الفصل 4

اسيا اتنهدت وقالت... الي تشوفه يا عمي... ماشي عصران ابتسم وباس جبينها وقال..كنت متاكد ان بنتي مش هتخيب ظني فيها اسيا ابتسمت بالعافيه وخرجت بسرعه وهيه مخنوفه حرفيا ولسه هتروح اوضتها جات عيونها على اوضة اكمل اتقدمت عليها بغضب رهيب واعيونها متبشرش بالخير فتحت الباب ودخلت من غير ما تخبط وكان جوه الحمام اتنهدت بضيق شديد ولسه هتمشي خرج وهو بينشف شعره وابتسم بسخريه اول ما شافها وقال.... ايه يا عروسه جايه تباركيلي على جوازنا

شيطان في بيتي بقلم زهرة الربيع اسيا بصتلو بدهشه واستغربت انو فهم الموضوع اللي جايه تتكلم فيه اكمل ابتسم بسخريه وقرب منها وقال.... متستغربيش انا اعرف كويس اوي اخمن اللي هيحصل في البيت ده..لان تفكيركم كلكم محدود..طبعا انتي كنتي عند عمك دلوقتي اللي قلك ان مفيش اي حل غير اننا نتجوز اسيا كانت بتسمعه بغضب واكمل دار حواليها بخبث وهو بيقول.... وطبعا ضحى بيكي علشان ينقذ ابنو... في النهايه انتي مش بنتو... ووقف قدامها وقال...

بس اللي مستغربو بقى الصدمه اللي على ملامحك... انا مش نبهتك وقلتلك انك هتكوني اول قربان عند عصران بيه متفاجأه ليه بقى اسيا كانت بتفكر في كلامو بغيظ لانه فعلا قلها ان عمها هيضحي بيها علشان ابنو وهيه مكانتش مصدقه... بس اتنهدت وقالت بضيق شديد... شغل الشياطين ده اركنو على جمب وانت بتتعامل معايا انا بذات... لاني متحصنه كويس.. واحب افهمك حاجه صغيره اللي انت شايفو على وشي ده مش صدمه...

ده قرف مش اكتر كل ما بشوفك نفسي بتغم عليا أكمل ضحك بسخريه وراح للدولاب بقى يختار حاجه يلبسها وقال.... نفسك بتغم عليكي... وياترى في الشهر الكام..علشان لو الموضوع متورط نحدد الفرح بسرعه كتفت اديها بغيظ منو وقالت بخبث ..لا متقلقش انا مش والدتك علشان يحصل معايا كده اكمل التفت لها بحده وقال بغضب... دي تاني مره تقلي ادبك مش هسمحلك تتمادي وتتجرأي على الميتين كمان اسيا قربت منو بغضب وقالت...

لو عايز تخلي الميتين في حالهم يبقى تحفظ ادبك ومتقولش كلام انت مش قدو بلاش انت بذات تتكلم في الحوارات دي تمام..بلاش انت..على العموم انا جيت هنا علشان اسألك سؤال واحد... انا علشان خاطر عدي وعمي ممكن اعمل اي حاجه حتى لو كانت اني اتجوز وسخ زيك..بس حابه اعرف بنسبالك عادي تتجوز واحده هتتغصب تتجوزك علشان بتحب غيرك وعايزه تحميه..هتقبل على نفسك ترتبط بواحده بتحب راجل تاني وقاعد معاها في نفس البيت كمان..ممكن اعرف فين رجولتك بس

اكمل ابتسم وقال بمنتهى الاستفزاز.... لا اطمني رجولتي موجوده..بس مش بتقوم من على السرير ده.. ومش بتظهر غير عليه ..وحط ايده على وسطها بوقاحه وقال..لما نتجوز ان شاء الله هعرفك عليها بكل معانيها في الحاره عند فرحه كانت بتغسل اطباق في المطبخ وسمعت جرس الباب راحت فتحت وكانت ست كبيره في الستين قالت بحزن..ازيك يا بنتي

فرحه ابتسمت وقالت..اهلا يا ام فاروق ثانيه واحده وهجبلك الإيجار انا جمعتو مع اني مشتغلتش كتير بس امنتو الحمد لله و ام فاروق قاطعتها وقالت بحزن شديد..لا..خليه معاكي يا بنتي..انتي هتحتاجيه... لان..لانك هتسيبي الاوضه يا فرحه فرحه بصت لها بصدمه وقالت..ايه ... اسيب الاوضه ليه يا خالتي انا عملت حاجه غلط

ام فاروق قالت بحزن..ليه يا بنتي تجيبي شب وتطلعيه هنا وتقعدو لوحدكم وتخلي اللي ساكت يتكلم وانتي عارفه ان العيون عليكي اكمنك عايشه لوحدك فرحه قالت بزهول... ده صاحب الشغل يا خالتي دكتور ومحترم وبعدين هما سايبين شقة الست توحه اللي مبتفضاش من الرجاله وماسكين في اوضتي اللي فوق السطوح كلمت مين ودخلت مين الست نزلت راسها وقالت بحزن ...

توحه قاعده هنا بحكم القوي زي ما انا هطلعك دلوقتي بحكم القوي يا بنتي متعمليش مشاكل ولمي حاجتك واطلعي صدقيني لو مشيتي من هنا احسن من القعده مع العالم دول فرحه قلعت مريلة المطبخ اللي لبساها وقالت بغضب..فهمت دلوقتي انا عارفه هو عايز ايه الراجل الناقص ولو همشي من هنا مش همشي غير لما اعملو فضيحه ونزلت بسرعه على شقه من الشقق اللي في الطابق اللي تحتها بقت تخبط على الباب جامد وفتح المعلم اللي اتخانق مع لؤي وقال بابتسامه...

يا صباح الجمال معقوله الدكتوره بنفسها مشرفاني فرحه قالت بغضب وزعيق شديد..انت عايز ايه ها عايز ايه هو الجواز بالعافيه ارتبك جدا وقال بخوف... اششش الله يخربيتك العيال وامهم جوه متعمليش مشاكل روحي دلوقتي وهطلعلك نتفاهم قالت بغضب اكبر وزعيق.... طب كويس انك عارف انك متجوز وعندك اولاد حس على دمك ده انا قد بنتك يا ناقص يا واطي المعلم قال بغضب شديد..ما تتخرسي يا بت بطلي فضايح وغوري من هنا

فرحه بقت تزعق والناس بقت تبص عليهم والي نازل واللي طالع يقف يتفرج وهيه بتقول بزعيق... لو كنت اخر واحد مش هتجوزك يا وسخ ربي عيالك بلاش تقل دم طلعت مراته وهيه بتقول بدهشه وغضب..البت دي بتقول ايه يا معلم قال بارتباك.... مبتقولش يا فوزيه ادخلي جوه دي شكلها اتهفت في نافوخها فرحه قالت بسرعه....

لا انا مش مجنونه يا ست فوزيه ..وجوزك الواطي من ساعت ماجيت الحاره وهو بيتعرضلي وعايز يتجوزني في السر ولما ملقاش مني امل عايز يمشيني من العماره و بس المعلم ضربها قلم قوي وقعت في الارض وقال بزعيق... ماتتخرسي يا بت اجوز مين يا شحاته... دي بتعمل كل ده لأني عايز امشيها من العماره بعد ما طلعت الشاب الدكتور عندها والله اعلم عملو ايه سوا... ودلوقتي جايه ترمي بلاها عليا

الناس شافتو لما ضربها ورغم انهم عارفين ظلمو المعتاد لكن كل واحد نزل راسو في الارض وطلع على شقتو وفرحه كانت بتبكي في الارض قربت عليها صاحبة البيت ووقفتها ومشيت بيها وهو بيزعق وبيقول... لو فضلت في البيت ده ليله كمان انا هوقفلك حال العماره دي يا ام فاروق وانتي مش حمل مشاكلي ام فاروق مشيت معاها وهيه بتدعيي عليه في سرها

عند سهيله كانت قاعده بتبكي في اوضتها وبتبعت رسايل كتير لعلي اللي مش راضي يرد عليها ورمت التليفون على السرير بيأس وبقت تبكي بحزن وهيه مصدعه جدا ومش معاها من الحبوب خالص فضلت رابطه دماغها ونامت على السرير بالم وتعب شديد مفيش دقايق وتليفونها رن وكان على ردت بسرعه وقالت بدموع وتعب... علي... علي انت فين انا..انا عايزه اقابلك ضروري فيه مصيبه

وسمعتو شويه وقالت ببكا ..كمان عايزه الحبوب يا علي ارجوك جبلي حبايه ليا ولا اتنين..اقولك عايزه علبه ارجوك انا تعبانه اوي ومش عارفه ليه كده وسمعتو دقايق وقالت بقلق..اجيلك... دلوقتي... اجيلك فين احنا نص الليل عمد اسيا اتصدمت من جرأة اكمل عليها وانو قلها كده ولمسها بالطريقه دي دفعت ايده بعيد عنها بغضب وقرف وقالت....

السرير ده من بعد ما انت نمت عليه واتوسخ بامثالك انا مستحيل ابات عليه ليله واحده متتعبش نفسك وبصتلو بتحدي وقالت... اوعى عقلك يسرح بيك في يوم انك ممكن تلمسني او حتى يجي في خيالك ... انا بعيده اوي اوي على اللي زيك يا ابن الشاورع ولسه هتمشي قال بغيظ بيحاول يداريه بابتسامه بارده.... بس احنا هنتجوز يا بنت البشوات وانا وعدتك بكده وبنفذ وعدي اهوه...

وكمان هوعدك وعد تاني دلوقتي قريب جدا هتصحي تلاقي نفسك في حضني بارادتك مش غصب ابدا وقرب منها اوي وقال.... بطلب منك انتي شخصيا ودعوه صريحه لابن الشوارع انو يقربلك حصريل بقلم... زهرة الربيع التفتتلو وضحكت ضحكه جميله اوي ومكانتش قادره تسكت من الضحك بجد وقالت... وهيه بتحاول متضحكش..انت... بجد... بجد والله ضحكتني من قلبي...

شوف يا اكمل انت يا حرام محلمتش كتير في طفولتك وانا مقدره ده وهسيبك تحلم بس هقدملك نصيحه..اللي زيك المفروض يحلم على قده يعني علشان تحاول تحقق احلامك... ولا اقولك احلم براحتك هما سموه حلم ليه ابتسم بسخريه وقال بثقه... اول يوم قابلتك فيه لما جيت وقلت اني ابن ماهر ومحدش صدقني قولتيلي امثالك مستحيل يدخلو بيتنا ... بس دخلتو واستقريت فيه كمان وبصلها بتحدي اكبر وقال..بعدها وعدتك اني هتجوزك...

وحاليا خلاص مش فاضل غير ايام وتبقى مراتي ... انا مش بحلم وبس..تؤ انا عارف حدود احلامي كويس وبحققها يا اسيا اسيا اتوترت قوي من ثقته ومن كلامو بس قالت بغضب... بس المرادي وسعت منك اوي وعذراك انت مخرج وبتحاول تمشي الدنيا على هواك زي الافلام الهابطه اللي بتعملها... بس ده واقع مش فيلم... وانا اسيا الانصاري مش جمانه بتاعت المشاهد الواطيه بتاعتك ولسه هتمشي قال باستفزاز... انتي لسه فاكره جمانه...

بس حقك هيه متتنسيش الصراحه ولو حابه تتعرفي عليها هيه زمانها على وصول عند لؤي كان قاعد في الاوضه وقال بضيق... عاجبك كده قربت تجنني .... يا ابن الحلال صدقني مش انا الشخص اللي بتدور عليه... انا مؤدب جدا والله مينفعش كده وبعد ما مخليني محبوس كده واتنهد وقال بدهشه..هو انا بدأت اكلم نفسي كمان..الله يخريتك يا دكتور الغبره و بس قطع كلامو لما جالو اتصال من فرحه استغرب انها بترنلو ووقف وقال.... الو

بس اتصدم بصوتها بتبكي بشده وبتقول... انا..انا اسفه يا دكتور لؤي..اصسفه بكلمك دلوقتي بس انا مش معايا حد ولوحدي في الشارع و..و وكانت بتبكي ومش عارفه تتكلم لوي سحب مفاتيح عربيته وطلع جري وهو بيكلمها وبيقول..اهدي اهدي متقوليش حاجه انا جايلك قوليلي بس انتي فين دلوقتي عند اسيا بصت لاكمل بصدمه وقالت... انت بتهزر صح..اكيد بتهزر ..انا مش قولتلك الوسخه دي تقابلها بره البيت...

اوعى تكون متخيل اني هسيبك تنجس بيتي انت والواطيه بتاعتك أكمل قال بسخريه..والله ده بيتي انا كمان واعزم عليه اللي انا عايزه قالت بغضب وتحدي..مش هيحصل وانا قولتلك وهرجع اقولها تاني لو دخلت هنا هكسر رجلها أكمل قرب منها وابتسم باستفزاز وقال..اوعي تقوليلي انك غيرانه عليا يا سو..ده انا اولع في نفسي من فرحتي

بصتلو بضيق وغضب وقالت.. لا عنك انت سيبلي انا الموضوع ده قريب هنفذو ..المهم دلوقتي لو مش عايزني اهنهالك هنا وفي وجودك بما انها ضيفتك يعني يبقى تتصل عليها وتقولها ترجع احسنلكم انتو الاتنين أكمل وقف قصادها بالظبط وقال بتحدي.... مش هيحصل وهتيجي ووريني اللي عندك قالت بغضب شديد..اللي عندي كتير اوي احسنلك متختبرنيش و بس قاطعتهم الخدامه لما خبطت على الباب وقالت بتوتر... ضيفة حضرتك وصلت يا اكمل بيه اكمل ابتسم وقال باستفزاز...

اكمل بيه.... شايفه الاحترام لايقلي ازاي ووجهه الكلام للخدامه وقال وهو بيبص لاسيا باستفزاز ... قوليلها تجيلي هنا على اوضتي اصل بنا اسرار عمرها ما طلعت بره الاوض اسيا اتسعت عنيها بزهول من اللي قالو قدام الخدامه وبصتلو وابتسمت بطريقه مخيفه وقالت بخبث... قوليلها تيجي طبعا وانا بنفسي هرحب بيها وووو دي عشيقة جوزي المستقبلي يعني معقوله مأرحبش بيها بنفسي اكمل بصلها بضيق وقال...

البنت ضيفتي ومش هسمح تتهان في بيتي فعدي يومك على خير ومتدخليش في اللي ميخصكيش ابتسمت وقالت بسخريه... ضيفتك وطلعالك اوضتك ما نسيبكم تريحو ساعتين بالمره بصلها بسخريه وقال..ده اصلا اللي هيتم... هيه معندهاش مشكله في سريري مش بتقر،،ف زيك اسيا لسه هترد جات جمانه وكانت لابسه او مش لابسه لبس قصير جدا مع كعب عالي وقالت بابتسامه... هاي اكمل انا..

بس اتسعت عنيها وحطت ايدها على شعرها بقلق وخوف اول ما شافت اسيا وافتكرت وقت ماسحبتها من شعرها ورمتها بره المكتب قالت بقلق..انا هنزل خلينا نتقابل بره احسن اسيا ابتسمت وقربت عليها بطريقه خبيثه وقالت ..والله البت دي بتفهم... انا لسه كنت بقولو نفس الكلام قبل ما تيجي يااا ... هو انتي كان اسمك ايه جمانه قالت بخوف... جو..جومانه اسيا قالت بسرعه ..جمانه اه... لا واضح الصراحه باين عليكي يعني

وكانت واقفه قصادها وبتبصلها بطريقه وترتها وعصبت اكمل اللي مسح على وشه وقال بخنقه... اسيا ملكيش دعوه بيها يلا سبينا لوحدنا اسيا ابتسمت وقالت بهدوء.... من عنيا... ومشيت من جمبها وعدتها بخطوه او اتنين وجمانه اتنهدت بارتياح بس اتصدمو لما جذبتها من شعرها في ثواني ونزلت بيها وهيه بتجرجرها من شعرها على السلم جمانه كانت بتصرخ وبتقول.... ااااه الحقني..الحقتي يا اكمل اااااااه الحقووونييييي

اكمل جري وراها وهو بيزعق وبيقول..اسياااا.... اسيا سبيها ... اسيا انا بكلمك بس اسيا كانت نازله بيها بسرعه وغضب ومش بترد عليه واول ما نزلت تحت قالت بصوت عالي ... نجيه ..نجيييه طلعت واحده من الخدم وقالت... نعم يا هانم اسيا قالت بغضب... فين الزباله اللي هتيجي العربيه تشيلها نجيه قالت بارتباك ... طلعتها الجنينه يا هانم بس قبل ما تكمل جذبت جمانه على الجنينه وهيه كل ما تحاول تفلت منها تضربها وتجرجرها

اكمل كان في قمة غضبه وراح وراها وهو مش عارف يوقفها ومش عايز يخرج عن شعوره ويضربها اول ما خرجت على الجنينه وشافت الزباله على جمب رمت جمانه بقوه عليها ونفضت اديها بقرف وقالت للبواب..كده الزباله خلصت وبقت جاهزه اول ما تيجي العربيه خليها تشيل فورا جمانه وقفت بتعب وهيه متبهدله وبتبكي وبصت لاكمل وقالت بغضب ودموع..انا يستحيل اجي هنا تاني اصلا مش هكمل شغل معاك وجريت طلعت وهيه بتبكي جامد

اسيا قالت بزعيق..مع السلامه يا بتنجانه ابقى خلينا نشوفك و بس قبل ما تكمل جذبها من دراعها بقوه اصتدمت بصدره وبص لعيونها بقوه ونظرات غاضبه جدا وقال بانفعال شديد ... انتي ايه اللي عملتيه ده... ايه اللي عملتييه ... ازاي تتجرأي انا ليا هنا زي ما ليكي واكتر كمان اسيا بصتلو بحده وهيه بتحاول تفك دراعها من قبضتو ومش قادره وقالت... سيب ايدي ... سيبني بقولك

اكمل لسه هيتكلم شاف عدي داخل من الباب فكر شويه وابتسم بخبث وحاوط وسطها بايده وقربها ليه اكتر اسيا استغربت من تغيره ده ولسه هتتكلم عدي قال بغضب..ايه اللي بيحصل هنا اكمل سابها بسرعه وهيه بصت لعدي بإرتباك ولسه هترد اكمل قال بسرعه..أبدا كنت بصالح بنت عمي اصلها كانت قافشه مني شويه عدي بصلو بغضب واتجاهلو وقال لاسيا... مين البنت اللي كانت خارجه دي يا اسيا وليه كانت بتبكي هو ايه اللي بيحصل

بس قبل ما ترد اكمل قال بسرعه..دي جمانه بتشتغل معايا وكانت فيه بنا علاقه قديمه... وكانت بتبكي لان اسيا ضربتها... اصل يا سيدي غيرانه عليا..وحاولت افهمها انها مجرد صديقه حاليا مش مصدقاني عدي بصلو بغضب اكبر واسيا قالت بضيق... عدي متردش عليه انا هفهمك الحوار ده تعالى معايا ولسه هيدخلو اكمل قال باستفزاز.... ااااه الظاهر مكسوفه من كلمه غيرانه عادي يا ستي احنا خلاص اتقرر جوازنا وكلها ايام ونتجوز

اسيا غمضت عنيها بغضب منو لانها مكانتش عايزه عدي يعرف بالطريقه دي عدي بصلها بصدمه وقال..جواز مين اللي اتقرر اكمل قال بسرعه..جوازي من ايسو حببتي عمي بنفسو قرره وهيه موافقه ابقى ونبي يا عدي فهمها انها هتبقى مراتي يعني الكل في الكل ومفيش داعي تغير من اي واحده تشوفها معايا... ودخل وخبط في كتف اسيا وهو داخل والتفت غمز لها وطلع وهو بيضخك عند لؤي كان وصل الحاره عند فرحه وكانت واقفه على اول الشارع وبتبكي ومعاها شنطة هدومها

نزل من العربيه واتقدم عليها بقلق وقال..مالك يا فرحه فيه ايه فرحه اول ما شافتو بقت تبكي جامد ومش قادره تتكلم لؤي استغرب حالتها وقال بسرعه..طيب اهدي اهدي ارجوكي كل حاجه لها حل تعالى معايا يلا هنتكلم في حته تانيه واخد الشنطه منها وحطها في العربيه وطلعت معاه وهيه بتبكي بعد شويه كانو قاعدين في كافيه راقي ولؤي طلب لها ليمون وبيسمعها وقال بزهول... وهو دخلو ايه بالعماره مش بتقولي انو مستأجر زيو زيك قالت بدموع...

لا هو مستاجر بس مش زيي ده الناس بتخاف منو وبتعملو الف حساب ولو حب يقطع رجلين الناس كلها من العماره بيقدر يعمل كده وصاحبة العماره ست غلبانه اوي ومعندهاش رزق غيرها اتنهد بحزن وقال .... فهمت لوي دراع يعني فرحه اتنهدت وبعدت خصلات من شعرها ورا ودنها وقالت حاجه زي كده و بس قاطعها لؤي لما قال باستغراب... هو انا خدت بالي لحاجه كده قالت بسرعه..وانا كمان الليمون معفن يا اما انت مصترخص يا اما الكافيه ده مش قد كده

قال بزهول ..ليمون ايه وهباب ايه... ايه اللي على خدك ده..هو الحيوان ده مد ايده عليكي نزلت وشها وقالت بدموع.... ايوه ضربني علشان اسكت قدام مراتو و بس لؤي زعق فيها وقال..ومقولتليش ليه واحنا هناك كنت روحت اتدلو عشره بدالو الوسخ ده فرحه اتسعت عنيها بدهشه والناس كانت بتبصلهم قالت يارتباك..اهدى يا دكتور لؤي فيه ايه ده هو قلم يعني مش قصه قال بغضب مش قصه ازاي..اصلا ليه يمد ايده عليكي وازاي يسمح لنفسو يضرب واحده ست انا راجعلو

فرحه مسكت ايده بسرعه وقالت بزهول..... تروح فين استنى هنا... هتروح تتخانق معاه بأي صفه عايز تأكدلو الكلام اللي قالو عننا لؤي اتسعت عنيه بزهول وبصلها وقال..عننا... ليه... هو قال ايه عننا هو انا .... انا ليا دخل بالي حصل معاكي اتنهدت بحزن وقالت... قال اني جبت راجل غريب ودخلتو عندي وقعدنا لوحدنا لؤي قعد ومسح على وشو بصدمه وبقى يحاول يهدى ويفكر علشان يساعدها

عند سهيله كانت عايزه تخرج من البيت تقابل علي لانها محتاجه الحبوب وكمان عايزه تقولو على اللي منتصر عملو بس مش عارفه خالص بسبب اللي حصل بين اكمل واسيا ووجود اسيا مع عدي في الصاله في الصاله عدي كان بيبص لاسيا بصدمه وقال بزهول... ايه..ايه اللي بيقولو ده اسيا لسه هترد لقو سهيله طالعه بتحاول تخليهم ميشوفهاش قالت بسرعه... سهيله رايحه فين وليه بتتسحبي كده سهيله قالت بتوتر..اه..انا...

انا يا اسيا معايا ماده لازم الخصها ضروري جدا بس الكتاب مع زميلتي ونسيت خالص ما اخده منها ورايحه اجيبو عدي قال بغضب وزعيق... مفيش مرواح لزفت مكان مش شايفه الساعه داخله على واحده بعد نص الليل امشي خشي جوه سهيله نزلت دموعها وقالت .... بس هيه هتجيلي بيه هنا عند اول الشارع ياعدي ولله محتاجاه جدا عدي قال بغضب اكبر... قولت لا و بس قاطعتو اسيا وقالت..اهدى يا عدي بتقولك محتاجه الكتاب ...

روحي يا سهيله ومتتأخرش لاننا مش هنقول لعمي يعني متطوليش وخدي واحده من الخدم معاكي عدي قال بضيق..الوقت اتاخر يا اسيا اسيا قالت بسرعه..انا متاكده مش هتتأخر وبعدين هتاخد نجيه معاها سهيله هزت راسها بالموافقه واخدت نجيه ومشيت واسيا بصتلو بضيق وقالت... وانت كمان قول اللي حابب تقوله خليني ادخل انام لاني بجد جبت اخري عدي قال بسرعه وقلق... ايه اللي سمعتو ده... ها...

بابا بابا مش قال هيحلها يعني ايه هتتجوزيه وانتي وافقتي على كده اتنهدت وقالت بحزن..ملقناش حل تاني ... يا كده يا السجن يا عدي حتى لو مش انهارده بس مسيره هيكسب القضيه وعمي بيقول المبلغ خيالي ... واكيد مش هنسيبك تتحبس ولسه هتمشي مسك ايدها وقال بدموع..بس انا كمان مش هقدر اسيبك تتحبسي بجوازك من الحيوان ده... اكيد مش هسيبك تتجوزي غيري قدام عيوني

نزلت دمعه من عيونها مسحتها بسرعه وقالت..ليه ..ما انت اللي عملت كده..وانا كنت من ضمن اللي اتنازلت عنو بسهوله وانت على طاولة قمار... ولا نسيت يا ابن عمي قرب منها ومسك ايدها وقال بدموع..اسيا انا كنت سكران مكنتش حاسس صدقيني... انا بحبك اوي ومش هقدر استحمل اللي بيحصل ده اسيا قالت بحزن..اللي بيحصل ده محدش عايزه بس هنعمله علشانك يعني انا هتجوز الوسخ ده علشان متتسجنش يا عدي

واتنهدت وقالت..عمي بيقول هناخد منو الورقه ويعمل تنازل عن القضيه وبعدها انا هتصرف واتطلق منو ولسه هتمشي مسك ايدها وقال بلهفه..حلو اوي الحل ده..يعني هترجعيلي مش كده ابتسمت بسخريه وقالت.. سواء هرجعلك او لا اكيد مش هفضل على زمة الشيطان ده اطمن قال بتوتر وكسوف... يعني احم..احنا..احنا هنرجع لبعض ف..احم ..يعني قالت باستغراب ..عايز تقول ايه اخلص بتقطع ليه اتنهد وقال بحرج...

يعني اكيد مش هتخليه يلمسك..انتي ..انتي قولتلي قبل كده اني هكون اول راجل في حياتك مهما حصل ومش هتكوني غير ليا اتسعت عنيها بدهشه وقالت... ده بجد... انت بتفكر في ايه... ازاي تسألني كده اصلا عدي قال بتوتر..اسيا افهميني انا اسيا قالت بغضب وحده ..افهم ايه... اسمع يا عدي علشان تريح بالك وتحل عن دماغي انا اكتر واحده حاسه بالقرف والاشمئزاز من الكائن اللي فوق ده... واكيد مش هيلمسني مش علشانك..لا...

علشان انا لو هيعدي عليا قطر اهون من ان يلمسني شخص زي ده..فبلاش اسألة تقرف ماشي لان اصلا انا مبقتش ليك بعد اللي انت عملتو ولا يحقلك تسألني قالت كده وقعدت على الكرسي بغضب كانت مستنيه تطمن على سهيله وتطلع تنام عدي جذب شعره لورا بغضب من اللي عملو وبيلعن نفسو الف مره على غبائو اللي وصلهم للحالة دي عند لؤي اتنهد وقال بحزن...

يعني انا اجي علشان اصالحك على اللي عملتو اقوم اخسرك بيتك ده انا لو جاي انتقم منك مش هيحصل كده يعني يا ربي ابقى متحر،،ش ومنحوس كمان ضحكت من قلبها وقالت ... وانت ذنبك ايه بقى..ده بيتلككلي ... قال عايز يتجوزني مش شايلني من دماغو من وقت ما جيت قال باستغراب ... جيتي منين هو ده مش بيتك فرحه ارتبكت جدا وقالت... لا..لا انا من اسكندريه و... ولما اهلي اتوفو جيت القاهره علشان فرص الشغل والمعيشه احسن لؤي اتنهد وقال...

طيب وحاليا هتعملي ايه قالت بخنقه..مش عارفه انا بطلوع الروح لقيت مكان مناسب يسكني لوحدي كده ونزلت دموعها وقالت... الدنيا جايه عليا اوي... لا عندي قريب ولا حد اروحلو ولا حد حتى سايبني في حالي لؤي اتنهد بحزن على حالتها وطلع منديل وادهولها وقال... استهدي بالله يا فرحه وبلاش تقولي الكلام ده حرام... دي كلها اقدار من ربنا وربنا مبيجيش على حد...

وبتلاقيه بيعوضك من قلب كل محنه وانتي مش واخده بالك ربنا كريم قوي بس احنا مش مبناخد بالنا لنعمه... وبعدين يا ستي امال انا اعمل ايه عندي اهل واحباب وكل حاجه وبقت خايف عليهم مني يعني تخيلي حمدي بيبصبص لبنت عمي اللي متربي معاها فيه اسؤ من كده مسحت دموعها وهيه بتقول باستغراب..حمدي..حمدي مين قال بسرعه..حمدي الوزير... ده المتحر،،ش اللي لازقلي فرحه ضحكت ضحكه جميله وهو ابتسم على ضحكتها وقال...

ايوه كده فرفشي.. يلا بينا انا هاخدك على البيت عندي فرحه قالت بردح ..نعم لؤي ضحك وقال... اشش..انتي فهمتي ايه... متخافيش ده انا لؤي امان..انا قصدي هاخدك عندنا لحد ما امنلك مكان... احنا عيله كبيره يعني مش هنبقى لوحدنا متقلقيش فرحه قالت بتوتر..لا يا دكتور مش هينفع هعملك مشاكل مع اهلك وبعدين هيسالو مين وكده لؤي قال بضحك... لا متقليش انا هظبطها وعمي لو خد بالو وسأل هقنعه قالت باستغراب..... لو خد بالو لؤي قال....

اه اصلنا كتير زي ما قولتلك فممكن تتوهي وسطينا وتعدي عليه..يلا يلا قومي مفيش نقاش ضحكت بخفه وقامت معاه وقالت وهيه ماشيه معاه... صحيح انت عملت ايه مع حمدي لسه زي ما انت ضحك بخفه وقال..لسه وانا جايلك عاكست بياعة ورد في الاشاره..يعني حتى زوقه ماشاء الله... اركبي اركبي وتقلي مشاكل قال فرحه ضحكت على كلامو وطلعو سوا في عربيته

عند سهيله طلعت تشوف علي وقدرت تخلي نجيه تروح ماركت قريب تجبلها حاجه كانت قاصده تبعدها وجريت على عربيه علي علي فتح القزاز وقال بابتسامه..اركبي يا قلبي قالت بدموع مش هينفع يا علي... معايا الخدامه وزمانها راجعه جبتلي الحبوب علي ادالها علبه صغيره وقال..خدي بالك عليها ده ثروه متاخدهوش على طول سهيله قالت بدموع..حاضر ..طب ..طب يا علي العريس اللي بابا جابو مرضيش يرفض...

وانا مش عارفه ابعدو يوم ما انت نزلت تجيبلي البرشام جم البوليس واخدوني اشتباه وهو طلعني وبيهددني انا مرعوبه بابا مصر على الجوازه دي ومستعجلين خلال الاسبوع ده علي قال بغضب... يبقى مفيش غير الحل بتاعي لازم تهربي معايا..انا هخطط وابعتلك قالت بدموع ... اهرب ... اهرب ازاي لا مش هينفع و بس قطعت كلامها على صوت لؤي اللي وقف العربيه لما شافها ونزلها سهيله اتصدمت ووقع البرشام من ايدها على الارض وعلي طلع بالعربيه بسرعه البرق

بس كانت الصدمه الاكبر من نصيب فرحه لما شافت علي من شباك العربيه وكانت هتقع من طولها خصوصا لما هو كمان لمحها واتصدم بشده وووووو وقع شريط المخدر،،ات من اديها ولؤي وطى يجيبهولها سهيله اترعبت حرفيا وبقت تفرك اديها وهتقع من الخوف لؤي مسك العلبه ولسه هيقرى الإسم سحبتها سهيله من ايده بسرعه وتوتر لؤي بصلها باستغراب شديد وقال... سهيله انتي ايه اللي مطلعك في نص الليل كده... ومين الي كنتي بتكلميه ده وايه البرشام اللي في ايدك ده

سهيله بلعت ريقها بخوف شديد وقالت..... انا... انا كنت واقفه مع صاحبتي..واحم..اصلي نسيت كتابي معاها واتصلت عليها تجبهولي هنا... وده..ده برشام صداع... صاحبتي ادتهولي لاني تعبانه بصلها بشك وقال..وفين بقى الكتاب اللي صاحبتك ادتهولك قالت بإرتباك..ها... الكتاب..اه..اه الكتاب صح... اصل الغبيه جابت كتابها..فكنت بقرأ منو معلومه مهمه علشان احفظها..و..وشاورتلها على كذا حاجه علشان لما تروح تصورهملي بالتليفون

طبعا لؤي مقتنعش خالص ولا باي كلمه لانها ببساطه كانت تقدر تاخد كتاب صاحبتها طالما كتابها هيفضل عند صاحبتها ويبقو يبدلوهم في الجامعه... كمان لان الوقت متاخر وهو متأكد انو شاف شاب في العربيه قال... بس زي ما يكون شاب اللي في العربيه سهيله اتوترت اكتر وقالت بسرعه..اه اه ... فعلا.... معاها اخوها اصلها خافت تيجي لوحدها .... انا كمان كانت معايا نجيه بعتها معايا عدي وراحت الماركت تجيب حاجه

كل ده وفرحه واقفه مغيبه تماما وهتقع من طولها من وقت ما شافت وش علي ومفاقتش غير على جملة سهيله وهيه بتقول اخو صاحبتها .... وبقت تبصلها باستغراب سهيله حبت تغطي على لؤي وقالت بسرعه..ماشاء الله مين الجميله اللي معاك دي..فاتح تحقيق بدل ما تعرفنا لؤي قال بضيق..اممم..اه دي فرحه... فرحه تبقى اخت واحد صاحبي اوي وعندها ظروف كده هحكهالكم فرحه سكتت متكلمتش وسهيله سلمت عليها بارتباك وقالت..طب يلا يلا بلاش نقف في البرد كتير

في الوقت ده جات نجيه وهيه بتقول... انتي هنا يا سهيله هانم..قلبي وقف دورت عليكي مكان ما سبتك ملقتكيش بقلم.... زهرة الربيع سهيله قالت بسرعه..عادي يا حببتي انا صاحبتي جات ونادتلي وكنت بكلمها ..يلا ..يلا بينا انا بردت