تحميل رواية سكنني الخطر بقلم زهرة الربيع pdf

بصلها باستغراب وقال..اخر طريقنا هنا يعني ايه

سهيله بصت قدامها بجمود وقالت...زي ما سمعت اخرنا سوا هنا رجعني لابويا وابعتي ورقتي هناك...انا عايزه اتطلق يا منتصر والموضوع مفيهوش نقاش

منتصر بصلها بزهول شديد وهيه مشيت بالم وهيه بتدعي من ربها الرحمه لروحها حتى لو بالموت المهم تتخلص من الالم اللي حساه

عند اسيا كانت لسه نايمه ولؤي بيبصلها بحزن وقال.... ليه يا اكمل

اكمل بصلو باستغراب وقال....يا ابني ما انا قولت لك كان بالغلط

لؤي اتقدم عليه وقال بانفعال.....بالغلط....ودخولك على حياتها اصلا كان بالغلط....وانك تبوظ خطبتها كان بالغلط...و انك اتجوزتها غصب وعارف انها بتحب حد تاني برضو بالغلط ...وصولها للحاله دي ابدا ما كانش بالغلط يا اكمل حتى لو مقصدتوش بس انت السبب فيه

اكمل اتنهد ولسه هيتكلم لؤي قال بغضب....انت...انت متوقع منهم ايه وهما عايشين في بيت واحد وكمان عارف ومتاكد انكم بيعشقوا بعض ...ازاي تقبل على نفسك وضع زي ده اصلا..انا عارف اختي ومتأكد انها مغلطتش في حاجه.... بس كمان متاكد انها موجوعه وبتمثل القوه...من وقت ما انت جيت هنا وحدش اتأذى قد اسيا يا اكمل ليه تدخلها في اللعبه دي كلها من اولها لاخرها

اكمل اخذ نفس عميق وهو حاسس فعلا انو اذاها اكتر واحده من غير ذنب حاول يهدى وقال ....انت عارف ان كل اللي حصل ده ما كانتش هي المقصوده بيه هيه اللي وقفت قدام الحيوان اللي اسمو عدي وانا بتخانق معاه علشان مأذيهوش... اظن ان كلكم هنا عارفين اهدافي كويس وانها مش من ضمنهم علشان اذيها

لؤي قال بخنقه واهدافك دي ما ينفعش تحققها بعيد عنها.... ما ينفعش تنسى اصلا وتحاول تتخطى الحقد ده وتلاقي عذر للناس او

لاكن اكمل قاطعو بغضب شديد وقال ....مفيش حد ليه عذر ....اللي حصلي مش هعذر فيه اي حد.... ما حدش بيتولد من بطن امه شايل حقد للناس يا لؤي....لا الناس هيه اللي بتجبره على كده.... انت واحده اتولدت في راحه وعشت في راحه طول عمرك ...انا لو عشت في مكانك كان زماني بقول نفس كلامك وانت كمان لو كنت عشت نص اللي انا عشتو كان زمانك بتقول نفس كلامي اللي معاشش في نفس الظروف ما يحكمش عليها

لؤي اتنهد وقال بسخريه.... معاك حق ...ولو انك بتناقض نفسك...انت تعرف ايه عني عشان تحكم اني عشت مرتاح ...انا معرفش لو انا عشت مكانك كنت هتصرف ازاي....بس اللي متاكد منز انك لو عشت اللي انا عشتو مستحيل كنت تبقى زيي صدقني ...ما كنتش هتستحمله ابدا وكنت هتبقى شخص اسوء بكتير من حالك دلوقت

اكمل بصلو باستغراب ولسه هيتكلم سمعوا صوت اسيا بتتالم بتعب

لؤي جري عليها... واكمل كمان اتقدم عليهم وهو مبسوط انها فات

لؤي قال بلهفه....اسيا...حببتي انتي كويسه حاسه بايه يا قلبي انا جنبك انا معاكي هنا يا اسيا

اسيا مسكت ايده وبصيت له بالم وقالت..... عدي ...عدي حصلتله حاجه

↚

اكمل رد عليها بغضب شديد وقال...انتي حلال فيكي الدبح اصلا انتي والنسناس بتاعك جاتكو القرف

و مشي بغضب شديد وراح على البلكونه هو مش شايف قدامه

لؤي اتنهد وقال.....ايه اللي عملتيه ده يا اسيا ..ما كانش لازم تعملي كده... انت بتوجعي قلبي عليكي معقوله يا اسيا انتي عارفه اني ما ليش غيرك معقول عايزه تسيبيني وحيد اهون عليكي

اسيا ابتسمت بدموع ومسكت ايده وقالت.... يا عيوني انت... انا معنديش اغلى منك يا لؤي... عمرك ما تهون عليا يا حبيبي انا اسفه اكيد اتخضيت.... بس انا بخير صدقني

لؤي اتنهد بحزن وقال...طيب يا اسيا ارتاحي دلوقتي مش هينفع نتكلم ماشي يا قلبي... وحاولي ما تاخديش وتدي معاه كتير عشان ما تتعبيش على الفاضي....اصلا مش هيسمع منك ولا هيسمع من اي حد

اسيا قالت بضيق شديد.. ولا هاممني يسمع اصلا يخبط دماغو في الحيط

لؤي اتنهد وقال.... طيب انا هطلع علشان اطمن عمي وعدي وانتي ارتاحي النهارده وبكره نتكلم

اسيا احتدت عيونها بغضب وقالت.... طيب بما انك رايح لهم

قول للحيوان ابن عمك ان اللي حصل منو قبل كده كوم و اللي عملو انهارده كوم تاني ومسيري هقوم وقتها يا ويله مني ماشي وصلو كده

لؤي بص لها باستغراب وقال...بس اكمل في البلكونه اصلا مش بره

اسيا قالت بغضب.... انا بتكلم عن الزفت عدي مش اكمل

لؤي بص لها بدهشه وقال..... هو عدي عمل حاجه ضايقتك... عمل ايه.. انا بقول برده اكيد اكمل لقاه بيعمل حاجه علشان كده ضربه

اسيا بصت له باستغراب كانت متوقعه ان اكمل حكاله قالت... هو اكمل مقالكش حاجه

لؤي قال.... لا قال لي انه كان بيتخانق معاه وانتي وقفتي بينهم مقالش سبب خناقتهم ....هو حصل ايه من عدي

اسيا مقدرتش تقول له انه قربلها بقوه بلعت ريقها بارتباك وقالت....ها....لا عادي يعني هم بيتخانقوا على طول... انت بس قول له زي ما قلت لك كده..انا ..انا تعبانه دلوقتي وهريح شويه

لؤي بصلها بشك وحس ان اكيد ممكن يكونو حصلت بينهم حاجه جننت اكمل...بس محبش يضايقها اكتر وقال... طيب ارتاحي دلوقتي وبكره نتكلم... عن اذنك

لؤي خرج

واسيا اتنهدت وحاولت تقعد بس اتالمت جدا

اكمل اول ما سمع صوتها رمى السيجاره بتاعته في الارض طفاها وجري عليها بسرعه حط لها مخده وراها وقال ....على مهلك براحه ما تقعديش لوحدك اليومين دول عشان الجرح

اسيا بصت له باستغراب واتلاقت عيونهم شويه واكمل مكانش عايز يبعد عيونه عنها

بس اسيا نزلت عيونها بتوتر وقالت...احم شكرا

اكمل اتنهد وبعد بسرعه وبقى يطلع له هدوم من الدولاب بهدوء اسيا قالت باستفهام... ما قلتش للؤي ليه

اكمل ابتسم بسخريه وقال.... هقول له ايه ...اختك كانت بتتباس من ابن عمك.... ولما جيت اعلمه الادب وقفت قدامه

اسيا اتعصبت من طريقتو زي العاده بس حاولت تهدى وقالت ....اسمع يا اكمل انت ما لكش عندي حق التبرير ابدا ..وما يهمنيش منظري قدامك علشان ابرر لك اصلا.... انما انا كنت حاسه حاجات كتيره بعد اللي حصل وحسيت لما حاولت تنقذني ولما ما استنيتش الدكتور وسمعت اللي دار حواليا وعلشان كده بقى لك عندي حق الشكر وبما اني طبعا عمري ما هقولها لواحد زيك فاعتبر ان تبريري ده بدلها....اللي حصل كان غصب عني انا مقبلش بيه ابدا...و مش معنى كده انك تروح تتخانق مع عدي لانه هو كمان كان غصب عنه

اكمل بص لها بدهشه وقال ....لا والله كان غصب عنك وغصب عنه ومين اللي غصبكم بقى اكيد انا

اسيا قالت بضيق... ولو انك بتقولها بتريقه بس فعلا انت.... انت اللي وصلته يعمل كده بطلب جوازك مني الغريب وانت عارف اللي بيني وبينه.... يمكن غصب عنه فقد السيطره على نفسه وانا ما عرفتش امنعه فاجئني جدا وقبل ما اتصرف معاه انت اتدخلت و

بس قطعت كلامها لما اكمل ضحك بسخريه وقال... معلش انا اسف اني اتدخلت والله كان المفروض اسيبكم بعد ما تخلصوا بوس تتصرفي انتي معاه او يمكن يعجبك الموضوع وتأجلي التصرف للمره اللي بعدها يعني التصرف هيروح فين هو كده كده جاي

اسيا قالت بخنقه وغضب....الحق مش عليك الحق عليا اللي بتناقش بطريقه متحضره مع واحد وقح وزباله زيك

اكمل قال بغضب ....متحضره اه سلامة التحضر ...لازم تعرفي يا هانم اني عارف انه كان غصب عنك والا كنت قصدتك انتي باللي عملتو.... بس اللي متعرفيهوش بقى ان الباشا بتاعك ولا كان غصب عنه ولا ضعف قدامك يا ست الحسن زي ما انتي متوقعه...كل الحكايه انه شافني خارج من المكتب وعمل اللي عمله قاصد يغيظني ويوصلي انك لسه بتاعتو هو ...وكنت هجيب اجله عشان يتربى و يعرف ازاي يلمس حاجه مش بتاعته لولا انك اتدخلتي وجبتي اجلي انا

اسيا بصتلو بزهول وقالت... انت بتقول ايه هو شايفك وعمل كده قاصد

اكمل قال بغضب... اه ..قاصد وبصلي وابتسملي يعني شوف اللي هعمله..... بس انا هريحه من كل ده ....عارف ايه اللي هيظبطه ويخليه يفقد الامل خالص

اسيا بصتلو باستغراب وخوف وقالت...هتعمل ايه

قرب منها وقعد جنبها على طول على السرير وبعد خصله من شعرها ورا ودنها بطريقه مريبه ومرر صباعه على شفايفها وقال ....شفايفك دول ممنوع حد غيري يلمسهم...فاهمه كل حاجه فيكي متحرمه على غيري .. انتي بتاعتي يا اسيا ومن قبل حتى ما اكتب عليكي بتاعتي انا وبس وهخلي الكل يعترف بكده ....لما تبقي ملكي قولا وفعلا

اسيا بصتلو بتوتر وقالت....انا مش فاهمه

اكمل قرب منها قوي وقال ....هدخل عليكي يا اسيا هعملها تحت اي ظرف

اسيا بصتلو بزهول واحتدت عنيها ولسه هترد

قاطعها وقال بسرعه...عارف انك رافضه وان مينفعش اكمل ابن الحرام يلمسك يابنت البشوات واني هوسخك بقربي منك عارف كل ده

قالت بسخريه....طب كويس قولت كل اللي كنت هقوله ووفرت عليا فيك الخير عارف اني تعبانه....بس نسيت حاجه...انت مش بس ابن حرام انت كمان تربية شوارع...وانا تربيتي عودتني مقربش لاولاد الشوارع ابدا

اكمل كان كلامها بيأذيه جدا بس ابتسم ببرود وقال...خلصتي....يلا بقى نبدأ وبهدوء علشان حالتك دي ...الاحسن ما تقاوميش عشان ما تتاذيش

عند علي كان قاعد بتوتر وجالو اتصال رد بسرعه وقال... ها ايه الاخبار

و سمعه شويه وابتسم بسخريه وقال...اممم و هم فين دلوقتي

وسمعه تاني وقال ...تمام كانو في المستشفى يعني زمانهم كشفو الموضوع ...خليك وراهم تعرفلي كل تحركاتهم

و قفل معاه وابتسم بسخريه وقال ...وافرض عرفت انها مدمنه يا حضره الظابط... خلاص مراتك بقت رهن اشارتي وشرفك وعرضك هيكون بين ايديا قريب. قوي

اما سهيله كانت بتمشي بسرعه عايزه تطلع من المستشفى ومنتصر جري وراها مره ثانيه ومسك ايدها بغضب وقال... انتي بتقولي ايه انتي مجنونه اطلقك يعني ايه... هو انا لحقت اتجوزتك عشان اطلقك

سهيله دفعت ايده بغضب وقالت بدموع .... سيبني في حالي بقى انا خلاص بقتش انفعك يا حضرة الظابط انا بقيت واحده مدمره بقيت مدمنه يا منتصر فاهم يعني ايه. انا مش عارفه هيحصلي ايه وهتعامل ازاي لما ابطل الزفت ده مش عارفه... انا خايفه قوي ..خايفه

منتصر بص لها بألم شديد وقال ...هيه صعبه... بس انا جنبك وانتي اصلا مش محتاجه حد جنبك... انتي ربنا معاكي لانك طول عمرك معاه... ممكن تهدي ونرجع للدكتور ناخد العلاج واشوف هنتصرف ازاي

سهيله قالت بزعيق ودموع....لا ..لااا انا مش رايحه معاك اي حته....انا ريحالو ...لازم يفهمني عملت ايه علشان

يعمل فيا كده

ولسه هتمشي مسكها من دراعها وقال بزهول....تروحي لمين..تروحي للحيوان ده برجليكي ..اتهبلتي

سهيله دفعتو بقوه وقالت..انا اصلا هبله...هبله من زمان...من وقت ما عملت في نفسي كده وصدقت اول واحد قالي كلمتين حلوين..ابعد عني ريحالو ومش هتقدر تمنعني

ودفعتو بقوه وجريت على الشارع بسرعه

عند لؤي كان رايح على اوضته وهو متضايق جدا بقى يفكر في اللي حصل الاول مصيبه فرحه وازاي كانت خدعاه طول الوقت وبعد كده سهيله اللي طلعت تعرف واحد والله اعلم ايه الللي بينهم ولا اختو واللي بيفكر فيه وياترى عملت ايه هيه وعدي علشان يوصلو اكمل لكده

اتغيرت نظرة عيونه وابتسم بسخريه وقال...كلهم زباله...ياما قولتلك ..كلهم زيها...ادي اختك..وفرحه وحتى سهيله مفيش حد نضيف واهبل غيرك

بس رجعت نظرتو طبيعيه وهز راسو بزهول وبلع ريقه وقال....استغفر الله..ايه ده...اعوذ بالله كلهم عندهم اسبابهم ...اعوذ بالله من سوء الظن

بقلم...زهرة الربيع

ولسه هيروح على أوضتو سمع صوت صرخه من اوضه فرحه جري عليها بسرعه وخبط على الباب جامد وقال.... فرحه فرحه في ايه افتحي

فرحه فتحت الباب وقالت وهي بتنهج ....انا اسفه يا لؤي بس فتحت الشباك اللي بيطل على الجنينه ودخل منه خفاش وخفت منه قوي وصرخت... الحمد لله طلع

لؤي اتنهد وقال ....يا فرحه حرام عليكي سيبتي رجلي

فرحه ضحكت بخفه وقالت.... انا اسفه والله اصلي بخاف منهم قوي كانو يقولولنا زمان انه بيمسك في الوش

لؤي ضحك بخفه وقال ...هو مش بيمسك في الوش...بس لو مسك في وشك ومسابهوش هيبقى حالة خاصه...ومعذور قوي كمان

فرحه ابتسمت بكسوف ونزلت عيونها وقالت... تشكر يا ذوق

لؤي ضحك من قلبه وقال..... اشكر ..ويا ذوق كمان ... ماشي على العموم اقفلي الشباك كويس ولا تحبي ادخل ابات معاكي يمكن يجي تاني ولا حاجه اهو يلاقي حد يستقبله

فرحه ضحكت بخفه وقالت....تصبح على خير يا لؤي ...اه صحيح نسيت اسالك اسيا عامله ايه دلوقت..كنت عايزه اشوفها بس ما حبتش اتعبها بالكلام دلوقتي

لؤي اتنهد وقال...هيه تعبانه بس الحمد لله الجرح اتلحق ...ان شاء الله هتخف بسرعه

فرحه قالت بابتسامه.... ان شاء الله.... ربنا يقومها لك بالسلامه ومتشوفش وحش في احبابك ابدا

لؤي ابتسم ابتسامه جميله وبص لعيونها وقال ....الدعوه دي جميله قوي..ربنا ما يبعد احبابي عن عيوني ابدا ...لاني مستحيل اطيق بعدهم

فرحه نزلت عيونها في الارض بكسوف وتوتر...و هو حمحم وقال .....تصبح على خير..... انا جنبك اهو لو الخفاش عمل حركه كده ولا كده ناديني على طول...قول مشمش ..اجيلك قبل ما ترمش

فرحه ضحكت وقالت ...لا هو مشي خلاص

ولسه هتقفل الباب حط ايده عليه و بص لها من فوق لتحت كانت لابسه بيجامه حرير وشعرها متبعتر وشكلها جميل بلع ريقه و قال.... متاكده مش محتاجه حاجه اكيد

فرحه بصتلو باستغراب وقالت.... ابدا تصبح على خير

بس اتصدمت لما حط ايده على وسطها وداس على شفتو بوقاحه وقال.... طب ممكن ادخل ااكد على الشباك لاحسن حاجه تدخل اصل الشباك جايب طراوه و ميتسابش ابدا

قال كده هو بيبص على مقدمه بيجامتها من فوق

فرحه رجعت لورا بخوف منو وضمت البيجامه وقالت بتوتر... اه....عرفتك ...ما انا بقول مالو انهارده...شكرا يا حمدي روح نام انت يا باشا شكلك تعبان روح على اوضتك على طول ..ولسه هتقفل الباب

دفعوا بقوه لدرجه انها وقعت على الارض ودخل وقفلوا وهو بيبص لها بطريقه مريبه وقال....انا هنام...بس في حضنك يا جميل.... وهجم عليها وووووو

↚

دفع الباب بقوه وقعت في الارض وبقت تزحف على الأرض برعب وحست بخطر رهيب من نظراته وفي نفس الوقت كانت خايفه جدا عليه ومش عايزه تصرخ قالت برعب.... لؤي ...لؤي بوس ايدك فوق لنفسك انت سامعني

بس لؤي كان بيبص لها بنظرات غريبه وبيتقدم عليها وقال... متعمليش فيها شريفه كلكم زباله ما تحاولوش تثبتوا لي غير كده حقيقتكم واضحه قدامي قوي انا مش الاهبل اللي قدرتي تضحكي عليه

فرحه اتسعت عنيها بزهول وهي بتبص له بصدمه زي ما يكون فيه شخص تاني واقف قدامها وبيكلمها غير لؤي في كل حاجه شخص ما تعرفوش نهائي قالت برعب.... لؤي انت بتقول ايه انا حكيت لك اللي حصل اهدى ارجوك

وقف قدامها وبص لها بطريقه مخيفه وقال.. انا اقول لك اللي حصل ..اللي حصل انك واحده وسخه زي كل الستات اللي حصل ان الوساخه في دمكم انا كنت بحاول اثبت له كده ما كانش مصدقني انتي ووالدة اكمل وحتى سهيله واسيا اللي كنت باخدهم مثال كلكم زي بعض كلكم وسخين واطيين...و لمعه عيونه بغضب وقال ....كلكم زيها كلكم صنف واحد

وهجم عليها بقوه

فرحه بقيت تبكي بشده وتحاول تمنعه ومش عايزه تصرخ وتفضحه قدام اهله بقت تقول بدموع .....وانبي فوق يا لؤي حرام عليك سيبني يا لؤي سيبني انا فرحه والنبي بتعمل فيا كده ابوس ايدك لاااا

لؤي هز دماغو بتعب ورجعت عيونه لطبيعتها و اول ما شافها بالمنظر ده بقى يبص لها بزهول وهو مش مصدق اللي بيعمله بس في ثواني اتغيرت نظرته وبصلها بشر شديد وخبث..وقطع هدومها بقوه

فرحه افتكرت اللي حصل معاها قبل كده وصرخت جامد ودفعتو برجلها وهيه بترجع لورا برعب

لؤي وقف وبقى يبص لها بصدمه وبقى يتحرك باضطراب شديد ونظرات عينيه تتغير كل ثانيه كأن شخصين بيصارعوا بعض حط ايديه على دماغه بقوه وهو بيحاول يمنع نفسه بالعافيه انه ما يقربلهاش ويقاوم بكل قوته لحد ما وقع على الارض مغمي عليه

بقلم....زهرة الربيع

فرحه جريت عليه وهي بتبكي وبقت تفوق فيه بخوف

في الوقت ده دخل عصران وعدي اللي جم على صوتها واتجمدو مكانهم بصدمه من المنظر لما شافوها متبهدله و هدومها مقطوعه ولؤي واقع على الارض

عند منتصر كان عمال يجري ورا سهيله وهي مصره تروح لعلي وماشيه بغضب شديد

منتصر جري وراها ومسكها بالعافيه وقال... سهيله بطلي جنان هتروحي فين دلوقت في نص الليل ارجوكي تهدي وانا هرجع لك حقك صدقيني مش هسيبه

سهيله دفعته وقالت بغضب شديد ....انا هجيب حقي لوحدي انا مش عاجزه انا هعرفه انا مين هعرفو مين هيه سهيله الانصاري الحقير الزباله ...ابعد عني

وجريت تاني بس منتصر مسكها مره ثانيه وقال...يا سهيله فرجتي علينا الشارع كلو تعالي معايا هنطلع بالعربيه واللي عايزاه هعملهولك

سهيله بقيت تدفعه وتضربه بغضب في صدره وبتقول بانفعال.... بقول لك ابعد عني بدل ما أهزأك انت كمان ابعد مش عايزه اعلي صوتي في الشارع... هروح له يعني هروح له

منتصر حاول يهدى ويتكلم بالراحه علشان يسيطر عليها وقال ...طيب طيب ماشي هتروحي تقولي له ايه...ها هتقولي له ايه

سهيله قالت بصراخ وانفعال....هسألو ليه عمل فيا كده ...مش حرام ابقى مدمنه واخسر قلبي في يوم واحد..ليه يعمل كده طب انا عملت ايه ... رد انت عليا ليه انا عمري ما أذيت نمله حتى.... وبقت تبكي بقوه

منتصر لمعت الدموع في عيونه من منظرها وقال... يا سهيله ارجوكي متعمليش في نفسك كده....اصلا والله مش هتستفادي حتى لو روحتي... انتي متخيله انه لسه هيفضل قاعد في المكان اللي كنتي تقابليه فيه... اكيد غير عنوانه اهدي واتكلمي بالعقل هتروحي له فين دلوقتي

يهيله بصيت له بدهشه زي ما يكون فكرها بحاجه ونزلت دموعها بغزاره وقالت....عنوانه...انا ..انا ما اعرفش اصلا عنوانه ما اعرفش عنه اي حاجه ...معرفس انا ربحالو فين اصلا..معرفش

وبقت تبكي بحسره شديده

منتصر ابتسم بيأس على براءتها وشدها لحضنه بدون مقدمات وبقى يحضنها بقوه وباس دماغها وقال...اهدي خالص...وحياة عيونك اللي روعة الليل في رسمهم وضي القمر في سحرهم ما يستاهلهم ولا يستاهل دمعه واحده منهم

التفتت ليه لما قال كده وبقت تبص لك بتوتر وقالت... ممكن تروحني عند بابا كفايه كده والنبي

منتصر هز راسو بالرفض وقال ...انتي هتروحي بس على بيتك على بيتنا اصلا مفيش داعي ابوكي يعرف بالموضوع ده ...هو راجل كبير ومش هيستحمل

سهيله نزلت عيونها في الارض وقالت ....وانت ذنبك ايه

منتصر قال بسرعه....الذنب ذنب قلبي يا سهيله... هو عايز كده هتحرميني من دي كمان

سهيله اتنهدت بتعب وقالت....يلا نروح دلوقتي مش قادره اقف على رجلي نتكلم بعدين ..اصلا ما عنديش طاقه اتكلم

منتصر اتنهد وقال...افضل اكيد...يلا بينا

عند اسبا كانت بتص لاكمل بتوتر من اصرارو على قربو منها بس ضحكت بالعافيه بتعب وقالت..... انا مش عارفه سعات بتصعب عليا والله ....انت بجد محتاج علاج

بس اكمل اتنهد بخنقه وقال.... بس انا بتكلم بجد الموضوع غير قابل للرفض ولا النقاش اصلا

اسيا اتنهدت بخنقه وقالت .....طب لو افترضنا ان انا عاشقه دباديبك ودايبه فيهم دب دب.... انت بقى يا اذكى شي في مصر شايف ان انا في حاله اصلا استحمل فيها الجنان بتاعك ده ولا مش واخد بالك حضرتك انك من شويه غزتني زي ما يكون واحد زميلك متخانق معاك على طاوله شطرنج

اكمل اتنهد وبص لها شويه وهو فعلا خايف عليها لان جرحها جديد ..بس احتدت عنيه لما افتكر اللي عمله عدي وانه كان قاصد بيثبت له انها ملكه مهما عمل قال بغضب ...انا فاهم بعمل ايه اكيد مش هاذيكي انتي مش قاعده مع حيوان

اسيا ابتسمت بسخريه وبصت لعيونه وقالت برقه.... اكيد لا طبعا..هو انا معقوله اجيب سيرة الحيوانات بالسوء كده

اكمل نفخ بغيظ منها وهي ابتسمت وقالت ...لكن قولي في موضوع حبيت اسألك عنو...اقدر افهم ايه اللي ضايقك للدرجه دي...يعني انت عارف موضوعنا انا وعدي من الاول.... اوعى تقول لي بقى اني بقيت على ذمتك ومن الكلام ده لان انا عارفه ذمتك كويس...واللي شوفتو في عيونك النهارده غير خالص اللي بشوفه من اول ما جيت ....اوعى لا قدر الله بعيد الشر تكون غيران احسن دي تبقى مصيبه

↚

اكمل بلع ريقه قدام نظاراتها وقال ....ليه ....افرض كنت غيران هو انتي مش مراتي

اسيا مشت ايدها بخفه على خده وقالت ....لا طبعا انا مش مراتك ...انا مُر حياتك اللي روحتلو برجليك... والألم اللي انا حاسه بيه دلوقتي من طعنتك اللي اديتها لي ومن حياتي اللي خربتها دي هردهولك كلو يا اكمل... انت لحد النهارده وريتني الاعيبك و استنى مني الرد

اكمل احتدت عنيه بغضب وبعد عنها وقال.... تمام وانا هستناكي... انا جاي هنا وعامل حسابي على اي حاجه..و ما فيش حاجه اخسرها اللي بيخاف على حياته ده يا اسيا اللي كان عنده حياه من وهو طفل اختارها وبناها زي ما هو عايز ... ومن الطبيعي يبقى قلقان عليها... انما انا بقى مش هحرص على حياتي بعد ٢٧ سنه دمار...خلاص ملهاش لزوم اصلا ...ما بقاش فيه انسان يعيش فيها

اسيا قالت بسرعه...و المفروض ده يعقلك يا اكمل مش يجننك زياده...المفروض تفكر وتفهم سبب كل اللي انت فيه ده ....تبه السبب ان والدتك قالت لك انه ابوك اتخلى ..وانها هيه كمان تعتبر اتخلت عنك لانها قبلت تجيبك في وضع زي ده ...ما تزعلش مني دا يثبت حاجه واحده بس ان انت ما لكش اي لازمه مكروه في حياة الكل والا ما كانش ابوك رماك وما سألش فيك ولا كانت والدتك كدبت وقالتلك اننا اهلك واحنا متبريين منك

اسيا كانت حاسه بتقل على قلبها من الكلام اللي بتقوله له لاول مره بس بعد ما شافت الحاله اللي وصلها لدرجة انو كان هيقتل ابن عمها قررت انها تحط له حد

اما اكمل كلامها زي العاده نزل عليه زي سكين بارده بتقطع فيه اكمل ابتسم بسخريه عكس الالم اللي جواه و التفت لها وقال بغضب...طب كويس ما احنا الاتنين زي بعض انتي كمان ما لكيش اي لزمه في الحياه على حسب كلامك ده...يعني لو كان ليكي لزمه ما كانتش والدتك تسيبك لعمك وانتي طفله ما كملتيش ثلاث سنين وتقرر انها تتجوز وتسافر وتعيش حياتها ومتسألش فيكي ..وحتى فرحك معرفتش بيه

صدمه ما تتوصفش ظهرت على ملامحها واتعلقت الدموع في عيونها وهيه مش مصدقه اللي سمعته منه

عند لؤي كان الوضع متوتر جدا شالوه وحطوه على السرير وعدي قلع الجاكيت بتاعه ولبسه لفرحه اللي كانت بتبكي بشده

عصران كان محرج جدا بص لها وقال.... والله يا بنتي هو مش من عادته يعمل كده ابدا ابدا هو انسان كويس وسوي فوق ما تتخيلي مش عارف جرا له ايه... بس انتي شايفه حالته يعني اكيد فيه مشكله او...

فرحه قالت بسرعه ...لا عادي انا قلقانه عليه.... قصدي يعني انا متاكده ان هو مش كده اكيد في حاجه

عصران لسه هيتكلم لقى لؤي بيفوق قرب منه وقال ....لؤي ...لؤي يا ابني سامعني

عدي قال بسرعه.... انت كويس يا لؤي اجيب لك دكتور

لؤي بصله متوهان ونطق بالعافيه وقال... فرحه..... فرحه فين

فرحه قالت بسرعه....انا هنا جنبك اهو انت كويس طمني عليك

لؤي بص لحالتها وهدومها والجاكيت اللي عليها والخوف اللي على ملامحها نزلت دمعه من عيونه ونزل وشه بحرج وهز راسه بالموافقه وقال.... انا كويس انا.. انا اسف مش عارف انا...

عمو قاطعو وقال بسرعه ... انت لازم تزور دكتور يالؤي الموضوع ذاد عن حدو في حاجه مش طبيعيه بتحصل انا دلوقتي بقيت متاكد ان في حاجه غلط

لؤي وعدي بصوا لبعض بتوتر ولؤي اتنهد وقال ....عمي مش هينفع اخبي عليك اكتر من كده انا فعلا متابع عند دكتور.. عندي مشكله نفسيه... اتفضل ارتاح واهحكي لك كل حاجه

عصران اتسعت عنيه و قعد قصاده بدهشه من اللي بيسمعه

عند اسيا كانت هتتجنن من اللي سمعته من اكمل حطت ايدها على مكان الألم ووقفت بالعافيه وقالت بغضب مرعب

.. انت.... انت عرفت الكلام ده منين ....عرفت الكلام ده منين اتكلم

اكمل قال بضيق.... مش مهم المهم اللي بيته من قزاز ما يحدفش الناس بالطوب.... لان هو اللي هيضر

اسيا قالت بانفعال شديد ....يا سافل يا حيوان يا حقير انت بتشبهني انا بيك يا تربيه الشوارع

اكمل بص لها بغضب شديد وقال...انا مش هسكت على طولك لسانك دي كتير... لمي نفسك سامعه

اسيا قربت منه وهي بتضربه في صدره بغضب وقالت.... ولو ما لمتهاش هتعمل ايه يعني هتعمل ايييييه ...لؤي..لؤي اللي قلك الكلام ده مش كده لؤي انا هوري لك واوريه هوريكم انتو الاتنين

اكمل لما شاف الحالة الغريبه الللي بقت فيها حاول يهدى قد ما يقدر وقال.... اقعدي على السرير يا اسيا كفايه مجهود كده جرحك لسه جديد

بس اسيا كانت في حاله عصبيه فظيعه وقال بغضب وزعيق... وانت مالك ومالي ...مالك ومالي اصلا اوعى تكون فاكر اني مضايقه..او انك جرحتني بكلامك..لا ابدا انا اصلا مش محتاجه لها ...انا... انا مش محتاجه لها ولا محتاجه لك ولا محتاجه لاي حد انا بعرف اعيش لوحدي انا مش محتاجه لاي حد في حياتي سامع ولا حد

ورغم كل الكلام اللي بتقوله له لكن لما شاف حالتها دي ما قدرش يستحمل اكتر وقال.... كفايه خلاص راح تتعبي اقعدي على السرير بقولك

اسيا ضربته في صدره بغضب اكبر وقالت.... ليه بقى يمكن هتعمل نفسك خايف عليا.... يمكن هامك ان تحصل لي حاجه

مثلا

اكمل شدها عليه بقوه وبص لعيونها جامد وقال بزعيق...ايوه خايف عليكي.... خايف قوي..و اول مره اخاف على حد اول مره

بصتله بدهشه شديده وهواتجمعت الدموع في عيوني وهو بيبصلها وقال..... يمكن لاني اول مره يبقى معايا حد اصلا يبقى معايا حد في حياتي حتى لو حد بيكرهني حتى لو كان كره فيا عادى مش مهم... المهم انو يحس بحاجه تجاهي انا اصلا ما جربتش اتحب من حدعشان احس بفرق

بقلم....زهرة الربيع

اسيا اتبدلت ملامحها ومقدرتش تنطق ولا باي حاجه ولسه هتتكلم حست بالم شديد في الجرح حطت ايدها عليه بس شافت دم على ايدها بصيت للدم بزهول شديد وقالت بزعر..... الحقني يا اكمل ده دم.... ده دم الحقني... واغمى عليها في الحال

اكمل سندها بسرعه وقال بزهول....اسيا

عند سهيله كانت معاه في العربيه وحاطه راسها على القزاز ودموعها بتنزل بصمت وهي بتفتكر كل كلمه كان بيقولهالها مش مصدقه اللي حصل لها بين يوم وليله

منتصر قال.... على فكره كل حاجه ليها حل ...انتى واحده مؤمنه ولازم تخلي املك في ربنا كبير

سهيله بصتله بدموع وقالت..... انت بتعمل كده ليه معقوله صعبانه عليك للدرجه دي

منتصر اتنهد وقال... انتى مراتي يا سهيله اللي بعمله ده واجبي

سهيله ابتسمت بسخريه وقالت ....حضره الظابط انا قولتلك من اول يوم انت مش مسؤول عن حاجه قدام ربنا انا برياك من اي مسؤوليه ممكن توصلني عند ابويا ونتكلم في موضوعنا بعدين

منتصر بص قدامه وقال بحزم..... على بيتنا ياسهيله..هنرجع على بيتنا ... انا كلمت الدكتور واخدت منه شويه توجيهات وكتب على شويه ادويه هبعت الجنايني يجيبها هتفضلي جنبي وتحت عنيا لحد ما ربنا ياخد بايدك .... وانا جنبك ما تقلقيش الموضوع ده ما فيهوش نقاش

سهيله اتنهدت لانها عارفه ان ما فيش فايده من الكلام معاه وقالت ....طيب على راحتك ممكن تنزل تجيبلي حاجه اكلها انا جوعت قوي

منتصر بصلها لاستغراب وقال ....من عيني عايزه اجبلك حاجه خفيفه لحد ما نرجع البيت

سهيله ابتسمت بالعافيه وقالت.... اتأكد انها محليه

منتصر قال.... اكيد.. و نزل على اقرب سوبر ماركت

وسهيله فتحت باب العربيه وخرجت منها وجريت بسرعه قبل ما يرجع واول ما قطعت مسافه معقوله مسكت تليفونها وطلبت شخص اول ما رد

قالت بحقد شديد ....انت فين يا علي انا عايزه اقابلك ضروري

عند علي لما سمع صوتها على التليفون قال بفرحه..... يا قلب علي انتى انا كمان نفسي اقابلك قوي بصي هديك عنوان شقتي الجديده تعالي عليه

قالت بغضب بتحاول تداريه .....انت عارف انى مش باجي شقق اديني عنوان اقرب كافيه قريب منك... لازم اشوفك

ابتسم بسخريه وقال ....من عنيل هبعتلك العنوان حالا

سهيله قفلت منه ومشيت بسرعه وهي مصممه تقابله

على ابتسم بانتصار وخبث وقال...... والله وقعت يا حضره الظابط خلاص بقيت في قفصي

وعمل مكالمه لشخص وقال ...هبعتلك عنوان تروح عليه هتلاقي البنت المنتقبه اللي كنت بتراقبها هناك تخطفها وتجيبها هنا...وتعالي عازمك على عشا عنب الليله وووو

↚

البنت المنتقبه الللي كنت بتراقبها تخطفها وتجبهالي وتيجي عازمك على عشوه عنب

وقفل معاه وابتسم بشر وقال.... انا كده حقي وصلني يا حضره الظابط

عند أكمل شال اسيا وحطها على السرير وكشف جرحها لقاه بينز، ف اتنهد بحزن وغير لها عليه وحط لها معقم ونام جنبها وقال بحزن.... وجعك الكلام يا اسيا ....الكلمتين دول وجعوكي اتمنى تحسي ان انا كمان بشر وبتوجع.....انا جربت جميع انواع الوجع بس اللي بيجي منك انتي بالذات بيبقى صعب ....صعب قوي يا بنت عمي

وضمها ليه بحنان ونام وهي بين ايديه

عند عصران كان بيبص للؤي بزهول شديد لما حكى له عن مرضه وبقى يبص لعدي بصدمه وقال..... يعني انت واسيا وحتى فرحه كلكم هنا في البيت عارفين وانا اخر من يعلم

عدي اتوتر ولسه هيرد لؤي قال بسرعه.... انا اللي طلبت كده يا عمي ....حضرتك تعبان وما كنتش عايز ادوشك بمشاكلي ....الدكتور اكد لي من اول يوم ان الموضوع مش هيطول و قلت بدل ما اشيلك الهم على الفاضي.... بس انا شايف ان الحاله بتتأخر مش بتتحسن

عصران نزل راسه بحزن وقال ...ممكن تسيبونا لوحدنا... معلش يا بنتي انا عارف ان دي اوضتك بس معلش نامي انهارده في اوضه سهيله

فرحه قالت بسرعه ....حاضر ياعمي وطلعت هي وعدي وسابوهم سوا

عصران مسك ايد لؤي وقال بحنيه .....انا السبب في الموضوع ده مش كده يا ابني... لازم تتخطى اللي حصل لازم تشيل الهواجس دي من دماغك يالؤي علشان تقدر تعيش

لؤي اتنهد وقال..... يا عمي انا اتخطيت الحاجات دي من زمان موضوع وخلص مش بفتكره اصلا

عصران قال بحزن.... لو كنت اتخطيته فعلا ما كانتش افكارك تتصارع لدرجه يجي لك انفصام....لؤي يا ابني انا مش هعرف ابرر لك موقفها بس احيانا بنغلط غلط كبير وبندم عليه و بنكررهوش تاني وده اللي حصل و

بس لؤي قاطعو وقال .... عمي لو سمحت انا فاهم كل ده وبحاول انسى الموضوع بحاول بس مش قادر.....و نزلت دموعه وقال بالم....انا كل اللي جارحني دلوقتي اني بجد بقيت خطر على الناس اللي حواليا انا بقيت انسان وسخ اوي

عصران اتملت عيونه بالدموع و شده لحضنه بقوه وقال....حقك عليا يا لؤي ..حقك عليا انا يا ابني

عند سهيله كانت مستنيه علي عند الكافيه ومتعصبه جدا و مش عارفه اصلا لما اتقابله هتقول له ايه

بس للاسف فجاه اتجمدت مكانها لما حد خبطها بحاجه على دماغها اغمى عليها فورا

عند علي كان مستني واول ما الباب خبط وقف على اعكاز ومشي بالعافيه وفتح لصاحبه بس اتصدم لما لقاه لوحده وقال ...فين البنت

الشاب قال وهو بينهج.... ما عرفتش اجيبها..... انا كنت مراقبهم زي ما انت قولت وكنت خلاص وصلت عندها ...بس اتفاجئت بالظابط ضربها على دماغها وغمزلي وبعتلي بوسه

علي بص له بدهشه وقال.... عمل ايه يا حيلتها

الشاب قال بتوتر...زي ما بقول لك كده والله بعت لي بوسه في الهوا وقال لي وصلها لصاحبك هو محتاجها ..... شكله كان يعرف اني براقبه اصلا وشال البنت واخدها على عربيته

علي جذب شعره لورا بزهول وقال ....الله يخرب بيتك يا مغفل يا متخلف يعني كان كاشفك من الاساس

احبه قال....وانا هعمل ايه يا علي.... انا كنت ببقى بعيد عنه بس هو لانو ظابط طبعا اكيد كاشف الحركات دي.... ده حتى روحت وراهم عشان اعرف اخدها على فين بس قابلتني لجنه في نص الطريق وقفتني وما رضيتش تعديني وهو عدى بسهوله ومعرفتش اخدها على فين

علي ضحك بزهول وعصبيه شديده وقال بغضب وزعيق.. ماشي يا منتصر انا وراك والزمن طويل يا حيوان

و بقى يكسر في كل حاجه حواليه لحد ما فقد توازنه ووقع لانه مش بيعرف يستخدم العكاز كويس

صاحبه جري عليه عشان يوقفه بس زعق فيه بغضب و قال .....غور من وشي مش عايزه اشوف وشك تاني غور بدل ما اقتلك

صاحبه مشي بسرعه وهو كان باصص قدامه بحقد شديد وتوعد

مع طلوع شمس صباح جديد على ابطالنا فاقت سهيله بتعب وهيه بتفرك راسها بالم

فتحت عنيها وبقت تبص حواليها باستغراب لقت نفسها على سرير واوضه مختلفين كل حاجه مختلفه مش بيتها ومش بيت منتصر كمان

استغربت اوي والرعب دب في قلبها وقالت..هو فيه ايه انا فين وبقت تحاول تفتكر اخر حاجه فكراها انها كانت مستنيه علي وحست بحاجه خبطتها على دماغها ...خافت اكتر وهيه وسط افكارها سمعت صوت منتصر بيدندن برواق ...ظهرت ابتسامة لهفه على شفايفها وحست باطمئنان لوجوده وطلعت من الاوضه جري عليه

منتصر كان واقف في المطبح بيعمل فطار واول ما لمحها قال بهدوء..... صباح الخير ....ان شاء الله نمتتي كويس

سهيله قالت بابتسامه منتصر ..انا ..انا فين انا افتكرت اني اتخطفت و

بس قطعت كلامها واحتدت عنيها وقالت بغضب وزهول ...ثواني بس..ما انا اتخطفت فعلا...انت اللي ضربتني على دماغي يا منتصر...اوعى تكدب ...انت صح

بقلم...زهرة الربيع

منتصر ضحك بخفه وقال..لا مش هكدب ايوه انا

سهيله قالت بغضب..وبتقولها في وشي

اتنهد وقال..مش انتي الي قولتي متكدبش

سهيله قالت بزهول..وليه تعمل كده افرض جرالي حاجه

منتصر ابتسم وقال..بعيد الشر عن عيونك..اكيد مش هضربك لدرجة تجرالك حاجه..وبعدين انا عملت كده علشان مراتي قليلة الأدب

سهيله بصتلو بدهشه وقالت...انت تقصدني انا

ضحك بخفه وقال...اكيد لما احب اتجوز عليكي هقولك متقلقيش..طبعا انتي هو انا تجوزت غيرك..بقى بتسربيني من العربيه وتهربي لولا اني لحقتك كان الجبان ده وصلك

سهيله قالت بغضب ...انا عايزه اتكلم معاه مبتفهمش ليه ...انت اللي مش سايبني اكلمو لو كنت وافقتني مكنتش عملت كده من وراك من حقي اعرف عمل فيا كده ليه

منتصر قال بضيق..يا غبيه افهمي ..ده كان ناوي يخطفك امبارح باعت واحد صاحبو ياخدك

سهيله بصتلو بزهول وقالت...انت بتقول ايه لا طبعا عل.... .

بس قاطعها لما رفع الطاسه وقال بغيظ ...لو قولتي علي ميعملش كده هخبطك بيها بس هتأكد انها تجيب اجلك المرادي

سهيله اتنهدت بحزن وقالت...انت معاك حق مبقاش فيه حد يتوثق فيه ابدا و...هو انا ليه سقعانه كده ورجليا حاسه بهوا و

بس قطعت كلامها بزهول شديد لما بصت لنفسها واتفاجأت انها لابسه قميص ابيض بتاعو واصل لفوق الركبه ورجليها كلها مكشوفه

شهقت بزهول وقالت بصراخ...ايه ده.....هدوووومي فين يا حيوان انت عملت ايه منك لله

اما اسيا فصباحها كان اخر حاجه تتوقعها لما صحيت لقت نفسها بين احضان اكمل وضماه ليها كمان بصتلو لثواني بتحاول تستوعب اللي شيفاه بس بعدت بسرعه وزهول واتألمت جدا من الجرح وقالت..ااااه

اكمل صحي وبصلها بلهفه وقال..ايه مالك ... في حاجه وجعاكي الجرح كويس

اسيا قالت بغضب..... بقول لك ايه ما تعملش نفسك قلقان عليا ....مش مكسوف من نفسك بطولك ده كله وتعمل تصرفات العيال دي

اكمل قال باستغراب...هو انا عملت ايه على وش الصبح كده...ده انا لسه صاحي اكون ضايقتك في الحلم وانا ما عنديش خبر

اسيا قالت بغضب.... اسمع يا بني ادم انت انا تعبانه اليومين دول.... لاحظ اني مش هقدر اعافر معاك زي العاده.... لازق فيا ليه على الصبح ازاي تستغل وضعي وتقرب مني بالطريقه دي

اكمل اتنهد ووقف وبقى يختار حاجه يلبسها من الدولاب وقال ...الحق عليا اللي بساعدك حسيت ان ناقصك حنان قلت اعوضك شويه

اسيا قالت بغيظ من كلامه..... انا مش ناقصني غير انك تبعد عن طريقي خالص لو ده حصل هيبقى اسعد يوم في حياتي

اكمل بص لها وميل عليها وقال. مش هتبقي مبسوطه

اسيا بصت له باستفهام وهو كمل وقال ..لو انا اختفيت من حياتك مش هتبقى مبسوطه نهائي.... انا متاكد من كده

ولسه هيمشي قالت بغضب..... مغرور قوي... على ايه مش فاهمه

اكمل بص لها وغمز وقال.... اسيا الانصاري مراتي في احلى من كده بذمتك من حقي اتغر ده انا ما حدش قدي في الدنيا دي كلها

وضحك بسخريه ودخل على الحمام

اسيا بصت لطيفه بغيظ بس لمعت عيونها وظهرت ابتسامه على ملامحها وهي بتفتكر قربو منهاو كلامه وحركاته و خوفو عليها امبارح

واتنهدت بحزن لما افتكرت الوجع اللي كان في عيونه بعد الكلام الجارح اللي قالتهولو .....كانت مندهشه جدا من افكارها دي وهزت راسها بعنف علشان تبعد اي فكره عنها وقالت... هو في ايه انا زعلانه عليه ولا صعبان عليا ولا ايه ما تركزي كده يا اسيا في ايه مالك

ووقفت فجاه واحتدت عنيها بغضب وقالت ....ورايا حاجات اهم من الافكار الغبيه دي..... ماشي يا عدي انا هوريك يا واطي

ولبست وعيالها سوسته قفلتها بسرعه عشان انت ساعتها في اللبس وطلعت وهي متالمه جدا مع كل حركه بس عينيها مليهم الغضب

عند لؤي كان واقف قدام اوضه سهيله عايز يخبط على فرحه ويعتذر لها عن اللي عملو ومش عارف وبيحاول بينه وبين نفسه مش لاقي اي صيغه مناسبه يبدا بيها الكلام

↚

رفع ايده لسه هيخبط على الباب بس اتفاجئ لما فتحت

بصتلو بابتسامه وقالت.... ايه ده انت هنا انا كنت لسه جايه لك اطمن عليك .....كنت قلقانه عليك قوي امبارح

لؤي نزل عيونه في الارض بحرج وقال ... هو مين يقلق على مين يا فرحه

وكان منزل وشه ومش بيص لها ابدا

فرحه ضحكت بخفه وقالت..... في ايه يا جدع ما فيش اي حاجه تستدعي الكسوف ده...انت ما لكش ذنب في اللي بيحصل ده

لؤي اتنهد وقال .....ما فيش حاجه ازاي بس ....انا اسف جدا على اللي حصل لك امبارح موقف سخيف جدا... انا انهارده هدور لك على مكان تقعدي فيه هيبقى أمن لو وبقيتي بعيد عني

فرحه قالت بلهفه وسرعه من غير ما تفكر ....انا مش عايزه اسيبك

لؤي بص لها بدهشه

وهيه خدت بالها لجملتها وقالت بتوتر... قصدي يعني قصدي مش عايزه امشي من هنا يعني واسيبكم كلكم ....واتنهدت وقالت ....لؤي بلاش تهرب بانك تمشيني انا او غيري من حياتك ده مش حل الحل انك تواجه مرضك لازم تحكي للدكتور عن الاسباب بتاعتك علشان يعرف طريقه العلاج المناسبه

لؤي بصلها بصدمه وقال..... اسباب..... اسباب ايه انا ما عنديش اسباب ومش عارف الحاله دي من ايه

فرحه اتنهدت بحزن عليه وقالت..... مفيش انفصام بيجي من غير سبب لازم تكون في عقده سببته ولو تحكي لي ممكن اساعدك على فكره...امبارح قولت كلام غريب قولت كل الستات زيها..هو انت....انت كان عندك حبيبه

لؤي بلع ريقه بتوتر شديد وقال ...هو انا قلت لك ايه... حكيت ايه بالظبط

عند منتصر كان بيضحك جامد

على سهيله وشكلها لما شافت هدومها وقال... ايه يا بت الخضه دي حسستني انك مع واحد من الشارع انا جوزك يا متخلفه يعني لولا دماغك اللي عايزه كسرها دي كان كل ده اتشاف من زمان

سهيله قالت بزهول..ايه قله الادب الي في دمك دي ازاي تعمل كده...عملت ايه تاني...اعترف عملت ايه

منتصر قرب منها قوي وحاصرها عند المطبخ وقال...كان نفسي اعمل بس مش حابب اخد حاجه الا لما انتي تديهالي بموافقتك..بس للامانه الجمال ده ليكي حق تخبيه...ده القلب فيه اللي مكفيه

حاولت متبتسمش على كلامو وقالت بضيق مصتنع...متعملش كده تاني...وبعدين لك نفس تهزر بعد كل اللي عرفناه

ابتسم وهو بيبص لعيونها وقال..هو ايه الي عرفناه

سهيله نزلت عيونها بحزن وقالت...منتصر انا بقيت مدمنه فاهم يعني ايه

ابتسم وهو بيبصلها بحنان وقال...انا اكتر واحد افهم الكلمه دي لاني ادمنت عيونك من اول جرعه

ابتسمت غصب عنها وبصت لعيونه اللي تقريبا اول مره تاخد بالها لجمالهم وكان بينهم نظرات حلوه جدا

منتصر قال عارفه في الافلام الهندي لما يكونو البطل والبطله قرييين كده بينزلو باغنيه رومانسي على طول

ضحكت بخفه وقالت...هندي انت بتسمع هندي معقول

منتصر ابتسم وقال..ايام الطفوله العبيطه وكنت اتفاجأ معاهم كل مره واخاف واتخض..... دلوقتي بقيت كل ما الاقي مشهد كان بيعجبني زمان بسمعه كنوع من التعذيب النفسي وجلد الذات على الغباء اللي كنت فيه

سهيله ضحكت ضحكه جميله جدا

وهو ده المطلوب كان بيعمل المستحيل علشان يفرحها ...تاه في ضحكتها الحلوه وقال..طب بما اننا في المطبخ مش في فيلم هندي ما تغني انتي... انا لما كنت اسأل عدي عنك قلي ان صوتك حلو

سهيله بصتلو بدهشه وقالت ...اممم...وانت كنت تسأل عدي عني ليه

منتصر حمحم وقال....يعني انتي بباكي غالي عندي وعشنا طفوله حلوه سوا..وانا فضلت على تواصل مع عدي وكنت اسأل عن الكل يغني...يلل بقى متتهربيش غني

سهيله ضحكت بخفه وقال....يابني استغفر الله ... غنا ايه بس مبحبش الحاجات دي

منتصر ابتسم وقال...امم طيب بلاش تغني اقري قرأن يلا اقري وسمعيني

سهيله ابتسمت وسمت الله وقرأت بعض ايات الذكر الحكيم بصوت عذب جدا ختمتهم بقوله تعالي..... ولنبلونكم بشيئ من الخوف والجوع ونقص من الأموال والأنفس والثمرات وبشر الصابرين ...اللذين اذا اصابتهم مصيبة قالو إنا لله وانا اليه راجعون

كملتها بالعافيه من اختناق صوتها بسبب بكائها المكتوم بس مقدرتش تسكت اكتر وانفجرت بالبكا وهيه بتقول بمنتهى القهر.... ياااااارب

منتصر شدها لحضنه بقوه وبقى يطبطب عليها وعيونه لمعت بالدموع وقال....ربك كبير يا سهيله كل حاجه هتتحل هنفضل هنا بعيد عن الكل لحد ما ترجعي احسن من الاول

قالت في وسط بكاها...صعب..صعب يا منتصر النسبه كبيره في التحليل وانا باخد السم ده من فتره كبيره ..انا..انا بقيت احتاجها قوي..انا اصلا دلوقتي محتجاه جداا

بقى يضمها اكتر وقال ....انتي اقوى من كده هتتحملي وانا جمبك وربنا معانا هنبدأ وباذن الله هيقوينا

عند فرحه كانت بتحاول تقنعه انو يزور الدكتور ويتكلم معاه بس لؤي كان كل همه يعرف حكى ايه وهو مش في وعيه قال....يا بت نشفتي ريقي اتكلمي انا قولتلك ايه بالظبط

فرحه اتنهدت وقالت...قولت كلام غريب ...قولت كلكم وسخين و... لسه هتكمل شافوا اسيا طالعه من الاوضه بالعافيه وهيه بتستند على الحيط

اتقدموا عليها وفرحه سندتها بسرعه وقالت.... انتي رايحه فين دلوقتي انتي لسه تعبانه ازاي تطلعي

اسيا قالت بغيظ ....هروح اتكلم مع عدي شويه

لؤي قال بضيق...اسيا استهدي بالله وارجعي على اوضتك علشان خاطري وكل حاجه هتتحل

بس اسيا كانت متعصبه جدا بعد ما عرفت من اكمل انو عمل معاها التصرف ده علشان يغيظه

قالت بغضب ...انا كويسه يا لؤي اصلا مش بقدر على قعدة الفرشه ....اطلعوا من الموضوع ده لو سمحتوا

بقلم...زهرة الربيع

وراحت ناحية اوضه عدى بغضب شديد لؤي وفرحه راحو وراها وهما بينادوا عليها بس ما سمعتش الكلام

خبطت على باب اوضه عدي بقوه وهيه بتقول ....عدي اطلع يا عدي انت يا باشا افتح

عدي اول ما سمع صوتها جري فتح بسرعه وقال بسعاده.....اسيا...حمد الله على السلامه يا حبيبتي... انت كويسه الحمد لله انك قومتي وبخير

اسيا قالت بغضب شديد.... انت ايه اللي عملته امبارح ده يا حقير..... انت فاكرني ايه عشان تغيظ الباشا وتلعبوا مع بعض قط وفار انتوا الاتنين تقل ادبك معايا يا سافل

لؤي قال بشك... هو عمل ايه

عدي اتوتر جدا وقال..... ما فيش يا لؤي ما فيش.... هي بس تلاقي اعصابها تعبانه شويه...اسيا خلينا نتفاهم انا وانتي جوه ومسك ايدها

بس دفعت ايده وضربته قلم قوي وقالت بغضب رهيب.... اياك تلمسني يا وسخ... اياك

ولسه هتكمل سمعو صوت اكمل صفر وقال... وسع للمطرقع خدلك لك قلم كمان دي ادين ما يتقلهاش لا

عدي بصله وغيظ وبص لاسيا بغضب شديد وقال... انتي ازاي بتعملي كده وانتي عارفه اني بعمل كل ده علشانك وعلشانا سوا

اسيا ضحكت بسخريه وقالت...لا بجد ..وانت من امتى بقى بتعمل حاجه علشانا استنى كده خليني افتكر اخر حاجه عملتها علشانا سوا كانت ايه....اه كانت لما مضيت للحيوان ده على ورقه ذلنا بيها كلنا ....ده اللي قدرت تعمله علشانا

وزعقت فيه بغضب وقالت....ودلوقتي علشان تستفزه تقرب لي بطريقه عارف ان انا رافضاها يا وسخ وتنسى اني بنت عمك

ودفعوه في صدره بقوه و كانت هتقع لانها مش متزنه

بس اكمل سندها بسرعه وشدها عليه وهو بيمشي ايده على شعرها قدام عدي باستفزاز وقال... بس بس اهدي كلب ما يسواش ما تزعليش نفسك يا شابه

اسيا كانت منفعله ومش حاسه باللي بيعملو وبتزعق بغضب وقالت ....كلب فعلا وحقير

اكمل كان بيضمها ليه بقوه وقال....وحيوان كمان

اسيا قالت بغضب وسرعه...حيوان وزباله و

بس قطعت كلامها لما اخذت بالها ان اكمل حاضنها ومستغل الموقف قالت بغضب ...وانت ازبل منه ما تلم روحك انت الثاني

فرحه ضحكت جامد ولؤي اتنهد وقال ...ممكن حد يفهمني اللي بيحصل

اكمل لسه هيتكلم جه عصران زي المدفع بغضب شديد ووقف قدام اكمل ومسكه من هدومه بغضب اعمى وقال ....انت اللي عملت كل ده... صح... ايه اللي عملته ده يا حيوان

اكمل بصلو بضيق شديد وقال ...عملت ايه

عصران قال بغضب وهو بيهزه من هدومه ....بتسأل عملت ايه يا حيوان يا سافل ....انت اللي وافقت على الصفقه الخسرانه لللي محدش عايزه يجازف فيها.... عايز تخسرني تعب السنين دي كلها

اكمل ابتسم باستفزاز وقال.... ايوه انا طبعا...ازاي يجيلك قلب تسألني... اوعى تكون شكيت في حد غيري ازعل والله

...ومش بس الصفقه دي...لا لسه استعد للافلاس قريب قوي يا عمي

عصران سابو وهو بيبصلو بزهول و قال بصدمه ....افلاس ووو

↚

اه افلاس ..وقريب جدا كمان وحياة كل كلمه زي السم سمعتها وحياه كلمه ابن حرام اللي طوقتوني بيها عمر بحاله لاخليك تشوف الدنيا دي كلها بتتهد على دماغك والفلوس اللي خوفت ان حد يشاركك فيها هتتسحب من تحت ايديك زي الميه ومش هتعرف تسيطر عليها

عصران بلع ريقه بتوتر شديد من كلامه وقال... انت ليه مش عايز تفهم ان انا ما ليش دخل باللي حصل... انا ذنبي ايه اذا ابوك ما قبلش يعترف بيك ولا امك جابتك في الحرام دخلي ايه

اكمل ضحك باستهزاء وقال.... دلوقتي بقى دخلك ايه ناسي لما امي جات لك وطردتها... بلاش دي ناسي الطفل اللي جه وقف على بابك بكل براءه وسعاده وهو فاكر انو خلاص هيخلص من كل كلام الناس اللي بيقتله كل يوم ...خلاص وصل لبيت ابوه وفاكر هيحضنوا هيروح يقول لاصحابه ابويا اهو ..انا عندي اب زيكم

واحتدت عنيه بغضب وقال ..فاكر يومها لما خليت الخدم يطردوني وقولت ان معندكمش اولاد بره البيت ده ..قولت لي شوف امك جابتك من فين ..واخوك بقى اللي بتتكلم عنه واللي كان واضح جدا عدم اتزانه العقلي قال لك انه حاسس اني ابنه قلك سيبه يا عصران ...بس انت امرته يطلع فوق زيه زي اي عيل ودلوقتي بقت الكلمه مش كلمتك وبقى هو اللي عمل دلوقتي لما اثبت لك امي جابتني من فين...و لسه هثبتهالك كتييير يا عصران بيه

اسيا كانت بتسمعوا بدهشه من الكلام اللي اول مره تعرفو و لمعت الدموع في عينيها حتى لؤي تاثر جدا بكلامه الجميع حس بشفقه كبيره عليه

اكمل حس دموعه بتحرق عيونه ومش قادر يخبيهم اكتر وخايف جدا ينزلوا قدامهم مشي بسرعه بس وقف على صوت عصران بيقول ...لو افترضنا ان كلامك ده صح وانك فعلا ابن اخويا ..تبقى انت كمان وريث زيك زيي والاملاك دي اللي بتحاول تفنيها بتاعتك كمان يعني انت بتخسر واكتر مني انا لو افلست انت كمان هتأفلس

بقلم...زهرة الربيع

اكمل ضحك جامد وبص له وقال ....ما عملتش حسابها دي تصدق صح

واختفت ابتسامتو واتكلم بغضب شديد وقال... اللي قدامك ده طول عمره مفلس من كل حاجه ...ولا كان عندي فلوس ولا بيت ولا اهل ولا حتى اسم... انا اكمل ابن الحرام ابن الرقاصه معنديش غير الاسم ده ومكتفي بيه ....يعني مش هخسر حاجه فكر في نفسك وبس يا عصران بيه فكر في نفسك وبس

قال كده ومشي وعصران مسح على وشه بغضب شديد وبص لطيفه بحقد وقال.... تعالي ورايا يا اسيا عايزك ضروري

و مشي بسرعه على المكتب بتاعه

اسيا راحت وراه وهي مستغربه جدا الكلام اللي دار بينهم

عند سهيله كانت بتنضف في البيت بطريقه غريبه وبترتب الدولاب اكتر من مره مع ان كل حاجه مترتبه ونضيفه لكن كانت بتنضف كل الاثاث بتوتر شديد

منتصر اتنهد لما شاف حالتها وقرب منها بحزن وقال.. سهيله بتعملي ايه

سهيله قالت بتوتر... المكان المكان كله تراب شايف حاسه بتراب في كل حته

منتصر اتنهد وقال.... سيبي من ايدك المكان نضيف يا سهيله ما فيش داعي للتعب ده ...انا عارف انك تعبانه وبتحاول تضيعي وقت حاولي تقعدي وتهدي افضل

سهيله بصيت له وحاولت تبتسم بالعافيه وقالت....لا انا مش تعبانه مش تعبانه خالص

منتصر بص لوشها و كان مخطوف جدا والعرق نازل على جبينها

حس بوجع شديد في قلبه من حالتها ومسك ايديها وقال... هتعديها ..هتعديها ان شاء الله

سهيله هزت راسها بتوتر وقالت... ان شاء الله... هو انا ما ينفعش....

بس قاطعها بسرعه وقال.... لا يا سهيله ما ينفعش ...استني يومين اتنين بس وهتاخدي جزء من الجرعه اللي كنتي بتاخديها الدكتور عمل لي جدول لازم نمشي عليه

سهيله ابتسمت وقالت بلهفه ...يعني انت... انت معاك منه معاك من الحبوب هنا دلوقتي طيب بص انا مش هاخد كتير هاخد نص حبايه بس ممكن

هز راسه بالرفض بحزن وقال.... ما ينفعش ارجوكي حاولي شويه

سهيله نزلت دموعها وهزت راسها بالموافقه وقالت.... تمام هروح احضر لنا غدا

ولسه هتمشي منتصر شالها بسرعه وراح بيها ناحيه السرير وقال.... بس احنا لسه فاطرين

ونزلها على السرير بحنيه وقعد جمبها وشدها لحضنه وقال....خليكي كده بالنسبالي احلى من اي اكل

سهيله بلعت ريقها بتوتر من قربه وقالت ....منتصر وبعدين بطل تستغل الموقف كل شويه

منتصر ضحك بخفه وقال....هو فيه احلى من ده موقف ...ده انا ابقى حم،،ار ولو مستغلتوش

سهيله ابتسمت بس كان باين جدا الحزن على ملامحها

منتصر اختفت ابتسامتو وقال بحزن عليها..كل حاجه هتنتهي بس الصبر واليقين بالله

سهيله قالت بدموع... ونعم بالله..انا بس فيه سؤال واحد هيجنني يا منتصر...تفتكر عمل معايا كده ليه...ليه ده انا عمري ما اذيت حد في حياتي

منتصر اتنهد وقال بضيق...لسه زعلانه عليه

قالت بدموع زعلانه على نفسي...لاني طلعت زي ما اسيا كانت ديما تقولي..عبيطه وهبله..كانت ديما تحذرني وتقولي مش كل الناس نأمنلها...بس برضو سزاجتي خلتني ابقى اسهل ضحيه

منتصر اتنهد وقال..دي مش سزاجه يا سهيله..ده غباء يا حببتي

سهيله بصتلو بدهشه وقالت...دي كلمه في وقت زي ده..ايه الدعم الهايل ده

منتصر ضحك بخفه وقال..اكدب عليكي يعني...دي الحقيقه...من الغباء جدا انك تاخدي حاجه من حد غريب عنك وتشربيها من غير ما تعرفي مصدرها...ومن الغباء اصلا ان واحده زيك تبص لصلعوك زي ده..ايه الزوق ده اصلا

سهيله ضحكت من قبلها عليه لانو واضح متغاظ جدا وقالت...امممم طيب ...على العموم في كل محنه منحه

بصلها وقال بابتسامه حلوه..اوعي تقولي ان انا المنحه دي اسورق منك هنا على طول

ضحكت بخفه وقالت...لا خلاص بلاش اتكلم احسن

منتصر قعد بحماس وقال...بلاش ده ايه ..ده انا ماصدقت قولي قولي... انا حاسس برضو انك وقعتي فيا ..من اول نظره في عنيا.... قولي قولي متتكسفيش

سهيله ضحكت من قلبها وقالت...كل ده

منتصر ابتسم بسعاده وضمها ليه وقال..ايوه كده ...انا الضحكه دي بتنعشني من جوايا

سهيله ابتسمت وقالت بامتنان...مش عارفه اشكرك ازاي وعلى ايه ولا ايه...انت رحمة ربنا ليا...كل ما افكر في الفتره اللي فاتت بلاقيك سبب حمايتي ...من اول ما روحت القسم وكنت ممكن البس قضيه والظابط دايقني جدا بس في قلب محنتي لقيتك قدامي...وبعدها في الفرح روحت علشان اقابلو واقلو يمشي بس الحقير فضل يستعطفني ويستغل مشاعري ويقولي هنتحر كنت فكرت اركب معاه علشان ميأذيش نفسو..والله اعلم كان ناويلي على ايه...بس برضو لقيتك قدامي..وحتى موضوع الحبوب انت كشفتو..مش لاقيه اي كلمه تعبر عن شكري ليك يا منتصر

منتصر ابتسم ومسك ايدها وحطها عليه وقال...احضنيني

سهيله قالت بدهشه ..ايه

ابتسم وقال..زي ما سمعتي مش عايزه تشكريني ومش لاقيه طريقه مناسبه..هيه دي الطريقه اللي تناسبني احضنيني قوي هموت على حضن منك

سهيله ابتسمت بكسوف وضمتو براحه وهو شدد من حضنو ليها وقال..جامد يابت ايه ده بتحضني عصفور خايفه على جناحو

سهيله ضحكت بخفه وضمتو اقوى شويه وهو باس راسها واخد نفس عميق وقال...ربنا يديم النعمه دي عليا مكتفي جدا ياربي...والف حمد ليك

سهيله ابتسمت بسعاده واستخبت في حضنو اكتر لحد ما نامو سوا

↚

عند لؤي كان هو وفرحه رايحين الصيدليه بتاعته وكان طول الوقت بيفكر في الكلام اللي قاله اكمل واللي حصل لاسيا وفي كل المشاكل اللي بتحصل معاهم ومتضايق جدا

فرحه اتنهدت وقالت..... شوف انا عارفه ان ما يحقليش اتدخل ..لكن الكلام اللي قاله ابن عمك ده لو حقيقي ولو عمك كان يعرف فعلا انه ابنهم وسابه يتعذب بالطريقه دي بصراحه يبقى معاه حق يعمل كل اللي بيعمله ده وذياده كمان

لؤي اتنهد وقال.....احنا كلنا منعرفش حاجه غير من شهور لما ظهر وجيه البيت وقال انه ابن عمنا وكده ..ولما سألنا عمي اصر انو كذاب وبيتبلى علينا وان عمي مش بيخلف ورغم انو ورانا تحاليل عمي وتقاريره اللي بتثبت انو مش بيخلف بس مش عارف ليه كل ما اكمل بيتكلم بحس انه صادق جدا رغم كل اللي بيعمله مش بقدر اخد اي موقف تجاهه من الوجع اللي بشوفه في عيونه مش قادره اتخيل لو الكلام اللي بيقوله ده حقيقي ازاي يكون عندنا كل ده ومرتاحين كل الراحه دي ونسيبه يعيش بالطريقه دي .....بس كل ما بتكلم مع عمي يقول انه كذاب وانه زور التحليل كل حاجه بتحصل غلط وانا مش فاهم حاجه ولا عارف اصدق مين

فرحه ابتسمت وقالت بحماس.... طب انا عندي لك فكره انت تقدر تتاكد من كل ده

لؤي بصلو باستغرب وقال.... اتاكد ...ازاي

فرحه قالت .... بص يا سيدي انا هساعدك ...هندخل على اوضتو وناخد فرشة الشعر بتاعته... وانت دكتور صيدلي واكيد عندك اصحاب كتير في المعامل خليهم يعملوا التحليل من غير ما حد يعرف ومن نتيجته هنعرف اذا كان هو الكذاب وزور التحليل... ولا عمك شاكك فيه وخلاص

لؤي ابتسم بسعاده وقال..... ازاي الفكره دي ما جتش في دماغي...بس احنا هنقدر ندخل اوضته كده وناخد الفرشه ونطلع من غير ما يحس

فرحه قالت بابتسامه....سيبها عليا محسوبتك تخطف الكحل من العين

لؤي ضحك بخفه وقال... في دي معاكي حق وبتخطفي قلوب كمان ..ولو عليها الف حارس

فرحه ابتسمت بكسوف ونزلت عيونها وقالت بتوتر ....احم....اه صحيح حصلت كذا حاجه معانا ونسيت ابارك لك عمك قال انه هيخطب لك اخت الظابط مبروك

لؤي ضحك بخفه وقال ...والله الله يبارك فيكي بس انا رأيي تاجلي المباركه لحد ما ابقى فعلا استاهلها

فرحه قالت باستغراب.... قصدك ايه

لؤي بصلها بنظره جميله وقال ....قصدي ان انا مش هتجوز غير اللي تقدر تخطف القلب ها تخطفه واخده بالك انتي

فرحه كان قلبها حرفيا هيطير من السعاده هزت راسها بسرعه وقالت ....امم..واخده

لؤي اتنهد وقال.... بس ادعي ربنا يبعد عننا حمدي لاحسن لو فضل لازق لي كده لا هيبقى في جواز ولا تفكير فيه حتى

فرحه قالت بسرعه .....ليه مش يمكن اللي تخطف قلبك دي تكون انت كمان خطفتها ومعندهاش مشكله مع حمدي... ممكن تكون بتحبه اكتر منك كمان

لؤي بصلها بدهشه وسعاده وقال.... قولي والمصحف يا بت

فرحه ضحكت جامد ولسه هترد جاتلها مكالمه بصت للتليفون واتغيرت ملامحها لخوف شديد لما لقتو علي وبصت للؤي بتوتر

لؤي اتنهد وقال.... هو صح

هزت راسها بالموافقه وقالت ....هو

لؤي ابتسم وهو بيحاول يطمنها وقال.... ردي عليه ما تخافيش

فرحه ردت وقالت... نعم

جالها صوتو بيقول بغضب شديد .....ما بترديش ليه كل ده ..من امبارح برن عليكي بلاقيه مغلق الظابط كشفني واخذ مراته على مكان مش عارف اوصله.... لازم تعرفيلي عنوانهم ضروري

فرحه قالت باستغراب... كشفك... كشف ايه بالظبط انت بتقول ايه

عند اسيا كانت رايحه لعمها وهي معديه من جنب اوضتهم اكمل فتح الباب ومسك ايدها بسرعه وقال .....رايحه فين كفايه مشاكل لحد هنا ادخلي نامي الدكتور قال لازم ترتاحي اليومين دول مش كل حاجه عند

اسيا قالت بضيق....لا ما تقوليش انك خايف عليا مثلا

اكمل نفخ بخنقه وقال ..لا طبعا ....كل الحكايه مش عايز تجرالك حاجه تيجي في وشي

اسيا ضحكت بخفه وقالت..... لا وانت الصراحه بيهمك اوي....على العموم عمي عايزني هرد عليه واجي

اكمل قال باستغرب.... عايز منك ايه

اسيا بصتلو باستفهام وقالت...هو المفروض اجاوبك

اتنهد بضيق منها وقال... مش شرط ..مسيري هعرف يلا روحي لعمك يا حبيبه قلب عمك ...ومقدما لو طلبوا كان انه يتفاوض معاكي علشان اتراجع عن شغلي في الشركه مش هيحصل قوليلو ميتعبش نفسو على الفاضي

اسيا هزت راسها بيأس منه ولسه هتمشي قال بسرعه ...اسيا انتي بجد تعبانه.. بعيدا عن كل شيء كلميه وتعالي ارتاحي وبلاش عند ...ده مش موضوع تعندي معايا فيه

اسيا ابتسمت ابتسامه جميله وقربت منه وبصت لعيونه جامد وقالت ....حاسه فيك حاجه ناقصه

اكمل بصلها باستغراب

وهيه ركذت في عيونه اكتر و قالت بدلال ... قلبك حساه مش في مكانه يا فنان...انا من رايي تدور عليه هو لسه في خطواته الاولى يعني تقدر ترجعه مكانه ده احسن لك لمصلحتك يعني

اكمل بقى يبصلها جامد وتايهه في عيونها وحاسس بتوتر رهيب قدامها وهيه ضحكت بخفه ومشيت

اكمل اتنهد بخنقه و قفل الباب بغضب وهو بيلعن نفسه في كل مره بيتهاون معاها فيها ويخليها تاخد بالها لضعفه

عند سهيله ما كملتش نص ساعه وصحيت من النوم بتعب شديد في كل جسمها وحاسه بصداع شديد جدا وتنميل في كل جسمها بشكل شديد وبقت تتألم جدا حاولت تنام تاني بس مقدرتش بقت تفكر في كلام منتصر وانه معاه علبه الحبوب

قامت على اطراف اصابعها وبقت تفتش في حاجته على العلبه وهي بتقنع نفسها انها هتاخد حبايه واحده مش هتضرها في حاجه....من تأثير الالم اللي كانت حاسه بيه كانت مستعده تعمل اي حاجه بس تاخد الجرعه بتاعتها

وابتسمت بسعاده شديده لما لقت العلبه وسط هدومه بقت تفتحها وايديها بترتعش بس اتجمدت مكانها لما سمعت صوته بيقول..... سيبيها يا سهيله

عند اسيا دخلت عند عمها كان رايح جاي بغضب شديد واول ما شافها قال بلهفه .... اسيا كويس انك جيتي يا حبيبتي انا محتاج لك جدا

اسيا قالت باستغراب.... في ايه يا عمي خير

عصران قال بغضب ...مش خير ابدا يا بنتي الزفت اللي اسمه اكمل عايز يغرقنا كلنا بياخدنا للافلاس مضى على صفقه خسرانه بمليارات..و مش مكتفي بكده كمان بيتدخل في شغل المصنع وفي كل حاجه

بقلم....زهرة الربيع

اسيا اتنهدت وقالت ....طب ما تحاول تتكلم معاه يا عمي...هو صحيح مستفز وبايخ بس عرفوا اسبابك وريه التحاليل بتاعة عمي اللي بتثبت انه ما بيخلفش خليه يفهم حضرتك ليه متاكد انه مش ابن اخوك...خليه يعرف ان امه هيه اللي بتخدعه

عصران اتنهد وقال....مش هنستفيد حاجه يا بنتي ده ناوي على خراب... لكن انا لقيت فكره احسن من كده بكتير

اسيا قالت باستغراب...فكرة ايه

عصران طلع اوراق من الدرج بتاعه وقال ....هخليه يمضي على تنازل عن كل املاكه وجهزت كل الورق كمان

اسيا ضحكت بخفه وقالت.... وهو هيمضي لك على حاجه زي كده برده يا عمي

عصران مسك ايدها وابتسم وقال ....انتي هتخليه يمضي يا اسيا.... انا مش عارف خدتي بالك ولا لا بس الولد شكله غرقان فيكي كلنا ملاحظين كده... كلمه وضحكه منك وتشربيه كاسين كده هيمضي ومش هيعرف حتى بيمضي على ايه

اسيا اتسعت عنيها بزهول وقالت بصدمه... انت بتقول ايه ياعمي ... انت ازاي تطلب مني حاجه زي دي...وبعدين انت متخيل ان انا لو عملت كده مش هياخد باله ...ما هو عارف اني مش بطيقه

عصران قال بغضب شديد ....يا اسيا احنا ما قدامناش حل تاني يا بنتي انتي املي الوحيد

اسيا وقفت وقالت بحزم ....مش هقدر المره دي يا عمي ...سامحني.. انا عارفه انه مستفز وكتلة أذى ... بس هو كمان نفسيته مش احسن حاجه وعاش حياه صعبه جدا....مش ذنبو ان والدتو ضحكت عليه وبلتنا بيه... ما اقدرش ازيدها عليه بالطريقه دي واضحك عليه واخسره كل حاجه مش هعمل كده يا عمي

ولسه هتمشي قال بغضب شديد .....لو مش هتتصرفي انتي هتصرف انا ...وطلع سلاحه وحطه جنب ملف الورق وقال ....مش هخسر شقى عمري كله علشان واحد تافه زي ده ....يا يمضي يا يحصل ابوه

اسيا اتسعت عينيها بزهول شديد وصدمه حقيقيه وهي بتبص للسلاح جنب الورق وووو

↚

انت اخر حل قدامي يا تلعبي عليه وتخليه يمضي على الورق يا اما هيحصل ابوه ما بقاش في حل تاني

اسيا اتسعت عنيها بزهول و هيه بتبص للسلاح وقالت بصدمه... يحصل مين ...ابوه...ابو مين

عصران بلع ريقه بارتباك وقال...ايه مش هو بيقول ان عمك ابوه..انا هخليه يحصلو ويخلصني مش هسيبه يدمر شغلي اللي بنيتو بدمي كل السنين دي مش هتفرج عليه وهو بيهده وافضل ساكت

اسيا كانت بتسمعه بدهشه وقالت... انا ما بقتش فاهماك احنا من متى بقينا قتالين قتله ...حضرتك عايز تقتل يا عمي ...لو سمحت استهدي بالله ...انت اكيد مش واخد بالك للي بتقوله انا فاهمه انك متضايق وهحاول معاه وانا متاكده ان انت اللي انت قلته ده ما تقصدوش

بس عصران قال بسرعه....لا اقصده يا اسيا وهعمله كمان لو ما بعدش عن طريقي وعن حياتي اللي صدقت ما بنتها هيكون اخر يوم في عمره... قدامك اسبوع من النهارده لو ما قدرتيش تمضيه هتصرف انا ...والكلام منتهي

قال كده وساب المكتب ومشي وهي فضلت واقفه متجمده مكانها مش قادره تتصور اللي بتسمعه منه

عند فرحه كانت بتكلم علي وقالت ....كشفك ازاي كشف ايه مش تهدى وتفهمني بتقول ايه

علي قال بغضب شديد ....الحبوب اللي كنت عايزك تجيبيها من سهيله دي حبوب مخدره كنت بديها لها من غير ما تعرف انها مخدرات وجوزها عرف انها بتتعاطى وكشف ان انا ورا الموضوع واخدها على مكان مش عارف فين ..وانتي لازم تعرفي لي العنوان ده ضروري فهمتي كده

فرحه كانت فاتحه السبيكر وهي ولؤي بصوا لبعض بزهول شديد وحاولت تهدى قدر الامكان وقالت بتوتر ...انت..انت عملت كده ليه يعني

علي قال بغضب وزعيق.... ده موضوع طويل ما لكيش فيه انتي كل اللي عليكي تعرفيلي عنوانها وبسرعه فاهمه

قال كده وقفل في وشها من غير ما يديها فرصه تتكلم

فرحه حطت ايدها على بقها بزهول وقالت.... سامع الواطي قال ايه

لؤي جذب شعره لورا بزهول وصدمه وقال بغضب من نفسه ...انا اللي غبي الحبوب دي شوفتها معاها قبل كده... كان لازم ارجع الف ورا الموضوع بس ليه ...ليه عمل فيها كده ليه...انا لازم اكلم منتصر وافهم منو لازم

فرحه قالت بسرعه وخوف... لا ...منتصر ظابط وهيسأل عرفنا ازاي هنضطر نحكي له موضوع علي ..انت وعدتني يا لؤي اكيد مش هتعمل فيا كده

لؤي اتنهد وفكر في كلامها وشاف انه صحيح بصلها بابتسامه بيحاول يطمنها وقال.... اهدي انا جنبك اكيد هلاقي حل من غير ما تظهري في الموضوع اكيد مش هسلمك بايدي... انتي ما تعرفيش انتي ايه بالنسبالي

فرحه رفعت عيونها ليه لما قال كده وقالت بابتسامه ...بس حابه اعرف ...عايزه اعرف انا بالنسبه لك يا لؤي

لسه هيرد افتكر حالته ولما كان هياذيها بدون وعي اتنهد بارتباك وقال...انتي..احم انتي بالنسبه لي زي سهيله واسيا بالظبط وغلاوتك من غلاوتهم

فرحه اختفت ابتسامتها تدريجيا وقالت ...سهيله ... واسيا كمان... لا مش معقول ده ايه الكرم ده كله.... تصدق بالله حمدي ده برقبتك

لؤي ضحك جامد وقال بغمز... ايه اللي فكرك بحمدي دلوقتي وحشك ولا ايه

فرحه قالت لغيظ.... انا الغلطانه مش انت اصلا

لؤي ضحك على شكلها وقال باستغراب مصطنع...هو انا قولت حاجه ضايقتك ولا ايه

فرحه كتفت ايديها بخنقه وبصيت قدامها وقالت... لا انا كده مجنونه وبتضايق لوحدي... ممكن بقى تسوق وتخلصني

لؤي كان عايز يضحك على شكلها وساق العربيه وطلع وهو مبسوط جدا لان كل شويه بيتاكد انها بتفكر فيه وعندها نفس مشاعره ...بس بالنسباله كان معندوش استعداد يفاتحها في حاجه دلوقت علشان موضوع مرضه...وكمان موضوع سهيله بقى شاغل كل تفكيره

عند سهيله اتوترت جدا لما منتصر صحي وبلعت ريقها بتوتر وقالت ....كنت..احم كنت هاخد نص حبايه يعني علشان انا ...

منتصر قرب منها واتنهد بحزن وقال.... هاتيها يا سهيله

سهيله قالت بدموع.... منتصر والنبي عشان خاطري انا تعبانه قوي انت ما تعرفش انا تعبانه قد ايه

منتصر حاول يقوى رغم الالم اللي جواه وقال... عارف ..وعارف كمان اللي بتعمليه ده مش حل ..هاتي العلبه ارجوكي

سهيله قالت بعصبيه وزعيق.... لا مش هاجيبها انا حره انت ما لكش كلام عليا اصلا انا ما بحبكش سيبني في حالي

منتصر خد باله انها بدأت تتوتر جامد وحاول يقرب بس هي بعدت خطوات وقالت بصراخ ...بقول لك خليك بعيد عني انا حره اعمل اللي انا عايزاه انت ما لكش كلام عليا

و لسه هتمشي مسكها من ذراعها بغضب وقال ...هاتي العلبه يا سهيله هاتيها يلا

سهيله بقت تخبيها ورا ضهرها وهي بتقول بزعيق... مش هديها لك بقول لك سيبني يا اخي سيبني

بس منتصر كان ماسكها بغضب وبقى ياخدها من ايدها رغم انها كانت ماسكاها بقوه كأنها اخر خيط ليها في الحياه بس طبعا لانه اقوى منها بكتير قدر ياخدها منها وقال بغضب شديد ...اسمعي الكلام بقى... لازم تخفي حاولي تتحملي...طب ايه رايك بقى انا هرميه وحتى الجرعه اللي كنت هديها لك بكره مش هتاخديها

ومشي ناحيه الباب بي اتجمد مكانه بزهول شديد لما قالت بسرعه... انا موافقه لو عايز تتمم جوازك مني

منتصر اتسعت عنيه والتفت لها بدهشه وهيه بلعت ريقها وقربت عليه وقالت... مش انت كنت عايز تدخل عليا وانا مكنتش موافقه.... انا موافقه دلوقتي اديني حبايه واحده واعمل اللي انت عايزه ..هبقى ملك اديك...ها قلت ايه موافق

منتصر كان حرفياا مش مستوعب اللي بيسمعوا منها وقعت دموعه اللي ياما حاول يحبسها في عيونه وخصوصا لما فكت زراير القميص بتاعها وقربت منه وهي مش قادره تقف وقالت بألم واضح... اعمل كل اللي انت عايزه كله بس اديني حبايه واحده

ومكتفتش بكده لا وكمان قربت من شفايفه وسحرته في لحظه اتمناها كتير جدا وهيه بتحاول تاخد العلبه من ايده

عند اكمل كان رايح جاي بغضب شديد وهو بيتصل بعلي اللي رد ببرود وقال ....نعم يا اكمل باشا اؤمرني

اكمل قال بغضب... سبت المستشفى ليه يا زفت... كلمتهم دلوقتي قالوا لي انك مشيت....ما قولتليش ليه انك طالع

علي قال بسخريه... واقول لك ليه.. احنا مش قلنا البيزنس اللي بينا خلاص انتهى فركش

اكمل قال بغضب شديد ....علي ما تطلعش جناني عليك انت عارفني اهدى كده واركز وانا قلت لك اني هجيب لك حقك وحقي

علي ضحك جامد وقال ....لا شكرا ياباشا انت بس ربنا يقويك وتقدر تجيب حقك ده لو قدرت... وما لكش دعوه بحقي انا اولى بيه وهجيبو بمعرفتي

اكمل قال بغضب ....انت تقصد ايه

علي قال بسخريه... قصدي واضح يا باشا واضح كويس قوي انك ما بقتش زي الاول وان السنيوره اللي غرقان فيها لحست عقلك ونستك الايام اللي عشتها بره واللي اتعمل فيك... بس انا بقى اللي راحت دي رجلي وطول ما انا كده هفتكرها انا بقيت اعرج وباوصل للحمام بالعافيه والظابط ده هجيبه تحت رجلي وهيشوف مراته بعنيه وهي في حضني و

بس اكمل قاطعو قبل ما يكمل وقال بغضب زعيق ....اوعى والله العظيم قسما بالله يا علي لو لمست شعره منها ليبقى حسابك معايا انا ...انا وبس ....ومحدش هيعرفني قدك

بس علي مخلهوش يكمل كلامه وقفل السكه في وشه

اكمل قال بزعيق..... يا حيواااان

ورمى التليفون على الارض بغضب وجذب شعره لورا وهو هيتجنن منو

هنا دخلت اسيا و بصت له باستغراب من اللي عملو

اكمل قال بغضب... ايه بتبصيلي كده ليه انتي كمان

اسيا حاولت تبان طبيعيه وقالت.... ما ببصش عادي.... وفيها ايه واحد بيزعق مع نفسه وبيكسر التليفون حاجه مش غريبه يعني

اكمل قال بخنقه.... النهارده مش فايق لك ماشي اتجنبيني السعادي و لو معاكي كلام بارد زي العاده اهانات سخافه اسئله اي حاجه اجليها... صدقيني احسن لك

اسيا قعدت على السرير بضيق وهي حاطه ايدها على مكان الجرح بالم وقالت...على اساس اني فيقالك قوي ومش ورايا غيرك

اكمل بص لها بقلق واضح وقال.... انتي بتتألمي صح... في حاجه وجعاكي خليني اشوف لك مكان الجرح

اسيا رجعت لورا بسرعه وقالت.... تشوف ايه انت عبيط خليك بعيد عني

↚

اكمل قال بسرعه ...يا بنتي في ايه سيبيني اساعدك ما انا شفت لك الجرح امبارح ايه اللي كان حصل يعني

اسيا قالت بغضب .. امبارح ده استثناء علشان انت استغلالي واستغليت وضعي

اكمل اتنهد وبص بعيد منها وقال ....يا ريت كان علشان كده

اسيا استغربت جملته وقالت بدهشه.... يا ريت

اكمل حمحم وقال.... قصدي يعني ان ده كان مجرد شعور بالذنب لان انا اللي عملت فيكي كده مش استغلال

اسيا ابتسمت بسخريه وقربت منه وقالت... شوف يا اكمل انا اخر واحده في البيت ده ممكن تضحك عليها رغم كل الغموض اللي بتدعيه لكن انت مكشوف قوي قدامي

اكمل بص لعيونها مباشرة وقال... انا مش بتاع غموض ولا بحبه حتى طول عمري دغري واللي معايا بقوله فورا ..انتي بقى عايزه تسمعي ايه بتلميحاتك دي...اني وقعت فيكي وكسرتيني بعيونك مثلا ..او ان وصولي ليكي كان غايه مش انتقام او اني غريق في بحرك واتمنى اوصل لبرك.... ده اللي نفسك تسمعيه من الصبح صح

اسيا ابتسمت بسخريه وقالت.... دي الحقيقه اللي بتحاول تنكرها

اكمل ابتسم ابتسامه جانبيه وقال..... بس انا مبنكرش

اسيا اتسعت عنيها بدهشه وهو كمل وقال... انا صريح جدا عودتني الدنيا على الصراحه ..وبصارح نفسي باي حقيقه قبل الدنيا ماتفاجئني بيها

اسيا بلعت ريقها بتوتر شديد من كلامه ونظراته وقالت... يعني ايه ...ما فهمتش

اكمل ضحك بخفه وقال.... لا فهمتي يا اسيا

وميل عليها وقال بهمس عند ودنها .. بس مش هتسمعيها مش هريح فضولك وغرورك.... لان انا زي ما اتعودت اصارح نفسي عودتها على البعاد و الفراق من اي حد مهما كان عزيز

وبعد خطوات بس وقف لما قالت... ده لان عمرك ما جربت يكون عندك عزيز يا اكمل وعلشان كده بتستسهل الفراق

اكمل اتنهد وقال.... يمكن ...عشان كده مش هتفرق معايا اعتبر نفسي لسه ما بقاش عندي ولا هيبقى

ولسه هيمشي وقفت قدامه بسرعه وقالت ....نفسي اسالك سؤال واحد... ايه اللي مخليك متاكد من كلام والدتك مش يمكن بتضحك عليك لو كانت طمعانه ان الموضوع يظبط وتاخد لها قرشين مثلا ...اوعى تقول لي انك بتثق فيها للدرجه اكمل اتنهد بخنقه وقال .....انا ما بثقش حتى في نفسي ...واظن التحليلات اثبتت لكم اللي بقوله

اسيا كتفت ايديها وقالت بضيق...انت عارف ان الحاجات دي.تذويرها سهل جدا خصوصا دلوقت

اكمل ابتسم وبصلها بسخريه وقال..... عارف وده السبب اللي خلاني صدقت امي... لاني مزورتش حاجه انا لما عمك طردني قبل 15 سنه كنت طفل معرفش اذا كان كل الكلام اللي اتقال لي كدب ولا لا وهل ده فعلا مش بيتنا ولا ليا اهل هنا زي ما قال لحد من شهور لما قررت ارفع القضيه

و يوم ما عملت التحليل اتمنيت لو طلعت غلطان وطلعت امي كذابه احسن بكتير من اللي حسيته وقتها لما عرفت ان اهلي كان هين عليهم جدا يسيبوني بالحاله اللي كنت فيها ت...عرفت قد ايه انا قليل ورخيص

قال كده وخرج من الاوضه بغصب ودموع محبوسه في عيونه

اسيا اتمهدت بتاثر من شكله وقعدت على السرير وقالت.... طب وبعدين يا ربي انا اصدق مين واكدب مين

عند لؤي كانوا قاعدين في الصيدليه وبيرتبوا الادويه وفرحه بتحاول تقنعو يرجع يروح لدكتوره قال...انتي عيزاني تجننيني ارجعلو اقول ايه ... بقول لك بتعالج من سنه ما فيش فايده فالح بس كل ما اروح له يقول لي اهدى ريلاكس وينعكش في شعره والله انا ببقى هادي عنه

فرحه ضحكت وقالت.... يالؤي ما هو لازم تشوف لك حل بصراحه امبارح كنت متوتر زياده عن اللزوم وبقيت تقول كلام غريب جدا

لؤي اتنهد بحرج وقال....انا..احم...انا مش عارفه اعتذر لك زاي

فرحه سابت الحبوب وقربت منه وقالت.... بطل الكلام الاهبل ده انا مش زعلانه منك انا زعلانه عليك ...يعني ممكن تحكي لي على فكره لو مش حابب تحكي للدكتور

لؤي ابتسم ابتسامه جميله وقال... انتي اجدع من اي دكتور

فرحه رجعت لورا خطوات بتوتر وقالت ...ايه هو رجع ثاني ولا ايه

لؤي ضحك من قلبه وقال... لا ما تخافيش ...وهو انا يعني ما اعرفش اقول لك كلمتين حلوين الا لو جيه تاني

فرحه ابتسمت بخفه وقالت.... اصلا كل الكلام اللي بيطلع منك حلو

لؤي اتنهد بسعاده من جواه وقال ...انتي تستاهلي الحلو كله

فرحه ابتسمت بكسوف وحاولت تغير الموضوع وقالت ....طيب خلينا في الجد بقة هنعمل ايه في موضوع سهيله

لؤي اتنهد وقال.... انا هتجنن من وقت المكالمه دي....انا مش عارف واحده زي سهيله يتعمل فيها كده ليه...و مين الولد ده وايه هدفه مش فاهم اي حاجه

فرحه بقت تفكر معاه و لسه هترد اتسعت عنيها بزهول لما افتكرت حاجه مهمه جدا وقالت..... انا ازاي نسيت الموضوع ده

لؤي بصلها باستغراب وقال...موضوع ايه

فرحه قالت بسرعه.... اكمل ابن عمك ....اكمل يعرف الموضوع كله اكيد هو اللي هيقول لنا تفاصيله

لؤي بص لها بزهول وقال.... اكمل..اكمل دخلو ايه بواحد زي ده

فرحه قالت بسرعه ....اكمل يعرف كل حاجه وكان عايز يهرب سهيله مع علي يوم فرحهم ...وهددني كمان انو يعرف موضوعي كله واني اسكت والا هيسجني

لؤي اتسعت عنيه بزهول شديد وهو مش مصدق اللي بيسمعه

عند منتصر كان مصدوم جدا من اللي عملته سهيله رغم كل الالم اللي جواه على حالتها لكن لما قربت منو كده احساسه ليها غلبه قوي وحواطها باديه وبقى يقربها منو اكتر وهيه مش بتحاول تبعد كانت مشغوله بانها تاخد منه العلبه

منتصر سند جبينه على جبينها وقلبه وجعه جدا وقال.... اول مره تقربي مني يا سهيله... اكثر لحظه اتمنيتها بقيت اكتر لحظه توجع قلبي ...حاولي تتحملي ارجوكي لو سمحتي ده لمصلحتك

سهيله بصتلو بدموع واتكسفت جدا من نفسها مش سهل عليها تعمل اللي عملته اتملك منها غضب شديد وضربته بغضب في صدره وقالت.... وانا بقول لك عايزاها انا حره ملكش دخل بيا هات العلبه بقول لك هاتها يا منتصر

بس منتصر كان واقف مكانه سايبها تضربه وتطلع كل اللي جواها لحد ما تعبت جدا وضعفت وبقت تبكي جامد و حست بدوخه وكانت هتقع بس شالها بسرعه حطها على السرير

وبص لشكلها بحزن شديد وهيه نايمه وبتقول بتعب شديد .... هاتها...هاتها بالله عليك... واحده... مش هاخد غيرها

قعد على السرير او بمعنى اصح رجليه رفضت الوقوف اكثر وحط ايده على دماغه وهو مش عارف يساعدها ازاي ولا الايام دي هتمر ازاي ..واحتدت عنيه بغضب رهيب وهو بيفتكر علي وبيتوعد له على اللي عمله

عند علي كان نفس التفكير ومتضايق جدا من منتصر وانه مش عارف يوصله كلم واحد في التليفون وقال.... عملت ايه

وسمعه شويه وقال بغضب..... يعني ايه مش عارف توصل له انشقت الارض وبلعته

وسمعه شويه وقال... طب اسمعني كويس ...في كتكوته صغيره تبقى اخته سايبها عند واحده قريبته لحد ما يرجع بتدرس في جامعه هبعتلك عنوانها ... البنت دي تلزمني انا هعرف ازاي اجيبه راكع عند رجليا

اما اسيا كانت واقفه محتاره بين كلام عمها وبين كلام اكمل قالت بعصبيه ....انا مش هفضل واقفه مكاني انا هحل الموضوع ده

ونزلت بسرعه على الصاله وكان اكمل بيشرب قهوته وقفت قدامه وقالت بحزم..... شوف انا الاول مره عايزه اصدقك بس طبعا مش هصدقك بناء على كلامك ده وبس ...هتيجي معايا وتعيد التحليل اللي انت قلت انك عملته في معمل انا اختاره وقدام عيني

اكمل اندهش من طريقتها وضحك بسخريه وقال.... هو الظاهر كده اني مش لوحدي اللي مهتم ...سامع صوت قلب بيدق من بعيد..دوم..تك..دوووم تك

اسيا قالت بضيق اكمل.... انا مش بهزر ....انا اتربيت عمري كله على ان كلام عمي هو اللي صح وهو بيقول ان عمي مبيخلفش ومعاه اثباتات ..وانت بتقول العكس يبقى الميه تكتب الغطاس تيجي معايا ولو كلامك طلع صح انا هقف معاك للاخر

اكمل وقف وحط ايديه في جيوبه ببرود وقال... اخر همي تصدقيني انتي او عمك مش هاممني

اسيا كتفت ايديها بغضب وقالت بتحدي ....تبقى خايف او بمعنى اصح متاكد ان كلامه صح

اكمل لسه هيرد بس اتصدموا بدخول لؤي هاجم عليه زي المدفع وهو بيقول بزعيق وغضب..... يا حيواااان يا وسخ يا ابن الحراااام

فرحه كانت بتجري وراه بتحاول تمنعه واسيا واكمل اتصدموا بشده

و قبل ما يسالو كان هاجم على اكمل بيضربه بغضب وهو بيقول.... عملت لك ايه يا وسخ ذنبها ايه في كل ده سهيله ذنبها ايه في اللي حصلك يا قذر ليه تظلمها كده دي عمرها ما ظلمت حد

اكمل كان بيحاول يبعده عنه من غير ما يضطر يضربه واسيا كانت مصدومه ومش فاهمه اي حاجه وبتحاول هيه وفرحه يبعدوهم عن بعض

عصران وعدي جم جري على صوته كانوا بيحاولوا يبعدوه عن اكمل واتصدموا بالجمله بتاعته وعصران قال بزهول.... سهيله مالها سهيله عملها ايه انطق ووووو

↚

عملت لك ايه عشان تسلط عليها وسخ زي ده.... ليه سهيله ليه يا كلب يا ابن الحرام

جم اي عصران وعدي بسرعه اول ماسمعو الزعيق

عصران اتخض لما سمع اسم سهيله وقال باستغراب... مالها سهيله هو في ايه

لؤي اول ما قال كده ساب اكمل وبقى يبص لهم ومش عايز يقول حاجه

اكمل ابتسم بسخريه ومسح الدم من على شفايفه وقال اللي انجرحت من لكمات لؤي وقال ببروده المعتاد....كده برده يا لولو ده انا بقول عليك عاقل ...يلا بقى قول لعمك قوله في ايه

لؤي بصله بغيظ شديد

وعصران ارتبك اكتر وقال بقلق.... هو عمل ايه كمان عامل بلوه ولها علاقه بسهيله ولا ايه

اكمل غمز وقال.... وانا اقول انا طالع ذكي ولماح لمين اتاريها جينات وراثيه

اسيا كانت هتتجنن من الكلام اللي قاله لؤي وعايزه تفهم الموضوع وقالت بسرعه.... ما فيش حاجه يا عمي.... اصلا اسم سهيله جيه بالغلط في الموضوع

تعالى يا لؤي عايزاك في الاوضه...و بصت لاكمل بطرف عينها وقالت..... انت كمان تعالى معانا يلا

ومشيت خطوتين بس اكمل فضل واقف مكانه ببرود رجعت شديته بإيدها بسرعه وقالت بغيظ...قولت يلاا

اكمل ضحك لانها كانت متغاظه قوي ومشي معاها وهو بيغمز لعدي وبيغني باستفزاز وقال .....لمست ايدي عملت دوم تك الكهربا مشيت في الشرايين

عدي ضرب الكرسي برجله بغضب وغيظ شديد اما عصران فكان متوتر جدا ومتأكد ان لؤي ما يعملش كده الا اذا كانت في مصيبه

بص لفرحه اللي كانت واقفه بتوتر شديد وقال ....فرحه انتي كنت مع لؤي صح... ممكن تحكي لي الموضوع يا بنتي

فرحه بلعت ريقها بتوتر ومعرفتش ترد عليه تقول ايه

عند سهيله بدات تفتح عينيها بتعب شديد لقت نفسها في حضنه بقت تفتكر اللي حصل وقلبها وجعها قوي على الحاله اللي بقت فيها والالم اللي في كل جسمها وقعت دموعها على صدره بحسره

بقلم....زهرة الربيع

منتصر فتح عيونه ورفع وشها ليه بلهفه وقال ....فوقتي دلوقت ...احسن شويه حاسه بايه اعمل لك حاجه سخنه

سهيله كانت بتتحاشا نظراته مش قادره تبص في عيونه بسبب اللي عملته واللي طلبته منو قالت بحرج...احم....انا ..انا كويسه

منتصر اتنهد وقال...طب مش بتبصلي ليه...سهيله انا مش طفل...انا عارف ان اي حاجه بتقوليها وانتي محتاجه المخدر بتبقى غصب عنك...مفيش داعي تنكسفي ابدا انا متوقع اكتر من كده

سهيله قالت بدموع....صعب...صعب قوي...اللي حساه صعب والوجع اللي انا فيه صعب والحسره اللي جوايا اصعب بكتييير

منتصر اتنهد بحزن عليها وقال.... انا عارف انو صعب جدا... ا

بس هتبقى بخير صدقيني ربنا كبير ..وانا متأكد انك اقوى من كده وهتستحملي

سهيله هزت راسها بالرفض وقالت بدموع...لا..لا انا مش قوبه ابدا انا ضعيفه ومش قادره اكمل ابدا يا منتصر مش قادره...منتصر ممكن اطلب منك طلب وتوعدني تنفذه بدون نقاش

منتصر قال بسرعه... انتي تؤمري أمر وهاعمل كل اللي انتي عايزاه قولي

سهيله قالت بدون اي مقدمات.... ارجوك طلقني لو ليه اي خاطر عندك طلقني

في مكان تاني كانت نيره طالعه مع صاحبتها من الجامعه وقفت عربيه جيب ونزل منها اثنين شباب واخدوها بسرعه قبل ما حد يلحق يمنعهم وطلعوها في العربيه بالقوه ومشيو بيها

البنات صحابها بقم يصرخوا وجم امن الجامعه والدكاتره جري بس كانت العربيه طلعت بسرعه البرق حتى حاولو انهم ياخذوا رقم العربيه بس مش مترقمه

عند فرحه كانت واقفه بتوتر بسبب سؤال عصران وقالت....ها اللي حصل ..ابدا يا عمي ...كل الحكايه ان لؤي عرف ان اكمل اتخانق مع سهيله الصبح

عصران قال بشك...اتخانقو ليه

فرحه قالت بتوتر...عادي يا عمي مهم على طول بيتخانقو

عصران مصدقهاش خالص. وفهم انها مش هتتكلم وقال..تمام..روحي انتي

فرحه صدقت ما قال كده وطلعت جري

عند اسيا كانت بتحاول تضبط اعصابها عشان تفهم حاجه من كلام لؤي اللي كان بيزعق جامد مع اكمل ومش راضي يهدى

واكمل زي العاده بيقابل الكلام ببرود مستفز

قالت بغضب ونفاذ صبر.... طيب ممكن تهدى شويه علشان نفهم ....ده هيشلك ده ما تحاولش معاه واحد مستفز وانت اللي هتتعب

لؤي اتنهد وقال ...بس المره دي اتخطى كل الحدود انا كنت بحاول اعذره بقول مظلوم غلبان الدنيا جايه عليه بس بجد ده مريض مريض وخطر على الناس وخطر على نفسه اصلا

اكمل تنهد بنفس البرود وقعد وولع سيجاره وقال....انت عامل الحوار ده كله ليه ومضايق نفسك كده ...اصلا انت مالك ومال سهيله

لؤي بصلو بزهول وقال....مالي ومالها ازاي يا بني ادم انت سهيله بنت عمي وزي اختي ...قولي بس اذتك في ايه عشان تعمل فيها كده ما تتكلم هتشلني

اسيا نفخت بغيظ وقالت... هفضل كده زي الاطرش في الزفه وسطيكو طب ما تقول انت هو اتزفت عمل ايه المرادي

لؤي قال بغضب.... اسأليه هو نفسه مش هيقدر ينطق اللي عمله

اكمل قال بمنتهى البرود والهدوء.... و منطقوش ليه بيشوك في اللسان مثلا ...انا اجرت عليها عيل بلطجي كان بيديها حبوب مخدره وقالها انها للتركيز ولانها معاقه زي اللي خلفها صدقت...وبعدين انتو مزعلين نفسكوا ليه هو اصلا طلع اغبى منها والظابط كشفو واخدها ومشيوا ولحد دلوقتي ما حدش عارف مكانهم

لؤي اتصدم من البساطه اللي بيتكلم بيها بص الصدمه الاكبر كانت لسهيله اتجمدت مكانها من اللي سمعته وقعدت على الكرسي بصدمه شديده

عند منتصر اتضايق من كلام سهيله ومردش عليها وقف وفتح شنطه وطلع منها هدوم وقال.. الشنطه دي اشتريتها علشانك فيها هدوم حلوه هتعجبك... انا رايي تاخدي دش دلوقتي وبعد كده هنطلع نتمشى في الجنينه الدكتور بيقول الهوا النظيف كويس قوي علشانك هيغير من نفسيتك و

بس قاطعته لما قالت بغضب وزعيق....مش هتنيل في اي مكان هو انا بتكلم صيني قولتلك عايزه اطلق ما بحبكش يا اخي مش طيقاك سيبني في حالي هو بالعافيه

منتصر غمض عينه وضم ايدع بقوه بيحاول يتمالك اعصابه عمره ما كان ليه اي صبر على حد ولا بيقدر يستحمل وبطبيعة شغله ما عندوش صبر على نفسه حتى حاول يضبط اعصابه عشان ما يضايقهاش واتنهد وقال .....طيب هنبقى نتكلم في الموضوع ده بعدين

سهيله صرخه جامد وخبطت الحاجات اللي على الكومود وقعتها على الارض وقالت بزعيق ....ما فيش بينا كلام بقول لك عايزه اطلق خلي عندك دم

منتصر حاول يضغط على نفسه اكتر وكان لاول مره في حاله انهيار تام من جواه كل ما بيشوف عصبيتها وجنونها وحالتها وهو مش قادر يساعدها وحاسس بعجز شديد بيبقى في حاله من الضعف متتوصفش

حاول يقوى اكتر ومردش عليها ونزل على الارض بقى يلم القزاز اللي اتكسر لاحسن يأذيها

سهيله اتسعت عينيها بدهشه وهي مش مصدقه ازاي بيستحملها كل ده ازاي واقف جنبها كده من غير اي مقابل نزلت دموعها بألم وقربت جنبه على الارض وبقت تشيل القزاز معاه ودموعها بتنزل بحزن شديد

منتصر اتنهد ووقفها بالراحه قعدها على السرير وباس كفه ايدها بحنيه وقال ....انا جنبك ماشي ...مفيش داعي للدموع دي كل حاجه هتتصلح

سهيله بصتلو بدموع وقالت ....مش عايزه اوجعك اكتر من كده...انا عمري ما وجعت حد ..ارجوك طلقني انا مقدره احساسك اللي ما فيش منه... يا ريتني كنت اقدر...

↚

حط ايده على شفايفها وقال بسرعه... انا مش منتظر منك اي حاجه يا سهيله مش عايز منك غير انك تخفي وتقومي علشان خاطري عايز اشوفك زي الاول مش قادر اشوفك بالمنظر ده انا مش موجوع من تصرفاتك انا موجوع على حالتك دي حاسس بعجز وضعف

وقام بسرعه لما حس بالدموع بتتجمع في عيونه و لسه هيمشي بس سهيله مسكت ايده

اتنهد و التفت لها وقبل ما يتكلم صدمته لما اترمت في حضنه بقوه وبقت تحضنه بكل قوتها وهي بتبكي جامد وبتقول.... اسفه انا اسفه قوي

منتصر غمض عيونه ونزلت دموعه على خدوده و رغم كل الوجع اللي جواه لكن كانت اجمل حاجه عملتها في الوقت ده محتاج لحضنها قوي ضمها بقوه شديده كانه بيخبيها بين ضلوعه هو بيتعافى من جواه بقربها اللي بيعشقه

اما اسيا وقفت بزهول وقربت من اكمل وهيه بتبصلو بصدمه والدموع بتلمع في عيونها وقالت...طب... طب هيه ذنبها ايه...دي..دي زي الاطفال بالظبط ما تقدرش تأذي حد ابدا

اكمل اتأثر جدا بنظراتها لاول مره يشوفها مصدومه من تصرف ليه وزعلانه بالشكل ده اتخلى عن هدوءه وبروده وقال ...احم....انا لما عملت كده كنت لسه مجيتش البيت... كان كل همي اضايق عصران وادمره ما كانش عندي هدف غيره

وعلشان كده بدأت باولاده لانهم اكتر حاجه توجعه ...دخلت لعدي عن طريق القمار والحفلات..واجرت ععلى سهيله واحد يعمل اللي عمله..طبعا مش هتصدقوني لو قلت اني لما دخلت البيت وعرفت كل واحد فيه..ولقيت فعلا فيه ناس متستاهلش العقاب ما بقتش مبسوط باللي عملته معاها بس ده اللي حصل مش هقدر ارجع فيه

لؤي قعد بيأس وقال... بقالها كثير بتاخذ الزفت ده

اكمل اتنهد وقال.... للاسف فتره كويسه ....صعب التعافي منه بسهوله

اسيا حطت ايدها على بقها وقالت بدموع.. يا قلبي يا سهيله يا حبيبتي ...يارب كون معاها انت عالم بيها وبقت تبكي لاول مره

لؤي حاول يهديها واكمل نزل راسو بحرج وندم لاول مره

اسيا حاولت تهدى و التفتت لأكمل بحده وقالت بانفعال... انا قبل كده قلتلك انك شيطان دخل على بيتنا.... بس برافو عليك يا اكمل..اثبتلي انهارده انك اتخطيت اللي ممكن تعمله الشياطين بكثير.... وانا خلاص ما بقاش عندي طاقه اني افضل مربوطه بواحد وسخ زيك....انا قرفت منك بكل معنى الكلمه عايزه اطلق كفايه عليك قوي كده

قالت كده بمنتهى الغضب ومشيت

واكمل اتفاجأ بردها وقال بزعيق....اه انتي بتلككي بقى عايزه تطلقي علشان بنت عمك ولا علشان ابنه....استني هنا انا مش بكلمك

ولسه هيمشي وراها لؤي مسك ايده بغضب وقال.... استنى هنا ما خلصناش كلامنا

اكمل قال بضيق ...عايز ايه تاني بعد ما خربتها عاجبك كده

لؤي ضحك بسخريه وقال...لا والله...هو المفروض كنت اسكت بقى...اسمع يا اكمل ...

بس قاطعو وقال بسرعه...لا اسمع انت انا قلت لك اللي حصل كله من اوله لاخره ...وكمان انا ما جيتش جنبك انت بذات ..يعني طلعتك من قائمة شري ..و حتى مزتك اللي بره بعد كل اللي عرفته عنها ولسه ساكت

لؤي قال بضيق. ..عارف...كتر خيرك والله...اقدر اعرف بقى ايه اللي تعرفو عنها بالظبط

اكمل قال بسرعه ....كل حاجه اعرف عنها كل حاجه... اكتر من اللي انت تعرفه بكتير... بس ما تخافش انت بالذات مستحيل اذيك انت بالذات امان قوي انت وكل اللي ممكن يخصك او ياثر فيك حلو كده

قال كده ولسه هيمشي لؤي قال .... راجع نفسك يا اكمل انت بتأذي نفسك اول واحد ونهاية الطريق دي مش هتبقى كويسه ليك.... اللي بتحاول انك ما تأذنيش علشانها وعلشان متخسرهاش ....مسيرك هتخسرها باللي بتعمله ده.... لان روحها مربوطه بكل اللي في البيت مش انا وبس ده شيء اسمه حب العيله

اكمل ابتسم بسخريه وقال .....ما اسمعش عنه للاسف ...ولا عن العيله حتى.... بس ما تقلقش قريب ما هيبقاش في عيله اصلا

قال كده ومشي ولؤي قعد ومسح على وشه بضيق وهو مش عارف يعمل ايه ولا ازاي يوصل لسهيله ويطمن عليها

عند علي كان قاعد مستني مكالمه من الراجل بتاعه اللي امره بخطف نيره

اول ما جاتلو مكالمه منو رد بلهفه وقال.... ها البنت معاك مش كده ...هاتها على هنا على طول

بس اتسعت عينيه بزهول شديد والتليفون كان هيقع من ايده وقال.... ازاي..... يعني ايه اتخطفت قبلكم مين اللي خطفها انت مجنون بتقول ايه ولا عايز تجنني في ليلتك السوداء دي

بس قطع كلامه لما جاله اتصال تاني واول ما شاف الاسم غمض عنيه بغضب شديد ورد وقال..... لا ملعوبه يا اكمل باشا ...مش انا قلت لك قبل كده انك جبت ورا ما سمعتش كلامي

اكمل كان رايح على اوضته وبيكلمه وقال بسخريه ....انا مش مصدق يا اخي انت بالذات ازاي خيالك يصورلك انك ممكن تلعب معايا وتتصرف من دماغك لا ومتخيل كمان اني مش هحس عليك... ياض ده انت حتة لعبة قماش ملهاش اي لازمه انا اللي كنت بحركك بين صوابعي..والاعيبك الهبله دي حافظها ...طبعا رسمت في دماغك انك تخطف البنت وتبقى تحت ايديك وتساوم الظابط عليها ومتخيل اني هسيبك واقف من بعيد اسقف لك ..اللي حصل النهارده ده مجرد درس تفهم منه انك مكشوف قوي بالنسبالي فبلاش تضايقني يا علي اكتر من كده انا نابي ازرق وانت عارفني... واللي اعرفوا عنك مش لصالحك ابدا

بقلم....زهرة الربيع

علي قال بغضب شديد .....ما بقاش يهمني كده كده الظابط بيدور عليا بعد ما عرف موضوع مراته يعني انا ممكن اتسجن في اي وقت او اتقتل بسببك وبسبب لعبتك اللي انت دلوقتي رافض تكمل فيها بس خلاص بعد الحركه اللي عملتها دي ومن النهارده بقيت انت زيك زيهم واستني ردي على اللي عملته ...وقفل السكه

اكمل بص للتليفون بسخريه وقال.... ما كانش ناقصني غير استنى ردك انت كمان ..هو الكل بقى عايز يرد ولا ايه

وراح على اوضتو بس اتفاجئ لما لقي اسيا بتلم حاجتها وهدومها وعلب المكياج بتاعتها وكل اغراضها اللي في الاوضه في كراتين وبتديهم للخدامه ترجعهم اوضتها

اكمل اتنهد بخنقه وقال.... بتعملي ايه يا اسيا

اسيا مردتش عليه وبقت تكمل وقالت للخدامه.... رجعي كل حاجه زي ما كانت وخدي بالك على القزاز

الخدامه هزت راسها بالموافقه ولسه هتمشي اكمل بص لها بطريقه مخيفه وقال.... سيبي الحاجه دي هنا واطلعي

اسيا قالت بغضب.... ما تسمعيش كلامه رجعي الحاجه

الخدامه وقفت بتوتر وسطيهم واكمل بص لها بغضب اكبر وقال ...قولت سيبي كل حاجه مكانها واطلعي

الخدامه بلعت ريقها بارتباك واسيا قالت بغضب اشد....وانا بقول لك...

بس قاطعها وقال باستفزاز .....اسيا سيبيها تطلع وخلينا نتكلم راجل لراجل

الخدامه ضحكت واسيا بصتلو بزهول وقالت.... راجل لراجل

عند لؤي طلع من المكتب لقى فرحه جايه جري عليه وقالت .....كده تسيبني مع عمك يزنقني وسين وجيم

لؤي بصلها بزهول وقال.... شك في حاجه

فرحه قالت بسرعه ...شك في حاجات كتير وبقى يسالني بس مقولتش حاجه متخافش...ها انت عملت ايه الولد ده كان بيعمل فيها كده علشان اكمل باعته مش كده

لؤي اتنهد بحزن وقال ....للاسف

فرحه قالت بغضب...ايه رجاله دي ....طب انت هتعمل معاه ايه دلوقت

لؤي اتنهد وقال ....ولا حاجه هساعده

فرحه اتسعت عنيها بزهول وقالت ...نعم

لؤي قال بسرعه... زي ما سمعتي هساعده اكمل محتاج مساعده...اتأذى لدرجه ما بقاش بيحس بوجع حد محتاج اللي يقف جنبه محتاج علاج مش عقاب

فرحه ابتسمت على قلبه الطيب وقالت... انت فعلا علاج لأي حد

لؤي ابتسم على جملتها و بص لعيونها شويه وقال.... تسلمي انا حتى لو كنت علاج فعلا....بس انا ما اقصدش على نفسي... اقصد اسيا هي الوحيده اللي ممكن ترجعه لعقله ...انا لاحظت ان اسيا الوحيده اللي بيأثر فيه زعلها وبيوجعه

بس انتي عارفه اسيا مش مصدقه ان عمي فاهم غلط ومصدقه حكايه ان عمي ماهر ما بيخلفش معنى كده ما فيش قدامنا غير الحل اللي انتي قولتيه اكمل لازم يعمل التحليل..يا اما اثبت لها انها غلطانه ونقف جمبه...يا اما بقى هما يثبتولي ان كلامهم صح

فرحه لسه هترد عليه سمعو زعيق شديد من بره

جريو بسرعه واتفاجأو بنيره بينزلوها اتنين جاردات من العربيه بالعافيه وهي بتزعق وبتقول.... انتو جايبيني هنا ليه اوعى انت وهو ....طب انا عايزه اتخطف في مكان تاني انا حالفه مش هدخل البيت ده و

بس قطعت كلامها لما شافت لؤي جاي عليها بتوتر

بصتلو بغضب شديد وووو

↚

لؤي كان عايز يروح لنيره بس وقف مكانو بحرج لما افتكر الموقف اللي عمله معها في الفرح واتوتر جدا

بس فرحه ضربت كتفها في كتفه وابتسمت له عايزه تخفف عنه

لؤي ابتسم لما عملت كده وبقى يبص لعيونها بس انتبهوا على صوت نيره بتزعق معاهم وبتقول.... انا بقول لكم مش عايزه افضل هنا انتم جايبيني هنا ليه انتو اتجننتو

لؤي اخد نفس واتشجع وقرب منهم بسرعه وقال...في ايه ...ايه اللي بيحصل هنا جايبين البنت غصب عنها ليه

واحد منهم قال دي اوامر اكمل بيه هو عايزها

لؤي اتيعت عنيه بدهشه وقال....اكمل

عند اكمل فوق كانت الخدامه طلعت واسيا قربت عليه وقالت بغضب مكبوت.... عايزنا نتكلم راجل لراجل مش كده.. بس للاسف انا مش شايفه اي رجاله هنا

اكمل اتنهد وقال.... هنبتدي نخبط في بعض من اولها ...نهدى كده علشان نتفاهم

اسيا قالت بغضب شديد.... نتفاهم في ايه ....كل ما احاول اقول ان انت بني ادم واحاول اصدق انك عندك زرة دم او احساس الاقيك بتتصرف تصرف الحيوانات نفسها ما تعملوش

اكمل اتنهد وقرب عليها وقال.... ممكن تهدي طيب وتسمعيني

اسيا قالت بغضب شديد.... هتقول ايه..ها هتقول ايه... هتقول مكنتش تقصد او كنت مجروح او علشان اللي عمي عمله هتقول مبررات انا مش مقتنعه بيها... ازاي بني ادم لمجرد انه اتأذى يأذي كل اللي حواليه بالطريقه دي... واحده زي سهيله ذنبها ايه اصلا ...ما ترد اتكلم ولا مكسوف مثلا

اكمل اتنهد وقعد على السرير ببرود وقال.... لا مش مكسوف بس لو سكتي هتكلم اكيد... انتي مش سيبالي مجال علشان اتكلم

اسيا بصتلو بدهشه من بروده وهو اتكلم بجديه وقال.... اسمعي يا اسيا انا ما جيتش هنا علشان اسمع خطب ومحاضرات.... انا جاي هنا وحاطط في دماغي اني هخرب البيت ده على اللي فيه ....وعلى فكره ما فيش حاجه اتغيرت باستثناء حاجه بسيطه قد كده... اني فعلا نويت اطلعكم بره الموضوع مش علشان صعبتو عليا ولا علشان ملكمش ذنب لا.... بس لاني لقيت عمك احقر من انه يهتم ليكي او لاخوكي او حتى لاولاده ... من اول ما دخلت هنا وهو بيثبت لي ان ما فيش فايده في اللي بعمله...يعني انا قلعتك من عيون ابنه وكان هيموت عليكي وقدامه بس هو ما اهتمش كل اللي همه مابوظتش سمعته ورفعت قضايا ولا خسرتو فلوس كتير...و برده بنته جوزها بالغصب و حصل معاها كل اللي حصل والبيت كله عرف وهو لسه ومتاكد انو حتى لو سمع هيبقى اهم حاجه عنده انا الموضوع ما يتكشفش

ده بالنسبه لاولاده طبعا بالنسبه لك انت ولؤي اخر حساباته ...واحد مش موفر الاهتمام الكامل لاولاده هيوفره لاولاد الناس عشان كده قررت اخلي مشكلتي معاه هو وبس

اسيا كتفت ايديها بغضب شديد وقالت.... والله انا شايفه ان مشكلتك مع نفسك انت محتاج تعالج نفسك من جوه وهتبقى تمام لان عمي ما غلطش فيك ..كل واحد من حقه يحافظ على اهل بيته ....من حقه ما يدخلش حد غريب عليه وانت ما فيش حاجه تثبت انك مننا

اكمل بصلها بضيق وهيه قالت..بتبصلي ليه انا طول عمري واقعيه وهتكلم معاك بمنتهى الصراحه الله واللي هقوله ده اللي انا حساه وبس مش لاني مضايقه منك لا ..ده اللي حساه واللي العقل بيقوله..الست والدتك الله يرحمها طبعا ما كانتش الست العفيفه اللي ممكن نديها الامان وتقول ده ابنكم نقوم نصدقها فورا...لان ببساطه احتمال هيه نفسها ما تبقاش عارفه انت ابن مين بالظبط

اكمل بلع ريقه بوجع شديد وحرج اشد وقال بالعافيه.... عارف احم...عشان كده طلبت اعمل التحليل اول حاجه واتأكدت قبل ما اتصرف اي تصرف معاكم

اسيا قالت بسرعه ....هعتبر ان كلامك صح وان التحليل ده حقيقي ولو انك رفضت انك تكرره مره ثانيه عشان نتاكد ....هنا بقى اللي زي عمي ذنبه ايه في انه مش مصدقك... زي ما قلت لك من حقه ما يصدقش

اكمل مسكها في ذراعها بغضب شديد وقال ....انتي بتحاولي تقنعيني انا ولا تقنعي نفسك بالكلام ده ...ده كلام اهبل تقعدي وتعيديه بينك وبين نفسك علشان تقتنعي انك مش غلطانه معايا وعشان تحاولي تبرري كلامك اللي بتسميني بيه بكل بساطه

اسيا قالت بغضب...انا مش بقول غير الحقيقه

اكمل قال بغضب ...الحقيقه طلب يعرفها كل اللي في البيت بس عمك رفض..قبل ما تبتدي كل المشاكل دي لما كان عمري 15 سنه وجيت هنا على البيت ابوكي الله يرحمه كان عايز يعمل تحليل ويتأكد... وحتى ابويا اللي بتقولوا عليه اهبل كان عايز يعمل كده بس اللي رفض عمك عشان ما كانش عايز حد غيره يتحكم في الاملاك والفلوس ما كانش عايز الراجل العبيط اللي مسيطر على كل املاكه يطلع له اولاد فهمتي بقى

بقلم...زهرة الربيع

اسيا اتفاجأت من كلامه وقالت..... بابا كان عايزك تعمل التحليل انت كداب..عمي قال ان كل اللي في البيت بما فيهم بابا مكانوش مصدقين لان عمي مبيخلفش

اكمل اتنهد وقال بسخريه...عمك يقول اللي عايزه...طالما لاقي اللي يسمعلو من غير تفكير حتى...ابوكي يا اسيا كان مصر جدا على التحليل و حتى ابويا فاكر كويس بقى يترجاه وبكى زي الاطفال الصغيره وقال انا حاسس انه ابني

واحتدت عنيه بغضب وكمل وقال...بس عصران بيه قال الولد ده هيطلع من البيت...واللي هيكتر كلام هيطلع معاه

مقالش غيرها...وكلهم نزلو عيونهم في الارض ..وقالو مش مهم بقى المهم نحافظه على العز اللي عايشين فيه

اسيا كانت مصدومه من اللي بتسمعه وعقلها مشتت عمرها ما فكرت تكدب عمها في اي حاجه....بس كل ما بتشوف الوجع اللي في عيونه بتتهز من جواها

اكمل حاول يهدى شويه ويسيطر على اعصابه وقال ... شوفي يا اسيا الله انا مش بحب اتكلم في المواضيع دي ..واي فكره عايزه تاخديها عني خديها وخدي عليها فكره هديه...مبقاش يهمني....انا جيت بس علشان اقول لك اني هصلح موضوع سهيله قريب

وقرب منها قوي وبص لعيونها وقال..... بس ما تسبنيش

اسيا رفعت عيزنها ليه بدهشه وهو قال بسرعه...قصدي متسبيش الاوضه ...انا هصلح الموضوع اوعدك هعمل كده علشانك...ودي اول مره اعمل حاجه علشان حد ..لو سمحتي متمشيش انا ما صدقت الاقي حد بيتنفس جنبي خليكي هنا ومتتكلميش معايا خالص لو زعلانه اعتبريني مش موجود بس ما تطلعيش ممكن

اسيا كانت بتحس باحساس غريب كل ما يبص لعيونها وارتباك شديد بيتمكن منها قالت بضعف بتحاول تداريه كأنها بتقنع نفسها .... انا بكرهك يا اكمل.... صدقني بكرهك

اكمل ابتسم ابتسامه جميله وهو بيبص لعيونها وقال.... انا مصدقك المهم انتي تصدقي

ولسه هيمشي اتفاجئ لما مسكت ايده وقالت بسرعه...طب..طب اعمل التحليل لو كلامك ده صح اعمل التحليل وانا وقتها هكلم عمي والموضوع ده كله هينتهي..وتعيش حياتك بدل اللي انت عامله في نفسك ده صدقني محدش بيخسر غيرك

اكمل رفع ايدها اللي مسكت بيها ايده وباسها بحنيه وقال... وحياة عيونك لو كانت حياتي لسه فيها حاجه تتعاش كنت وافقتك..... بس انا خلاص بقيت منتهي من جوايا....وبقاش عندي غير الهدف ده اللي عايش علشانو ومش هينفع اتراجع مستحيل اقدر

قال كده وخرج

وهي قعدت على السرير وجذبت شعرها لورا بتوتر شديد وقالت باضطراب... لا لا اكيد عمي بيقول انه اخوه ما بيخلفش عمي مستحيل يكون كذاب.... انت ايه جرى لك يا اسيا ده ما يستاهلش شفقه ...شفقه ايوه مجرد شفقه وبس

عند سهيله بعدت عن حضنه بتوتر واتكسفت جدا انها حضنتو كده قالت بتوتر.... اسفه..انا كنت انا

منتصر حط صباعو على شفايفها وقال بابتسامه ....لو تعرفي نفسك عملتي ايه دلوقت وقدمتيلي ايه كنتي تطلبي نجوم السماء قصاده مش تعتذري

سهيله نزلت عيونها في الارض وقالت .....رومانسي اوي يا حضره الظابط مع ان وضعنا ملوش دخل بالرومانسيه خالص

منتصر قال..ده بالنسبه لك انما بنسبالي قمة الرومانسيه ايه اللي ممكن يكون اجمل من اننا لوحدنا انا وانت وبس

↚

سهيله اتنهدت وقالت ... انت غريب قوي يا منتصر ايه سر تمسكك بيا ده كله..... من يوم ما قلت لك اني مش عايزه اتجوزك افتكرت ان الموضوع انتهى هناك....بس لقيتك بدون مقدمات بتدخل على حياتي بتحتلها وبتقف جنبي بطريقه ما حدش عملها معايا وانا معملتش اي حاجه علشانك في المقابل ومع ذلك لسه زي ما انت بالعكس تمسكك بيا بيزيد مش بيقل

منتصر ابتسم وهو بيبص لعيونها وقال..... صدقيني انا نفسي مش عارف ايه السبب ....لما كنا صغيرين وكنا نلعب سوا كنتي تقضي معايا اغلب وقتك.... كنت ديما اقول لك لما نكبر هتجوزك وكنتي تنبسطي قوي

ولما كبرت كنت افتكر الكلام ده واضحك عليه كنت فاكره هبل عيال تفاهة طفوله...بس الغريب لقيتك بردو بتحتلي كياني وافكاري لسه بفكر فيكي يوميا ...يا ترى بقى شكلها ازاي ..ياترى لو شافتني هتفتكرني...وكنت اسأل لؤي ديما عنك لدرجة اني في مره طلبت رقمك منو.....طلبت رقمك من اخوكي تخيلي

سهيله كانت مبهوره باللي بيقوله مش عيزاه يوقف

منتصر ضجك بخفه وقال...الرد بتاعو بقى كان اهبل من طلبي....قلي فكك منها والله بقت مقفله قوي ...مش عارف انا لو مكنتش مقفله تقريبا كان هيبقى عادي بس ما علينا

سهيله ضحكت وقالت...تلاقيه بس كان متقل ربنا يصلح حاله...سيبك منو وكملي الحكايه

منتصر ضحك بخفه وقال...هيه بقت حكايه ماشي....بس يا ستي بعد كده لما اهلي اتوفوا قررت اخذ خطوه الجواز..كنت محتاج شريكه في حياتي لاني تعبت لوحدي .... فكرت فيكي اول واحده مع اني شوفت بنات كتير واتعرفت على كتير بس وقت ما جيت اخذ خطوه الجواز ما فكرتش برده غير فيكي...انتي الوحيده اللي شوفتها في حضني

سهيله نزلت عيونها بكسوف وهيه طايره بكلامو ومنتصر كمل وقال.... لما جيت طلبتك من عمي كان اصعب يوم عدى عليا....لما حكيتيلي عنو..معرفش حسيت بسكين في قلبي حرفيا...وبردو معرفتش السبب..بس قلت خلاص كده بقى مش نصيبي..و قررت ابعد

لحد ما جيتي لي في القسم وحكيتي اللي حصل معاكي حسيت ان في حاجه غلط لان زي ما قولت لك يومها ان هناك ما فيش اي صيدليات واللي فهمتو ان فيه حد قصد يورطك ما اعرفش ليه حسيت اني مسؤول عنك واني لازم انقذك منه يمكن لاني كنت بلاقي مبرر لقلبي علشان ابقى جنبك وبس ممكن جنان او تهور ...لكن اللي اعرفه ان العيون دي ما فرقتنيش ابدا يا سهيله

سهيله اتملت عيونها بالدموع وهي مش مصدقه اللي بتسمعه منه والحب اللي في عيونه قربت منو قوي وقالت.... لو ربنا اراد اني اخف وارجع زي الاول وابقى زوجه يعتمد عليها زي ما انت كنت بتتمنى هكون ملكك وبس ...وربنا هو الشاهد عليا اني هبقى النص اللي اتولد علشان يكملك واللي اتكتب على جبينك هبقى ليك و بس حتى لو انت مش عايز يا منتصر

منتصر ابتسم بسعاده من جواه وقال بحب شديد...مش عايز.

...دي امنيه حياتي يا سهيله

و قرب منها جامد وهي غمضت عينيها باستسلام ولسه هيلمس شفايفها فزعهم صوت التليفون بتاعو

سهيله بعدت بسرعه وتوتر ومنتصر مسح على وشه بخنقه وقال بغضب شديد ....من ساعه ما جينا وانا قافله دلوقتي فكرت اشحنه واشوف لو حد عايز حاجه... يا ريتني كنت كسرته وما شحنتوش

سهيله ضحكت من قلبها وقالت ....دي اشاره بس عشان تعرف اللي كنت هتعمله غلط يا قليل الادب....انا اصلا دايما اقول لك انه غلط ما بتسمعش الكلام

منتصر قال بزهول...هو ايه اللي غلط يا بنت انتي مراتي انتو متفقين عليا ده ايه الهم ده بس

وراح يرد على التليفون وقال بزهق..... دي جنات دي صديقه نيره في المدرسه

ورد وقال... ايوه يا جوجو عاملين ايه وحشتوني

سهيله رفعت حاجبها لما كلمها كده ودلعها بالشكل ده

بس استغربت اكتر من شكل منتصر اللي اتبدل لخضه وزهول وقال ...ايه اتخطفت ....اتخطفت يعني ايه ...انتي بتقولي ايه

عند اكمل كان نازل وسمع صوت نيره راح بسرعه عندهم وقال

...بس انت وهو سيبها سيبها اتفضلي يا انسه نيره

كلهم بصولو باستغراب ونيره دخلت معاه بتوتر وقالت باستغراب ....ممكن افهم انا هنا ليه... لان الموضوع بجد بقى مريب ولو جايبيني علشان تكلموني في موضوع البني ادم ده انا مش حابه اتكلم في الموضوع واصلا مش انا اللي قولت لمنتصر على موضوع الفرح و

بس اكمل قاطعها وقال بزهق... ايه ايه ايه يا حجه اهدي شويه علشان اكلمك ايه ده

انا جبتك هنا لان منتصر هو اللي طلب ...فيه خطر عليكي هو على خلاف مع مجرم مطلوب ومش عارفين يقبضوا عليه ..واخوكي خاف ان الشخص ده يوصل لك وتبقي نقطه ضعفه عشان كده هو بيفضل انك تفضلي هنا كام يوم

نيره قالت بسرعه.... مش هيحصل انا مش هقعد هنا مع الشخص ده نهائي ....ده بيتحول وانا بخاف منه

لؤي بصلها بدهشه وقال....بتحول

نيره قالت بسرعه... ايوه بتتحول وانا خاف افضل معاه هنا اصلا

في الوقت ده كانت نزلت اسيا وسمعتهم وقالت..... بس انتي مش هتبقي معاه لوحدك يا قلبي احنا موجودين وهنكون معاكي

اكمل تفاجئ بدعمها ليه وهيه وقفت جنبه وقالت ....اسمعي كلام اكمل هو غرضه حمايتك

اكمل ضرب على ودنه مرتين ثلاثه كده بيتاكد ان الكلام اللي بيسمعه ده طالع من اسيا

وهي بصت له وابتسمت و قالت .....انا هاخدها وافتح لها اوضه سهيله وانت كلم منتصر احسن يقلق وينزل...اوعى ينزل دلوقت

اكمل هز راسه بتفهم وعرف انها فهمت خطتو ابتسم لانه فعلا معجب بذكائها وقوتها

اسيا اخذت نيره وطلعت واكمل اتصل على منتصر اللي كان فعلا بياخد حاجاته المهمه بس وسايب كل حاجه زي ما هي وعايز ينزل بسرعه وبيقول.... بسرعه يا سهيله البسي بسرعه لو سمحتي

سهيله قالت بقلق....خلاص خلصت اهوه .. مش هتفهمني في ايه مين اللي اتخطف انا قلبي هيقف

منتصر قال بتوتر شديد.... اختي نيره...اكيد الحيوان اللي اسمه علي ما فيش غيره.... انا لازم الحقها ما كانش لازم اسيبها هناك ما قدرتش اخدها بسبب الكليه

سهيله اتصدمت جدا بس بقت تكمل لبس هتنزل

ومنتصر لسه بياخد حاجته سمع صوت التليفون رد بسرعه من غير ما حتى ما يشوف مين المتصل وقال...الو مين معايا

اكمل ابتسم وقال بسخافه ....كباب على الشوايه

منتصر قال بدهشه وغضب..... نعم

اكمل ضحك وقال ....بهزر معاك يا حضرة الظابط ....ده انا اكمل الانصاري

منتصر قال بضيق...اهلا استاذ اكمل معلش انا حاليا راجع مصر ومعايا مشكله كده هبقى اكلمك وقت ثاني...

بس قاطعو اكمل وقال.....لا ما تنزلش خليك عندك ...ما تقلقش اختك معايا

بقلم...زهرة الربيع

لؤي استغل انو مشغول في التليفون وهمس لفرحه وشاورلها تحصله

فرحه راحت وراه وقالت.... في ايه

لؤي قال بحماس..... اكمل تحت بيكلم منتصر... واسيا مع نيره دي فرصتنا ندخل الاوضه نجيب فرشة الشعر بتاعته

فرحه قالت بحماس ...معاك حق يلا بينا

وطلعو بسرعه على الاوضه

اول ما وصلو اوضة اكمل فرحه قالت.... انا هدخل اجيبها بسرعه وانت اقف هنا اديني اشاره لو اي حد فيهم جه

لؤي قال بقلق.... طب ما بلاش انا خايف عليكي خليني انا ادخل

فرحه قالت بسرعه ....يا عم هو انا داخله اتفجر.... انت لخمه قوي وهتاخد سنه على بال ما تجيبها

لؤي قال بدهشه...لخمه.. تشكري على العموم يلا ادخلي انتي اصلا حلال فيكي لو اتقفشتي

فرحه ضحكت ودخلت الاوضه بس ثواني و رجعت له بسرعه وقالت..... بس ورحمه الغاليين خد بالك من حمدي ولجمه كويس ولا اقول لك ما تقولوش ان انا جوه لحسن لو جه ورايه هنتفضح هنتفضح

عند عصران في المكتب كان بيرن على سهيله للمره المليون من ساعه ما سمع حوار لؤي واكمل ومكانش فاهم ايه اللي حاصل معاها بس تليفونها مغلق ومش عارف يتواصل معها ابدا قال.... طب وبعدين ....يا ترى حاصل ايه مع البنت ...انا متأكد ان لؤي ما يتصرفش كده معاه الا اذا كانت في مشكله كبيره..... انا سامعه بيقول سهيله

ولسه هيطلع من المكتب جاله تليفون رد و قال.... الو مين

كان صوت علي اللي رد بخبث شديد وقال....... فاعل خير يا باشا.... حابب افهمك حاجات غايبه عنك ....حاجات انت اكتر واحد المفروض يعرفها

عصران قال باستغراب....انت مين يا جدع انت وبتقول ايه

علي قال بسرعه ....ما قولت لك فاعل خير....وعايز اقول لك حرص من قرايبك.... ابن اخوك مش جاي على بيتك علشان يرجع عيلته جاي ينتقم منك..و اول ضحيه كانت بنتك

عصران اتسعت عينيه بزهول وقال ...سهيله مالها سهيله

علي قال بشر.... بنتك بقت مدمنه يا باشا وحاليا الله اعلم ايه اللي حصل فيها وووو

↚

بنتك بقت مدمنه يا باشا ابن اخوك سلط عليها عيل كان بيديلها مخدر من غير علمها وحاليا جوزها هربان بيها منه وربنا يعلم ان كل اللي اعرفه قولته سلامات يا باشا

وقفل السكه واقفل التليفون كله

عصران كان هيتجنن بقى يطلبوا اكتر من مره بس كان تليفونه مغلق... قعد على الكرسي بزهول شديد ورجليه مش شيلاه اصلا

بره كان اكمل بيكلم منتصر وقال ....زي ما بقول لك اختك عندي ...علي كان عايز يخطفها من قدام الجامعه بس انا سبقته وهي حاليا هنا انا قلت لها ان انت عايزها تفضل هنا لانك على خلاف مع واحد وخايف عليها يا ريت تبقى تكلمها وتطمنها

منتصر كان بيسمعوا بزهول وقال بشك ....انت تعرف علي منين.. وعرفت الحوار ده كله منين اصلا

اكمل اتنهد وشاف ما فيش فايده من انه ينكر وقال ...ده موضوع طويل هنبقى نتكلم فيه بعدين يا حضره الظابط

منتصر احدتد عينيه بشده وقال فورا.... انت صح.... كده وضحت انت اللي مأجره... مأجره على بنت عمك... انا ما شفتش اوسخ من كده

اكمل قال بمنتهى البرود والاستفزاز ....ولا هتشوف ابدا

ولسه هيقفل منتصر قال بسرعه ....اقدر افهم عملت معاك ايه علشان تعمل فيها ده كله

اكمل اتنهد بخنقه وقال... قولتلك ده موضوع طويل يا سيادة الظابط... انا بس اتكلمت عشان اطمنك على اختك ...واقول لك الافضل تخليك مكانك ... لحد ما اعرف اضبط الحيوان ده علشان قارفني اكتر منك

منتصر هز راسو بتفهم وقال بغضب مكتوم..... طب اسمع يا فنان ....انا طبعا بشكرك جدا لانك انقذت نيره ...بس احب افهمك نقطه مهمه ده ابدا مش هينسيني اللي انت عملته مع مراتي...و حق سهيله انا اللي هرجعه منك ومن الحيوان اللي اسمه علي كمان

قال كده وقفل السكه في وشه

اكمل بص للتليفون وقال ببرود.. هو قفل ليه شاحن كارت فكه ولا ايه ..ايه الجو القديم ده

ومشي على أوضتو بهدوء يحسد عليه

اما منتصر كان واقف ضامم ايده بغضب شديد

واتصل على نيره اتاكد انا فعلا في بيت اكمل وكلم اسيا كمان عشان تاخد بالها منها

قفل منهم وااتنهد بارتياح والتفت وراه وكانت سهيله كانت مستنياه يخلص و قالت بحزن ....هو مش كده

اتنهد وقرب منها وقال.... هو ...انتي تعرفي ليه بيعمل كده... انا طبعا كنت متابعكم واعرف ان ابوكي ما كانش راضي بعلاقته بالبيت واعرف كمان انه رفع قضيه وكسبها ..بس هو لسه متضايق منكم طب انتي دخلك ايه

سهيله قعدت على السرير وقالت بدموع ....للاسف اكمل ذنب كبير قوي في رقبتنا ...الشخص اللي قدامنا دلوقتي احنا اللي عملناه بادينا

منتصر قرب منها باستغراب شديد وقال ....معقوله زعلان عليه يا سهيله ....المفروض زمانك دلوقتي بتكرهيه

سهيله قالت بدموع..... اكيد زعلانه منه جدا ...علشان اخذني بذنب مليش فيه ...بس صدقني يا منتصر زعلانه عليه اكتر ....احنا عشنا واتربينا وكبرنا في حضن اهالينا و سيبناه هو للشارع ولكلام الناس اللي ما بيرحمش حتى لما جيه عاش وسطينا ملقاش القبول من اي حد...احنا مش عارفين نصدق مين بابا مصر انو مش مننا ..بس انا حاسه غير كده وشكله لما حد بيضايفه بيحسسني انو اتظلم قوي ....انا ما استغربتش اللي عمله ولا هستغرب اي حاجه يعملها

منتصر قرب منها ومسك ايديها بحنيه وقال بابتسامه جميله ...حتى لو كان منكم مهما اتظلم.... اللي ياذي انسانه زيك ميبقاش انسان ابدا يا سهيله

و باس ايدها بحنيه شديده وقال..... انا ما شوفتش زي قلبك في الدنيا دي كلها عشان كده هموت واسكن فيه

رفعت عيونها ليه لما قال كده وهو كان بيبصلها بنظرات جميله جدا

بس قطعتها لما وقفت بارتباك شديد وهي بتمسح دموعها وقالت بضحك.... انت شكلك طالبه معاك نحنحه النهارده ..وانا مش فايقه لك

ولسه هتمشي مسك ايدها وقال بجرأه... انا طالبه معايا حاجات كثيره قوي انهارده مش بس نحنحه

سهيله التفتت له بتوتر وهو قرب منها قوي وقال....طالبه معايا اثبت للكل ولنفسي اول واحد انك بقيتي ليا انا وبس

سهيله اتسعت عنيها بدهشه وقالت بتوتر شديد ....احم ...مش فاهماك

منتصر ابتسم وقرب منها قوي وقال ...بس انا حاسس انك فاهمه ...بس هوضح اكتر...كفايه بعد يا سهيله نفسي احس انك مراتي بكل معنى الكلمه.... فهمتيني كده

بقلم....زهرة الربيع

سهيله اتفاجأت من طلبه اللي قالوا بمنتهى الصراحه بلعت ريقها بارتباك شديد وهي مش عارفه ترد عليه تقول ايه

عند اكمل كان طالع على السلم رايح اوضتو وبيصفر برود بس وقفوا عصران اللي قال بغضب مخيف... استنى

اكمل نفخ بضيق والتفتله وقال ... نعم اؤمرني يا باشا

عصران قرب منه بغضب وحده وقال ....انا عارف انك اوسخ من الوساخه نفسها واقذر من اللي في خيال اي حد...بس عمري ما تخيلت توصل بيك الجراءه تعمل اللي عملته ده وفاكر ان عادي كده ممكن تعدي زي كل مصايبك ..يا وسخ يا حقير يا زباله

اكمل ابتسم بانتصار وقال.... اهدى يا باشا ليطق لك عرق ولا ضغط او سكر انت عجزت ...وبعدين انا مفاجأتي ليك كتيره قوي مش عارف الصراحه بتتكلم على اي واحده فيهم بالظبط... بس اقدر اخمن من عصبيتك دي انك عرفت بموضوع بنتك

عصران زعق فيه وقال بغضب شديد....حقها هرجعه من عينيك سامع

اكمل ابتسم بسخريه وقال ...هو حقها دي الكل عايز يرجعه...انتو ليكو نسبه فيه ولا ايه....بس للاسف ياباشا ما حدش هنا ليه حق غيري انا وبس ومحدش هيرجع حقه الا انا ...ةالباقي يا حرام هيفضلوا يدفعوا تمن اغلاطك... وعلى فكره انا كنت اقدر اسمها باللي بتشربه وتستلم جثتها وتتحسر عليها عمرك كله.... بس اللي انقذها مني انها مش طالعه لك ...هيه سبحان الله تعرف ربنا عكسك تماما وعلشان كده وقف معاها

ولسه هيتحرك عصرلن قال بغضب شديد وزعيق.... مش هعديها لك المره دي ما بقاش انا عصران الانصاري لو ما خسرتك وبكيتك بدل الدموع دم يا وسخ يا زباله يا تربيه العوالم

اكمل ابتسم بسخريه وقال.... الساحه فاضيه قدامك يا باشا اتفضل وريني لعبك...و انا هوريك تربيه العوالم ازاي هيرقصك على واحده ونص

قال كده ومشي وسابه واقف بيبص لطيفه بغضب شديد و كل اللي بيفكر فيه انه يخلص منه في اقرب وقت

اما اكمل راح على اوضته و لؤي شافه جاي اتوتر جدا وكان عايز ينبه فرحه لانها في اوضته بتجيب الفرشه

قال بصوت عالي ...احم مشمش يا مشمشششش

اكمل وقف قصاده باستغراب وقال ...فيه ايه يلا ... مشمش ايه اللي عايزه هنا و واقف قدام اوضتي ليه

لؤي بلع ريقه بتوتر شديد وقال....ها.... اصل نفسي رايحالوا فقلت اقول يا مشمش...انت يا مشمش.. الله يخرب بيتك هندشدش

اكمل استغراب اكتر وقال ...طب هو حد قال لك اني فكهاني ولسه هيدخل الاوضه لؤي مسك فيه وقال بتوتر.....لا استني يا اكمل بلاش تدخل

اكمل استغربه جدا وقال بشك .... ليه بقى...انت حكايتك ايه مالك انهارده

لؤي اتوتر وقال ....ابدا ما فيش انت بس واحشني يا جدع قلت اقف معاك شويه

اكمل بصله بغيظ ومسكو من هدومه وقال.... ولا انا مش مرتاح لك يا تقول في ايه يا تغور من هنا انا على اخري

لؤي قال بتوتر ...ياباشا مفيش حاجه والله انا قلت بس نشرب قهوه وندردش يعني

اكمل سابو وقال ...امشي يالؤي وعدي يومك على خير ربنا يسهلك يلا

وكان هيفتح باب الاوضه بس سمع صوت اسيا صرخت وقالت ....اااااه

اكمل جري عليها بلهفه وسندها بسرعه وقال ....مالك

اسيا قالت بالم ....اه رجلي يا اكمل رجلي اتلوت وجعاني قوي

لؤي كان هيجلها بقلق بس شاورتلو بايدها انها كويسه واتسندت على اكمل بتحاول تعطله وقالت....ساعدني اوصل اوضتي وجعاني

زقربت لحضنه جامد وشاورت للؤي بغيظ بمعنى يخلص بسرعه

لؤي استغرب انها عارفه وخبط بسرعه على فرحه وشاور لها تطلع قوام

لؤي كان ساند اسيا وناسي الدنيا من قربها منو بالشكل ده وقال بهمس...لسه بتوجعك

اسيا قالت وهي ماسكه فيه بدلال ....وجعاني قوي

اكمل بلع ريقه بارتباك شديد من قربها وقال....خليكي في حضني...قصدي خليكي مسنوده عليا

اسيا حاوطت رقبته باديها وقالت.....كويس انك كنت موجود والا كنت وقعت

اكمل شدد من قبضته ليها وقال هو بيبص في عيونها ....ايوه انا موجود ..موجود معاكي ديما

اسيا ابتسمت وهيه بتبص لعيونه جامد وقالت برقه ...شكرا مش اول مره تلحقني

اكمل استغرب رقتها قوي بس كان ناسي الدنيا وهيه بين اديه وقال .....يا ريتني قدرت الحق نفسي زي ما لحقتك

اسيا لسه هترد

لقت لؤي بيشاور لها بايده بمعنى انهم خلصوا خلاص

بعدت عنه بسرعه وقالت.... شكرا خلاص بقيت كويسه

ومشيت عادي جدا

اكمل قال باستغراب..... رجلك خفت ولا ايه

↚

اسيا غمزت بدلال بشقاوه وقالت....اه خلاص بقيت تمام جدا روح نام انت

اكمل مشي باستغراب شديد وراح على اوضته ودخل وقفل الباب

واسيا جريت على لؤي وفرحه بسرعه وقالت ...انتو اغبيه ...طب كنتو قولولي هتعملو ايه كنت خليتوا بره البيت لحد ما تخلصو.... كويس اني شوفتكم

لؤي قال...عرفتي ازاي

اسيا قالت بضيق..انا اختك يا اهبل فهمت انك عامل بلوه يابتاع المشمش...انتو كنتو بتعملو ايه

لؤي قال بحماس...هنعممل التحليل

اسيا ابتسمت بسعاده وقالت...والله برافو عليكم ..جبتو العينه

لؤي قال بفخر..امال يابنتي..دي فرحه بتخطف الكحل من العين

فرحه قالت بتوتر وحرج ...بس انا ما عرفتش اجيب الفرشه

لؤي قال بصدمه...ايه يا اختي

فرحه قالت ....اعمل ايه يعني يالؤي ...قعدت ادور في كل مكان وقبل ما اجيبها كان جيه

ضرب على وشه بزهول وقال..... يا بنتي تدوري في كل مكان ليه دي فرشه شعر يا هتكون في الحمام يا على التسريحه هي كيمياء و

بس قطعو كلامهم لما اكمل فتح الباب وقال ...لا انا بحطها في الدولاب عادي على فكره

وطلع الفرشه قدامهم ومشط بيها بطريقه عشوائيه علشان يوقع عليها شعر ومدها عليه وقال ....خد...المشمش اهو

لؤي اخد منه الفرشه بتوتر وزهول وكانوا كلهم بيبصوا لبعض بدهشه انه كان عارف اصلا

وهو بص لاسيا وغمز وقال..... لو رجلك لسه بتوجعك انا واخد قرص مساج هايل هيعجبك

لؤي شد فرحه وقال وهو بيمشي بسرعه....احنا ورانا مشوار..عن اذنكم

ومشيو بسرعه

اسيا داست على اسنانها بغيظ وهيه بتقول ....ماشي يا جبان وبصتلو بابتسامه متوتره وقالت ....انا هشوف نيره عشان شكلها بتخاف تنام لوحدها

بس اكمل ابتسم بسخريه وقال.... تعالي ورايا واقفلي الباب

عند سهيله كانت متوتره من كلام منتصر وطلبو الصريح ده

وقالت.... احم...ماشي يعني هو في النهايه هنعمل كده بس يعني مش دلوقتي

منتصر قرب منها اكتر وقال... مش دلوقتي ليه... ايه اللي يمنعنا

سهيله قالت بخجل..... انا مش جاهزه انت عارف ان كل حاجه بينا جت بسرعه

منتصر قاطعها وقال بحزن..تمام فهمتك... لسه مش متقبلاني ويمكن لسه بتفكري فيه

ولسه هيمشي مسكت ايده بسرعه وقالت.... لا ...انت فاهم غلط انا بس مش قادره استوعب اللي بيحصل كله ده ممكن تديني شويه وقت بس

منتصر اتنهد ومشى ايده على شعرها بحنيه وقال... اكيد ولا يهمك..استناكي عمر بحالو

سهيله ابتسمت بسعاده وقالت ...شكرا جدا

منتصر ابتسم وكان هيروح يشتغل على الا بس سهيله قالت بتوتر...طيب...هو... هو انا امتى هاخد الحبايه.... انا تعبانه قوي يا منتصر

منتصر اتنهد بحزن وقال....خلاص الليله هتاخديها حاولي تتماسكي شويه

سهيله قعدت وهي بتفرك ايديها بتوتر شديد وحزن وقالت... طيب مستنيه

منتصر قعد جنبها وحط ايده على ايدها وقال.... هتعديها هنعديها سوا

سهيله ابتسمت على دعمه الجميل وقالت...هنعديها سوا باذن الله

عندي لؤي كان اخذ الفرشه ومشيو هو وفرحه وسلمو العينه للمعمل والدكتور صاحبو قالو هيبلغو بالنتيجه بالتليفون

رجع هو وفرحه وكان على الطريق سرحان جدا و باين عليه الحزن

فرحه قالت بتوتر... انت لسه زعلان لاني ما عرفتش اخد الفرشه... والله ما لقيتها

لؤي ابتسم وقال ....اكيد لا طبعا....انتي كثر خيرك لانك حاولتي اصلا .....انا زعلان على اكمل مش قادر استوعب احنا ظلمناه قد ايه ....ازاي نكون عايشين العيشه دي انا وعدي و هو يكون الوريث الوحيد لابوه وعاش عمره بالشكل ده

فرحه قالت...طب احنا لسه مشوفناش النتيجه مش يمكن ميطلعش ابن عمك

لؤي ابتسم بحزن وقال .....ما بقيناش محتاجينها خلاص يعني تفتكري لو هو كان مزور التحليل بتاعه زي ما عمي قال...كان هيطلع لنا الفرشه ويمشط بيها شعر قدامنا يعني خدوا اكشفوني ....انا بس عايز التحليل علشان اسيا....انما اكمل ابن عمي وانا كنت ديما متأكد....احنا مش بس ظلمنا يا فرحه احنا عملنا منه وحش ....والله اعلم الحكايه دي هتنتهي على ايه

عند اسيا دخلت الاوضه وقالت ببتوتر .... شوف انا ما ليش دخل انا ....شوفتهم بالصدفه

اكمل ابتسم بسخريه وقرب منها خطوات وقال... نفسي افهم هتستفيدي ايه من التحليل ده انتي او اخوكي

اسيا قالت بسرعه ....بالنسبه للؤي ما اعرفش هيستفيد ايه بس بالنسبا لي انا هستفيد كتير اول حاجه هكشفك واخلص منك... واثبتلك واثبت لنفسي ان عمي عمره ما كذب عليا وان ثقتي فيه في محلها

اكمل ابتسم بسخريه وقال..... طب وافرض طلع التحليل ايجابي هتعملي ايه بقى يا برنسس

بقلم.....زهرة الربيع

اسيا سكتت شويه

وهو قال بسرعه ....خلينا نعمل رهان قولتي ايه

اسيا قالت باستغراب ....رهان ايه ده

اكمل ابتسم وقال .....لما تطلع نتيجه التحليل... اذا طلع معاكي حق انا هسيب البيت ده وامشي وهتخلى عن فكرتي كلها وكمان هرجع لكم كل املاكم اللي اتكتبت باسمي قولتي ايه

اسيا قالت بسرعه وبدون تفكير ....انا موافقه طبعا بس تبقى قد كلمتك

اكمل ابتسم بمكر وقال...بس انتي لسه معرفتيش لو خسرتي هتعملي ايه

اسيا قالت بسرعه.... ايا كان..... انا متاكده اني مش هخسر عمي قال ان ابوك مش بيخلف وانا متاكده من كلامه

ابتسم بسخريه وقال..... كده تمام يعني وافقتي

اسمعي شروطي بقى...... اذا انا كسبت هتلبسي البدله الي جبتهالك وترقصي بيها ..ده طبعا مجرد تسخين لاننا هنعمل دخلتنا يا قمر..في نفس الليله وبرضاكي

اسيا اتسعه عنيها بزهول شديد وقالت...نعم

عند عصران نادتلو واحده من الخدم وقالت ....في حد مستنيه تحت

عصران نزل واتفاجئ بالضيف وقال.... ازيك يا علاء واحشنا يا ابني.... عاش من شافك

كان شاب في العشرينات قال بابتسامه ....ربنا يخليك يا عمي انتو وحشتوني اكتر والله علشان كده اول ما جيت القاهره قولت اجي اسلم عليكم فورا

عصران قال بابتسامه.... والله فيك الخير يا ابني ...انت رجعت من الغردقه امتى

علاء ابتسم وقال ....لسه النهارده والله

عصران قال بضحك.... اااه....ودلوقتي لما اختك عندنا...جتلنا اول ناس... الاول ولا كنت تعبرني لاخر اجازتك حتى فرح الولاد محضرتوش

علاء استغرب وقال....الفرح كنت بره مصر والله..بس اخت مين اللي عندكم

عصران استغرب وقال.... اختك ..فرحه

علاء استغرب اكتر وقال ....فرحه مين ....انا جاي اسلم عليكم و اقابل لؤي.... هو مش هنا ولا ايه

عصران استغربه وقال....يعني انت معندكش اخت اسمها فرحه

علاء ضحك وقال...ولا عندي اخوات بنات اصلا

عصران اتسعت عنيه بصدمه شديده من اللي بيسمعه

عند سهيله خرجت هيه ومنتصر يتعشو بره وكانوا مبسوطين وبيتفسحوا ويشوفو الدنيا

قعدو في مطعم واتعشوا والجو جميل بس كانت سهيله متوتره جدا وقالت .....انت بتضيع وقت علشان ما تدينيش الحبايه صح ...انا تعبانه..تعبانه قوي والله

منتصر بص في الساعه وقال..... خلاص فاضله ساعه واحده عشان خاطري اتحملي شويه

سهيله قالت بحزن..... طيب هصبر....هات لي اكل تاني بقى اضيع وقتي فيه

منتصر ضحك بخفه وقال....من عنيا

وطلب اكل تاني وهما بيتكلموا جاله شاب وقال ....يا باشا حضرتك راكن غلط لو سمحت ممكن بس تبعدها شويه بعيد عن المدخل

منتصر قال باستغراب.... بس هي بعيد اصلا ....طيب تعالي معايا قولي اركن فين

وبص لسهيله وقال ....عن ازنك ثواني وهرجع

سهيله ابتسمت وفضلت مكانها بتهز رجليها بتوتر وبتاكل بملل وكل شويه تبص للساعه

بس اتفاجئت باللي قعد قدامها على الطاوله وكان لابس بيزونت مخبي وشو قالت بضيق.....الطاوله دي محجوزه حضرتك

بس اتسعت عينيها بصدمه شديده لما شالو وقال.....عارف .... عامله ايه يا مزتي ..ليكي وحشه والله

سهيله اتصدمت جدا وقالت بهمس...علي ووووو

↚

اتسعت عنيها بزهول شديد ...اخر حاجه توقعتها انها ممكن تشوفه هنا معقوله قادر يقعد قدامها بعد اللي عملوا فيها

علي ابتسم وقال... بخ... عامله ايه يا مزتي ليكي وحشه والله

سهيله كانت بتبص لها بحده وغضب شديد ما يتوصفش ولسه هتتكلم قال بسرعه .....مش وقت نتفاهم الحبيب بتاعك زمانو جاي ...انا جيت عشان اقول لك ان لولو ما نسيكيش ومش هنساكي... ودي علشانك يا حب

وطلع حبايه في ورقه وادها لها وقال ...انا عارف انك تعبانه ومحتاجها

وعنواني في الورقه كمان لو حبيتي تقابليني ولا لو احتاجتي حبوب تاني انا عارف ان الظابط مانعك منها..بس انا ما يهونش عليا تعبك يا جميل

سهيله طانت بتبصلو بغضب ميتوصفش و لسه هتتكلم قاطعها تاني وقال...ما انا قلت لك مش وقته الباشا زمانه على وصول لو حابه نتكلم عنواني معاكي....سلام يا قطه

ومشي من قدامها بسرعه وهو بيستند على عكاذه

سهيله بقت تبص للورقه اللي فيها الحبايه وكان لها مده مأخدتهاش وهتموت عايها

ميكت كباية الميه عايزه تاخدها بسرعه قبل ما يجي منتصر ولسه هتحطها على بقها بقت تفكر منتصر واصراره انها تروح للدكتور وخناقاتها معاه ..عدت قدام عيونها لحظات صبرو عليها وهي في اسوء حالتها وحتى ما حاولش يستغلها وكل همو انها تتعافى ... نزلت دموعها ورجعت حطيتها في الورقه تاني وحطيتها في جيبها قبل ما يجي

بعد دقايق جيه منتصر وقعد قصادها وقال...مش عارف الاغبيه دول مالهم... اصلا العربيه بعيده عن المكان حاجه تقرف...كنت هرزعو رصاصه اجيب اجلو و

بس سكت لما شاف دموعها اللي بتحاول تخبيها بالنقاب بص لها جامد وقال ....مالك يا سهيله فيه حاجه زعلتك ولا ايه

سهيله قالت بدموع...لا مفيش...بس تعبانه قوي يا منتصر هو مش المفروض خلاص كده خلينا نرجع على البيت اخذ العلاج

منتصر اتنهد وقال ....ماشي زي ما تحبي ..اصلا خلاص كفايه الوقت ده ..يلا بينا

ودفع الحساب وقاموا بالفعل خرجوا من المكان واتوجهوا على بيتهم وسهيله كانت شارده طول الطريق في اللي حصل معاها وخايفه لان علي قدر يلاقيهم

بقلم... زهرة الربيع

عند اسيا ضحكت جامد لما سمعت كلام اكمل و الرهان بتاعه وقالت...يادي البدله اللي هتجننك ...يا ابني ما انا قولت لك من اول يوم الحاجات دي لها ناسها..و مستحيل احطها على جسمي بتفهم من فين ده طبعا غير احلام اليقظه بتاعتك لان برضو سبق وقولتلك انك مستحيل تلمس شعره مني ...قال دخلتنا وبرضايا كمان ده انت نكته والله

اكمل ابتسم وقال باستفزاز...يبقى انتي متاكده بقى ان انا ابن عمك و انك هتخسري قدامي

اسيا قالت بسرعه .....انا متاكده انك مش ابن عمنا ...انا لو شاكه بس ان انت ابن عمنا او تقربنا لو من بعيد ..اكيد ما تعاملش معاك بالطريقه دي لان انا اكتر واحده بحترم اللي مني واقدرهم

اكمل قرب منها وقال ..طب وايه اللي مخليكي واثقه قوي كده ...كلام عصران

اسيا قالت بسرعه وثقه... ايوه كلام عصران.... انت بتكرهه لانك ما تعرفوش انما انا عصران رباني كان ليا الام والاب اللي اتحرمت منهم عمري كله...كان جمبي في اصعاب ايام حيلتس...وعمره ما خدعني او كدب عليا ....اكيد مش هصدق واحد اعرفو امبارح واكدبو هو...خصوصا انو عندو دليل وورانا التحاليل شوفتها بعيوني ...عمي ماهر ما كانش بيخلف تبقى انت ابنه ازاي

اكمل ابتسم بضيق وقال.... اه طبعا وراكي التحاليل ومستحيل يكذب....بس انا بكدب عادي ...والتحليل بتاعي يتعاد مره ثانيه حتى الاميره تصدق

اسيا قالت بضيق...ده طبيعي لانك مش اهل ثقه... وانا مش بعيد التحليل لاني شاكه في عمي لا ..بعيده علشان لؤي يتاكد ان معانا حق في كل اللي بنعمله معاك لانه غلبان قوي ومصدقك

اكمل قرب منها قوي وبص لعيونها جامد وقال....تؤ..لا مش مصدقك...انا متأكد ان المرادي بتعملي التحليل علشانك مش عشان اخوكي

اسيا ارتبكت من كلامو وثقته وحاولت تبعد عيونها وقالت...اكيد لا

اكمل ابتسم بسخريه وقال.... بداتي تحسي متاخر يا اسى حياتي... بس انا نفسي اعرف حاجه واحده بس..ايه ممكن يكون رد فعلك لما تعرفي ان معايا حق وان كل الكلام اللي كنتي بتطربيني بيه طول اليوم انتو السبب فيه وعمك اللي بتقدسيه ..الثقه ...اللي مبيكدبش هو اللي عمل فيا كده ...ممكن بس تقولي لي هتعملي ايه وقتها

اسيا اتوترت جدا من كلامه الفكره نفسها وترتها جدا لو كان فعلا كلامه حقيقي ازاي ممكن تواجهه بعد كل اللي قالتهولوا

بس نفضت اي افكار من دماغها وقالت بغضب.... قولت لك مش هيحصل انا شوفت التحاليل بتاعة عمي بعنيا ..اما تحليلك انت اللي روحت عملته ده من بره لبره ما نعرفش عنه حاجه

اكمل ابتسم بخبث وهمس عند ودنها وقال.... وبالنسبه للتحليل اللي عمك عمله من 10 سنين ....لما اخدني من ايدي ورحنا عملناه واكد له اني ابن اخوه وبرده رفض ياخدني معاه يا ترى الصادق بتاعك قلك حاجه عنه

اسيا اتسعت عنيها بزهول شديد من اللي بتسمعه منه

عندي فرحه ولؤي كانو خلصو من المعمل ومرو على الصيدليه وكل شيئ تمام خلصوا شغلهم وراجعين في العربيه

لؤي قال بحماس...ادعي معايا يكون كلامي صح واكمل ابن عمي ...ان شاء الله تظبط واجيب النتيجه اوريها لاسيا بقى علشان تبطل كلامها اللي زي السم معاه في الطلعه والداخله ....يمكن لو اتحسنت معاملتنا معاه ربنا يهديه ويهدى شويه

فرحه ضحكت وقالت....بس انا حاسه مش هيجيب نتيجه حتى لو طلع منكم.... الجدع ده واضح انه اتسممت افكاره ما اعتقدش هتستفاد حاجه

لؤي ابتسم وقال.... بالعكس كل حاجه بتتغير بالمعامله الحسنه

فرحه بصيت له وقالت باهتمام .....حتى جراح الماضي

لؤي شرد شويه لما قالت كده وقال ..ممكن ...ليه لا....هيه طبعا اثرها بيفضل في القلب بس اكيد بنتخطاها ...بنتعايش

فرحه ابتسمت لما اتاكدت من اللي في دماغها وقالت بدون مقدمات..... ايه اللي حصل معاك في طفولتك...انا بقت متاكده في حاجه حصلت معاك وهيه السبب في حالتك دي ...ولو كنت حكيت للدكتور عليها ما كانش زمانك بتتعالج لحد دلوقت لان اول طريقه للعلاج من المرض هي اعترفنا بيه يا لؤي

لؤي بص قدامهم بخنقه وقال على طول....انا طفولتي كانت كويسه ما فيش مشاكل ابدا

فرحه ابتسمت وقالت.... ما بتعرفش تكدب يا لؤي ..طيب شوف لو مش حابب تحكي لدكتورك احكي لي انا.... قولي كل اللي مش قادر تحكي لاي حد

لؤي ابتسم وقال ....احكيلك انتي... ده ايه الثقه دي كلها

فرحه قالت ....يعني اكيد مش هيكون اسوء من اللي انا حكيتهولك

لؤي اتنهد وقال... لكل انسان طاقه يا فرحه ..وانا طاقتي ما بتسمحليش اتكلم في الموضوع ده بالذات....انا قولت لك قبل كده في حاجات بتفضل في القلب ومتحرم على اللسان ينطقها لاي قريب

فرحه قالت بدون مقدمات...طب لو لحبيب..برضو مش هيقول

لؤي اتسعت عنيه بدهشه وبص لها بزهول من جملتها

عند سهيله اول ما رجعو البيت جريت بسرعه على الاوضه منتصر راح وراها لقاها بتفتش في دولابه بسرعه

اتنهد وقال..... مش موجود عندك انا سايبو معايا... في جيبي دايما

سهيله جريت عليه بفرحه ولهفه وقالت ....طيب يلا ...ده معادها اصلا ...يلا بسرعه لو سمحت

منتصر اتنهد على حالتها وطلع الحبايه من جيبه وبص لها وقال ....هتاخدي نصها بس ..تمام

سهيله قالت بضيق...ليه بس

ابتسم وقرص خدها بلطافه وقال... كده احسن بكره هتشوفي ازاي انتي بنفسك هترميه.... مش انتي بتثقي فيا عمري قولت لك حاجه وطلعت غلط

سهيله ابتسمت وهي بتبص لعيونه وقالت ....بثق فيك جدا

منتصر ابتسم وقسم الحبايه وحطلها نصها على شفتها

و هو يبص لها بتوهان شديد

↚

سهيله حطتها تحت لسانها بسرعه وغمضت عينيها باستمتاع وقالت.... الحمد لله ...واخيرا

بس فتحت عنيها وشهقت لما منتصر جذبها ليه بقوه وحاوطها بايديه وقال .....هتقتليني بجمالك ده.... انتي هتخفي بس المشكله فيا انا اللي ما ليش علاج

سهيله ابتسمت ابتسامه جميله جدا وحاوطت رقبته بايديها وبصت لعيونه وقالت .....علاجك عندي يا حضرة الظابط

منتصر كان بيبص لها باستغراب واندهش بشده لما قربت منه برقه شديده في لحظه جميله جدا بينهم

عند اسيا بصت لاكمل لصدمه وقالت.... انت بتقول ايه ...عمي بنفسه عملك تحليل...امتى و ازاي

اكمل ابتسم ببرود زي العاده وقال .....تدفعي كام واحكي لك

اسيا قالت بسرعه ....اكمل مش وقت برودك.... ايه اللي قولته من شويه ده

اكمل قعد على الكرسي وولع سيجاره ببرود وقال..... ولو ان مش هتصدقي بس هقولك علشان ميهونش عليها حيرة عيونك دي

اسيا اتنهدت بنفاذ صبر وقالت..اخلص من غير نحنحه

اكمل ضحك بخفه وقال.....من 10 سنين كده تقريبا بعد ما انا جيت هنا البيت وعمك طردني

في يوم كنت راجع من الورشه...ما انا كنت صبي في ورشه لما كنت في ثانوي ...وقتها اتفاجأت بعمك قدام البيت قال لي يا ولد انت مش بتقول انك ابن اخويا....ماشي هنروح دلوقتي ونعمل تحليل ولو طلع كلامك صح هاخدك تعيش معانا

اسيا كانت مصدومه وهو كمل بسخريه ووجع واضح في صوته وقال....وقد ايه بحس بالهبل كل ما افتكر ساجتي وانا رايح مبسوط اني هعمل تحليل يثبت نسبي

مبسوط بتحليل وسخ يثبت قد ايه امي كانت واحده رخيصه ...بس مش مشكله هيبقالي اب..... يااااه هيبقالي اب ده كان حلم كبير بالنسبالي

و رحنا عملنا التحليل وعمك كان بيبص لي بسخريه واستعلاء زي حضرتك كده بالظبط ومتاكد وواثق النتيجه هتطلع سلبيه

ويوم ما روحنا نستلم النتيجه لقيتو بيتخانق بشده مع الدكتور وبيقول له انت بتقول ايه ابن مين انتوا اتجننتوا اكيد المعمل بتاعكم في حاجه ...انا غلطان اني جيت هنا

كان هيمشي من المعمل بس لقاني في وشه بص لي بنظره غضب وحقد وقال لي.... انسى انك تدخل على حياتنا انا اخويا ملوش اولاد الورقه دي تبلها وتشرب ميتها انت وامك الطماعه شوفها جابتك من اي داهيه ...وقطع التحليل ورماه في وشي ...واختفى من قدامي واختفى معاه اخر امل ليا

اسيا قعدت بصدمه شديده على السرير وهيه مش مستوعبه اللي سمعته ازاي ممكن تقول له كذاب بعد كل الالم اللي شايفاه في عيونه وهو بيحكي وشارد زي ما يكون لسه شايف الموضوع قدامه حطت ايديها على دماغها وحاسه بصداع شديد

اكمل ابتسم بسخريه وقال...تؤ تؤ تؤ لا يا بنت البشوات ما يهونش عليا زعلك ابدا ما تعمليش في نفسك كده ....اكيد انا فاهم غلط ما هو طبعا عمك مبيكدبش

اسيا وقفت وهي بتلف في الاوضه بزهول وقالت.... هو اكيد ما بيكدبش عليا..لا انت اكيد فعلا فاهم حاجه غلط ايه اللي بيحصل لي ده انا محتاج اتكلم معاه فيه حاجه مش طبيعيه

اكمل قرب منها قوي وبص لعيونها وقال.... هو الحاجه الوحيده اللي مش طبيعيه هنا عيونك

اسيا اتسعت عنيها بدهشه.... هيه بتتكلم في ايه وهو في ايه ابتسمت تلقائيا وقالت ..... يا ابني والله انت مريض ...محتاج دكتور مخ واعصاب بجد

اسيا لسه هتمشي مسك ايدها وقربها ليه وقال..... والله انا ما اعرفش مخي نظامه ايه ....بس الاعصاب فعلا محتاجه تتظبط خصوصا لما بكون معاكي .. ممكن اسألك سؤال دايما بيجي على بالي ...هو انا لو كنت اتولدت هنا واتربيت معاكم في نفس البيت زي عدي كنتي هتحبيه هو برده

اسيا بصتلو بدهشه وقالت..ايه السؤال الغريب ده وانا هعرف منين يعني كنت هحب مين

اكمل قرب منها قوي وحط ايده على قلبها وقال.... من ده ..مفيش فيه اي مشاعر ليا.... مش بيدق باسم اكمل نهائي...يعني ما عملهاش ولا مره حتى لو بالغلط

اسيا كانت مستغربه كلامه ومستغربه نفسها اكتر لان فعلا قلبها بيدق جامد بوجوده قالت بتوتر....اكمل ابعد انا عايزه اخرج

بس اكمل قرب عليها اكتر وقال ....طب لما بكون قريب منك مش بتحسي بأي حاجه

اسيا اتوترت اكثر وبقت ترجع لورا وقالت ....اكمل انت بتعمل ايه بس بقى ابعد

اكمل بقى يقرب عليها قوي وكانه مش سامعها وقال... ولما بتشوفي نظراتي ليكي مش بيتحرك قلبك ابدا

اسيا كانت هترجع اكتر لقت الحيطه وراها

وهو قرب عليها قوي ومشى ايده عليها بجراءه وقال بهمس.... لما بلمسك مش بتحسي باي حاجه

اسيا هزت راسها بالرفض بتوتر

ولسه هتتكلم قرب منها بقوه في لحظه جميله اتمناها قوي من زمان

اسيا حاولت تبعد ومقدرتش

و اول ما بعد عنها ضربتو في صدره بتوتر وقالت..... انت ايه اللي عملته ده ...ابعد عني ...سيبني ابعد

اكمل ابتسم بسعاده من جواه وقال ...عملت اللي هموت عليه من زمان ولسه ياما حاجات نفسي فيها وهعملها

اسيا دفعتو بقوه وقالت..... انت اصلا مجنون..و انا غلطانه اللي قاعده معاك

و لسه هتمشي مسك ايدها وقال بسرعه....بحبك....عشقت قمر عالي قوي يا بنت البشوات

بقلم...زهرة الربيع

اسيا التفتتلو بسرعه وصدمه وهيه متفاجاه جدا من اللي سمعته

عند لؤي بص لفرحه بدهشه وقال..... حبيب

فرحه قالت بتوتر .... اه حبيب..... ما عندكش احباب ولا ايه يعني اكيد عندك

لؤي ابتسم على ارتباكها وقال.... اكيد عندي واحلى واغلى احباب كمان

فرحه ابتسمت بسعاده من جواها وقالت..... يبقى هتتكلم طالما عندك حبيب ترتاح له هتتكلم وتحكي له

لؤي غمز وقال .... علشان كده انت دي حكيتي لي عن موضوعك

فرحه ضحكت جامد وقالت..... على فكره حمدي اثر على شخصيتك بجد

اطلع وبطل رغي بقالنا ساعه في الطريق

لؤي ضحك جامد وقال...ولو اني مش حابب الطريق تخلص معاكي....بس الامر لله

فرحه ابتسمت وقالت...مش هتفرق تخلص او لا..لان وجهتنا واحده

لؤي ابتسم ابتسامه جميله وقال....معاكي حق وجهتنا واحده

وطلع بالعربيه

بعد شويه وصلوا ونزلوا وهما مبسوطين وداخلين البيت بيضحكوا بس لؤي اتصدم واتسعت عينيه بذهول شديد لما لقي علاء صاحبه في البيت مع عمه عصران اللي كان بيص له بغضب وقال....اهو لؤي وصل اهوه... تعالى يا لؤي يا حبيبي صاحبك علاء مستنيك من زمان

فرحه كانت بتبص لهم ومش فاهمه ليه التوتر ده كله اما لؤي كان هيقع من طوله من الموقف

عندي سهيله بعدت عنه وهي بتضحك وهو ما كانش مصدق نفسه من اللي عملته ضحك بخفه وقال .....لا الحبوب دي عاليه بس جامده والله

سهيله ضحكت ونامت على السرير وقالت...هيه الحبوب لحقت تعلى او توطى...انا بس حبيت اشكرك....وسبني انام بقى لاني تعبانه تعب النهارده

منتصر قرب منها ونام جنبها وقال ....طب مش لما تغيري اللبس ده....ولا تحبي اغير لك انا

سهيله رفعت ايديها وقالت ...بجد مش قادره اقوم شد العبايه بس

منتصر ضحك وقال ....من عيوني

وساعدها قلعت العبايه واخدها هيحطها في الدولاب بس وقعت منها حاجه

منتصر مسكها باستغراب وكانت الورقه اللي فيها الحبايه فكها بلستغراب واتصدم لما لاقي حبايه جواها

وورقه مكتوب فيها عنوان علي ومكتوب من تحت

قابليني يا حياتي في العنوان ده فيه كلام كتير لازم نقوله وحشاني

منتصر كان حرفيا هيقع من طوله لما قرا الرساله معقوله بتقابله وبتاخد منه حبوب افكار سيئه جدا جات في دماغه وقال بغضب شديد وزعيق ..... سهييييييله

سهيله كانت هتنام التفتت له وقالت ...في ايه يا ابني كنت هنام و....

بس قطعت كلامها لما شافت الورقه في ايده والحبايه قعدت بسرعه وزهول ووووو

↚

كان هيتجنن لما شاف رساله علي ليها يا ترى فين قابلته وامتى اخدت منو الرساله والحبايه وليه محتفظه بيهم حس دماغه هتوقف حرفيا وقال انفعال شديد ....سهيلللله

سهيله اتخضت والتفتتلو وقالت... في ايه يا ابني مش قولت لك هنام و

بس اتصدمت بشده لما شافت الورقه في ايده

بلعت ريقها بارتباك شديد وقامت وقالت.... ممكن تهدى وانا هفهمك كل حاجه

احتدت عنيه بغضب شديد وقال ...تفهميني ايه هو في حاجه المفروض افهمها.... تفهميني انك بتخدعيني ومعرفاه مكانك ولسه بتاخدي منه السم ده ولسه بتقابلييييه

سهيله اتصدمت باللي قالو وقالت بخوف...يا منتصر اهدى شويه وشغل دماغك هو انا كنت اتحركت من جنبك من وقت اللي حصل هقابله فين بس.... ده النهارده اول مره نطلع

منتصر هز راسه بسخريه وقال..... اه طبعا اول مره نطلع فقلتيلو يجيلك فرصه تشوفو بعض

سهيله اتنهدت وقالت.... لا طبعا مش ده اللي حصل ....انت لما طلعت من الكافيه علشان تركن العربيه اتفاجئت بيه قاعد قدامي ....والله ما كنت اعرف انه هناك واداني الورقه دي والحبايه وانا حطيتهم في جيبي و

قاطعها بغضب شديد وزعيق وقال.... وحطيتيهم في جيبك ليه ما رميتيهمش في وش امه ونادتيني ليه ....بس تناديني ازاي وانتي خايفه على الباشا لحسن ااذيه ولا تجراله حاجه لا قدر الله

سهيله هزت راسها بالرفض وقالت بدموع.... لا لا الموضوع مش كده والله

منتصر قرب عليها وقال من بين اسنانه بغضب شديد.... امال الموضوع ايه ...لسه خايفه عليه لسه بتفكري فيه لسه بتحبيه يا سهيله بعد كل ده ....اقتلك واقتله واولع في نفسي علشان ترتاحي

بقلم...زهرة الربيع

سهيله قلقت جدا من عصبيته وقالت.... اهدى يا منتصر ارجوك

منتصر مسكها من دراعها وهزها بعنف بغضب وقال ....انا هادي جدا كده فاهمه هادي جدا ...لما بعد كل اللي حصل ده ولسه بتداري عليا ...جيه لحد عندنا وما قولتليش من خوفك على الباشا ...ولسه قاعد عاقل وما خنقتكيش بايديا ابقى هادي جدا

سهيله قالت بدموع وانفعال.... افهم بقى انا مش خايفه عليه هو انا خفت عليك انت والله خوفت عليك

منتصر اتفاجأ ثواني وهو بيحاول يستوعب جملتها و ساب ذراعها وبص لها بدهشه

سهيله قالت بدموع ... اقسم بالله خوفت عليك انت... انا ما بقاش عندي غيرك في الدنيا دي لو خسرتك مش هقدر اكمل مش هقدر ابدا

وقعدت على السرير وحطت ايديها على وشها وبقت تبكي بشده

منتصره اتفاجئ جدا وبقى يبصلها بحيره.

عند لؤي كان في موقف لا يحسد عليه بعد ما لقى صاحبه اللي مفهم عمه انو اخو فرحه بلع ريقه بتوتر شديد وقال.... ازيك يا علاء مقولتش انك جاي يعني

علاء استغرب وقال بحرج..... هو انا من امتى بقول لك اني جاي يا لؤي... قلت اشوفك عادي بس شكلك منبسطتش

لؤي لسه هيرد عصران قال بسرعه....لا طبعا دي احسن حاجه عملتها كنت واحشنا جدا يا علاء بس هو لؤي شكلو تعبان او ...اتفاجأ زيي

لؤي ارتبك اكتر من كلام عمه وعلاء قال...طب مش تعرفنا مين اللي معاك دي

فرحه سلمت عليه وقالت...اهلا انا فرحه اخت واحد صاحبه

لؤي لوا بقه شمال ويمين بطريقه تضحك لما قالت كده وميل عليها وقال بهمس.. اخت مين بقى خلاص اتنيلي

فرحه ما كانتش فاهمه حاجه ولا عارفه ان ده نفسه صاحبه اللي قال لهم انها اخته

وعلاء قلبي بابتسامه.. اهلا وسهلا اخت مين بقى في اصحابنا انا اعرفهم كلهم

لؤي لسه هيتكلم عمه ابتسم بطريقه تقلق وقال ....مش مهم بقى دلوقتي يا علاء يا ابني انت النهارده ضيفنا ما تعرفش انا فرحان بجيتك دي قد ايه

علاء ابتسم وقال.... وانا والله يا عمي

لؤي اتنهد لما شاف نظرات عمه وقال بقلق ويأس.... وانا كمان ...كلنا هنبقى مبسوطين هننبسط قوي.. انبساط جماعي

فرحه لقته متوتر جدا قربت منه وقالت بهمس..... هو في مشكله ولا ايه مالك

لؤي همس لها وقال.... بتعرفي تلطمي وتندبي وتصوتي

فرحه قالت بدهشه.. اه طبعا بس هنلطم ونندب على مين

بلع ريقه بتوتر من اللي جاي وقال.... على حظنا الهباب..الطمي على حظنا النحس

عند اسيا كانت في حاله زهول غريب جدا من اللي قالوا اكمل معقوله قال لها بحبك ولا هيه سمعت غلط فيه حاجه مش طبيعيه

قالت بتوتر شديد.... انا اكيد سمعت غلط....اوانت هبت منك زياده انهارده او

قاطعها بسرعه وقال..... او بحبك بمعنى كل حرف فيها ....ايه ...اوعي تقولي لي ابن الشوارع مش من حقه يحب كمان

اسيا بعدت عنه بتوتر شديد وقالت.... اكيد من حقك تحب بس كل واحده المفروض يختار حد مناسب ليه يحبه

اكمل ابتسم بسخريه وقال ....عمره القلب ما كان بيختار الجمله دي اول مره اسمعها

اسيا اتنهدت وقالت .....اكمل انت عارف كويس انت ايه بالنسبالي ....شوف انا بحاول ابطل اجرحك بالكلام على قد ما اقدر..وكل ما اتجاهل تصرفاتك لكن برده بترجع تعمل حاجه تخليني ااذيك غصب....انا لما بقول لك الكلام ده مش ببقى مرتاحه ...بس لازم اقولهولك علشان تفوق لازم تفهم من نفسك ان انا منفعكش مش انا الشخص المناسب ليك انا دنيا وانت دنيا تانيه.... اني ابادلك مشاعرك ده المستحيل بعينه

اكمل قرب منها قوي وقال..... بس انا مش مستني منك اني اكون المناسب ليكي ومش مستني منك مشاعر مش مستني اي حاجه .....بس حبيت تعرفي اني بحبك وهفضل احبك دي حاجه هعملها غصب عنك زي كل اللي عملته غصب عنك ...صحيح مش هقدر اجبرك تحبيني بس انتي كمان ما تقدريش تجبريني ابطل احبك

رغم ان كلامه مستفز لكن كانت مبهوره جدا بالحب اللي في عيونه واسلوبه اللي بيرضي غرورها حاولت تداري اعجابها بكلامه وقالت.... براحتك هتجيب الاذى لنفسك وبس

و لسه هتمشي مسك ايدها وقال ....بس انا عشقت الاذى اللي بيجي منك يا اسيا

اسيا قالت بسخريه واستفزاز.... حلوف يعني

اكمل بص لها بغيظ وقال..... حلوف يا مكعب التلج يا تلاجه متنقله يا برود متحرك

اسيا ضحكه على غيظه وقالت .....عشان تصدقني بس ....اهو كلامك الزباله ده يخليك تتاكد ان كلامي صح ..وان اخر حاجه ممكن تبقى بينا الاهانه وبس

اكمل قرب منها قوي وقال .....ده لانك مش عايزه تدي فرصه لاي حاجه تانيه.... طب جربي كده نقرب ...جربي تباتي ليله واحده في حضني واوعدك بعدها هتعشقيني العمر كله

اسيا مررت اصابعها على اطراف شعره بدلال شديد وقالت برقه ....في حضنك

اكمل حاوطها باديه وقال بلهفه...في حضني وجوه قلبي ..اسكنك فيه العمر كلو

اسيا قربت اكتر وقالت بهمس عند شفايفه... بس انا عندي اسكن في بلاعه اكرملي

اكمل اندهش وبص لها بغيظ ما يتوصفش وابتسم وقال بسرعه ...الاهي تغطسي في بلاعه ماليها قرار يا بعيده

اسيا ضحكت جامد وخرجت بشقاوه وقالت... ابقى سلم لي على احساسك

لسه هتخرج من الباب قال بضيق.... رايحه فين دلوقت

اسيا ابتسمت بسخريه وقالت.... هروح اسال عمي على موضوع التحليل بتاعك اللي عمله لك من سنين

اكمل ضحك بسخريه وحط ايديه في جيوبه وبص لها وقال

... من كل عقلك فاكره هيقول لك عملته ما طبيعي هينكر

قالت بابتسامه مستفزه....وطبيعي لو انكر هصدقه يعني اكيد مش هكذب عمي اللي رباني يا استاذ احاسيس

اكمل اتنهد بخنقه وقال....امم...طب اعتبري نفسك روحتيلو وقالك ما حصلش وصدقتي متتعبيش نفسك على الفاضي

اسيا ابتسمت وقالت .....معلش سيبني اجرب حظي مش هخسر حاجه

اكمل هز راسو بيأس منها وهي ابتسمت وقالت.... على فكره يا اكمل انت مشروع جنتل مان ناجح جدا...مش ناقصه كتير فاضل بس تنقي قلبك من الغل اللي عمل صدى عليه وتشيل الافكار والاوهام دي من دماغك وهتبقى شاب مفيش منك وانا اول واحده ممكن اساعدك

اكمل ضحك بخفه وقال.... مش عارف ليه حاسس الصناره ابتدت تغمز

اسيا ضحكت ضحكه جميله وقالت..... طب خد بالك على نفسك بقى الصناره لما بتغمز بتصطاد وانا متعوده قوي على مسكت الصناره واستاذه في الصيد

قالت كده وخرجت واكمل حط ايده على قلبه وابتسم بارتياح شديد وخرج للبلكونه بقى يشم هوا وهم مستمتع جدا بكل نظره من عيونها وكل كلمه بتخرج من شفايفها حتى لو كان فيها اذى ليه

↚

عند سهيله كانت بتبكي على السرير ومنتصر اتنهد وقعد جنبها وقال بضيق .....لو سمحتي ما تعيطيش ما تستخدميش دموعك ضدي ده مش عدل ابدا

سهيله مسحت دموعها بسرعه وقالت ببراءه ....والله مش قصدي ابدا استعطفك بس انا اعصابي تعبانه الفتره دي

منتصر اتنهد وقال..... عارف عشان كده في حاجات كتيره بعديها يا سهيله... بس كمان في حاجات مش هتعدي معايا نهائي زي لما احس انك لسه خايفه عليه وبتحاولي تحميه

سهيله قالت بسرعه ...اقسم بربي ما بحاول احميه ابدا ..انا عارفه انك مش هتصدقني بسهوله بس انا بعد اللي عرفته عنه بقيت بخاف قوي منه..... بحس ان اي حاجه سهله عليه بعد اللي عمله معايا... ما كنتش عيزاك تتواجه معاه كنت خايفه عليك يا منتصر والله خايفه عليك انت

منتصر ابتسم وهو بيبص لعيونها وقال ....لو بجد خايفه عليا ما توجعيش قلبي فيكي تاني لان دي الحاجه الوحيده اللي هتاذيني وتقتلني ما تخبيش عني اي حاجه تانيه يا سهيله ممكن

سهيله هزت راسها بسرعه وقالت..... حاضر اخر مره

منتصر ابتسم ابتسامه جميله وقال..... تمام سماح المره دي

سهيله ابتسمت وقالت بسعاده.....يعني سامحتني خلاص

منتصر ابتسم وقال ..وهو انا بعرف ازعل منك اصلا .....القلب قدام عيونك تاه .....أسد قدام الكل وقدامك يا حول الله

سهيله ضحكه جامد وحطت ايدها على خده وقالت.... احلى اسد شوفته

منتصر اتنهد وقرب منها قوي وقال....الاسد تعبان يا بت

سهيله ارتبكت جدا وجريت نامت وشدت الغطا عليها وقالت... تصبح على خير

منتصر ضحك جامد وهز راسو بيأس منها وطلع جنبها بسرعه حضنها وقال ...ماشي ننام اهي مصلحه برضو

سهيله ابتسمت وقالت.....و بعدين بقى سبني عايزه انام بجد

منتصر ابتسم وفال...خلاص هو سؤال واحد وهسيبك تنامي

.... كنتي سايبه الجواب معاكي ليه انت لسه بتفكري تروحي تقابليه

سهيله قالت بسرعه ....لا والله ابدا ده عشان الحبايه ملفوفه فيه

ونزلت عيونها بحرج وقالت ...انا لسه ما اتعافيتش لدرجه اني ارميها على شويه كنت هاخدها بس افتكرت قد ايه انت تعبت معايا لحد انهارده وغيرت رأيي في اخر لحظه

منتصر ابتسم بسعاده من جواه كل كلامها انهارده طيب روحه ضمها وباس راسها بحنيه وقال .... هتتعافي قريب باذن الله هتتعافي

سهيله ضمته وقالت.... المهم انك معايا

منتصر ابتسم بسعاده وضمها اكتر وراحوا في نوم عميق سوا

عند لؤي كان واقف قدام عمو بتوتر شديد بعد ما مشي صاحبه وقال .....عمي انا ....انا هشرح لك كل حاجه.... يعني اكيد هحكي لك و

بس عمو قاطعو لما ابتسم وقال بطريقه مريبه ....ما فيش داعي.... البيت بيتك انت حر يا حبيبي ما فيش داعي للتبرير اصلا

لؤي استغرب جدا وقال ....يعني انت مش عايز تعرف ....

بس قاطعو تاني وقال.... انا قولت لك البيت بيتك

لؤي لسه هيتكلم اسيا جات وقالت ....عمي ممكن دقيقه من وقتك

عصران ابتسم وقال ....يلا يا قلبي

وراح مع اسيا وسابو واقف بزهول ومستغرب جدا من رد فعله

فرحه قالت باستغراب.... مالك مش على بعضك كده...مين اللي كان هنا ...وفيه ايه مع عمك

لؤي قعد على الكنبه وقال باستغراب.... ده علاء صاحبي ده اللي قولت لعمي انك تبقي اخته

فرحه لطمت على خدودها بزهول وقالت.... يا نهار اسود يعني هو كده عارف ان انا مش اخت صاحبك

لؤي قال بقلق.... الغريب مش في كده الغريب انه معقبش ولا علق ولا اتعصب.... ربنا يستر

عند عصران كان في المكتب مع اسيا وكان متضايق جدا من اسئلتها وقال ....هو انا ليه حاسك بقيتي تتهاوني مع الشاب ده وتصدقي اي حوار يقولهولك ما انتي عارفه انه بيقول حوارات ده كل قصته انه امه جابته من حد الله اعلم بيه وعلشان يطلع من على دماغها قالت له انه ابننا وبلتنا بيه .....ده طبعا اذا كانت امه هي اللي ضحكت عليه ما كانش متفق معاها ..وما حصلش اي حاجه من اللي قال عليها دي اول مىه اسمع الكلام ده منك.... ولا روحت ولا عملت اي تحاليل من دي

اسيا اتنهدت وقالت .....طيب يا عمي مدام حضرتك مصر خلاص

ولسه هتمشي قال.... بغضب يعني ايه مصر....يعني انتي مصدقاه هو وبتاخديني على قد عقلي علشان انا مصر

اسيا اتنهدت وقالت.... لا يا عمي اكيد ....انا قولت له والله... الكلام اللي انت هتقوله هو اللي هصدقه... انت عمي اللي مربيني

عصران ابتسم بسخريه وقال ....يعني هتصدقيني علشان انا عمك اللي مربيكي وبس..... ماشي يا اسيا بكره كلكم هنا في البيت هتصدقوني.... واي حد شك او اي حد متاكد هيعرف ان اللي بقوله هو الصح وان الشخص ده ما يستاهلش منكم اي شفقه ....ولا نسيتي اللي عمله في بنت عمك

اسيا اتسعت عنيها بزهول وقالت..... حضرتك عرفت

ابتسم بسخريه وقال بغضب رهيب ..طبعا عرفت ...فاكرين هتخبوا عني ..عرفت ومش هعديها له على خير...ورحمت ابويا وامي ما هعديها له

اسيا قالت بتوتر ..... يا عمي هو كان فاهم غلط و...

عصران قال بغضب .... يمكن هتدافعي عنه في دي كمان يا ست اسيا

اسيا اتنهدت ونزلت عيونها وقالت...... ابدا مش بدافع عنه... ما انت عارف ان انا مش بطيقه...عن اذن حضرتك

واول ما مشيت اتنهد بحزن وقال ....سامحيني يا اسيا انا ما عنديش اختيار غيرك يا بنتي... لازم تكرهيه لازم كلكم تكرهوا

اسيا خرجت من عند عمها وهيه مخنوقه وبتفكر في كلام عمها وكلام اكمل وحاسه باضطراب لاول مره لقيت الخدامه واخده كوبايه عصير لاكمل قالت بضيق.... انتي جايبه العصير ده لمين يا نجيه

نجيه قالت ....اكمل بيه عايزه يا هانم

اسيا اتنهدت واخدت الكبايه شربتها بسرعه من توترها وقالت...هاتيلو غيرها

وراحت على اوضتها وهي متضايقه جدا من افكارها اول مره تشك في كلام عمها ومش عارفه تصدقه

الخدامه لطمت على خدها بخوف اول ما شربت العصير وجريت على مكتب عصران بس اتوترت وخافت جدا ورجعت على المطبخ من غير ما تروحلو

بقلم....زهرة الربيع

اسيا دخلت الاوضه وقعدت على السرير وهيه بتفكر في اللي حصل

اكمل كان بيستحمى وطلع من الحمام وهو بينشف شعره لقاها قاعده على السرير بتوهان بصلها باستغراب وقال.... مالك..عمك قال لك حاجه زعلتك ولا ايه

اسيا قالت بخنقه ..اكمل انا مخنوقه السعادي ملكش دعوه بيا

اكمل ابتسم على شكلها وقال... خلاص خلاص اهدي وروقي كده.... دلوقتي نجيه هتجيب كوبايه ليمون اشربيها هتروق اعصابك

اسيا قالت بضيق..... ما انا شربتها اصلا شربتها لقيتها بره واشربتها

اكمل قال....كده من غير استئذان صاحبها ....طيب صحه وعافيه على العموم

اسيا مكانتش متزنه خالص ودماغها بدات تدور

اكمل استغرب وبص لها وقال.... مالك يا اسيا انتي حاسه بحاجه.... في حاجه وجعاكي اطلبلك دكتور

اسيا بصتلو وابتسمت ابتسامه حلوه وقالت ...تسلم لي

اتسعت عنيه بزهول شديد وقال.... اسلم لك... مين انا

اسيا قربت منه بدلال شديد وقالت..... اه انت..هو فيه حد غيرك هنا

اكمل نطق بالعافيه وقال... مالك يا بنت ما تظبطي كده فيه ايه ... شكلك عايزه تلعبي زي العاده..وانا ما بحبش الهزار ده

ولسه هيمشي مسكه ايده واول ما التفت صدمته لها قربت منه بقوه في لحظه جميله من طرفها لاول مره

اكمل اتجمد مكانه حرفيا بصدمه رهيبه بس كانت اجمل لحظه عدت عليه حاوطها بايديه بقوه وبادلها بنفس المشاعر

بعدت عنه وسندت جبينها على جبينه وقالت..... هقول لك على سر ما تقولش عليه لحد هنا في البيت....انا بفكر فيك كتير قوووي ليل ونهار خصوصا في عيونك ....عيونك فيهم طيبه بحبها قوي

اكمل كان مصدوم بشده من اللي بيحصل له وقال ....حاسس اني بحلم

اسيا مشت ايدها على خده بحنيه وقالت... خلينا نحلم سوا

اكمل بلع ريقه بالعافيه وقال....اسيا لو بتلعبي بيا كفايه ارجوكي

اسيا قربتلو اكتر وحطت صباعها على شفايفه وقالت ...اششش...انهارده مش هنتكلم...قولتلك هنحلم ..هنحلم وبس.

اكمل قرب منها بلهفه لما قالت كده ونسي الدنيا كلها في اجمل حلم اتمنى يعيشه من وقت طويل

في صباح يوم جديد قامو كل اللي في البيت على صوت صراخ شديد

لؤي طلع من اوضتو بسرعه ولقى فرحه قدامه قال بزهول....هو في ايه ....مين اللي بيصرخ كده

فرحه قالت ....ده صوت نيره.... يلا نشوف في ايه

لؤي وفرحه جريو على اوضتها ولقوا الباب مفتوح دخلوا بسرعه و اتصدموا بشده لما شافو عدي واقف من غير القميص بتاعه وبيحاول يهديها وهي مرعوبه وبتضرب فيه بخوف

لؤي بصله بدهشه وقال.... هو في ايه ....هو حمدي زارك انت كمان ولا ايه

عند اسيا كمان صحيت على صوتها فتحت عينيها بنوم وقلق وحاسه بصداع رهيب قالت .....وبعدين بقى في ايه على الصبح

ولسه هتقوم اتصدمت بشده لما لقت هدومها على الارض وهي ملفوفه في الملايه بدون ملابسها

اتسعت عينيها بزهول رهيب وهي مش مصدقه المنظر اللي شايفاه ومش قادره تلتفت جنبها من كتر الصدمه

واخيرا اتشجعت وبصت جنبها وشهقت بصدمه شديه لما لقت اكمل جمبها و كان بنفس حالتها وووو

↚

لقتو جمبها نايم بارتياح ومش لابس هدومه اتسعت عنيها بشده وهيه مش فاهمه حاجه ومش عارفه ازاي ده حصل

وصرخت بزهول وقالت...يانهار اسود يا نهار اسود .... انت يا حيواااان

اكمل اتململ بنوم وبصلها وقال بضيق...حد يدلع حد على الصبح كده فيه ايه

قالت بزهول وزعيق...فيه هباب على دماغك..ايه...ايه المنظر ده..ازاي كده انا ايه اللي جابني هناااا

اكمل قعد وقال بابتسامه و مشاكسه...مين ممكن يكون غيري ...انا خطفتك

اسيا دفعتو في صدره بعيد عنها وقالت بزعيق...انت بتهزر ..ايه القرف ده ....ازاي كده ..ازاي ده حصل انا مش فاهمه حاجه

اكمل اختفت ابتسامتو تدريجيا وقال...انتي ...انتي بتتكلمي جد ولا ايه..مش انتي اللي كنتي عايزه كده

اسيا قالت بزعيق وعصبيه شديده...انا هعوز كده.. ومعاك انت..معاك انت ازاي..ازاي طيب فهمني يا نهار اسود انا..انا انتهيت...يعني ايه...يعني ايه ازاي

اكمل اتصدم من منظرها وقال ...اسيا...اسيا اللي بتعمليه المرادي مش زي كل مره..ابدا مش زي كل مره...لو سمحتي متحاوليش تضايقيني بالطريقه دي

اسيا قالت بغضب وزعيق...انت عايز تجنني ..عايز تجلطنييي...ازاي ده حصل رد عليا ..انا انا مش فاكره حاجه..انت اكيد شربتني حاجه وعملت كده غصب عني اكيد

اكمل اتصدم بشده وقال بصدمه..غصب عنك.....طب انا هعمل كده ليه....ما انتي مراتي من زمان وحقي ومعلملتش حاجه غصب عنك...انتي جيتي بنفسك امبارح وقولتي انك عيزاني...قولتلي انك ..انك بتفكري فيا.....وقولتلي خلينا نحلم سوا..فاكره...اكيد نسيتي و

اسيا قاطعتو وقالت بغضب رهيب..انا ...انا اسيا الانصاري هفكر فيك انت...انت يا ابن الشوااارع... ازاي يعني ازاي...ده انا قرفانه من جسمي ...مش قادره اتخيل انك لمستني مش قادره

صدمه شلت كيانه ودمرت احلامه اللي ملحقش يحلمها...للدرجة دي شايفه قربو منها مصيبه...للدرجه دي شيفاه قليل ..كانت اقوى صدمه مرت عليه من وقت ما دخل البيت ده لو مكانتش اقوى صدمه في حياته كلها ...كان احساس مختلف تماما عن كل مره بتهينه فيها ..المرادي كسرته حرفيا بعد ما تخيل انو وصلها وعاش معاها ليله بعمره كلو ..رجعت دمرتو طلعت بتلعب زي العاده

دي الافكار اللي خطرت في بالو هز راسو بيأس ووجع وقال بالم واضح في صوته...فهمت...تمام....برافو يا بنت الانصاري...انا...انا بعترف انك كسرتيني المرادي...برافو عليكي طلعتيني سابع سما ورجعتيني تحت الارض من تاني...خلاص مفيش داعي تتكلمي اكتر رسالتك وصلتني

واخد فوطه ودخل الحمام بغضب رهيب وهو كاره نفسو على اللي حصل

اسيا لبست روبها وقفلتو كويس وقعدت على السرير بصدمه وزهول ميتوصفش وهيه بتحاول تفتكر اللي حصل

عندي لؤي وفرحه كانوا مصدومين لما شافوا عدي في اوضه نيره بالمنظر ده

نيره جريت على فرحه بخوف وقالت ...كويس انك جيتي ...ايه بيت المتحر،،شين ده..انا بقيت اخاف قوي هنا انا عايزه امشي من هنا حد يتصل لي باخويا حالا

بقلم...زهرة الربيع

لؤي قال بسرعه ...اهدي يا انسه مش كده اكيد في سوء تفاهم

نيره قالت بغضب..اه طبعا زي سوء التفاهم اللي بيحصل معاك ....انت بذات ما تتكلمش

لؤي اتنهد وبص لعدي وقال.... ايه اللي حصل الله يخربيتك

عدي اتنهد بزهق وقال....ولا حاجه انا بطلع من الشباك عشان بابا محرج على الحرس ما يدخلونيش بعد 2:00 بالليل..و على طول باجي هنا بدخل من اوضه سهيله لانها بتطل على الجنينه ومن اوضتها اروح على اوضتي...بس من وقت ما اتجوزت بقيت ابات في اوضتها بدل ما اروح اوضتي... ما كنتش اعرف ان عندنا ضيفه ..وبحاول افهمها من وقتها مش بتهدى عماله تصرخ زي الهبله بوظت ودني

لؤي اتنهد وقال بضيق.... مش تركز شويه... مهو طبعا من الزفت اللي انت بتشربه...لو متقي الله ومبتطفحش كان زمانك خدت بالك ان في حد نايم في الاوضه

نيره قالت بسخريه...يا سلام... برز الثعلب يوماً في شعار الواعظين

فرحه اتنهدت بخنقه من كلامها وقالت ...لؤي ممكن تاخد عدي على اوضته ...عايزه اتكلم كلمتين مع نيره

لؤي فهمها واتنهد بحرج وقال.... بلاش

فرحه مسكت ايده وقالت بابتسامه ...لا كفايه...مش هسمح لحد يظلمك بعد انهارده خلاص المرض عمره ما كان عيب

عدي حط ايده على كتفه بدعم وقال... معها حق

نيره ما كانتش فاهمه حاجه وبتبصلهم باستغراب

ولؤي اتنهد وهز راسو بالموافقه واخد عدي وخرج

فرحه اخدت نفس عميق والتفتت لنيره وقالت ....نيره في موضوع لازم تعرفيه بخصوص لؤي

عند منتصر قام من النوم واتفاجئ ان سهيله مش جنبه

اتخض جدا وقام بسرعه وقال.... سهيله ...سهيله انتي فين وفتح الحمام بس ما كانتش موجوده

قلق اكتر وطلع جري على الصاله ..بس سمع صوت القران شغال وهي بتقرا معاه بصوت جميل

اتنهد بارتياح وقرب منها بالراحه جدا علشان يسمعها من غير ما تاخذ بالها

كانت بتقرا مع الشيخ بصوت عزب جدا وبترتب سفره الفطار بطريقه شيك مع ورود وفواحات بعبير مميز

والجو يبعث الراحه في النفس بطريقه جميله

منتصر ابتسم بسعاده وارتياح من جواه شكلها بس قدامه بيطبطب على قلبه فضل يتابعها شويه

واول ما صدقت وطفت الفون قرب منها وحاوطها بايده وقال بهمس عند ودنها ....صباح الياسمين

سهيله انتفضت بخوف وقالت ....منتصر حرام عليك يا اخي كده خضتني

لفها ليه وبص لعيونها وقال ....يعني انتي بس اللي تخضيني انا قطعت الخلف لما صحيت ما لقيتكيش جنبي

مش من عادتك يعني تصحى مروقه وتعملي الجمال ده كلو

سهيله ابتسمت وقالت.... حبيت اعمل حاجه علشانك ده اول فطار احضرهولك... انا مش شاطره قوي في المطبخ بس يمشي حالي يعني

منتصر باس كفة ايدها بحنيه وقال .....كفايه انك قمتي علشاني

سهيله ابتسمت بكسوف وقالت...احم... طب سيبني بقى عشان نفطر

منتصى قربها لي اكتر وقال..... انا حاليا بفطر شوفي نفسك بقى

سهيله ضحكه بخفه وقالت... منتصر بس بقى

منتصر شدد من حضنو ليها وقال...يخربيت منتصر..والبيت اللي جمب بيته وكل القرى المجاوره...هتجيبي اجلي

سهيله ضحكت وقالت...ليه كده بس سلامتك

منتصر قرب قوي وقال بوقاحه...اه لو تحن وتيجي معايا جوله.... نجيب الكاس للدوله

عند اكمل طلع من الحمام وبقي ينشف شعره بحزن وغضب من نفسه اكتر

اسيا كانت قاعده على السرير بتهز رجليها بغضب وقفت وقالت ....خلصت... اخذت حمامك وتمام اتفضل بقى اشرح لي اللي حصل.. قولي شربتني ايه امبارح

اكمل قال بغضب شديد ....هو وانا امبارح كنت جبت حاجه هنا...كنت ادتلك حاجه وقولتلك اشربيها

اسيا قربت منه وبصت لعيونه بغضب وقالت.... اه جبت.... بس انا بغبائي ما استنيتش لما تشربهاني وشربتها لوحدي ...العصير الليمون اللي كنت طالبه على اوضتنا ...كان اخر حاجه انا شربتها وانا لما دخلت قولتلي الخدامه هتجيب عصير اشربيه...ها بقى كنت حاطط فيه ايه

اكمل اتنهد بخنقه وقال.... مش فاهم بتتكلمي عن ايه

↚

و لسه هيمشي مسكت ايده بغضب وقالت..... انا بكلمك ما تتجاهلنيش

اكمل دفع ايدها بغضب شديد وقال بانفعال ....كفايه بقى كفايه حرام عليكي.... انا بني ادم..... انا بحس... انا بتألم ....انا انسان...انا روح

اسيا اتفاجأت من انفعاله واتصدمت لما نزلت دموعه قدامها لاول مره وقال بوجع.... انا بحبك ....تعبت.... تعبت خلاص... كنت قادر اوجهه الدنيا دي كلها.. بس وقفت عندك وباظت كل حساباتي ...كل ما بشوف نظره الدونيه دي في عيونك والاستحقار ده ...قلبي ..قلبي بيتحرق.... بس معاكي حق معاكي حق ...فعلا انا مستاهلكيش يا اسيا ...حيوان من الشوارع كثير قوي عليا الليله اللي اخذتها في حضنك..و كويس انك صحتيني من احلامي وعرفتيني انها غلطه.... سواء كانت غلطه منك او كنتي قاصده تتسلي بيها زي العاده مش هتفرق ...انا خلاص اخدت قراري من النهارده مش هتشوفيني تاني

اتسعت عنيها بزهول وهيه مش مستوعبه نهاية جملتو واكمل قال بوجع وحزم...ايوه زي ما سمعتي من النهارده خلاص ما فيش اكمل.... الشيطان اللي بيزعجك اعتبريه مات انهارده ... وايا كانت مشاريعي وخططي او اسلوب حياتي هكمله بعيد عنك يا اسيا.... مش كره فيكي ابدا... بس قررت اشتري نفسي او اشتري اللي باقي مني دلو فيه حاجه باقيه...اشوف وشك بخير يا بنت البشوات

وسحب الجاكيت بتاعه ومشي من الاوضه كلها بوجع وحسره حقيقيه

اسيا كانت واقفه بتبص لطيفه بزهول مش قادره تستوعب انه راح.... معقوله مشي.... اكيد لا... ما هي عارفه اكمل مهما ضايقته مش بيهتم هيرجع تاني وهيتخانقوا تاني ما فيش حاجه هتتغير

ده اللي كانت بتقولوا بينها وبين نفسها بقت تفتكر الوقت اللي قضوه سوا ...كانت بتعدي عليها لحظات من ليلة امبارح قد ايه كانت بتضحك بين اديه ومبسوطه بضحكة عيونه

غمضت عينيها وقالت بتعب من افكارها ...ازاي بس ازاي وامتى يا اسيا... امتى عملتي في نفسك كده ...امتى بقيتي في نص البحر كده لا عارفه ترجعي ولا عارفه تكملي

انا عملت ايه...بس المرادي وجعتو بجد...و...و فيها ايه هو يستاهل....اكيد يستاهل....هو معقوله ما يرجعش

هزه راسها بعنف وتعب من افكارها واخدت هدوم ودخلت على الحمام بدموع

عند عصران كان في المكتب رايح جاي بغضب

ونجيه الخدامه واقفه قدامه بخوف

بصلها بغضب رهيب وقال....لما اتنيلت وشربتو قدامك ما جيتيش قولتيلي ليه

الخدامه قالت بخوف...خوفت من سيادتك يا باشا والله ...هي خطفت الكوبايه وشربتها مره واحده وما لحقتش امنعها ...وخفت ارجع اقول لحضرتك تزعق لي وتطردني

عصران قال بغضب شديد .....على اساس اني دلوقتي مش هطردك.... غوري من وشي مش عايز اشوف خلقتك في البيت هنا تاني فاهمه غوووري

الخدامه مشيت وهي بتبكي واكمل كان نازل بغضب شديد لقاها طالعه من اوضته بتبكي احتدت عنيه بغضب ووقف قدامها وبقى يبص لها بطريقه تخوف

نجيه اتوترت قوي وقالت.... نعم يا باشا .ع...عايز حاجه

اكمل ابتسم بطريقه مريبه وقال.... ما جبتليش ليه العصير اللي طلبته امبارح

نجيه بلعت ريقها وقالت ...كنت جايباه والله...بس..بس اسيا هانم شربته

اكمل ابتسم وقال بشر...ومجبتليش غيره ليه..ولا ده كان توليفه خصوصي ليا

نجيه اترعبا و لسه هترد عصران قال بصوت عالي... نجيه روحي شوفي شغلك

الخدامه مشيت بسرعه وخوف

واكمل قرب عليه وبصلو بسخريه

عصران حمحم بتوتر وقال....عايز ايه من الخدم كمان

اكمل ابتسم بخبث وقال....ابدا ده انا كنت بطمنها...كنت بقولها ما تقلقش اللي انت عايزه تم....يعني استثناء مين اللي شرب العصير المهم ان خطتك نجحت يا باشا

عصران قال ...انا مش فاهم بتتكلم عن ايه

اكمل ضحك بسخريه وقال..لا انت فاهم كويس....خطتك مخدش معايا ثواني علشان اكشفها...كنت عايزني اشربو انا واضايقها ...ومعندكش مشكله اني ممكن اخوفها او اذيها...المهم تبقى في صفك وتصدق كلامك

بس عايز افهمك حاجه واحده بس حطها حلقه في ودنك يا باشا..... سواء كرهتني او حبتني... او ولعنا في بعض حتى ...هيفضل طاري معاك انت ما حدش هيقدر يخلص رقبتك من ايدي ...هموتك بالبطيء يا عصران وخليك حافظ الكلمتين دول وحاول تعمل لهم توليفه عصير تنفعك المره الجايه

عصران بلع ريقه بخوف من كلامه واكمل مشي من قدامو بغضب رهيب

عند سهيله بصتلو بدهشه من جملته وقالت.... جوله ايه ...ليه حاسه ان جملتك دي كلها قله ادب

منتصر ضحك جامد وقال... ليه يا بت دي جمله في الرياضه عادي ..انتي ما عندكيش روح رياضيه خالص

سهيله ضحكت ودفعته بعيد عنها وقالت.... منتصر وبعدين فيك بجد...يعني تنا عامله لك ورد وفطار و اجواء رومانسيه وانت تقول لي جوله والدوله ومش عارف ايه

منتصر ابتسم وقال..اه...فهمتك طب قولي ليكي في الرومانسيه ده انا واخد شهادات فيها ...يلا خلينا نرقص سوا في الجو الشاعري ده

سهيله ضحكت وقالت... رقص ايه بس استغفر الله

منتصر ضحك جامد وقال..طب يا ستي بلاش موسيقى هنرقص من غيرها

سهيله قالت باستغراب....هنرقص على ايه طيب

كنتصر بقى يمشي بيها خطوات متقنه ويحركها بين ايديه وقال ....على دقات قلبي ....سامعه صوته

وحط ايدها على قلبه وقال...دوم...تك ..دوم تك

سهيله بصت لعيونه وبقت تمشي بين ايديه بسعاده كل مادى بتكتشف الحب بكل معانيه اللي كانت ظلماه جدا باعتقادها انها بتحب علي

منتصر سند جبينه على جبينها وقال..... اه بعشقك يا بنت الانصاري

سهيله اتسعت عينيها وبصت له بدهشه

منتصر ضحك بخفه وقال... ايه... اوعي تقولي لي فاجئتك ومكنتش تعرفي

سهيله نزلت عيونها بكسوف شديد ووشها احمر جدا وقالت بارتباك ..كنت عارفه بس ...بس ما تقوليش في وشي كده يعني حرام عليك والله ..طب..طب اقول ايه انا حرام عليك بجد والله

وجريت بسرعه على الاوضه منتصر ضحك ضحكه عاليه من قلبه وقال بصوت عالي..... الصبر طيب يا ابو قلب طيب

والتفت للسفره بسعاده ولسه هيتحرك

سهيله بصت من باب الاوصه وقالت بسرعه...على فكره بنت الانصاري كمان معجبه يا حضرة الظابط

ورجعت دخلت تاني وقفلت الباب بسرعه

منتصر اتسعت عليه بذهول وجري عليها بس كانت قفلت الباب حط ايده على قلبه وابتسم بسعاده من جواه هو مش مصدق اللي سمعه

بس للاسف

كان الحقير قدر يوصلهم وقريب من البيت بتاعهم بيبص عليه بحقد شديد وقال..... اخيرا عرفنا بيتك فين يا حضره الظابط

بقلم....زهرة الربيع

في البيت نيره كانت مصدومه بكلام فرحه وقالت...... يعني هو مريض بجد....ده ايه المرض الغريب ده.... بس انا مستغرباكي يعني ما تزعليش مني انت شكلك كده مهتمه بيه ازاي وانتي عارفه ان هو تعبان كده

فرحه ابتسمت باستغراب وقالت....وايه دخل تعبه باهتمامي بيه.... بالعكس مرضه ده محببني فيه اكتر

نيره استغربت وقالت... ازاي بقى

فرحه قالت...بابتسامه ...تخيلي يعني لما يكون بني ادم في كل الضغوط دي ولسه بيفكر في كل اللي حواليه ....لسه قلبه ابيض وبيراضي الكل....ولسه ثابت وقوي ومتهزش ولا يأس من رحمة ربه...يبقى يستاهل كل الحب

نيره ابتسمت وقالت ....سيدي يا سيدي انتي مش بس مهتمه ده انتي غرقانه.... على العموم قومي معايا خليني اروح اعتذر بقى وامري لله

فرحه قالت بابتسامه.... بجد هتعملي كده

نيره قالت... طبعا ....انا ضايقته كتير بس اكيد لو كان عندي علم مكنتش عملت كده

وطلعت هيه وفرحه يتكلمو معاه

بره كان عدي بيشرب سيجاره عند الاوضه بلا مبالاه ولؤي بيزعق له وبيقول.... يا ابني انت جحش... اديني شويه اهتمام انا مش بكلمك.... ينفع اللي عملته ده ....مش كفايه اللي انا فيه عاجبك لما قالت علينا متحر،،شين مبسوط دلوقت

و لسه هيكمل نيره قالت بسرعه..... انا اسفه على الكلمه دي متزعلش

لؤي بصلها وقال ...حصل خير يا انسه ....ما هو معاكي حق برده ..ده مش وضع

نيره ضحكت بخفه وقالت..... انا فرحه قالت لي على مرضك الكوميدي ده.... اكيد لو كنت اعرف ما كنتش اتخانقت معاك كل ده

لؤي ابتسم وقال... حصل خير...انا مبسوط انك حاليا مش شايله مني....و... وعدي كمان كان عايز يعتذر لك

وضربه في رجله علشان ينتبه وقال...اتكلم يا خرتيت

عدي قال بتوهان... اه اه صح..... لؤي بيتكلم صح.. انا كنت فعلا عايز.... عايز ايه كنت

لؤي هز راسو بيأس ونيره ابتسمت بسخريه و قالت ....مفيش داعي حصل خير

ولسه هتمشي سمعه صوت عربيه بوليس

نيره قالت....ليه البوليس هنا يا ترى

لؤي قال باستغراب...لا ده اكيد حد من الجيران هيجي ليه

يعني

بس اتفاجئوا باكمل جاي جري عليهم وقال..... البوليس تحت وبيسأل على فرحه

لؤي اتسعت عنيه بزهول شديد ومسك ايد فرحه بسرعه وقال .....انت بتقول ايه مين اللي بلغ..انت عملت كده

اكمل لسه هيتكلم جه عصران ومعاه ظابط الشرطه وقال.... انا اللي بلغت... هي دي يا حضرت الظابط

لؤي اتسعت عنيه بزهول شديد وووو

↚

انا اللي بلغت... ولا عايزني اسيب مجرمه قتالة قتله تعيش وسط ولادي وافضل ساكت يا دكتور لؤي

عصران قال كده بمنتهى الحزم وبص للضابط وقال... اتفضل شوف شغلك يا حضرة الظابط

لؤي بصله بزهول شديد وفرحه مسكت في ايده جامد ودموعها بتنزل برعب شديد

لؤي بصلها بقلق وتوتر وقال..... ما تخافيش انا معاكي انا جنبك ...لو سمحت يا حضرة الظابط في سوء تفاهم لو سمحتوا خلينا نشرح لكم الموضوع

الظابط قال.... هي تتفضل معانا دلوقت ..واللي معاكم قولو في القسم

لؤي قال بخوف وزعيق... تتفضل معاكوا فين لا طبعا ما حدش هياخدها من هنا

عدي يص له بحزن وقال .....لؤي اهدى ....سيبهم ياخدوها لو سمحت اكيد هنحلها

بس لؤي كان ماسك فيها بشده وقال.... لا طبعا ما حدش هياخدها على اي مكان

اكمل اتنهد وقال.... لازم تروح معاهم يا لؤي....و احنا هنفضل معاها مش هنسيبها ...لو سمحت كده مش هينفع

لؤي وقف قدامها وهو بيقول بزعيق ....وانا قولت لا مش هتروح ...طب.... طب خدوني بدلها انا هروح معاكم انا اللي قتلته انا

الكل كانوا بيبصولوا بزهول من كلامه وتمسكه الشديد بيها

والظابط قال بحزم...دكتور لؤي مش هينفع كده...احنا كده هنضطر ناخدك انت كمان

لؤي بصلو بغضب ولسه هيرد فرحه قالت بدموع ...لؤي لو سمحت خلاص كفايه كده اصلا مش هفضل هربانه طول عمري لو ده نصيبي انا راضيه بيه

لؤي بصلها بدموع وقال..... مش هخلي حد ياخدك... انا هنا.. انا وعدتك احميكي مش هسيبك

فرحه نزلت دموعها وقالت..... بس مش كل اللي بنتمناه بناخده

وسابت ايده وقالت.... انا جايه معاك يا حضرة الظابط

بقلم..زهرة الربيع

بس لؤي مسكاها من ذراعها بغضب وقال.... وانا قلت لا ما بتسمعيش الكلام ليه

الظابط قال بغضب ....كده هنضطر نستعمل القوه يا عصران بيه

عصران قال بزعيق ....لؤي ايه الجنان بتاعك ده سيبها

لؤي زعق فيه بشده وقال.... انت ما تتكلمش... اللي انت عملته ده انا مش هسامحك عليه ابدا يا عمي

عصران اندهش من طريقته معاه

واسيا جات على صوتهم وقالت بزهول .....هو ايه اللي بيحصل هنا..... الشرطه هنا ليه

لؤي قال بدموع وسرعه.....الحقيني يا اسيا... قولي حاجه خليهم يمشو... عايزين ياخدو فرحه

اسيا اتصدمت بمنظره وخوفو وقالت ....طيب اهدى يا حبيبي وفهمني هو في ايه عايزين ياخدوها ليه

ايه اللي بيحصل يا عمي

عصران قال بغضب.... الباشا اخوكي جايب لنا واحده قاتلة وهربانه من قضيه في اسكندريه ..ومقعدها معانا على انها اخت صاحبه ومش عايز الشرطه تقوم بواجبها

اتفضل اتصرف يا حضره الظابط

اول ما قال كده الظابط شد فرحه بقوه منه ولؤي كان ماسك فيها بشده بيحاول يمنعهم

وهيه بتبكي باستسلام

اكمل مسك لؤي بقوه علشان يسيبها وهو بيقول بزعيق.... بس اهدى بقى سيبها... انا بقول لك هنحلها سيبهم ياخدوها دلوقت

لؤي حاول كتير بس في النهايه كانوا اقوى منه والبوليس قدر ياخذها معاه وافترقت ايديهم عن بعض وهو بيبص لطيفها بزهول ودموع وحاسس ان هو اللي سلمها لما جابها هنا بنفسه

اسيا حضنته بقوه وقالت..... اهدى يا حبيبي اهدى ارجوك

لؤي مسك فيها جامد وبقى يبكي وقال .....انا اللي سلمتها يا اسيا انا اللي جبتها هنا... هي كانت هربانه ومحدش كان عارف عنها حاجه انا اللي جبتها

اكمل اتنهد وقال بغضب... يلا انشف في ايه ..اهدى عشان تقدر تساعدها ....فرحه بريئه واحنا هنقدر نثبت كده ان شاء الله

اسيا لما قال كده افتكرت ان هو اللي جاب البوليس بصت له بحده شديده وقالت...انت تعرف منين بريئه او لا ... انت اللي بلغت عنها

اكمل اتقدم عليها بغضب شديد وقال..... انا مش هستحملك اكتر من كده ....ما بقتش طايق اتهامات منكم خلاص جبت اخري عارفه يعني ايه جبت اخري

اسيا لسه هترد لؤي قال بتعب...اسيا اكمل ملوش دخل..والتفت لعمه بغضب وقال...عمك هو اللي عمل كده

اسيا اتسعت عنيها بدهشه وهو كمل وقال...اكمل متزعلش هيه متقصدش و

بس اكمل قاطعو وقال بسرعه...ولا تقصد...متفرقش معايا انا كنت ماشي من هنا ومش هتشوفو وشي لولا اللي حصل ..متفتكروش قاتل نفسي على مشاكل معاكم انا اصلا بقيتش قادر استحملكم يوم واحد كمان

اسيا نزلت عيونها بتوتر وحزن

واكمل شاف عصران بيبتسم بانتصار قال بغضب.... افرح وبين فرحتك اكتر من كده يا باشا ....انا فعلا كنت ماشي وهمشي مغيرتش قراري... بس خليك متأكد انا لو مشيت من الدنيا دي بحالها هفضل كابوسك اللي هيرعبك عمرك كله

يلا يا لؤي او عايز تروح لمزتك يلا بينا ....قصدي يلا نلحق فرحه

لؤي مسح دموعه بسرعه وقال... ايوه يلا ...يلا نلحقها

عدي راح وراهم بسرعه و اكمل وقف بغضب وقال ....وانت رايح على فين انت كمان هيه ناقصه خنقه

عدي قال بغضب.... وانت مالك انا رايح مع لؤي هو انا هقعد على حجرك يا بارد

اكمل بصله بغيظ وقال... ربنا يصبرني عليكم النهارده...الصبر من عندك يا رب

وطلع قدامهم وهما مشيو وراه بسرعه

اسيا اتقدمت على عمها بغضب وقالت.... ليه كده يا عمي ليه كده

عمها اتنهد وقال ....ده لمصلحتكم يا اسيا ...البنت دي قتالة قتله يعني واحده ما ينفعش تفضل معانا هنا في البيت

اسيا قالت بانفعال زايد....اه طب ابقى خلينا نعمل مسابقه بقى قبل الدخول لاي حد عشان نقرر مين اللي ينفع يدخل البيت ومين اللي ما ينفعش يدخل يا عمي

عصران قال بغضب.... قصدك ايه

اسيا قالت بسرعه... قصدي انك نسيتنا يا عمي ومبقتش مهتم ..فرحه كانت ضيفة لؤي وفي حمايته وانت حتى ما سالتهوش عملت ايه... اتصرفت من نفسك كده وصغرته وطلعته عيل قدامها وما عرفش يحميها ...فرحه فضلت معانا هنا في البيت وقت طويل وماذتش اي حد كانت تستاهل مننا ان احنا نسمعها ده اقل حاجه

عصران قال بغضب... بقول لك البنت قاتلة مبتفهموش انا مش هسيبكوا تمشوا البيت على هواكم وتغرقونا

اسيا هزت راسها باسف وقالت... حاسه مبقتش اعرفك بجد

قالت كده ومشيت بسرعه

عصران ضم ايديه بغضب شديد وقال ....طبعا لازم ما تعرفينيش....ما هو ابن الرقاصه اكل بعقلك حلازه....بس لحد هنا وكفايه قوي عليه.

في القسم كانوا بيحاولوا يعدو لؤي اللي لكن رايح جاي بقلق شديد ومستني فرحه تخرج هي والمحامي من عند المحقق

اكمل ولع سيجاره وقال بضيق...يا ابني اتهد بقى اقعد لك في حته خيلتنا ...بقولك خد اشربلك نفسين خليك تهدى شويه

لؤي بصلو بخنقه وفضل رايح جاي زي ما هو وعدي بيحاول يهديه

اكمل نفخ بزهق وقال... والله عيال خيخه.... ياض اجمد كده افرض يعني اتحبست السجن للرجاله

بصولو بدهشه وهو قال .... قصدي يعني ممكن نجيب لها حكم مخفف حسبة 15 سنه يعدوا هوا مش هتحس بيهم

لؤي لمعت عيونه بقلق ودموع وقال...١٥ هيه ممكن تاخد ١٥ سنه

عدي بص لاكمل بغيظ شديد وقال....لا كده كتير يعني اتكتم متتكلمش خالص

اكمل اتنهد وقال....هو كده خيرا تعمل شرا تلقى الحق عليا بخفف عنكم و

بس قطع كلامو لما خرجت فرحه مع المحامي وكانت بتبكي جامد

لؤي جري عليها بيحاول يهديها واكمل راح للمحامي وقال ...ها يا متر طمنا

المحامي قال.... للاسف يا اكمل بيه ما فيش اي دليل على كلامها ...و هروبها ضعف موقفها جدا في القضيه... وطبعا دلوقتي ما نقدرش نثبت حتى بالطب الشرعي انه كان في اثر اعتداء بعد كل المده دي

اكمل قال بسرعه... ما انا بقول لك انا شاهد في القضيه ..علي حكالي نفس كلامها

المحامي قال.... يا اكمل بيه الشاهد اللي ما يبقاش شاف بعينه بيبقى في موقف ضعف .. ايه اللي يثبت ان علي فعلا قال لك مش هيبقى اثبات قوي ده غير انو اصلا محدش يعرف مكانو

فرحه قالت ببكى ...يعني بجد هتحبس خلاص

لؤى قال بوجع... انا السبب..... سامحيني

اكمل قال ....مش وقتكم اهدو شويه وانا هحلها

قولي يا متر هو لو علي ظهر...وبقى فيه دليل على شهادتي ممكن تتحل صح

المحامي قال...تبقى اتحلت اصلا ...بس ايه اللي هيخليه يعترف بحاجه زي دي مستحيل يتكلم

اكمل قال بضيق...بس هو يظهر الاول والباقي سهل

العسكري اخد فرحه وهي بتبكي بخوف

ولؤي كان رايح وراها بس اكمل مسكه وقال... بلاش تعمل مشاكل في كل مكان تروحوا... مش عايزين نوتر الدنيا اكتر من كدا

لؤي قال بصوت عالي .... انا هاجي لك كل يوم يا فرحه هكون هنا ما تقلقيش...انا هنا تمام

اول ما اختفت عن انظاره قعد على الكرسي بحزن شديد وحط ايديه على دماغه بتعب

↚

في الوقت ده وصلت اسيا وجريت عليه حضنتو وقالت ..ها يا حبيبي طمني

لؤي قال بحزن شديد... اخدوها خلاص يا اسيا...والله هيه مظلومه..معملتش حاجه

اسيا بقت تطبطب عليه وتهديه وجات عيونها في عيون اكمل

بس اكمل بص بعيد عنها وقال بجمود.... هبقى اجي تاني يا لؤي ....معايا مشوار مهم جدا

ومشي من المكان كله

اسيا اتنهدت وقالت بهمس وغيظ...كمان عامل نفسه هو اللي زعلان بعد اللي عمله

لؤي بص لها وقال.... بتقولي حاجه

اسيا قالت بتوتر.... لا يا حبيبي مبقولش..اهدى واقعد احكيلي ايه مشكلة فرحه من اولها

عند سهيله كانت قاعده في حضن منتصر وبيسمعو فليم وثائقي عن عالم الحيوان

منتصر ضرب كف على كف وقال ....يا بنتي هو المسلسل ده ما بيخلصش ...احنا مالنا بتكاثر القرود بس...متخلينا في خيبتنا...قصدي في تكاثرنا يعني... ولا هيه القرود هتتكاثر احسن مننا

سهيله ضحكت وقالت....يا ابني ده فيلم مفيد.. خذ معلومات وانت ساكت

منتصر بقى يضمها ليه وقال.... ما انا عندي معلومات كفايه ...ناقص العملي بس تعبت من النظري...ده لو ربنا يهديكي نوثق احلى مسلسل حالا

سهيله ضحكه جامد وقالت....مش عارفه اعمل فيك ايه

سند جبينه على جبينها وقال ....حبيني ...حبيني وبس

سهيله باسته من خده وقالت ببساطه ...طب ما انا بحبك

منتصر اتسعت عنيه بدهشه وقال ....ايه ..قولتي ايه ..انتي قولتي انك بتحبيني صح

سهيله قالت ببرائه... اه طبعا بحبك ..هكرهك ليه يعني

منتصر اتنهد بيأس وقال ....يا حسره عليا اتاملت على الفاضي انا اكيد ما اقصدش بتكرهيني....بس مش عايزك تحبيني حب عابر كده ....يعني قصدي تحبيني زي ما انا بحبك

سهيله ضحكه بخفه وقالت .....لا هو مش حب عابر ...يعني انت حد مميز جدا ...بس الفرق ان انت اتجننت شويه بس انا لسه بعقلي

منتصرضحك من قلبه وضمها ليه وقال.... معاكي حق في دي الصراحه انتي تجنني اي حد

سهيله قالت بضحك ..حد ولا سبت هههاهاا

منتصر قال بدهشه....حد ولا سبت...ايه يا بت خفة الدم دي

سهيله بصتلو وقالت بحماس ....طب اسمع النكته دي..بيقولك مره واحد غبي بيغير على مراتو ركبو تاكس قعدها جمب السواق عشان ايه... عشان السواق ميشوفهاش في المرايه هاهاها

قالتها بسرعه وضحكت جامد ضحكه جميله قوي

منتصر كان عايز يضحك على شكلها وهيه بتضحك مش على النكته لانها قديمه جدا بالنسبالو اتنهد وقال ..سهيله يا حببتي خليكي في العياط احسن

سهيله ضحكت وقالت..ليه بس والله حلوه

ابتسم وسند جبينه على جبينها وقال...والنبي انتي اللي حلوه وقمر كده...اسمعي انتي دي ..بيقولك واحده ليلة دخلتها ...

سهيله قاطعتو وقالت..بس بقى..ايه مفيش في دماغك غير الحاجات دي متكملش

منتصر ضحك وقال..انتي تعرفيها اصلا ...اسمعيها مش يمكن تعجبك

سهيله قال بسرعه...لا لا ..من اولها كده باينه مش هتعجبني

ضحك بخفه وقال ..يابت مش احنا اولى من القرود

سهيله قالت بضحك ..قولتلك ده برنامج علمي

منتصر اتنهد وقال...طب افتحي الفيلم بقى خلينا نشوف القرد عمل ايه... ونطمن عليه اهو على الاقل حد بينجز في البيت ده

سهيله ضحكت على كلامه وهو ضمها لحضنه وبقم يسمعو سوا

بره البيت كان علي لسه واقف هو وصاحبه

علي نفخ بزهق وقال... اسمع انا تعبت من القعده هنا .....انت هتفضل مراقبهم ...وانا هكون قريب من المكان اول ما الظابط يخرج من البيت تديني خبر على طول بس عايزها تكون لوحدها في البيت فهمت

صاحبه قال... من عنيا انت مجربني

علي قال بسخريه...ما هي المصيبه اني مجربك

ومشي وسابو يراقب المكان

بعد ساعات عند اسيا قدرت اخيرا هيه وعدي يرجعوا لؤي على البيت بالعافيه... بعد ما اقنعوه انهم هيجو مره تانيه يطمنو عليها لانه مش هينفع يقعد في القسم اكتر من كده

اول ما دخلوا عصران قال بغضب.... اتأخرتو كده ليه... بذمتكم مش مكسوفين من نفسكم لما كلكم رايحين القسم لواحده مجرمه ....مش كفايه انها اتقبضت في بيتنا ..افرض حد من الصحافه صوركم او

بس قطع كلامه لما لؤي قال بجمود.... عايز اتكلم معاك لوحدنا اتفضل قدامي على المكتب لو سمحت

اسيا وعدي استغربوا طريقته خصوصا لما عصران هز راسه بتوتر وطلع قدامه فورا

لؤي راح وراه واسيا اتنهدت وقالت..... وبعدين في المصايب دي ولا مصيبه شكل اختها حتى

عدي قرب منها وقال....اسيا انتي..احم انتي لسه زعلانه مني مش كفايه كده بقى.... انا مش عارف انت ليه مش عايزه تطلقي منه الوقت ده كفايه قوي

عدي قرب منها وقال ...احم...اسيا انتي لسه زعلانه مني ....مش كفايه كده بقى.... انا مش عارف انتي ليه مش عايزه تطلقي منه ..اظن الوقت ده كفايه قوي

اسيا التفتتله بدهشه وقالت... انت لسه بتفكر في الموضوع ده يا عدي ...من كل عقلك

عدي قال بسرعه.. . اه طبعا يا اسيا انتي عارفه ان انا بحبك و

قاطعته بسرعه وقالت.... اسمع يا عدي انا طول عمري صريحه وواضحه وخط مستقيم ما فيهوش اي اعوجاك وهتكلم معاك بصراحه يعني يا عدي انا ما بقتش احبك

لسه هيتكلم قاطعته وقالت بسرعه..... مش زعلانه منك ..ركذ في جملتي...انا ما بقتش احبك يعني معنديش مشاعر ليك و انا مسامحاك ومش زعلانه من اي حركه عملتها ومقدره طيشك اللي لحد دلوقتي لسه غرقان فيه وبتمنى انك تبطله علشان نفسك وعلشان تلاقي شريكتك المناسبه اللي هي طبعا مش انا ...انا منكرش في وقت من الاوقات كنت انت حلمي والشخص المناسب ليا يمكن كنت بحبك او لا...واكيد لو كنت اتجوزتك كنت هحبك اكتر انما حاليا لا ....يا رب يكون كلامي مفهوم بالنسبه لك وتشيلني خالص من دماغك علشان تفضيها لحد يستاهل

ولسه هتمشي مسك ايدها بغضب وقال... حبيتيه يا اسيا حبيتي ابن الرقاصه

بقلم...زهرة الربيع

اسيا دفعت ايده بغضب وقالت... انت بتخرف تقول ايه احب مين.. اكيد لا ...انا بقول لك سواء كنت معاه او مش معاه حبي ليك انتهى موضوعنا خلص حل عني بقى

قالت كده وطلعت على اوضتها بسرعه وهو بيزعق و بيقول ...لا يا اسيا بتضحكي على نفسك ...لولا ان الباشا عاجبك ما كنتيش تكلميني بالطريقه دي انا كنت متأكد انه هيلحس عقلك اشبعوا ببعض

وضرب الطاوله قدامه بغضب شديد

اسيا مردتش عليه وطلعت على الاوضه وقفلت الباب وكلامه بيتردد في ودنها ..ومخنوقه جدا بس مش من كلامه ...نظرة

اكمل ليها في القسم ولما مشي فورا اول ما دخلت مأثر فيها جدا مسكت التليفون وكانت نفسها ترن عليه وتطمن لانه من وقتها مجاش القسم ولا على البيت

بس ابتسمت لنفسها بسخريه لان حتى رقمه مش معاها قعدت على السرير بيأس وقالت.... طب ارجع على البيت طيب.. يعني ايه شغل العيال بتاعك ده

و انا متضايقه ليه اصلا..في 60 داهيه

و جذبت شعرها بتوتر شديد وقالت ...ايه اللي بيحصل لي بس

ولسه هتقوم جات لها رساله على الفون واتصدمت بشده من محتواها لانها كانت من معمل الدكتور صديق لؤي ..وبعت لها نتيجه تحليل اكمل

مرفق برساله....مدام اسيا ..دكتور لؤي طلب مني ابعت النتيجه لحضرتك

عند سهيله كتبت ورقه بطلبات كتيره لمنتصر وقالت ...وانبي يا منتصر ركذ وجيب كل الحجات لان معندناش حاجه في البيت...واه اوعى تنسى المسبحه من وقت ما جيت هنا وانا مش معايا واحده

منتصر ابتسم وقال.... من عيوني مش عايز حاجه تاني

سهيله هزت راسها بالرفض وقالت بابتسامه ... لا كده تمام

منتصر قرب منها قوي وقال..بقولك ايه... في حاجات كده ..ها بتتباع عارفاها الحاجات القصيره الناعمه دي

سهيله نزلت راسها في الارض بكسوف وقالت....احم لا مش عارفه بتتكلم عن ايه

منتصر رفع وشها ليه وقال.... لو جبت لك حته ..تلبسيها

سهيله بعدت عيونها عنه بكسوفه شديد وقالت.... جيبها ونشوف

اتسعت ابتسامته بسعاده شديده وقال.... طب قولي والله كده

سهيله ضربته في صدره بخفه وقالت ....كفايه بقى بتكسفني يلا روح..يلااا

منتصر جري بسرعه واخذ الجاكيت وقال ....دقايق وهتلاقيني قدامك هطير طير ..علشان تلحقي تقيسي

حدفته بمخده من الانتريه وقالت.... امشي بقى

منتصر ضحك جامد وطلع وهو مبسوط جدا وساق عربيته بارتياح وهو ما يعرفش ايه اللي مستنيه

في الوقت ده صاحب علي رنله قلو ان منتصر مشي

علي كان قريب من المكان وما فيش دقايق ووصل

سهيله كانت بترتب الانتريه وسمعت خبط على الباب ابتسمت وهزت راسها بيأس وقالت.... وبعدين في المجنون ده رجع تاني ليه بس

و لبست النقاب بتاعها بسرعه وراحت فتحت الباب بس اتصدمت بشده لما لقيت علي قدامها وكانت هتقع من طولها حاولت تقفل الباب تاني بس علي دفعوا بقوه ودخل وقفلوا وراه وقال.... ليه كده يا بونبونايتي مفيش اتفضل وووو

↚

دفعها ودخل وقفل الباب وقال ليه كده بس يا بونبونايتي مفيش اتفضل ..دي وحشتني اللي بتستقبلي بيها حبيبك بعد كل الوقت ده

سهيله قالت بزهول وخوف..انت .. انت بتعمل ايه هنا ...امشي اخرج بره انا جوزي نايم جوه..و لو ..لز صحيته هيقتلك

علي ضحك جامد وقال بزعيق....وتصحيه ليه وتتعبي نفسك..اصحيه انا ...حضرة الظابط عندك ضيوووف....منتصر منتصر باشا علي حبيبك جيه

سهيله خافت جدا وبقت ترجع لورا وقالت بقول لك.... امشي من هنا احسن لك...هو فعلا بره بس لو رجع دلوقت هيقتلك فيها وانا مش هحميك يا واطي زي المره اللي فاتت

علي بص لها بغضب وقال....ليه هو انتي قدرتي تحميني المره اللي فاتت... طب و رجلي دي اللي عجزت بسببك انتي وجوزك... اسمعي بقى انا مش جاي اسمع تهديداتك ...اعقلي كده وخلينا حلوين مع بعض لان كده كده مش همشي الا لما اخد حقي

سهيله اترعبت جدا منه وقالت بدموع ...مش..مش فاهمه ..انت عايز ايه

علي قرب منها بطريقه رعبتها اكتر وقال.... عايز حقي فيكي يا عمري هموت واشوف اللي تحت النقاب ده... حاسس انه كنز ويستاهل يتخبى

سهيله بلعت ريقها برعب وهو بيقرب عليها اكتر وبيقول...انا حوشت نفسي عنك بالعافيه... الاول ابن عمك كان مانعني اقربلك وبعد كده الحيوان جوزك.... انما دلوقت انا وانت وبس وما حدش هيقدر يبعدك عني

سهيله اول ماقال كده جريت بسرعه على الاوضه وهي بتصرخ وبتقول.... الحقوني حد يلحقنييييييي يا ناااااس

علي جري وراها بس لانه كان بيعرج لحقت دخلت الاوضه وقفلت الباب وبقت تحط حاجات تقيله وراه وسندت ضهرها عليه وهيه بتحاول تاخد نفسها برعب... وبتتمنى لو كان التليفون معاها كان قدرت اتصلت على منتصر يلحقها بس كان التليفون بره في الصاله

علي كان بيخبط على الباب بغضب وبيقول بزعيق...افتحس يا سهيله....افتحي بقولك هكسرو على دماغك

وبقى يحاول يفتحه وهو بيضربه بكتفه بغضب

سهيله كانت مسنوده على الباب بضهرها وبتبكي بشده وخوف وبتدعي ان منتصر يرجع ويلحقها

في البيت عند اسيا اول ما قرت التحليل اتصدمت وبقت تقراه بسعاده اكتر من مره وهو بيثبت ان اكمل اكيد منهم ضحكت وهيه بتنط بفرحه ومش مصدقه نفسها بس بهتت ملامحها واختفت ابتسامتها لما افتكرت كل كلمه قالتهالو وكل حرف دبحتو بيه جمل مش هتنساها ولا هو عمره هينساها

ابن حرام

تربية شوارع

انت عمرك ما هتكون مننا

وغيرها وغيرها كتييير قعدت على السرير بيأس وحزن وقالت...ايه اللي هببته ده....وجيه في بالها جمله قالهالها...لما قالتلو مش عايزه غير انك تطلع من حياتي...يومها قال بثقه يوم ما هطلع من حياتك مش هتكوني مبسوطه

كان معاه حق...مش بس مش مبسوطه..لا مخنوقه ازاي ظلمتو وهانتو كده وهو زيه زيها وليه نفس حقوقها ويمكن اكتر

حطت اديها على دماغها ومش عارفه تعمل ايه بس افتكرت كلام عمها وقد ايه اقسم واتوعد انو مش قريبهم وانو اتاكد من الموضوع بنفسه وان تحاليل عمها صحيحه احتدت عنيها بغضب واخدت التليفون وقالت....مضطر تجاوبني يا عصران بيه...مضطر تفسر اللي حصل ده

ونزلت جري تتكلم معاه

لؤي كان مع عمه في المكتب وعصران بادر بالكلام و قال بضيق.... شوف لو عايز تتكلم في موضوع البنت المجرمه دي فده موضوع منتهي لان انت غلطت من وقت ما جبتها على البيت اصلا

لؤي بصلو بغضب مكبوت وقال.... خلصت ...اظن لازم تسمعني بقى.... البنت المجرمه دي بريئه وملهاش ذنب في اللي حصل معاها وانا مصدقها جدا...وانت لو كنت عاملي اي اعتبار كنت اتكلمت معايا وسالتني قبل ما تعمل اللي عملته

عمو قال بغضب شديد ....انا دلوقتي بقيت مش بعملكم اعتبار دلوقتي بقيتو كلكم تتهموني..بس انا يا دكتور مبلغتش من نفسي كده...انا لما عرفت انها مش اخت صاحبك بعت صورتها لواحد ظابط اعرفه معرفه شخصيه وطلبت منه يتحرى عنها يعني ما ظلمتهاش ولولا انها طلعت مجرمه ما كنتش بلغت...الغلط من عندك جايب واحده مجرمه تتستر عليها في بيتنا وبتحاسبني

لؤي الغضب اتمكن منه واحتدت عينيه بغضب شديد لاول مره وقال.....و فيها ايه يا عمي ...ما البيت ده ياما ستر ناس مذنبه ولا نسيت ستر عليك قد ايه

عصران اتسعت عينيه من الطريقه اللي بيكلموا بيها ولؤي لف حواليه وقال.... نسيت انا نفسي سترت عليك ازاي قبل كده ....نسيت مرات اخوك اللي كانت في حضنك وانا شوفتكم بعنيا

بقلم...زهرة الربيع

عصران بلع ريقه بتوتر وهو زعق فيه وقال بانفعال ..شوفت امي وهي في حضنك وابويا نايم في الاوضه اللي جنبكم و سكت...ولسه ساكت لحد انهارده ومتكلمتش ولا فتحت قلبي لحد ولا حتى مع دكتوري اللي اكدلي كتير اني لو اتكلمت هتحسن من العقد اللي انت سببها

عصران قال بغضب اخرس.... انا عمري ما اخون اخويا.... انا شرحت لك قبل كده دي كانت مجرد لحظه ضعف منها هي كانت اول واخر مره تحصل...جاتلي على الاوضه وقالت انها كانت بتحبني انا وما بتحبش ابوك كنت مصدوم واتصدمت اكتر ما لقيتها بتقرب مني كانت لحظه ضعف ما كملتش ثواني انا ذنبي ايه انك دخلت في الوفقت ده بذات...والله يا ابني انا بعدها دفعتها وزعقت لها ومنعتها تقرب مني لو بالغلط ومن يومها مكررتش ده ابدا لحد ما اتوفى ابوك وهيه غارت في داهيه

لؤي ابتسم بسخريه وقال....والمفروض اصدقك انا كده انا ايه اللي يضمنلي انها كانت اول واخر مره ..ايه اللي يضمني انك مشيتها علشان اخوك والكلام ده مش يمكن مشتها لما شوفتني عند الباب و عرفت اني شوفتكم

عصران اتنهد وقال...يالؤي يا حبيبي اسمعني انا....

لؤي قاطعو وقال بغضب.... اسمعني انت يا عمي .لاني مش هسكت اكتر من كده...انا حياتي اتقلبت كلها من بعد الليله دي من وقتها وانا بتجيني هواجس مرعبه ان كل الستات زيها.... بسبب القرف اللي شوفته قربت اتجنن ..و بفكر يا ترى كنتو كام مره مع بعض هنا في البيت وابويا نايم في الاوضه وانت مع مراته في اوضه تانيه

عصران قاطعو وقال بغضب شديد.... قلت لك ما حصلش ما حصلش افهم

ونزلت دموعه وقال.... انا عمري ما اعملها انا والله بحب اخواتي جدا كسرو ضهري لما ماتو والله العظيم عمري ما اذيتهم ولا اقدر اعملها

لؤي قال بدموع وسخريه.... ما اذيتهمش متاكد....طب وبالنسبه لعمي ماهر ما اذتهوش لما رميت ابنه في الشارع.... رميته علشان ما ياخدش حقه عشان تفضل مسيطر على املاك ابوه اللي انت واصي عليها ولسه في خيرها لحد انهارده ..وسبتو هو للشوارع والإصلاحيات بينام على الارض و ياكل من الزباله...طبعا فكرت انو لو رجع ابن الرقاصه هتتحول فلوس ابوه كلها ليهم...واول ما يكبر هتبقى ليه بالقانون ..علشان كده اتخلصت منو...ولو انا او اسيا اتولدنا بعيد عن البيت لاي ظرف او ابونا فاقد الاهليه زي عمي كان زمانا زي اكمل في الشارع مش كده يا عمي

عصران بصله بدهشه وقال.... انت بتقول ايه ما انا قلت لك الف مره اكمل مش ابن...

بس قاطعو لؤي وقال بغضب.... انا عدت التحليل لاكمل عدته بنفسي المره دي مش هتقدر تضحك عليا... انا واسيا انهارده اتبعتت لنا نسخه من التحليل... اكمل ابن عمي ماهر دي حقيقه مش هتقدر تنكرها تمام كده علشان اقصر عليك

عصران بلع ريقه بتوتر ومبقاش عارف يرد ولؤي قال بحزم....

اسمعني كويس انا مش جاي اتكلم معاك في موضوع اكمل....لان الللي راح من عمره مش هقدر اعوضهولو حتى لو اتكلمت معاك انا خلاص مبقاش عندي حاجه اقدمهالو واي حاجه يعملها متقبلها منو حتى لو حرقنا عايشين حلال فينا لان السيئه بتعم....انا جاي اكلمك في حاجه واحده بس... انت هتعمل كل جهدك عشان فرحه تخرج...فرحه اخر امل ليا عشان اتعافى من اللي انا فيه.... انا معها وبس بنسى كل اللي حصل معايا ....بنت نضيفه ملت ايدها دم علشان متلوثش شرفها..ولو خسرتها انا نفسي ما اعرفش ايه اللي ممكن اعملو بس مش هيبقى خير خالص يا عصران

قال جملته الاخيره بطريقه مخيفه زي ما يكون شخص تاني اللي بيتكلم مش لؤي نهائياً

عصران اتصدم من طريقته وبلع ريقه بقلق

ولؤي سابو وفتح الباب هيخرج

اتفاجئ بوجود اسيا اللي كانت جايه تواجه عمها بنتيجة التحليل وسمعت كل كلامهم

لؤي اتصدم بشده لما شاف الدموع متجمعه في عيونها وقبل ما يتكلم اسيا حضنته بكل قوتها وقالت بدموع.... يا قلبي انت يا حبيبي..مقولتليش ليه..ليه يا لؤي

↚

عصران فهم انها سمعتهم قعد على الكرسي وحط اديه على دماغو وهو حاسس بتعب من اللي بيحصل

لؤي حاول يهديها ومسكها من ايدها قعدها بسرعه على الانتريه وقعد جمبها وقال..اسيا..اسيا اهدي لو سمحتي انا تمام.... ما فيش حاجه تستاهل..... احنا اصلا عمرنا ما عرفنا يعني ايه ام علشان تصغر في نظرنا او تاثر فينا....ربنا يغفرلها ويغفرلي لو شلت ذنبها

اسيا بصتلو بدهشه وقالت...ذنب...انت اللي تشيل ذنب

لؤي اتنهد وقال..الله اعلم مين شايل ذنب مبن..ودي امي ...مهما عملت لها حق الطاعه ومينفعش اذكرها بسوء

اسيا اتنهدت وقالت بدموع سيبك منها خالص دلوقتي...لؤي

انت لازم تتكلم وتساعدنا لازم تشيل الللي فضل جواك الوقت ده كله علشان ترتاح وتحل ازمتك

لؤي قال بحزن....صدقيني ما بقتش فارقه معايا خالص بعد اللي حصل لفرحه بقيت احس اني ما عنديش هم ولا اي مشكله بقيت حاسس ان دوايا وعلاجي وفرحي ونسياني كل حاجه متوقفه على وجودها معايا

اسيا ابتسمت بدموع وقالت..... بتحبها واضح جدا

لؤي ابتسم بحزن وقال.... عديت مراحل الحب بكثير كمان... انا همشي دلوقتي هروح اقابل المحامي تاني وارجع على القسم...صحيح جات لك رساله من المعمل

اسيا اتنهدت بحزن وقالت.... جاتني بس متاخره قوي.... ما تعرفش هو فين مختفي من الصبح ...انا خايفه عليه ..الصراحه ضايقته قوي بالكلام النهارده

لؤي ابتسم وقال...انهارده بس...على العموم هنعوضه اكيد ما تقلقيش

و التفت لعمو اللي كان بيبصلهم بتوتر وقال بصوت عالي .....جيه الوقت اللي المفروض كل واحد ياخد حقه فيه ...كفايه قوي كده

قال كده ومشي وسابها بتبص لعمها اللي كان متوتر جدا

عند كان بيفكر في كلام اسيا اللي قالته له ومتعصب جدا ولسه هيدخل اوضته وقفته نيره وقالت بتوتر ...استاذ عدي ايه اللي حصل مع فرحه

عدي قال بزعيق وانفعال.... وانا مالي هيه كانت من بقية اهلي

بتساليني عليها ليه

نيره اتخضت من زعيقه فيها وبصتلو بدهشه وفاجأتو لما انفجرت فيه ببكا بصوت عالي زي الاطفال

عدي اتوتر جدا من بكاها وصراخها وقال ....بس بس يا بت اتكتمي خلاص.... انا عملت ايه لكل ده... طيب خلاص انا اسف انا اسف... اسف

بس نيرع كانت بتبكي بصوت مزعج ومش راضيه تسكت

هدي قال بسرعه...خلاص يا ستي حقك على راسي انا اسف

...خلاص اخذت حجز اربع ايام والتحقيقات شغاله ..حلو كده

نيره مسحت دموعها وبطلت بكا فورا وقالت بابتسامه... تمام طب ما كنت تقول كده من الاول ايه العالم دي

و لسه هتمشي مسك ايدها وبصلها بغضب وقال... والنبي ايه انتي كنتي بتشتغليني يا بت

نيره بصت لايده اللي ماسكه ايدها وقالت..... ايدك يا بابا دي ملهاش قطع غيار ...قال مش عاجبه اني بسأله قال مش تحمد ربك اللي بعبرك اصلا بعد اللي عملته الصبح

عدي اتنهد بخنقه وقال ....ما كانش قصدي قلت لك الف مره كنت فاكر الاوضه فاضيه... ايا كان انا مش فاضي ارغي معاكي اصلا

ولسه هيمشي قالت بسرعه.... على فكره بنت عمك حلوه قوي وتتحب..... بس خلاص اتجوزت..و واضح ان بقى في كيمياء جامده بينها وبين جوزها ...غير كده هو قمور حليوه و

عدي بصلها وقاطعها وقال... احلى مني

نيره قالت بدون تفكير.... طبعا وشخصيه جدا

عدي بصلها بدهشه وقال.... وبتقوليها في وشي كمان ...جاتك الباله وانا بسال مين اصلا هو انت عندك ذوق يا مفعوصه انت اصلا

نيره ضحكت وقالت...هو صحيح احلى منك بس

قاطعها وقال بسخريه ....اه قولي روحك احلى من روحه وجو التصبير ده

نيره قالت بسرعه.... لا طبعا ....هو كمان الصراحه روحه احلى برده ....كنت اقصد اقول لك انه مش احلى كتير يعني.

عدي بصلها بغيظ شديد ودخل الاوضه وقفل الباب

نيره انتفضت من خبطة الباب وقالت....هو زعل ليه...مهو احلى فعلا اكدب يعني

عند سهيله كانت بتبكي جامد لان قفل الباب قرب يتكسر وعلي بيخبط عليه جامد من بره وبيقول بزعيق افتحي بقول لك .....ما حدش هينجدك من ايديا النهارده متتعبيش نفسك وتتعبيني على الفاضي

سهيله كانت بتترعش جامد وحاطه ظهرها على الباب وبتقول ببكا شديد....اللذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل** فنقلبوا بنعمة من الله وفضل لم يمسهم سوء

وبقت تعيدها اكتر من مره وهي بترتعش

بس علي كسر الباب بقوه وقدر يدخل ووقعت على الارض وهيه بتزحف لورا وبتقول... ابوس ايدك سيبني في حالي حل عني بالله عليك

بس علي كان بيبصلها بغل وتعب وهجم عليها وقال بزعيق... اخلص عليكي في ايديا دلوقتي قطعتي نفسي

سهيله ضربتو في رجلو المصابه برجلها وخرجت على الصاله جري ومسكت تليفونها وبقت تطلب منتصر وهيه بتجري على باب الشقه هتخرج

منتصر رد وقال...ايه يا جميل وحشتك ولا ايه

شهيله قالت بصراخ...الحقني ..الخقني يا منتصر وفتحت الباب ولسه هتطلع جابها من شعرها فوق النقاب ودفعها على الأرض بغل

سهيله صرخت بقوه ومنتصر بقى يزعق ويقول برعب...سهيله سهيلللله.

بس الخط اتقطع

حس قلبه حرفيا هيقف جري على عربيته علشان يلحقها وهو مش شايف قدامو وبيتصل عليها تليفونها اتقفل

سهيله كانت واقعه على الارض بالم و قالت بدموع شديده ....اقتلني..بالله عليك اقتلني ومتعملش كده ..موتني خلاص ارجوك يا علي موتني

علي قرب عليها وقال بغضب ...حد يموت القمر ده بس ده انا ما صدقت هشوفه

ولسه هيرفع النقاب اتكسر الباب واتصدم باللي بيقول من وراه.. والقمر كمان كان مشتاق قوي يشوفك

عند اسيا بصت لعمها بدموع وقالت... مش هسالك في حوار امي ده.... انا بطبيعتي متوقعه منها اي حاجه دي واحده اتخلت عن اولادها فطبيعي جدا تخون جوزها....بس عايزه اسالك سؤال واحد بس وتجاوبني عليه بصراحه.....يفرق ايه عننا يا عمي...انت احسنت معاملتنا ولحد انهارده محسيتناش بنقص.... هو بقى يفرق ايه.... ليه رفضت تربيه زينا.. اوعى تقول لي علشان امه...عمر امه ما هتكون اسوء من امنا

بقلم...زهرة الربيع

عصران اتنهد وشاف ان ما فيش اي فايده من الانكار اكتر من كده قعد بضيق وقال.....هحكيلك اللي حصل بس تحاولي تفهميني.... امه لما عرفت انها حامل جاتلي اول واحد...وقالت لي انها عايزه تتجوز اخويا وانها حامل بابنه....طبعا لانها رقاصه ما كنتش مصدق ان الولد ده اصلا ابن ماهر اللي ما كانش ليه في كده اصلا ولما رفضت اعترف....اتحدتني بكل بجاحه و قالت لي انها هتجيب الولد ده وتقعدوا على قلبي

بس لما سألت ماهر قال لي... انه فعلا كان سهر مره في المكان ده وحصل بينهم علاقه ...وقتها قولت يمكن يكون ابن اي حد من اللي تعرفهم وبتقول ابننا علشان تاخدلها قرشين وفعلا عرضت عليها الفلوس وافقت على طول ....وعشنا عادي ونسينا الموضوع لحد ما بقى عمره 15 سنه وقتها الولد كان مصر يعرف ابوه وجيه على البيت لاول مره

واظن الباقي انتي عارفاه

اسيا نزلت دموعها بغزاره وقالت....يعني كل كلمه كان قالها صح يعني جالك واترجاك وطردته....يعني فعلا روحت له وعملتلو التحليل واتأكدت بنفسك انه مننا وسبته.... سبته لكلام الناس اللي زي الدبش ...وانا اول واحده كنت برميه بيه ...غسلت مخي وفهمتني ان عمي مبيخلفش و مستحيل يخلف طب ازاي...والتحاليل انا قريتها بنفسي

عصران اتنهد بحزن شديد وقال بحرج .... احم التحاليل دي انا كنت عملتها عند دكتور صاحبي .....عشان ابوكي كان زي لؤي مصر ان الولد ده يشبهنا ومننا وكنت عايز اسكته مش اكتر ...اسيا يا بنتي انا قلت لك كل اللي اعرفه وكل اللي عملته مكدبتش عليكي في حرف..وكل رجائي منك انك تعقلي اخوكي وتفهميه انها كانت غلطه واكيد مش هتمسكولي على غلطه واحده وتسيبو كل اللي عملته علشانكم

انتي قولتي بنفسك اني عمري ما فرطت فيكم وكنت بعاملكم زي عدي وسهيله ...كمان لازم تعرفي ان والله العظيم انا ما خنت اخويا ولا قربت لامك ابدا ولو على اكمل انا والله ندمان وهصالحه ونبدأ كلنا من جديد

اسيا مسحت دموعها بقوه وقالت بسخريه ....تصالحه طب ازاي يا عمي..عمره ما هيسامحك ولا هيسامحني..انا دلوقتي معرفش ازا كنت حضرتك صادق في ندمك ولا لا...ولا اعرف اذا كنت هقدر اتناسى انك خدعتنا بالشكل ده...بس اللي اعرفه ان كل كلمه طلعت مني واذيت بيها اكمل وحرقت قلبه بيها بسبب ثقتي فيك هتفضل سد بيني وبينك لحد ما هو يسامحني او ربنا ياخذني ويريحني من الخنقه اللي حساها دلوقتي

قالت كده ومشيت من قدامه بحزن شديد

عصران احتدت عنيه بغضب شديد وقال....او فعلا ربنا هياخد حد من هنا بس مش انتي يا روحي .....هو اللي كفايه قوي عليه كده ....صحيح طربق الدنيا على دماغي بس مش هيلحق يفرح بيها ابدا

و مسك التليفون واتكلم مع واحد وقال.... اسمع فيه واحد عايزين نريحه على الاخر من غير شوشره.... هبعت لك صورتك ومعلومات عنه....تجبلي اجله من غير ولا غلطه وووو

↚

في واحد عايزين نريحه خالص بس من غير شوشره مش عايز اي حد يعرف هبعت لك كل حاجه عنو وتخلصني منه على الاخر

وقفل معاه وبعتلو صوره اكمل ومعلومات عنه

وقعد على الكرسي وقال..... اول ما اخلص منك هرجع كل حاجه تحت سيطرتي زي ما كانت ...طول ما انت موجود مش هعرف اسيطر على حد

عند علي اتصدم لما سمعه بيقول من وراه.... والقمر كمان نفسه اوي يشوفك يا علوه يا ابن الست الحلوه

علي وقف بصدمه وقال ....اكمل بيه... انت ايه اللي جابك هنا

اكمل ابتسم بسخريه وقال.... تصدق كنت هسالك نفس السؤال

وقرب على سهيله وقفها وقعدها على اقرب كرسي واتنهد بحزن من منظرها كانت مرعوبه وبترتعش وبتبصله بزهول شديد قال بهدوء ... حاولي تهدي وتاخدي نفسك ...خلاص انا هنا

سهيله هزت راسها بالموافقه بسرعه

وعلي بصله بغضب وقال..... بقى يعني معقوله دلوقتي بعد كل اللي حصل لي بسببك عايز تقف ضدي بدل ما تقف في ظهري وتاخد لي حقي

اكمل ضحك بسخريه وقال.... اقف في ضهرك ازاي لا مؤاخذه مش فاهم

علي بصله بغيظ وهو قال ببرود.. اسمع يا علوش انا اكتر حاجتين بكرهم في حياتي الاولى ان كلامي ما يتسمعش والتانيه ان كلامي ما يتسمعش برده و انت عملت الاثنين وانا حذرتك 1000 مره قولتلك ما تقربلهاش ما لكش دخل بيها لكن طول عمرك عيل تافه مش بتتشطر غير على الحريم ...سايب الظابط اللي علم عليك وجاي لها هي برده

سهيله قالت ببكا ..انا...انا كلمت منتصر بس اخذ مني التليفون زمانه قلقان كلمه طمنوا لو سمحت

اكمل اتنهد وقال... اطمني كلمته زمانه على وصول

اتسعت عيون علي بزهول شديد وقال... زمان على وصول ازاي كلمته امتى

اكمل ضحك وقرب عليه وقال ....زي الناس يا علوه.. كلها دقايق وتلاقيه هنا على دماغك ...حركه حلوه منك انك تسيبه يروح المول وتأجر حد يبوظ الفرامل وبكده تضمن انه ما يوصلش البيت

بقلم..زهرة الربيع

سهيله شهقت بزهول ووقفت وقالت... انت بتقول ايه... منتصر حصل له حاجه

اكمل قال بسرعه.... ما تخافيش مركبش العربيه اصلا ...اصل علوش حتى اصحابه اندال زيه ...رميت لصاحبه قرشين باعه وحكالي على خطته كلها ...وانا اتصلت عليه وحذرتو وهو حاليا جاي في تاكس

علي اترعب جدا لما عرف ان منتصر جاي لانه مش هيرحموا بلع ريقه بصعوبه وقال..... انا طول عمري راجلك اكيد مش هتسلمني ليه.... سيبني امشي قبل ما يوصل وانا مش هاجي هنا تاني ابدا ولا هقرب لها اوعدك

اكمل ضحك وقال ....لا ما اعتقدش الحق اسيبك تمشي الصراحه ....حتى جرب كده الباب قدامك اهوه انت حبيبي يا علوش لو في ايدي حاجه كنت عملتها

علي خاف اكتر وجري ناحيه الباب بس لسه هيطلع اتصدم بمنتصر في وشه

بلع ريقه وهو بيرجع لورا برعب ووقع على الارض وبقى يزحف لورا برعب شديد بنفس الطريقه اللي كان مخوف بيها سهيله

عند لؤي كان في مكتب الظابط عايز يشوف فرحه اول ما دخلت الظابط قال..... لؤي انا لو اي حد غيرك ما كنتش وافقت عشان انت لسه الصبح كنت عندها هخرج شويه وتكلمها بسرعه لوسمحت

لؤي ابتسم وقال .... شكرا يا عمرو شكرا جدا

عمرو خرج

وفرحه و دخلت بحزن وقعدت قصاده على الكرسي وقالت... جيت تاني ليه يا لؤي.... ما فيش داعي لتعبك ده

لؤي قرب منها وبص لعيونها وقال.... جيت لاني محتاج لك...محتاجلك اوي ..انا ..انا اتكلمت يا فرحه كلمت عمي الموصوع اللي شايله جوايه واجهتو بيه واخيرا الهم اللي في قلبي طلعتو قلت كل جاجه صحيح مقولتوش لحبيب زي ما قولتيلي لان حبيبي بعيد عن عيوني... بس على الاقل اتكلمت

فرحه ابتسمت بسعاده من جواها وحطت ايدها على خده بحنيه وقالت ...ايوه كده كنت متاكده انك اقوى من كل الحاجات دي ...ولسه هتنسى كل ده وهتكمل حياتك واحده واحده هتلاقي حمدي ده راح خالص و يمكن يوحشك كمان

مسك ايديها وقال بحزن شديد ...انتي اللي وحشتيني من دلوقت...حاسس بيني وبينك اميال.. انا مش عايز حمدي يروح مني انا حبيته في وجودك... خليكم معايا انا هخرجك من هنا مش عايزك تيأسي

فرحه سحبت ايدها وقالت بدموع ..يالؤي قولت لك ما فيش فايده صدقني لو اتطبقت السما دي على الارض علي مستحيل يتكلم ويشهد لصالحي ده لو اتمسك اصلا... لو سمحت انساني ولو فعلا عايزني ابقى مرتاحه ما تطلبش تقابلني تاني لان المره الجايه انا هرفض

ولسه هتمشي مسك ايدها وقال بسرعه.... انا بحبك يا فرحه ...اول دقات قلبي كانت معاكي انتي

فرحه اتسعت عينيها بزهول شديد والتفتتلو بدموع

عند اسيا كلمت الشركه واخدت رقم موبايل اكمل من ملفه وكانت قاعده على السرير متوتره والدموع في عنيها مش عارفه هتقول له ايه ...قررت اخيرا تبعت له رساله باللي مش هتقدر تقولو وهيه قدامو.... كتبت

انا اسفه ممكن لو سمحت ترجع البيت.... يعني خلينا نتكلم بعقل بلاش شغل العيال ده

بس حذفتها بسرعه واتنهدت وقالت.... يعني وبعدين فيكي... مش عارفه تكتبي كلمتين كويسين على بعض

و رجعت كتبت تاني ....اكمل انا قررت اننا لازم نتكلم

و حذفتها مره ثانيه ونفخت بغضب من نفسها وقالت.... قررت اننا لازم نتكلم... ايه الغرور ده لا طبعا

وحولت تكتب تانب وكتبت

انا لازم اشوفك يا اكمل

بس برده حذفتها وحطت التليفون على السرير بغضب ووقفت وهيه بتلف حوالين نفسها وقالت بدموع.... ليه عملت فيه كده ما كانش لازم اجرحو بالشكل ده

وافتكرت اللي اتقال بين عمها ولؤي قالت بغضب و سخريه...لا وكنت اقولو انت شيطان داخل بيتنا...وانا اصلا الشيطان بنفسو ساكن معايا...اتصرف ازاي دلوقت الاقيك فين

بس ابتسمت فجأه لما افتكرت حاجه مهمه ومسكت التليفون بسرعه واتصلت على الشركه تاني وقالت..... بقول لك ايه هو اكمل بيه سايب عنوان شقته القديمه... عايزه العنوان بتاعها

عند منتصر كان لسه هيهجم على علي بس جريت عليه سهيله وحضنته بقوه وبقت تبكي بشده... واخيرا حست بامان بعد ما رجع وقالت من بين شهقاتها .....اوعى تسيبني تاني.... ما تسيبنيش ابدا مش بعرف اعيش من غيرك ...انا خفت ...خفت قوي

وبقت تبكي بشده

منتصر ضمها لقابه بقوه واخد نفس بارتياح كأنه غريق خرج للشط من تاني حاول يهديها وقال.... اهدي يا عمري انا جنبك اهدي يا حبيبتي

اكمل قعد و قال بسخريه.... انا رأيي نهدى كلنا في القعده دي لان في ناس قاعده و مش لاقيه حنان ولا ايمان حتى ....ناشفه زي المستشفى بقى لها فتره والله

سهيله بعدت عنه بكسوف شديد واخدت بالها للي عملته

منتصر اتنهد بضيق منو وقال ....سهيله ادخلي الاوضه واقفلي عليكي الباب واسمعي لك حاجه تروق اعصابك ومهما تسمعي رزع هنا متطلعيش

قال جملته الاخيره وهو بيبص لعلي بغضب شديد يخوف

سهيله قالت بارتباك من نظراته ...انت...انت هتعمل ايه

منتصر قال بحده.... قلت لك ادخلي

اكمل اتنهد وقال... اسمعي الكلام وادخلي هيعمل ايه يعني هيعمل كفته اكيد واضحه مش محتاجه

سهيله اتنهدت و دخلت الاوضه وقفلت الباب

↚

واكمل وقف وقال... هاخطف سيجاره بره على بال ما تخلص..بس خد بالك محتاجينه في موضوع هحكيهولك لما تخلص

منتصر كان بيبص لعلي بغل وعلي بقى ينادي لاكمل بس ولا كانه سامعه وطلع بره البيت

معتصر هجم على علي وبقى يضربوا بشده وعنف وطريقه مؤذيه جدا حرفيا اخد الواجب اللي يستاهلو من البدايه

اما اكمل طلع بره وولع سيجاره بقى يشربها هو بيفتكر اسيا والليله اللي عدت عليه في حضنها ومش قادر ينسى قد ايه كانت رقيقه وبسيطه ومتحرره من اي قيود مفيش بينهم اي فوارق ولا تحفظ ولا غرور كانت بريئه زي الاطفال

ابتسم وهو بيفتكر حركاتها وضحكها بس احتل الحزن والغضب ملامحه لما افتكر كلامها واهانتها ليه وصدمتها من قربهم اللي حسستو قد ايه بتستحقره

فاق من شروده على صوت تليفونه ابتسم بمكر لما شاف اسم المتصل ورد وقال... عملت ايه....بشرني الاوراق بقت معاك

وسمعه شويه وقال...ممتاز جدا اسمع اللي جاي

عند فرحه كانت واقفه بزهول من جملة لؤي اللي مكانتش تتمنى تسمعها دلوقت نهائي بصتلو وقالت بتوتر.... ده مش حب ده انا بس صعبانه عليك... لو انت حاسس بالذنب علشان انا كنت في بيتك لازم تعرف ان اللي حصل ده ممكن يحصل في اي مكان اكيد مش هفضل هربانه عمري كله و

بس قاطعها وقال ....انا مش طفل يا فرحه.. انا عارف مشاعري كويس ....بحبك قوي من اول ما دخلتي على حياتي وكل حاجه فيها احلوت.... تعرفي حتى وجعي ومرضي وحزني مش بحس بيهم معاكي بشوف نفسي بدون عيوب في عيونك وده بيكفيني ...و متاكد كمان ان مشاعرنا واحده ...متاكد ان انتي...

بس قاطعته وقالت ببكا... لا لا مش بحبك ...ومش هحبك قلت لك ما ينفعش انساني بقى انا خلاص ضعت ضعت... مسمعتش كلام المحامي ..لو ليا غلاوه عندك سيبني وما تجيش تاني ابعد عني كفايه عليا وجع القلب اللي انا فيه

قالت كده وجريت من قدامه وطلعت عند باب المكتب ونادت للعساكر اخذوها تاني على الحجز

لؤي كان باصص لطيفها بدموع وقعد على الكرسي بتعب وحزن وبقى يدعي ربنا انو يساعدها

عند منتصر كان ضرب علي لحد ما تعب من كتر ضربه ...حرفيا ما بقاش فيه حته سليمه بصلو باستحقار وقال وهو بينهج...نفسي افضي سلاحي في نص راسك بس اللي مانعني ان الموت راحه انت متستاهلهاش

وخرج بغضب وسابو مغمى عليه في الارض

اول ما خرج وقف جمب اكمل بضيق وابتسم بسخريه وقال... غريب القدر...كنت متخيل اني يوم ما هقابلك هخنقك باديا...بس بعد االي عملتو معانا انهارده حتى كلمة شكرا بقت قليله قوي

اكمل اتنهد وقال....هيه كده الحياه ديما بتجبرنا على حاجات ما نتخيلهاش يا حضره الظابط ...اما نفسي عمري ما اتخيلت في حياتي اني ممكن اساعد بنت عصران

منتصر اتنهد وقال ....انا ما شوفتش من عصران غير كل خير ...وعلشان كده مش هستوعب احساسك...يمكن انت ليك اسبابك بس اللي انا مستوعبه متاكد منه ان سهيله دي مش زي ابوها نهائي و مش زي اي حد عموما صدقني لو عرفتها كويس مستحيل يجي لك قلب تأذيها

اكمل ابتسم بسخريه وقال...فاهم من معرفتي السطحيه بيها عرفت على طول انها هبله

منتصر قال بضيق...هي طيبه مش هبله

اكمل ضحك وقال..... عارف وعشان كده بقولك هبله ...اي حد يبقى طيب في الزمن ده يبقى اهبل....ده زمن الذئاب يا عزيزي... بس اللي مستغربه بقى ازاي واحده زي سهيله تقدر توقع واحد زيك

منتصر ابتسم وقال.....بس هيه موقعتنيش ...سهيله وقفتني وقوتني... عمر الحب ما كان وقوع انا بستقوى على الدنيا كلها بيها

اكمل بان الحزن على ملامحه اول ما قال كده وشرد في اسيا وقد ايه الوضع مختلف تماما وانه بيستقوى على الدنيا كلها ومبيحسش بضعفه الا قدامها هيه وبس

منتصر قطع شروده وقال... روحت فين

اكمل حاول ميبينش حزنه وقال..احم معاك ...كنا بنقول ايه

منتصر قال بسخريه...بنقول ايه...بنقول حصل خير كويس انك لحقت الموقف انهارده...اي نعم انت السبب في الحوار ده من الاول بس برده قدرت تسيطر عليه .... سيبك من الرغي ده بقى وقلي ايه الموضوع اللي عايز الحيوان ده فيه.

اكمل قال .... فرحه

منتصر بصلو باستغراب وقال....فرحه مين ...تقريبا سمعت الاسم ده

اكمل اتنهد و قال....ده موضوع يطول شرحه....هات مراتك والحيوان اللي جوه ده ولازم نرجع على مصر ونسلمه وانا هحكي لك الموضوع كله على الطريق

عند عدي كان قاعد في الجنينه بضيق شديد وطلعت نيره وقعدت جنبه وقالت..... انت لسه بتفكر فيها

لؤي اتنهد بضيق وقال.... انتي مركزه معاها ليه...ولا افتكرتي صفات تانيه في اكمل باشا جايه تغظيني بيها

نيره ضحكت وقالت.... انت ليه فاكر اني بغيظك... انا كنت بتكلم جد على فكره

عدي بصلها بدهشه وقال.... لا حول ولا قوه الا بالله يا بنتي انتي حد مسلطك عليا

نيىه ضحكت وقالت....والله انا بس بهون عليك... عايزاك تفرفش كده وتخرج من اللي انت فيه

عدي قال بضيق..لا كتر خيرك سيبيني في اللي انا فيه احسن

نيره اتنهدت وقالت....اللي انت فيه ده ضعف..لازم الانسان يقوى ويتعلم بتخطى ...وينضج شويه ويحاول ينسى

عدي قال بحزن...انسى...انسى ازاي انا من اول ما عرفت يعني ايه جواز وانا عارف اني هتجوز اسيا ....كانت كل احلامي... مش عارف اتخيل ان في حد جيه واخدها مني فجاه كده بسبب غلطه غبيه مني... حاسس ان انا اللي سلمتها له بايديا

نيره قالت ببساطه... يعني كل اللي انت عامله ده علشان انت كبرت واتربيت على انك هتتجوزها..... يعني ما بتحبهاش

عدي بص لها بدهشه وقال...ايه اللي بتقوليه ده... لا طبعا بحبها ما هو انا طول الوقت ده بحبها

نيره قالت ...اممم يمكن انت ادرى بنفسك... يلا تصبح على خير

قالت كده ومشيت وهو بص لطيفها وقال.... ايه الهبله دي ما هو طبعا بحبها يعني كنت هتجوزها من غير ما احبها

بعد ساعات كان لؤي لسه في القسم قاعد قدامه ومش راضي يمشي الضابط طلع واتنهد وقال...يا لؤي ايه اللي بتعمله في نفسك ده.... بقالك ساعات هنا يعني هتفضل قاعد كده قدام القسم لامتى

لؤي قال بحزن.... يا عمرو ما انا قاعد بره اهو مضايقكم في ايه بس

عمرو ضحك وقال...يابني هو انا بقولك اانك مضايقني انا زعلان عليك.... طب تعالي اقعد معايا جوه في مكتبي بدل ما انت قاعد كده و المجرمين طالعين داخلين عليك

لؤي قال بحزن .... يا عم سيبني انا مرتاح كده و

بس قطع كلامه بزهول لما شاف منتصر نازل ما العربيه هو واكمل ومعاهم علي مضروب جدا

منتصر دفع علي لواحد من العساكر وقال ...عينك عليه

لؤي جري عليهم وقال بزهول وسعاده....انتو..انوو جبتوه منين

اكمل ابتسم وقال بغرور... عيب عليك ده لو في بطن امك كنت جبته و

بس اتصدم بشده لما لؤي حضنه بكل قوته وقال بسعاده....شكرا شكرا جدا... ربنا يخليك ليا انت اخويا بجد

بقلم..زهرة الرببع

اكمل اتصدم والكلمه حركت قلبه جدا حضنو بتردد ومردش

لؤي سلم على منتصر كمان

ومنتصر قال .... انا اكمل حكى لي على حكايه فرحه ...فرحه ساعدتني قبل كده وهيه اللي قالتلي على حكايه علي يوم الفرح لولاها ما كنتش لحقت سهيله ..واوعدك هتابع الموضوع بنفسي و باذن الله يعترف

لؤي قال بسعاده....ربنا يخليكم بجد والله فرحه دي غلبانه جدا وبريئه معملتش حاجه

اكمل قال بثقه....متقلقش...انا هحلها

لؤي ابتسم بسعاده وحس بامل كبير

فضلو يتكلمو شويه ولؤي قال....صحيح سهيله فين انا عايز اشوفها قلقان عليها جدا من ساعة اللي عرفناه ومش عارفين نوصلها

منتصر قال....هيه بخير...سبتها في العربيه مش عايزها تيجي هنا علشان القسم وكده ...تقدر تروح تشوفها هناك وانا هتكلم مع عمرو واروحها وارجعلك تاني

اكمل قال طيب انا كمان هرجع البيت في موضوع مهم لازم اخلصه وهبقى اجي اشوفكم تاني

وسابهم ورجع على البيت

عند عصران كان قاعد في المكتب بتوتر مستني اتصال الراجل بتاعه

اول ما اتصل رد بسرعه وقال.... ها عملت ايه.. عرفت مكانه

وسمعه سويه وقال....طب تمام يعني هو دلوقتي رجع على شقته القديمه ...اوعى يغيب عن عينك

وقفل منه واتصل بشخص وقال....اسمع هو في شقته اللي بعتلك عنوانها روحلو هناك شكلو مش هيجي القصر ....تنفذ اول ما يخرج انهارده تخلصني منو

عند اكمل راح شقته لانو قرر مش هيرجع القصر تاني عشان ما يشوفش اسيا بس اتفاجئ بالشقه مفتوحه

نادى للبواب وقال....عم منصور انت اللي فتحت الباب

منصور قال .....ايوه يا بيه انا فتحته ....مرات حضرتك جات وقالت عايزه تدخل الشقه

اكمل بصلو بزهول وقال.... مرات مين... وسحب سلاحه ودخل بحذر وقال.... مين هنا.... مين جوه

اسيا طلعت من الاوضه وقالت .... ما قال لك مراتك..هيكون مين يعني هو انت هتتجوز عليا ولا ايه

اكمل اتسعت عنيه بزهول شديد ووووووو

↚

اتسعت عنيه بزهول شديد لما لقاها في البيت.. حرفيا مش مصدق اللي هو فيه معقوله بجد هي هنا

اسيا قربت منه وقالت برقه.....لقيتك مش بتيجي قلت اجي انا

اكمل بصلها بزهول اشد وقال....انتي وصلتي هنا ازاي عرفتي مكاني منين

و بصلها باستغراب من لبسها كانت لابسه عبايه سودا طويله مقفوله بازرار قال...و ايه اللي انتي لابساه ده

اسيا قربت منه اكتر وقالت بابتسامه.... عبايه سمراء... حلوه عليا

اكمل اتنهد بضيق وقال.... جايه ليه يا اسيا

اسيا قالت بسرعه وحزن بتحاول تخبيه بابتسامتها ...جايه اتكلم معاك ...انا ....انا عرفت حاجات كتير قوي عرفت انك بريء في كذا حاجه وكمان معاك حق في حاجات كتير وشفت نتيجة التحليل...عرفت انك ابن عمي وجيت اقول لك خلاص ما فيش حاجه هتضايقنا تاني باذن الله وطبعا تقدر ترجع بيتك و

بس قاطعها لما ضحك بسخريه والم وقال ....بجد والله ...مش عارف اطير من السعاده ولا أولع في نفسي ولا اعمل ايه.....بجد عرفتي اني ابن عمك واني كان معايا حق يا سعدي وهنايا لا وكمان اقدر ارجع البيت شكرا والله بجد شكرا ...تمام انتي وصلتي رسالتك تقدري تتفضلي لان انا مستعجل

ولسه هيروح على اوضته مسكت ايده وقالت بحزن وحرج... انا عارفه انك زعلان ومقدره اللي انت فيه...بس انا والله عمري ما اتخيلت ان عمي ممكن يكون بيضحك علينا بالشكل ده ظلمتك وكنت شيفاك شيطان... والشيطان اصلا ساكن بيتنا ومش حاسه ..بس خلاص... من هنا ورايح ...من هنا ورايح هسمعك واصدقك في اي حاجه والله ...ممكن بقى ترجع

اكمل اتنهد وقال ...لا مش هرجع يا اسيا ....مش هرجع ابدا مش بس هبعد عن البيت ...لا هبعد عن البلد دي كلها.. لانها بقت تخنقني

بقلم....زهرة الربيع

اسيا اتسعت عنيها بزهول وهيه بتبصله بصدمه شديده وقالت...ايه تبعد ازاي

عند منتصر اول ما اخد اقوال عليه مشي علشان يوصل سهيله لانها كانت في العربيه وكان لازم يوصلها البيت بعد كده يرجع يكمل التحقيقات ويحاول مع علي يمكن يعترف

اول ما وصلها البيت سهيله قعدت على الكرسي بتعب ورفعت نقابها وبقت تشرب ميه بتوتر

منتصر اتنهد وقرب منها واول ما لمسها انتفضت بخوف

اتنهد بحزن وقال.... اهدي يا حبيبتي انا جنبك.... انا اسف على يوم النهارده اسف جدا ان الحيوان ده خوفك بالطريقه دي ..واسف اني مكنتش جنبك

سهيله حطت ايدها على خده بحنيه وقالت ....ده كان غصب عنك... وبعدين الحمد لله ربنا ستر ووقف معايا لما بعت اكمل

بس مقدرتش تكمل وبقت تبكي بشده وقالت.....بس انا خفت قوي قوي ....وكمان قال انه بوظ عربيتك وخفت عليك لا مش خوفت انا اترعبت كنت هموت فيها

منتصر مسح دموعها وضمها ليه بقوه وقال ...حقك على قلبي ما كانش ينفع امشي واسيبك في البيت اصلا ....ما كنتش متخيل انه مراقبنا من يوم ما خرجنا

سهيله حاولت تهدى وقالت بابتسامه..... الحمد لله حصل خير كابوس وانزاح من على قلوبنا... الحمد لله انه جيه علشان يتمسك..بس انا مش عايزاه يشوف النور تاني... مش علشان اللي عمله فيا لا علشان ما يفكرش يعمل كده تاني في اي واحده

منتصر ابتسم وقال.... وحياه عيونك انا ما هسيبه وهتابع الموضوع ده بنفسي مش هيفلت مني المره دي

سهيله قالت بحزن... طب وفرحه هيحصل معها ايه...والله دي بنت طيبه قوي وساعدتني جدا قبل كده

منتصر. اتنهد وقال ..عارف والله ..و كمان لؤي منهار عليها قوي.. ما كنتش اعرف ان الحب مولع في الدره للدرجه دي واحنا مش حاسين

سهيله ضحكت برقه وقالت... معاك حق صعب عليا قوي هي هتطلع مش كده

منتصر اتنهد بحزن وقعد جنبها وقال ....للاسف لا ...انا بقول له بسيطه علشان اهديه... بس الحيوان مش راضي يعترف ده كمان شهد ضدها انها قتلتو بدون اسباب عايز يشيلها القضيه ابن الجز..مه

سهيله قالت بدموع ..ايه ...طب هو هيستفيد ايه من كده

منتصر قال بضيق....اهو غلاسه وبرود ان لم تستطع اسعاد نفسك فعكر مزاج الاخرين

سهيله قالت بحزن.....ربنا يعدي الايام دي على خير

منتصر ابتسم وقال.... هتعدي باذن الله .....انا هروح لهم وهعمل كل اللي اقدر عليه انا قابلت عمرو ووصيتو ...ودلوقت زمان عزه كمان جات وهنشوف الموضوع سوا

سهيله اتغيرت ملامحها وقالت باستفهام ...عزه..عزه مين

منتصر قال بلا مبالاه...دي الرائد اللي بتشتغل معايا..احنا فريق وشغلها حلو

قالت بدهشه وغضب بتحاول تداريه...والله...شغلها حلو ..حلو في ايه يعني معلش

منتصر بصلها بستغراب وقال ..في التحقيقات عادي ...فيه ايه

سهيله حاولت تبتسم بالعافيه وقالت...امم. ..ابدا بسأل

ولسه هتمشي شدها من ايدها بقوه بقت في حضنو وبص لعيونها بدهشه وقال...هو اللي انا فاهمه صح ولا دي احلام العصاري...دي غيره دي

قالت بغيظ واندفاع....معرفش بس مش عاجبني الموضوع....تشتغل مع ست ليه ما تشتغل مع راجل...وطبعا اكيد الست عزه دي مش منقبه

منتصر قال بزهول..ولا محجبه حتى

سهيله بصتلو بغضب وقالت....انت قاصد تضايقني

بس شهقت بدهشه لما شالها من وسطها وبقى يلف بيها بسعاده وهو مش مصدق اللي بيسمعه

سهيله مسكت فيه جامد وقالت..يا مجنون نزلني فيه ايه

وقف وضمها ليه اكتر وقال بسعاده بتلمع في عيونه...فيه اني عديت لبر الامان ووصلت وجهتي...واخيرا لقيت ترحيب فيها

سهيله نزلت عيونها بتوتر من نظراتو وقالت...انا يعني...بس مش عيزاك تعمل حاجه حرام وتتكلم وتشتغل مع واحده اجنبيه عنك

لسه هيتكلم قاطعتو وقالت بسرعه. ...هيه متجوزه...متجوزه صح

منتصر كان عايز يضحك ومبسوط جدا هز راسو بالرفض وقال...ولا مخطوبه حتى

سهيله ضربتو في صدره بغيظ شديد وقالت...انت قاصد... قاصد وربنا وبتقول كل ده علشان تضايقني وانا مخنوقه لوحدي حرام عليك و

بس قطع جملتها لما قرب منها في لحظه جميله جدا كلها شغف وسعاده

بعد عنها ولقاها مش عارفه ترفع عيونها من شدة الكسوف رفع وشها ليه وقال بسعاده....منتصر بيحب سهيله...منتصر بيعشق سهيله وبس....منتصر عايش ليكي وعاشق نظرة عنيكي يا غزالي

لمعت عيونها بالسعاده وضمتو وقالت ...انت حقي من الدنيا...انت عوضي عن كل حاجه ..اوعى تشارك واحده تانيه فيك حتى لو بنظرة اعجاب ..متقساش عليا انت كمان انا متعودتش على قسوتك

ضمها لقلبو بقوه وقال..انا كنت كاتب القلب ده على اسمك وانا فاقد الامل فيكي.... دلوقتي لما اتاكدت اني اهمك مستحيل يدق دقه واحده لغيرك اطمني

سهيله قالت بابتسامه..تمام مطمنه ...بس برضة اشتغل مع عمرو احسن...صدقني اصلا هيفيدك اكتر انتو الرجاله مخكم شغال وبتفهمو اكتر مننا

منتصر ضحك جامد وقال..دلوقتي بقى مخنا شعال وبنفهم اكتر منكم..ده انتو تودو الواحد البحر وترجعوه عطشان...قولتلك متقلقيش تحبي افتحلك لايف هناك

ابتسمت بدلال وقالت..مش ضروري انا واثقه فيك

منتصر اتنهد وقال..قولي واثقه فيك دي تاني

سهيله قربت اكتر وقالت بدلال اكبر..واثقه فيييك

منتصر اتنهد وقال..انا مش واثق في نفسي اني همشي اصلا .. انا ممكن ما امشيش يعني هم هناك يولعوا قصدي يتصرفو انا حاسس ان الجو انهارده امان وهنجيب اجوان

سهيله ضحكت جامد وقالت...يالهوي على الماتش اللي شاغل دماغك ده...بطل كل حاجه اعملها تترجمها غلط ...وروح شوف شغلك

منتصر ضحك بخفه وقال...ده انا احسن واحد يترجم... ولما اجي هثبت لك

سهيله ضحكت دفعتو بخفه وقالت ....يلا على شغلك

اتنهد وقال....اممم طيب عايزه حاجه ..انا هعدي على نيره اشوفها واروح على القسم على طول ...تحبي تيجي معايا تسلمي على باباكي

سهيله قالت..... نفسي قوي والله بس تعبانه ومصدعه جدا ووعايزه انام مش عايزاه يشوفني بالحاله دي عشان ما يسالنيش مالك واضطر اكذب

منتصر ابتسم وباس جبينها وقال ...خلاص انا هطمنوا عليكي

ولسه هيمشي مسكت ايده وقالت...شكرا على كل حاجه يا منتصر

↚

ابتسم وباس كفة ايدها وقال....الشكر لله على نعمة وجودك في حياتي

عند اسيا كانت مصدومه من كلام اكمل وقالت.....قصدك ايه هتبعد عن البلد كلها مفهمتش

اكمل راح على الاوضه هو بيقول بضيق ....ما اقصدش حاجه

اسيا دخلت وراه بسرعه ولقته بيفتش في الادراج باستعجال

قالت باستغراب... انت بتعمل ايه بتدور على ايه

نفخ بخنقه وقال....وانتي مالك انت حشريه ليه قلت لك امشي

اسيا قالت بضيق من طريقته...انت بتعاملني كده ليه ما قلنالك خلاص ما كنتش اقصد

اكمل اتنهد بارتياح لما لقى فلاشه صغيره حطها في جيبه والتفت لاسيا وقال باستفهام....معلش عيدي الجمله الاخيره ما كنتش فاضي ما سمعتهاش كويس... ما كنتيش تقصدي...مكنتيش تقصدي ايه بالظبط ....ما كنتيش تقصدي اهاناتك ليا كل دقيقه... ما كنتش تقصدي استحقارك وقله ادبك عليا .....ما كنتيش تقصدي تكديبك ليا واني مش ابن عمكم وجاي اتبلى عليكم ..مكنتيش تقصدي اني سكرتك واعتديت عليكي ما كنتيش تقصدي ايه بالظبط يا اسيا حددي معلش

اسيا نزلت عيونها وقالت بجزن.... انت السبب في كل ده...من ساعة ما دخلت حياتنا وكل مصيبه بلاقيك وراها اعمل ايه ده اللي جيه في دماغي

اكمل مسك علبه فيها حبوب اللي بياخد منها على الكمود وشرب كميه كبيره بغضب و ابتسم بسخريه وقال...اه طبعا ده اللي لازم يجي في دماغك.... عارفه ليه يا اسيا عشان دي الصوره اللي انتي رسماها في دماغك عني ...وانا مش بلومك بالعكس انا لما جيت البيت كنت ناوي اخلي الجميع ياخدوا الفكره دي عني وارهبهم طول الوقت

ولمعت الدموع في عنيه وقال ....بس اللي وجعني اني كنت بببين لكل الناس الوش ده الا انتي... كنت ممكن اذي اي حد الا انتي يا اسيا...اتجاهلت كلامك واهناتك ووجعك ليا وحبك لشخص ثاني قدام عيوني وفضلت اتجاهل واتجاهل لحد ما اتجاهلت نفسي ونسيت اني بشر عندي دم....و انتي ما قدرتيش تتجاهلي حاجه واحده بس...الماضي بتاعي اللي انتوا رمتوني فيه مبقتش خلاص اقدر اتجاهل تاني يا بنت عمي

و لسه هيخرج من الاوضه مسكت ايده وقالت بدموع.... اديني فرصه اخيره اخر مره

اكمل قال بسرعه ودموع ..مش هقدر يا ريت اقدر...ما كنتش استنيتك تطلبي من امتى بستناكي تطلبي اصلا

اسيا قالت بسرعه ودموع....لا لا يكمل لا هتقدر ما تمشيش ارجوك..انا مش عارفه اعيش مش عارفه افكر غير فيك من امبارح قلبي بيتحرق خلينا ننسى اللي حصل خلينا ننسى كل حاجه

وبدات تقلع العبايه وتفك الزراير بتاعتها بسرعه قدامو

اكمل اتفاجأ باللي بتعمله واتصدم بشده لما لقاها لابسه تحتها بدلة الرقص اللي جابها لها ولفت وقالت بدموع ..انا لبستها اهو عشانك.... انت كسبت الرهان و بقول لك اهو انت كسبت يا ابن عمي

عند منتصر راح البيت علشان يشوف نيره وبعت لها الخدامه علشان تنادي لها

نيره كانت نازله جري بسعاده بس وقف قدامها عدي وقال

....فاضيه انهارده بالليل نخرج سوا

نيره بصتلو باستغراب وقالت...نخرج....ليه

عدي قال بسرعه وبساطه ...عايز اعمل زي ما قولتيلي ...احاول اغير المود وانساها اكيد مش هفضل متعلق بيها العمر كله

نيره اتسعت عنيها بدهشه وضحكت وقالت.... ده ايه الصراحه الجامده دي.. وبتقولها في وشي....هو حد قلك اني مرهم جروح ... وبديل للي يروح

عدي ضحك وقال .....جروح ايه ومرهم ايه...هو انا لو عايز بديل عن اسيا هاخدك انتي....اكيد هاخد حاجه في نفس مستواها عشان اقدر انساها

نيره بصتلو بغيظ و قالت ...اممم فهماك بتردلي اللي قولتو

عدي قال ...لا ابدا بس احنا اتفقنا على الصراحه ..انتي شايفه اكمل احسن مني وانا ما زعلتش يبقى انتي كمان تتقبلي انك صفر على الشمال بالنسبه لاسيا ومتزعليش

نيره بصتلو بغيظ وقالت ....صفر على الشمال اه ... طب روح من وشي لخبطك بحاجه على دماغك اجيب اجلك انا خلقي ضيق

ولسه هتمشي مسك ايدها وقال...على فين

سحبت ايدها بحرج وقالت..احم... اخويا مستنيني تحت

ومشيت هو قال بصوت عالي..... الليله هستناكي.

نيره قالت بصوت عالي.... بتحلم

ومشيت هي بتبتسم على كلامه ولسه هتنزل من عند السلم اتفاجأت بصوت عصران بيزعق جامد وبيقول...ما يطول جوه ولا يبات حتى انت هتاخد فلوسك على داير مليم ...متتحركش من عندك انهارده غير لما تجيبلي اجله

قربت ناحيه الباب بحذر بس اتصدمت اكتر لما قال.... لو اكمل ما ماتش انهارده انت اللي هتموت بداله سمعتني ...مستني منك خبره

نيره حطت ايدها على بقها بزهول شديد ونزلت جري عند اخوها وهيه مرعوبه

منتصر وقف اول ما شافها جايه جري عليه وقال بابتسامه.. عيون بابي اللي وحشاني

بس نيره قالت بزهول ودموع....هيقتلوه يا منتصر هيقتلوه

منتصر اتصدم باللي بتقوله وقال.... اهدي اهدي في ايه مين هيقتل مين خدي نفسك

نيره قالت بدموع ....عمي عصران هيقتل اكمل

منتصر اتسعت عينيه بزهول ولسه هيرد عدي جيه من وراها وقال بصدمه.... انتي بتقولي مين... قصدك بابا ..اتجننتي ولا ايه

منتصر قال بغضب....اهدى يا عدي خلينا نفهم في ايه

عدي قال بغضب... نفهم ايه ما انتاش سامع اختك بتقول ايه

نيره قالت بدموع ورعب .... والله العظيم انا سمعته و انا نازله هنا..... كان بيكلم واحد وقال له لازم النهارده تقت اكمل او هموتك انت

عدي بصلها بصدمه وقال.... لا..لا طبعا اكيد بابا ما يعملش كده .....انا هروح اشوف الموضوع ده واسأله اكيد سمعتي غلط

بس منتصر مسك ايده بقوه وقال ...استنى هنا لو كان الموضوع ده صحيح مش لازم تقوله والا مش هنلحق نعمل حاجه.... يلا نشوف اكمل الاول

نيره قالت بخوف...انتو تعرفو مكانو

منتصر قال ....هو مشي من القسم قال رايح شقته بس معرفهاش فين ...ومش بيرد على تليفونه انا وجاي كلمتو كتير ومش بيرد

عدي قال بسرعه...انا اعرف شقته هو ما عندوش غير شقته القديمه كنا لعبنا فيها برتيتا قبل كده

منتصر قال بسرعه.....طب يلا بينا ..وانتي يا نيره ما تجيبيش سيره باللي سمعتيه لحد خصوصا عمي عصران سامعه

نيره هزت راسها بالموافقه بخوف ومنتصر وعدي مشيو بسرعه علشان يلحقوا اكمل

عند اكمل اتصدم بشكل اسيا ولبسها وقال...ايه اللي عملاه في نفسك ده

بقلم...زهرة الربيع

اسيا قربت منو قوي وقالت....عجباك

اكمل ابتسم بسخريه عكس الشوق اللي جواه ليها ووطى جاب العبايه لبسهالها تاني وقال....لا مش عجباني.... كان معاكي حق يا بنت البشوات..الحاجات دي ليها ناسها ...وفعلا مش لايقه لك

ولسه هيمشي قالت بغضب شديد و زعيق..... ايه الغرور اللي انت فيه ده ....بقى لي ساعه بتحايل عليك اعمل ايه اكتر من كده يعني... طب امشي بقى مش عايزه اشوفك

اكمل ابتسم بسخريه وخرج من الاوضه بلامبالاه بس جريت وراه وقالت..... طب اكمل ما تعملش كده كل حاجه ليها حل ممكن ترجع على البيت وبلاش تكلمني تمام

اكمل ارجوك اقف كلمني

بس اكمل ما وقفش وفضل مكمل ولسه هيطلع من البيت كلو قالت بسرعه.... اكمل انا حبيتك ما بتعملش فيا كده

اكمل اتسعت عنيه بصدمه شديده والتفت لها وقال ....قولتي ايه

اسيا ابتسمت بدموع وقالت...قولت حبيبتك... ما تضيعش مني حبي للمره الثانيه

اكمل ابتسم بدموع سعاده مقدرش يخبيها و قرب منها وضمها بقوه وقربها ليه برقه شديده وشغف واشتياق

اسيا حاوطت رقبتو باديه وبادلتو بنفس المشاعر

بعد عنها وسند جبينه على جبينها ووقعت دمعه على خده وقال.... وانا عشقتك مش بس حبيتك يا بنت البشوات.... بس هدوس على قلبي يا اسيا احسن ما ادوس على كرامتي وباس جبينها بحنيه وقال..... اشوف وشك بخير

و طلع من البيت بسرعه قبل ما يضعف قدامها

وهي اتصدمت بشده ازاي بعد كل اللي عملته وبعد ما اعترفت بحبها وبرده مقدرتش تحافظ عليه

قفلت الزراير بتاعتها وطلعت جري وراه وهي بتقول بغضب....اكمل استنى عندك ...والله لو على العند انا اعند منك مش هخليك تمشي مهما حصل

اكمل اتجاهلها ولسه بيفتح باب العربيه وقفت قدامو بتمنعه وهي بتقول.... قلت لك لا .....قلت لك مش هتروح مكان

اكمل قال بضيق....اسيا بس بلاش جنان يلا روحي

بس اسيا كانت بتسحب المفاتيح منه بعند وقالت.... مش همشي انا قلت لك بحبك.... هقول لك ايه اكتر من كده مش بمزاجك تمشي

اكمل بصلها بغيظ لما قالت كده وقال...اه طبعا حتى دي بمزاجك انتي يا برنسيسه

اسيا مسكته من هدومه بغضب وقالت و هي بتبص لعيونه..... ايوه بمزاجي مش هتخلى عنك سمعت

اكمل اتسعت عنيه وبص لعيونها بحب وحنين واضح وضعف جدا قدامها وكان هيستسلم بس افتكر كلامها وكان قلبه مجروح جدا منها دفعها وقال.... بس المره دي شوفي حد غيري يسمع كلامك

ولسه هيركب اسيا منعته بغضب شديد ووقفت قدامه وهي بتقول ....بقول لك مش هتطلع و

بس قطعت كلامها وانتفضت بين اديه بشده واتسعت عنيها على اخرهم

اكمل استغرب وقال .... في ايه مالك

ولسه بيسندها من ضهرها حس بسائل على ايده بص لايده وكان هيقع من طوله لما لقاها غرقانه دم

ولقاها مصابه في ضهرها ا تسعت عينيه وزعق بزهول شديد ورعب...... اسيااااااااا

بس اسيا وقعت بين ايديه في الحال وووووو

↚

وقعت بين ايديه وهو وقع معاها على الارض هو بيبصلها بزهول شديد وقال يصدمه وهو بيرتعش اسيا... اسيا حبيبتي... فيه ايه...ازاي ..انا مش فاهم حاجه...اسيا كلميني

اسيا حطت ايدها على خده وقالت بتعب شديد.... سامحني ارجوك تسامحني

هز راسو بسرعه وهو بيرفض بشده وقال... لا لا بتقولي ايه ...مش هسامحك ابدا.... لو سبتيني مش هسامحك ابدا... اوعي تسيبيني انا ما ليش غيرك....هنروح المستشفى... هاخدك حالا وهتقومي بخير

ووقف بسرعه وحاول يشيلها بس خانته قوته ووقع تاني على ركبه على الارض وحاسس الارض بتدور بيه

بلع ريقه بالعافيه وقال بضعفشديد ....هاخدك يا حبيبتي هتقومي... هتقومي انا معاكي

وحاول يشيلها مره ثانيه بس مش رجليه اللي رفضت الوقوف كمان حتى اديه ما كانش قادر يرفعهم

زعق بالعافيه وهو بينج وقال.... اسعاااااف.... اسعاف بسرعه مراتي... مراتي ارجوكم

الناس جريت عليهم بزهول وطلبوا الاسعاف

في الوقت ده وصل منتصر وعدي اللي اتصدموا بشده

عدي جري عليها وهو مرعوب وقال بزعيق....اسياااا...ايا اللي حصل.... مين عمل فيكي كده

اكمل مسكو من هدومه وبقى يحاول ينطق بالعافيه وقال... المستشفى...ود... وديها المستشفى

عدي هز راسه بالموافقه بسرعه ومنتصر جري على اكمل وقال ...ايه اللي بيحصل... انت حصل لك ايه.... اقف معايا يا اكمل قوم

اكمل كان بيتكلم بالعافيه وقال ...مش قادر ....مش قادره اقف على رجلي يا منتصر جسمي كله مش حاسس بيه... اسيا الحقها ابوس ايدك

قال كده وغاب عن الوعي ومبقاش حاسس بحاجه ابدا

بعد وقت كانوا كلهم مجتمعين في المستشفى

اكمل في اوضه واسيا في اوضه تانيه حالتها خطر وبيحاولوا يطلعو الرصاصه

خرج الدكتور من عند اكمل

لؤي و منتصر وحتى عدي جريو عليه وقالو ....خير يا دكتور ماله ...ايه اللي حصل معاه ده

الدكتور اتنهد وقال ....اهدا يا جماعه وفهموني....هو المريض ده بيتعاطى مخدرات او اي انواع مهدئات

كلهم بصوا لبعض بتساؤل ما حدش يعرف عنه اي حاجه بس لؤي قال بسرعه.... ايوه حضرتك انا دكتور صيدلي وهو بياخد مهدئات قويه

منتصر قال.... انت متاكد

لؤي قال بسرعه.... ايوه كنت عنده في الاوضه ولقيت العلبه بتاعته

بقلم...زهرة الربيع

الدكتور قال ...ده السبب واضح انه اخد منه جرعه كبيره شويه تقريبا كان متوتر او حاجه وكانت زياده على المعتاد فجسمو شبه متخدر ومع تأثير الصدمه ما قدرش يتحرك...احب انصحكم نصيحه لازم تقابلو الدكتور بتاعه يخفف له الجرعه دي او بلاش منه اصلا اذا امكن حضرتك مدام دكتور صيدليه اكيد عارف ان المهدئات دي خطر على الجسم..معافى باذن الله

قال كده ومشي ومنتصر اتنهد وقعد بحزن وعدي كمان اما لؤي كان رايح جاي بدموع وخوف شديد على اخته وقال.... ما حدش فيكم عايز يفهمني في ايه.... ما حدش هيقولي مين اللي ضرب عليهم

عدي بص لكنتصر برجاء انه ميتكلمش ...ومنتصر هز راسو بيطمنو وهو اصلا مستحيل يتكلم علشان وجود سهيله اللي كانت منهاره من العياط على اسيا ومش عايز يذودها عليها ويقول ان ابوها السبب

الوضع كان مربك جدا خصوصا ان لؤي كانت حالته سيئه قوي ورايح جاي بخوف وقلق

منتصر قرب على عدي وقال بهمس.... ممكن اطلب منك طلب

عدي اتنهد وقال بحزن... عارف عايزني اجيب اختك من عندنا صح

منتصر اتنهد وقال ....ما تزعلش مني بس مش هقدر اسيبها في البيت عندكم اكتر من كده مش مطمن اسيبها بعيد عن عيوني خصوصا بعد اللي عرفته..ومش هقدر اروح اجيبها واسيب سهيله دلوقت ..انت روحلها وقول لوالدك على اسيا... هو اكيد زمانه عرف من اللي اجره بس طبيعي ما يبينش انه عارف

عدي اتنهد بحزن شديد وقال.... حاضر هروح اجيبها

في البيت كان عصران حرفيا هيتجنن وبيزعق في التليفون وبيقول..... انت عايز تشلني يا غبي يا متخلف مش كنت تستنى لما يخلصوا خناق حتى تضرب عليهم... البنت لو حصل لها حاجه انا اللي هخنقك بايديا يا حيواااان

وقفل معاه وهو رايح جاي في المكتب بعصبيه جذب شعره لورا وهو بيقول.... اعمل ايه.... ازاي كده يا رب يا رب انا غلطت كتير عارف.... بس انا ربيتها عمرها كله على ايديا ما تخليهاش تموت بايديا يا رب

وكان واقف مكانه مش عارف يعمل ايه خرج من المكتب وعايز ينزل يخلي نيره تتصل على حد منهم يمكن يعرف حاجه بس جاله اتصال تاني رد بسرعه وهو فاكره من المستشفى هيبلغوه وقال بسرعه...ايوه الو

بس اتصدم صدمة عمره وكان مدير حساباته بيبلغوا بعملية اختلاس كبيره في الشركه ومشاكل ادت لإنسحاب بعض العملاء او بمعنى اصح بيبلغه بافلاسه الفعلي

كانت دي الضربه الاقوى من كل شيئ بالنسبالو وقع التليفون من ايده وهو مش مصدق اللي بيسمعه ومشي قدامه وهو مش منتبه ابدا للسلم اللي قدامه ووقع في لحظات كان نزل على الارض مغمى عليه

نيره صرخت جامد وجريت عليه بقت تحاول تفوقه بس ما كانش بيفوق ابدا

في الوقت ده دخل عدي واتصدم بشده وجري عليه وهو بيحاول يقومه والدموع في عيونه

في المستشفى اكمل كان فاق والدكتور حاول يخليه يفضل في السرير بس ما كانش بيرد ليه وراح وقف عند اوضة اسيا بيبص عليها من القزاز بدموع ورعب شديد

قرب من الدكتور وقال بتعب شديد... ممكن ادخل افضل معها جوه مش هتكلم خالص

الدكتور اتنهد وقال.... بس احنا لسه حالا شايلين لها الرصاصه وهيه تعبانه و

بس اكمل زعق فيه بشده وقال..... انا بقول لك مش هتكلم مش هعمل صوت تنت مالك دي مراتي

الدكتور بلع ريقه بارتباك وقال....ده مش اسلوب يا اكمل بيه لو سمحت اهدى انت في مستشفى

منتصر جري عليه وحاول يهديه وقال..اكمل اهدى مش كده

اكمل بص له برجاء وقال.... عايز اقعد معها .. ممكن تكون اخر مره اكلمها فيها ارجوكم

منتصر مفهمش قصده وقال.... ما تقولش كده الدكتور قال ان الاصابه كانت في الكتف وبسيطه هتكون بخير ان شاء الله... انا هخليك تدخل لها ...بس اهدى شويه وانا هتكلم مع الدكتور

اكمل هز راسو بالموافقه وقعد على الكرسي بالعافيه ومنتصر مشي مع الدكتور على جنب

سهيله بصت لحالة اكمل بحزن كان ضعيف ومهزوز والخوف على ملامحه قربت منه وقالت بدموع... الصبر في الوقت ده هو الاجر.... قل لن يصيبنا الا ما كتب الله لنا ..وادعي لها

اكمل تفاجئ منها وبص لها بحرج شديد وقال ....سامحيني يمكن لو سامحتيني ربنا يقومها لي بالسلامه

سهيله اتنهدت وقالت.... يشهد ربي اني ما زعلتش منك ابدا يا اكمل بالعكس اللي عملته معايا شايلاه فوق راسي حتى لو غلطت معايا الاول بس في النهايه الدم اللي بينا منعك ترضى بأذيتي

اكمل لسه هيرد جاله منتصر وقال ....شوفت بالهدوء كل حاجه بتتحل...تقدر ادخلها يلا بس ما تتكلمش كتير

اكمل حضنه بشده وقال شكرا جدا..شكرا

منتثى ابتسم وهو جري ودخل عندها

اول ما دخل لؤي راح لمنتصر وقال بلهفه ...طب و انا هشوفها امتى

↚

منتصر ضحك بخفه وقال.... يا ابني هيه كويسه وكمان شويه هتفوق وكلنا هنشوفها عادي ....بس معلش خليه شويه معاها يمكن يرتاح ويتحسن

لؤي اتنهد و هز راسه بتفهم وقعد وهو حاطط ايديه على دماغه بحزن شديد

بص اتصدموا بشده لما لقوا عدي ونيره جايين مع عربيه الاسعاف والممرضين خرجوا عصران من العربيه اخذوه على اوضه بسرعه

سهيله جريت عليه وقالت بزهول .... في ايه... ايه اللي بيحصل ابويا ماله يا عدي ....حد يفهمني

عدي قال بدموع ...وقع...وقع من على السلم تقريبا لما عرف باللي حصل لاسيا

سهيله شهقت بزهول ونزلت دموعها وقالت.... لا حول ولا قوة الا بالله العلي العظيم..... لا حول ولا قوه الا بالله العلي العظيم

منتصر حضنها وحوال يهديها وطبعا الجميع كان في حاله سيئه جدا من الارتباك والتوتر

عند اكمل كان قاعد على الكرسي جنب اسيا وماسك ايدها وقال بدموع...وحشاني من اول ثواني فراق يا بنت الانصاري يا بنت الباشوات

و نزلت الدموع من عيونه وقال... يا بنت قلبي

حاسس بقالي عمر ما شفتكيش... قلبي راح مني مع غمضة عينيكي يا اسيا ...فتحيهم ورديهولي...فتحيهم واعملي اللي انتي عايزاه كله

و باس جبينها بحنيه وقال ...خليكي عارفه اني بحبك مهما طال البعد بنا... حبيتك وحبيت الاسى والوجع منك عايزك زي ما انتي وراضي باقل بسمه منك ...راضي بالقليل معاكي وكاره الكتير في بعدك..... ارجعي لي يا قمري قومي يا اسيا انااسف....اسف اني خليتك تيجي ورايا بالشكل ده....واسف لاني انا المقصود بالنومه دي

واحتدت عنيه بغضب وهو متأكد ان عصران هو اللي عمل كده

بس انتبه على صوت زعيق عدي وبكا شديد من سهيله طلع باستغراب وسرعه وتفاجئ بعدي ماسك في الدكتور وبيقول بزعيق.... اتشل يعني ايه.... هو ايه اللي كسر في العمود الفقري انت تتصرف حالا ابويا لازم يفوق ويقف على رجليه انتو بتقولوا ايه

سهيله كانت بتبكي جامد وبتقول.... الذين اذا اصابتهم مصيبه قالوا انا لله وانا اليه راجعون

ومنتصر بيحاول يقعدها وهو زعلان جدا على الللي بيحصل

لؤي كمان نزلت دموعه باسف على عمه

و اكمل بص لهم بدهشه وقعد على جنب ما حبش يبدي اي فرحه باللي بيحصل عشان حالتهم اللي كانت سيئه جدا

عدى اليوم بالعافيه وكان عصران لسه ما فقش

واسيا اول ما فاقت دخلوا كلهم علشان يشوفوها ويطمنوا عليها

اكمل بص عليها من القزاز وهيه بتحضن اخوها وحط ايده على القزاز وهو بيتمنى يكون بيلمس وشها ابتسم ابتسامه جميله وقال..... ايوه كده يا بنت البشوات التعب ما اتخلقش ليكي ...اشوف وشك بخير يا اسى قلبي

واستغل انشغالهم مع اسيا وراح ناحية اوضه عصران ودخل لقاه نايم على السرير مش بيتحرك بص لو وابتسم بسخريه وقال.... عارف يعني ايه توصل انسان ان منظرك ده يبقى متعه بالنسبه له..... مش هتفهمها اصلا ...مع اني متاكد اني لو انا مكانك كان زمانك حاسس زيي

وقرب منو وقال ....لو كنت سبتني في حياتكم كنت هتخسر ايه.....لو بس تجاوبني على السؤال ده...طب تقدر تقولي لما ضيعتني وشردتني وخليت كل احلامي اني ابقى شايفك بالشكل ده كسبت ايه

على العموم الحرب بيني وبينك خلصت هنا كان نفسي اقدر ابيع كل حاجه واسيبك على الحديده واسيبك للشارع بس للاسف رصاصتي ضربتني اول واحد وسبت قلبي عندك ما اقدرش اخليها تتهان

اعرف من انهارده انك هتعيش مكرم علشان اسيا يا باشا وبكده ابقى سديت عنها دين تربيتك ليا

خرج من عنده وراح ناحيه الاستقبال وقال.... ممكن ورقه وقلم لو سمحت

عند اسيا استنت وقت طويل علشان يدخل يكلمها بس ما جاش قالت بدموع..... هو معقوله بعد كل اللي حصل لي ده لسه زعلان معقوله مش هامه يدخل يطمن عليا

لؤي مسك ايدها وقال..... والله يا حبيبتي لو شوفتيه السعات الي فاتو حالته كانت صعبه جدا اصلا كان جنبك هنا طول الوقت بس انتي عارفه اللي حصل معاه كله ....اديه وقته معلش

منتصر قال لؤي معاه حق..الشاب بيحبك مفيهاش خلاف بس بجد مستنزف من جواه بطريقه صعبه ..انا مش قادر انسى حالته لما وصلنا وكنتي مصابه

اسيا بصت لسهيله وهدي اللي كانو قاعدين بحزن وقالت باستغراب....فيه ايه

لؤي حمحم وقال بتوتر....اسيا لازم تعرفي..عمي وفع من على السلم وعندو كسر في العامود الفقري ادى لشلل للاسف.

اسيا شهقت وحطت ايدها على بقها ودموعها نزلت بصدمه

سهيله جريت حضنتها وبقت تبكي جامد

واسيا بقت تطبطب عليها وتهديها ورغم انها زعلانه جدا من عصران وكمان واثقه ان اللي حصل انهارده هو السبب فيه واكيد يقصد اكمل ...بس كل الوقت اللي قضتو مع عصران والعمر اللي عاشته في ضله خلاها تزعل جدا عليه

في الوقت ده دخلت الممرضه وقالت ....الشاب اللي كان معاكم هنا دفع الحساب وساب الجواب ده وقال لمراته

اسيا قلبها دق بخوف وتوتر

منتصر اخد سهيله وخرج

وعدي قال ....انا هروح اشوف بابا

و لؤي راح معاه

اسيا مسكت الجواب فتحته و قريت فيه

حمد الله على السلامه يا بنت البشوات....طالما بتقري الجواب ده يبقى انا مش في المستشفى...ويمكن اكون ركبت الطياره كمان

انا مسافر يا اسيا... انا مش هربان ولا زعلان منك ابدا انا مخنوق من ذكرياتي في البيت والبلد كلها خلاص طاقتي خلصت مبقتش قادر استحمل ...لازم ارمم نفسي ولازم اتعالج مش هفضل عايش على المهدئات عمري كله

انتي طبعا عرفتي اللي حصل لعمك ...لازم تعرفي كمان انو موقعش علشان عرف انك اتصبتي هو وقع لان الشركه افلست والمصنع كمان...و طبعا من الجمله فهمتي ان انا ورا الموضوع ... انا فعلا وراه كنت ناوي على اكتر من كده بكتير لولا وجودك معاه وان اللي هيحصله هيضرك انتي كمان .....عشان كده بعت الاسهم بتاعتي قبل ما اضرب ضربتي وسبت لك تمنها باسمك في البنك وتلقصر لسه موجود

ابدأي حياتك من الاول وانا متاكده انك هتكبري زي عمك واكتر بس اتمنى ما تعمليش زيه وتدوسي على حد في طريقك

كمان هتلاقي في الجواب ده فلاشه ...الفلاشه دي علشان لؤي فيها تسجيل لكل حرف حكاهولي علي قبل كده عن فرحه انا كنت مسجله علشان اطلعه لو عمل معايا اي حركه...وطبعا جيه وقته..ده دليل برائتها و هيطلعها ان شاء الله من القضيه زي الشعره من العجين

واخر حاجه مش هقول لك افتكريني بالخير بس هقول لك افتكريني ..افتكريني وبس.....واتاكدي ان في شخص حبك اكثر من حياته .. شخص ما يستاهلكيش يا اسيا ..و عارف كده عارف انك كتيره قوي عليه..كوني بخير في اي وقت ومع اي حد.... اما بالنسبه لجوازي منك اعذريني دي مش هقدر اساعدك فيها.... اطلقي مني غيابي لاني مش هقدر انطقها ابدا مش هقدر والله العظيم...مع السلامه يا بنت البشوات

اسيا كان قلبها هيقف حرفيا مش قادره تتنفس من الصدمه معقوله راح مش هتشوفه تاني معقوله خسرته

نزلت دموعها بحسره وقالت ....حرام عليك..... حرام عليك والله .... وبقت تبكي بشده وحسره وهي ماسكه الجواب وبتضمه

عدت لحظاته معاها قدام عيونها بقت تدور فيهم على ذكرى حلوه او كلمه واحده جميله قالتهالو او هونت على قلبه بيها... ملقتش ولا حرف واحد...وده اسوء احساس .. لما نحس بتقصيرنا في الوقت اللي مينفعش فيه ندم

بقلم...زهرة الربيع

قالت بحزن شديد..انا اسفه...ربنا يعوضك يا اكمل...ربنا يعوضك عن اللي شوفته مننا كلنا

ولسه هتنادي للؤي تديله الفلاشه بس لفت نظرها جمله في ضهر الجواب مكتوب فيها

كل اللي شاغلني دلوقت معقوله الدكاتره وهما بيطلعوا الرصاصه شافوا البدله اللي لابساها تحت العبايه... حظوظ والله تكون في بقك وتتهز لغيرك

ظهرت ابتسامه على شفايفها بدهشه شديده وضحكت بخفه وسط دموعها وقالت... مش هنساك يا مجنون.... مش هنساك ابدا

من بعد اليوم ده اتغيرت كل حاجه حرفيا

اكمل سافر وما سابش وراه اي حاجه توصلهم ليه حاولو كتبر بس معرفوش يوصلولو ابدا

فرحه اخذت براءه بعد تقديم التسجيل لانها حاله دفاع عن النفس ولؤي كان هيتجنن من السعاده بالخبر ده

سهيله وعدي كانو زعلانين جدا على والدهم وبيراعوه خصوصا بعد ما اتصاب بجلطه افقدته النطق لما عرف انه مش هيمشي تاني

منتصر كان ديما واقف جنب سهيله زي العاده و بيهون عليها كتير هو ونيره اللي كانت ديما جنب عدي وساعدته جدا

عصران رجع البيت بعد ايام على كرسي بعجل وبقى يبص للبيت بحسره البيت اللي كان بيمشيه زي الساعه وعلى مزاجه دلوقتي مش قادر يمشي خطوه فيه ولا ينطق بامر واحدد

لكن اسيا كانت واقفه جنبه رغم حزنها الشديد منه لانه سبب اساسي في سفر اكمل ...كمان لانها اتأكدت من منتصر وعدي انه كان عايز يقتل اكمل

بعد مرور سنتين كاملين في احتفال صغير في جنينه القصر بمناسبه شراءهم الشركه الكبيره بتاعتهم من تاني وكانت في ناس كثير معزومه واسيا كانت بتستقبل كل الناس بابتسامه جميله وسعاده بنجاحها اللي حققته

كانت واقفه هي وفرحه وسهيله وبيضحكوا مع بعض بسعاده

فرحه قالت هما ليه كل المصورين واقفين على المدخل كده هو فيه حد مهم تاني حاضر الحفله غيري

اسيا ضحكت وقالت....يا بنتي ربنا يديني ربع ثقتك في نفسك دي

سهيله ضحكت وقالت...لا مهو ربنا عارف بيعمل ايه يا بنتي انتي لو يدهالك تخربي الدنيا انما انا علبانه بتيجي مع الهبل دبل

اسيا ضحكت ولسه هترد اتصدمت بشده لما سمعت صوته اللي لا يمكن تنساه بيقول..... اه في فيلم هينزل السنه دي فعلا وهيتصور هنا في مصر

التفتت ناحية المصورين بصدمه وكان فعلا هو..معقوله شيفاه قدامها ..بعد كل الوقت ده غمضت عنيها اكتر من مره بتحاول تتأكد من ملامحه واتقدمت عليه ودموعها بتلمع في عيونها

بس وقفت بصدمه اكبر لما لقتو ماسك ايد بنت جميله معاه ومقربها ليه وبيضحكو سوا قدام الصحافه والاسوء كانت الدبل اللي في اديهم وووووو

↚

ماسك ايدها ومقربها ليه وبيضحكو سوا قدام الصحافه والاسوء كانت الدبل اللي في اديهم

اتسعت عنيها وهيه بتبص لاديهم بصدمه مختلطه بدموع عينيها وغصب عنها ما تقدرش تواجه جريت بسرعه على زاويه مفيهاش حد بتحاول تاخد نفسها ودموعها بتنزل بدون ارادتها

اكمل شافها واتنهد بحزن وكمل الحوار بسرعه وقعد البنت اللي معاه على طاوله ولسه هيروح ورى اسيا وقف قدامه لؤي وحضنه بقوه وقال ....عامل ايه يا مجنون كل ده يا اخي حرام عليك ما توقعناش نشوفك تاني

اكمل حضنو و ضحك بخفه وقال.....مشاغل الحياه بقى يا دكتور... انت عامل ايه

لؤي قال بسعاده ....انا بخير واتجوزت كمان و

بس قاطعهم منتصر اما قرب حضنو بسعاده وقال..حمد الله على السلامه يا فنان

وسهيله وفرحه بقى يسلموا عليه كلهم بسعاده ومبسوطين جدا انهم شافوه حتى عدي سلم عليه وحضنه من ضمنهم

اكمل ابتسم على استقبالهم ليه كانوا مبسوطين جدا وبيرحبوا بيه بحراره عمره ما اتوقع انو ممكن يجي يوم و يبقى محبوب منهم او من اي حد

عدي قال بسرعه قاصد يوصله رساله.... ما باركتلناش مش انا خطبت نيره اخت منتصر

اكمل ابتسم بخفه وقال.... عارف

بصوا له باستغراب ولؤي قال... عارف ...عارف منين

اكمل قال .... انا عارف كل اخباركم من ساعه ما مشيت وكأني عايش معاكوا كمان ...مش معنى اني غبت اني مش هسال عنكم ...انتوا عيله لقيتها بعد ٢٧ سنه مش بالسهل هفرط فيها

وبص لفرحه وقال.... مبروك عليكم... النونو اللي جاي في الطريق

وبص لمنتصر وقال...وانت يا حضرة الظابط مبروك الترقيه والجواز...واميرتك الصغيره...وانت كمان يا عدي عقبال الجواز مبروك لكم كلكم بجد عرفتو تبنو حياتكم صح

لؤي ابتسم وحط ايده على كتفه بسعاده وقال.... احنا كنا نتمنى نعرف اخبارك زي كده ودورنا عليك كثير والله انا و منتصر بس ما قدرناش نعرف لك مكان

اكمل ابتسم وقال.... كنت محتاج افضل مع نفسي شويه

فرحه قالت بحماس.... بس على الاقل نعرف اخبارك الفنيه مبروك فيلمك الجديد ده مكسر الدنيا

اكمل ابتسم وقال....الله يبارك فيكي ...اخيرا عملت فيلم يستاهل تشوفه يا لؤي هعزمكم كلكم ونشوفه سوا

سهيله بصت للبنت اللي جابها معاه من بعيد وقالت بضيق....مع ان كان المفروض فيه حد هنا اولى يروح معاك تشوفوه ولا ايه يا ابن عمي

اكمل فهم قصدها وضحك بخفه وبص على اسيا من بعيد كانت بتغلي ورايحه جايه بغضب واضح وقالت.....والله ما اعتقدش لان الفيلم رومانسي.... ممكن لو عملت حاجه اكشن ولا جريمه... عن اذنكم

بقلم...زهرة الربيع

ولسه هيتحرك ناحيه اسيا لفت انتباهه عصران اللي كان قاعد على كرسي بعجل على جنب وبيبصلو بغيظ شديد

اكمل اتسعت ابتسامته بخبث شديد وقرب منه ونزل على الارض قعد في مستواه وقال.... ازيك يا عمو ....صحيح نسيتك مش تقول حاجه تنبهني انك هنا

لؤي حمحم وقال.... هو عنده مشكله في الكلام من وقت ما عرف موضوع رجليه جات له جلطه خفيفه و

قاطعو اكمل وقال ...اخرس يعني ...مش كفايه مشلول كمان بقيت مجلوط يا حول الله يا رب

لؤي اتسعت عينيه وقال.... اكمل الراجل مريض

اكمل قال .... يا ابني وانا بقول له ايه انا بواسيه هو انا معقوله هفرح فيه يعني .. ده انا فرحان قوي اني شوفته

عصران كان بيبص له بغيظ شديد ونفسو ينطق ويهزأه

واكمل بصلو وقال.... انت زعلان ليه يا عمو ...شكل الحفله مش على هواك معاك حق والله تحسها ناشفه رجالي كده ..ما تقوم بينا نتمشى

وقال بسرعه.... سوري صحيح ما ينفعش تمشي يا قلبي يا عمو

عدي قال بضيق .....اكمل وبعدين

اكمل اتنهد ووقف وقال.... انتو ليه محسسيني اني بترزل عليه يا جماعه المسامح كريم وانا نسيت اللي حصل..... ده حتى واحشني جدا لو اطول كنت اجيلو من السفر مشي...واخد بالك مشيييي بس ال صراحه مقدرتش اصلي اكلت حاجه حلوه الصبح وبطني مشيت عليا ....تخيل بطني مشيت وانت لسه

كلهم بصولو بزهول ومنتصر كان عايز يضحك بس كتم ضحكته علشان سهيله اللي كانت مضايقه من كلامه حمحم وقال.... اكمل سيب الراجل في حاله خلاص

اكمل اتنهد وقال.... يا عم ماشي ماشي ... اقول لكم انا ماشي من جنبكم اصلا ....ومشي هو بيغني وبيقول .....على حسب الريح ما يودي الريح ما يودي الريح ما يودي..... وياه انا ماشي ماشي ماشي ولا بيدي

كلهم بصوا لبعض بتوتر لما راح ناحيه اسيا ولؤي قال....ربنا يستر

عصران كان باصص قدامه بحزن شديد وبص على حالته على الكرسي وباصص لطيف اكمل اللي كانت الصحافه بتتهافت عشان تتصور معاه هو بيتحشاهم بالعافيه حس وقتها بس قد ايه الظلم عمره ما يدوم مهما طال وان اللي ما بياخدش حقه في الاول لازم بياخده في الاخر..... وان ربك لبالمرصاد

عند اكملقرب من اسيا وكل خطوه بينه وبينها شايفها مشوار زي تعب الايام اللي عدت عليه في بعده عنها

اسيا كانت رايحه جايه بغضب والم وثوره جواها واول ما شافته اتجمدت مكانها لاول مره مش قادره تواجه مش قادره تنطق اصلا كانت بينهم نظرات اقوي بكتير من اي كلام... وجع وفراق وعتاب وخزلان في عيونهم ميتوصفش

كانت المبادره لاكمل قال ....احم احوالي ايه.... طمنيني عني وعن القلب اللي سبته معاكي

اسيا بصتلو بدهشه وابتسمت بسخريه وقالت.... رومانسي قوي يا فنان... حالك انت ادرى بيه ..ما حدش بيتألم مكان حد

اكمل قرب منها خطوات بس قالت بسرعه ودموع.....خليك مكانك ....ما تقربش خطوه واحده

اكمل اتنهد وقال .....المسافه دي هتفضل بنا لامتى يا اسيا

اسيا قالت بغضب ودموع... المسافه دي انت اللي عملتها و انا حاولت الغيها لكن انت اللي رفضت..وابتسمت بسخريه وهيه بتبص للبنت اللي جات معاه وقالت....والظاهر انك حبيت المسافه دي قوي..مبروك الجواز...مبروك عليك دبلتك منوره في ايدك..لا وجاي بكل بجاحه تسألني عن المسافه بنا... يعني سيبتني في اكتر وقت كنت محتاجه لك فيه ...سبتني في المستشفى وانت متعرفش اتحسنت او ولا وسافرت لا وعشت حياتك بكل سهوله واتجوزت وانا زي الهبله مستنه سيادتك

اكمل بصلها بدهشه وقال..وانتي كنتي مستنيه ايه يا بنت البشوات..مستنيه اهيش على ذكراكي...افضل ابكي ليل وانهار على ايامنا اللي مفيش منها....وقول يا وجع قلبي على الاهانات اللي اتعودت عليها وخسرتها مستنيه ايه

زعقت فيه لانهيار وقالت ببكا....كنت مستنيه تحس....تسامح...تهدى وترجع كنت مستنيه لاني غبيه غبيه اوي

و لسه هتمشي شدها من ايدها بقوه وفي ثواني لقيت نفسها في حضنه وبيضمها بكل قوته

بقيت تحاول تضربه وتبعده بس انهارت كل قوتها وبقت تبكي جامد لاول مره يشوفها بتبكي بالشكل ده قال بدموع...انا كنت فاكر بعاقبك بس كنت بعاقب نفسي وبس .....حرقت قلبي بايديا يا اسيا... كنت عايزه اتوجع لوحدي بدل ما الغضب اللي جوايا يوجعكم كلكم ....صدقيني كنت محتاج لفتره لوحدي ولو كنت استنيتك لحد ما تخرجي من المستشفى واتكلمت معاكي مره تاني ما كنتش همشي لاني بنسى كل حاجه قدام عينيكي انا تعبت اكتر من لكل يا اسبا كنت فاكر بنتقم منكم بس اذيت نفسي اتغربت وغربتي بقت جوايا ومحدش تعب قدي

بعدته عنها وقالت بسخريه...حصل خير يا فنان...ده قدر ...وانت دلوقت ربنا عوضك ونجحت واتجوزت ونفرحلك طبعا....مفيش داعي تبص وراك...واللي بنا ده لو كان فيه حاجه بنا بقت ماضي وملهاش لزوم انسى

ابتسم ومسك ايدها وقال....انا لو نسيت نفسي مستحيل انسى اللي بنا...بنسبتلك كان ملوش لزوم...بس بنسبتلي كانو الايام اللي طلعت بيهم من عمري اللي فات كلو

قال كده وحط حاجه في ايدها وقفلها ومشي وهيه بصت لطيفه باستغراب وفتحت ابدها واتفاجأت بالدبله اللي كان لابسها مسكتها بغيظ وقالت...مهما تتغير هتفضل مستفز ...ولسه هترميها بغضب لمحت اسم جواها...واتصدمت لما قرت اسمها محفور على الدبله