رواية سلام قلبي الفصل السابع والثلاثون 37 - بقلم غير معروف

نور: تبسمت من شفت المنشور منذ ساعه التفتت على امين ماما جوعان ميجاوب صافن على موبايل سلام

سلام: ما صار الغدة اني  جوعان

نور:  هسة راح اصب حاولت اشيل الوصله ايدي ترجف سلام انتبه على ايدي هو  كلب الجدر اريد اشيل خاشوكه ما اكدر ايدي منتهية ما ادري شبيهة ترجف وما اسيطر عليها

سلام:نور شبيج

نور: ما ادري ايدي كمت ابجي ما اكدر احركهن جسمي كله يرجف خفت متت خوف

سلام: ليش تبجين ما بيج لا تخافين شو تعاي لزمت ايدهة افرك بيهن وهي ترجف تعاي ويايه سحبتهة للغرفه شروق لا تخلين امين يجي ويشوفهة هيج امهة تخبلت تبجي وياهة خزرتهة لان  وترتهة اكثر سديت الباب  امسد بشعرهة احجي وياهة سكتت

نور: سلام انت شلون ما كرهتني

سلام: اليحب ميعرف يكره خليت ايدي يم ايدها يلا اضغطي عليهة

نور: لزمت ايدة قوي رجعت ابجي اكثر  من الاول كمت احجي ما بدون وعي  احس حياتي متصفه كلمن صار عندة بيت وطفل واليخطب بس اني اتزوجت مرتين وما استقريت رجعت رجفت جسمي وخوفي من المستقبل اخاف باجر اكعد محد الي صح فلوس موجودة بس سند ماكو كلش خايفه

سلام: اشششش كافي اني يمج ما اعوفج  بس اهدي انتي روحي تعرفين شنو روحي يعني لو اعوفج اموت اني سندج اعتبريني امج ابوج اخوج اي شي المهم انتي موجودة بحياتي

نور: هديت شويه رجعلي شعور الغثيان ولعبان النفس طبيت للحمام بهدوء سلام واكف يمي ربع ساعه ردت اوكع بيدة انتهيت غسلت هو طلع ورجع بيدة برتقال دائما اكل حمضيات حتى يختفي دم الدم وريحته اكلت غفيت ما حسيت على شي فزيت لكيت سلام نايم يم رجلي راسه على الجربايه وجسمه بالكاع جانت ب٣ الضهر كعدته وطلعنه اكلنه هو بس صافن رايح بغير دنيا

سلام: روحي حضري ملابسج اليوم نروح لاربيل

نور:، ما اريد اروح سلام ما بيه شي

سلام: اششششش ولا كلمه محد اخذ رائيج ويلا بسرعه روحي حضري روحج اتصلت على مؤيد حجينه كتله اخذ ابوك ويانه هو سكت بس حسيت بي ما قابل

نور: رحت حضرت غراضي نزلت لسلام مخلص بابا يمه طلعنه بالسيارة من ٤لل ١١ وصلنه اخذنه لفندق كلش حلو جنة كلش راقي ثاني يوم من ٧ كعدني طلعنه وحدنه شرحت الحالة للطبيب سكت ما حجة شي قاس ضغطي

الدكتور: مابيج شي بابا كومي مرضج نفسي مو عضوي تريدين تطيبين

نور: اكيد

الدكتور: اخذ رجلج وسافري مكان بعيد عن المشاكل وعليش ضايجه وانتي تصبحين على هالوجه الحلو  عيشوا حياتكم كافي لازكين بالهم والضيم ويلا روحي غير المقويات ما انطيج يوميه باكه كرفس اكليها لو شربي عصيرها معلاك لان عندج فقر دم كلشي لا تاخذين علاج عدا علاج الضغط

نور: طلعنه اني صافنه شبي هذا رجلج ورجلج خبصني احسه مطي كلشي ميفهم

سلام: لا ليش خوش دكتور

نور: اي مو سواك رجلي صار خوش دكتور

سلام: غير تستقر صفيناز على اساس ميت اني

نور: بطريق الرجعه بديت افكر بموضوع السفر بشكل جدي بس امين شلون ما اكدر اعوفه وصلنه يم باب البيت الحرس مخبوصين سلام اخذ سلاحه وطلع ما رجع ثاني يوم الصبح شفناه

ام سلام: يمه ما كافي شجاك كل فترة لشتي ترجف رجف عليك عوف هالشغله

سلام: ما عليه شي بس ادعيلي

نور: شفته طب نمت على القنفه ما بيه حيل اروح للغرفه هو هم ما صعد نام بالكاع حط ايدة على راسه سلام

سلام:هااااا

نور: لو اريد اخذ امين الزغير واسافر يصير

سلام: لا لازم ابو يوقع لان قاصر وامه متوفيه ليش تسالين

نور: هيج مجرد سؤال

سلام: نور اذا ناويه تجين ويايه وخايفه على امين تاكدي اطلعه وياج

نور: شلون

سلام: انتي شعليج شلون اهم شي اتخذي قرار ضليت افكر اوووف لو تجي ويايه شريد من الله بعد يمكن بعد ما ارفع راسي واطلب شي ثاني

نور: ضليت افكر هواي كلت اخذ امي ويايه وبعدين ابويه يلا باجر افاتحهم بالموضوع نمت واني افكر وحايرة شراح يصير ووين راح اوصل ثاني حجيت ويه اهلي اصلا فرحوا وقدمنه الاوراق ومتاكدين اسبوع ونخلص منا

سلام: طلعت جواز لامين صار باسمي غيرت اسمه تسجل شاهين خلصت سالفه الجوازات بعد ما دفعت شدة ونص  ارتاحيت شويه

مؤيد: خلي يولي شكد ساقط لا تجيب اسمه بالبيت خلينا ناسي

ابو نور: والله اني هم كرهتة بس من سمعت بي كلش انقهرت خطيه لخاطر ابنه الواحد يدعليله يستقر ويرتاح

نور:  شكو

ابو نور: ماكو شي دنحجي على ايوب

نور: شبي

ابو نور: اخت سعاد عدهة بنيه من جانت ١٥ سنه انخطبت هي اصغر من امين سنة خطيبهة توفى ضلت ما اتزوجت اخوهة شيخ عشيرة كل اليخطبوهة متقبل ضرار رايح خاطبهة لامين لان حاجين عليهة  وعلى شرفهة والشيخ خاطب مناجات وخلوا امين يتقبل الواقع ويسكت

نور: اوي خطيه هاي البنيه رحت حجيت ويه تقات

تقات: ولج اسكتي احنه شفنه المنشور يلا. عرفنا هو خاطب امي كلبت البيت عليه  تالي سكتت من عرفت اخوها شيخ وهو بس يتعارك ويه ابويه لان هيج سوة وميكدر يرفض لان يحجون عليهة ويكولون معيوبه

نور: خلي يولون ولج خطيه ديري بالج عليهة شلونه ابن ذكريات

تقات: ولج فلم صاير هو وابو وهاي المسكينه واكعه بالنص فهد ميقبل ترضعه وميقبل تشيله ولج فد يغار يصفن والله حرمات النجمات على جتفه  يرجفون يمه  زلم مشوربه ويغار من طفل بكد جف ايدة

نور: ههههههه حقه والله الله يحفظهم ويبعد عنهم اولاد الحرام

تقات: ااااامين

سلام: طبيت حطيت جواز امين بيدها

نور: صافنه على الاسم رفعت راسي هاي شلون

سلام: معليج شلون كلشي خلص الخميس نروح

نور: فرحت بس خوفه بكلبي صح امي ويايه بس هم خايفه كلش يعني نستقر هناك مو

سلام:اي

نور: بدينه نحضر ملابسنه وسلام كلش اعصاب ومؤيد هم مبين متعاركين قبل السفر بيوم اجه فهد وعلي للباب يردون امين يمه كلبي راح

فهد: بس ابو يشوفه ونرجعه لا تخافين وطلب يشوفج

نور: ليش هو وين

فهد: بالمستشفى

نور: ليش شبي

فهد: جلطه وعدت سلامات

نور: انطيتهم امين واتصلت بسلام حجيت الصار

سلام: نور بكيفج انتي شتشوفين وين الصح سوي

نور: اريد تجي ويايه

سلام: ليش اني

نور: مؤيد عصبي ويضل يتعارك وابويه يضل يقنعني ارجع انت محايد ادري بيك متتدخل

سلام: ورة اذان المغرب اخذج

نور: اوك ضليت افتر اريد الوقت يمشي ماكو احس الساعه وكفت بطني موتتني احس روحي دتطلع وراهة هدئت مبيه شي رجعوا امين مفرفح وجهة احمر سودة عليه اجه يركض لحضني وشبعهم تفال وغلط وهمة يضحكون فهد كلي يكول لابو نعل لابوك لابو الخلفك ويتفل وامين يمسح تالي كال اخذوا عمي ساعه السودة كلت جيبوا انوب يكولة انيني لوس وما سكت الا عشرة بيدة وتالي هم تفل وطلع

نور: ههههههههه شبكته حيل وطبيت اجه سلام طلعنه ما كلت لاحد بس ابويه وتفهم وسكت وصلنه للمستشفى حسيت كلبي نقبض سالنا  عليه وسلام يسحل بيه وكف كبال غرفه كلي فوتي طبيت شفته كاعد يحجي ويه فهد من طبيت سكت فهد طلع

امين: شلونج

نور: برحمه الله

امين: مو كافي فراك

نور: لا اني اجيت لان كالوا طالبج

بنات اسفه بس اكتب ويوكع الجهاز على وجهي وافز اكتب كم سطر وارجع انام 🤣🤣 بس اصحصح انشر بارت ثاني 😘😘

ذكريات العزوف💔💔
نجاة محمد