايده متاكده خاله فدوه اذا تعرفين شي احجي

ام ارشد: ماكو وداعتج بنتي ماكو ارتاحي

غسق: نفتحت الباب دخل ارشد كاتم عصبيته عواجبه معگوده

ارشد: يمه رايدج بسالفه

ام ارشد: اي يمه اجيت

غسق: نزلت دموعي وتاكدت اكو شي خليت ايدي على بطني مستحيل اقبل اعوفك لو اموت ماتخلى عنك
كعدت واحس راسي يريد ينفجر كلشي واضح بس اني داجذب نفسي حتى لو واحد بلميه مجبور يبررلي مجبووور طلعت من الغرفه بعصبيه احس نار مشتعله بيه شفتهم هو وخاله كاعدبت بصاله تقربت منهم اريدد احجي وياااك طبك حواجبه بقى يباوع عليه مركز بعيوني كامت خاله لزمت ايدي

ام ارشد: ولج ليش دترجفين شبيج

غسق: م مابيه كام لزم ايدي ودخلنا للغرفه سد الباب

ارشد: كعدي شبييج ترجفين

غسق: كوووول جذب كول ماكو هيج شي

ارشد: شنو هو

غسق: اررشد حباب الله يخليك لا تنكر احجيلي الصدددك

ارشد: فهميني شحجي

غسق: عمو ليش بارك لريتاج كعد كبالي لزم ايدي باس راسي

ارشد: غسق ابويه اهدي شويه
طبيعي يباركلها راح يصير طفل بلبيت وهي اكيد تتساعد وياج

غسق: باوعت بعيونه حمر دتجذب عليه اني داحس اكو شي والله

ارشد: لو اكو احجيلج ليش اضم عنج هل افكار شيليها من راسج

غسق: شوكت تعقد محكمه

ارشد: مو وكتها باجر انه ملتحق خليني ارجع والله كريم

غسق: قنعني بكلامه وطلع جريت نفس غيرت ملابسي وتمددت نمت ماخسيت غير الفجر ايد تتلمس وجهي فزيت مخروعه شفت واكف مبتسم اول مره يسويها

ارشد: رايح كلت اودعج انتبهي علنفسج

غسق: هزيت راسي وهمستله ترجع بسلامه طلع ورجعت نمت مرت الايام ثكيله واحس بثكل مو طبيعي حتى مشي بلكوه امشي دخلت بلتاسع حتى النفس بلكوه اجره خاله خطيه وياي وياي ابعد معافتني
كاعدين اني وخاله دخلت ريتاج

ريتاج: عمه اليوم اهلي يجون هم بطريق

ام ارشد: هلا بيهم ارشد وين

ريتاج: نايم

غسق: هزت راسها وراحت شو ودخل ارشد المخده مطبوعه بوجه كعد يمنه

ارشد: شونج اليوم

غسق: الحمدالله زينه
هز راسه

ارشد: يمه اجيب شي محتاجه شي

ام ارشد: لا امي سلامتك

غسق: ارشد اريد احجي وياج

ارشد: اي احجي

غسق: كمت لزمت ضهر من الوجع مشيت كدامه دخلت للغرفه وبسرعه كعدت علسرير

ارشد: متاذيه

غسق: شويه

ارشد: هانت

غسق: شوكت تسوي عقد ميصير والله

ارشد: لا تفكرين بهسالفه انه احلها ومن دكومين بسلامه

غسق: سويها هسه متاخذ منك وكت

ارشد: مو وكتها غسق مامليتي كدما تلحين بلهموضوع

غسق: شنو هو الامل منه ارشد عقددد محكمه يمك مثل شربه المااي وانت كاعد تماطل بي ليش ماحجه طلع وركع الباب وراء ساعه وسمعت هوسه بره خليت الحجاب على راسي وطلعت شفتهم كاعدين بصاله خاله وريتاج واخت ريتاج وامها والزلم على صفحه باوعلي ورحع يسولف سلمت وكعدت يم خاله ام ريتاج فتحت جنطه وطلعت منها ملابس طفل كلها بلون الازرك والابيض

ام ريتاج: ريتااج شوفي شجبتلج بنيتي

غسق: كامت ريتاج كعدت كبال امها

ام ريتاج: جهزته جهاز كامل حتى كاروك جبتله

غسق: اباوع عليهم مصدومه حسيت مغص ابطني

ريتاج: شوكت اشيله واحضنه

ام ريتاج: مابقى شي لعد احنا ليش اجينا علمود نساعدج بي منخليج اتعبين هذه ابن ارشد الغالي

غسق: كمت متوتره انتووو على شنو دتحجوووون باعولي كلهم خاله لزمت ايدي سحبتها سمعتيهمم مو خاااله والله تحلمووون حلم تلزمووون اضفررر منه بحللاااامكم هاي الا اني ميتتته
سحبني ارشد وعمو يغلط عليه

ارشد: تخبلتييييي

غسق: انتتت تريد تنطيها ابنيييي والله سمعتهم لا تنكرررر خله عينه بعيني

ارشد: اييييي الها الطفللل عندج ماننع صوووتج مايعلى عليه

غسق: بلعت ريكي مصدومه كعدت علسرير رحليه احسهن يرجفن دخلت خاله

ام ارشد: لا تصيح عليها اطللله اطلع

ارشد: عقليها لا ابتلي بيها

غسق: عافنا وطلع شويه وعلت اصواتهم بره باوعت على خاله والدموع تلالي بعيني تدرين انتي مو مجاوبتني بس دموعها تنزل درت وحهي منها وصرخت بعلو صوتيي لييييش لييييش هيج سويتووو شمسويلكمممم اني والله اكتله واكتل رووووحي وماااانطيكميااا على صوتي دخل عمو ووراء ريتاج وامها

ابو ارشد: موو بكيفج هلطفل يتسجل باسم ريتاج

غسق: شكد شفت ناس ضالمه مثلك مشايفه الله ينتقم منك راد يضربني خاله صارت كدامي رفعت راسي شفت واكف منتجي على باب الصاله يباوعلي
بقيت اباوعله بحقد اريد اكله باسناني فجئه حسيت بوجع صرخت بعلو صوتي ركض لزمني من ايدي وخاله تفرك بضهري

ام ارشد: ولك راح اتجيب

غسق: اني فقدت بقيت ارجف من الخوف بقيت اصيح خاااله اخااف لا تعوفيني حبابه والله اخاف باوعت بعيون ارشد القلق مبين بوجه بقيت ابجي

ام ارشد: ولج امي لا تبجين شلون راح ادبريها

غسق: لزموني وصلت للسياره والوجع ذبحني ساق سريع حسيتها واح تنگلب بينه بنص الوجع صرخت بي لا تسووق سريع حباااب

باوعلي من المرايه وصلنا للمستشفي اخذوني بعربانه للصاله الوالاده شفت سديه الولاده بلعت ريكي حتى نسيت الوجع باوعت خاله ماكو ساعدتني السستر غيرت ملابسي وشكلتلي مغذي شويه وصعدتني للسديه بقيت ادفه متحملت بعد جسمي صار نار وعركت غمضت عيني مكدرت بس اسمع هوستهم وصياحهم راح تموت غمضت عيني بهدوئ ودخلت بسبات

يتبع <>

سيبقى الجزء المكسور مني ، في ذمتك للابد .

الانستا تنوروني