رواية سلام قلبي الفصل الأول 1 - بقلم غير معروف

نصيحة مني الكم لا تخلون شخص زعلان منكم اكثر من نص ساعه تعاتبوا عيطوا كسروا لان منعرف شگد باقيلنا وملك الموت مراح يستاذن من احد قبل قبض الارواح

دموعي على خدي فاتت امي
ام ميس: ما كافي دموع مو لوعتي گلبي وگلب ابوچ شوفي حالچ لو محمد هنا يقبل بالدتسوي
نور: يمه مو بيدي لو ادري راح يموت ولا اخلي يطلع زعلان مني ...............بعد مرور سنه

سلام لمن رد السلام اسمي سلام من محافظة بغداد
عندي اخت وحدة واخ واحد اخويه الچبير نزار مهندس اختي ما متزوجة شروق  امي نقطة ضعفي  بدت قصتي يوم سبت عطلة چنت اخر سنه كليه دگ الموبايل چنت نايم رفعته بدون ما أقره الاسم
اغاريد:الوو
سلام: الوو هلو عاش من سمع صوتچ
اغاريد: اسلام اني اشتاقيتلك كلش والله احبك لا تعوفني
سلام: منو گلچ اعوفچ مطي اني واعوفچ مو حتى اجيت خطبتچ اهلچ ميقبلون الا شهادة ومهندس شسوي متگوليلي
اغاريد: تعال اريد اشوفك
سلام: احسبي للعشرة يمچ اني
اغاريد: اسمي اغاريد من العمارة ادرس بغداد كل صفات الجمال بيه بيضه عيوني كبار سود رشيقه طولي ١٦٦ ما اختلط باحد حبيت سلام هو كلش حلو سمار طول وعضلات اني ادرس هندسة وهو إدارة اعمال اهلي ما قبلوا بي لان ما عندو شغل ولا شهادة توفرلة تعيين من رفضوا اهلي هو بعد ما اتصل ولا سال ضجت كلش منه بس احبه لهذا اتصلت اشوفه
سلام: الو ها حبي اني جوة منتضرچ
اغاريد: حبيبي اصعدلي
سلام: تدرين بيه اموت بيچ مو
اغاريد: اني هم اموت بيك
سلام: لو اصعد اجرم بيچ على گدما اشتاقيتلچ
اغاريد: اصعد حبيبي اريد تنزلني الدرج وانت شايلني
سلام: يدلل الحلو صاعد صعدت اخذت المقسوم بالغرفة هي عدلت المكياج وشلتهة ونزلنه رحنه للمول تعشينه بالطريق وگفت السيارة نحچي اغاريد لازم تقنعين اهلچ او على الاقل تحاولين
اغاريد: شسويلهم وانت متشتغل ليش گاعد
سلام: اي غير گاعد ادرس وهاي اخر سنه صعبه كلش
اغاريد: ما ادري احاچي امي واشوف سلام احضني اشتاقيت لحضنك
سلام: حضنتهة واحچي وياهة طبگت سيارة شرطة بصفنه
الشرطي: هوياتكم
سلام: انطيته الهوية واوراق السيارة
الشرطي: شنو صلة القرابة
سلام: خطيبتي
الشرطي: وشبيك فگر حتى حلقه ماكو بيدهة

سلام: طلع روحي ردت اگوم اكفخة لا ما عندي شسوي
الشرطي: لا تسوي شي تفضل ويانه
سلام: ارجع اهلي واجي وياك
الشرطي: لا اهلك يجون وياك خل انشوف منو مسيبهم بالشوارع
سلام: نزلت تعاركت وياه كلمه منه كلمه مني سحلوني اني وياهة للمركز اتصلت ع ابويه يجي دخلوني يم الضابط واغاريد ويايه الضابط اخذني ع صفحة
الضابط: شوف اطلعك من السالفهة مثل الشعرة من العجين بس انطينياهة وروح ومراح ااذيهة بس كم بوسه واخذ الاريدة  وتطلع منا باكر كلشي مبيهة اكيد فهمتني
سلام: متت ما احس الا وگعت بي دگ اجو لزموني چلابه دموني ضرب والتموا عليه وگعت بالگاع اغاريد بس تبچي بعدين فصلونة كلمن بغرفه ضليت ادگ ع راسي بس  لا هذا يسويلها شي ورة شويه انفتحت الباب شفت ابوية
ابوسلام: هاي تالي عمري اركض اطلع ابني من المراكز هسة  لو ضارب واحد يتحرش بوحدة ما احچي شي ساحلني للمركز علمود قضيه اداب لك اني وشيباتي تالي عمري اجي اطلع ابني من السجون
سلام: تمنيت ميت ولا سامع هالحچي طلعت لگيت اغريد ماكو هي والضابط طالعين
الشرطي: ماكو طلعة منا لباچر يجي الضابط يالله تطلع راح ابوية واني الليل ما نمته بس افكر اجه الصبح ب 9 اجه ابويه طلعني
الضابط: بس اخذ فصل لان ابنك اتجاوز ع ضابط اثناء عمله
ابوسلام: اخذة ما اريد شتريد تسوي سوي هذا عار وعلوا تغسل عاري
سلام: ضلت هاي الكلمه تنغز گلبي كلما اتذكرها اكره ابويه طلعت گبل لاغاريد صعدت دگيت الباب
اغريد: خير شتريد
سلام: وين رحتي وشلون طلعتي خو مسوالج شي
اغاريد: ميخصك يلا اطلع برة
سلام: شبيچ حبيبتي اني سلام شبيچ
اغاريد: اي واني مو اغاريد التعرفهة يلا اطلع برة
سلام: سحبت ايدهة وكعت سمعت سيارة شرطة بالباب اجو سحلوني مرة ثانيه وهالمرة اغاريد مشتكيه عليه وضليت 3 ايام اهلي ميدرون لان من بعد حچي ابويةمو مال اخابرة واخويه يحجي فضليت منا من اجت تنازلت الهانم طلعت من السجن ثاني يوم داومت عادي الكليه كلهم عينهم عليه اني مسوي الموضوع كلش طبيعي السجن للزلم واذا انسجنت ما توقعت هاي نظرات الشفقه علمود غير شي لما اجه صديقي اشرلي
احمد: خلي تولي ساقطة الله يعوضك بالاحسن لا تضوج
سلام: شكو شبيك ع منو تحجي
احمد: اغاريد غير طبت لازمة ايد واحد ضابط والبوس بنص الكليه والتحضن والله حتى فصل هسة تحصل من سالتها لبنى كالت خطيبي
سلام: انصدمت من الصدمة اريد اوكف ما اكدر كعدت ع المصطبات دخت شكد احبها ليش يا الهي شسويت تصدمني باعز ناسي متت عليهة تالي هيج تسوي شكد حاربت اهلي علمودها شفتهة دتمشي واجه الافندي لزمت ايدة نزلت من عيني اي حقها تنخطب بس مو من اول رفض اخطبهة مرة وثنين اكيد يقبلون وياريت مخطوبة اكو خطبة باسبوع حضرت المحاضرات وطلعت رجعت للبيت
ابوسلام: هلا استاذ هلا بالدايح وين جنت 3 ايام ويه يا كح..ة طالع
سلام: ما رديت طبيت للغرفة نمت امي كعدتني اكلت وصليت سجدت بجيت بحركة الهي تدري نيتي صافيه وياهة وادري اني غلطت من كلتلي اصعد وصعدت بس عقابك صعب ربي صبرني كعدت افتر بالبيت ما خليت شغله ما سويتها امي تراقبني وتبجي رحت يمهة يوم شبيج تبجين
ام سلام: لبنى خابرت اختك وسولفتلها يمه لا تضوج الله يعوضك باحسن منها
سلام: يمه اني الحاركني وكفت ضدكم علمودها وشكد حاول ابويه يخطب بنت صديقه ما قبلت تالي تعوفني وتروح ويه واحد يشبع منها ويذبهة

ام سلام؛ وانت شكو يمه ختولي شكد كتلك بنت صديق ابوك حلوة ومرتبه عاندت
سلام: يمه التريدوا سو اني بعد ما احجي طلعت للكهوة رجعت بالليل تلكاني ابويه
ابو سلام: امك كالت قبلت تخطب بنت صديقي
سلام؛ يابه شتريد تسون سو انتو فصلوا واني البس
ابوسلام: الا تنكرص اذنك يلا تقبل
سلام: سكتت ما حجيت طبيت نمت بس يا نوم اليجيني اسوي روحي نايم  اي بس ابد ما نمت 
ثاني يوم ابويه فرحان وطلع من رجع كعدني
ابوسلام؛ سلام ابني كوم
سلام: ها بابا صباح الخير
ابوسلام: صباح الليل صار العصر كوم
سلام: كعدت اباوعله يضحك اكيد وراه مصيبه
ابوسلام: خطبتلك بت عادل صديقي وابوها انطاهة شوف ما اريد تخجلني وياه باجر روح شوف البنيه ويه امك جمعه الخ عقدكم اذا قبلت بيك
سلام: هي تقبل بيه يجوز اني ما اقبل بيهة
ابوسلام: دكوم ابو الوصخ يقبل بيهة تلحكهة بس عيونهة قضيه
سلام: ها حجي ترة اغار ما اقبل شنو تتغزل بزوجت المستقبل ردت اضحك وياه خطيه فرحان هو ضحك وكلي كوم اكل يا بويه وانسى محد مات ورة احد
سلام: جان ثمن رضا ابوية عليه من بعد دخولي السجن غالي كلش وهو زواجي من بنت صديقه واني كل روحة للجامعه اموت من اشوف ثنين لازمين ايد بعض حاولت انسى واجه اليوم الي شفت خطيبتي انسانه جدا جميله بس كلبي يم اغاريد احبها واريدها بكل معنى الكلمه رغم كل السوته بيه بس احبهة اهل البنيه جانوا ملتزمين كلش حتى من شفت صورتها عبايه راس ارتاحيت شويه انو حتكون حبابه كون ملتزمة دينيا من شفتهة ما رفعت عينهة ابوها سمعته طيبه صارت المشيه ورة اسبوع والعقد نفس اليوم من دخلت عليها كلش حلوة رشيقه عيونها ملونه صفر وجذابه جسمها رشيق بشرتها بيضه لابسه فستان ذهبي يجنن عليها كل هذا ركزت عليه واني ادور على اغاريد بيهة تعرفت على اختهة اسمهة علا متزوجة اخوها مؤيد بكدي ركزت على اسماء اخوتها واسمها رددة الشيخ مرتين ما ركزت عليه باوعت على الكيكه عرفت اسمها ميس طلعوا عافونا وحدنه
ميس: هفففف همزين بقينه وحدنه كتلني الحر شلونك ويه الهوسة
سلام: التفتت عليها تحجي وتعوج بحلكهة ما ردت افشلها من اول يوم كتلهة تمام الحمد لله
ميس: يبووووو بس لا عقدة تطلع
سلام: يلا اترخص طلعت
ميس: اسمي ميس مواليد 2000 ازغر بنيه بالعائلة واحلالهم عائلتي متشددة بس اطب واطلع ويه صديقاتي من دون علمهم عندي خوات 2 علا متزوجة ونور الفكر واحس فاكرة كل العائلة من دون سبب هذا احساس لان زوجهة مات ورة اسبوعين بس ابويه يكول هاي وجه الخير من اجت صار عندي املاك
نور: اسمي نور مواليد 99 عكس ميس ما احب الطبه والطلعه ارمله زوجي استشهد باحداث داعش اتزوجنه ورة اسبوعين استشهد هواي قنعته ميطلع بس هو عاند جان احساسي لو طلع بعد ما اشوفه وفعلا ما خاب احساسي طلع وما رجع وحجي الناس كسر ضهري اني مو كلش حلوة مثله حواجب ثخان سمرة ملامحي عادي طويلهة شويه ومربربه جسمي متناسق كلش انقهر من اذكر زوجي  لان ما اضهر حبي ابد عكسة جان مدللني كلش بس اني طبعي كتومة حتى ما خليته يجي يمي بس مرتين  يوم العرس واخر يوم قبل ميطلع  اني طبعي عصبيه بس هادئة عمتي جان تحبني كلش لان مسالمه حتى من توفى زوجي اجت خطبتني لابنهة الازغر رفضت رفض قاطع بس اهلي ضلوا يقنعون بيه اني استصعبهة لان اشوفه مثل اخويه وقنعوني خطوبة 6 اشهر ما توالمنه نفصخ انخطبت اختي بيوم العقد اجت امي
ام ميس: يمه اريد اطلب منج طلب
نور: ها يمه گولي اريد البس الفستان
ام ميس: يمه اريدچ تنزلين ورة عقد الشيخ لان انتي ارمله واختج دتعقد يعني
نور؛ قطعت كلام امي اوك ماما احس اختنگت صدوگ اني وجه الفگر مثل ميگولون هيچ يخافون مني احترگ گلبي اتصلت ع امير خطيبي گتله نطلع اصلا اني وياه اخوان اكثر من مخطوبين
امير؛ اوك جاي
نور: طلعت من البيت ما رجعت الا صارت ب 12 بالليل چانوا يحچون من طبيت سكتوا رحت لغرفتي نمت ثاني يوم احس اكو شي الوجوه صفرة وكلهة تتحاشاني ما اعرف شكو لبست هدومي وطلعت للمدرسة اني محجبة بس ما البس عبايه البس صدرية واطلع بيهة عادي طلعت وصلت نص الفرع اجت سيارة باتجاهي غلست الشارع فارغ مبي احد اجت السيارة من يمي ضربتني برجلي وگف نزل منهة ولد لابس شفقه و فانيلا حفر وبرمودة  فهيت على سمارة كلش حلو وعضلات ممثل هندي الا شويه مشفت وجهة منزل الشفقه غلست ومشيت

:: شبيچ عميه متشوفين ثول حتى ثول

نور: سمعته هيچ حچة لابو لابو سمارة درت وجهي .. عليمن ثول منو الاثول شارع 8 مترات هسة لو ازدحام اسكت فارغ مبي احد نزع شفقته وگام ينافخ دار وجهة عليه انصدمت رجعت خطوتين ليورة 

ذكريات العزوف 💔💔
نجاة محمد
النشر يومي ساعه 11