رواية سلام قلبي الفصل الخامس 5 - بقلم غير معروف

نور: رجعنه للبيت ابوية عصبي واخوية مؤيد نار كبرة
نور؛ شكو شبيكم
مؤيد: اسالي امير هو يجاوبچ
نور: التفتت على امير شكو
امير؛ شجاوب شكو شبيكم
ابو ميس: وصيه محمد ليش منعرف بيهة وشلون امك منعت المحامي يجي يگوللنه
امير: ضليت اباوع بالوجوه شگول شوف عمي اني بس افهمك واطلع
ابو ميس: اي يابه احچي خل نسمع
امير: شوف عمي احنه اصلنه لا عدنه مال ولا شي وتعرف احنه من كربلاء واجينه هنا علمود شغل ابويه هو بداهة من عمرة 15 سنه يطلع يشتغل وكون نفسه يشتغل من الصبح لليل وراهة سحب قرض على راتب ابويه اشترة سيارات حمل واجرهن والوارد يجي كل شهر وراهة اشترة تريله هم انطاهة لواحد وهيج وفه القرض وگام يشتري بيوت ويبيعهن بسعر اغله وراهة باعهن كلهن واشترة عمارة شقق سكنيه هم يجي وارد بس هو ميسافر وما عنده مكسرات فكله ضل يجمع ويشتري بيت قطعه ارض طگ طگه للستار وراهة اشترالنه هذا البيت الي گاعدين بي ولمن شاف نور تخبل حبهة وقنع امي بالگوه قبلت بيهة وچانت تريد بنت اختهة وتگول تعبك ومالك متاخذة هاي على نور محمد راح كتب وصيه لو صار شي بي املاكه لنور محد يدري منا لمن توفى امي رادت تخطب نور لاخوية الچبير حتى تضمن الاملاك بس اني كتلهة اني اخذهة لان اخوية بيد امي وامي متفقه ويه المحامي تنطي فلوس اني كتله اشتكي عليك للنقابه يلا اجه حچالك
ابو ميس: ابني اني بنتي ما انطيهة بعد كلمن بطريق لان امك.متخاف الله اذا هسة سوت هيچ بعدين الله يعلم شتسوي
نور: اني صافنه رحت لغرفتي اسبوع ما طلعت بس ابچي انتكست حالتي النفسيه كلش اهلي حاروا بيه كسرت موبايلي اني اصلا ما احب سلام احب شبه محمد بي ذبيت نفسي على الدراسه وراجعت طبيب نفسي ثبتلي انو اني ما احب سلام لسه اتذكر جملته ليش قررتي تستعجلين بالعرس ماكو جواب غير انو عقلچ رافض سلام بس مجرد الشبه يربطكم مو حب سلام يجي اني ما اطلعله ابويه استعجل بالعرس لان جياته كثرن هو سحب الموبايل من ميس ومدرسة ماكو اني ما اتدخل ابد اتمنى ما طلعت وياه ولا انطيته مجال بيوم عرسهم اجه ياخذهة للصالون نزلت ما ادري موجود سلمت وصعدت لغرفتي امي وعلا راحوا للصالون ورة نص ساعه اندگت الباب
نور: منو
شروق: اني
نور: هلو شروق شلونچ  وراهة سلام
سلام: ميس نست التاج جيبي
نور: تفضلوا خل اشوفه عفتهم بالاستقبال وصعدت ادور سمعت الباب انسدت وسلام گبالي
سلام: شبعتي لو مليتي
نور: شنو شبيك
سلام: سالتچ جاوبي هي ماكو لو شبعتي لو مليتي والا شكو عفتيني
نور: شوف سلام اني وياك مشينه بدرب مسدود اني اسفه لان لو ما منطيتك مجال مچان هيچ صار واليوم عرسك الله يهنيك انت وميس
سلام: اني تالي عمري اخذ وحدة ما باقي واحد ما لاعب بيهة ولچ من حضن لحضن اختچ واخذتهة بس علمود اشوفچ
نور: اني الغلط ادري بس والله مو بقصدي اني عايشة على ذكرى  وانت زوج اختي ما اگدر افرق بينكم
سلام: بحضني وتهمسين باسمه وما حچيت ولا راح احچي اني محمد اي محمد صيحيلي محمد بس لا تعوفيني
نور: سلام اني ما اضل طول عمري مثل المخبله اني اكيد اتزوج واشوف حياتي بس تعدي هاي الفترة
سلام؛ شوكت صارله سنتين مات راح بح وانتي مثل المخبله بي
نور: گعدت بالگاع ابچي حاول يجي يمي حضنت رجلي ارجف روح عليك الله روح
سلام: طلعت وصلت شروق وگعدت وحدي حتى بچي بچيت شسويت وهيچ حضي كرهت كل النسوان
نور: تزوجت ميس فرغ البيت ضوجة وكآيب كل وقتي بالغرفه اقرة صار وارد العمارتين والبيوت كله الي فتحت حساب بالبنگ نص الي نص لام محمد مچنت اشوفهة ادزهن بيد مؤيد مر شهر على زواج ميس اجه صديق بابا اسمه ضرار من البصرة   وابويه مسمي مؤيد على اسمه بس امي ما قبلت سمته مؤيد بس بالهوية هو ضرار خطبني لابنه اني ما قبلت على  الاقل اخذ شهادة السادس التزمت بصلاتي هواي امير اتزوج حبيبته فرحتله هواي تبقى مضايقات سلام الي متخلص من يجيب ميس يريد فرصه نبقه وحدنه يطلع ابداعاته من يجي اطب بالغرفة واقفل الباب اخوية خطب اخته شروق ورة العقد بيومين اجت ميس اني نايمه طب مؤيد يگعدني
نور: شكو شبيكم
مؤيد: انزلي ابويه يريدچ ولو طلع حچي ميس صدوگ ذبحچ على ايدي
نور: نزلت ميس تلگتني

................في مكان اخر بصرة 4:00

امين: لبست دشداشتي والغترة رجلي اذتني حيل لبست الطرف والوجع شل جسمي شل مرت ربع ساعه يلا گدرت امشي وراح الوجع مرات احس جسمي يتعود على الوجع مرات اگول لا هو يروح نزلت منتضر ابويه نروح نخطب بنت عمي شمس اريد اتزوج واستقر اريد ارتاح ميهمني منو بس امي تريد شمس
ضرار: ها عريس جاهز
امين: اي يابه جاهز گول لخاله سعاد تجي
سعاد: شلون اعوفك بهيچ يوم يمه انشاء الله زواج الدهر
ضرار: والله خطبتلك شلون نور تخبل بس هاي امك  الا شمس
امين: يابه نور شمس گلوب المهم مرة
ضرار: شلون تفكير ما اعرف عليمن طالع
امين: امشي يابة امشي
شمس: رجعت  فرحانه دخلت بكلوريا تعبت صحيح الثالث سهل بس مدرساتنه شديدات واخيرا راح ارتاح هالفترة منا للامتحانات رجعت من المدرسة لگيت لخه بالبيت بابا  هاي شنو
ابو شمس: عيد ميلاد ابن خالچ يسو هنا بيتهم زغير
شمس: ركضت لغرفتي طلعت كل ملابسي اشوف شالبس باوعت بالمرية شواربي چني زلمه امي متقبل اسويهن منا من اتزوج شعري كصايب منا ومنا چني طفله ورة شويه سمعت السيارات بالباب ملت الشارع طلع من اول وحدة عامر ابن خالتي شگد اكرهة بس يباوع حتى مرته هجت منه والسيارات البقيه شيوخ وناس ملت البيت ملي شكو جاي امي متحچي ويه امه سنين بس تصالحوا ذاك الاسبوع بالفاتحة مال خالتهم سمعت بابا صاحلي
ابو شمس: بابا شمس تعاي
شمس؛ نعم بابا
ابو شمس: شوفي بابا ابن خالتچ عامر اجه يخطبچ واني انطيت هو خوش ولد ورتبته كافي
شمس: برطمت والتفتت على امي اشوف امي تباوع لبابا بنضرات عدم رضى زين اني لو رفضت شنو حيكون موقف ابويه بين هالزلم هو كالهم اي وخصوصا ابويه مدير مدريه الشرطة اله مكانه بين الناس حرت ::بابا انت ادرة بمصلحتي ورة شويه صاحولي تعاي عقدي جايبين سيد وياهم اصلا مقررين كلشي عني لبست ثوب وردي عقدت طب عليه سلم وطلع
امين: طبينه لبيت عمي لگينه عامر وحاچي قبلي اشرت لابويه يسكت بالكي يتصافن الخوات بهاي الزيجة عسى ولعل تتصافى الگلوب
شمس: جابوا الذهب الكلادة شكل والتراجي شكل والمحبس يختلف وخفيفات مع انو ضابط وعندة خير من الله والعرفته هو مطلك سكتت محجيت ابويه اشترالي تخم ذهب وياهن ورة اسبوع رحت اخذ بطاقه الدخول شافني عمار اخو سلم عليه رجعت
ابو شمس: بابا مدرسة بعد ماكو بطلي رجلج ميقبل
شمس: ضليت ابجي بس امتحن هو شبقه ضل ابويه يصيح عليه جانت هاي ثاني كسرة من اهلي يكسروني بيهة

ذكريات العزوف 💔💔
نجاة محمد

حياة ميس ونور ما نقلتهة نقل كامل وتلاعبت بالاحداث بس حياة شمس نقل بحت ميه بالميه بدون تغير من تقرون البارتات التجي تكولون ماكو هيج شي لا اكو وشمس حالهة حال هواي بنات بالعراق وترى ميس ونور هواي بنات مثلهم يتصرفون بطيش وميفكرون