رواية سلام قلبي الفصل الخامس عشر 15 - بقلم غير معروف

ههههه ما ادري صدوگ شكرا على الموبايل
امين؛ ستري على روحچ وعليه ولا تنشرين بعد بس بليلتچ
نور: اوك امسح شفتك بيهة حمرة وطفي الضوة
امين: لبسي ونامي باردة

نور: نمت مرتاحة علاقتي بامين تحسنت مر اسبوعين يوم المو يمي هواي اشتاقله هو يگعد بال5 يجي يكمل نومته يمي لل6 اسويله ريوگ يتريگ ويطلع رغم يتقرب مني بس دائما لابس لو تشيرت لو فانيلا مرات اضوج مرات اعديهة بهاي الفترة كل ما يطب امين اسيل تگعد بحضنه لو تحضنه وتگعد هالشي خلاني انفر من امين ومن يجي يومي انزل انام يم خواته اخر شي ضل كله يم اسيل لا حچة ولا گلي شبيچ عمتي زودتهة مرة گلتلي بغداد كلهة شابعه بيچ وشمروچ علينه سكتت صار سلاحي السوكت سحبت البنات لصفي حتى تقات صادقتهن كلهن اساعدهن مرات اسمعلهن انصدمت من عرفت ذكريات طب اسنان وشاطرة كلش صح تقرة هواي بس مو مال طب تگعد 3 ساعات تقرة وتطلع وابن عمهة يموت عليهة هي تسمع باسمه ترجف نضل نضحك عليهة اسيل ابتعد عنهة وهي هم ما حاولت ترجع علاقتنه مثل قبل زاد عدد افراد العائلة بجيه حسنين هالولد الكل يحبه من الچبير للزغير الا عمتي امك عافتك وامك تزوجت وهو يسكت ميجاوب  ويقره مثل المخبل حتى مرات احسه مريض نفسيا يگعد يقرة يطلع عشر دقايق كل شويه عينه على ساعته ويرجع اليشوفة يگول اكو مدرس بالغرفه منطي فرصه وخلصت  كل ساعتين يطلع  ويطب يقره بخبال  فاتتني موعد الشهريه غلست عادي ع الحالة النفسيه انوب اجت امتحانات نص السنه البيت كله عليه حتى ايات تقرة وتداوم واني هنا تكسرت من الصبح للّيل بس احد يدغني انفجر ابچي اهمال امين وعياط امه شغل البيت والحبسه كلهن التمن عليه امين بهاي الفترة تعب كلش ما ادري شبي بس يفكر وجگارته متنزل من ايده الا ان اجه اخر يوم بالامتحانات

......................................................

شمس؛ ركضت لبست ملابسي وشالي طلعت العلاگة لفيتهة بدشداشة حطيتهة بعلاگة وركضت يم الباب اجاني عامر يفر بالسويچ صعد السيارة وصلني لبيت اهلي وراح طبيت لامي گعدتهة وگعدت ابويه

ابو شمس؛ شبيچ يابه متعاركة ويه رجلچ

شمس: بويه اطلب منك بس طلب واحد گول تم ولا تسال
ابو شمس؛ اي بويه گولي محتاجة فلوس
شمس: بويه احجز لمهند وسفره قبل الاحد حباب
ابو شمس: ليش شكو شصاير
شمس: بويه انت تدري ما اشكي من ماكو وتدري اجور على روحي واصبر بويه سفر مهند عامر ما ناوي على خير

ابو شمس: شبيچ ولچ تخبلتي

شمس: بويه انت رجال حكيم وعمري ما شكيت بقرارتك تفكر وتحسبهة عدل يلا تتصرف وهسة راح اسولفلك وانت فكر يلا تصدر حكمك سولفت لابويه من البدايه للنهايه فتح دگم دشداشته ويصفگ ايد بايد

ابو شمس: اني بنتي يبيع بيهة واسكت كون يمي والله اشرب من دمه
شمس؛ ضليت ابچي اختنگت بويه حباب اسكت ليسمع مهند انت تدري يگدر يسوي كلشي بس سفر مهند

ام شمس: اني شحچت ادري بيهة ضالمه واخذت واحد مو خوش

شمس: يمه موتت الطفله بيدهة اني شفتهة والله شفتهة ما ادري شلون انطاهة گلبهة تذكر العلاگة طلعتهة امي وابويه رجعوا ليورة

ابو شمس: هذا عضم بني ادم هاي شنو

شمس: بويه خلصوني اني خايفه كلش

ابو شمس: سافري ويه مهند اليوم احجزلكم
شمس؛ لا بابا خلي يسافر مهند واجي يمكم  هذا عنده عرف بكل مكان سفره يم علي حباب

ابو شمس: تريدين ادزچ وياه عشم ابليس بالجنه

شمس: اني عشت وياه كل هاي الفتر بقت على اليومين بس اهم شي خل يسافر قبل الاحد
ضليت نايمه بحضن بابا بعدين رحت للصالون حتى ميحس على شي باوعت على شگ حلگي انقهرت كلش حتى بابا  كل ما يشوفني يحط ايده عليه ويگلي كلشي يتصلح ويرجع مثل اول

...................................

ذكريات: من بعد ذاك الموقف ما شفت فهد ولا اريد اشوف اصلا اخاف منه رغم هو ما ماذيني بس اخاف ثاني يوم من داومت الكليه كلهة تحچي وتبسبس ورايه من غير اكو هواي ميستحون يحچوهة بوجهي منو  هذا لو بعد متتحاچين ونقيب ومن هالسوالف اني اسكت اني اي ولد يجي يعترفلي ينرفض وسمعتي حلوة تالي بموقف واحد اخذوا عليه نضرة مو حلوة تذكرت حچي امين البنيه كل تصرف محسوب عليهة گعدتهة صوتهة وان كان بعفوية الناس مترحم  داومت عادي اسمع واغلس اخر يوم  بالامتحانات خلصت امتحاني طلعت لگيت ايات تبچي والدكتور يسكت بيهة رحت ركض عليهة تگولي امشي رجعيني ما ابقه
ذكريات: شنو صار غير افتهم شبيچ

دكتور هاشم: اني اگولچ شصار هي مرحله رابعه هالسنه ما رهمت تمتحن بغرفتي مثل كل سنه فامتحنت ويه الطلاب خلص الامتحان اجت گلتلي وين الحانوت اني صفنت بوجهة وطالب ديسلم الورقه سمعهة وضل يحچي والقاعه كلهة ضحكت واختچ متحتاج مله هي تنعي وهي تبچي
ذكريات: الدكتور يسولف واني اضحك  شلون يقلد ويضحك وهاي العوبة صفنت بوجهة

ايات: برطمت واني شمدريني شيسمو هي تقات گالت مدري شنو الفهمته يبيعون بي اكل

هاشم: يابه كافتريا مطعم نادي كلهن نسيتيهن وتذكرتي الحانوت

ايات: كافي لا تضحك هسة ارجع ابچي وافضحك مثل متگول
هاشم: لا يابه سكتنه تهدد الواوي
ايات: شنو واوي شبيك
هاشم: اي بس تعوين چنچ واوي وشنو شبيك تره هسة ارسبچ نسيتي روحچ
ايات: واكو دكتور يگول لطالبته واوي انت نسيت روحك
هاشم: دخت بيهة ساعه تبچي ساعه شخصيه قويه شنو هالخلطة الغريبه منين معجونه هالبنيه  باوعت بعينهة گتلهة يلا هذا اخر يوم بعد متشوفيهم منا لنهاية السنه بوقتهة ناسين السالفه اصلا
ذكريات: طلعنه رحنه للبيت كلنه نمنه ونور خطيه تفتر مثل المخبله واسيل كلشي متسوي رغم خلصت امتحانات البارحة
نور؛ اخر يوم الامتحانات حمايه خالد اخذ سماح وراحوا لايران اني طلعت دشداشه فانيلا ضهرهة مكشوف وضيكه سبحت سشورت وحطيت مكياج طوخت الحمرة نزلت همزين خلصت البيت ساعه8 بالليل بارده جانت اشتهيت شاميه وعصير رمان رحت سويت العشى عفته عليهم امتحانات وخلصن والله گلبي خلص وياهن  اجت عمتي من بيت اختهة ضلت تحچي عليه شلون ما سويت عشة اني حاطة رجل على رجل اكل مو يمي علاج الجاهل بالتجاهل فتحت افلام كارتون يوميات انجلوا اعشق هذا الكارتون ضليت اتفرج واحس اكو عاصفه تمشي بكل جسمي اريد انفجر صياح صراخ ما ادري شسوي وتروح هاي النار احس دا احترگ الله ديحرگني بالدنيا قبل الاخرة هيچ احسساسي چان طب امين هو واسيل من برة چانت هاي القشه الي قسمت ضهر البعير يعني تداوم كليه وانوب يطلعهة يفرهة واني حابسني هو صعد بدل ونزل اسيل تحچي ويايه اني اهز برجلي ما اجاوب اجت عمتي تدردم اني ضليت اضحك بهستيريا  نزل امين صفن بوجهي اني اضحك وراهة نزلن دموعي برطمت امين اجه يمي
امين: شبيچ تخبلتي
نور: تدري انت وامك راح تطبون للنار واني اضل اباوعلكم من الجنه واضحك عليكم
امين: ها احنه بالنار وانتي بالجنه
نور: اي هو بس اكلهم امك عمتي يطببوني واحمتال يجي چم ملك يواسيني رجعت اضحك ودموعي تنزل هو يباوعلي صافن وامه صافنه بوجهي حچي مخربط ساعه اضحك ساعه ابچي  اخر شي ضلن دموعي ينزلن بدون ما ارمش
امين: نور شبيچ لا تخبليني
نور: حباب خلصني
امين: شتريدين اسوي بس لا تسوين بروحچ هيچ
نور: طلگني حباب اريد ارجع اريد ميس تاذيني وامي تسمعني حچي اني هنا بعد ما اتحمل اهمالك وحچي امك ما اريد ابقه
امين: صفنت بوجهة اني منين اتلگاهة منچ لو من امي خواتي لو اسيل لو حسنين الي ما اعرف شبي كلكم برگبتي ويامن اصف ويامن احير تعبت كلهم امين امين من مات امين وخلص طلاگ ماكو انسي هاي الكلمه التفتت عليهة ترجف وتبچي وجهة اصفر رحت يمهة حضنتهة حسيت حرارة ورطوبه ملابسهة كلهة دم احچي وياهة فاصله متحچي اخذتهة للمستشفى حامل وضغطهة صعد صار عدهة اسقاط احس كلشي ضدي شبيه شنو فرقي عن الناس العايشه ليش ما تهنيت لا بعرس لا بحمل مرتي صحة ابويه بالنازل  طلعوهة الصبح گبل وديتهة للبيت الي اشتريته مفروش ومجهز بس تراب شويه رحت للبيت لميت كل ملابسهة ذهبهة شكو شي يخصهة حتى امي ما حچيت وياهة  تعبت

ذكريات العزوف💔💔
نجاة محمد