تحميل رواية «ﻣــ؏ـشوکت الــشـــيــﺨ لــيــث🔒🔑مكتملة» PDF

#ﻣــ؏ـشوکت الــشـــيــﺨ لــيــث🔒🔑

#آمۣۗہ غۣۗہمۣۗہآزۣآتۣۗہ❥❤

♥مـــاســه♥

بعد ما عفت عماد (ابوها بالتبني) ودخلت للمطبخ اشوي وحسيته دخل ورايه اني ماعرف اشبيه خفت الصراحه لان الدنيا نص ليل مهما الكان اني مو بنته الحقيقيه ف بسرعه شربت وصعدت للغرفه خليت ونمت بعدها ضليت اشوفه كل فترة ايباوع عليه بنضرة اول مرة اشوفها منه جانت مامي مدللتني ولا مخليتني بعازة هو جان ايحاول بكل طريقه علمود ابقى ويا الوحدنا بس اني جنت اشرد منه ضلينه قرابه

الثلاث اشهر واحنى نفس الشي الا بيوم كعدت الصبح ولكيت ماما كاعدة ف صبحت عليها وكعدت ف هي كالت انه راح اتسافر لبغداد كم يوم لبيت اختها ف اني متت من الخوف شلون راح ابقى ويا عماد  الوحدنه وبنفس البيت ف حاولت اخلي ماما تتراجع بس ماكو صار العصر لبست وطلعت ويا السايق ماما ورثت من زوجها الاول بيوت وعقارات وكذا يعني مستواها عال العال ...ف من راحت ماما عماد جان مو بالبيت انا اخذت اكل وماي ومفتاح غرفتي ودخلت وقفلت الباب وخليت وراة كرويته وضليت

بالغرفه صار الليل بس ماكو ما سمعت صوت ولا احد اجاني بعدها نمت وكعدت الصبح الساعه بال10وطلعت للبيت همين محد بالبيت رحت اكلت وبعدها دخلت سبحت صار العصر همين محد اجه وفون ماما مغلوق اتصل ماكوو ضليت بقلق الى ان صار المغرب وشفت عماد داخل للبيت بس شكله شنوو مو طبيعي ملابسه مخربطه

وعرفت الخبر الي صدمني انه امي ماتت اهنا ماعرف شنو اسوي اول شي اجه ع بالي هو اني فكر وكل شخص ايحبني ايموت ويعوفني ليش هيج يا ربي وفوك هذا اجه عماد وشبكنيي وع اساس يبجي ماعرف شنو اسوي سوينه فاتحه طبعا جانو الناس قليلين نوعا ما ضلينه 10 ايام حزنانين والحمدلله ما كدرت اشوف عماد غير كم مرة  بس الشي الي محيرني كل ما اساله عماد شلون ماتت ما ايحاوبني غير هذا يومها وراحت لربها

..ويعوفني ويطلع بيوم عماد اجه وهو متعصب ودخل يصيح وينج ساقطه ك..ه اخذتي الي تردي طلعتله كتله شكوو

ف كال/ولج هذيج الي امسويه روحها امج كاتبه نص املكها اباسمج وبعدين انتي تخطيتي ال18 يعني ماكدر اخذ منح ولا شي

ماسه:اكولك احجي عدل احسلك شنو شايفني عاهرة حتى تغلط عليه هيج وبعدين انا شنو دخلني اذا هي اموكلتني ع نص املاكها هااا

عمار وهو يكضها من شعرها ويسحلها/انتي ما الج طلعه من هذا البيت سامعه الى ان اشوفلج دبرة انتي همين ودخلني بغرفتي وطلع انا راساتن غلقت الباب. بالمفتاح لات خفت كلش وحتى ما كدرت افكر بحجيه ابد من الخوف ضليت تقريبا شهر لو ما بنت جوارينه بعمري اسمها فرح جانت تجيني وعمار جان يطلع من الصبح ويرجع تالي الليل ومرات ما يرجع لبعد اربع ايام خمسه

بعدها كالت فرح انه الجامعه بيها دروس حتى بالعطل يدرسون خصوصي وبالكوة قنعته بس من حجيت ويا شفت نفس تضرته الي شفتها هذيج الليله بس هو قبل بشرط انه اتنازله عن احد العقارات الي اباسمي واني كلت اهم شي ايخليني اطلع واتنفس اتنازلت اله بس هو ضل يوميا يجي ايريد يدخل عليه بس يلكه الباب مغلوق عباله نايمه وما اعرف وبيوم جنت بالمطبخ وحسيت واحد لف ايده ع خصري واني عطت وهو ضل يحجي وياي واني ادفع بي الى انه شردت ورحت لغرفتي وغلقت الباب وضل يضرب بالباب واخر شي كال انا اليوم رايح اسافر لبغداد وابقى فترة شي سبوع انتي هسه فلتي مني بس من ارجع اخذ الي اريدة ونتواجه

وعافني وطلع وبعدها بيوم رحت لجامعه حتى اتنفس اشوي واخوك دعمتي

وهاي كل قصتي

اهنا ماسه باوعت ع علي وخافت من شكله لان جانن عيونه حمر ويجدحن نار وشرار

علي بعصبيه:وانتي شلون ساكته

ماسه:ليش شنو بيدي غير هيج انا اصلان جنت ناوبه اعوف البيت واهرب قبل لا يرجع ..وكملت بدموع.. بس هسه شلون واني مضبرة بهل الشكل وهو بعد يومين يرجع ياربي شسوي ساعدني😭😭😭

علي من شاف ادموعها ف حاول ايخفف عصبيته وحجه بهدواء/اهدي اهدي عيوني ان شاء الله اكدر الكالج حل ولا يهمج وو...راد يحجي ودك فونه ف كال ..من رخصتج

وفتح فونه لكه رقم ابو فرد/الوو ها بويه خير ...شنوووو .....وين انتم ...اهنا  ....وشهودتي هسه شلونها ...والولد يمك ....ماشي جايك سلام ..وسد الفون وكام

ماسه:خيرر صاير شي

علي/ولا شي بس شهد تعبانه وهسه بالمستشفى يله اني هروح عن اذنج ..وطلع بدون حتى ما يسمع منها شي..

ماسه:منو شهد امممم من لهفته اعتقد زوجته اوووو واني شعليه خلي افكر بروحي الاول ياربي شسوي اوفففففف

♥♥♥♥♥♥♥

❀❀بعد مرور شهر❀❀

#لـــيـــث

اوفففف ياربي ليش هيج دايصير وياي ..يحجي وهو كاعد يم شهد ...طبعا شهد صالها شهر بغيبوبه مع انه الدكتورة محتارة ليش الى الان ما كعدت من غيبوبتها

وليث وفه بوعدة والى الان ما دخل ولا واحد من بيوته علي يجيبله ملابس ويروح ياخذله غرفه بفندق ساعه يسبح ويبدل ويرجع وحتى نوم ينام قليل وبالمستشفى طبعا الكل عرف انه ليث يحب شهد ..ليش اكو واحد يسوي هيج بنفسه علمود بنت نسيبه اكيد لا ..😌😌

يله غاليتي اكعدي والله نفسي اسمع صوتج واشوف عيونج اكعدي عاد فدوة لطولج ولج ما شبعتي نوم صالج شهر

بعدها ليث حس بدوخه ف شبك جف ايدها ابيدة الثنين وخله راسه عليها طبعا الممرضات والدكاترة اتعودة ع وجود ليث هههههههههه حتى عبالهم ارهابي وجاي حتى يفجر نفسه بالمشتشفى (اشاقه 😂😂 )

طبعا ليث لحيته شواربه طالن وصارت عندة كفشه وعاف شغل المشيخه ع خالد وعلي

ام شهد من سمعت بشهد هيج صار بيها بعد ما علوش اتعارك وياها انهارت ورفضت ترجع للتركيا وكالت لعمر السالفه واجه وضلو كاعدين ابفندق ويوميا ام شهد تجي للمستشفى ساعه وترجع ويا عمر

لــــيـــث//

دخت ف شبكت ايد حبيبت الروح وخليت راسي عليها واشوي وحسيت اباصابع تنعصر ع ايدي انا كلت اهووو شكلي راح اتخبل همين رجعت اتخيل لو تشوفون كل دقيقه وكل يوم وكل ساعه اتخيلها كدامي ابموقف وكل موقف صار بينه ينعاد كدام عيني ماعرف اسوت بيها هاي الخبله اعتقد سحرتني اخخخخخ يابه شوف اصار ابابنك

بس سمعت ونين رفعت راسي بسرعه وشفتها فتحت عيونها

يا الله واخيرااا كعدت ما صدكت كمت بستها براسها وايديها ورحت بسرعه صحت لدكتورة وهسه هي داتفحصها

#عــــــلي

بعد ما طلعت من ماسه ورحت بسرعه لغرفه شهد واني مو مستوعب انه شلون البارحه شفتها بس ما حاجيتها ولا حتي سالمت عليها مع انه جان شكلها تعبان بس انا ما اهتميت الها وانا همين جنت تعبان واليوم الصبح طلعت وهي جانت نايمه اشلون بهاي االفترة القصيرة ايصير بيها هيج يابه ووالله ما مستوعب رحت بسرعه وشفتهم كلهم كاعدين ما عدة ليث وسالتهم وعلوش سولفلي كل شي وانا ماعرف شنو اسوي حتى ماسه كلها شلع قلع نسيتها ولا اجت ابراسي مع انه هي وياي بنفس المستشفى بس نسيتها التهيت ويا شهد وخالي ليث الي انصدمت من حالته ع شهد جنت احس بي معجب بيها بس ما توقعت توصل انه ياخذ وعد ع نفسه انه مايدخل ولا واحد من بيوته غير لما شهد تصحه وتدخل قبله للبيت والله انصدمت بس ووالله انقهرت ع حال خالي لان انا خايف انه شهد ما اتريدة ويرجع  يتعذب لان هو خطيه ما ناقص كافي هذيج بنت خالته وسوايتها الي سوتها

تقريبا ضليت فترة ملتهي ويا اهلي وليث وبعدها اتذكرت ماسه ورحت الها للمستشفى واعتذرت ع اخرر مرة وقله احترامي الها وبعدها ضليت يوميا اروحلها للمستشفى  وطبعا سالت ع ابوها عمار وعرفت انه بعدة ما راجع مع انه خلصت المهله الي كال عليها بس ما رجع واني همين ارتاحيت لان خفت عليها اخاف ليسوي بيها شي وهي شنو ذنبها حتى يتبنوها هيج ناس

خلصت عشر ايام ووشهد نفس ما هي واليوم موعد خروج ماسه لان التجبيرة شالوها منها ورحت سولفت الابوي كل السالفه عن حياة ماسه وكتله هذا سر بينه لان ما اريد البنوته اتحس انه دانشفق عليها وابوي رحب ابفكرتي الي هي اجيب ماسه اتعيش ويانه الى ان يرجع هذاك الحقر من السفر واشوفله صرفه وطبعا حسين رجع بس شنو متغير ماعرف شلون يمكن حبسته للوحدة رجعتله عقله واعتذر من ماسه وحتى شفته يصلي ورقمه غيرة وكطع علاقته ويا اصدقائه السواة والحمدلله رجع نفس اول واهلي همين حسو بتغير حسين ووفرحو بس فرحتهم موو كامله لان شهد بالغيبوبه ويكولون الي بغيبوبه ايكون بين الحياة والموت وكل احنى بصلاتنه ندعيلها تكوم بالسلامه 

ماسه جبتها وخليتالها غرفه خاصه واثاث وكل شي واستقرت ويانه طبعا البنيه كلش موادبه الحجاب ما يطيح من راسها ولبسها كله طويل وعريض وابد ما كعدت ويانه ع سفرة كله هي وعليا ياكلن ومرات امي همين تاكل وياهن

بعد تقريبا ثلاث اسابيع من كعدت ماسه ويانه اتصلو ع فون ماسه جيرانها وكالولها تعالي الشرطه ابيتكم وهي تخبلت وخافت ماتعرف شنو اتسوي وكل تفكيرها انه عمار رجع وراح ايسويلها شي اخذت ابوي وماسه ورحنه

من وصلنه سلمنه ع الضابط وهو سال الماسه ع هويتها واوراقها الثبوتيه

علي:ممكن اعرف شنو الموضوع سيدي

الضابط:وانت منوو

علي:احنى اقاربها لماسه

الضابط:اها الصراحه احنى اجانه بلاغ من بغداد علمود شخص لكو مقتول وهو من البصرة

ماسه بخوف:ومنوو هذا الشخص

الضابط:عماد احمد العالي

ماسه بصدمه: شنووووووو

الضابط:اي نعم واليوم كدرنه تنتوصل لهويته الصحيحه واجينه حتى انبلغ اهله وعرفنه انه ماعندة غيرح انتي بنته موو

ماسه:اي نعم اني بنته بالتبني

الضابط :الله يصبرج خيتي الجثه بالمشرحه مالت مستشفى ..... ايمتا ما ردتو تعالو اخذوها

ماسه:ان شاء الله

بعد ما طلع الضابط كال خالد:ان اله وان اليه راجعون الله يرحمة ويرحم جميع اموات المسلمين

ماسه:امين

علي:الله يرحمه الحمدلله الله خلصج منه ماستي وهسه اتكدرين اتعيشين بحريه غاليتي

طبعا ع طول الفترة الي ماسه عاشت بيها ويا علي هو صار متعلق بيها اذا يوم ما ايشوفها ويصيح عليها غاليتي او ماستي ولا يرتاح هههههههههههه اخينه وكع فرد وكعه😂😂😂😍

#لــــــيث

اوفففففف الحمدلله والشكرر الك يا ربي ما راح انسه فضلك عليه الحمدلله حبيبت الروح كعدت وهي بخير

بعد ما طلعت الدكتورة وخبرتني واني دخلت طاير من الفرحه

ليث بعشق وهيام:شلونج يرويحتي ليش كل هاي الغيبه والله كرهتيني الحياة

شهد بستغراب وخجل من كلام ليث: الحمدلله ليش شنو سويتلك  وشكد صالي اهنا

ليث:ولج انتي شليتي حالتي واحوالي وكياني ودنيتي شنو بقيتي بعد واي صالج اهنا بالمستسفى يا محفوضت السلامه والبقى صالج شهر تقريبا

شهد:عااااااااااا شهر كامل

ليث:واخيراااا رجعتي يا خبلتي بس صوتج كل الي بالمستشفى سمعو صوتج يا عافيتي تراة انا اغار وغيرتي تحرك الاخضرر واليابس تحمليتي 😍

شهد بصدمه وخجل:ليث هاي شبيك شنو غيرة اشو كلامك مادري شلونه

ليث بضحكه والاول مرة من دخلت شهد للمستشفى:ليش شبي حجي يغاليتي انتضري بس اطلعين من االمستشفى واعد منو هذا الشارب ..حجه وهو يكض شاربه وكمل.. انه ما رراح اتصيرين لغيري برضاتج او غصب عنج

شهد بصدمه:هـــــــــ😨ــــــااااااا

ليث:اي وراح اتشوفين الشيخ ليث اشراح ايسوي يله كوليلي جوعانه

شهد سمعت باسم الاكل نست الصدمه وكالت/اي والله جوعانه حييييييييل

ليث بفرح ع طفولتها:ان شاء الله تدللين كم شهودة عندي انتي ارتاحي وانا راح اجيبلج الي تردي

كام وباس راسها بحرارة وكان اياكد النفسه انه ما جاي يحلم وانه هي صح كعدت وجاي تحجي ويا

ف هي كضته من طرف قميصه وكالت بخجل/ليث ممكن طلب

ليث:انتي تامرين موو تطلبيت (اريد مثله ايباااااا شلون واحد همين صاك وهمين شيخ راح انجلط 😂😂😂)

شهد:ممكن فونك لان اريد اتصل ع اهلي اكيد بالهم يمي واني كل هاي الفترة اهنا

ليث طلع فونه وكلها هاج اخذي الج اصلان اذا صاحبه اخذتي كيانه وروحه بقت ع الفون واي صح بي نت اذا تحبين باوعي بي اباي مكان تردي ورجع باسها ع راسها بحرارة اكثر وطلع

#شــــــهـــد

ماعرف شنوو احجي ليث صدمني من اول ما كعدت وانا الصدمات تتراشك عليه معاملت ليث وكانه بنته ديعاملني وانوب هذا االغبي قلبي يدك بسرعه وكانه ايريد يطلع اعتقد لان صالي فترة نايمه بس  ع شنو ناوي يكولي بس اطلعي وصيري زينه اووو خلي اتصل ع ااهلي واطمنهم

اتصلت شهد ع ابوها وجانو كلهم بالبيت وكالو راح يجوني خلصت من مكالمتي ودخلت ع الفيس كلت خلي اشوف صفحت ليث وشفت اكو كومت رسائل والله اذا الله ما جذبتي فوك 90 رساله هاي بس ع المازنجر والانستا  وحتى الواتساب دخلت عليهن الواتساب بس اصدقائه بس المازنجر والانستا  تقريبا كلهن بنات وانا ماعرف اصار بيه اتشنجت اعصابي واكلتني الغيرة اكل 

تقريبا ربع ساعه ودخل ليث وايدي امحمله اجياس وهو ابتسامته من الذان لذان

ليث:ها يرويحتي اتاخرت والله ازدحام جبتلج كل شي تحبي يله تعالي اكلي

سهد ابرود/ماريد

ليث بضحكه /ليش عيوني كومي اكلي لا اوكلج غصب سمعتيني

شهد بعناد وصوت عالي/كيفي ما اريد شنوو شعليك انت

ليث بعصبيه/ولج تخبلتي شلون تحجين وياي هيح انا زلم امشوربه ادنك راسها من احجي وانتي زعطوطه اترفعين صوتج عليه بعدة ما جابته امه الي يسويها

شهد بدموع/ليش كعدت لو الله ماخدني احسن ولا هاي العيشه

ليث انكسر خاطرة ونسه كل شي من شاف ادموعها وعاف كل شي ابيدة وراح كعد يمها/ليش يرويحتي شبيح اكو احد ضايكج ابشي كوليلي وانا احركه ابمكانه كدامج بس لا تدعين ع نفسج

شهد ابواجي اكثر/مادخلك بيه روح لحبيباتك 😭😭😭

ليث بستغراب/حبيباتي شنووو ما فه ...وشاف فونه الي مشمور بالكاع واتذكر الرسائل الي من البنات

ليث بضحك/يمووي اموت ع الغيورة يله كومي اكلي يرويحتي 😘😘

شهد/انت اشدخلك بيه

ليث:-ولج يرويحتي اروحلج سبع فدوات انتي كليبي وحياتي وكل دنيتي وان شاء الله مريتي وام جهالي مستقبلا

شهد بعناد ودلل:-هو منو الي قابل بيك اني ما اريدك شبيك انت خبل 😌😌

ليث ببتسامه:- راح اتغاضه عن كلمه خبل الاول واخر مرة وراح اجاوبج لا يرويحتي انتي طفلتي وحبيبه قلبي 😍

شهد بعناد وطفوليه:-اني مو طفلﮪ فهمت

ليث:-😆😆فهمت يله داكومي اكلي مو شليتي حالي 😚

شهد بقلبها تكول اذا ما اشلعه القلبك بس اصبر عليه 😌:شنوو جبتلي

(بله هاي مو مال واحد يزرف عيونها بعد هذا الكلام الي كاله وانتي تتوعديله داعوفوني عليها خلي اذبحها 😡😡😁😁)

انتضروووني بالبارت الاخيرر....

شلونكم يا حلوين والله مشتاقه الكم كومات 😙😙

اعتقد البارت طويل كلش صح 😌

شلون البارت اتمنا ما ايكون سخيف 😔😁

اكتبولي ارائكم للبارت الاخيررر

ممكن توضيح اخيرر الي تكتبلي نسيت القصه ادخل بيها سجن انا اشدخلني اذا انتي تنسين بسرعه وبعدين انتم قدرو ضروفي واذا نسيتو الاحداث تراة ماكو اشكال ارجعي اقري القصه وانتي تذكرين مو صح 😌😋😂😂

آمۣۗہ غۣۗہمۣۗہآزۣآتۣۗہ❥❤

#ﻣــ؏ـشوکت الــشـــيــﺨ لــيــث🔒🔑

#البــــ(13)ــــــارت👑 والاخيرررر 😙😍

#آمۣۗہ غۣۗہمۣۗہآزۣآتۣۗہ❥❤

❀❀❀❀❀❀❀❀

#علــــوش

بعد ما شهد دخلت للمستشفى رحت واتعاركت ويا اختي وهي انقهرت عليها نوعا ما ضليت بين يوم ويوم اروح من الصبح لتالي الليل اضل ويا ليث بالمستشفى حتى شغلي اجلته ويا شريكي الجديد وهو تقبل ضروفي الحمدلله بس بهاي الفترة الي شهد كضتها بالمستشفى شفت حزن البيت كله عليها كولهم حتى حسين شفت بعيونه الندم اوففف وعليا اخخخ ربي شلون عليا هي كلش اهتمت بيه ملابسي اكلي وشربي كله الكه جاهز وحتى اذا اتاخر بالليل تنتضرني وتسالني اذا اريد اكل او لا واني ما اريد اتعبها ف اكولها لا وانام واني جوعان مرات بس اليوم والحمدلله داك فون خالد واول ما حجه كال هلا ليث بس بعدين تغير صوته وصار يحجي ويكول شهد صدك انتي احنى كلنه فرحته وبدلت عليا وام علي واخذناهم ورحنه من وصلنه لكينه ليث يوكل بشهد الصراحه بالفترة الي بقتها شهد بالمستشفى شفت ليث شنو صار بي وعرفت انه يعشكها مو مجرد اعجاب فقط 😍😍

#لـــيـــث

من وصلت وانا الفرحه مو سايعتني لان واخيراا كعدت ماعرف ماعندي كلمه توصف الي احس بي والله ماعرف شنو اكوول بس من وصلت وانا امحمل ما خليت شي ماجبته الها كلت خطيه صالها هواي ع المغذيات اكيد جوعانه وحتى ضعفانه وانا اريدها ترجع دبدوبه اجيت وحجيت وياها ضلت تعيط عليه وصوتها عالي انا ما تحملت امي الي هي امي عمرها ما حجت وياي بهذا الصوت اشلون هاي الطفله تحجي هيج يعني لو جان اي رجال ابمكاني جان هطرها براشدي بس انا عطت بيها واتحكمت ابعاصابي بس من شفتها بجت وضلت تدعي ع نفسها راحت كل عصبيتي طارت ماعرف وين ورحت يمها انوب انا كمت اتوسل بيها حتى ترضا مو العكس بعدها ردت اعرف اشبيها ليش هيج لان من عفتها ما جانت هيج

وانوب عرفت انه شايفه الرسائل الي دازاتها البنات الصراحه صالي من اجت شهد من يوم المطار الى الان وانا ما حاجي ولا ويا وحدة ابد اني عايفهن ايملن ويروحن الوحدهن لان ما اعرف اهين بنيه

بعدها بالكوة راضيتها تاكل وهي ما شاء الله اشوي وتاكلني ههههههههه جنت داوكلها ودخلو اهلها وسلمو عليها

خالد وهو يشبك شهد والدموع بعيونه/شلونج ياروح ابوج ولج ليش هيج والله موتينه ع ما كعدتي

شهد بدموع/اسفه بابا بس والله ماعرف اصار بيه

هاجر وهي تمسح دموعها/خالد مو مهم هذا الحجي يله واخر اريد بتي

ف وخر خالد وراحت هاجر وعليا وشبكن شهد وضلن يبجن

ف كال خالد بشقه/هاا اشوو كلبتنها مناحه شبيجن هههههههههه

علوش وعلي وليث/😂😂😂

هاجر وهي تمسح دموعها وادموع شهد وتمسح ع شعرها/اي هياتنه سكتنه بعد ماكو ادموع

اهنا كالت عليا بشقه وتتصنع الزعل وتضرب شهد ع راسها/ولج اجيتي واخذتي اهلي مني ولج لو انا ميته ج .....

قبل لا اتكمل طفر علوش وكال/غبيه اسم الله عليج

اهنا العيون صارت كلها عليه

وليث وعلي يتغمزون لعلوش /😉😉

شهد وهاجر ضحكن/😂😂😂😂

وعليا خجلت ونزلت راسها /😳😳

وخالد كال بخبث/امممممم اشوف عاشق ثاني بعايلتنه 😉😉😉كالها يغمز لليث وعلوش

اهنا ليث ضل يتلفت ويمشي اصابعه براسه ويتحنحن/احم احم يله علوش امشي اروح انشوف الدكتورة يمتا انطلع شهد

خالد وهو يضحك/يله اخذوني وياكم

علي/وانا همين جا تعوفوني ويا النسوان

وطلعو كلهم وضلن بالغرفه بس عليا وشهد وهاجر

شهد بحماس/يله كولولي شنو صار بهذا الشهر من وراي

وكعدت عليا تحجيلها عن الي سواة ليث وكل شي حتى الوعد وشلون جان اينام اهنا يمها وهاجر رادت تحجي ع ماسه واحساسها انه علي معجب بيها بس دخلو عليهم الشباب

ليث بفرح/يله شهودتي الدكتورة كالت تكدر اليوم تطلع بس اتخلص الاجرائات الخروج

خالد وعلي وعلوش يباوعون بخبث ع ليث ويتحنحنون كلهم سويه/احــــم احـــم

ليث بضوجه/شبيكم

خالد بضحك/ماكووو شي ليش حجينه شي احنه

علي وعلوش كالو سويه/لا ما حجينه

راد ايرد ليث ف كالت هاجر/كافي عاد عوفو الاخوي

شهد/اي صدوك ليش هيج ويا ليثي 😍😍

ليث وهو يباوع ع شهد/يمه قلبي وخله ايدة ع قلبه

ف كلهم خافو عليه ف كال خالد وهو يروح يمه/شبيك بويه

علي/بيك شي خالي

هاجر وهي كايمه يم ليث/شبيك ليث

ليث بعشق/كالت ليثي

الكل/شنووووووو

ليث وهو يباوع عليهم /اي شبيكم بس من كالت ليثي سهم ودخل بقلبي شسوي طفله وكلبت حالي واحوالي 😍

خالد يتصنع العصبيه/لـــيــــث

ليث باوع ع خالد وكال/اسف خالد بس انا احبها لا اعشقها البنتك واذا ما تنطيني اياها اخذها واشرد وكونو شاهدين ع كلامي

شهد بخجل وصدمه/ليث اسكت شدتكول

ليث /ليش كلت شي غلط والله واحك الله محمد احبج شبيج ولج انا لو صاير بيج شي جان متت وراج صح الناس اتكول محد ايموت وارة احد بس انا وصل عشقي لدرجه مستعد اموت روحي وراج اذا صار بيج شي

خالد بجديه/لعد ما تخطبها

ليث وهو يباوع ع خالد/اصلان هذا الي ناوي اسوي باجر ان شاء الله  الصبح نعقد سيد وانسوي حفله عائله وبعد اسبوع العرس 😌😌

الكل/شنوووووو

شهد وهي اتباوع ع ليث/شنو بعد سبوع العرس وشنو باجر العقد وين الحك اشتري اغراض

خالد بخبث/يعني اعتبر كلامج موافقه ع ليث بس معترضه ع الموعد

شهد بخجل/اممممم الي اتشوفه بابا

خالد/الي اشوفه انه باجر العقد وبعد شهر العرس هذا وقت كافي انه اتجهزين روحج

ليث/سبوعين ماكو غيرهن

خالد بضحكه/ع بركه الله

وشبك ليث وباركله وعلي وعلوش سواة نفس الشي وهاجر شبكت شهد وباركت الها وعليا نفس الشي وشهد ولا رفعت عيونها وليث اكلها بعيونه بعدها طلعو الشباب

وشهد كامت بدلت وعليا وهاجر ساعدنها واجو ليث باوع ع شهد من فوك الى جواة واتقرب يمها ودخل اشوي من كذلتها طالعه ف دخلها ولفلها الشال وباسها بين عيونها

واخذها وطلع وكلهم طلعو ويا وصلو للبيت وشهد طلعت لغرفتها بدون ما تحجي ويا احد بعدها ليث راح لفيلته ولكه امه وخالته وسارة كاعدة وتراسل بفونها

ليث بفرح:السلام عليكم.. وراح باس راس امه وكعد يمها..

ام ليث ام سارة:وعليكم السلام

سارة:هلا

ليث بفرح وكال وهو يباوع ع امه/يمه شنو الشي الي تتمنيني اسوي

ام ليث بستغراب:اممممم شنوو ما فهمت

ليث:امممم مو نفسج اشوفيني عروستي

ام سارة بفرح:اكيد تتمنا واخيرااا يمه رجع عقلك لراسك ..كالت اخر كلمته وهي اتباوع ع سارة..

ام ليث وهي تخزر اختها:اي صح شنو قصدك

ليث:يمه انا خطبت وباجر عقد سيد وبعد سبوعين عرسي

سارة بصدمه وكامت ع حيلها وهي اتكول/وهووو منووو الي. موافق عليك انت اشلون اتسوي هيج

كامت ام سارة وكضت بتها وهي تباوع ع ليث وتكول/لا تواخذها يمه اكيد من الفرحه لان هي تتمناك وانت اتعرف

ليث بستهزاء وهو يباوع ع سارة/شبيج خيتي هو منوو الي كال انتي االعروس ..ورجع باوع ع امه وكمل.. يمه انا خطبت شهد وباجر عقدنه..

ام ليث وهي طايرة من الفرح/ليش هي كعدت يعني الحمدلله الف الف الف الف مبروك يا روحي وحياتي واخيراا حصلت الي تستاهلك والي اتصونك بغيابك قبل وجودك وكامت اتهلهل والفيلا ما بيها غير صوت التهلهل

ام سارة انصدمت وسحبت سارة وصعدت للغرفه وهي تنهرها وتعيط عليه

ام سارة بعياط/ولج انتي تخبلتي شلون اتكوليله هيج وانا اكول الحمدلله راح تفطس واخلص منها وهو باجر اخرر يوم لو ما كاعدة جان السحر اخذ كامل مفعوله عليها شلون كعدت هاااي ياااااااربي. وكامت وطلعت من الغرفه

#ســــارة

بعد ما طلعت امي كعدت افكر شلون شهد هاي الصعلوكه راح تربح عليه اكيد لا نسيت اكلهكم انه الشهر الي فات التقيت ويا صوفي طبعا مل مني انه اروح ويا لشقته بس رفضت اريدة يتشفق عليه حتى من اطلب منه شي ايسوي اليه وبعدها اخلي يتزوجني غصبن عليه هسه لازم اكمل الخطه بس انا اراويها باجر اذا ما احرقها اممممم خوش فكرة احرقها اووووووو 😈😈اذا ما احرك قلبك يا ليث ما اكون سارة بنت امي وراح اراويك

بعدها كامت وبدلت وطلعت من البيت رايحه اتشوف صوفي وهمين تشتري فستان لباجر

#شــــهـد

بعد ما صعدت لغرفتي وانا ماعرف شنوو اسوي ميته من الفرح وشوي واجتني عليا

عليا:عااااااااااااااا ما مصدكه انه اختي راح اتصر زوجه خالي والله ما امصدقه عاااااااا

اتسولف واطفر الى ان سمعت صوت علوش وهو يحاول ما يضحك واكف بالباب ومربع ايدي ع صدرة وكال/ع كيفج راح اطيح بينه الغرفه هههههههه

شهد:هههههههههه اي والله

عليا بخجل وهي اتباوع ع كل شي ما عدة علوش:وانت اشدخلك وبعدين اشلون تدخل علينه واحنى بنات بله ما لابسين ملابس 😳😒

علوش:الاول انا جنت وراج من صعدتي للغرفه وبعدين انتي الي ما سادة الباب اول مرة اشوف بنات مالابسات ملابس ومخليات الباب مفتوح 😉وغمز بالاخير

عليا بهمس/قليل الادب ..وبعدين باوع ع شهد الي ميته من الضحك عليهم وكالت..وانتي بس اضحكي غبيه حمارة وطلعت من الغرفه وهي تتحاشه اتبارع ع علوش وهو يالكوة كاض روحه لان نفسه ايروح ياخذها بحضنه

بعدها علوش دخل وكعد مقابيل شهد الى نزعت شالها وهي تذكل لمسات ليث الها وهو يدخل كذلتها

علوش:انتي تحبي صح

شهد بعدم وعي /امووت عليه اعشقه وو...واهنا صحت ع روحها وباوع ع علوش الي مبتسم الها

علوش بشقه:امممممم شكلج واكعه بعد خالج

شهد بشقه هي همين/مثل خالي يعني رجال اشطولك اشعرضك توكع ع وجها بطفله عمرها 17 يشماته سوزي بيك ...اهنا علوش خله ايدة ع حلكها وكال.. ولج صوتج اشذكرج بسوزي هسه

شهد بضحك/المهم ايمتا ناوي

علوش:اممممم اعتقد بعد زواجج بس ادعيلي بعد خالج انه يوافق اخاف ما يقبل لان بعدها صغيرة

شهد بغرور/ولا يهمك خلي هاي المهمه عليه وان شاء الله اتصير الك 😉😉

علوش وهو كايم باس راسها وكال/فديتج يله ارتاحي حتى بالليل اخذج انتي وهذيج المسودنه تشترون فستاتين لباجر

شهد:عاااااااااااااااا اتذكرت اشلون راح الحك ياربي اخخخخ منك ليث اخخخخخخخ

علوش وهو طالع/عيارتج قبل دقايق تتمعشكين بي وهسه اخخخ منه مووو

خلت شهد وشمرت عليه المخدة وهو طلع يضحك ع خبالها

خلص اليوم والكل ملتهي  ومشغول وهوسه ما عدة سارة وامها ما دخلهن بشي والباقين يحضرون لباجر

بالليل علوش وليث وعلي الي راح واخذ ماسه واشترو فساتين والسهرة ما خلت من خبالات شهد وعليا وغيرة علي ع ماسه من عيون الشباب وغيرة ليث ع شهد وغيرة علوش ع الخبله عليا الي كل شوي اتريد اتعيط ع ولد لان يباوع عليها وهذا الي عجب علوش بيها 😍😍😍وطبعا اهداء وحدة جانت بهاي الطلعه ماسه ضلت هدواء بس تبتسم ع خبال شهد وعليا هههههههههههه 

#ماسه

طبها ماسه من بعد ما خلصت اجرائات الدفن مال عمار رجعت عاشت بالبيت وجابت فرح وامها اتعيش وياها لان هنا الوحدهن وام فرح تشتغل خياطه وزوجها متوفي ومكطوعه من شجرة وصارت ام فرح تعامل ماسه مثل بنتها فرح. ...وهمين اتبرعت ماسه اغلب افلوسها للايتام والباقي وكلت علي بيهن لان هي ما تعرف بهيج شغل ....

فستان شـــهــد♥

هذا الفستان قبل لا ياخذو اتعاكت شهد وليث هو ما يقبل يغار لان رجليها وايديها وركبتها طالعات وهمين لاطش ع جسمها وهي دبدوبه نوعا ما بس مخصرة يعني بس تخيلها بي اتخبل هههههههه

بس بالاخير كدرت تقنعه بدموعها

ان كيدهن عظيم 😂😂

☺❀❀❀☺

#فستان عليا

طبعا بالكوة علوش قبل لو ما اشوي جان طلعت بدون ما تشترب شي بس همين بالاخير كدرت ع علوش بدلعها 😂😂

☺❀❀❀☺

#فستان ماسه

طبعا هذا الفستان كلش كلش عجب علي لان طويل ومضبوب ونوعا ما مو لاطش ع جسم ماسه ...ف اخدو وطلعوو

😍😍😍

☺❀❀❀❀☺

فستان سارة

اتموووت ع  الاحمرر

😒😒

صار ثاني يوم واجت ام الصالون للبيت وماسه همين اجت من الصبح

واتجهزو طبعا البيت كله مزين للعصر جابو السيد للبيت وعقد لشهد وليث ومن خلص كامت الهلاهل ترست الفيلا السيد اخذ واجبه وطلع وكملو فرحتهم ضل ليث بالديوان والكل طلعو عكب ما باركوله وراحو ايجيبون شهد حتى يكعدون سواة

انتضر بالديوان كاعد ع نار وهو ينتضر  حتى يشوف حبيبت الروح

اشوي ودخلت شهد وهاجر وعليا وام ليث وام سارة وسارة

ام سارة باركت وطلعت وسارة بقت تتموع بوكفتها كدام ليث الي عينه ما فاركت شهد باركوله وطلعو وسارة لو ما عليا ساحتها ومطلعتها جانت ناويه تبقى كاعدة وياهم

شهد كعدت وهي خجلانه وندمت ع كد شعر راسها لان اشترت هذا الفستان لان ما خطر ع بالها انه راح تكعد بي كدام ليث والوحدهم همين

هو ضل يباوع عليها اشلون متوترة ف اتقرب عليها وبسرعه كعدتها ع رجليه وهي عاطت وهو يضحك وحاولت اتكون بس هو ما قبل لف ايد ع خصرها والايد الثانيه يلعب بشعرها لان هي امخليته ع طوله ومفتوح ومخليه تاج فضي وبي اكرستال ع راسها طبعا بلون الحذاء

ليث وهو يشم بخصلات شعرها وكال بجرائه /بووياي شيجيب ليله العرس😂😂😂

شهد اتبسمرت وانصدمت من كلام ليث وضلت ساكته وايديها نكعن من التوتر

ليث ماحب سكوتها ف كال بستفزاز/شنوو هل الفستان لو اعرف انه راح يطلع عليج هيج جان اخذته من الاول بدون دموعج الي نزلن

شهد نست نفسها وهي اتباوع بوجه ليث /تعرف انا اكبر غبيه لان ما سمعت حجايتك من الاول شلون اشتري هيج فستان مشلح

ليث وهو فرحان من تجاوبها ويا/شفتي حتى اتسمعين الكلام مرة ثانيه واتصيرين طفلة مطيعه

شهد بعناد وهي تضرب ليث ع صدرة/اني مو طفله ليش اتكولي ه ...... ما خلاها ليث اتكمل لان باسها من شفايفها

#بعد ساعتين #

البنات بدلن والشباب همين والكل جانو كاعدين بالفيله مال ليث وشهد جانت لابسه تنورة قصيرة كابوي وقميص احمر وبي خطوط سود وطبعا بدون شال لان كلهم ايحلولها وماكو احد غريب

ليث راح للفيلا الصغيرة علمود يقفلها لان ضاله مفتوحه والبنات سارة وشهد بالمطبخ والباقين بالصاله

شهد جانت اتسوي جاي لان هستوة خلصو عشه وانتم اتعرفون العراقين ايشربون جاي بعد الاكل

وسارة جانت واكفه وبيدها كلاص نسكافي وهي اتباوع ع شهد

شهد بستفزاز/خيرر شنووو هل كد اني حلوة حتى اتباوعين بيه

سارة بحتقار/عوزج انتي حلوة اذا انتي حلوة معناة حتى الزبايل(حشاكم) حلوة 

شهد راحت واكفت كدام سارة وكالت /تذكرين يا سرسور انه كتلج فرد مرة انه اذا ليثي اليه راح اخذة 

سارة وهي متعصبه دفعت شهد وكالت/غصبن عليج هو اليه ..طبعا عليا جانت واكفه يم الباب مال المطبخ الداخلي وجانت اتشوف الحوار من الاول ..سارة من كد عصبيتها ما شافت كدامها ف كامت وذبي النسكافي ع شهد اتفرغ من صدرها وهو نازل

شهد بدموع/عااااااااااااااااا

اهنا اجتها عليا ركض /ياربي الله ياخذج يا سارة هاي اشسويتي

وشهد تبجي واتعيط واتحاول ما يطلع صوتها

الصاله الي كاعدين بيها بعيدة ع المطبخ لهيج ما سمعو بواجي شهد

#لـــيث

من بعد ما رحت قفلت الفيلا ورجعت كلت خلي ادخل من المطبخ لا اعرف شهودتي داسوي جاي بالمطبخ يمووي ما اسولفلكم ع شفايفها خرررب عمي شلون الشهد الصافي

كطع افكاري صوت عيطه من المطبخ وهذا صوت شهد رحت ركض دخلت لكيتها كاعدة بالكاع وواجها متروس ادموع وتشهك بصوت عالي وتنكث بملابسها وعليا اتحاول اتهديها وسارة واكفه ع صفحه

ف رحت اركض وكعدت كدامها وانا امسح بدموعها/شبيج يقلبي

شهد ماتحجي بس تشهك

ليث بخوف وقلق/ولج احجي شبيج موتيني

شهد تبحي وتشهك/س س سا سارة .شهكه. سارة وورجعت تبجي

سارة بسرعه وخوف/والله ما سويتلها شي

عليا بعيطه/جذابه جذابه خالي والله هي ذبت عليها النسكافي الحار متعمدة والله انا شفتها

ليث وهو متعصب ويخنزر ع سارة/والله لو ما انج مراة جان دفنتج ابمكانج اذا صار بشهد شي اليوم موتج ع ايدي واحسب الله ما خلقج اليوم اشوفلج حل ..وصاح ع عليا ..كومي جيبي عبايه لشهد بسرعه

ورجع ايباوع ع شهد ويهدي بيها ويمسح بدموعها نفس الطفله اشوي واجت عليا وليث اخذ العبايه ولبسها لشهد وشالها وكال لعليا طلعي المفتاح مال السيارة من جيبي واخذها وركبها بالسيارة وطلع للمستشفى

بالبيت راحت سارة وكعدت يم امها وهي متوترة

اشوي ودخلت عليا وكلبت البيت وكالت كل شي الاهلها

كلهم زمخو ع سارة وهي تحلف انه مو بقصدها انه اتذبه عليها بعدها الاهل اتصلو ع ليث بالاول ما رد وبعدين من دخل شهد للدكتورة رد عليهم

#بالمستشفى

شهد:ها دكتورة

الدكتورة:لا الحمدلله الحرك طفيف اخذي هذا المرهم ويوميا اتخلين مرتين

اهنا دخل ليث وكال/بشري دكتورة شلونها

الدكتورة:الحمدلله مابيها شي

شهد/دكتورة الاثار ما راح تبقى صح

الدكتورة:اي لا اتخافين استمري ع المرهم واباذن الله يختفن

ليث بخبث:متاكدة دكتورة

الدكتورة:اي اكيد هو حروق طفيفيه اذا اتريد تعال شوف

شهد بخوف/وووين يشووف

ليث بضحكه/بعد اسبوعين اشوف كل شي 😉😉

بعدها طلعو من المستشفى

ورجعو للبيت واتحمدولها بالسلامه

ثاني يوم راحت سارة لصوفي وكالتله انه اتريدة يتصل ع ليث ويكوله انه هو حبيب شهد ويحجي بشرفها بس شنو ما حصلت  من صوفي غير راشدي لف وجها لصفحه الثانيه وكال/ولج انتي شنووو وصلت انه اتشوهين سمعه بنيه واتريديني اشترك وياج شوفي ولج اذا شفت وجهج مرة ثانيه ادفنج ابمكانج فاهمه

سارة بدموع/تعرف ليش صرت هيج من خيانتك لوعدك اليه بعد ما اخذت شرفي وغافلتني وسافرت وهسه جاي تحجي بالشرف يا ابو الشرف

صوفي/صح الغلط مني وانا ليش رجعت لان اريدج اريد اتزوجج بس انتي تغيرتي

سارة:تغيرت من عملتك وغدرك ..وعافته ايفكر ابكلامها وطلعت..

رجعت للبيت وعرفت انه ليث مشتريلهم بيت بعيد عن هاي المنطقه وراتب كل شهر يجيهم وهي قبل لا تطلع راحت وكفت كدام شهد وكالت /اسفه ..اسفه ع كل شي

وطلعت الكل ضل مصدوم من كلام سارة لان عمرهم ما اتوقعو سارة تعتذر ولا من شهد بالذات

شهد كالت بقلبها/الله يسامحج

#بعد مرور سنه

شهد وليث تزوجو بنفس الموعد

وهسه صار عدهم ولد واسمه

♥شهم♥

بعد زواج شهد وليث بشهر علوش كمل شغله ويا شريكه الجديد الي هو صوفي الي سارة جانت اتريدة يشهر شهد بشرفها المهم خلص شغله واجه خطب عليا من خالد وخالد وافق بعد ما عرف بموافقت عليا

وتم الزواج واخذها وراحو كعدو بغداد والى الان ما عدهم اطفال

اما علي وماسه خطبها بس هي كالت انه ما مستعدة ترتبط هسه

وهما بقو اصدقاء كل فترة زوجه الشيخ ليث الي هي شهد اتسوي جمعه بالفيلا مالتها وتعزم ماسه وعلوش وعليا

وبعد مرور سنه رجع خطبها علي وهسه ينتضر موافقتها

والحمدلله وافقت وتزوجو .....

اما سارة تزوجت صوفي وامها بعد زواج سارة بشهر تقريبا جانت اتشغل الماطور وانتلت وماتت .....

وام شهد رجعت بعد ما عرفت انه شهد طلعت من المستشفى وحتى بدون ما راحت الها للبيت خلت وسافرت هي وعمر واتزوجت.....

والى اهنا تمت بحمد الله

النهايه

#ان شاء الله تعجبكم النهايه

وتاخدون العبرة من القصه طبعا هي مو مجرد قصه حب فقط لا والله لو تقروها عدل تكدرون اتشوفون العبرة منها

آمۣۗہ غۣۗہمۣۗہآزۣآتۣۗہ❥❤

..اولا تابعو حسابي حتى

يوصلكم كل قصــة جديدة..

هذااا حــــســـابي❀❀

SANAMSANAM7

☺☺☺☺

شلونكم حبايب قلبي

اسفه لان اتاخرت عليكم

بس حبيت اخذ ريست قصيرر

لان جنت تعبانه وهمين

اخاف ع نضري لا يضعف

وايدي همين جانت توجعني

والله جانت نفسيتي

تحت الزفت المهم المهم المهم

💃💃💃💃

اجيتكم بخبــــــــر راح يفرحكم

طبعاا بعد التصويت

ع القصه الي تردون ابلش بيها

عرفت انه انتم

اختاريتو

جــــمــرة قـــ❤ـلبي(ابو الاكــبر)

بعد كم يوم راح ابلش انشر بيهاااا انتضرررروني 😀😀😀

#كاتبتكم الشريرة/آمۣۗہ غۣۗہمۣۗہآزۣآتۣۗہ❥❤

..اولا تابعو حسابي حتى

يوصلكم كل قصــة جديدة..

هذااا حــــســـابي❀❀

SANAMSANAM7

☺☺☺☺

شلونكم حبايب قلبي

اسفه لان اتاخرت عليكم

بس حبيت اخذ ريست قصيرر

لان جنت تعبانه وهمين

اخاف ع نضري لا يضعف

وايدي همين جانت توجعني

والله جانت نفسيتي

تحت الزفت المهم المهم المهم

💃💃💃💃

اجيتكم بخبــــــــر راح يفرحكم

طبعاا بعد التصويت

ع القصه الي تردون ابلش بيها

عرفت انه انتم

اختاريتو

جــــمــرة قـــ❤ـلبي(ابو الاكــبر)

بعد كم يوم راح ابلش انشر بيهاااا انتضرررروني 😀😀😀

#كاتبتكم الشريرة/آمۣۗہ غۣۗہمۣۗہآزۣآتۣۗہ❥❤