الفصل الثالث

رواية شتاء ديسمبر الجزء الثالث 3 بقلم حميدة عبدالحميد شتاء ديسمبررواية شتاء ديسمبر الحلقة الثالثة في أقل من نُص ساعة وصلت نزلت من العربية وإتوجهت على المطعم ٠٠طلعت تلفونها واتصلت على عمر ٠٠ردا ليها بعد أتنين جرس ٠٠٠أي ياهدو انا ف الطريق لسه م وصلت ٠٠طوالي وقفت وقالت ليو يعني أفهم ما ح القاك ف المطعم ؟

٠٠قال ليها ياخ كُلها خمس دقائق وبوصل ٠٠واصلت مشيها وقالت ليو أوكي يلا باي نتلاقه ٠٠قفلت الخط ودخلت التلفون ف الشنطة وواصلت مشيها لين ماوصلت المطعم دخلت جوا ومررت نظرها ف كل زوايا المطعم لحدي ما لمحت ليها طاولة فاضيه إتجهت عليها لحدي ما وصلت وقعدت نزلت الشنطة من كتفها وختتها ف الطاولة وطلعت التلفون وبقت تتصفح ف الفيس جاها الويتر وقال ليها إتفضلي قالت ليو شويه قال ليها تمام وفات وهي رجعت ووجهت نظرها ف التلفون وبقت

مُندمجة مع المنشورات ٠٠ لحدي م سمعت صوت حركة مفاتيح بتتحرك قدام وشها رفعت رأسها تدريجيا وكان دا عمر٠٠إبتسم إبتسامه خفيفه وقال ليها اتأخرت عليك صح ٠٠ضيقت عيونها وقالت ليو شديد لمن كنت ناوية أرجع البيت ٠٠ضحك بصوت شبه عالي وقال ليها اممم واضح شديد انو ناوية ترجعي ٠٠قالت ليو قصدك؟

٠٠قال ليها لالا ماقصدي شي اها اخبارك شنو يقلبي ٠٠قالت ليو بعد شوفتك دي ميه ف المية ٠٠قال ليها براحه علي يخ وابتسم ٠٠رفع يدو إتجاه الويتر جاو سريع قالو ليو عايزين بيتزا واتنين فراوله وشية ضان ٠٠ سجل الطلب وقال ليو مسافة بس والطلب ح يجهز وفات ٠٠٠ اتلفت عليها بعد م خلص كلامو مع الويتر وقال ليها يقلبي اها احكي لي حياتك ماشه كيف قالت ليو الحمدلله بس قال ليها في حاجة حصلت وماعندي خبر مثلا ؟

٠٠قالت ليو والله ي عمر ماف اي حاجة حصلت بس انت لازم تجي البيت بعد دا وتقابل أبوي قال ليها جدا بس الخلاك تقولي كدا شنو؟ قالت ليو سفيان ياخ وربي اذا شافنا هنا بقتلنا الاتنين قال ليها وم يشوف يعني شنو قالت ليو بس أنا م بقدر اقابلك بالدس كدا وانت لازم تعمل خطوة جادة لفي وشو منها ومثل فيها زعلان وقال ليها افهم إنو انتي ماواثقه فيني ولا كيف؟

قالت ليو لا حبيبي انا واثقه فيك اكتر من اي زول في الدنيا دي ٠٠٠مسك يدها وقال ليها طيب م تخافي يعمري كل شي ح يكون تمام وانا مستحيل اخذلك ٠٠٠ إبتسمت وقالت ليو حاضر ما ح أخاف ٠٠٠عاين ل تلفونها الكان مختوت ف الطاولة وقال ليها شاشة تلفونك اتكسرت متين؟ غمضت عيونها ورجعت فتحتهم و قالت ليو دا سفيان ٠٠عاين ليها ب استغراب وقال ليها وبسبب شنو كسرها ليك؟

قالت ليو عملت حساب ف التيك توك٠٠٠ قال ليها اها واصلي قالت ليو بس حبيت أغير من مزاجي شويه ف عملت فيديو وانا برقص فيو مع أغنية كانت طالعة ترند٠٠٠ رجع ل ورا وإتكا ف الكُرسي وقال ليها بس عشان موضوع تافه زي دا يكسر ليك تلفونك هو أخوكِ دا ماجادي ولاشنو ؟ وبعدين ياهدو انتي حلوة شديد ولو واصلتي حيكون عندك متابعين وجمهور كبير وح تشتهري شديد ٠٠٠فرحت كتير وقالت ليو بجد انت شايف كدا ياعمر ؟

ضحك وقال ليها اي يحبي أسي م تزعلي وبعد ناكل ح نخشى مكان الهواتف وح إشتري ليك تلفون ع زوقك إنتي ٠٠٠عايزة تصرُخ من الفرحة بس إتذكرت الناس القاعدة ف المطعم ٠٠مسكت يدو شديد وقالت ليو يخليك لي يارب قطع حديثهم الويتر وهو جايب الأكل ختا ف الطربيزة وقال ليهم اي خدمة تاني عمر قال ليو لا تسلم ٠٠ وابتدو. ياكلو وهديل تشيل وتعاين لي عمر وتبتسم٠٠٠ ف البيت ٠٠٠

جهزت الفطور واتصلت لي اُمها ٠٠٠ عشان تجي ويفطرو مع بعض فتحت الخط ودخلت ليها ف الموضوع طوالي وقالت ليها اها يا امي حارساك للفطور انا ٠٠٠قالت ليها انتي افطري يا عائشة والله سعاد دي حلفتني بالله إلا افطر معاها ويمكن أشرب الجبنة برضو ومامعروف احتمال اتغدا ٠٠٠غمضت عيونها بيئس وقالت ليها يُمه انتي من صباح الله طلعتي لكن ؟

و كيف يعني يمكن تفطري وتتغدي والله بعد شوية ح تقولي لي يمكن ابيت ٠٠٠قالت ليها عليك الله يا عشة أسي خلينا من الكلام الكتير دا واخوكي الصايع دا جا البيت ولا لسه . قالت ليها منو؟

قالت ليها حيكون منو مثلآ غير سفيان قالت ليها اي جا وطلع تاني ٠٠ قالت ليها الحمدلله طيب لي بعدين الفطور طلع خلاص وقفلت الخط ٠٠شالت نفس عميق وقالت استغفر الله العظيم. صبرك يارب يعني أسي ح افطر براي وجهت نظرها ف الفراغ وسرحت مسافه وقالت ياربي هديل بتكون مشت وين وبتعمل في شنو حاليآ٠٠رجعت وجهت نظرها ناحية الاكل وقالت اشتقت ليك ي يوسف اسي لو كنت معانا كان جيت وفطرت معاي فقدتك وربي٠٠٠ ف جانب آخر٠٠٠٠

دخل غُرفتو وطلع السيوتر الكان لابسو وجدوع ف السرير ورقد ف السرير التاني وبقى يعاين ف سقف الغرفه ٠٠سرح فيو مسافة وكان صوت البت ديك م عايز يفارقو هزا راسو كتير ورجع قعد دخل يدو ف جيب البنطلون وطلع تلفونو شاف مُكالمة لم يرد عليها ضرب راسو بيدو وقال ياخ نسيت انا عامل خدمة كبراا فتح الباسورد وكانت دي عائشة أو عيوشه لأنو مُسجلها كدا إبتسم وقال اصلا ماف زول بيفقدني وشايل همي غيرها هي٠٠ رجع وإتصل ليها تاني ٠٠ بعد تلاتة جرس

حتي رفعت ردت ليو ب لهفة كبيره ..يوسف ي اخوي اقسم بالله اشتقنا ردا ليها بضحكة وانا أكتر أكتر يا عيوشه. قالت ليو ٠٠٠الله أنا من اسم عيوشه وربي بعد مشيت ماف زول دلعني كدا يحليلك ي يوسف وانت لي م بتجينا زيارة و بعدين انت ماقاعد ف مكان بعيد. عشان تتطول كدا باص واحد بس و يجيبك كسلا ٠٠ضحك وقال ليها م ينفع امشي وأجي وانا جيتي وحدة من دون رجعة بجي عريس جاهز ي أختي ٠٠٠هنا سكتت مسافه وما اتكلمت قال ليها عيوشه ي بت وين سرحتي

إنتبهت ل روحا مع كلمة ي بت دي وقالت ليو لا بس الشبكة كعبة قال ليها ايوا تمام اها اخبار ناس اسراء شنو قالت ليو كويسين والله بس طولت منهم واحتمال بعد شوية امشي ليهم. ابتسم وقال ليها ياريت تتصلي لي بعد ترجعي منهم قالت ليو حاضر قال ليها اها ناس البيت كُلهم كيف سفيان وابوي وهديل ووليد وامي قالت ليو طيبين الحمدلله فاقدنك بس قال ليها قربت اجيكم ان شاءالله المهم أسى عايز استحمي وعندي مواضيع كتيرة عايز اخلصها يلا مع السلامه

قالت ليو طيب وقفلت الخط ٠٠سرح ف خيالو مسافة وقال ف سرو أكيد ف حاجة حاصله دي