تحميل رواية «ﻣــ؏ـشوکت الــشـــيــﺨ لــيــث🔒🔑مكتملة» PDF

♥شـــهــد♥

هلووو شلونكم قلبوشاتي اني شهد عمري 18سنه شكلي كولش عادي يعني بشرتي حنطيه ع بيضه وعيوني سود مثل الليل وشعري لنص ضهري اسود ومخصلته ثلجي

اني كضيت عمري عايشه بسطنبول ويا ماما امي اصلها عراقيه بس عايشه كل حياتها بتركيا من انولدت يعني مثلي وهي همين تحجي عراقي بس هي من بغداد وبابا من البصرة

طبعا مع انه بابا وماما منفصلين بس بقو اصدقاء وكل فترة بابا يجينه طبعا ماما الزوجه الثانيه لبابا بابا عندة قبلي ولد 2 الجبير اسمه علي اجه ويا بابا كم مرة هو صح عصبي بس طيوب وحبوب كولش والاخ الثاني اسمه حسين. وبعد عندي اخت وحدة اصغر مني بسنه تقريبا

من خلصت امتحانات السادس علمي جنت ناوي اكمل جامعه بس بيوم اجت ماما بالليل لغرفتي وكعدت يمي اني من النوع الي احب اكتب كل شي يصير بيومي كل شي اصغر شي اكتبه ولما اتفوت شهور ارجع اقرا واضحك اعرف خبله 😂😂

ام شهد:هلوو حبيبي

شهد:هلووو مامي ادخلي

ام شهد:شنو داسوي اميرتي

شهد:ولا شي كل العادة

ام شهد:اممممم انتي تعرفين انه صرتي جبيرة والسنه الجايه راح ادخلين للجامعه وصرتي بالغه

شهد:اي مامي اعرف امممم كولي شنو الي ناويه اتكولي

ام شهد:الصراحه انا جايلي عريس

شهد بتفهم:وانتي اموافقه

ام شهد:ماعرف

شهد:لا تعرفي انتي همين تردي صح عمو عمر الي طلب اييدج صح

ام شهد:صح مين كالج

شهد:احساسي كالج انتي فكري واذا اموافقه تزوجي مامي كافي كل هاي السني الي ضيعتيها من عمرج علمودي

ام شهد:بس انتي تعرفين شرط والدج انه راح ترحيله اتعيشين ويا اذا تزوجت

شهد:صح مامي واعتقد اجه الوقت الي لازم ارجع للعراق ارجع لبلدي الي انحرمت منها وارجع لحضن ابوي الي بكل حياتي ما نمت ولا مرة بحضنه اعتقد هذا حقي

ام شهد:هيج سهله عندج اتعوفيني

شهد:وانتي من قرارتي تزوجين وانتي اتعرفين شرط بابي سهله عندج اتعوفيني

ام شهد:بس اني

شهد:اعرف جنتي امتانيه اصير بال18 حتى ابلغ واذا بابي رفع دعوة ما يكدر يربحها اذا اني قرارت ابقى عايشه وياج صح

ام شهد:ههههه طول عمرج ذكيه وابمتياز

شهد بغرور مصطنع:اعرف اعرف

ام شهد:كافي عوبه يله تصبحي ع خير

شهد:فكري مامي وانتي من اهلوو يا حياتو

بعدها مامي طلعت واني ضليت افكر بمستقبلي شلون راح ايصير امي راح تستغنه عني وتزوج لو اتكول ابقى كل عمري وياج يابنتي

شنو اسولف الكم صح اني عايشه ويا مامي بس هي شخصيتها تختلف عني بكل شي هي تحب الحفلات والتجمعات دائما اني صح احبهن بس مو بهل الشكل احب الهدوا الاسترخاء احب اقرا كتاب لاجاثا كريستي او اقرا قصص لعبير واكو هواي كاتبات

فد مرة عجبتني مقوله لجاثا كريستي

♥الانوثة يا صديقتي ان

تنجبي طموحك وان

تهذبي فكرك وان ترتبطي

بالكتاب قبل اي ارتباط♥

ضليت افكر الى ان نمت كعدت ع صوت مامي اتصيحني

شهد:Günaydın Mami

(صباح الخير مامي)

ام شهد:Günaydın, benim küçük olan

(صباح الخير صغيرتي)

شهد وهي تكعد ع الطاوله:مامي

ام شهد:يا عيونه

شهد:فكرتي

ام شهد:اي حبيبي

شهد وهي اتخلي اكلاص الحليب ع الطاوله: اي وشنو جوابج

ام شهد:تعرفي انه المراة ما الها غ ....

شهد قاطعتها:من الاخير شنو جوابج اعرف هاي المقدمه

ام شهد:موافقه ع عمر

شهد وهي كايمه من الطاوله:مبروك لعد

وراحت لغرفتها

دخلت شــهــد لغرفتها وهي بالكوة كاضه غصتها اتريد تبجي وتشبك امها واتكلها خليج وياي بس الي منعها هو صوت امها من ردت ع فونها سمعت اتكول اهلين حياتي عمر

كامت اخذت فونها واتصلت ع اب......

♥♥♥♥♥

خلي اروح لمكان اول مرة اروحه الي هو العراق محافضه البصرة لمنطقه راقيه اباحد الافرع جان اكو ثلاث فيلات الاوله بالواجها والثانيه ع اليمين والثالثه ع اليسار

خلي اروح للفيلا الي بالواجها ندخل من الباب مقابيلنه حديقه كولش جبيرة (طبعا الثلاث فيلا نفس التصميم بالضبط بس ثنين كبار وحدة صغيرة بعد اشوي اتعرفون السبب)

بعد ما نتعدة الحديقه الي مليانه حشيش وزرع من كل الانواع والورود الملونه ندخل من الباب الفيلا الداخلي صاله جبيرة ومقابيلها درج يصعد لطابق الثاني والثالث

نروح للمطبخ جان اكو مرة عمرها قرابه60سنه بس من شكلها يوحي عمرها بال40 جانت اتحضر الريوك اسمها ام ليث هيج ايصيحوها واشوي ودخلت عليها مراة ثانيه عمرها بال52سنه واسمها ام سارة

ام سارة:صباح الخير خيتي

ام ليث:صباح العافيه عيوني

هسه تردون اتعرفون القرابه الي بين ام ليث وام سارة هنا خوات ام ليث عدها هاجر عمرها42سنه(بعدين احجيلكم عنها) وبعدها ليث عمرة30سنه بس ماعدها غيرهم لان زوجها توفه وهي ما تزوجت بعده

اما ام سارة ما عدها غير سارة وعمرها 25سنه مطلقه (لسباب بعدين تعرفوها)ابوها عاف امها بعد سنه من ولادت سارة وسافر وبعد ما سمعو شي عنه ابد

ام ليث تحجي ويا اختها:خذي خيتي صبي الجاي وانا رايحه اصيح اليث والسارة

ام سارة:ماشي راح اصب

راحت ام ليث وكفت يم الدرج وصاحت:ليث يمه ليث يا سارة يله انزلو اتريكو

نزلت سارة وهي اتصبح ع خالتها :صباحو خالتو

ام ليث:صباحو حبيبه وين ليث ليش ما نزل

سارة :امممم اعتقد بقى يم بيت هجورة كل عادة

خلي اسولفلكم عن ليث شاب عمرة30سنه شيخ عشيرة ال..... هو ورجل اخته هاجر ..طوله185 كتافه عريضات وبشرته حنطي وعندة سكسوكه تخـــبل 😍عيونه كبار وحادات لونهن رصاصي

يلعب حديد وعدة صاله ابيت اخته هاجر هو تقريبا كل وقته يم اخته هاجر هنا الثلاث فيلا كولهن ايدخلن ع بعض طبعا ما عدة الباب الخارجي

نترك الناس اتكمل ريوكها واروح للفيلا الثانيه الي ع اليمين وهي الفيلا الثانيه الجبيرة تقريبا بكد فيلا ليث ونفس التصميم همين حديقه بالاول وبعدها تدخل من الباب الداخلي لصاله وهمين درج بالمقابيل وع اليسار المطبخ انروح نلكه هوسه بالمطبخ

مراة حلوة وانيقه جسم وشكل رائع ما ينطيها ال42سنه

صح هاي هاجر اخت ليث كاعدة اتسوي ريوك الاخوها والولدها والزوجها خالد

عدها اولاد 2 ولد الابن الجبير علي عمرة 23 سنه والابن الثاني عمرة 19سنه واخر العنقود بنوته اسمها عليا كلش حبوبه عمرها17سنه تاركه المدرسه اخذت الخامس ادبي وتركت لان اتموت ع النوم وتتعاجز اسوي شي

اما علي ف هو حباب بس عصبي مثل ابو خالد وخاله ليث ....اما حسين ف هذا سرسري بشكل هو قبل لا يدخل جامعه جان احسن واحد بالعائله بس التم ع اصدقاء حقيرين حشاكم ولعبو بعقله وخلو يمشي وياهم بس يعني ما ايسوي شي مو زين بس هامل دراسته ويطلع هواي للمولات وللمطاعم واذا ما عجبه الحجي يعوف البيت اسبوع ويرجع وما يحترم امه بس يخاف من خاله ليث بشكل مو طبيعي يعني متمرد بشكل

اروح بالصاله الي بالطابق الثالث من ادخليت تلكين مركز لجيم كل انواع الاجهزة مال الرياضه واجهزة الحديد جانو علي وليث كل العادة يتنافسون بالركض

ليث جان لابس بنطرون رياضي طويل لونه رصاصي وفالينه اونها اسود اصلوخ وشعرة نازل ع كصته من الحر والعب (فدوةةة 😍😍اريدة 😂😂)

اما علي تقريبا بوسامه ليث بس هذا لابس شورت لركبه وفالينه ربع اردان ويمسح بكصته من الحر

مع انه العمر بين ليث وعلي تقريبا 7سنوات بس هما مقربين بشدة يعني اصدقاء واخوة ليث عمرة ما حسب علي ابن اخته بالعكس ايحسبه اخو وصديقه وعلي همينات ما ايحسه خاله لا اخو الجبير الي ياخذ نصيحته بكل شي وافضل اصدقائه لهيج اتشوفون شخصيه علي وليث متقاربين

نزلو ع الدرج بعد ما سمعو صوت هاجر اتصيحهم اينزلون يتريكون

كعدو ع الطاوله بعد ما غسلو وصبحو ع هاجر وعليا وخالد

خالد زوج هاجر وابن عمها يعني خالد ابن عم ليث همين عمرة هسه بال47 سنه اتزوج بنت عمه هاجر وهو ما جان ايحبها وسافر لتركيا ايكمل دراسته واتعرف اهناك ع وحدة ووحبو بعض واتزوجو ومن خلصو رجعو للعراق صح بالاول اهواي ناس رفضو زواجه بس هو وقف كدامهم بس الي تزوجها جانت غيورة بشكل مو طبيعي ضلو كم سنه وبعدها طلبت الطلاق بعد ما اخدت جوازها وسافرت وتركتله رساله انه لو يختارها لو يختار زوجته واطفاله من هاجر وهو ما جان يعرف انه هي حامل

بعدها قرابه ب8 شهور راح الها علمود بنطيها ورقت طلاقها وشاف بطنها جبيرة انصدم كالها شلون

ام شهد:شنو الي شلوون

ابو علي:انتي حامل

ام شهد:الي اتشوفه

ابو علي:ليش ما قلتي ليش ما اتصلتي وكلتيلي ليش سافرتي

ام شهد:ما جنت اعرف انه اني حامل وجنت كل هاي الفترة انتضر قرارك هه وهسه عرفت انه لا اني ولا بنتي النا وجود بحياتك

ابو علي:شنوو هي بنيه -جان فرحان لان هو يحب البنات وجان عندة 2ولد بوقتها-

ام شهد:اي. ليش يهمك

ابو علي:انتي اكيد اتخبلتي لج انتي اتعرفين انه احبج بس انتي ما صبرتي عليه انتي جنتي اتعرفين انا متزوج وافقتي شنو الي تغير

ام شهد ابرود:مو مهم يله وصلت الي تريدة اطلع من بيتي

ابو علي:وبنتي

ام شهد:هاي بنتي انا مفهوم وراح اتعيش وياي اني وامي (جانت جدت شهد عايشه بس توفت من صار عمر شهد 16)

ابو علي:يعني شلون

ام شهد:الي سمعته

ابو علي:اني موافق لان اوثق بتربيتج اخليها عندج بس بشرط

ام شهد بخوف:الي هو

ابو علي:اذا تزوجتي اخذ بنتي لو حتى عمرها سنه موافقه

ام شهد بتفكير:اممممم

ابو علي:هاا شكلتي

ام شهد:موافقه

وراحو وكتبو هذا الشرط عند المحامي وواقعت عليه ام شهد

ام شهد صح جانت مهمله ابعض الامور بس علمت كل شي لشهد من عمرها 7سنوات اتصوم واتصلي وتقرا القران وهمين محجبه نوعا ما

نرجع لبيت هاجر

الكل كاعدين ع الطاوله يتريكون وكال ابو علي الي هو خالد :البارحه اتصلت عليه اختكم

هاجر بفرح:شهود اتصلت شخبارها (تراة مو كل زوجه اب ضالمه)

ابو علي:اي اتصلت الحمدلله بس هي خبرتني شي راح يفرحكم

طبعا جانو كاعدين كلهم ما عدة حسين لان نايم وجه الفجر.

عليا بفرح كولش وهي حلكها متروس اكل:

شنوو هوو بابا

ليث وعلي بصوت واحد:ابلعي ولج الاول

عليا بعد ما بلعت اللكمه :اي اي المهم كمل بابا

ابو علي:.........

(الفيلا الثالثه وهي اصغر وحدة بيهن هاي امخليها ليث للكعدات والخطار تتكون من صاله وديوان ومغاسل وغرفتين بالطابق الثاني بس)

انتضرووني...

شنو رائيكم بالشخصيات

منو تتوقعون الشرير بالقصه

طبعا القصه من خيالي بس احداثها من الواقع

شنو رائيكم بالشخصيات

..ليث..

..شهد..

..علي..

..عليا..

..هاجر..

..ام ليث..

..ام سارة..

..سارة..

..عليا..

..خالد..

..ام شهد..

ااحبكممممم

آمۣۗہ غۣۗہمۣۗہآزۣآتۣۗہ❥❤

♥السلام عليكم قلبوشاتي♥

الكاتبه:آمۣۗہ غۣۗہمۣۗہآزۣآتۣۗہ❥❤

البارت♥2♥

♥شــــهــــد♥

اوففففف ما بقى شي بعد وارجع للعراق لمطار البصرة وهناك بابيتو راح يستقبلني هههههه خلي اسولف الكم شنو صار وياي بهل الاسبوعين الي فاتت

هذاك اليوم من بعد ما حاجتني مامي بموافقتها ورحت لغرفتي اتصلت ع بابي

شهد:بابيتو

ابو علي:هلا يا روح ابوج شخبارج

شهد بهدوء مصطنع:بابي تستقبلني ابيتك

ابو علي ابتفاجاة:اكيد يا عيون ابوج بس وامج شلون

شهد:مامي بعد خلص دورها بحياتي

ابو علي:ما فهمت

شهد:مامي قرارت تزوج

ابو علي بصدمه:شنووووو

شهد:اي بابيتو شنو جوابك تستقبلني ابيتك لبقيه حياتي

ابو علي بهدوء مصطنع وبفراح حقيقي :اكيد يا روحي ايمتا تردين اجيج

شهد:لا بابي اني اجي انت ناسي اني صرت بسن18 يعني اكدر اسافر الواحدي

ابو علي:ماشي يله كملي كل الاجرات وجيبي مستمسكاتج الي تكدرين اتجيبيها ماشي

شهد:ماشي بابي

ابو علي:انتي زينه

شهد:نفس الي تحس بي انت هسه اني احس بي

ابو علي:......

شهد:يله بابي اروح اشوفلي حجز قريب

ابو علي:اوك حبيبه.

بعدها سديت الفون من بابي ولبست ملابس الطلعه

لبست بنطرون اسود وقميص اسود وشال وجنطه وحذاء لونهن احمر وكسسوارات سود وميك اب بس كحله ومرطب وطلعت لصاله لكيت مامي كاعدة وتحجي بالفون مثل كل مرة

شهد:مامي اني طالعه

ام شهد وهي اتسـد الفون : اوك مامي بس وين رايحه

شهد:رايحه ادبر حجز للعراق

ام شهد:اووو بهل السرعه جان انتضرتي العطله الصيفيه تخلص

شهد بهدوء:حابه اكضي هاي العطله ويا اخواتي وابوي

ام شهد:ماشي الي يريحج اي صح جيبي وياج حلويات لان اليوم عمج عمر راح يجي يتعشه عدنا

عمر شاب حلوو مطلق وما عندة اطفال عمرة 39سنه هو عراقي ومغترب بتركيا وهو يصير ابن خالت هنادي (ام شهد)

ويحبها وهي همين معجبه بي

شهد:تدللين

وطلعت اخذت تكسي وراحت للمطار وسالت ع الحجوزات للعراق وجان اقرب واحد بعد اسبوعين وحجزت وراحت اخذت الاغراض الي طلبتها امها ورجعت قرابه الساعه3 الضهر ودخلت للبيت لكته نضيف ومعطر خلت الاغارض الي جابتها بالثلاجه ودخلت لصاله

شهد:annem

(امي)

ام شهد:Hadi bebeğim

(تعالي صغيرتي)

دخلت لصاله لكيت ماما هستوة طالعه من غرفتها جانت لبسه روب الحمام ومسويه تسريحه بسيطه وخاله ميك اب

شهد:مامي شنو هل الجمال

ام شهد:تسلميلي حبي يله ادخلي عمر وخالج علوش راح يجي حتى تكمل فرحتنه

شهد:اوووو علوش راح يجي ليش هو رجع من بغداد وبعدين شكو اليوم حتى تكمل الفرحه

خلي احجيلكم عن علوش هذا اغله شخص بحياتي عمرة 26سنه عندة شركه بغداد. هو وصديقه شراكه نص بالنص مالت هندسه هو مهندس معماري وعندة فرع من شركته بتركيا علوش اله شركه بغداد وصديقه مستلم الي بتركيا

علوش هو صديقي الي مستحيل ابعد عنه وهو همين تقريبا اي تربيت ع ايدة هو من يجيلنه يكول الامي لو ما شهودتي جان ما اجيتج 😂😂😂

وهي اتكوله لو ما اني واثقه انه انت اخوي وهي بنتي جان كلت انتم عشاك 😂😂😂

ــــــــــــــــــ

انكمل

ام شهد:انتي روحي اجهزي وبعدين اكولج كل شي يله بسرعه عمر يجي بال5

شهد:اوففف ماشي

رحت لغرفتي دخلت لتواليت الي بداخل غرفتي سبحت ولبست تراك وركض داخلت بالفراش واتذكرت امي حتى ما سالتي اذا حجزت او لا اوووو لهاي الدرجه عمر ماخذ عقلها شبسرعه حبته اووففف منج يا غبيه يا شهد اكيد هما بعلاقه من زمان واني جنت نايمه والماي تمشي من تحتي اوففف شفت الساعه داخله ع 5 كلت خلي انام والي يصير ايصير خليت راسي ونمت كعدت ع واحد ايذب ماي بوجها كعدت مفزوعه طبعااااااا عرفتووووو هذا الخبل مالي علوش الغبي

شهد بصياح وعصبيه :عليييييييي

(طبعا اذا اني متعصبه من شخص اكوله اباسمه مثل علوشش اذا معصبه منه اكوله علي)

علي:يا روحه

شهد:غبي ليش هيج

علي:اكو وحدة اتكول الاخالها غبي يا سلحفات

شهد:اني سلحفات يا وجه الطاوة

علي:ولج عوبه كومي اتجهزي عمج عمر ههه موجود كومي

شهد:وشسويله بله اكوم اركصله

علي:شبيج حبي ليش تحجين ع الرجال هيج

شهد:ماكو شي اي صح الحمدلله ع السلامه

علي بضحكه:بعد وكت هههههه ع العموم الله يسلمج قلبي يله كومي واصحصحي وانزلي يله الساعه7

شهد:ماشي ماشي

كمت لبست جبنز كابوي وقميص ابيض من كدام قصير للخصر يعني ومن وراة طويل وشال ازرق وساعه بيضه وبدون ميك اب مالي خلق

طلعت من الغرفه وشفتهم كاعدين بالصاله من شافوني عمر كام وكف

وامي جانت بالمطبخ

عمر:.iyi akşamlar

(مساء الخير)

شهد ردت بالعراقي:مساء النور نورت عمو

عمر باحراج:بنورج عزيزتي

رحت كعدت يم علوش رجع هذا المليق عمر سالتي

عمر:صح شهد هترجعين للعراق الابوج

اهنا علوش باوع عليه اوففف نسيت اكوله

شهد:اي صحيح

علي:شنووو راح اترجعين الابوج

شهد:اي علوشتي راح ارجع وخليت راسي ع كتافه يعني انتهي النقاش

اشوي واجت ماما وكعدت بصف عمر وتسولف وتضحك ويا الى الساعه بال9 رحنه انحضر العشه طبعا الكعدة كلها ساكته بس اذا سالوني اجاوب مختصر الصراحه اليوم احس نفسي اتغيرت يمكن كرهت نفسي لان كبرت وخليت امي اتعوفني وتزوج واحد ماعرف بشنو افكر بس احس داخلي مشوش ومخربط بشكل غير طبيعي لهيج اني هادئ بهذا الشكل المريب الله يستر مني

بعد ما خلصنه تجهيز العشه صحنه ع علوش وعمو عمر 😏

اجو وكعدنا ناكل واني صافنه ماعرف صفنا تاخذني وصفنه اترجعني مرة تاخذني الابوي ومرة اترجعني لطفولتي ما حسيت غير واحد داس ع رجلي ف عطت

شهد:اااااااه

ام شهد وعمر باوعو عليها وعلي يحاول ما يضحك ههههه هو الي داس بحذائه تكرمون ع اصابعي الي طالعه من حذائي البيتي المكشوف من المقدمه

ام شهد:خير ماما شبيج

عمر:بيج شي عمو

شهد:لا اعتذر بس جنت صافنه وطخت رجلي بالرجل مال الكرسي اعتذر ع الازعاج

عمر وام شهد:عادي مصار شي

درت وجهي ع علوش وشفته بالكوة ساكت كمت ودست بحذائي ع اصابع رجله وضليت افرك بيهن وهو صار وجها احمر اشوي ويطلع من وجها نار هههههههه

بهاي الليله تمت خطوبه ماما وعمر لبسو حلاقات

بقيت بهل الاسبوعين امي اتحضر لعرسها واني وعلوش احضر كل ملابسي اكسسوارات طبعا اخذت ملابس صيفي وشتوي ما خليت غير كم لبس ما اريدهن صارن اربع جنط مال سفر من الحجم الجبير كولش امطفحات

حضرات السادة الركاب اربطو الاحزمه سيتم الهبوط في مطار البصرة

صحيت من ذاكرتي ع صوت الميضيف مال الطيران.

شهد باوعت ع علوش لكته نايم هههه:علوش علوش يله اكعد عاد

علي:ها شكو طحنه متنا

شهد:😒😒اي متنا وروحنه صعدت عابت وجه البومه

علي:هاي شبيج ولج اني كلت انام اشوي واكعد احاجيج ليش احس انه هدوئج هذا الي يسبق العاصفه

شهد:ليش يعني

علي:ماعرف اسالي نفسج احجيلي حبيبه لا اتخلين بداخلج اني اعرفج انتي اكيد مشوشه من داخلج هواااي

شهد:اووووو هه والله انت تفهمني اكثر من الانسانه االي ولدتني

الحمدلله ع السلامه تم توقيف الطيارة

افتحو الاحزمه والى الخارج ع مهلكم

شهد:يله علوش

علي:تراة ما خلصنه حجينه ماشي

شهد:اوك يله

كمت وانا احس قلبي ايريد يطلع من مكانه اول مرة اجي لبلدي بحياتي 18 كلها ما نزلت ولا مرة ماعرف ليش

نزلت من باب الطيارة واني احس انه هعيش احله مغامرة بهل المكان 😍😍😍

دخلنه للمطار ورحنه انكمل الاوراق وكذا ورحنه انجيب الجنط طبعا اربع جنط اكبار وجنطه وسط خامسه اليه همين ووحدة صغيرة كولش تنشال بالايد العلوشي بيها ملابسه وكم شغله

خلصنه الاجرائات واني مستعجله اشوف بابي من ثلاث شهور ما شايفته

ضلينه نمشي بالممر وعلوش ايدردم عليه لان الجنط كولش ثكيلات ههههههههه

واني امشي وادور بعيوني فتحت فوني بس تذكرت ما ايصير اتصل لا الكارت(الشريحه)

مالتي ما تشتغل بعد لان اني مو بتركيا

هيج جنت لبسه ↯↯↯

بس الشال لفته تختلف😊

واخيراااا شفت علي اخوووي

عفت الجنط كولهن وركضت ع علي(اخوي) هو شافني واجاني شبكني صدوك ماكو احن من الاخ ع اخته حتى اذا مو من نفس الام بس يربطهم رابط الدم وهذا الاهم

بعدت بعد ما سمعت علوش(خالي) متعصب

♥♥♥

(ملاحضه:اذا اكتبه علوش يعني خال شهد والي اكتبه علي يعني اخو شهد اوك مو تنسون)

علوش:ولج عفتيني وفلتي

شهد:اي غير شفت اخوي 😜

علوش:صخله والتفت ع علي السلام عليكم

علي:وعليكم السلام شخبارك

علوش:الحمدلله وانت

علي:الحمدلله

:-احم احم

انتبهت ع شاب اشوي اطول من علي اخوي بس شاب مرتب طول بعرض الله يحفضه

علي:اووو اسفه نسيتك يالخال

اعرفكم هذا خالي ليث

ليث هاي اختي شهد

شهد باوعت ع ليث:اتشرفنه

ليث يباوع بعيونها:اليه الشرف

وباوع ع علوش خالي وكال:ومنو الاخ

شهد:هذا علوش ..بعدني ما كملت

ليث باوع عليه وخزرني اني وخرت عيوني عنه وسكتت

ليث وهو يمد ايدة لعلوش خالي:اتشرفنه

علوش ببتسامه غريبه:اليه الشرف اخوي

شهد:هنبقئ هنا واكفين اهوواي تراة اني متكسرة

علوش:منو كالج اكضي الطريق تقرين وما نمتي اني انام واكعد الكاج بنفس الوضعيه

شهد:تعرفني ما اعرف انام والمكان يتحرك حتى لو بسيارة ماكدر

علي:والله انج اشطر مني بلهجه البصراويه

شهد بغرور وهي ترمش بعيونها :طبعا اني ماكو احد مثلي

وبعدها مشت

علي:فعلا وضحك 😂😂

بعدها اخذ هو وليث الجنط من علوش ومشو وراي

انتضروووني....

شنو رائيكم بالبارت

الشخصيات

ليث

شهد

علي

علوش

شلون اول لقاء بين شهد وليث

شلون الحياة راح اتصير بين ليث العصبي وشهد العنيدة

احبكمممممم

آمۣۗہ غۣۗہمۣۗہآزۣآتۣۗہ❥❤

♥هلوووو♥

#الكاتبه:آمۣۗہ غۣۗہمۣۗہآزۣآتۣۗہ❥❤

البارت ♥3♥

❀❀❀❀❀❀❀

♥لــيــث♥

اليوم نسيبي خالد الي هو زوج اختي هاجر كال انه بنته امممم شنو اسمها اي اتذكرت شهد كال انه هي راح ترجع للعراق انا ما جنت اريدها ترجع الصراحه صح اني عمري ما شايفها بس اسمع اباسمها من خالد ومن علي ومن كل الي ابيت اختي حتى هاجر اختي همين تحبها الصراحه هذا الشي ما استغربه من اختي هاجر لان هي كلش كلش كلش حبابه وعمرها ما كرهت احد والي بقلبها ع الاسانها بدون تفكير

اني ما جنت اريدها ترجع لان كلت هي عايشه حياتها بتركيا اكيد لبسها شلتح بلتح هاي شلون راح اتعيش ويانه انا وابوها الناس تحلف براسنه وتقريبا الاسبوع ما يفوت اذا ما ايكون عدنه اكثر من اربع عزايم هاي من غير الكعدات الي اتصير عدنا هاي شلون راح تدبر ما ردت احجي ويا خالد لان مها ايكون هاي بنته اكيد ما راح يرضه عليا لهيج سكتت وكلت اذا شفت منها غلط واحد واحك الله ورسوله انا اعيد تربيتها اذا خالد ماكدر عليها

بعدها بيومين عرفت انه بعد اسبوعين تقريبا راح ترجع انا صرت متشوق اشوف هاي الابنيه الي امخليه البيت ع ايد ورجل من التجهيز لغرفتها وهمين حفله لرجوعها بعد كل هاي السنين وعزمو الناس وانا كل ما اشوف اختي هاجر اريد احجي وياها لان بصراحه ما اريد. اخسر سمعتي كدام الناس بسبب وحدة طايشه

المهم راحت الايام واجت ايام الى ان صارت اليوم الضهر توصل طيارتها ف خالد كال انه انا وعلي اروح انجيبها لان طلبو ناس حتى يحل مشكله عدهم

انا صح شيخ عشيرتنه بس انا وخالد اندير المشيخه هو ينصحتي ويخليني اخذ القرار الصحيح بالوقت الصحيح

انا لبست بنطرون اسود وقميص ابيض وسرحت شعري كل العادة وخليت البرفيون مالتي واخذت السويج مال السيارة وطلعت طبعا انا بالفيلا مالتي انا وامي وخالتي وبتها

طلعت دكيت هورن لعلي ونزل

علي:هلا هلا بالشيخ ههههههه

ليث: هلا بيك يله اركب خلي نلحك قبل لا توصل اختك

علي وهو يركب السيارة جنب السايق الي هو ليث:ممكن سوال يالخال

ليث وهو يمشي بالسيارة:اي اكيد كول

علي:ليش احسك ضايج من جيت شهود

ليث:امممم الصراحه انت اتعرفني اكثر من نفسي انا خايف ع سمعت الكل من اختك

علي بعصبيه:شتقصد

ليث بهدوء:شوف يا علي يا حبيبي انا مو قصدي شي بس يعني لبسها تحضرها. اعتقد يختلف جذرين عنه وعن عاداتنه وتقاليدنا كلامها شلون هتحجي ويا الكل بالعراقي شلون يعني رهمهماا اليه وبعدين مهمت اخذت ادروس بلهجتنه ما تضبطتها مثلنه لا تقنعتي

علي ببتسامه خبث:انا ما راح احجي شي لما تجي انت احكم

ليث:اي انشوف

اشوي ودق فون ليث وشاف اسم خالد

ليث:هلا حبيبي

ابو علي:هلا بيك ليوثي ها بشر وصلتو

ليث:بعد اشوي ونوصل لا ايضل بالك روح كمل شغلك وراح تستقبل بنتك ابيتك اول شخص

ابو علي:ماشي انتبه ع نفسك وع علي وشهودتي

ليث:ماشي تدلل شيخ

ابو علي:مشكور حبيبي الله وياك

ليث:سلام

اهنا كال علي بضحكه :ابوي هذا مو

ليث:اي ابوك

علي:تعرف مرات احس ابوي ايحب شهد اكثر منه

ليث يباع ع علي بنص عين :هااا بلشنه الغيرة

علي بضحك :لا لك يا غيرة هاي اختي الكتكوته صالي 7شهور ما شايفها مع انه شفتها مرتين او ثلاثه بس شخصيتها اتخليها تدخل بالقلب بسرعه وبدون استاذان

ليث:اووووو اتشوقت اشوف اختك الجديدة

علي:حلوة اختي الجديدة ههههههه

ليث:اســـكــت لك

علي:ماشي ماشي لااتعصب

اشوي ووصلنه للمطار ونزلنه دخلنه وسالنه ع الطيارة الي جايه من تركيا وطلعت بعد ربع ساعه وتوصل كعدنه ننتضر وطبعا الكعدة ما تخله من ملاقت وشقه علي وعصبيه ليث ههههههههه

بعد ربع ساعه سمعنه انه الطيارة وصلت كمنا وكفنه بمكان الانتضار مقابيل البوابات

تقريبا نص ساعه نتتضر وهي ماكو واني طكت روحي من الاناضار اكثر شي اكرها بحياتي هو الانتضار

بعد اشوي باوعت ع علي وشفته ابتسم باوعت لمكان الي يباوع اله واني انسطرت يا سبحان الله شنو من بنيه مع انه لفته شالها مو مضبوطه ومنزله كذلتها من الجهتين بس شكلها يلفت للانضار ولبسه محتشم وجانت اتسولف ويا شخص كلت

اكيد مو هي هاي اخت علي لان هاي محتشمه ولبسها نوعا ما بنطيها بنت عراقيه وبعدين هاي وياها. ولد واخت علي كالت اجي الوحدي شلون هاي لعد امممم

ضلت عيني عليها وهي تسحب الجنط هي والولد وتضحك شكلها يسطر بس شفتها انتبهت ع علي وعافت الجنط واجت تركض وشبكت علي اهنا اتاكدت وانصدمت بنفس الوقت اتاكدت انه هاي شهد اخت علي وانصدمت من لبسها والي صدمني اكثر من سمعت صوتها ولهجتها هاي شلون ضابطه لهجتنه البصراويه بشكل ايكول هاي عمرها كلها ما طالعه من البصرة

بعدها شفت الولد اتقرب عليها ويدردم عليها عرفت من كلامه انه عراقي

بعدها علي سالم عليه معنا ايعرفه بس كل هذا وعلي ما انتبه عليه بعدها اتحنحنت حتى ينتبهون

اهنا علي انتبه عليه وعرفني عليها وعرفها عليه من كضيت ايدها افيششششش ابنفسي ما اعوفها لان بيها ترافه مو طبيعيه

بعدين عرفتني ع الولد الي وياها وكالت علوش ماعرف ليش صعدت النار والعصبيه لراسي. وخزرتها ف هي كطعت حجيها وبعدت عيونها عني

عجبني تاثيري عليهاا

بعدها هي كالت انه اتريد اتروح لان تعبانه بعدها عرفت من كلامها انه هي ما نايمه بالطيارة وعرفت انه اكو شي مشترك بينه لان اني هم ما انام اذا اسافر ماكدر انام والمكان يتحرك من جواي بعدها علي كال الها انه هي احسن منه تحجي بصراوي ف هي سوت حركه سلبت قلبي بيها شلون رمشت بعيونها ماعرف اصار بيها وكالت اني ماكو احد مثلي ومشت ضل علي يضحك عليها ف رحنه انا وعلي واخذنه من هذا الي اسمه علوش واخذنه الجنط وهو كال

علوش:هذان الها بس هاي الجنطه الصغيرة اليها

(اتذكروو الي اكتب اسمه علي يعني اخو شهد والي اكتبه علوش يعني خالها اوك)

اهنا انا وعلي باوعنه البعض واخذنه الجنط ولحكناها وصرنه نمشي مع بعض انا وانوب هي وانوب علي وانوب علوش 😒بس لو اعرف انت منووو وليش اجيت وياها معقوله حبيبها 😡😡اذبحها واذبحه غير اذا صدك

صحيت من افكاري ع صوت علي يصيحني

علي:يله عيني ابو الصفنات يمعود

ليث:شبيك ولك

علي:افتح السيارة شبيك اختي ميته تعب

ليث باوع ع شهد وشافها بالكوة فاتحه عيونها واتباوع عليه ف رجعت باوعت ع علي وكلت:تدلل انت واختك وفتحت السيارة بس جنت احس عيون هذا الي اسمه علوش عليه وع شهد ما اهتميت ورحت ركبت مكان السايق وركب يمي علوش لان عرفت من كلام علي انه علوش اكبر من علي

ارتاحيت اهنا لان ما كعد يمها جنت انتضر اوصل حتى اسال علي منو هذا الي اسمه علوش

من مشيت ضلت عيني عليها وهي اتباوع من الشباك وتبتسم عهههههه خبله

اشوي شفتها راح تغفه عيونها بالكوة فاكتهن ف خلت راسها ع كتاف علي وغمضت

خففت السرعه حتى ما تنزعج بنومتها ضلت الطريق كله سكوت ما عدة الكلام الجانبي الي بين علي وعلوش وباقي الوقت الصمت سيد المكان

ما طولنه ووصلنه حاول علي يكعدها بس ما كعدت ف راح هذا الي اسمه علوش وضل ايكعد بيها (هاي مو نايمه هاي ميته 😂😂😂)

علوش:Çocuk uyandı

(استيقضي يا صغيرة)

شهد بنعاس:وخرر يا حمار

علوش وهو يحجي اباذان شهد:ولج حمارة انتي كوومي

صحصحت شهد بعد ما فزت ع روحها من صوت علوش

وخلت نزلت من السيارة ضلت اتباوع ع الفيلات الثلاثه كولهن نفس الاوان الابواب ف كالت

شهد:شنو انتم جايبيني ع متاهااا ههههههه ضكرتوني بفيلم كارتون مال الاغاز الي يخلونك بمتاها وكدامك ثلاث ابواب وكلهن نفس الون بس نسيت اسمه اممممم

علوش وهو يصفطها ع راسها :ولج غبيه امشي مو وقت خبالج هسه

علي:ههههههههه اي والله يله امشي ادخل لهذا الباب الي ع ايدج اليمنا

شهد بشقه:بس هي من اي جها ايدي اليمنا

علي وليث:😰😰شنووووو

شهد بضحك:شبيكم اتشاقه 😂😂😂

ليث :لا حوله ولا قوة الا بالله العلي العضيم امشي ادخلي ولج

شهد:😒😒ولج بعينك يا زرافه

وراحت ركض دخلت للفيلا ما اهلها لان الباب مفتوح

علوش وعلي يضحكون ع شكل ليث من كالتله زرافه :😂😂😂😂😂😂

علوش:استلموو هاي اول قصفه اجت بجبهتك استاذ ليث هههههه

علي وهو يمشي ويا علوش وهما ايدخلون الجنط :اي والله انقصفت يالخال 😂😂😂😂

♥شــــهـــد♥

بعد ما كلت لهذاك المغرور زرافه وشردت لان شفت عيونه

صارت نار من العصبيه ف فلتت من كدامه قبل لا ياكولني هههههههه

دخلت اوفففففف شنو هل الخضار يخبل والاشجار والورد يجنننن بالحسين شكل الحديقه مو طبيعي

اشوي وشفت علوش وعلي اجو وراي وهما ايضحكون وعلي اشرلي ادخل من باب البيت لا شنو بيت هاي فيلا تخبل

دخلت شنو شفت المكان كوله مزين من الباب لدرج الكاع كولها ورد ابيض واحمر والاضواء يعني المكان كولش حلوو واني اباوع طاحت عيني ع بابيتو فدوة لقلبه لابس الزي العربي اني اول مرة اشوفه لابسهن بالحقيقه بس عندي صور اله بهيج لبس يعني صدوك شيخ الشباب

اجه عليه واني همين رحت وشبكته بكل قوتي وماعرف شلون تذكرت ماما اهنا وضليت ابجي ماعرف يمكن جنت انتضر هذا الحنان الي بخضن ابوي حتى

ابجي واطلع كل قهري وفقداني

الابوي كل هاي السنين وتخلي امي عني بكل هاي السهوله

وحتى بدون ما ايرفلها جفن عافتني 😭😭😭😭

بعدها اجت بنيه اشوي اقصر مني ولكزتني بكتفي وكالت :كافي هيج شبك هذا ابوي همين

اهنا اني ضحكت وواخرت عن بابا

واني امسح ادموعي

ف هي خلت وشبكتني اني اتفاجائت من حركتها عرفت انه هاي اختي الصغونه الي علي وبابيتو حجولي عنها كذا مرة

وبعدهاااا.....

انتضرووني ....

اريد تشجيعكم اكثر اعرف انه البدايه ممله بس انتم همتكم وياي فدوة انشروها للقصه او اعملوو تاكات لصديقاتكم

احبكممممم

آمۣۗہ غۣۗہمۣۗہآزۣآتۣۗہ❥❤

مــــســــ(ء)ــــــا العــــافية

اخـــــــباررركم

مشـــــتاقه الــــكم كــــومه 😚

اسفه لان اتاخرت بالتنزيل

بس جان عدنا خطار وامس

جنت طالعه ولنص الليل يله

رجعت تعبانه وما كدرت اكتب واليوم همين جنت طالعه من الصبح ورجــــعت تعبانه وكتبت علمودكم والله 😚😚😚

اعذروني 😘😘😘😘

الــــكاتبة:آمۣۗہ غۣۗہمۣۗہآزۣآتۣۗہ❥❤

فووووت قبل القراءة وكومنتات

ع الفقرات

يله نبدااااااا 😍😘

البـ(4)ــــــــارت

بعد ما اتعرفت ع زوجه بابي والصراحه طلعت مرة كولش طيبه مع انه اني جنت متوقعه زوجه بابي نفس الي ابعض القصص الي اقراهن اتصير شريرة بس بالعكس طلعت حبوبه وبعدين بالعشرة نحكم الحكم النهائي

ابوي اتفاحاة من شاف علوش ما توقع جيته عتقد 

ابو علي: هلا والله بالنشمي

علوش:هلا بيك بويه شخبارك

واتحاضنو اني فرحت كولش بكلام بابي لعلوش

بعدها ضليت اباوع ع الصاله وشفت هذاك الزرافه

ايباوع عليه ومن باوعتله خزرني

اني طلعت الساني عليه 😛😛

حسيت ع طخه بصفحتي باوعت لكيت عليا

عليا:شبيج خيتو ليش اتعيبين ع خالو

شهد:خالوو 😞😞

عليا:اي لج خالو ليث هو يصير اخو ماما

شهد:اي اعرف كالي علي

عليا:ههههههه بس والله انتي جريئه

شهد:ههههههه ليش تكولين هيج

عليا:ولج انتي هستوة عيبتي ع ليث لو وحدة غيرج جان طرها ابراشدي خلاها تنسه حليب الي رضعته

شهد وهي اتباوع ع ليث وتحجي:هو تحرش بيه ليش يخزرني

اهنا باوع ليث عليها وشاف تعابير وجها وهي تحجي واتباوع عليه ف فهم انه داتحجي عليه اهنا طفرت افيوزاته وعيونه صارن حمر ف خله وكام استاذن وطلع من البيت كله اخذ سيارته وطلع

نعوف هذا البيت واروح للبيت ليث الي بي هو. وامه  وخالته وبنتها

بالغرفه الي بالطابق الثاني بغرفه سارة جانت كاعدة وتصبغ اباضافرها

ف دخلت عليها امها

ام سارة:ولج شدسوين

سارة:شنو شايفه وبعدين شبيج متعصبه هيج

ام سارة:ولح عرفتي انه بنت زوج هاجر رجعت وراح اتعيش اهنا

سارة بعدم اهتمام:اي اعرف

ام سارة بعصبيه:انااااا ما راح ايموتني غير برودج هذا ولج بنت وعايشه بتركيا مادري وين شنو تتوقعين شكلها ولبسها اكيد راح اتخرب كل مخططاتنه

سارة بضحكه:قصدج هذيح الصعلوكه وليث ههههههه ليث يباوع ع وحدة عايشه كل عمرها براة العراق كولي غيرها وبعدين  منو كلج اصلان تحجي عربي مثلنه

ام سارة:واذا ليث حبها شنو هتسوين

سارة:ما راح ايحبها اذا انتي نسيتي انا ما نسيت قبل سنه ونص شنو جنت بالنسبه الليث

ام سارة:لا ما نسيت وانتي شفتي شنو سواة من رجعتي وبالكوة خلاج اتكعدين ابيته واتعيشين بهل الفيلا بعد ما طلقج هذاك السكط

سارة:اوففففف ماما شبيج ليش تكولين هيج ليث الي انا وبس واذا هذيج الصعلوكه فكرت بس تفكير انه تاخذ ليث مني راح اخليها تندم وارجعها من مكان ما جانت وانتي اتعرفيني

ام سارة:اي هاي بنتي الي اعرفها انتي اذا اخذتي ليث راح اتصير كل ممتلكاته الج انتي وبساطه تحولين كل شي اباسمج

سارة:اي اعرف والله وانتضري الحفله اليوم وشوفي اشراح اسوي

ام سارة:😈😈😈

((اليوم بالليل اهل شهد امسوين حفله عائليه بفيلا اهل شهد وطبعا ليث وام ليث واختها وسارة يعني مثل حفله تعارف وكذا) )

♥نرجع لبيت شهد♥بعد ساعة

كولهم كاعدين بالصاله علوش وشهد وابوها وهاجر وعليا وعلي

شهد:هههههههه كافي ولج

عليا:لو تشوفين شنو صار ابوقتها ليث داس ابطن علي هههههههههههه

علي:ههههههههه اي والله ماانسه هاي اللعبه بحياتي

شهد:منووو كالك العب ويا جان طلع مصارينك 😂😂😂

علوش:هههههههه الله يساعدك

ابو علي:هههههه ان شاء الله دوم هاي الجمعه يارب

هاجر وهي تبتسم:اللهم امين .....شهد

شهد:تفضلي خالتو

هاجر:تعالي وياي للغرفه اريد احجي وياج

شهد بخوف:ااااا وباوعت ع ابوها وهو ابتسم الها فكالت ماشي خالتو

هاجر:يله امشي

راحت هاجر وراحت وراها شهد

بقو علوش وخالد وعليا وعلي

اشوي ونزل حسين وشكله هستوة كاعد من النوم وكاشخ ويريد يطلع لكاهم بالصاله كاعدين

عليا:هلا وغلا اباخوي الشفيه

حسين:ولج سدي حلكج لا اجي اسحلج

ابو علي:ولك احترم الناس الكاعدة اذا ما تحترمني

حسين وهو. يباوع بنص عين لعلوش:منوو الاخ

علي :هذا خال اختك

حسين:شنووو وباوع ع عليا

عليا:شووووف حضي لك مو اني اختك الي اكبر مني شهودة

حسين وهو يلوي حلكه ع اساس ما عاجبه ومد ايدة لعلوش:نورت

علوش:شكرا بنورك

عليا وهي اتباوع لحسين:😒😒اهمدة حضي

علي:ولج اسكتي عنه

عليا:ليش اسكت الساكت عن الحق شيطان مخرس

ابو علي وعلوش وعلي:😂😂😂😂😂😂😂

هي ضلت اتباوع بستغراب وكالت :شكو

علي وهو يكض ضحكته:انتي كلتي المثل كله صح شبيج وصلتي الاخر كلمه وشخطتي

ابو علي:عوفها علي هههههههههه

علوش يحاول ما يضحك حتى لا يفشلها زود

علي:ولج المثل يكول الساكت عن الحق شيطان اخرس اشلون صارت مخرس

عليا وهي اتخلي ايدها ع وجها وكامت ركض لغرفتها من الفشله

علي وابو علي وعلوش 😂😂😂😂

حسين 😒😒

في غرفه هاجر

جانت كاعدة ع الجوربايه وشهد كاعدة ع القنفه(الكنبه) الي مقابيل الجوربايه

هاجر:احم احم

شهد بتوتر ابتسمت

هاجر:اوففففف صالنه ربع ساعه ساكتين

شهد:ههههههه اي والله تفضلي يا خالتو

هاجر بحنان:ماعرف شلون ابلش وياج

شهد:تفضلي خالتو اني اسمعج

هاجر:يمكن كلامي ما راح تقتنعين بي بس الله شاهد عليه وعلى كل كلمه راح اكولها

شهد بخوف وتحجي بقلبها يبووي يمكن ما اتريدني اكعد عدها اوفففففف وين اولي ف كالت بصوت بالكوة طلع منها:تفضلي خالتو وكولي كل شي تردي

هاجر:اني الصراحه نفسي بشي ممكن

شهد:اكيد

هاجر:ممكن تصيحيني يمه

شهد بصدمه:شنوووو

هاجر:صح مو من حقي بس امنيتي اصير امج تعرفي اني اعشك شي اسمه بنات يموووي والله ما انطاني غير

بنوته وحدة واتمنا اتصيرين بنتي صح ما اعرف اي شي عنج بس ان شاء الله اذا الله ما اخذ امانته العمر كدامنه

نتعارف ع بعضنه

شهد :.....

هاجر:هااا شنوو جوابج

شهد بفرح:اكيد خا..  اقصد ماميتو

كامت هاجر وشبكتها وكالت :فدوة ترحين لقلب امج

بعدها طلعن من الغرفه وهنا يضحكن

ف كال ابو علي وهو يباوع عليهن :اووووو شنو هل الرومنسيه

شهد:هاا بابيتوو تغار هههههههه

هاجر بخجل تضرب شهد

ابو علي:امممممم يعني اتاكد من شكلجن انه كل شي تمام

شهد وهي اتباوع ع ابوها :اكيد كل شي تمام هاي ماميتو العسوله

حسين:هه 😏😏

شهد باوعت ع حسين وكالت:بابي هذا امممم حسين

ابو علي:اي بابا هذا اخوج الثاني حسين

راحت شهد يمه وكومته من مكانه وشبكته

ف هو اتفاجاة لان ما اتوقعها راح اتسوي هيج

اهنا دخل ليث وكال:السلام عليكم

وضل ايباوع ع شهد شلون شابكه حسين وكال وهو يباوع ع علوش وعلي:شنو رايكم نطلع نلعب رياضه

علي وهو يكوم:اني مواااافق

علوش:واني هم بس وين

ليث :بالطابق الي فوك امشي

شهد باوعت ع ليث ولكته يباوع عليها هي دارت وجها عنه وهو لو ما اشويه جان سحلها 😒😡😡

طلع بسرعه ع الدرج هو وعلي وعلوش

ف هاجر كالت :يمه شهد ما جعتي لان مساع من خلينه اكل ما اكلتي

شهد:لا والله مامي بس كلش نعسانه

هاجر:انتضري اصيحلج عليا تاخذج لغرفتج ...عليااا ..يمه عليااااا

عليا وهي طالعه من المصعد

(البيت بي مصعد وهمين درج)

عليا:هااا يمه

هاجر:تعالي اخذي اختج خلي ترتاح

عليا:اوك مام يله شوشو

شهد:يله لولو هههههه عن اذنكم

ابو علي وهاجر:اذنج معاج حبيبه

ابو علي بقى يحجي ويا هاجر ويسالها عن شنو حجت ويا شهد وكعدت اتسولفله كل شي

ابو علي:الحمدلله.. اي صح اتذكرت عزمتي مرات عمي ام ليث واختها وبنتها

هاجر:اي يا عيوني كل شي جاهز اليوم راح يجون حتئ يتعرفون ع بنتنه الجديدة

ابو علي:الله يخليج اليه يا روحي

هاجر بخجل:ويخليك حبيبي

حسين:احم احم انا اهنا

هاجر ابو علي:😒😒😒الصم

حسين:ماشي ماشي اخذو راحتكم اني طالع

ابو علي: ووين

حسين:طالع ويا اصدقائي لا تخاف ما اتاخر

ابو علي:ماشي انشوف

حسين:باي

ابو علي وهاجر: الله وياك

وبعدها كامو لغرفتهم يرتاحون اشوي

بغرفه شهد

شهد:واووووو تخبل

وراحت صعدت ع الجوربايه ضلت اطفر

عليا:ولج اهجعي ابمكانج هههههه يله ارتاحي وراج معركه

وكفت شهد وكالت بعدم فهم :معركه معركه شنو

عليا:مو احنى امسويلج حفله اليوم ومعزومين جدتي واختها وبنتها سارة

شهد:اي صح سمعت هيج شي من ماميتو

عليا:منو ماميتو

شهد بخجل:امج هههههه

عليا:اوووو تطورات من ورايه المهم بعدين نحجي بهذا الموضوع اريدج اليوم اتذهلين كل المووجودين صح هما مو هواي بس اريدج اتقهرين هذيج الحيه

شهد وهي تنزع شالها وتكعد ع الجوربايه بعد ما جانت واكفه عليها:حيه شنووو ما فهمت

عليا:تعالي اكولج

شهد:هياني يمج كولي

عليا راح وكعدت يم شهد وكالت :.........

اتضرووووني....

اسفه مرة ثانيه ع التاخير

بس والله تفاعلكم ما ايساعد ولا يشجعني

اريد توقعاتكم للحفله

منو الحيه الي تحجي عليها عليا.....

ليث شنو ردت فعله من يعرف انه علوش خال شهد😂...

هاجر صح طيبه لو حيه من تحت تبن شنو تتوقعون ....

آمۣۗہ غۣۗہمۣۗہآزۣآتۣۗہ❥❤

لا تــزال الانـــثى؛هــي حيـــاة وجــــمال هــــذا الــــكوكب مهـــــما كثــــر عـــــــدد الذكــــًــــوور ومـــــهما تربــــــعو علي عـــــــرش الســــــلطه وتبـــــــقي الانــــــاث ارق واجــــــمل ســــــــ(❤)ـــــلطه!!!☺

❀❀❀❀❀❀❀❀❀

الكاتبه آمۣۗہ غۣۗہمۣۗہآزۣآتۣۗہ❥❤

البــــ(5)ــــــارت👑

ﻣــ؏ـشوکت الــشـــيــﺨ لــيــث🔒🔑

♥عــــلوش♥

بعد ما استقبلونه ابن نسيبي السابق بالمطار وجان ويا شاب اكبر مني وشكله حلووو من سالم ع شهد شفته اخذله صفنه عرفت هذا وكع بيها من اتعرف عليه ما كتله انه اني خالها لشهد وعرفت من طريقه كلامه انه هو ما يعرف انه اني خالها وشفته فرحته من كعدت يمه بالسيارة وعلي كعد يم شهد بالخلفيه

بعدها وصلنه وشفته شلون غار عليها من اجيت اكعدها حسيته اشتعل نار وبعدين شبعت ضحك عليه انا وعلي من كالتله هاي ام اللسان شهود انه هو زرافه هههههههههه

بعدها دخلنه وسلمنه واني ضلت عيني ع ليث وشهد هو يخزرها وهي اتعيب عليه هههههههه

بعدها هو استاذن وراح واحنى بقينه بس من سلمت عليهم شفت بنيه سبحانه الخالقها اشلون حليوة ومدبدبه واحله شي بيها طفولتها شخصيتها وخبالها تقريبا نفس شهد

بعدها ام علي زوجه خالد صاحت لشهد الصراحه المراة خوش استقبلتنه وجانت محترمه بس الصراحه النسوان ما ينحزر الهن واني ليش اجيت ويا شهد واني عندي بيتي وشغلي ابغداد بس حتى اطمن عن وضعها اهنا شلون هيكون بس من شفت علي اخوها وابوها وحتى اختها ارتاحيت بس بقت زوجه ابوها وبعدين عرفت انه خالد عندة بعد ولد واسمه حسين بس الصراحه ما ارتاحيتله احسه ملطلط وحتى سلامه علينه مو عدل ولا كان ابن شيوخ هسه مو هذا علي وليث كلامهم رزن وثكال ويعرفون شلون يسولفون بس هذا احسه فاهي كلت هسه شعليه انا باجر ورايح لبغداد خلي تكضي هاي الليله ع خير بعدها خلونه اكل واكلنه بس شهد ما اكلت تكول لعبانه نفسها من

الطيارة بعدها. عرفت انه بالليل امسوين حفله لشهد وراح يجون اهل ليث بعدها ضلينه نحجي وهاي الخبله اخت شهد ع اساس كالت مثل ع اخوها بس وصلت الاخر كلمه وخربطت ههههههه والله ضحكنه كلنه عليها هي من الفشله طفرت ... اشوي اجت شهد وزوجه ابوها بس شهد ابتسامتها لذانها واصله الصراحه ارتاحيت من شفتها هيج لان انا كل شي ايهمني راحت شهد هي بنتي مو بنت اختي اوفففف يا اختي مع انه متاكد ما راح ترتاح من دون شهد بس خليها يمكن اكون غلطان بعدها اجت هاي الثوله وشبكت اخوها حسين وسلمت عليه هو ما اتجاوب وياها صار مثل الصنم بوقتها دخل ليث سالم انا كلت شنو هو اهنا يعيش وياهم لقلبي بعدها شفته شلون يباوع ع شهد هههههههه راح الاخ بيها بس واذا طلع متزوج شلون اوفففففف بعدها كال ليث خلي نلعب رياضه ف كام علي وكمت ويا سالته وين كال فوك ورحنه لطابق الثالث صاله جبيرة شلون مركز مال الجيم كل شي حديد واثقال ورياضه واجهزة اشكال والاوان رفعت اكمام قميصي وفتحت ازرار قميصي وليث وعلي نفس الشي وكعدنا نلعب واخذنه الحجي ....

♥ بغرفه شهد♥

شهد:اذا هما ايحبون بعض ليش تردين اخرب عليهم

عليا:ولج انتي ما تعرفين شنو سوت من مصيبه قبل سنه تقريبا

شهد:شنوو سوت

عليا:بعدين تعرفين المهم اليوم اريدج صاروخ تلبسين احله شي واريدج اتفكين شعرج واتخلي مفتوح لان ليث يحب الشعر الطويل (كالت اخر جملتها بصوت ناصي)

شهد:ولج شلون اخلي مفترح وخالج

عليا:ولج واذا اعتبري خالج همين تلبسبن حجاب منه

شهد:اذا خالي لا بس المهم هو ما ايحلي

عليا:اوففففف المهم خلي شال هيج اشبيج معقدة جنج بيبيتي

شهد:😒😒هسه خلصيني شنو تردين اسوي

عليا:شوفي هي اكيد ما راح تكعد ساكته واكيد داتخطط لشي واني متاكدة

شهد:اكووولج اني ما اريد مشاكل رحمه للهلج

عليا:شوفي وعد اذا هي اليوم ما سوت شي انسي كل شي كلتلج عليه اوك

شهد:اي ماشي وبعدين اذا سوت شي والله الا اخليها تندم وشوفي

عليا:عاااشوووو هاي اختي يله قلبوشي نامي وارتاحي وانا بال8 اجي اكعدج اوك

شهد:اوفففففف هسه بال5:30 تتوقعين راح اشبع نوم

عليا:اي تشبعين يله انطمري

شهد:حاااااااضر ونامت ع الجوربايه حتى من دون ما اتغبر ملابسها

عليا:احبج وانتي مطيعه

كامت شهد وشمرت المخدة ع عليا وهذيج طلعت تركض

بعد مرور ثلاث ساعات في بيت ليث

بغرفه سارة جانت داتخلي اخر لمساتها من الميك اب الصراحه سارة حلوة يعني صاكه بعيونها العسليه الصغار وشعرها الاشكر لنص ضهرها وجسمها ضعيف كولش ملامحها جريئه اتخلي الواحد ايباوع عليها طبعا اذا الشخص يحب هيج شي شهد عكسها ملامحها طفوليه وبريئه وبشرتها الحنطيه وشعرها الاسود وامخصل امخليها تجذب اكبر شارب واتخلي ينزل ع اركبه وجسمها الامدبدب وطولها لوسط وعيونها السود مثل سواد الليل

لو ما الخبث وانانيتها الي بسارة جان الى الان ليث يحبها وهي مرته ويمكن حتى عدهم اطفال بس هي من انانيتها وحبها للفلوس خسرت كل شي وباعت كل شي وبالاخر صفت بالشارع ورجعت لنفس البيت الي بيوم عافتها وخلت ناس مكسورة

ام سارة وهي داخله ع سارة للغرفه:ها يمه خلصتي

سارة وهي اطوخ بالروج:اي يمه خلصت شوفيني

ملابس سارة فستان احمر طويل وبي قتحه من تحت لحد الركبه

ام سارة:اممممم بس ما اتشوفين الفستان فاضح لا تنسين هاي الابنيه وياها ولد ماعرف منو وهمين زوج هاجر واولادها شباب

سارة:اووووو يمه شنو هل العقليه المتخلفه احنى بال2018 بعدكم ع هذا التخلف

ام سارة:مو قصه تخلف بس تتوقعين ليث هيقبل بلبسج هذا احنى اريدة يرجع لان مليت وانا اسوي سحورة وهو ماكو ما بقت وحدة ما رحتلها وهو ولا كان

سارة:اصلان اني لبسه هذا الابس حتى اغري بي ليث واخلي ما ايشيل عينه عني وبعدين اني حلوة ليش اضم جمالي بهذا التخلف

راحت شالت شالها وخلتها هيج ع راسها ولبست عبايتها الاسلاميه وطبعا مفتوحه كلها واخذت فونها وطلعت وامها لحكتها

♥بيت شهد بغرفتها♥

عليا:عااااااااااااااا وج كووووومي

شهد:وصمااااااااااااااا الي تصمج وغمه عوفيني انام فدوة

عليا:ولج كووومي راح يجون اهل ليث كومي

شهد:واذا خلي يجون

عليا بخبث: ماشي لا اتكعدين وافشلي ابوي يله ب ....

ما كملت لان شهد طفرت من مكانها

شهد:كعدت كعدت وكامت وهي عيونها بالكوة فاتحتهن

ودخلت للحمام الي بغررفتها سبحت تقريبا نص ساعه طلعت لكت عليا لابسه فستان طويل لونه جويتي الاكتافات طالعات بس بي اردانات شيفون وكاعدة اتخلي ميك اب

شهد:هلا هلا ولج ما عرفتج

عليا بغرور:اعرف اني ملكه جمال 😌😌

شهد:ع كيفج اميرة اديانا واخري عن وجهي وراي كومت تعديلات بعدها سرحت شعرها وخلته مفتوح مثل ما كالت عليا ودخلت لبست هيج ↯↯↯

*وهذا الميك اب*

طلعت شهد فد شي يـــخبل

غيرر شكل

واشوي ودخلت عليهن هاجر وهي من شافتهن صلت ع محمد

هاجر:اللهم صلي ع محمد وال محمد انتن بناتي لو اني مخربطه

عليا:لا بنات الجيران

هاجر وهي تسطر عليا ع راسها:الصمي انتي هسه اتاكدت انت انتن بناتي من حجت هاي الخبله

شهد:ههههههه اي والله خبله بس حبابه

هاجر راحت يم شهد وهي اتمشي ايدها ع شعرها وتباوع الها بالامرايه الله يحفضج من العين خالتي وبنتها

عليا بتفكير:اني خايفه اليوم شهد اتبات بالمستشفى

هاجر:يمه اسم الله ع بنتي لا اتفاولين

عليا:يمهههههههه ما ايصيير هيج اني همين بنتج وبزر الكعدة واغاررر لو كايلتلج اني راح يضربوني عين جان ما كلتي هيج

هاجر:طبعا ما اكول لان انتي اسم الله عليج تاخذين حكج بالسانج وحتى ما اتخلين واحد يفكر ايباوع عليج. نسيتي ام عباس الي براس الشارع بيتهم

عليا:اهوووو رجعنه ع ام عبيسان اشجابها ع بالج

شهد:منو ام عبيسان قصدي عباس ههههههه

هاجر:شوفني هاي مريه حبابه

عليا:حبتها حيه بسبع روس

هاجر:اسكتي ...ف هي رادت تخطب عليا الابنها عباس

عليا:عوذذذذذذة اي والله عايزة اني اخذ اعبيسان جنه اﭼليب الماي ههههههههههه

شهد:😂😂😂😂😂😂خررررب يمه 😂😂راح اموت جليب الماي خرررب عرضج ع هذا التشبيه

هاجر:شفتي مو اكلج انتي ما ينخاف عليج بس هاي الفقيرة

كامت شهد ولبست حذائها الافلات الارصاصي وبي كرستال اسود وكالت:خووفج من السكوتي يا مامي من السكوتي موتي ومن الامطكطك لا اتخاااف😉😉

هاجر:ولج منين سامعه هذا المثل

شهد:الصراحه جان عندي صديقه اسمها ماريا وهي بغداديه وقبل سنتين اجت وعاشت بتركيا ف هي عالمتني هواي اشياء من ضمنها لهجتي الي ما اتشوبها شايبه

هاجر:اوووو حلوو.

عليا:يله عاد راح يجون الضيوف

هاجر:ماشي ماشي يله بنوتاتي امشن

وهاجر صارت بالوسط وع اليمين شهد وع اليسار عليا واخذتهن وطلعت من الغرفه ونزلن بالمصعد ولكن ام ليث وام سارة وسارة وعلوش وعلي ابو علي كاعدين بالصاله

هاجر وشهد وعليا:السلام عليكم

الكل ما عدة سارة وامها:وعليكم السلام

ام ليث:اللهم صلي ع محمد وال محمد شنو هذا الجمال وين جنتي مضمومه

شهد:صليتي ع نبيج خالتي

عليا:جنه ضاميها لوقت كشف بعض حثاله المجتمع الي متنكرين ع هيئت ناس محترمه والحمدلله هما كشفو نفسهم بنفسهم (كالت اخر كلامها وهي اتباوع ع سارة وبعيونها نضره تحدي)

ام ليث وابو علي وام سارة وسارة وهاجر فهمو كلام عليا مضبوط

هاجر اتريد اتغير الموضوع: شهود هاي امي وام اخوي ليث

شهد:اتشرفنه خالتو

هاجر:وهاي خالتي اخت امي ام سارة وهاي بنتها سارة

شهد:اتشرفنه خالتي وراحت كدام سارة الي اتباوع عليها بنضرة غيرة من جمالها ولبسها ومن عمرها ومدت ايدها وشهد خلت ايدها ابيد سارة

واهنا دخل ليث وجان لابس زي عربي دشداشه بيضه وغترة بيضه وطالع انعل يوماااا حاته صااااك 😍😍

شهد وسارة باوع ع ليث مع بعض هو ضل صافن ع شهد وسارة مرة ايباوع ع شهد ومرة ع سارة

انتضروووني .....

شنو رائيكم بالبارت ♥

اكمل لو لا♥

تردون اكمل الاحداث هيج لو اختصر منها واسوي كل شي

سريع ♥

شنو تتوقعون سارة راح تستسلم♥

شهد راح تحب ليث♥

ليث راح يعشكها لشهد لو مجرد اعجاب بشكلها وشخصيتها♥

ليث راح ايفكر يرجع لسارة♥

شنو الي سواته سارة قبل سنه

خلت ليث يعوفها ويكرها♥

يله تصبحوون ع خير 😚😚

آمۣۗہ غۣۗہمۣۗہآزۣآتۣۗہ❥❤

صباحووو يا حلوووين 😘😘😘

اتمنا شي واحد منكم انه ما تستفزوني بتعليقاتكم لان اني الساني طويل وبسرعه تطفر اعصابي والله لهيج اتجنبو

عصبيتي واحب اكول لبنوتاتي الحلوات الي يشجعني اروحلهن 10000 فدوة لقلوبجن يا عسولاتي 😙😙😙😙

❀❀❀❀❀❀❀❀

البــــ(7)ــــــارت👑

الكاتبه آمۣۗہ غۣۗہمۣۗہآزۣآتۣۗہ❥❤

عـــــمــــرهــاا أٌلــډنـــــــيــآ

مـآ ۅقــــفــت❌  ع

#فـــــلآِن #ۅعــــــلآن

✔ۅطــــزٍ​​#بـــألـرآضــــي 👌

قــبـل❌#آٍلــزٍعــــــلآن 

👎✔والٓلــي مـآ يْتعـــــدل "

#يتـــبد٘ل " ;-) ➣ 

♥بــعد مرور اسبوع♥

♥شـــهــــد♥

وهي كاعدة بالحديقه ع المرجوحه وتذكر شنو صار وياها بهل الاسبوع

بهذيج الليله بعد العشه جانو كاعدين يشربون جاي بالصاله وابو علي كام لان اجه اتصال وكام ايرد عليه وهاجر وام سارة وام ليث بالمطبخ يسولفن ...

ف كالت سارة وهي اتباوع ع علوش:اكول علي ما عرفتونه ع هذا الشاب

علي:هذا ايصير خال شهد

سارة بضحك:تعرف علي اني جنت متخيلته حبيبها وضحكت بصوت عالي

ف ردت عليها عليا:مو غريبه عليج 😏

سارة:اكولج انتي ليش تدخلين بكلام الي اكبر منج ولج اني لو عندي بنيه جانت اصغر منج بسنه

عليا:لعد يا خالتو ليش كاشفه جسمج وانتي بعمر امي

سارة بصدمه:شنوووو

عليا:هاا شبيج لعد شنو تردين اكلج يا خالتوو يعني احزرو الي بكد مامي وكاشفه جسمها والي اصغر منها بسنوات مغطيه جسمها شنو احسبها بربج جايه اتسوين اغرائات ابيتنه ههههههههههه

شهد:😂😂😂خرررررب متتتتت ولج ههههههه بعدين انتبهت ع روحها وكالت ـ احم احم اعتذر

عليا:ولا يهمج ياروحي انتي

سارة:تعرفين انه انتي قليله ادب وابوج ما عرف ايربيج

اهنا اتعصبت شهد:هاي هاي انتي الزمي احدودج. لو اكوم افرك حلكج بالكاع احترامن للكاعدين والي هما  اكبر مني لو ما هما جان سحلتج ولج انتي منو حتى تقللين من قيمت ابوي

علوش:شهود حبيبي اهدي

ليث هيج يباوع ع علوش :😒😒لان كال حبيبي 😂😂

شهد ببتسامه:منو كالك اني متعصبه اصلان اني كولش هادى بس مااكو احد يكدر عليه اذا عصبت ممكن بكل سهوله انتف شعر راس احد او اشلع اسنون او اسلق اعيون وواكلهن لصاحبهن كولش عادي ـ كالت كل تهديداتها وهي اتباوع ع سارة وبالاخير رجعت ضهرها وخلت رجل ع رجل وكملت ـ مو اني الي تنزل قيمت شخص يخصني ولا انييييييي ينوخذ شي من املاكي حلوو 😉وغمزت بالاخير وهي اتباوع بعيون سارة

سارة:اعتبرة تحدي

شهد ببتسامه:كول موافقه 

عليا:شهد شنوو الي داسوي

شهد ببتسامه:ماداسوي شي بس الي مفكرة نفسها بعمري وهي اكبر من خالي تحب التحديات واني من عشاقها لتحديات ف لازم انطيها كم كورس بالعبه

عليا:انتي خبله تعرفين هل الشي

طبعا علوش وعلي وليث جانو كاعدين ومتابعين الحوار من الاول وكل واحد يحجي شي بداخله

علي:يبوووووو راح اتصير حرب عدنه بس هل شهود ما ينكدر عليها والله لو ما هي راده ع هاي القنجه جان انا كمت رديتها ...

ليث:ياربي هاي شنو داسوي تحدي شنوو ولج هاي سارة راح تنهيج اووف ياربي يفدوة شوف اللسان ايخبل فدوة لطولج هذا اشبي يكووللها حبيبي هسه اكوم افرك حلكه بالكاع شنو الي تقصدة باملاكها هاي الطفله اشلون اتحولت لنمرة شرسه اووووو حبيت...

علوش:ما اكول غير الله اليستر هاي شلون راح اعوفها بارجر استغفر الله اوييلييي هاي شلون عليها اللسان يفدوة انوب اسمها عليا اي والله انتي لازم ايسموج عسل قشطه بقلاوة ياويلي ع حااالي شسوت بيه هاي الطفله...

بعدها اجه ابو علي وكعد وياهم قرابه الساعه بال11:30طلعو اهل ليث والكل راح ع غرفته بقة بس الشباب الوحدهم اشوي وهمين كل واحد راح لغرفته

شهد♥

صعدت لغرفتي نزعت ملابسي وغسلت ولبست اتراك وردي وبي ع الصدر صورة لسبوج بوب اني احب هذا التراك لان مريح كولش

اخذت شالي وفوني ونزلت لصاله لان اني اكرة كعدت الغرف بالاول رحت لعليا لكيتها نايمه واني بعدة النوم ما اجاني ف رحت كعدت بالصاله ومددت رجليها اخذت قرابه الساعه واني جاي اقرا قصص ع برنامج اسمه رويات بعدها اتذكرت انه اني ما اتصلت ابماما ولا اشتريت شريحه كلت باجر اكول لبابا يجيبلي. واتصل هه اكيد ناسيتني وكاعدة اتجهز لعرسها

نعوف شهد ونصعد لطابق الي فوك

بغرفه علوش طبعا علوش عندة شريحه لان هو عايش بغداد ف اتصل ع اخته

علوش:هلووو

ام شهد:هلاوات

علوش:اخبارج

ام شهد:الحمدلله اي صح ايمتا راح تجي حتى اتكمل وياي التجهيزات

علوش بستغراب:تجهيزات لشنوو

ام شهد:لعرسي اني وعمور اتفقنه بعد اسبوع زواجنه وراح انسوي ابارقه صاله  باIstanbul

علوش:شنوووووو

ام شهد:اي شبيك مصدوم شكوو

علوش:واني الي عبالي الكاج هسه قلقانه ع شهد لان اول مرة اتعوفج

ام شهد:هي الي اختارت

علوش:لا والله انتي الي اختاريتي انج اتعوفيها

ام شهد بعدم اهتمام:مو مهم انت وشهد راح تجون موو

علوش:اني راح اجي بس شهد ماعرف

ام شهد:بعد انتم اتفقو يله اني حروح

علوش:سلام

وسد الفون ورجع ايفكر شلون ايكول لشهد وكام طلع من غرفته وراح لغرفه شهد دك الباب بس ماكو عباله نايمه

راد يرجع بس راد ينزل يشرب ماي ف نزل

وشاف شهد وراح عليها

علوش:هاا ولج كاعدة

شهد وهي تباوع ع علوش:خرررب خرعتني ..لا بعدني نايمه ههههههه

علوش وهو يكعد يمها :اسم الله عليج حبي... اسكتي ولج مليقه

شهد بضحكه:شنو مكعدك الى هسه

علوش:ردت انام بس اتصلت ابامج

شهد:اممممم وشخبارها

علوش وهو ينزل راسه:زينه

شهد:امممم بعدها اتجهز لعرسها

علوش:اي وكالت انه انه اممم

شهد:شنووو

علوش:انه زواجها بعد سبوع

شهد بادموع:اووووو بهل السرعه ههههههه والله مااتوقعت امي هيج عبالي اتريدني

علوش وهو يشبك شهد ويمسد ع شعرها:اششششش ولا يهمج ياروحي خليها تزوج واتروح وصدقي صدقي راح ترجع متندمه

شهد بدموع:لا خالي مااريدها تتندم خليها اتعيش حياتها بدال الي ضيعتها عليه

علوش:هذا واجبها حبيبه يله كومي نامي وارتاحي

شهد وهي تمسح ادموعها واتكوم توكف:ماشي تصبح ع خير

علوش:اجمعين

وكل واحد راح لغرفته 😪😪😪

انروح لبيت ليث♥بغرفه ليث♥

ليث وهو متمدد ع فراشه وشوي اينام يمين واشوي يسار وفكرة تاخذة وفكرة اترجعه.... لك هاي مو سهله بس عجبتني اشلون ردت ع سارة سكتتها والله مو هينه هاي الخبله هههههههه شبيك ليث اتفكر بيها انت كلت انه اليوم اخر يوم هتشوفها لازم تبعد عنها جم يوم لان هاي خطرة ع قلبك اي اي لازم ابعد فترة ضل يفكر ويفكر ويفكر الى ان شاف الساعه لكاها بال2 بالليله

ليث:اوففففف خلي انام باجر عندي يوم طويل عندي فصل بالتنومه وهمين كعدة خلي انطمر يله ليث انطمررر احسلك

وخلصت هاي الليله وكل واحد ايفكر بشي ناس نامت زعلانه... وناس نامت وهي اتخطط تنتقم لكرامتها الي انداست اليوم من وحدة طفلة... وناس نامت وهي بقلبها مشاعر جديدة... وناس نامت بدون ما اتفكر... وناس نامت وهي تنهر نفسها...

راح ظلام الليل وطلع ابمكانه شروق شمس ويوم جديدة ع ابطالنه

كعد ليث وكام سبح وخلص صلاته ونزل كعد ع الطاوله لكه ام سارة وامه

ليث:صباح الخير

ام ليث وام سارة:  صـــِبُأحّ الـنــٌور

ليث:يمه صبيلي بس جاي لان مستعجل وراسي امصدع

ام ليث:اي تدلل يمه بس اشبي راسك

ليث:مابي بس اتاخرت بالنومه

ام ليث:انت البارحه بقيت سهران ويا الولد ابيت هاجر

اهنا طفرت ام سارة بخبث:شفت يا ليث هاي طلعت حيه من تحت تبن

ام ليث وليث ايباوعون بستغراب ما فهمو: 😕😕

ام سارة:هاي الي اسمها شهد طلعت حيه ركطه لو تشوفين يا ام ليث هاي الس...قطه شنو كا.....

قبل لا اتكمل ما حست غير ع ضربه قويه ع الطاوله

ليث وهو يخنزر ع ام سارة :لو سمحتي لو سمحتي وهاي مرة ثانيه اعيدها اذا جبتي طاري شهد بكلمه حتى اذا جانت خير راح اتشوفين وجه ثاني مني فهمتي يا خالتي واخذ مفتاح سيارته وجكايرة وفونه وطلع من البيت وهو يحس انه البيت صار كبر من هاي الحيه هي وبتها

ليث:ااستغفرالله ياربي صبرني ع ما بليتني وركب سيارته وهو يتصل ع خالد: صـــِبُأحّ الـخــــيـــر ابن العم

خالد:صباح العافيه هلا ليوثي وينك انا متعود اتريك وياك

ليث:والله مالي خلك يله ما هتروح

خالد:لا يخوك بعد وكت تعال اتريك وياي حلفت عليك

ليث:ماشي جايك

نزل ليث وهو يتمنا يشوف شهد قبل لا يطلع وبعدين وكف مكانه وكال لعد انا شنو البارحه كله اقرر انه ما اريد اشوفها هاي شلون وياج يا شهد اوففففف

ليث وهو داخل للمطبخ : صـــِبُأِحّ أَلـْﯞَورّد

هاجر وعلي وعلوش وخالد:صباح العافيه

خالد:تعال تفضل ابمكانك وبعدين انت وين ناوي اتودينه من غبشه اصلان موعدنه ويا الجماعه بال10وهسه بال8:30

ليث:والله طلعت من البيت وانا روحي طافرة

هاجر:نفس القوانه هل مرة خالتي لو بتها الحيه

ليث:مو مهم انسي

علي بخبث وهو يباوع ع علوش وانوب ع ليث:اكول يالخال شلون ليلتك البارحه نمت عادي لو عقلك مشغول

ليث بعدم اهتمام:عادي

علي:امممم

بعدها بلشو يتريكون ف سمعو صوت ع الدرج

ف كال ليث بدون وعي:شنوو اليوم عليا كاعدة الوحدها مو من عوايدهاا

علوش:غلطان هاي شهودتي مو عليا

شهد ببتسامه:  صـــِبُأِحّ أَلـْﯞَورّد ياحلوين

الكل : صـــِبُأِحّ أَلـْﯞَورّد ـ الياسمين ـ العافيه كل واحد رد عليه شكل

وليث ضل امفهي بيها وبلبسها

شهد جانت لابسه تراك ابيض وبي صورة قلب احمر ع الصدر ... لتحت الركبه.. وشعرها شايلته ع شكل كعكه.. ولبسه بوند حتى يشيل غرتها او كذلتها..

وبيدها فونها وسماعاتها وحبل حتى تلعب بي...

راحت باست ابوها من خدودة وباست هاجر وعلي وعلوش بس ليث انطته ابتسامه

خالد:يله حبيبه اكعدي اكلي

شهد:لا بابيتو ما اعرف اكل اول ما اكعد متعودة اسوي رياضه الصبح وبعدها اكل

هاجر:ع راحتج حبي

شهد:عافيات ع الريوك وطلعت

وجانت اكو عيون اكلتها اكل من فوك الى جواة

واكو عيون اتباوع ع ليث شلون صافن ع شهد 😈😈😈

علوش:احم احم

ليث انتبه:.......

#انتضرررروني

#آمۣۗہ غۣۗہمۣۗہآزۣآتۣۗہ❥❤

‏يقولك فيہ قصيرة كل ماتلبس كعب تمرض ليش ؟يتغير عليها الجو

- قويه🍻 😂😂😂

ههههههههههههههههه

❀❀❀❀❀❀❀❀

#البــــ(8)ــــــارت👑

#الكاتبه آمۣۗہ غۣۗہمۣۗہآزۣآتۣۗہ❥❤

♥شــــهـــد♥

اول يوم اليه كْعدِتْ وَانَيَ ابّيَتْ بابا كعدت تقريبا بال8 الصبح كمت سبحت ولبست اتراك الرياضه ورفعت شعري واخذت فوني والهدفون ونزلت لكيتهم كاعدين ع الطاوله مال الاكل جانو كلهم كاعدين ماعدة عليا وحسين صبحت عليهم ولكيت حتى ليث موجود وياهم بعدها عفتهم وطلعت العب رياضه ضليت قرابه النص ساعه العب وفاجاة حسيت ع واحد شال الهدفون بهجيه من اذني ف وقفت باوعت ولكيت سارة جانت لابسه اتراك احمر مصلخ والكيمونه للصرة مالتها وخاله روج احمر فاقع

شهد باستغراب:هلا صباحووو يا احمر هههههههه

سارة:الله لا صبح بيج ولا عضمه

شهد:ههههههه شبيج عيني شنو حلمانه بيه

سارة:اني جايه حتى اعرف شنو الي خلاج اترجعين بعد كل هاي السنين

شهد ببتسامه:اجيت حتى اخذ الي من حقي

سارة بعصبيه:انتي جايه علمود ليث اي ادري بيج خبيثه

شهد بستمتاع:ههههههه امممممم اذا ليوثتي من نصيبي راح اخذة ياروحي

سارة:راح انشوف يا حقيرة افهمي انه ليث الي انا وبس راح اتشوفين شلون راح اخذة

شهد بعدم مباله: الي ما اتنوشي ابيدج نوشي برجلج ههههههههههه

واخذت اغراضها ورادت تدخل ما حست غير ع واحد سحلها من شعرها

شهد بوجع:اااه ولج هاي شدسوين

سارة:والله لمسح بيج الكاع يا صكط

شهد وهي تسطر سارة راشدي ع وجها:ولج انتي اكبر ساقطه شف....

وقبل لا اتكمل حست ابراشدي ع وجها والصدمه جانت انه الي ضربها هو ....

ابوووها 😱😱

شهد:بابي

خالد:انتي اشلون اتغلطين ع شخص اكبر منج هاا وانوب اتضربي همين

ليث:اهدا ابو علي خلي نفهم

شهد:والله بابا هي....

خالد:كافي شهد اصعدي لغرفتج

شهد بكل سهوله:حاضر وراحت من كدامهم

جان علي وعلوش وليث وخالد وسارة الواكفين

ليث ضل ايباوع ع شهد الى ان دخلت للبيت

علوش:والله ما توقعتها منك يا خالد ليش ضربتها هيج 😡

خالد بندم:والله انا مادري اشلون ضربتها مع انه انا ما اضرب واحد من ولدي اوففففف

ليث بعصبيه:ســــــــــارة للبــــــــــيت قبل لا ارتكب بيج جنايــــــــة

سارة بخبث  وادموع تماسيح:صدكني يا ابو علي انه اني ما ردت اضربها بس اجيت احجي وياها لا اكثر بس هي اتعصبت عليها

اهنا علوش خله ودخل للبيت وصعد لغرفه شهد وسمع صوت الماي بالحمام عرف انه داتسبح ف عافها وطلع

♥بالحديقه♥بعد من راحت سارة

علي:بويه والله ضربتك لشهد كلش مو عدله خطيه انت حتى ما سمعتها

خالد:والله ماعرف اصالي من شفتها ضربت سارة راشدي وغلطت عليها ماعرف اصار بيه

ليث بعصبيه:اوفففف يا خالد اتسرعت كلش

خالد:كااافي عاد شنو انتم جايين اتعلموني اشلون احاسب بنتي لو شنووو

علي:اعتذر بويه بس

خالد:ماكوو بس ولا شي ويله خلي نطلع ورانه اشغال

ليث باوع ع علي وهو لو ما اشويه يرجع لبيته ويذبحها لسارة

بعدها طلعو علي لجامعته هو طالب اعلام وخالد وليث طلعو للفصل مالتهم

♥انروح لبيت ليث غرفه سارة♥

وهي فرحانه واطفر من الوناسه وجانت امها يمها وطبعا عرفت بسالفه الي سوتها سارة بشهد

ام سارة:وانتي متوقعه ليث راح يسكتلج

سارة:يمه ماكو دليل عليه اني من شفتهم جاين سحبت شعر شهد وخليتها اتشوف وجهي حتى تضربني كف بس الصراحه ما جنت متخيله راح تغلط عليه بس المهم كل شي حسب الخطه الاول خلصت منه الي هو ابوها اكيد بعد ما راح يوثق بيها والناس الباقين سهلين كلش

ام سارة:انشووف وين راح توصلين بخبالج كتلج اخذي ليث مو تاخذين اطراك ع وجهج

سارة وهي تلمس خدها مكان الراشدي:بس بنت السكط ايدها والله قويه حسيت اسنوني اتزحزحن من مكانهن

ام سارة وهي تريد تطلع من الغرفه:راح اجيبلج ثلج اتخلين ع خدج

سارة وهي اتنام ع الجربايه:ماشي

طلعت امها وهي بقت اتحضر للخطه رقم ثنين

♥انروح لغرفه شهد♥

شهد وهي نايمه جواة الفراش وتذكر اشلون ضربها ابوها والغريبه الى هسه ما نزلت منها ولا دمعه وهي متفاجاة من نفسها بس اليوم عرفت انه سارة شخص مو سهل اشلون خلتها تفقد اعصابها هيج

بعدها ضلت اتفكر الى ان حست انه واحد ايطفر ع جوربايتها ويكعدها من احله نومه

شهد وهي اتشيل الغطه عن وجها وتفرك اعيونها نفس الجهال:ولج علوووو شتردين

عليا:اكعدي يله الساعه بال3 الضهر والغدة جاهز انزلي

شهد وهي تذكر ابوها خلت وسحبت الغطه ع وجها وكالت:ماريد امشي اطلعي

عليا:ليش شبيكم اليوم كلكم مالكم خلق اصاير

شهد:ماكووو امشي اطلعي

عليا بعناد:مااطلع اذا ما اتكوليلي

شهد وهي تكعد وتنفخ من عناد عليا ف كعدت وكالت: كل شي صار الصبح لعليا

عليا:شنووووووووووو شوف هاي النكسه اشلون اتسوي هيج بيج اليوم احرك البيت عليها

وكامت بس شهد كضتها :ولج وين اموليه اكعدي راحه

عليا بعصبيه:شنووو اكعد اتريديني اسكت وانا اعرف انه اول يوم لاختي الجديدة والوحيدة وياي بنفس البيت ولا حصلت راشدي والسبب سارة 😡😡😡

شهد:وانتي عبالج انه راح اسكت هه انتضري وشوفي اشراح اسوي

عليا بنضرة انتقام:راح انخليها تتخبل بس خلي تصبر علينه

شهد ببتسامه ع نضرت اختها: وهو هيج وهسه يله كومي اطلعي خليني انام

حجت شهد هيج وهي اتكوم من الجربايه وتسحب عليا للباب

عليا:لا ولج تعالي اتغدي ويانه

شهد كالت وهي اتسد الباب ابوجه عليا :مااريد

نزلت عليا وكلهم جانو ينتضرون شوفت شهد وياها بس خاب ضنهم من كالت عليا انه شهد ما اتريد مع انه اترجتها اهواااي بس ما قبلت ليث من سمع هيج خله وكام

ليث:الحمدلله والشكر ع النعمه يله انا رايح

هاجر بستغراب:ليش كمت ما اكلت شي

ليث:مو مشتهي يله واي قبل لا اروح علي مو تنسه تحضيرات الفيلا الصغيرة لان اليوم عدنا كعدة الساعه بال8بالليل

علي:تدلل حبيبي

جان خالد ايحس انه سواة شي مو حلو انه ضلم بنته مع انه شيخ ويسمع من الطرفين بس هما من طلعو ع عياط سارة واخر شي شافو هو شهد تضرب سارة واتسبها لهيج ضرب شهد راشدي

طبعا خلص اسبوع كامل وشهد تنزل تاكل وترجع لغرفتها ومرات تاكل بغرفتها هي وعليا وطول هاي السبوع ليث ما شاف شهد ولا شهد شافته

وشهد جانت كل هذا السبوع وهي اتحس ابنغزة بقلبها بس تتناساها بتفكيرها ابامها وابسارة

وجانت تنسه زعلتها من تكعد ويا علوش وعلذ وعليا بس اتحس ابخنكه بداخلها

وصحت شهد ع واحد ايرجعهاا من ذكرياتها مال السبوع كله وهو ايهز المرجوحه

علوش:الحلوو وين صافن

شهد:ب ولا مكان

علوش:امممم صايرة اتضمين عليه

شهد بضوجه: مو هيج والله عوفني علوش عوفني

وواكفت المرجوحه وكامت تمشي بس حست رجليها نملت وما تكدر اتسيطر ع روحها واتحس نفسها انكطع ودقات قلبها بطيئ كلش لدرجه انه راح تنعدم

ف ضلت واكفه ابمكانها علمود اتسيطر ع روحها بس جانت اتشوف علوش ايحاجيها بس ما تسمع شي بس شفايفه تتحرك وبعدها شافت ليث اجاهم من الباب الرائسي وبعدها ما حست ع شي.......

♥لــــــيـــث♥

بعد هذيج السالفه خلصنه الفصل ورجعنا خالد سال ع شهد وكالوله ما نزلت من الصبح الصراحه ما اعرف اعبر بشنو حسيت بس تمنيت شي واحد انه سارة هسه كدامي حتئ اسحلها واخليها تندم ع سالفتها انا صح شفت انه شهد غلطانه وهذا جان الضاهر بس محد ايعرف خبث سارة مثلي وعرفت من شعر شهد المنكوش مو مثل ما طلعت لو صح سارة اجت تحجي وياها وشهد ضربتها ويا وصلتنه جان ما صار شعر شهد بهذا الشكل

بس احس روحي كلش عصبت من خالد ضربها لشهد المهم انتضرناها ع الغدة مع انه بالفصل خلو اكل من الراس المضيف لاخرة كل شي تتمنا وتشتهي النفس بس ما اكلنه

من وصلنه للبيت هاجر اصرت علينه ناكل وانا كلت خلي اكعد حتى اشوف شهد بس شهد رفصت انه تنزل

ف انا خليت وكمت بعدها رحت للبيت ولكيت سارة كدامي بالمطبخ لان انا دخلت لبيتي من الحديقه ع المطبخ

سارة ببتسامه مصطنعه:هلا وغلا

ليث:😒😒😒

سارة وهي اتقرب ع ليث:شبيك حبي

ليث ببتسامه خبث:بعدي عن وجهي يا ست سارة

وعافها وراح وهو ايفكر ابشي راح ايخلي سارة وامها ....

♥لــــيــث♥

اي يا ليث ليش ما فكرت بهذا الشي من زمان بس لازم افكر واتكتك ع مهل حتى كل شي يضبط

بعدها سبحت وصلين ونمت كعدت بال6:30 كمت نزلت جواة لكيت امي بالمطبخ

ليث :يمه جوعان

ام ليث:بعد روحي شنو مشتهي كوولي

ليث:كل شي من ايدج حلوو

بعدها كليت وصعدت بدلت وصليت صلاتي ونزلت رحت للفيلا الصغيرة لان هاي الي اسوي بيها الافصول والكعدات لان ما احب زلمه غريب يدخل بيتي

كملنه كل شي والحمدلله كدرت احلها الوحدي لان خالد جان ضايج كلش

خلصت السبوع بين الكعدات والطلايب الي ما تخلص وشهد ما كدرت اشوفها والله ما اعرف شنو سوات بيه هاي الخبله ولا يوم ولا ساعه ولا دقيقه ما فكرت بيها كانه اعرفها من سنين

مو من جم يوم

خلص اسبوع كامل واليوم يصادف الاربعاء وما عندي شي كلت خلي اروح لبيت هاجر بالكي لعسه ولعل اشوف شهودتني

اي يا جماعه من اليوم ورايح لا من الدقيقه الي شفتها بالمطار هي صارت اليه وصار اسمها موشوم ع صدري😳💖💖

رحت لبيت اختي واني جنت طالع هستوة رجعت من صديقي الوشام وخليته يوشملي اسم شهد بالانكليزي ع صدري من جهت قلبي ودخلت وشفت ملاكي كبالي بس ماعرف اشبيها عركانه وشكلها اصفر وعلوش اسمعه يصيح بيها بس هي ولا كان ويانه كان بغير عالم والله بوقتها حسيت قلـــــ(❤)ـــــــــبي

اتكطع الف كطعه ورحت اركض عليها ومن وصلت يمها

شهد اغمه عليها وبعدها..........

انتضروووني ....

اعرف اني كلبه لان كطمت عليكم احله لحضه 😁😁😁

#شنو رائيكم بالبارت

#شهد شنو صار وياها

#شنو خطت ليث لسارة وامها

#سارة راح توكف لهذا الوقت لو راح اتسوي بعد

#شهد راح اتعوف سارة لو راح اترد عليها بالصاع صاعين

#شنو توقعاتكم للبارت القادم

الكاتبه الشريرة:آمۣۗہ غۣۗہمۣۗہآزۣآتۣۗہ❥❤

#الكاتبه:آمۣۗہ غۣۗہمۣۗہآزۣآتۣۗہ❥❤

#البــــ(9)ــــــارت👑

#ﻣــ؏ـشوکت الــشـــيــﺨ لــيــث🔒🔑

♥شـــــــهــــــد♥

فتحت عيوني ولكيت روحي بالصاله وليث وعلوش وعليا ومامي كاعدين جنبي

تعرفون للحضه حسيت انه خلص متت ماراح اكعد مرة ثانيه ابد ... ماعرف اصارلي

شهد وهي اتحاول تكعد:انطوني ماي

ليث:ارتاحي يا رويحتي عليا جيبي ماي

عليا:اي ماشي وراحت للمطبخ

هاجر:شبيج يمه ليش اغمه عليج بشنو تحسين

شهد:ماعرف ماما بس من كمت حسيت بخدر برجليه

علوش وهو ايبوس راسها:ولج والله طيحتي اكلوبنه عليج

ليث:😒😒الحمدلله هي بخير هسه

اهنا دق فون علوش ف راح ايرد

هاجر:اني رايحه اسويلج شي تاكلي اكيد ناقصج فيتامينات

وراحت

اجت عليا وجايبه وياها الماي اخـذة ليث وشربني الماي

شهد ببتسامه:يسلموو تعبتك

ليث وهو ايمسد ع راسها:ولا تعب ولا شي اهم شي انتي بخير بشنو اتحسين هسه

شهد:ما احس بشي بس والله للحضه حسيت انه راح امووت

ليث بوجع وخوف:اشششششش اسكتي شنو تموتين لا اكيد مجرد دوخه واني راح اخذج للدكتورة خاصه الج بس ارتاحي انتي

شهد برقه ودلع عفوي:اممممم ممكن اكولك شي

ليث بذوبان من صوت شهد:ادللي انتي بس

كل هذا الحجي وعليا جانت واكفه بالاول جانت اتباوع لخالها بستغراب وانوب كامت اتباوع عليهم ابخبث 😈😈

شهد:اسفه

ليث بستغراب:ع شنوو ياروحي

شهد جفلت من كلمه ياروحي وكامت اتمتمت:اااا لان قليت ادبي عليك من اول لقاء والله ماعرف اشلون اتصرفت وياك هيج

ليث ببتسامه حنان واستمتاع :ولا يهمج هههههه يا خبله

شهد بعصبيه:انت الي خبل مو اني

ليث يتصنع العصبيه: ولجج 😡😡

شهد بثقه:ع اساس خفت اني هسه

ليث:و ....

قبل لا ايكمل قاطعهم علوش وهو يكول

علوش:شهودتي امج اتريدج اتحاجيج

شهد ورجع قلبها ينغزها :لا ما اريد احجي وياها

علوش:حبي بس هل المرة

شهد بعصبيه:ولا نص خليها مو هي عافتني خليها ترتاح مني

ليث بعصبيه:مو كالتك ما اريد هاي هي خلص

شهد وهي تكعد :اي كوله ما اريد احجي وياها خلي اتعوفني

ليث وهو يكعد يمها ويمسح ع ضهرها :هاي هي الي تردي يجرالج

شهد وهي اتخلي راسها ع كتف ليث وكالت بحزن:اي ليث اي ماريدها

اهنا خله علوش واخذ فونه وطلع يحجي ويا اخته

اشوي ودخل علي هستوة راجع من براة وشكله عصبي وروحه طافرة وبدون سلام ولا شي بس كال

علي:وين ابووووي

ليث بستغراب:طالع ليش وبعدين شبيك هيج فايت وعيونك حمر

علي:ماكو ماكو شي وصعد لغرفته

شهد:لا لا اكيد صاير شي ويا علي كوم ليثي فدوة شوفه

ليث وهو يحاول يحجي بجديه لان راح روحه من كالت ليثي ف كال:ماشي تعالي عليا اكعدي يمها وانتبهي عليها

عليا بخبث:اي مو تدلل يا ليثي كالت اخر كلمه وهي تغمز الليث

ليث خزرها وصعد لغرفه علي

عليا وهي تكعد يم شهد الي صافنه ع تعامل ليث وياها:احم احم نحن هنا يا عم العاشكه

شهد:هاا شنو عاشكه انجبي ولج

عليا اتكمل بخبث:شنو كلت شي غلط ساعه واني واكفه يمكم وانتم ولا عبالك واحد يمكم كان صنم وتتغزلون وهو يكول يا روحي وانتي اتكولين ليثي من ايمتا هاا هاا كولي ولج

شهد:انتي اتخبلتي لا اكيد هو ما ايحبني افهمي هـذا الشي

عليا:وانتي اتحبي

شهد:ماعرف والله

عليا:اوفففف وين الله ومحمد واتحبون بعض وتزوجون

شهد:نزوج ولج انتي من كد ما اتابعين مسلسلات هنديه وكوريه صار بعقلج شي

عليا بخبث:اوك اوك اذا ما تردي كيفج عوفي يمكن يرجع لسارة

شهد بعصبيه:شنووو شنووووو يرجع لسارة بله

عليا:امشي نصعد للغرفه واني افهمج كل شي

كامت شهد ركض صعدت للغرفه

عليا ضلت واكفه ابمكانها وتضحك ع اختها الخبله هههههه ف راحت كالت الامها انه من اتخلص الاكل اتصيحها لان هي وشهد صاعدات للغرفه وعافت امها وصعدت لشهد لكتها كاعدة ع الجربايه وماخذتها صفنه

عليا:اني اجيت يا عمي الصافن

شهد بتركيز:يله كوليلي شنو سالفت ليث وسارة الحيه

عليا:راح اكولج كل شي ...قبل سنه ونص بيوم وليله سمعنه انه خالي ليث راح يخطب سارة ولما حاجينه جدتي كالت انه ما راح يلكه نفس بنت خالته ومتربيه ويا ف سكتنه ....ب وقتها سارة شالت خشمها علينه لان راح تاخذ الشيخ ليث وهي راح تاخذ كل ممتلكاته هي واجهالها اذا صار عدها يعني ...ف هي كامت كل ما يدخل ليث للبيت تلزك بي بدون خجل وكدام جدتي وامها وكدامنه اتريد اتبوسه ع شفايفه وهو ايفشلها وبنهرها ويعيط بيها قبل لا ايمهرون ويلبسون الحلاقات اجانه ليث وجان ضايج طبعا. من وقت ما حددو وقت الحفله مالته هو وسارة وهو ضايج ودائما ساكت لو عصبي الى هذاك اليوم اجانه وطلع يلعب بالصاله الي فوك وصاح عليه علي وكال سويلنه عصير ف سويت واني صاعدة سمعت ليث يكول العلي انه لو ما امه الي هي جدتي جان مستحيل ياخذ سارة هو اصلن يكرة كل تصرفاتها وطريقتها الحقيرة ف بعدها قبل الحفله مالت سارة شفتها اتسولف اهواي بالفون وكل وقتها ابغرفتها حتى ليث ما كامت تحجي ويا وليث كضه الفترة تقريبا كله عدنا بالبيت وبيوم الحفله ما قبلت احد ايروح وياها للصالون هي اتروح وصلها اخوي علي وكالت تعال عليه بال2:30 الضهر ودخلت للصالون وعلي خله ورجع صارت بال2 علي وجدتي ام سارة. وامي راحو ايحيبون سارة ومن وصلو كالو طلعت قبل ساعتين احنى كلنه يمكن ليث اجه عليها اتصلو ع ليث وكال اني بالبيت ما طلعت اتصلو ع سارة فونها مطفي ضلو لل5 ايدورون عليها وهي ماكو رجعو للبيت وكلنالهم انه سارة ماكو راحو بلغو كالو مايصير الا اتفون 24 ساعه ع غيابها انوب احنى كلنه يمكن صار وياها شي وضلينه بالبيت ننتضر بالكي خبر منا منا مرت الليله وسارة ماكو الى ثاني يوم الضهر كعدت ع صوت الاعياط مال جدتي ام ليث وشفنه سارة كاضه ابيد واحد اواكفه كدامنه واتكول هذا زوجي والبارحه عقدنا شيخ والبارحه دخلتنه

جان الي وياها من هذول الي شعرهم واكف جنه ديج وعمرة اذا الله ما جذبني يمكن 20 سنه وهي جان عمرها قرابه 26 سنه يعني هو اصغر منهااا يعني بادلت ليث ابوااحد ماعنددة غير الاهدوم الي لبسها

بوقتها جدتي طردتها وليث كال بكل بساطه وجان طاير من الفرح اخذي هذا الشفيه الي جايبته والبيت يتعذرج واذا تردي امج هي اتروحلج واذا خالتي المصون ما تقبل ع كلامي تكدر اتروح اتعيش ويا بنتها

ام سارة بسرعه:لا يمه انا اروحلها واشوفها

اهنا سارة جانت فرحانه ع اساس كسرت خشم ليث وراحت اخذت احسن منه 😂😂😂ما تدري انه ليث جان فرحان لدرجه انه اخذنه كلنه للمول واشترانه كل شي انريده ع احسابه ورجعنه للبيت بنص الليل 😂😂 وبعد شهرين بوقتها جنت كاعدة بالحديقه ادرس وسمعت صوت الباب الرائسي ينفتح و دخلت سارة وهي شايله جنطتها

وراحت لبيت خالي ليث

بعدها عرفت من امي انه الولد الي اتزوجته سارة جانت اتخابرة ع الفون متعرفه عليه ع الانستا وهو قنعها تشرد ويا طبعا بعد ما عرف هي وين عايشه وجان كل توقعاته انه هو يجي ايعيش وياها بالفيلا 😂😂والله غبي ومن شافها طلعت من ولا شي اخذها وعيشها بالبيت الي هو عايش بي عبارة عن غرفه وحمام بس والفراش وسخ والغرفه نفسها تطبخ بيها لازم وماكو جربايه لا ع الكاع اينامون ف سارة من شافت هيج انصدمت وكالت:شنوو هذا المكان انت وين جايبني

زوحها:لعد وين تردين اتولين يا خانم

سارة:امشي خلي نرجع للفندق الي نمنه بي البارحه

زوجها بضحكه:نعم يا روحي ولج انا امس بالكوة دافع ايجار الغرفه وحتى مداين الافلوس من صديقي تراة انا اتعشه ما اتغدة واتغدة ما اتعشه وهسه صرنه اثنينه يعني يمكن يوم ناكل ويوم لااا

سارة بصدمه:شنوووووو لعد اذا تعرف نفسك هيج المن تزوجتني

زوجها:تزوجتج واني اريد اروح اعيش وياج بالفيلا مالتج

سارة بصياح:يعني تزوجتني علمود افلوسي

زوجها وهو يتقرب عليها ويلمس ركبتها وخصرها:مو بس عامود الافلوس وعلمود هذا جسمج تذكرين من دزيتيلي صورج وانتي لابسه ملابس نوم الي لونهن احمر ولج والله اشتهيتج وبعدين انتي مو بنيه مو زين ساكت

سارة بتلبك:شنوو اتهددني بله

زوجها:لا يا عيوني لا اهددج ولا شي بس تعالي اريدج

وبعدهااا اخذها وضلوو عايشين ع فلوس سارة الي ضامتها

ويوميا سارة تتصل ع امها حتى تقنع ام ليث وليث يجون هي ورجلها بس ام ليث جانت محتقرة اختها ووبنتها لان عرفت انه اختها جانت تعرف انت بتها اتريد تشرد  وساكته بس الحمدلله خلص ليث  منها

طبعا لا ليث ولا علي ولا خالد يعرفون انه سارة مو بنبه بس ام ليث وام سارة وسارة وهاجر وعليا يعرفون انه سارة مو بنيه

بعد ما رجعت سارة وعرفنه هي مطلكه بالكوة جدتي ام ليث قنعت خالي حتى سارة ترجع تكعد وياهم وومن رجعت سارة وهي تفتر وراة خالي ليث وهو ايشوف الشياطين ولا ايشوفها اوففففف تعبت هاي كل السالفه وانتي احكمي

شهد بصدمه :ولج شنوو هاي سارة كل هذا يطلع منها زين الناس ما حجو ع ليث من سارة ما اجت للحفله

عليا:لا لان احنى ما عزمنه ناس بس الشيخ واحنى ماكو ولا شخص غريب

شهد:اهااا طيب شلون عرفتي بالكلام الي صار بين سارة وزوجها

عليا:سارة كالت انه هو يضربها وبعد يومين اجه زوجها وكال انه بعد ما طلكها ضربته وهو اجه كال انه كل شي النه وفضحها

شهد:امممممم خطيه ليث همزين ما عازمين ناس بوقتها جان انفضحتو

عليا:اي والله وهسه شنوو

شهد:شنووو

عليا:ولج انتي اتحبين خالي لو لا

شهد:ماعرف والله اصلان اني ماشفته غير مرتين لو ثلاثه اشمسرع حبيته

عليا بصفنه:ولج الحب يجي من اول نضرة يدخل القلب من دون استاذان يتملكك بكل جوارحك اوفففف لو بس يحس

شهد:هلا هلا شنو الاخت عاشقه لو شنووو

عليا:هاا لا هيج مجرد حجي

شهد:اوك لا اتكولين وبعد ما اكولج ولا شي

عليا:لا لا راح اكلج

شهد:غردي

عليا:انا احب شخص مع انه ما اعرف عنه غير عمرة واسمه بس دخل بقلبي من اول ما سمعت صوته وجنت احاول اكعد ويا اكثر فترة ممكنه والله عقلي كله يمه واكول اشلون بيه اذا راح من عدنا

شهد فهمت منو الي تقصدة: امممممم وهذا الشخص وين شفتي وشلون تكعدين ويا والله ما اعرفج هيج

عليا بسرعه: والله والله ما سويت شي غلط وجنت اكعد ويا والكل جان موجود والله لا تفهميني غلط

شهد:علوش صح

عليا:اوفف يا قلبي ع علو.... وانتبهت ع كلامها

شهد وهي تشبك عليا:هييييي هيييييي انتي اتحبين علوش خالي موووو

عليا بخجل:يمكن

شهد:😒صالج ساعه تحجين قصائد شعر بعلوش وانوب اتكولين يمكن

عليا:اي احبه احبه ارتاحيتي

شهد وهي اتمشي ايدها ع صدرها :اي كولش كولش ارتاحيت ماي بارد ونزل ع صدري ههههههه

عليا:عااابت يا مليقه

شهد:اي صح شفتي علي من دخل جان متعصب كلش وليث راح وراة تتوقعي اشبي

عليا بعدم اهتمام:اوووو اكيد لو حسين امسوي سالفه لو ضايع منه شي

شهد:اهاا الله يسترر

بعدها اكلن بالغرفه مال شهد ونامن ابمكامهن 😂😂

شهد♥

كعدنه اني وعليا ثاني يوم لكيناها الساعه بال10 الصبح نزلنه لكينه ليث وعلوش كاعدين ايشربون جاي وجان ليث لابس زي عربي دشداشه سودة وعكال وغترة عسليه ف نزلنه وكعدنه انحضر الريوك جنت اسوي واحس بعيون ليث عليه اني جنت لابسه تنورة طويله سودة وتيشيرت اصفر نص كم وشال اسود ع راسي. وشفت عيون علوش ع عليا وهي ميته من الخجل ...بس استغربت ليش علوش وليث جانو يحجون بعصبيه ومن شافونه سكتو بعدها كملنه الريوك وكعدنا داناكل وسمعنه الباب ف راح ليث حتى ايشوف منوو  

اشوي ودخل هوو .... وو😱😱 مســـــــتـــــــحـــل

♥لـــيــث♥

بعد ما عفت شهد وعليا وصعدت لعلي اريد اشوف اشبي وصلت للغرفه ودكيت الباب ودخلت

ليث:علي حبي شبيك

علي بعصبيه:مصيبه يا ليث مصيبه

ليث:شكووو يا ساتر احجي ولك وكفت قلبي

علي:شاكول لك حسين راح بسبعين الف مصيبه

ليث بعصبيه نار:شكووو شمسوي هذا الاثول

علي:داعم البنيه وهسه البنيه داخله بغيبوبه وغير رجلها المكسورة وكم رض بجسمهااا

ليث بعصبيه:شنووو هذا اشبي انعمه لو شنوو وينه هسه

علي:واديته للمزرعه مالتنه

ليث:اي احسن والابنيه اصار عليهاا

علي:واديتها للمستشفى والحمدلله اعرف ناس اهناك لهيج ما خليتهم يتصلون ع الشرطه وخليتهم ايدورون ع اهل الابنيه وهمزين  خلوني ارجع البيت اخذ كم غرض وراجع للمستشفى بس جنت انتضر ابوي حتى احجيله بس شنوو انا راح اكله انه انا الي دعمت الابنيه مو حسين لان ابوي اذا عرف يمكن يتبرة منه واني راح الخلي كل شي براسي ....

ليث:.......

انتضرووني....

#اعتقد انه البارت طويل كولش صح♥

#منوو الشخص الي دخل ويا ليث♥

#حسين راح يتوب بعد هاي سوالفه لو يبقى نفس ما هو♥

#شنوو راح ايصير ويا البنيه الي دعمها حسين♥

#توقعاتكم ♥♥

آمۣۗہ غۣۗہمۣۗہآزۣآتۣۗہ❥❤

#مــــــرحبــــــــا يا حـلويـــن

#البــــ(10)ــــــارت👑

#آمۣۗہ غۣۗہمۣۗہآزۣآتۣۗہ❥❤

#ﻣــ؏ـشوکت الــشـــيــﺨ لــيــث🔒🔑

ــــــــــــــــــــــ

هاي نبذة عن حياة حسين هو سنه اوله جامعه هندسه بس شنو محاضرة يحضرها وعشرة مطرود منهن كل وقته ويا اصدقاء وهما ياخذونه ويسهرون يوميا بيت واحد منهم بس ما يجون لبيت حسين لان يخافون من ليث وابو وعلي وعلمو يشرب جكاير وهو الغبي ع الواهس يشرب بس ما كايل الاهله لان يخاف منهم وهو يرجع بنص الليل للبيت وينام الفجر ويكعد الضهر ايروح للجامعه طبعا علمود اصدقاء مو علمود الدراسه ابو مل وجل منه ما ضل شي ما سواة حتى حبسه بالبيت وماكوو من التم ع هاي الشله الفاسدة وهي دمرته هذا ملخص عن حياة حسين

ــــــــــــــــــــــــ

#لـــــيـــــث

بعد ما سولفلي علي ع المصيبه الي امسويها حسين خليت واتصلت ابخالد وكال انه هو راجع للبيت من وصل نزلنت انا وعلي وكلناله السالفه صح بالاول اتعصب ع علي طبعا احنى كلناله انه علي هو الي دعم الابنيه ما جبنه اسم حسين بالسالفه

بعدها خلينه ورحنه للمستشفى وسالنه عن اهل الابنيه بس طلعو امها متوفيه بس ابوها عايش وهو مسافر ف انتضرنه الى ما تكعد والباقي ع الله بالليل رجعت خالد للبيت ورجعت لعلي للمستشفى ضلينه سهرانين للصلاة الفجر رجعنه للبيت صلينه ونمنه طبعا انا بيت اختي ما رحت لبيتي مالي خلق اشوف هذيج السكط

من وصلنه شفت خالد وهاجر كاعدين وكلنالهم انه البنيه ع وضعها ف خالد كال لهاجر انه راح ايروح للمستشفى واذا اتريد خلي تجي ويا ف هاجر وافقت وخطيه تندعي للبنيه انه اتكوم بالسلام ويفض كربت ابنها خالد من سال ع حسين علي كاله انه اخذه للبيت المزرعه حتى يدرس لان عندة امتحان وهمين امخلي ع حسين ناس ايراقبو اخاف واحد من شلته التعبانه يجي للبيت ف يتصلون ع علي

بعدها سالت هاجر

ليث:اكول هجورة

هاجر:كول حبيبي

ليث:البنات نايمات

هاجر ببتسامه وخبث :اي نايمه اوو اقصد نايمات وغمزت بالاخير😉😉

ليث:😒😒هو مو صوجج صوج الي يسالج وكمت رحت لغرفتي خليت راسي وماحسيت غير ع صوت الفون مالتي الساعه بال9 الصبح كعدت سبحت وطبعا عندي ملابس اهنا بدلت لبست دشداشه سودة وعكال وغترة لونها عسلي وخليت عطر واخذت فوني لكيت اهواي رسائل جاياتني ع المازنجر والانستا تقريبا اغلبهن من البنات  اتجاهلتهن ونزلت لكيت علوش موجود بالصاله

ليث: صَـبـآحُ الـخـيٌــِر

علوش: صـــِبُأحّ الـنــٌور هلا

ليث:شنو محد كاعد

علوش:خيتي ام علي وخالد راحو للمستشفى وعلي قبل نص ساعه طلع راح وراهم وانا ضليت بالبيت وهستوة خلصت شغلي

ليث:اي صح شنو تشتغل انت

علوش:اني مهندس معماري وعندي شركه هندسه الفرع الرائسي بغداد والفرع مالتها بتركيا اني وصديقي من تخرجنه فتحنه هاي الشركه والحمدلله بغضون سنه ونص صارت من اهم الشركات الهندسه اني قبل سنتين كضيت الشركه الي بغداد واحمد صديقي اخذ الي بتركيا لان يم اهله وهو عريس جديد وان مرتاح ابلدي وهسه راح افتح فرع جديد اهنا بالبصرة ويا شخص جان امسافر وهسه رجع صفقه جديدة يعني ...

ليث:والله حلووو مهندس معماري كلش حلوو بالتوفيق حبيبي

علوش:تسلم اخويه لجميع وانت شنو مخلص

ليث:اني معيد بالجامعه ادرس ادارة واقتصاد هسه عطله والله فرد تعب لان ما الحك المشيخه منا والتدريس منا الحمدلله اني اعرف المدير مال الجامعه لان ايسويلي اجازات بعض المرات لان ايكون عندي فصل بغير محافضه وانت اتعرف الطريق

علوش:اي صح الله يساعدك ...تعرف والله علي كبر بعيني كلش من بعد هاي سالفته

ليث:ما فهمت

علوش:قصدي ع سالفه حسين والبنيه

ليث:اهاا كالك

علوش:انا سمعته يحجي بالفون بعصبيه وهو سولفلي بس خطيه الله يعينه ويخلصه من هاي السالفه

ليث:امين وهذا الغبي بس اكضه الا اجنزة بالعباس

علوش:والله مو خوش سالفه هاي الي سواها بس اكيد مو بقصدة

ليث:بقصدة او لا اخو راح ايروح من جيسنه الله يعلم شنو من اهل هسه ايطلعون اهلها لهاي البنيه وادعي الله علمود بس اتكوم بالسلامه

علوش وهو كايم ايصب جاي:اي والله اووووف الله يسهل بعدها كعدنا نشرب جاي واشوي وسمعنا البنات نازلات ركض ع الدرج ومن شافنه مشن عدل انا جانت عيني ع شهودتي اوييييلييي الاسود والصفر ياكل ويشرب عليها دخيلك ربي ع هاي الخلقه شنو من تعب تعبان عليها يله سويتها بهل الجمال صح هسه تكولون شنو الجمال الي بيها لان هي عيونها سود ويشرتها حنطيه ومدبدة اويلي ولكم تسحر ام العيون السود لو السانها الي بحدة الموس لو جرئتها اويلي يابه وين وكعدتني ضلن ايسون ريوك واني عيني عليها من خلصن كعدن ياكلن اشوي وسمعت الباب

ليث:خليكم انا اشوف منوو

رحت للباب فتحته وشفت امريه حليوة عمرها بالثلاثينات وعيونها عسلي وبشرتها حنطيه وجانت وياها جنطه حجمها وسط يعني تكفي لكم يوم

المريه:السلام عليكم

ليث وهو امنزل راسه :وعليكم السلام تفضلي خيتي

المريه:هذا بيت الشيخ خالد ابو علي صح

ليث:اي نعم اتفضلي

المريه :هو موجود

ليث:لا ما موجود اتفضلي خيتي ما ايصير توكفين ع الباب

المريه:زاد فضلك...شهد موجودة اهنا صح

ليث بستغراب:ليش انتي وين تعرفيها لشهد

المريه:خلي اشوفها الاول وبعدين اتعرف انا منوو

ليث:تفضلي

واخذها دخلها من باب الصاله الي مقابيل المطبخ والعليا وشهد جانن بالصاله ياكلن ع الطاوله من دخلنه شفت شهد وعلوش وكفو ع حيلهم وشهد وجها كام بنطي الاوان وتبلعم

المريه:ها يا شهد ما راح تجبني

شهد :😑😐

علوش وهو يوجه كلامه للمريه:انا  مو كتلج لا تجين شنو كلنه امس

المريه:انت ابتعد لا تدخل هاي المرة..وكملت بنترة..  وانتي ما اتردين

ليث بعصبيه:ما اتفهموني شنوو السالفه وبعدين انتي منووو

المريه:كوليله شهد انا منوو لو اكوله اني

شهد وهي اتحس نفسها انخنكت :شنوو تردين المن اجيتي

المريه:اوووو شنووو هسه صرتي ما ترديني تفي اي والله عليج انا ما عرفت اربي وحدة مثلج ناكرة للمعروف

شهد وعيونها ضلت اتهل ادموع:اني الناكرة للجميل لان ما بقيت وياج وعشت ويا زوجج هههههه ....ضلت تضحك بهستيريه....ليث اتريد اتعرف ههه هاي هههه منووو هههههه هاي امي ههههه امي الي هههه ربتي وباول فرصه شمرتني جانت عبالها ابقى يمها واعيش هههه ويا زوجهاا هههههههه والله ههههه ...وكعدت بالكاع وهي تضحك وعيونها تبجي وتحس قلبها دقاته تضعف وتقوة

علوش راح وكمص اخته من ايدها وكال بعصبيه:انتي شنوو جابج ناويه ع الابنيه

عليا وليث راحو يم شهد الي تهسترت بالزايد:هههههه اهئ اهئ ههههه بعدو مني واخروو ما اريد احد كولكم بالاخير راح تعوفوني

راحت ام شهد وسحبتها من ايدها واكفتها كدامها:انتي تخبلتي شبيج هيج حتى ما تقبلين اتحاجيني بالفون

شهد وهي تصرخ وتحجي الي بقلبها:شنووو عبالج اني غبيه وما جنت الحظ تلفوناتج اني وعمر اعرف من زمان بعلاقتكم بس ساكته وحتى من كتيلي اريد اتزوج كلت خليها بس لما تجاهليني علمود واحد حتى بعدكم ما مخطوبين ومن انخطبتي ما زعلتي ولا اهتميتي من كتلج راجعه للعراق جنت اتمنا تكليلي لا ترحين والله جان ما رجعت وبقيت يمج بس انتي اسويتي بالوقت الي اني احضر اغراضي واعوفج انتي اتحضرين لعرسج شنو ترديني اجي احضنح بعد هذا وع فكرة تراة تربيتج اليه واجبج مو لطف منج لو انتي هيج ليش خلينيني ابطنج ليش ما ذبيتيني وخليتي اعيش وانا متكطعه باليوم الف عايشه بيتم وفاقدة حضن ابوي وهو عايش هيج انتي مو كد الزواج ولا التربيه ليش اتزوجتي ابوي وليش ربيتيني ..جانت تحجي وتشهج وتبجي وتضحك تهسترت اخر شي سكتت ع راشدي من امها خلها تنخرس

اهنا ليث ما يعرف شنو يحجي وين حبيبته الشقيه ليش هيج مكسورة من داخها وكل كلمه تكولها ليث ايدة ع قلبه ايحس بقلبه يتكطع من كلامها ودموعها وحالتها كل هذا بقلبها بس من امها ضربتها راح وخزر امها

ليث بعصبيه وعياط:انتي اشلون اتمدين ايدج عليها هااااا

عليا شبكت شهد الي انخرست ولا طلع منها صوت من بعد الراشدي

علوش وهو يحاول يتحكم ابعصابه:هنادي(ام شهد) امشي كدامي لا اتخليني اغلط اخذها وطلعو من البيت

اهنا ليث دار ع عليا ولكاها شابكه شهد وتمسد ع ضهرها وجان شال شهد صاير ع ركبتها وشعرها طالع

عليا:شهد حاجيتي...خالي اشو شهد ثقلت عليه

راح بسرعه ليث وسحب شهد وطاحت ابحضنه لا صوت ولا حركه وحتى نفسها وتبضها ضعيف ما ينسمهن وبسرعه عليا جابت ماي حاولو ايصحوها بس ماكو كام ليث وصاح عليا لبسي عبايتج وجيبي وحدة لشهد بسرعه خلي ناخذها للمستشفى البنيه راح اتروح من ايدينه

ف عليا راحت ركض .......

ليث:يا روحتي يعافيتي شبيج ردي عليه ولج مو حتى قلبي شلعتي دخيلك ربي لا تاخذها مني والله ماكدر اعيش من دونها ياربي يا كريم عطفك ورحمتك لطفلتي يااللهي

اهنا نزلت عليا ولبسو شهد العبايه واخذولها صعدو بالسيارة مال ليث وللمستشفى ....

#ســــــارة

اوفففف لازم اسوي شي هذا كل وقته لو طالع لو يم بيت اخته اشلون ياربي استغفرالله يا الله اني لازم اسوي شي بسرعه اهنا دق فونها شافت رقم غريب ف ردت

سارة بدلع مصطنع: الوووو

:-الووووو

سارة بصدمه:انــــــ😨ـــــــــــت

:-اي ما اشتقيتيلي ...

سارة:انت شلون ااااا

:- هههههه شبيج مصدومه انا رجعت من السفر وعرفت انه اتزوجتي واطلكتي 😈😈

سارة بدلع :اي والله انت ايمتا رجعت من عمان

:-قبل اسبوع وهسه يله خلصت نقلت شغلي للبصرة واجيت اعيش اهناا قربج

سارة:اممممم شتاقيتلي صوفي

صوفي بخبث:اي كلش كلش ياروح صوفي اريد اشوفج

سارة بخبث:.......

انتضررروني 🌸🌸🌸

شلون البارت♥♥

توقعاتكم فديتكم♥♥

آمۣۗہ غۣۗہمۣۗہآزۣآتۣۗہ❥❤

#هلوووو قليباتي 💖

اسفه لان ما نزلت من وقت بس اني مثل ما كتلكم هسه اني بكربلاء وجان عندي تحضيرات ف ما صار عندي وقت 😔😔وبعدين فوني واكع مني واتكسر ههههه الله يرحمه واليوم اخذت فون خالي ونزلت الوات وخليت ايميلي يله كدرت انزل الكم اعتذر مرة ثانيه 😔😔

#البــــ(11)ــــــارت👑

#آمۣۗہ غۣۗہمۣۗہآزۣآتۣۗہ❥❤

#ﻣــ؏ـشوکت الــشـــيــﺨ لــيــث🔒🔑

#لـــــيـــث

اوففف ياربي صالي نص ساعه انتضر الدكتورة تطلع حتى اتريحني ماعرف اصار ع رويحتي من وصلنه اخذوها ودخلو وبعد ما طلعو ياربي اترجاك اذا اني امسوي غلط بحياتي لا اتعاقبني بشهدي ياربي يا حبيبي يا غفورر يا رحيم ساعد طفلتي باربي

ما حسيت غير ع صوت عليا

عليا بدموع:خالي شهد ما راح ايصر عليها شي

ليث وهو يمسح ع راسها:لا ان شاء الله حبيبه ما بيها شي

عليا ابجي:ياربي يا حبيبي ساعدها لشهد ...اي خالي ما اتصلت ع اهلي

ليث:لا والله همزين ذكرتيني

راح ليث واخذ فونه واتصل ع خالد

ابو علي:الووو ..وينك ليث اشو وصلنه ومحد بالبيت بس علوش وهو يحوص بالبيت

ليث وهو يتحكم اباعصابه:والله امممم احنى بالمستشفى

ابو علي بانفعال:شنووو ليش شبيكم وانت ومنوو

ليث:لا تخاف اهداء بس شهد تعبت واغمه عليها وجبناها

ابو علي بخوف:وهسه اشلونها انتو اباي مستشفى

ليث:بمستشفى المواني

ابو علي بسرعه:اني جابك سلام

ليث:اوك الله وياك

رجع ليث يفتر بالممر يروح ويرجع ويروح ويرجع

#ســــارة

اخخخخ يا صوفي بعد كل هاي السنوات رجعت والله ما توقعت راح ترجع مرة ثانيه ابد

راحت بذكرياتها لقبل ثمان سنوات تقريبا لما جان عمرها 20سنه جانت تدرس جامعه هي خريجه فنون جميله اهناك اول مرة تتعرف ع شاب وهو صوفي بالاول ما قبلت تحجي ويا بس بعدها صارو اصدقاء خلصو السنه وراحت لسنه رابعه وصوفي جان عمرة 24سنه جان يدرس اخر سنه هندسه

اهنا صوفي انعجب بسارة واعترف الها وكال الها انه بس يخلص جامعه ايروح يخطبها وبيوم اخذها ويا لشقته وهو يكولها انه اذا تزوجنه حنعيش اهنا وبقو اسوالف الى ان الشيطان صار ثالثهم وصوفي اخذ عذريه سارة هي جانت خايفه كولش بس هو طمنها ع ابو راح يتزوجها وكذا خلصت السنه وصوفي تخرج وبيوم التخرج علن بالحفله انه راح ايسافر اهنا سارة تخبلت اشلون ايسافر ويعوفها بس هو كالها انه راح يرجع وهو سافر بس علمود ابو لان مريض وبعد ما سافر بشهرين كطع تواصله ويا سارة واهنا سارة ضلت بين السماء والكاع من انكطعت اخبار صوفي وسارة اتغيرت صارت وحدة ثانيه طماعه وانانيه وحقودة وما ايهمها غير نفسها وبس وضلت يوميا اتصاحب الها واحد الى ان خلصت جامعه وكعدت بالبيت انوب دارت ع ليث وانتم اتعرفون الباقي))

رجعت من ذكرياتها هي وصوفي وعدها خطه لازم تخلص من غريمتها الي هي شهد وبعدها ليث راح يضل الوحدة وهي همين اتعوفه واتروح تزوج صوفي وهيج هي الوحيدة رابحه كعدت اتخطط .....

#عــــلـــوش

بعد ما شفت شهد فقدت اخذت هنادي وطلعت من الفيلا كلها واخذتها بالسيارة وطلعنه وضليت احجي وياها وعرفت انه هي اجلت زواجها من عمر لان اتريد شهد تحضر زواجها لهيج اجت اليوم بعدها كالت اخذني ع للفندق خلي ارتاح كتلها اوك روحي ارتاحي واذا اتحبين ااخذج لبيتي بغداد بس هي رفضت نزلتها ابفندق حلوو خمس انجوم  بمكان راقي وحجزت الها جناح ورجعت للبيت ما لكيتهم ضل بالي كلت بس لا شهد صاير عليها شي انوب انا ما عندي رقم ليث حتى اساله اشوي والله ويدخل خالد وام علي سالمو وكذا بعدها سالوني ع البنات والشباب كتلهم ماعرف وين اجيت ما لكيت احد ف طلبت رقم ليث من خالد اجه ينطيني ودق فونه ف رد عرفت من كلامه انه هذا ليث بس اني تخبلت من عرفت انه شهد بالمستشفى

خليت واخذت خالد وام علي وطيران ع المستشفى ولكينه ليث واكف يشرب جكاير بحركه بالباب مال الطوارء اجه حتى ينتضرنه نزلنه وسالنه ع شهد وكال انه بعدها بالغرفه الفحص وهو غترته ع ركبته نازعها من راسه وشعرة منكوش وعيونه حمر ونفسه سريع

ليث:يله امشوو خلي ادخلكم

ابو علي وهو يمشي:ما اتفهموني البنيه شبيها راح اتخبلوني ليش صار بيها هيج

ليث:حجه لخالد كل شي من اول ما دخلت ام شهد للبيت والحديث الي صار بين شهد وامها

ابو علي:هنااادي رجعت

هاجر 😔😔😔

اهنا طلعت الدكتورة وهي تحجي ويا الممرضه وتنطيها تعليمات

ابو علي:السلام عليكم

الدكتورة:وعليكم السلام هلا حجي انتم اهل المريضه

ليث بلهفه: اي نعم كوليلنه شلونها هي راح اتكوم واترجع ويانه صح

الدكتورة باسف:اني اسفه بس ما تكدر تاخذوها اليوم ولا باجر المريضه عدها سكته قلبه (جلطه) وهمين لو ما تلحكناها بالصاعقه الكهربائيه جان ماتت وهيه هي دخلت بغيبوبه والحمدلله   اني الي مستغربه منه شلون وحدة بعمرها ايصير عدها جلطه والله ماعرف وفوك هذا عدها انهيار عصبي ما اتكلولي شلون صار وياها هيج

ليث بصدمه: شلون يعني ..وكمل بعصبيه.. دكتورة واحك الي خلقك اذا صار عليها شي ادفنج ابمكانج سمعتيني ..كمل بصياح..

الدكتورة بتفهم لعصبيه ليث:والله الشي مو بيدي بيد المريضه هي هسه بغيبوبه وما نعرف ايمتا راح تصحه منها ادعولها

ابو علي كعد ع الكرسي وهو رجلي مو شايلته بعد كل هاي السنين الي تمنا ترجعله ومن ترجع بعد اسبوعين تقريبا ايصير بيها هيج ليش يا ربي ليش يا اللهي

عليا وهاجر موتن روحن من البجي وهاجر حاضنه عليا

علوش اشوي وتنزل ادموعه لان يلون نفسه لو من الاول ماخذ اخته ومطلعها جان ما صار هيج ابنته

علوش يعتبر شهد بنته حتى اذا ما جان العمر بينهم جبير بس هو رباها ويحسها قطعه منه

ليث اوووف يا ليث كضها يشرب جكاير وحدة وراة الاخ وعقله وقلبه يم هذيج الي فاقدة بين الحياة والموت لو ماسوولها صاعقه لقلبها جان ماتت لان قلبها واقف والحمدلله رجع قلبها بس دخلت بغيبوبه

كام ليث وراح لدكتورة وطلب منها. يدخل لشهد بس هي بالاول رفضت من شافت اعناد ليث وحالتها اشفقت عليه

وكالت الدكتورة:اتفضل وياي اخذك تشوف زوجتك وان شاء الله اتكوم بالسلامه

ليث ما صحح كلام الدكتورة وكالها مو زوجتي بالعكس سكت لان هو ناوي ايسوي هذا الشي ولازم يحميها حتى من نفسه من الناس الي يكرهوها:مشكور

اخذته الممرضه وهي اتباوع عليه بطريقه كانه داتاكله بعيونها  واصلو مقابيل الغرفه وليث كال انه راح يدخل ابو علي راد يحجي بس هاجر كضت ايدة هو باوع عليها وهي هزت راسها

الممرضه رادت اتساعد ليث وهو يلبس هذا الزي الاخضر (نسيت اسمها)

ليث بخزرة:😒😒😠😠

الممرضه خافت وراحت من يمه وهو دخل

وشافها مثل الملاك نايمه ولابسه ملابس مال مستشفيات راح كعد يمها وباسها من راسها وكعد يمها ع الكرسي وكض ايدها وباسها وخلاها ع قلبه وهو يحجي

ليث:راح اكولج شي يمكن اولا مرة راح احجي هذا الشي بصوت عالي تعرفين اتمناج كدامي هسه وتسمعيني واتشوفيني ...ولج خبله اكعدي والله وقسم واحك الحك واحك راس الحــــســين ما راح ادخل ولا بيت من بيوتي اذا ما كمتي بالسلامه واخذتج بيدي ودخلتج لبيتج ...يله يا رويحتي ..جان يحجي وهو بالكوة كاض ادموعه واعيونه حمر ...يله يبت قلبي صح انا ما اعرفج ولا عشت وياج بس والله من اول مرة شفتج ومن قبل لا اعرف انه انتي بنت خالد اخذتي قلبي لا مو علمود شكلج بس ماعرف هذا اختارج ↜❤...ولج اكعدي خبله ..تعرفين اشتاقيتلج وانتي حتى ما صالج اربع ساعات طالعه من البيت ...يله عاد ما راح اتكعدين والله شلعتي لقلبي 😓😥

بنفس هذا الوقت جان بنفس المستشفى بس بالطابق مال الكسور

الدكتورة وهي اتحاجي علي:الحمدلله كعدت من الغيبوبه وهي بخيرر

علي براحه وهو يجر نفس:الحمدلله يعني اكدر افوت اشوفها

الدكتورة:انتضر لما تطلع الممرضه بعدها ادخل وعدها العافيه

علي:اوك ...الله يعافيج

اشوي وطلعت الممرضه ودخل علي وشاف بنيه تخبل هو اول مرة يشوفها لان حسين من جابها للمستشفى يله اتصل ع علي حتى ايروحله وهو ما شافها

صح هي راسها ملفوف ورجلها مجبسيها بس حليوة

((هاا اخينه شنووو حليوة احم احم 😉😉😂😂😂))

علي وهو ينزل راسه:السلام عليكم

البنيه:وعليكم السلام

علي وهو رايح يكعد يمها ع الكرسي وكال:الحمدلله ع السلامه خيتي

البنيه بخجل:الله يسلمك اخوي

علي وهو ذايب من صوتها المبحوح:اني اعتذر لان دعمتح بسيارتي واني مستعد لكل شي تردي

البنيه:ليش تكذب مو انت الي دعمتني حسين هو الي دعمني

علي شال وجها وباوع عليها بصدمه:انتي تعررفين حسين

البنيه:اي اني طالبه من نفس جامعته

علي:اهاا قسم شنووو

البنيه:فنون جميله ...انت شنو تقرب لحسين ليش كولت انت الي دعمتني

علي:اني اخو حسين واسمي علي الصراحه اخوي غلط واني عاقبته وحبيسته اترجاج خيتي اني مستعد لكل شي تردي فلوس اي شي بس يبقى سر انه حسين دعمج واذا تردين توصليها لشرطه ما عندي مانع بس ما اتجيبين سيرة اخوي حسين ولا تذكرينه اتمنا تلبيلي هذا الطلب

البنيه:لا اخوي مو لدرجه الشرطه الحمدلله هياني كمت مثل الاحصان والحمدلله بس اتفاجاءة من كلت انه انت الي دعمتني واني شفت حسين واني ما اريد افلوس ولا شي

علي:ههههه الله يشافيج ويكومج بالسلامه وترجعين الاهلج سالمه...اي صح شنو اسمج كالولي بس نسيت الصراحه

البنيه بحزن:اهلي اوففففففف ...ههه اسمي ماسه

علي:عاشت الاسامي ست ماسه ..وشكد عمرج

ماسه:عمري19 سنه

علي:ما امبين عليج ههههههه

ماسه:ههههههههه اي دائما ايكولولي هيج

علي:اي صح عرفت انه والدج امسافر وامج الله يرحمها

ماسه بسرعه:اليوم شنو بالايام

علي بتفاجاة من سوالها:ثلاثاء

ماسه برتياح:الحمدلله هو الخميس يرجع من السفر

علي:منوو هووو

ماسه:راح اكولك سالفتي اوففففففف

علي ابفضول:اي اسمعج

ماسه:اني يتيمه وعايشه بالميتم الي بغداد وجانو ايخلونه ندرس ونكمل اذا حابين او اذا محد اجه وتبنانه الصراحه عشت بالميتم من جان عمري 8سنوات اهلي توفو بحادث سيارة بعدها عمامي اخذوني للميتم لان ما يردوني الصراحه صح جنت مفتقدة اهلي بس عشت عيشه كولش حلوة الى قبل سنه تقريبا اوفففففف ...جانت تحجي وواجها مرة يبتسم ومرة بنعقج بس من وصلت الاخر كلمه نزلت ادموعها ...

علي:كملي شنو صار قبل سنه

ماسه:اجت مريه حبابه منا من البصرة وهي عايشه ويا زوجها بغداد وهي جبيرة باالعمر تقريبا 66 عمرها وزوحها عمرة 33 هذا زوجها الثالث اجو تبنوني اني جنت رافضه بس ماما سناء (صاحبت الميتم هي اتخلي لكل الاطفال يصيحوها ماما سناء)انه اني راح ارتاح وهما ناس ميسورين الحال وراح ايخلوني اكمل دراستي اني وافقت واجو كملو اوراقي واخذوني ضليت اسبوعين يله تعلمت عليكم المريه جانت كلش حبابه بس الشاب ابد ما جان يتقرب عليه الى قبل خمس شهور او سته بيوم كعدت ب الليل ورحت اشرب ماي وشفت عماد (ابوها بالتبني)طالع من المطبح وجان لابس بس بنطرون اني نزلت راسي وهو من شافني ضل يباوع عليه بعدها سالني:شنو داسوين ليش نازله

ماسه:نزلت اشرب ماي واصعد

عماد:اي بس ماي مو تدللين اجيبلج

ماسه:لا شكرا اني اروح وعفته ورحت للمطبخ لان خفت من نضراته الي لان ما اتبشر ابخير

انتضروني ...

اسفه تعبانه حيل ماكدر اكتب بعد ولا كلمه وانوب الفون مال خالي لهيج اسفه اذا ما كدرت ارد ع التعليقاتكم الحلوة

واباقرب فرصه هنزل بارت ثاني 😚😚😚😚

شنو رائيكم بالبارت

الماسه قصتها حقيقيه لو تصابه

علي شنو هتكون علاقته ويا ماسه

آمۣۗہ غۣۗہمۣۗہآزۣآتۣۗہ❥❤