الفصل الرابع

لحظات بس ووقف قُصادها من شافتو طوالي رجعت خطوة لي ورا ونزلت رأسها في الأرض عشان م تعاين ليو ٠٠هو طوالي فهم وزح من قدامها وقال ليها معليش بعتذر بس وقفتك كدا ماطمنتني نهائي وأسف علي التطفل ال ح يحصل مني بس لازم أسألك وعلى ما أعتقد إنتي بت عم بلال صح ٠٠هزت ليو راسها بمعني اي ٠٠قال ليها تمام عايز يسألها تاني شاف يدينها وهم بيرجفو ٠٠ اتوتر شديد وقال ليها مالك سكتت وابت تتكلم ٠٠طبعا هو للأن ماقادر يفرزها هل دي الكانت بتقرا

قرآن ولا التانيه نسبة للبس الابسه والكان ما مُبين منها شي إلا جزو بسيط من عيونها وم بتقدر تلمحهم زاتو٠٠٠هنا بدت تتكلم شويه شويه بعبارة كُلها خوف أشرت بأصبعها علي باب بيتم وقالت ليو أ أ أ رجعت و شالت نفس عميق وحاولت تتكلم تاني قالت ليو أبوي ماعارفة مالو فجأة وقع٠٠هنا صنا مسافه وللحظه م كان قادر يسمع اي شي غير صوتها هي بس بقي أصم من جميع الاصوات وف سرو قال هي زاتا من نبرت صوتها ٠٠كانت نبرة صوتها مُميزه شديد وفيها بحه

عجية ٠٠٠قطع سرحانو خطوات رجولها وهي بتجري علي البيت ٠٠اتحرك من مكانو ودخل ب وراها طوالي وهو بتمتم مع نفسو عم بلال مالو يارب٠٠٠هي وصلت وطوالي بركت رجولها ومسكت رأس ابوها الكان مجدوع ف الأرض وماعارف مكان روحو وين ٠٠و كانت أمها واختها قاعدين جمبو ف الجهة التانيه وكُل وحدة بتبكي والحمدلله كلهم كانو محتشمين لانو عارفين ح يجي زول ويساعدهم ٠٠٠اتلفتت أمها علي يوسف وقالت ليو شوفو مالو ياولدي ٠٠اتحرك وعايز يتحسس نبضو ٠٠بس

ماقدر نسبة ل بتو الكانت تاكلا كُل حيلها فيو وبتبكي٠٠٠امها قالت ليها يا بت أيه قومي خلي يشوفو و ابوك كويس م تخافي ٠٠٠ومن هنا يوسف قدر يعرف انو إسمها أيه ٠٠وحاول يسيطر علي الوضع ٠٠وقال ليهم ماتخافو خلو أيمانكم ب الله قوي وعم بلال ح يتعافي إن شاءالله ٠٠٠هنا أية هدئت شويه ورفعت راسها من صدر ابوها ٠٠وطوالي قامت ومشت وقفت جمب أختها ٠٠٠جا يوسف واتحسس نبضو وفعلا لقي مستقر بس ضعيف شوية طوالي جراا الشارع ووقف أقرب عربية اُجرة

صادفتو ف طريقو لحظات بس وودخلو هو وبتاع العربية رفعو عم بلال وركبو العربية جات أيه ركبت وراا مع ابوها وبالجهه التانيه ركبت أمها ٠٠ويوسف ركب قدام مع السواق واتحركو ٠٠طول الطريق أيه كانت بتمسح ف راس ابوها برفق وهي بتردد يارب يارب م تخليني اشوف ف ابوي حاجة تقهرني يارب تحفظو لينا و تطول ف عمرو يارب ارحمنا ب رحمتك وأرضنا عنا وتوب علينا و الحمدلله علي كُل حال ٠٠٠امها كانت بتبكي بس وبتقول ليها ادعي لي ابوكي يا أيه اسألي ليو

الله ي بتي ٠٠يوسف كان بيسمع بس وكُل لو التعجُب مرسومه ف وشو وكان مُتعجب عن صلاح الأسرة دي وايمانهم القوي ٠٠٠شوية كدا والسواق قال ليهم وصلنا المستشفي ٠٠يوسف فتح الباب وطوالي جرى ودخل جوا لحظات بس وطلع هو ومعاو اتنين من الممرضين وجارين معاهم النقاله وقفوا قُصاد العربية أيه وامها نزلو وناس يوسف نزلو عم بلال ورفعو ف النقالةو دخلوا بيو جوا يوسف اتكفل ب كُل الإجراءت وجاء الدكتور واستلمو وبدأ يعمل ليو الفحوصات المطلوبه

والممكن عن طريقها يقدر يحدد عم بلال مالو ٠٠٠أيه كانت بتمشي وتجي وكل لوحات التوتر والخوف باينه عليها رغم الخوف والهلع الاستوطن قلبها بس مازالت ماسكة ف ذكر الله لأنو دي الحاجة الوحيد الممكن تخفف عنها ٠٠يوسف إتكا ف الحيطه وربع يدينو وكان بعاين ف الأرض لانو كان خايف شديد انو نظرو يقع فيها لأنو هي انسانه مؤمنة وشريفه واتعففت واختارت الساتر وحافظت على نفسها وهو لقي انو لازم يحترم الناحيه دي ويغض من بصرو حتي لو كانت مُحتشمة

لانو قبل اي شي دي حاجة آمر بيها الله سبحانه وتعالي ونزلت ليها أيه من السماء ودي حاجة عظيمة شديد ٠٠٠٠بعد رُبع ساعة من الانتظار والتوتر الكان سيد الموقف وأخيرآ طلع الدكتور بس كانت تفاصيل وشو نهائي م بتتطمن يوسف وآية إتحركو مع بعض ووقفو قُصاد الدكتور ف نقطه وحدة يوسف زح شويه ٠٠وايه قالت لي الدكتور اها ابوي كيف قال ليها حاليا كويس ماعندو عوجة والآن بياخد ف درب ملح بس ممكن تتفضلوا معاي ف المكتب٠٠يوسف قال ليو تمام ممكن انا

أجي معاك ردت ليو أيه بخوف وانا كمان عايزة أجي قال ليهم تمام ٠٠٠اُم أيه دخلت جوا ل عم بلال ويوسف وأيه مشو خلف الدكتور لحدي م وصل مكتبو فتح الباب ودخل وهم دخلوا بي وراو طوالي قعد ف كرسيو المعهود ويوسف و أيه كل واحد فيهم قعد ف كرسي ٠٠٠شبك أصابع يدو مع بعض فتح الدرج وطلع نظارتو حقت القرايه ودفتر وقلم ٠٠لبس النظارة ووجه نظرو ناحية الدفتر وبقي يكتب ٠٠يوسف قال ليو اها يا دكتور رفع ليو يدو بمعني أصبر ٠٠استغرق خمسه دقيقه حتي

رفع راسو وعاين ليهم الاتنين وقال ليهم المريض كان بيشكي من اي مُضاعفات قبل م يقع٠٠ آيه قالت ليو اي نحنا ي دكتور جاين من عطبرة وللاسف ابوي قبل مرة كان حاسي ب أعراض جرثومة معدة ولمن مشينا للدكتور ماقال حاجة بس قال ليو اي بداية جرثومة وممكن تمشي الخرطوم وتواصل علاجك هناك ٠٠الدكتور طلع النضارة وقال ليها حاليا الجرثومة بقت كانسر للأسف ٠٠٠يوسف اتخلع وقال ليو ي دكتور مُتاكد انت قال ليو اي بس ممكن يتلحق لأنو ف مراحلو الأولي

قطع كلامهم صوت أيه وهي بتقول دا ابتلاء من الله سبحانه وتعالي رضينا بحكمك وقضائك يارب بس كيف ترضي عنا وترحمنا♡ ٠٠والمؤمن مُصاب وربنا م بكلف زول فوق طاقتو وانت يارب ارحم ب ابوي من اي زول كل حاجه لي خير الحمدلله قشت دمعتها وقامت فتحت الباب وإتوجهت علي غُرفت ابوها ٠٠٠يوسف والدكتور كانو مُندهشين شديد من كمية الثبات الكان فيها لأنو لو كان دا زول تاني ف مكانها كان كفر وكمل دموعو واتشائم ويئس من رحمة ربو ٠٠الدكتور عاين لي

يوسف وقال ليو سُبحان الله البت دي م شاءالله وأبوها محظوظ بيها شديد وربنا يديو عافيتو قال ليو امين وطلع طوالي ٠٠٠ بعد م شال الرويشته حقت العلاجات الكتبها الدكتور ومشى بيها أقرب صيدلية ٠٠٠

في ولاية كسلا٠٠٠ ♡ آلوريفة التي غنى لها جميع الشُعراء ٠٠٠♡ جمب جبل توتيل بالضبط ٠٠كان واقف هو وصحبو جمب الموتر بعد م نفش شعرو بالخُلال الكان مثبتو فيو ورجع عاين لي شعرو بمراية الموتر ووزن السديري والجلابيه الكان لابسهم ويمكن مُعظم اولاد كسلا بيلبسوا كدا ك تراث او حاجة معهودة ٠٠وك

نقطة اتميزت بيها ولاية كسلا ٠٠اتلفت علي صحبو وقال ليو كدا كيف قال ليو كسلاوي بس ياصحبي٠٠٠ ردا ليو بضحكة وقال ليو ودا المطلوب يا أوهاج ٠٠ قال ليو اها نتحرك ي سفيان قال ليو اي انت عارف زي الوقت دا عثمان ح يكون نافخ جضومو وزعلان مننا والمفروض نكون شرفنا من قبيل و هو زاتو عارفنا ناس شُغل المفروض م يلومنا ويلتمس لينا الأعذار٠٠ قال ليو هو الليلة الحنة صح ٠٠ ضحك وقال ليو انت ماشي ساي وماعارف نفسك ماشي ل شنو ونعم الليله الحنه و إسمها حنة العادة ولا شنو م عارف قال ليو اها عرفتها و ح تحنن مع العريس صح؟

قالو ليو لالا مرة أنا يا صحبي عشان اتحنن قال ليو في يدك بس قال ليو ولا خشمي زاتو و فكنا من موضوع الحنة دي وارح اتحرك انت عارف بيتم ف نهاية الدنيا ٠٠قال ليو تمام دور الموتر وإتحركو٠٠٠ ف جانب آخر٠٠٠

فطرت ولمت العدة بعد ما كان إتكلمت مع اخوها يوسف وخلى قلبها ينتعش من السعادة ٠٠دخلت غُرفتها وطلعت ليها عباية بتروليه وطرحه نفس اللون ٠٠استحمت ولبست العبايه ولفت الطرحة زين بحيث سبيبه وحدة من شعرها م ظهرت طلعت من الغرفه بخطوات هادئه جدا لين م وصلت باب الشارع فتحتو وطلعت بعد ما إتاكدت انو اتقفل صح ٠٠مسكت شارعها عديل بعد لفتين حتي وصلت بيت كدا وقفت قُصاد الباب وضربتو بطريقة هادئه شديد ف أقل من دقيقه فتحو ليها ٠٠٠ابتسمت وقالت ليها الليلة عائشة نورت ردت ليها بضحكة خفيفه وقالت ليها بنورك يا اسماء و سرو موجودة ؟

قالت ليها اي فضلتها ودخلوا جوا ٠٠كان البيت مُرتب ومجهز وفيو ضيوف واظن ديل أهلهم وكأنو ح يجووهم ناس ولا حاجة بالشكل دا ٠٠٠مشت كم خطوة لين م وصلت الغرفة القاعدة فيها إسراء وكانت لابسه فستان هادئ جدا ومعاها صحباتها ٠٠جات وسلمتها قالت ليها كيفك يا سرو اشتقنا وربي ٠٠ردت ليها بطريقة باهته شديد وقالت ليها اهلين ٠٠٠