الفصل 3

الراجل اخد الفلوس بخوف وهو مستغرب جدا واكمل رجع نام وقال... اطلع من الباب مفيش داعي تنزل تاني على المواسير والفرهده دي.... وقولو في اي وقت يحب يجيب واحد يفتش الاوضه يقولي وانا هستقبله مفيش داعي نتعب الناس معانا الشاب مشي وطلع من الباب بسرعه زي ما قلو وهو مستغربه جدا اكمل هز راسو بيأس وابتسم بسخريه ورجع نام تاني

عند فرحه كانت واقفه بغيظ قدام شقة الست اللي لؤي دخل عندها وقالت ..اوووف يا ربي طب اسيبه يتورط الغبي ده علشان يتربى بس اتنهدت وقالت بضيق... بس يمكن ميعرفش هو دخل فين... والله ما عارفه صعبان عليا على ايه وخبطت على الباب وهيه مضايقه من نفسها فتحتلها نفس الست وقالت..نعم يا ست الدكتوره فيه حاجه

فرحه قالت بارتباك..اه..اصل..اصل يا ست تحيه الل..احم..اه قريبي قريبي جيه يزورنا ومخو بعافيه شويه وميلت عليها وقالت بهمس بيني وبينك مجنون وبنعالجه ..خلاني بعمله شاي وسهاني ونزل ومش عارفه الاقيه فقولت يمكن يكون جيه هنا ولا لمحتيه نازل.... هو شب حليوه اوي وشعره بني بيلمع كده ولابس تيشرت بني وجينز يعني شكلو مميز لو شوفتيه اكيد هتعرفيه انو مش من هنا

تحيه اتخضت وبصت وراها للؤي الي كان قاعد بارتباك ومش واخد بالو لفرحه اصلا وبيبص للمكان بقلق تحيه بلعت ريقها بخوف وقالت..مجنون..مجنون خالص يعني فرحه قالت بسرعه... فوووق الخالص سعات بتهب منو وممكن يخنق اللي قدامه بلعت ريقها برعب وبعدت وشاورت على لؤي وقالت..هو الشاب اللي هناك ده فرحه قالت بسرعه..ايوه هو هو ده قريبي..لؤي.. لؤي التفت لها بسعاده ومش مصدق قرب منهم وقال..فرحه الحمد لله انك جيتي انا....

بس فرحه قاطعتو وقالت بسرعه..انت نزلت ليه انا مش قولتلك متتحركش تعالى معايا تحيه كانت بتبصلو بخوف وقالت..اه..اه روح مع قريبتك يا اخويا... ربنا يشفيك لؤي قال بدهشه.... ربنا يشفيني.... انتي عرفتي ازاي مين قلك تحيه قالت بخوف منو..مش مهم يا خويا ... المهم تخف ربنا يشفي روح مع الدكتوره يلا لؤي طلع من عندها باستغراب وبص لتحيه وقال... ايوه يعني مين قلك..هو انا بقى باين عليا ولا ايه

تحيه قالت بحسره..والنبي مش باين ابدا حسره عليك ربنا ياخد بالايد وقفلت الباب لؤي قال بدهشه... حسره عليا..هو انتي قولتلها ايه فرحه قالت بغيظ..قولتلها الحقيقه..قولتلها انك مجنون وليس على المريض حرج لؤي قال بسرعه.... لا .انا مش مجنون والله ... لسه موصلتش للدرجادي واتنهد وقال..على العموم شكرا انك طلعتيني

فرحه قالت بغضب..انا كنت خلفتك ونسيتك علشان افضل الف وراك..انت حكايتك ايه يا جدع انت ..شوف بقى لو معاك حاحه عايز تقولها قولها وخلصني يا إما توريني عرض كتافك انا قاعده هنا بالعافيه اصلا متجبليش المشاكل لؤي اتنهد وقال.... شوفي انا لازم اتكلم معاكي..بس مش هنا خوديني على اي مكان مفيهوش اي واحده ست..ولا حتي حاجه مؤنثه .... بصي لو شجره مؤنثه متقعدنيش جمبها

في البيت كانت اسيا بتحط معقم تحت عين عدي بعد ما اكمل ضربو وهو بيقول بغضب... ذودها جدا بني ادم حقير انا مش عارف ازاي هنستحمل الاستفزاز ده ازاي هنعيش وهو معانا في الييت حقيقي تربية شوارع اسيا قعدت واتنهدت وقالت... يمكن كمان احنا ذودناها زيو..الكلام بتاعنا بيأثر فيه جدا واضح عليه انا..انا خدت بالي لنظراتو واحنا طالعين كان مكسور جدا و قاطهعا بزهول وقال..انتي بتقولي ايه... انتي معقوله بتشفقي عليه بعد اللي عملو معانا

اسيا اتنهدت وقالت..انا لا بشفق عليه ولا طايقاه بس حسيت كده معرفش ليه... المهم احنا لازم نتصرف وناخد الورقه دي من عندو قبل ما يعمل اي مصيبه عدي قال بحزن..انا السبب في كل ده اسيا بصتلو بضيق وقالت... كويس انك عارف كده ولسه هتمشي مسك ايدها وقال..انتي ..انتي ناويه على ايه..يعني لو حلينا الموضوع ده..هتسامحيني هنكمل في علاقتنا صح اسيا سحبت ايدها وقالت بسخريه....

ادعي الاول يتحل ..لان السؤال هيبقى هنعمل ايه لو مقدرناش نحلو يا عدي والبركه فيك قالت كده وخرجت وهو قعد على السرير بحزن عند عصران كان قاعد في الاوضه بقلق ودخل عندو الشاب اللي كان في اوضة اكمل عصران اتصدم وقال..انت ازاي داخل من الباب كده الله يخربيتك مخرجتش من البلكونه ليه زي ما دخلت الشاب قال بتوتر..اصلو يا باشا الجدع نايم في سابع نومه ومحسش بيا فقولت اقابلك بالمره قبل ما امشي

عصران قال بسرعه..المهم عملت ايه لقيت الورقه قال بارتباك .لا..لا الورقه مش في الاوضه ابدا انا دورت كويس عصران قال بغضب... كنت متاكد انو مش هيجبها معاه... طيب روح انت ولو حد من الاولاد شافك قولهم انك شغال معايا في المكتب وجيت تطمن عليا ... يلا الشاب مشي وعصران قعد بضيق وغضب وقال..صبرك عليا يا ابن الشوارع

عند اسيا كانت رايحه اوضتها وجات عيونها على اوضة اكمل اتنهدت وهيه بتفتكر منظره بعد الكلام اللي هيه قالتو واللي عدي قالو قربت من اوضتو وكان الباب مش مقفول من جوه لان الراجل الي بعتو عمها خرج منو

فتحت الباب براحه جدا ودخلت على اطراف اصابعها ووقفت جمب سريره واستغربت من الطريقه الي نايم بيها كان ضامم رجليه لصدره زي الاطفال وحاضن نفسو بدرعاتو زي ما يكون حد بيحضنه بقت تبصلو باستغراب وجات عيونها على علبه الحبوب اللي جمبو وقرت اللي عليها ولقتها مهدء..اتنهدت بحزن وغمضت عيونها ولسه هتمشي اتفاجات بصوتو بيقول..انتي كمان جايه تدوري عليها شيطان في بيتي حصريا بقلم زهرة الربيع

عند سهيله كانت بتبكي جامد في مكتب منتصر وهو جاب لها ميه وقعد على طرف المكتب قدام الكرسي بتاعها وقال ... احسن دلوقتي هزت راسها ب لا وهيه بتشهق ببكا منتصر اتنهد وقال... حاولي تاخدي نفسك وتهدي شويه مفيش حاجه ملهاش حل سهيله قالت بدموع.... انا.. انا والله ما اعرف حاحه من اللي بيقولوها الضباط بره ابدا ... والله منتصر قال ..طيب اهدي انا عايزك تفهمي اني معاكي هنا ومحدش هيقدر يتعرضلك فلو سمحتى اهدي علشان اعرف افهم منك

سهيله بقت تحاول تهدى ومنتصر قال ..ايه اللي حصل بالظبط سهيله قالت بدموع وسرعه..انا كنت في عربيتي ورحنا المكان ده ... وبعدين نزل يجيب حاجه من الصيدليه وكنت مستنياه و بس قاطعها منتصر وقال.... براحه على مهلك..كنتي انتي ومين مين اللي نزل سهيله خدت بالها لكلامها ومكانتش عايزه تجيب سيرة علي وتورطه قالت بسرعه وارتباك... نزلت... قصدي نزلت واحده صاحبتي كنت معاها منتصر قال بعدم تصديق... صاحبتك..اها... كملي سهيله قالت بتوتر....

بعد كده قالتلي هتروح صيدليه قريبه..فضلت مستنيها لما اتاخرت نزلت ابص عليها لقيت الناس بتجري والضباط ملو المكان واخدوني معاهم وانفعلت وقالت بزعيق وبكا ... والحيوان اللي بره كان عايز يشوف وشي منتصر ضحك بخفه وقال... معلش ده اجراء لازم..يعني ضروري نتأكد من شكل المتهم قالت بصدمه..متهم منتصر اتنهد وقال... شوفي يا انسه سهيله...

المكان اللي كنتي فيه ده منطقه مشبوهه ومعروفه لتجار المخدرات وكل اللي هناك يا اما مدمنين بيتعاطو يا اما تجار بيبيعو... محدش بيروح هناك الا اذا كان واحد من الاتنين دول سهيله بصتلو بدهشه وقالت..والله كنا رايحين صيدليه والله منتصر اتنهد وقال..انا مش عايز اصدمك في صاحبتك دي بس مفيش صيدليات نهائي هناك سهيله بقت تبصلو بدهشه شديده وهو قال....

شوفي انتي حاليا متاخده اشتباه مش اكتر بس طبعا لو مش معاكي حاجه ومش بتتعاطي اقدر اطلعك بس هتبقى مشكله اذا كان معاكي حاجه في التفتيش و بس سهيله قاطعتو وقالت بسرعه..انت بتقول ايه... لا طبعا اعوذ بالله انا اعرف ربنا كويس يا حضرة الظابط ويستحيل اخد حاجه زي كده منتصر ابتسم وقال..كده تمام هيفتشو شنطتك بره وهخرجك فورا متقلقيش وقرب منها وبص لعيونها مباشرةً وقال...

بس فيه سؤال مهم..اتمنى تجاوبيني عليه بصراحه ده سؤال شخصي يهمني جدا سهيله هزت راسها بالموافقه وهو كمل ةقال ... الشاب الي كان معاكي هو نفسو اللي..احم..اللي قولتيلي انك بتحبيه ومستنياه يخطبك سهيله ارتبكت جدا ومنتصر قال ... مش لايقلك الكدب يا سهيله واضح جدا انك مش متعوده عليه..يا ريت تجاوبيني ده شئ هيكون بنا وبس نزلت عيونها وهزت راسها بالموافقه وقالت... هو...

بس ..بس ارجوك انا مش عايزه اورطه هو كان رايح الصيدليه ومكانش يعرف هتحصل حاحه زي كده منتصر ابتسم بحزن وهز راسو بيأس منها وقال..تمام..هنخلص الاجرأت وهوصلك بنفسي عند لؤي كان قاعد مع فرحه في اوضة فوق السطوح وهيه كانت بتضحك من قلبها بعد ما حكالها عن ظروف مرضه وقالت بضحك..يعني انت ملبوس ولا ايه لؤي قال بغيظ..ملبوس .... ده مسطلح يطلع من واحده دكتوره زيك ضحكت وقالت... طب ما انا بجد اول مره اسمع كده لؤي اتتهد وقال بحزن ...

لا ده نوع من الإنفصام .... معايا واحد سافل مش شبهي لازقلي ومش عارف اعمل ايه فرحه ابتسمت وقالت..طيب هدي نفسك متزعلش بص انا مصدقاك..وكمان مقدره جدا انك جيت هنا علشان تراضيني وعلشان كده هديلك نصيحه..قول لأهلك..لازم يقفو جمبك ويساعدوك كمان علشان لو حصلت مشكله زي اللي حصلت مع اخت خطيبة بنت عمك يدعموك بدل ما انت هربان كده لؤي ابتسم وقال..انا نويت على كده اصلا وشكرا يا دكتوره ابتسمت وقالت..العفو ... معلش سؤال اخير ...

انت مولود كده لؤي بهتت ملامحو جدا ووقف بسرعه وقال... احم... من طفولتي... معرفش السبب... على العموم ..انا..احم انا عارف طبعا ان جيتي لحد هنا مش هتخليكي تأمني ترجعي الشغل وحقك طبعا بس كان لازم اعتزرلك فرحه فهمت انو مش حابب يتكلم وقالت بسرعه.... انا هاجي الشغل من بكره متقلقش انا اعرف اخد بالي من نفسي ولو ذودتها هعرف اوقفك انا حابة اساعدك مهو مش هينفع بقى تجيب واحده تاني وتضطر تحكيلها هيه كمان

لؤي ابتسم بسعاده وهو مش مصدق انها هترجع تساعده تاني في البيت اسيا اتفاجأت انو اكمل صاحي والتفتتلو وقالت ..انت صاحي بصلها وقال..لا كنت نايم بس معشتش في الامان اللي يخليكم تدخلو الاوضه ومحسش..زي ما عمك كان متوقع ابتسم وقعد وولع سيجاره وقال بسخريه ..اصل عمك كان باعت بلطجي علشان يلاقي الورقه اسيا اتفاجأت وقالت بضيق..معرفش..بس انا مجتش علشان كده انا..احم... جيت قولت يمكن يكون جرالك حاجه بعد الكلام اللي قولناه

اكمل ضحك بسخريه وقف وبصلها وقال... مش معقول تكوني خوفتي عليا... على العموم اطمني تقدري انتي وابن عمك التافه تقولو الي يجي على بالكم كلو..ميهمنيش مش هيكون اسوء من اللي سمعتو طول حياتي اسيا حست بحزن من ناحيتو بس اتحول لغضب لما قال..انتو متقدروش تعملو معايا غير انكم تتكلمو يا حرام... وانا معنديش مشكله انتو اتكلمو وسبوني اشتغل اصلي مش بتاع كلام

اسيا بصتلو بضيق وقال بسخريه..الغلط مش عليك الغلط عليا اللي بعبر امثالك مع انها معروفه .... ان اكرمت اللئيم تمرد ولسه هتمشي قال بسرعه... بس ده ميمنعش بردو ان ليكي عندي اعتذار ..مكانش يصح اضربك اصلا عمري ما ضربت ست لان مش من عوايدي امد ايدي على اللي اضعف مني اسيا ضحكت جامد وبصتلو وقالت... لو ده مبدأك يبقى متقلقلش انت مفيش اضعف منك في الدنيا دي كلها وتقدر تمد ايدك على اي حد خد راحتك

اكمل ابتسم ببرود وقال..طب كويس علشان ضرباتي هتبقى شديده اوي الفتره دي..مباركتيليش على اول ضربه مش انا رفعت قضيه على حبيب القلب... مبروك هحبسهولك..وهتروحي تزوريه بعيش وحلاوه..مع ان انا رأي تاخديلو عيش بس..لان مصنع الحلاوه كلو هيبقى عندو لما تروحي اسيا بقت تبصلو بزهول وقالت بغضب..انت بتقول ايه..انت ناوي تحبسو بجد اما سهيله وصلت مع منتصر البيت وقالت بامتنان..شكرا يا حضرة الظابط... بشكرك من قلبي منتصر ابتسم وقال...

مفيش داعي للشكر اصلا .... انا بس عايزك تحرصي اكتر من كده مش كل مره تسلم الجره سهيله ابتسمت ونزلت ولسه هيمشي رجعتلو وقالت.... انت قال بسرعه..متقلقيش مش هقول لعصران بيه اي حاجه متخافيش سهيله ابتسمت بسعاده وقالت..ربنا يكرمك يا حضرة الظابط ومشيت وهوو باصص لطيفها بابتسامه واول ما بعدت عمل مكالمه وقال... ايوه يا عصران بيه سهيله دخلت البيت وراحت تطمن على ابوها واول ما دخلت سمعتو بيقول..تمام يا منتصر يا ابني مع السلامه

وقفت مكانها وقلبها بيدق بخوف وعصران التفت لها وقال ... انتي جيتي يا سهيله سهيله قالت بخوف..هو هو منتصر كان بيكلمك ليه عصران ابتسم وقال..هيكون ليه يعني انتي ناسيه انو جيه يخطبك وابن عمك عك الدنيا ومشي ومتكلمناش في موضوعكم سهيله اتنهدت بارتياح وقالت..اه نسيت..متزعلش نفسك انت يا بابا كل شيئ نصيب عصران ابتسم بسعاده وقال .... وازعل نفسي ليه ده النصيب اللي كنت متمنيهولك اصلا سهيله استغربت كلامو وقالت..مش فاهمه

ابوها قال بسعاده مبروك يا عرويسه منتصر قال انو كلمك واتفقتو وحدد معاد كتب الكتاب كمان ووووو كانت هتقع من طولها لما قال... منتصر كلمني وحدد كتب الكتاب وقال انكم متفقين جدا مبروك يا سهيله مبروك يا حببتي سهيله بقت تبصلو بزهول شديد مش ده اللي اتفقت عليه مع منتصر مبقتش عارفه ترد بايه قعدت على الكنبه بصدمه ودماغها بتدور في الف حاجه اما اسيا كانت مصدومه من اللي بتسمعه من اكمل وقالت..انت اكيد مش هتعمل كده ده..ده ابن عمك و

قاطعها لما ضحك جامد ووقال... يااااه هو ابن عمي محدش قالي والله لو كان عندي علم مكنتش عملت كده اسيا بصتلو بغيظ وقالت... خلي عندك دم عدي ملوش ذنب في اللي عمله ابوه اكمل قال بسرعه وغضب..ولا انا .... ولا انا ليا ذنب في اللي عملو ابويا وعمك... اللي انا شوفته مستحيل تقدريه يا بنت الذوات ... اوعي من وشي اصلا جيه وقت حسابكم كلكم ولسه هيطلع اسيا مسكت في ايده وقالت بسرعه... عمك تعبان دلوقتي انت مش هتقولو حاجه صح

اكمل بصلها بغضب وقال بسخريه ..مش عايزك تقلقي على عمك... مش هتجراله حاجه... هو دايما بيعرف يظبط اموره ويختار اقل الخساير وبصلها وقال بقوه وثقه... وانتي للأسف هتكوني اقل خسايره المرادي يا اسيا قال كده ونزل وسابها واقفه بارتباك من ثقته بلعت ريقها بتوتر ونزلت وراه تحت كان عصران بيحاول يتكلم مع سهيله وبيقول... يا بنتي فيه حاجه زعلتك طب اتكلمي او اشرحيلي فيه ايه

في الوقت ده نزل اكمل واتصدم بوجود سهيله بقى يبصلها شويه وحاول ميبينش وبص لعصران وقال بغضب... التافه اللي بعتو على اوضتي ده اقدر ادخلو في القضيه واقول انك كنت عايز تقتلني كمان..بس عشان احنا اهل..ها واخد بالك من الكلمه دي... انا هتخطى الموقف ده... وهعديهالك... كمان جيتلك بنفسي اقولك قبل ما المحامي يفاجأك..انا رفعت على ابنك الحيله قضيه وهحبسهولك... واخركم انهارده في التفاوض لاني لو مشيت في قضايا مش هتراجع وانت عارفني

ولسه هيمشي عصران مسك دراعو وقال بغضب... انت عايز ايه بالظبط اكمل دفع ايده وبصلو باستفزاز وقال بتحدي... اسيا... مرات ابنك المستقبليه هتبقى مراتي انا مرات ابن الشوارع اللي مش من مقامكم ... وده اخر مره هكلمكم فيها بالذوق اسيا كانت بتسمعه بغضب وسهيله مصدومه من اللي سمعتو اكمل سابهم في قمة التوتر ومشي بسرعه في الوقت ده نزل عدي ولقى اكمل طالع من البيت كلو

راح لابوه وقال..هو فيه ايه ليه صوتكم طالع الحيوان ده كان بيقولك ايه يا بابا ابوه بصلو بغضب وقال... حقك متعرفش ..ما انت تخصصك تعمل البلوه وبس... وصلت بينا لفين ده اخر اهتماماتك عدي قال بتوتر..هو فيه حاجه ابوه قال ..ابدا بس الحيوان اكمل رفع عليك قضيه..وطبعا يا الدفع يا الحبس عدي قال بارتباك..هو..هو المبلغ كام يعني ابوه ضحك بسخريه وقال..انت متخيل ان المبلغ هيبقى عادي..يا غبي ده قاصد يعجزني...

انا هروح اتكلم مع المحامي واعرف التفاصيل كلها قال كده وطلع وعدي قعد جمب اسيا وقال بخوف..هو..هو انا ممكن اتحبس يا اسيا اسيا مسحت على وشها وغمضت عيونها وفتحتهم بضيق وقالت..اكيد لا يا عدي احنا جمبك مستحيل توصل لكده سهيله كانت قاعده سرحانه وقالت..هو ليه المصايب مش سيبانا..استغفر الله العظيم اسيا اتنهدت وقالت... متزعليش يا حببتي كل حاجه هتتحل... وبصت قدامها وقالت بغضب... شيطان ودخل بيتنا... وناوي على خرابه...

بس مش هسمحله ابدا حصريا بقلم ... زهرة الربيع سهيله اتنهدت و اخدت كتابها وراحت على طاوله بعيد عنهم وبقت تذاكر او بمعنى اصح بتفكر في اللي عملو منتصر في الوقت ده دخل لؤي بتعب واول ما دخل كلهم حطو اديهم على انفهم وعدي قال بزهول..ايه ايه الريحه المقرفه دي يخربيتك لؤي قعد جمبه وقال بيأس ..دي مية كرشه اسيا وعدي بصولو بزهول وهو قال..في ايه..مالكم عدي قال الله يخربيتك وانت تاكل الحاجات دي ليه غور استحمى يالا

لؤي اتنهد بخنقه وقال..لا ما انا مكلتهاش انا استحميت بيها عدي لسه هيقف وهو بيقول..انا هدخل جوه بجد مش طايق ريحتك بس لؤي مسك ايده وقال.... اقعد يا عدي انا بجد مخنوق..ولاول مره محتاج لكم جمبي بصولو باستغراب واسيا قالت..مالك يا حبيبي..اتكلم فيه حاجه لؤي اتنهد وقال بتوتر... طبعا انتو شوفتو اللي انا عملتو مع اخت منتصر اسيا اتنهدت وقالت... كان غلط كبير يا لؤي ... البنت اول مره تيجي عندنا ودي مش اخلاقك و قاطعها وقال...

مش بإيدي يا اسيا... اسيا انا مريض..عندي..احم..عندي انفصام في الشخصيه... ببقى شبه بتحول لشخص تاني..بس..احم..بس شخص مش انا خالص... بصولو بدهشه واسيا قالت بخوف..انت بتقول ايه عدي قال بسرعه..يعني انت مجنون يا لؤي لؤي مسكو من قميصه بغضب رهيب وقال..ولا والله لو قولت الكلمه دي تاني لاحضنك وبعدها لو راجل طلع الريحه المنتنه دي عند اكمل كان واقف عند البحر بيبص لتضارب الأمواج بغضب وهو وحاسس بتضارب اكبر جواه

جيه علي وقرب منو وقال اتأخرت عليك يا برنس اكمل بصلو بغضب وقال..ازاي البنت في البيت... انا مش قولتلك تورطها وتتحجز في القسم علي قال بسرعه..حصل والله بس بنت اللذينه طلع لها معرفه هناك..شاب من الضباط اللي هناك طلعها اكمل رما حجر في البحر وقال بغيظ... يعني اعمل ايه في الحظ ده اللي محاوط عصران ومش سايبه علي قرب منو وقال بخبث... سيبك من الخطه دي يا فنان مش سالكه ...

انا عندي الحل.. لو تسمع كلامي اخدها على شقتي كنت هظبطهالك ومتعرفش ترفع عينها تاني ولا هيه ولا ابوها و بس قبل ما يكمل اكمل مسكو من قميصة بعضب شديد وقال وهو بيهزه بغضب... عارف يا وسخ لو لمست شعره منها لأقطع اديك الاتنين وادعي يا رب تيجي على قطع اديك بس فاهم على بلع ريقه برعب من نظراتو ومسكتو وقال بسرعه..فاهم فاهم... تحت امرك يا باشا..انا كان قصدي اساعد بس اكمل سابو وبقى يساوي هدومه وقال بطريقه تخوف...

متزعلنيش منك يا علوه..ومتجودش من نفسك اللي اقولك عليه تعملو وبس واضح كده على بلع ريقه بخوف وهز راسو بسرعه واكمل قال... المهم دلوقتي متكلمهاش يومين.... هتقدر تستحملهم مش كده قال بسرعه ..هتقدر يا باشا بس هتتعب هيه اصلا مصدعه وكانت عايزه الحبايه اكمل ابتسم وقال وهو بيبص قدامه.... ممتاز جدا.... اللي جاي ضرب يوجع اوي يا عصران شيطان في بيتي... بقلم زهرة الربيع

عند لؤي كان حكالهم على ظروف مرضه كلها وعدي كان بيضحك جامد واسيا بتبصلو بغيظ هيه ولؤي لؤي قال بغضب..ايه اللي يضحك في كده ممكن افهم انت خرتيت يلااا عدي قال بضحك.... حتى مرضك يضحك زيك ..وحاول بيبطل ضحك وقال..طيب خلاص متزعلش هتعمل ايه دلوقتي لؤي قال بتوتر..مش عارف... وبقى مثبت عنيه على سهيله الي كانت بتقرى في كتابها وبتلف هيه وبتقرى في البيت زي عادتها وبص لعدي وقال... ما تقول لأختك تهمد..وبعدين هيه عبايتها ضيقه ليه

عدي شد وشو عليه وقال..لا بقولك ايه ركذ معايا بدل ما اضربك على دماغك اطيرلك المتحر،،ش الي قارفنا ده لؤي اتنهد وقال..يا ريت والله انا لو اضمن انو هيطير اخبطني انا بنفسي وبص لاسيا اللي كانت قاعده بحزن وقال بزعيق..وانتي لزقالي ليه انتي كمان... مش حكتلك اللي فيها انتي بذات تخليكي بعيده مني مش ناقصه ابقى متحر،،ش وقذر كمان استغفر الله العظيم اسيا بصتلو بزهول وعدي ضحك وقال... لامتقلقش انت كده كده قذر

لؤي قال بغيظ ..قوم يلا قوم من هنا مش عايز اشوف وشك اسيا حضنتو بسرعه وقالت بدموع... متقلقش احنا معاك... هتخف باذن الله لؤي حضنها بحزن وقال... اهدي يا قلبي..ان شاء الله خير واتنهد وعنيه على سهيله وقال.... والله العظيم يا ابني عباية اختك ضيقه هكدب ليه يعني عدي بصلو بغيظ وغضب وهو حمحم ووقف وقال..طيب انا هروح استحمى..وانتي كمان يا اسيا استحمي احنا اخوات وكل حاجه بس مكانش فيه داعي تجازفي وتحضنيني يعني

اسيا ضحكت وهيه بتمسح دموعها ولؤي راح ناحية اوضتو وعدى من جمب سهيله وقرب منها قوي وقال بهمس.... وسعي العبايه ... علشان اللي قاعد معايا سهيله بصتلو باستغراب وقالت..مين قاعد مع مين هو فيه ايه لؤي قرب منها قوي ولسه هيلمسها عدي جري عليه مسكو من ايده وهو بيقول بتوتر... تعالى معايا انت يلا يا لؤي وبقى يمشي بيه على اوضتو ولؤي كان بيبص لسهيله وبيغمز لها بطريقه وقحه سهيله اتسعت عنيها بدهشه وراحت لاسيا وقالت...

هو فيه ايه لؤي مالو اسيا مسحت على وشها بخنقه وهيه مش مصدقه كمية المصايب اللي بتتحط فيها ولسه هترد عليها عمها نادالها وقال..اسيا تعالي يا بنتي عايزك اسيا ابتسمت بالعافيه وقالت... حاضر يا عمي وبصت لسهيله وقالت... متقلقيش يا حببتي هو تعبان شويه هشوف عمي واحكيلك

سهيله ابتسمت بهدوء و مشيت على اوضتها واسيا لسه هتطلع كان اكمل داخل وبيتكلم في التليفون وبيقول..تمام يا جوجو تعاليلي على البيت نكمل المشهد سوا اه العنوان اللي بعتهولك ..بيت الانصاري ولسه هيطلع وهو متجاهلها اسيا قالت .... معلش هعطلك عن اعمالك المهمه ثانيه بس اكمل التفت لها وابتسم ابتسامه جانبيه وقال... نعم فيه حاجه اسيا قالت بخنقه...... لا ابدا... بس هفهمك حاجه صغيره تايهه عنك ....

لو الاخت جوجو اللي انت بتكلمها هيه نفسها اللي كانت على حجرك لما روحتلك المكتب... لازم تفهم انها لو دخلت هنا هقطع رجلها ده بيت نضيف وشغل الشوارعيه ده مش هينفع فيه للاسف وقربت عليه وقالت بطريقه مستفزه.... فياريت يعني كل قرايب الست الوالده تقابلهم بره البيت احسن ليك ولقرايبك

اكمل اتسعت عنيه بدهشه من جرأتها عليه وبصلها بغضب رهيب واسيا ابتسمت و مشيت راحت تشوف عمها وسابتو واقف بيبص لطيفها بغضب يحرق الكون وكمل مكالمتو وقال بتحدي ... ايوه يا جمانه تعالي حالا مستنيكي اما سهيله راحت على اوضتها بسرعه وقفلت الباب وبقت تتصل على علي بس تلفونو مغلق اتنهدت ولسه هتنام افتكرت كلام ابوها بصت للتليفون بغضب واتصلت على منتصر

منتصر كان خارج من الحمام وبينشف وشو ولقى اسمها على شاسه التليفون ابتسم واتنهد لانو متأكد انها متنرفزه ورد وقال... الو سهيله قالت بغضب شديد... ايه اللي عملتو ده ..انت ازاي تكون بالحقاره دي يعني لمجرد انك ساعدتني تقوم تستغل الموقف وتقول لبابا اني وافقت عليك واتحدد كتب الكتاب كمان منتصر اتنهد وقال... اهدي يا انسه سهيله علشان نتفاهم سهيله قالت بغضب..مفيش تفاهم انت ترن لبابا دلوقتي وتقلو انو مكنتش بتتكلم جد و

بس قاطعها منتصر وقال... مش هيحصل... لاني بتكلم جد يا سهيله..انا فعلا حابب نتجوز... وكل ما تتقبلي الموضوع اسرع هيبقى احسن ليكي قالت بغضب شديد..ومين قلك اني هتقبله اصلا علشان يبقى اسرع او متأخر انا حالا هطلع اقول لبابا انك كداب واننا مش متفقين واني مستحيل اتجوزك ولسه هتقفل قال بسرعه... وقوليلو كمان بالمره كنتي فين انهارده..وكنتي مع مين سهيله اتسعت عنيها بزهول وقالت..انت..انت بتهددني منتصر اتنهد وحاول يقوى وقال...

زي ما تفهميها... كتب كتابنا الخميس الجاي..عايزك عاقله وهاديه..ده احسن ليكي ولاهلك... لأن والدك راجل تعبان ومش حمل الحاجات اللي اتصورت انهارده وانا منعتهم ينشروها و بس قبل ما يكمل قفلت السكه بزهول منتصر اتنهد بحزن ورما التليفون على السرير وحاول ينام سهيله نزلت دموعها بخوف وحزن وبقت ترن لعلي كتير بس مكانش بيرد ابدا عند اسيا كانت عند عمها اللي كان ساكت مش بيتكلم وقالت باستغراب...

فيه ايه يا عمي حضرتك نادتلي ومش بتتكلم ليه عصران ابتسم وقال بتردد..احم اسيا يا بنتي انتي طبعا عارفه اني ربيتك من صغرك... من وقت ما ابوكي وعمك ماهر مات وانا بعاملك انتي واخوكي زي سهيله وعدي بالظبط اسيا ابتسمت وقالت..اكيد عارفه يا عمي ويشهد ربنا اننا بنعتبرك ابونا كمان عصران ابتسم بالعافيه وقال... اكيد يا بنتي ابوكم كلكم..احم اسيا انا كلمت المحامي..بيقول ان القضية دي تقريبا كده هتكون لصالح الحيوان ده...

وان عدي هيترغم على الدفع او الحبس والمبلغ خيالي وهيخسرنا كتير اوي ويمكن منقدرش نقف على رجلنا تاني لو دفعناه... كمان كمان احنا لسه طالعين من قضية النسب بتاعتو ومش هينفع نعمل شوشره اكتر و اسيا استغربت كلامه وقالت... حضرتك عايز تقول ايه ياريت توضح عصران اتنهد وقال... اسيا يا بنتي انتي اعقل واحده في البيت ده... وعارفه مصلحتنا فين... فلو ..لو توافقي..احم..توافقي تتجوزيه وانا اوعدك هطلقك منو قريب

اسيا اتسعت عنيها بزهول شديد ووووو اتجوزه..هه..اتجوز مين يا عمي الشيطان ده اللي هدفه يهد حياتنا.... ازاي هنت عليك يعني مش فاهمه عصران قرب منها وحط ايده على كتفها وقال بابتسامه... كده برضو... ده انا بقول عليكي عاقله وبتفهمي... معقوله تفكري انك هنتي عليا .... ابدا..انا بس بنقذ الموقف ومتاكد انك قدها ..طب عارفه يا اسيا... انا لو كان عينه على سهيله مكنتش جوزتهالو حتى لو هشحت في الشارع.... ومش لانها بنتي... ابدا...

اقسم بالله مافيه فرق بنكم وده كلام ربنا يشهد عليا فيه... بس لان سهيله عبيطه وتاكل نابها القطه..وممكن يستغلها اسوء استغلال انما انتي بنتي بصحيح ..طلعالي محدش يقدر عليكي ولا هيقدر يتمسكن ويلعب بدماغك اسيا اتنهدت وقالت..ايوه يا عمي بس.... قاطعها وقال..متقوليش حاجه دلوقتي فكري الاول وخدي راحتك واللي انتي عيزاه هو اللي هيتم... بس عايزك تحطي في حسباتك...

ان مهما كان عدي غلط وعك الدنيا لكن ميستاهلش الحبس ولا هيستحملو وبتهيألي كمان انتي مش هتستحملي تشوفيه محبوس ..انا متأكد من كده... انتي هتتجوزيه لحد ما ناخد الورقه وبعد كده انا متأكد انك تقدري تطهقيه في عشته وتخليه يطلقك من غير ما يفكر حتى