رواية شيخ الشباب(بنت المؤمن) الفصل الثاني والخمسون 52 - بقلم زهراء العراقيه

السلام عليكم ورحمة الله وبركاته

الفاتحةعلى أرواح الشهداء ....
والصلاة على محمد وال محمد
لشفاء الجرحى و لكشف الغمة عن هذي الأمة
((اللهم صل على محمد وعلى أل بيت محمد))

شيخ الشباب²
من كتابات زهراء العراقية
من غير تصحيح او مراجعة

اباوع لحياطين غرفتي البيضة صافنة من غير دارية .... لفت نظري الذبان الي بدأ يدخل للغرفة من الشباك ، اريد هوى منه ما اريد حشرات شگومني اسدة
البعض منه اجه على الكيك الي على الميز المراية

دخلت شهد ببتسامة مرسومة مشرقة وجها الباهت
-اجيت
ضحكت على امتعاض وجهي و اجت بوست خدي

-هلا شهودة مو كلت لا تجين انت مخطورة

- هي منا لهنا صرتي مثل ياسر يكلي اصعدي بالسيارة اوصلج اذا ردتي اتروحين ههههههه

-الله يحفظة الج

-اي اشلونج اليوم

-حيل كارهه روحي ..
احس نفسي تعبت اهلي وياي ولا بعد تعبتكم وياي والله

دخلت كوثر سلمت و طلعت مطلعة علي وياها من الغرفة....

- ميخالف حبي

-ما متعودة هيج انام والناس تساعدني
متعودة اكوم بنفسي

-ميخالف فترة وتخلص

-تعبت رقية عايفة بيتها و مستقرة اهنا
وزيادة كوثر خطية كل صبحية
تجي......حبابة لا تخليها تجي حيل استحي منها

- ميخالف حبي كوثر هي والله من كيفها تجي لأن تعرف برقية ما تكدر وحدها

-صحيح رقية بس تشوف طلبات امي
ما تكدر للبيت
خلف الله على اختج

- هي تكول اكسب ثواب ما عليج هي صايرة تحب تغير جو اصلا تضايق من كعدة البيت تحب الطلعة تجي اهنا يم امج دك سوالف كوثر واعرفها

حاولت ابتسم الها
غمضت اعيوني متألمة

-ها اشبيج

-ما بيه
ياريت لو يطلع بيه شي دوخت ابوية ومرتضى.......كل يوم طبيب شكل واختصاص شكل

محد دا يعرف علتي !

- والله ما ادري

-بديت اصدك بكلام كوثر
لو مريضة كان انعرف مرضي او حتى لو ما انعرف لو كل طبيب يكول شكل
كان كلنا مريضة وسوء تشخيص بس كلهم وكل الاشعة والفحوصات تكول مابيه شي
شغله تحير

ظلت بيومها شهد يمنا للغدة بس كوثر كملت طبخ وراحت ماخذه اطفالها وياها ..
رقية وشهد تغدن وراحت شهد العصرية .
اما اني ما جاي يريحني وجود احد احس بضيق معنوي من داخل وما بيه حيل حتى اكوم من مكاني خاوية

قبل ثلاث اسابيع وكعت بالمطبخ واخذوني بالاسعاف الا وصلت عايشة للمستشفى وتنفس صناعي واجه يثقبون رقبتي لو لا انفاسي رجعت الي بالوقت الضائع.....جهازي التنفسي ما بيه شي ليش هيج ما اعرف
ثاني يوم رجعت طبيعية بس بجسد خاوي ،طلعت من المستشفى وبدت رحلتي ويه الاطباء ...
ورة اسبوعين اجتني نفس الحالة
ورجعت حيرت اهلي وياها
وهسة صارلي ثلاث اسابيع محد عارف اشبيه ...

باجر من الفجر نطلع للبصرة وصفو النا دكتور و معارف ماجد حجزو النا نروح اله
من ضمن اختصاصة الجهاز التنفسي

بلغوني الي يودينا ماجد من تذكرته تعبت بزيادة صعبة عليه الي صار و وكعتي كدامه بيوم الي جابو نيشاني كعروس....!

اجت خالتي النا العصرية ،و الصبح
هي كومتني ما بيه حتى ارفع ايدي احطها بردن الثوب !
لبستني
-والله اذا ما يطلع عمل مسويته بت الحرام ساجدة (ام كرار)

طلعت امشي مثل الطفل الي توه تارك الزحف . وهي كايدتني من ايدي
طلعنا ولون الدنيا حبري بعدها ما مشرقة الشمس
جان ماجد نازل من سيارته واديه بجيوب سترة طويلة سودة و لفاف اسود
ابعدت نظري بضعف عليل ..

سلم على خالتي الكبيرة الي هو ما يعرفها
-اني خالتها الجبيرة ام محمود

-اهلا وسهلا خالة
طلع ابوية
سلم عليه
اني دخلتني خالتي بالسيارة
وبابا يم ماجد كعد ..
اني ببداية الطريق سلمتها ونمت مع العلم مو من عادتي النوم بالسيارة .
كعدت على صوت خالتي الهادئ
-زنوبة كومي يمة
اصحي اشربيلج شي اكلي شي

كعدوني ونزلت اتلفت على المكان غريب

-اني وين وصلنا البصرة؟

-لا وين يخالة تونا وصلنا لأول استراحة خل نتريك ونتفح ريكنا

فتح الباب ماجد وخاله لمت عباتي وخلفي و ماجد تلكاني لكفت ايده الي مادها مثل عجوز بخريف العمر رجليه خدرانه من السيارة!
ما شالني اجيت اوكع سند ضهري وايده بأيدي التفينا لابوية اخذني منه
اول طالة اشرت عليها

ابوية
-نكعد بالداخل احسن

-لا لا اريد هوى
كعدت اول وحده بالكوة اجر النفس لو مخليني نايمه افضلي همة طلبو كباب بس اني مبيه حتى امضغ شي

-دكلي هاي

ظليت صافنه اللفة صغيرة بحجم اللقمة وكف بابا مكدر اردة بس نفسي مجاية اله

-ما اكدر اريد حليب...
باوع بابا للبسطية الجاي الي كدامنا
- ما اعتقد اكو اهنا بس جايات ..

بالتالي لكيت نفسي اكل مجبرة بسكت وجاي من ايد والدي ..

خلصنا غسلت اني و خالتي ورجعت كعدت انتظرهم يجون و ارجع للسيارة .
خالتي يمي طلعت علج مر وتعلج ...

اجه والدي ينشف بأيده بكلنسة والهوى يطير بثوبة الاسود والغترة الخضرة الي على متنة وبالشيبات الي اكثر من سواد شعرة
خالتي كامت
-يلا يمة انروح ..

وصل يمي والدي. و كدامي وكف
وبأيدي ظل يعدل بحجابي

همست -شعري طالع؟

-لا خالة ما بيج شي

مع هذا عدلي حجابي
شفت على وجه خالتي ابتسامة
هي لازمتني اتمشى اشوية افضل هسة من اكلت ..
كالت
-ابوج حنين حجابج بس جان مخربط عدله مطالع منج شي
شفت خطيبج صافن عليكم قبل ما يسبقنا للسيارة

-زين لعد عدلة ..
احنه بطيئات بابا سبقنا وكعد الا وصلنا الهم ..وانطلقنا نكمل الرحلة الشاقة بالنسبة الي

الطريق ارهقني وهدت حيلي كعدة السيارة من وصلنا للمحافظة اني ما بيه روح بهتت حيل

وصلنا الظهرية اني ما ادري وين الله حاطنة ولا حتى اسم المنطقة

خالتي
- ريحة البصرة شعذباتها

يمة ماجد جاي من قبل اهنا
-اي اهواي

ابوية جاوبها
- اساسا هو الي عنده معارف اهنا وحجزو لزينب مو اني
باوعت لقفاه التفت عليه وكال ببتسامة وقرورة

-حمدلله على السلامة

سألته-وين احنه ؟

-هذا اسمه شارع دينار

نزلت خالتي و تلكتني نزلت كدام مطعم
كعدت وهمه ياكلون و خالتي بالتواسيل تحط اللكمة بحلكي
جبرتني ...حسيت الاكل ما يروح لبعلومي وينزل للمعدة احسة ينزل على صدري ويثقل عليه كمت احس بالخنكة وضيق النفس بالتدريج ....صفنت على ابوية الي بجانبي كاعد....و على ماجد الي كدامي
دنكت راسي اكتم ضيق نفسي لا اشهك وسط الناس الي كاعدة تاكل باوعت للسبالت الكنتورية ظليت اتمنى لو احد يفتحها بعز الشتا بس يبرد ريتي بهواها
اريد يقضي الوقت ويخلصون ونطلع ..
ظليت الوج و خالتي رفعت الي خاشوكة تمن
صديتها بايدي وكعت الي بيها

ابوية
- شنو مختنكه

خالتي كالت
-لا بس متاكل

هزيت براسي وبالصلوات الا رسمت ابتسامة لا امنعة عن اكله خطية ..

ما صدكت يخلصون وكمت وياهم
و الطريق هم بعيد للطبيب بغير شارع .

دخلنا للعيادة ...

اني بعد سلمتها على متن خالتي غفيت
،

دخلنا للطبيب كلهم وياي رغم اعتراض السكرتير ...

نمت على سدية الفحص واكيد اكو ستارة و المساعدة وياه
بعد الفحص ما شخص
طلب اعيد الاشعة و كتب اسمها اني كرهت الساعة الي اجيت بيها وظليت الحلح على ابوية بصوت ناصي" كله
جديد بعدها اخر فحص
حباب
ما قبل الطبيب الا فحص اليوم

بنفس المجمع الطبي رحت وبهذلوني هالمرة نزعوني جبتي وين جان عني كل هذا
دراستي طفلي كلهن راحن مني
اني و واكفة و تعالي اكطعي نفسج
و لا تتحركين انشلع باب گلبي

لبست بمساعده خالتي و
طلعت لكيت كدامي ،ماجد بيده عصائر

كعدت بصالة للأنتظار على كرسي ستيل احس برودته دخلت عظامي ..
أنطى عصير لخالتي واني بس لزمته بأيدي وصافنه على الفراغ شو نعست !

انجر مني البطل وانفتح

ماجد-اشربي...

- مكدر ابلع شي احسة يوكف بصدري

شربة هو و بعد اشوية خالتي سألت على التواليت وابوية اصلا ما رجع ويانه ظل مكابل مختبر الاشعة ينتظر النتيجة..

اني بعدها غفيت وحلى النوم بعيني

ما اعرف كم الوقت الي مر بس انزعجت من ابوية يهمس الي اصحى واني رافضة....مسحت وجهي بملابسة ما بودي اصحى

-اشوية بوية

- دكومي بوية لا يدخلون غيرنا ..
فتحت لكيت نفسي على متن ماجد وايدة ساندة ظهري. ! و جهي بملابسة متلامس بقوة ..
و ابوية كاعد يمي من الجانب الثاني يصحي بيه و يريد يبعدني عنه واني كنت ما اقبل اصحى
خالتي واكفه كدامي تنظر بتعاطف
خجلت وابتعدت عنه ببطئ راسي ثكيل...
لا وبعد السكرتير يباوع والي كاعده بصفي اعيوني شافت الناس منتبه عليه اووف لان لازم ادخل واني غافية
مثل القتيل!
كمت واخذني ابوية منه ونفس الكلام
البقية

رجعت للنجف وتوسلت يجيبون عبودي بس اليوم وباجر ياخذوه
ماجد تعبان راح لبيته وكال اخابر محمد يدزه الكم ، و جابة الي السيد محمد نام عدنا

و بنص بالليل تخربطت وهم اجتني حالة الاختناق
ظليت اشاهك وصلت للموت واني جنت نايمة فتحت اريد انطق ما اكدر اريد بس ايدي تتحرك تسوي صوت يكعد رقية الى مفترشة على الارض ...
مكدرت غمضت كاطعة الانفاس اغوص ويه الاحتضار، وجه فاطمة كدامي تباوع الي بحزن فجاة انكسر هدوئها و صاحت بية مفهمت شكالت بس اخترعت من صوتها
شهكت انفاسي واني اشم بريحة رقية يمي
الضوة مفتوح و رقية حاطه راسي على صدرها
- زينب
تتنفسين ؟

- اي ... اي
خليني على صدرج رجعلي النفس

من اخذت انفاسي انتبهت لعبودي جوة رجلية ديغفي

-شسوي اهنا عبودي

- هو هو بجى صاح! حيل حيل صاح كعدني كعدني فتحت الضوة وشفتج وشفتج تونين هو شو صاح وبس نزلته نزلته من كاروكه رجع نام نام

همست
-فاطمة!

اجهشت بالبجي المطلق
رقية عافتني وراحت ورجعت وبابا وياها ..

ظلو يسكتون بيه واني مالي سيطرة على روحي...منا من تقيأت على ثوب رقية ....احس صدري فرغ ...
الا كدرت اغفي
ثاني يوم هم هجت عليهم واحس الغرفة دتخنك بيه اخذني ابوية لغرفته الا نمت بصف امي الخنكة صارت تصيبني مو كل ايام كل ليلة انام بيها واني النعاس يجيني بصورة مو طبيعية لكن النومه تتعلل بسبب الخنكة
مرت فترة يروكض بيه ابوية بين الاطباء والمحافظات اخر شي اقترح مرتضى يسفرني ظن منهم عدم خبرة بعدم التشخيص
ازداديت بهاي الفترة اخاف من الظلام ومن الوحده
خالاتي يترددن علينا وكلهن يصيحن هاي مسحورة و امي تكول لابوية ما ياخذ بكلامهن
مختصر وقت هذي الفترة مريت بشياء مخيفة حتى النوم الي كنت انعم بيه تخلله رجعت الأوجوه ، وكان وجه شخص لحيته طويله وكله وصاخة اجلكم الله قذورات.

تأني بقتراح مرتضى من قبل بابا همين اخذني لطبيب اهنا

وهالمرة شخص التهاب بالرئة وكومه علاجات ..
تخربطت منهن حيل

كنت نايمة كالعادة اركض وجلاب تركض وراية ...

سمعت صوت ابوية كعدت ..
كعدني اكوم اغسل خطيبي و اخوه اجوي يشوفوني....

كمت أغسل و رقية ساندتني رجعت لغرفتي على ما هي وكفت يم الكنتور ادور الي ثوب البسة.
غفيت ...
شفت الرجال المخيف ياكل بشي.....
اتقرب يمي ومدلي ايد بشرية و صحت
منه وكعدت اصيح و التفتت على احد حط ايده على متني . لانه الرجال المخيف الوصخ
-ووووخر مني
وخر
لا تاكلني وخررر وخررر
صياحي لدرجة قوية .
حنجرتي وجعتني منه

شفت رقية اجتني

-زينب منو ياكلج زينب

هذا هذا اشر عليه

والهثت

طلعيه طلعيه رقية
كام الرجال والدم يوكع من حلكه دخل السيد و رقية تحط مدري ايش على راسي واني ميتة خوف هذا كام يطلع الي بالصدك لو حلم هذا
ضربت روحي راشدي خاف احلم وجعني الكف ....

دخل بابا خلفه ماجد و مرتضى وكلهم ما يعرفون منو واكف بالزوية ويضحك

- بوية هذا هذا طلعه طلعة ..

انضربت كف

-زينب اصحي !

ظل والدي بعد ما ضربني يصحيني يقرأ ايات تخنكني اكثر

صحت بيه
-اسكت اسكت
كافي
ظليت اسد اذني عنه لان كل ما يقرة كل ما يضيق نفسي واشوف الضحك بوجه الرجال الوصخ
ابسرعة اختفى الرجال العجوز القبيح الخلقة
التفتت للباب خاف بعده يمها
شفت السيد داخل توه وابسرعة صار يمي ايده انمدت على راسي وظل يقرأ واني خمدت سكتت اختفى الرجال المخيف من راح الا انتبهت بابا كاعد يمي لازمني ولازم اديه الي جنت اشمر بيهن وايد السيد محمد على راسي
ارتاحيت على سمع صوته يقرأ احد ايات القران

رجعت غمضت

ما بيه افتح عيني من خلص السيد اني كاعدة بنص وعي اسمع كلامهم بس مبيه افتح ...

السيد
- هاي سحر عمي لو شي ثاني والعياذ بالله

-اي هسة الا صدكت جانت بس تختنك
بس هسة يتهيأ الها و تختنك من القران
من دخلت سيد الا سكتت !

وهاي رحلة ثانية بحياتي ..
من اطباء الى سادة بس ما افتريت اهواي لأن السيد محمد يعرف شيخ قريبهم اختصاص هذي الامور

اني بهاي المرحلة فاقدة الاهلية ما اعرف وين الله حاطني حتى اول لقائات ويه الشيخ لا اعرف شكله ولا اميز الي حولي اصلا حسولف الكم مواقف عن السان اهلي صارت وياي ...
همين شفت هالمرة مرة تخوف بوجه مشوه يمي اني اعتاديت عليهم بس من يتقربون حيل انرهب والهوى يختفي من الجو واختنك واظل اشاهك
لأن يتقرب احدمنهم ينفخ على صدري
يثكل عليه النفس . ما يطلع انحصر بيه

هالمرة جنت مرتاحه منهن ايام على غسولات و رقية الشيخ واجتني المرة
وصارت حالة الخنكة...اخذت انفاسي بصعوبة مثل الي جان يغرك وطلعوه ..
وشفت وجه السيد يمي كاعد وايده على متني ويقرأ

اخذت ايده من على متني ظليت لازمتها حيل والهث واعيوني جاحظة

- راحت بس ظل يمي
كلتها بهمس ورجعت انطرحت حسيت عدل حجابي فتحت عيني بتعب شفته برؤيا مغوشة ماجد (هذا الحدث سولفته امي كانت كاعده كدامي وتبجي و كالت ماجد عصبي جان هو يمج من يرقيج اخوه من لزمتي ايد و حضنتيها على صدرج ما تقبلين تهديها هو عدل حجابج وسحل ايد اخوه وحط ايده بالقوة وياج تلاوي ويه ايدج حتى جرحتي ايد السيد ابو مصطفى !
بظافرج ...

ابو مصطفى
- خالة قرضي الها اظافرها

- ميخالف يمة ..
لا تطلع خالة ظل كاعد بس من انت موجود ما اشاهك مختنكة .

ابو مصطفى-
ام علي اتحملي بس هاي الفترة حيل صعبة لأن جاي تتعاكس الطاهرة وية نجاسة العمل
بقدرة الله ينتصر الحق على الشيطان واتباعه من البشر ..

ماجد-اني يمها خالة ..

طلع السيد وعافج شفتج انطيتي ظهرج لماجد و وكمتي تبجين يرجع السيد اكو مرة تخوف رجعت الج

دخل ابوج و استلم القراة وكلساع يسالج راحت
تكولين بس واكفه ما تتقرب منا .. ونمتي ...

واحد المواقف الكثيرة

هم فجأ كمت اصرخ الرجال المخيف بدأ يتقرب مني ويريد ينفخ على صدري

محد يمي جان غير رقية ذبت نفسها عليه

واصيح
-روح روح ..

واني اصيح راح ينفخ على صدري راح ينفخ ..
هي حطت راسها على صدري
-راح زينب ؟

- دنك دنك بس ما كدر يتقرب اكثر و ظل بمكانه يباوع الج بغضب .
رقية ظلي يمي ....

رقية تكول ظليت اقرأ سورة البقرة بطولها الي واتكول رجعت نمت
___________فصل ثاني _________

كعدت بيوم شفت الشمس عالية و ساطع نورها من خلف البردة (الستارة)
حاسة بجوع قوي بحيث معدتي تطحن بيه طحن
اني وين
هاي امي على سريرها واني على الارض ابصف بابا فراشي

كعدت ...هاي اني اكدر اكعد !؟

انتبهت هاي شنو؟

القرأن فوك راسي و المخده مليانه حروزه ظاهرية .. انتبهت لنفسي ملبسيني حروزة خضر كلهن

هاي شنو العلك المحطوط بصدري
طلعته ..

كمت بس دايخه دست على رجل بابا صحى

-ها بوية
كاملي

-شنو شايفه

ولزمني يكعدني

-كلشي ما شايفه اريد اغسل واكل

جوعانه ..

رحت للحمام ذبيت على نفسي ماي وطلعت الزم بالحياطين من الدوخه .
اشتميت ريحة بيض رحت للمطبخ لكيت امي كاعده بكرسيها تثرم طماطه وبابا واكف على الطباخ يقلي بيض

-جوعانه ماما

-اي حيل

مابيه اوكف احضر عن ابوية ..

وكعدت وصرت اكل من كملو كأنه اكل من طعم الجنه بحلكي احسة طيب ومدا اشبع

خلصت كرصتين خبز

و ظليت اشرب ماي وما ارتوي

بابا وماما كدامي بس ما ياكلون تاركين اكلهم وصافنين عليه

امي كامت تبجي

- ما ردني ابو فاضل وردج النا

- ليش وين جنت اني
يمكم

كلتها مبتسمة
اثاري الوقت الي مر اهواي
واني غافلة بعالم ثاني عبالي ايام بسيطة
اثاري جنت حيل فاقده سولفو الي همه على الشيخ الي ياخذوني اله وعلى تعب السيد محمد وياي هو الي يسوي الاعمال الي بغرفتي من رقية شرعية و تطهير للمكان ...

و يظل وياي مع والدي من الشيخ يرقيني

اهلي كلساع و واحد منهم جاي سألني عن صحتي وعن الخنكة ..
طلعت للحديقة اشم هوى واغير جو البيت ..

اسمع صوت مرتضى طش بالبيت
زينب ما زينب
دخلت مخترعة

-هااا يمعود

وهو هم اخترع

-هااا انت اشبيج

-اشبيه

-هاا
حك شعره
وجرني من ايدي لامي
-ظلي يم اعيونا

-ردت اشم هوى

بالكوة الا كدرت اعوف امي واخذ ملابس اريد اسبح
وكفتلي رقية

-يلا يلا حضرت الج الخاولي

اخذته منها
شو هاي دخلت وياي

-رقية اني زينه

- اني اسبحج ما ما
ماما ما تقبل وحدج خاف يطلع الج الوحش

ظلت وياي ما تقبل تطلع اهنا ما اعرف شيصير بالبيت سمعت اصوات ...
وهلاهل
رقية جانت تليف الي واني ظليت اتحسس بمسامعي طعم الهلوله حيييل صارلي اهواي ما سامعتة.....

واصوات نساء ..

طلعنا ولكيت خالاتي ملتمات.....

وكفلي وطشن علية ورق ياس وجكليت والاطفال تطفر تلكط ...

ابتسمت
-هاي شنو

بناتهم واطفالهن .
انتشرو بالبيت وانفتح المطبخ للطبخ امية طلعت ناشرة الخبر زينب وعت
ما زينب وعت ..

سالت عن بابا كالت بالحضرة امي يسمع خطبة الجمعة ما قبل الصلاة ...

كعدت بوسطهم ودخلو علينا شهد وكوثر ..

كوثر قبل السلام
-هاا شكلت الج اني

وجرتني اتوبس بيه وتضحك

جانت شهد واكفه خلف كوثر

ودموعها بين اعيونها .

-لج طلعت احبج
ذبت نفسها تبجي ..دمعت من وراها

-تعالي شهد احجيلي شصار ...

نفس الكلام كنت شبه المجنونة وحتى بدأو يأيسون مني مرتضى وامي
لكن والدي ما يأس الوحيد بيهم ظل داعمهم معنويا ..

- حتى اني ومرتضى تصالحنا فد نوب راح الزعل بسببج

- اشلون ...

- بليلة اجاني للبيت خوفنا من دك الباب نص الليل

▪︎شهد
كوثر
-ياستار منو جاينه هيج وقت

كلت بنعاس -خاف ياسر

-لا ولج عنده مفاتيح بعدين متوازي يجي نص الليل وهو يم ياسمين

اخذت تليفوني ردت افتح لايت واكوف افتح الضوة
شفت مرتضى يتصل بس الجهاز صامت فما كنت اسمع رديت عليه

-شهد افتحي الباب

-انتظري كوثر هذا زوجي

كمت لبرة وفتحت الباب واني ارجف من البرد نسيت البس روبي

-ها مرتضى زينب بيها شي..
دخل وحضني حتى ما سد الباب وراه

- عفتها تصيح
زينب انتهت ..

صارت بصوته بحة بجي متحشرج..

و حسيته يهتز ضام برقبتي

- خوفتني ...

فارقته
-تعال بردت تعال ..

دخلته لجوة

ورجعت حظنته
-كولي اشبيها شصار .. اخذني الها راح البس وانروح

كعد على الكرسي مهدود الحيل ضام وجه بين اديه

-الي بيها جنون

كلبي وكع مني وكمت ارعش قلق

-لا لا
الشيخ كال سحر من شخص ماخذ قطعة من ملابسها
مو جنون سحر
اي ابوك كال السحر مو كذبة اكو مشعوذين

تطيب ان شاء الله

حباب كول غيرها

ماكو واحد هيج يتخبل وحيده

- وحده ماتت والثانية تخبلت
ليش هيج يصير بينا

حسته منهار فد نوب ما يسمع مني
ما اعرف زينب بأي حاله شافها هيج يأس منها ...

كالو سحر ياربي سحر ويزول
الشيخ كال سحر و الي مسويته مرة
ما شخص منو يكول حرام ندخل بالغيبيات بس لأن اعراضها مو من اكل من ملبس اثر وصورة ومأخوذ منها فمتوقع مرة .وكل الي يسويه رقية شرعية وختمات قرأنية
احس الي بيها بدأ يزداد ..و الي خوفني بليلتها من مرتضى اجاني هيج ..

ظلينا اني وياه بالاستقبال للصبح
وهو نايم بصفي على ايدي تكسرت تكسر ..
سحبتها منه وانطيته ظهري مكسرة من النومه على جه وحده واحس بتقلصات بخواصري اني بنهاية شهري الرابع ..

ايده حضنتني من خصري
وباس علابيتي(قفاي)
همس
-صباح الخير
انداريت عليه
واول ما وجهي صار بوجه انطيته بوسة ترد وتصبح عليه ..

-حبيبي ما اشتاقيت الي

- شخبار الطفل

-ممم زين

-وضعة الصحي اشلونه مستقر

- اي

باوع للباب

-والباب مقفول

- مممممم نعم

انتكأ على ايده وصار وجه فوك وجهي ..

- واختج تدري بيه اهنا مو

-اي كلت الها من البارحه هههههه
لعد كسرت الباب وما تريدها تدري

ردلي البوسة الضعف وكال وهو يخلع قميصة
- مشتاق اهواي

▪︎زينب

تغدينا والهواسات هي كفت المطبخ اني رحت للغرفة واخيرا فكو مني ياخه احاف اكول تعبت وامي اتروح فرحتها
بس اني تعبت من الهوسة احس نفسي بيه هزل ..
انطرحت

واخذت تليفوني
شفت اتصالات من الساعة عشرة لحد ال٢ الظهر من ماجد...

اتصلت عليه...
صوته كأن متسأل بالترحيب
- الو مرحبا؟

- مراحب

-زينب؟

- اي زينب

-حمدلله على السلامة حبيبتي

حبيبته!؟

-الله يسلمك

- احلى خبر سمعته اليوم

-رحم الله والديك

- جايكم اليوم اني والسيد وعائلته

-ها خوش

- حبيبتي الف لا بأس عليج

-رحم الله والديك

-هههههههه هسة تأكدت رجعتي مثل قبل

دخل عليه بابا وهم سألني نفس السؤال للمرة المليون

- ها بوية اشلونج

-زينة بابا

-هو كال هليام ترجع توعى بس ما عبالنا اليوم الحمدلله والشكر ...

راح بعد هالجملتين

وكفت كدام المراية من تذكرت ماجد على جية
ظليت مصدومة صدمة عمري

-هاي منو

ظليت مركزة على خلقتي

اني حتى ما لاحظت ضعف بنيتي جلد وعظم صايرة !
حتى متنعمة
وكأني مومياء شاحب و عضمتين الوجه بارزات بشكل غير محبب والعيون شكبرهن يخوفن من الضعف بارزات بنشاز

شصاير بيه ؟

خابرت شهد تجيني

- ها زوزي شنو اجاج الجني
وتضحك
-لج اني جني طلعت تعالي الحكي خلقتي
دخلت وما زال التليفون يم اذنها

- ها سمعتي بماجد جاي

-اي عفيه

- هسة اكول لرقية تنزل المكياج

دخلن بنات خالاتي بالتدريج وكل وحده
تفتي بشغلة من مكانها ..
اثناء ما شهد تعبت وصاحت لوحده منهن تكمل سحب شعري بالكاوية
كملن
حطتلي شهد مكياج خفيفي المظهر لكنه كثير كمواد اكثر شي فاونديشن ركزت بيه عدا الكونسيلر أو خافي العيوب مؤكد حطته ...و كونتور برونز
كلمسة دفئ لافته للنظر على البشرة
وكأن الشمس تطبع قبلاتها المتوهجة والمشرقة على بشرة عانت الويلات
طبكت خط برونز على خط الشعر
فوك جبيبني يعني و جسر خشمي واعلى خدودي ما خلت كالت بمحاجه اظهارهم يخوفن يصيرن
شهد مكياجها ك ميك اب ارتست محترفة ... خطت عيني ايلاينر داخلي رفيع ما يظهر لكن خفف من ذبول عيني و حجمها المرعب ..
كالو اجوي كمنا انطفر على السريع ..
رقية جابت الي ثوب من فوك حسب اختيار شهد

-هاج البسي هذا ويه هذا

انطتني ملتبس داخلي ويا

-لج شهد هذا الثوب صيفي
-مو صيفي ما اشوفيه قطني

-لعد شو قصير

ظلن يقنعن بيه البسة

طلعن من الغرفة لبسته ..

هو صح قطني يدفي وثخين لكن متناقض ..
قصير فوق الركبة وحصاري والله زمن صرت اتلابس ويه شهد دخلت وضحكت
-ترة عليه اطول
انت اطول مني
هاج جواريبه

اخذتهن منها طلع وياه جواريب تشبه البوتين وبيهن قيطان و ينتهي طوله قبل لا يوصل الركبة يعني ركبتي بس الي طالعة من كل هاي الهوسة

رتبت شعري وكالت سوي نفسج مبيج حيل
كلنا لابوج تعبانه مابيها توكف ترة حتى يدخل عليج ماجد اووك

رحت كعدت على السرير و ساعة اغطي روحي ساعة اكشفها ...

سمعت صوت بابا
رجفت ولعنت شهد وسوالفها الف لعنة اني هم اشبيه هيج سمعت كلامها مرة توني طالعة من مرضى اشكبرها .

ظليت متغطية بس سمعت شهد تحجي وياه
دخل باوعلي وسالني
جاوبته واني جوة الغطة
-زينه بابا ما شايفه شي بس مبيه اكوم تعبت من الكعده ..

راح بابا همزين
كشفت روحي

-شهد اووف كله منج

ضحكت واجت رادت تسحب الشرشف مخليتها

-لج خل يشوفج راح يدخلوه .

كلت
-ماااه

سالتها منو اجه
كالت لحد الان وحده اجه بس يكولون السيد على جية هو واولاده

-اي عفية بلكت يجيب عبودي ...

راحت شهد ..
ورة اشوية سمعت صوت يا الله ..
ودخل ماجد وامي كدامه بكرسيها اني موصله الشرشف لصدري ...

-يا الله
اللهم صل على محمد وال محمد
الحمدلله على السلامة
هاي انت بخير
وين جنتي متغيبة عنا

-الله يسلمك

امي بس دخلته وراحت ويه الجماعة خالاتي بالهول ...

بس تركت الباب مفتوح وهو راح سدة
ورجعلي

-هوسة صوتهم لهنا واصل
برر سدة الباب مجاوب اعيوني المتسألة

-اشلونج زينه

كالها وهو مبتسم وكعد على طرف سريري وجه عليه

-الحمدلله

- اشوية اشوية تستردين عافيتج ان شاء الله

-رحم الله والديك

كلتها بضوجه اعرف اني اصلا كل هاي التعديلات ما خفت هزلي ان شاء اتحسن

- حيل قلقتينا وقلقتي والدج عليج

- مو بيدي

-شنو جنت اشوفين ..

-حباب ما اكدر اسولف ..

لزم ايدي باسها

-اسف حبيبتي

جريتها منه

-لا عادي مصار شي

-شو سحبتي ايدج

وين مجودي الحكني وحبيبي الحك عليه و التشبك والتوسل

-اني جنت هيج اسوي
كام من مكانه وكعد يم راسي
تدنيت عنه وما انتبهت لشرشف نزل

- اي واسمج ماخذه ايدي حاطتها على صدرج

شهكت وانخطف لوني

-شنو هذا الكلام عيب

حرفت نظري عنه خجلانه

ضحك وكمل
-اي وكل بأحضاني الا تنامين مرتاحة بس اعوفج تجيج الكوابيس

- لا تضحك عليه

-أسالي ابوج

-شنو !!

- اي شسوي لان سيد لازكه بيه

-اشلون يعني لازكه بيك

هيج يعني .

مثل صاروخ المحتل المتربص سحبت شفافة ثغري باغتني بيها خله حبال حلكي تتراخى .و ارتجفت مفاصلي
مكدر اتحرك غير اني صافنه تركني وظل يباوع لوجهي مبتسم

همست من امواج الصدمة
-شسوي

- دكيت باب زنوبيا ملكة تدمر
يضحك يربي هذا شدا يلعب بيه
وعيت لسوايته واني الي لهسة مماخذه على قربة فهمست من بين امواج الخجل
-لا تعيدها

-ها اعيدها تم

اتقرب اني ابعد براسي للخلف وهو يقرب و بعدين سحبني من كفة راسي وقربني لوجه وطبك وجه على وجهي .
ادمجت وياه من غير مبادلة مثل مايندمج العبير ويه النسيم ...
ردتلي جزءمن روحي الغائبة هالقبلات حسستني ما زلت اني
ما زلت مرغوبة ولو بعيونه ...
ابتعد عني .. شعري هايج منعثر كأنه الريح كانت تلعب بيه

-كنت دائما احس بايد تلامسني و تريحني بس كنت اظن حلم

هاي ايدك ؟

-كنت اشاقة وياج ...
هاي ايد الي يرقيج

-هذا الشيخ

- الشيخ العجوز و اخوية

-وانت ...؟

▪︎ماجد
ابتسمت عاطف على حالها

من شفتها كاعده على السرير
رغم تعبها محاولةتبرز نفسها
بشكل مقبول كانت شبه انسان راجع من الموت

حاولت انطيها اكثر عطاء معنوي

غازلتها بكلب عاطف وطلبت اطلع
-اروح يم الاهل عيب منهم التأخير

طلعت من غرفتهاو اني اتسأل زواجي منها صحيح لو لا بعد الحالات الي شفتها بيها ....

كسرت خاطري اليوم اول شي بعد ما وعت فكرت بيه شكلها لكن كان حيل ذبلان والي شفتها بيه فترةبسيطة حال اكثر مثير للشفقة ...

رجعت للبيت بالليل ..

وصلتني رسالة منها

- لا تعيدها ....

- زينب انت مرتي كافي عاد تعقيد

- تحمل تعقيدي ...

ما رديت عليها ....ياريت ينحمي من بالي الصور الي شفتج بيها وترجعين ببالي بس زينب العنيدة الجذابة

لا ما اكدر هيج جاي اضغط على روحي
حتى تمسكي راح بعد ما صحت مجاي اتخيلها غير وهي بحالة الانسان المريض الي سقطت شخصيته

- شكرا ماجد

-على شنو
-على دعمك وعلى تمسكك بيه

حطمتني على الاخير جملتها

- اتمنى أسولف الك شنو صار وياي
ولشنو تعرضت

اكيد راح اسولف الك احس نفسي بحاجة اعرفك عليه و نتعمق بعلاقتنا اكثر ...

-ما كنت هيج

-بعد الصار و ثباتك وياي
اهواي امور تغيرت ......!

همست
-صحيح اهواي امور!
قاصد مشاعرنا تعاكست وياريت المشاعر بيدي الاعجاب يحتاج الى ترميم قوي حتى يرجع

يتبع

دمج فصلين
النشر حسب اوضاع البلاد ولو عليه اعتصم لكن الكاتبات البقية عمو عليه واجبرت على المتابعة بسبب تنزلهم والا اني نفسياً واخلاقيا ما مقتنعة انزل واكتب الناس عايفة اعمالها و كل يوم شهداء بس بسبب الحاحكم ومحبتكم القصة مدا اكسر بخاطركم
احبكم 🌹 اذا تأخرت للوحده يعني ماكو بارت