رواية سلام قلبي الفصل الثاني عشر 12 - بقلم غير معروف

بارت هدية مني لمتابعني اليعلقون الميعلقون ما حبكم 😒

نور: طلعت عمتي وره نص ساعه ما لگت مثله تريد صورة::عمه والله عندي منه احمر جديد انطي ل اسيل
ام امين: حتى تسحريلهم وتخلي ينفر منهة ويضل بحضنچ
نور: يا عمة شدعوة شبيچ هيچ ما اخاف الله اني
ام امين: صمي حلگچ و دزيلي الصورة لتقات  خل نشتري
نور: رحت صورت الجديد ودزيته
ام امين: وين مبين دزي صورة للي لابسته احنه قابل زلم ولو عادي عندج

نور:  استغفرت صورته وصحت مناجات صورت الضهر ودزيناه
اسيل: عمة صح عجبني بس الموضوع ميستاهل والله
ام امين: على نور الزركة حلو اكيد عليج يخبل
اسيل: خالة شدعوة نور ترى سمرة وحلو سمارهة فاتح
ام امين: اي ضلي منا لمن تاخذة منج وبعد تحلمين تشوفي
اسيل: والله امين يعدل بينه   
امين: رجعت من البستان جهال اخوتي تلكوني على العلاكة متعود اجيبلهم كلهم زغار  انطيت العلاكة لمرت اخوية تقسم رحت كعدت ::لعد اسيل وامي وين
مناجات: طلعت ويه امي والبنات  
امين: ليش هالكد تاخروا
مناجات: هسة يجون اتصلت كالت سو عشة قبل شوية
امين: نور وين
مناجات: نايمة
امين: روحي كعديهة
مناجات: صعدت اكعدها ::لج ادري ميته انتي متكومين شمالج امج متنسيه بيج على نوم
نور: تعبانه كلش
مناجات: امين يريدج وصاير اعصاب لان الخوانم لسه ما رجعن
نور: لبست دشداشة مستورة اخذت موبايلي ونزلت اريد امشي ما اكدر تعبانه كلش تلكاني ابن حماية يريد الموبايل  فتحت يوتيوب افلام كارتون ورحت اسوي العشة مالي خلك حجي امين سويت كباب عروك وزلاطة طلعنه من الثلاجة كبه وسمبوسة اجت سماح تساعدني كتلهة روحي يمعودة تطب تشوفج ويايه تعوف مواعين العشة عليه
سماح: الله يساعدج يخيه عمتي شادة فرد شدة وياج
نور: اي والله وسمعنه عيطة امين
امين: نووووووور
نور: ذبيت الي بيدي وركضت عليه وكفت كبالة حمويني كلهم نزلوا وطبت عمتي واسيل اجتمعت العائلة كلهة ::ها
امين: هاي الصور شنو والمن دازتهن
نور: رحت يمه لكيت صور الدزيتهن لتقات رفعت راسي احاجي ضربني راجداي و واحد  يجر الاخ اريد احجي ميخليني طبت عمتي بالباب
امين: احجي لا ومحمد موتج على ايدي
نور: عمتي رادت ذني الصور اسالهة
امين: شنو عمتج يمه شسالفه 
ام امين: يمه شجرالك ردنه نشتري نفس ملابسهة  اخذت صورة ودزتهة شبيك هيج اعصاب
امين: ليش منيلهة الملابس اشو كله انطيج فلوس واكلج جيبي لاسيل ونور  شمرت الجهاز بالكاع تفلش
ام امين: ما ادري منين تجيب
سماح: خوية اني وياهة نختار ملابس من النت ونشتري
امين: وتحجن ويه الولد وتاخذن الغراض منه وشسوين بالملابس واني ممكلبج ولا اتدنه يمج
نور: شكد حسيت باهانه كبالهم كلهم هيج يحجي والله تمنيت الموت
سماح: لا والله نختار ونحجز من موبايل خالد وننطي الفلوس هو يجيبهن
خالد: اي صحيح وبعدين هي مرتك ينشك بيهة اشو متطلع حدهة لباب المطبخ
امين: ضربت راس نور ضربة خفيخة بيدي منو كلج تتصرفين وحدج وانتن طالعات وهي نايمه متكولن يجي المطي للمهجوم منو يمه تعمدت ابدل السالفه لان ضلمتهة
ام امين: يمه خواتك كل ايام الاسبوع يشتغلن كتلهة بس الجمعه والسبت عطلتهن   بس اليوم  اشتغلي هي عاندت وراحت نامت
نور: درت وجهي عليهة احس كل وجهي خدران من ضرباته ورجعت باوعت لايمن:: ما اكولك الله يطلع حوبتي بيك لا اشرت باصابعي خمسة عندك  لا وحدة ولا ثنين والدنيا دوارة حسبي الله ونعم الوكيل ورحت شلت جهازي وردت اصعد اجه سحلني من ايدي وصعدني للغرفة
امين : انتي شلون تدعين هيج
نور: يعني شسوي متكولي المن ارضي هي تكول دزي ادز انت تجي تضرب ما كلت هاي الحيوانه من تكول كبال اخوتك ما اتدنالهة شيفكرون ليش تخليني علج بحلك امك وبعدين شسويت لان اشتريت خل اكولك امك شتسوي من يوم عرسي لسه تشتري نص السوك وتجي تنطي لاسيل وشنو ميعجب اسيل يصير اليه تطلعهة وتخيرهة واني هنا مثل المطي بس للكراب وتكومني وتكعدني زركة ما بيج حظ اشتغل ليل نهار بس الجمعه اريد ارتاح لان عطلة البنات بالبيت والسبت ارجع  اشتغل حتى يقرن متقبل ومرتك من يوم التزوجت  لحد هسة تاكل واشيل مواعينها لا اغار ولا احسد انصفني انت ابن شيوخ واريد منك الانصاف 
امين: ششششس  امشي بدلي
نور: وين نروح 
امين: لبسي فضيني
نور: لبست ملابسي
ايمن: طلعي شكو هدوم امي جابتهن الج حطيهن بجنطة

نور:  طلعت  جنطة اخذت ملابسي الي امه جابتهن  وطلعت ما حجيت شي اخذ صمون وحط زلاطة بالحافظة مال الاكل وحط من الكبه والكباب اخذ من كل شغله ثنين امة حجت وياه مجاوبهة طلعنه للبستان كعدنه كدام الشط طلع الاكل وكعدنه  ميحجي اني هم ساكته حط راسة على رجلي ونام
امين: هسة خل اني احجي وانتي شويه سكتي شوفي اني من ارجع الكاج تركضين منا ومنا تصبين الاكل  وشعرج مخربط دشداشتج مثل متسميها كلهة مرك لو دهن تركضين تسبحين قبل الغدة مال تعب
السنك مغسول وممسوح والمطبخ مغسول  وهذا الشي خواتي مجانن يسونه الحمام مرتب مثل حمام الغرفه الفراش ينلم وخواتي بالكليه دائما الفراش بالكاع من ارجع قبل متجين انتبه عليج تسبحين بالليل هم يعني هم طابخة العشة ملابسج الي بالغرفة تختلف عن ملابسج الي برة الغرفة وهذا دليل محافظة على نفسج حتى من اخوتي كلشي بيج حلو بس ليش متجين تشكيلي زين اني اطب من الشغل اتعارك ويه اهلي علمودج هسة يكولون يفرق اسكت اضل احرك بروحي انتي انطيني حل 
نور: زين تجي من الشغل وتعبه حتى اتلكاك بمشاكل البيت واشكيلك
امين: لعد شلون تطالبين بالانصاف وانتي متحجين
نور: بالله هسة اليشوفنه شيگول علينه انت نايم هيچ
امين: محد يجي خليني مرتاح شوية وسويلي لفه متت جوع
نور: سويتله لفه وهو مشتري ببسي اكلنه هو اكل 3 لفات ما ادري وين يروح الاكل رشيق وجسمه مرتب  واني وحدة احس تنكت ومو كل يوميه اتعشى اخاف اكرش
امين: يلا خل انروح صارت ب 8
نور: رحنه وكف كبال بيت كلش بسيط نزل الجنطة دك الباب طلعت مرية عجوز انطاهة الجنطة ورجع
نور: منو هاي وليش انطيتهة الجنطة
امين: هاي مرة عدهة بنات وزوجهة متوفي دائما نجيبلها مساعدات وبلكي يستفادون منهن
نور: ليش عبرنه البيت وين راحين
امين: نشتري ملابس على ذوقج ست نور
نور: نزلنه يم مول راقي اشتراي ملابس شكثر بس كل محل يفرض عليه اشتري شي مستور وشي لا عادي مال غرفه حتى ملابس نوم اختار هو واشترالي  يمكن صرف 5 ورقات  وطبعا ذبولي ارقام 3 مرات وامين يبلع ويسكت. ويضغط على ايدي وكلسا ويكولي كون وحدي جان ربيتهم بس افضحچ وافضح روحي لو احچي وراهة لزمت ايدة ونمشي هو ارتاح شويه

امين: اني ما اشتريتلج جهاز لمن تزوجنه شتريدين كولي عادي
نور: لا اشتريت هواي
امين: يلا خل نرجع متت تعب ولو انتي متعبين بالاختيار  كلشي اني اشتريت
نور: اني مضجت علمود الملابس كنتوري مليان بس اضوج من امك هواي تفرق بيني وبين اسيل
امين:  اولا زواجنا جان فرض عليهة ثانيا امي الثانيه مثل اسيل ولان ابويه جان مدلل خالة سعاد وعايفهة تفكيرها تكول ابني مثل ابو وابوج عادل اكبر سبب يخليهة يكرهج 
نور: بس والله خالة سعاد مثل النسمه مو مثل امك هواي اتاذيني حاولت اكسبها ميفيد يبووو وصلنه هسة تشوف الملابس تخبلني
امين: انزلي شكد جبانه
نور: طبينه امه خزرتني
ام امين: هلا بالمسعدة هااا شكيتيله
امين: نور صعدي ملابسج ونزلي بسرعه
ام امين: كل هذني مشتريلهة والله بخت الزركات
امين: يمه كلمه ورد غطاها بدلتي اسلوبج ويه نور خير على خير ما بدلتي اخذهة واعزل لان اني مو غبي واعرف كلشي يصير من اطلع مناجات روحي صيحي خواتج واسيل وتعاي
نور: نزلت مريت بالمطبخ المواعين مكومة يبووووو امين صاح نور تعاي رحت لكيتهم مجتمعين يمه بس البنات
امين: تالي عمري اگعد احل مشاكل النسوان وحدتچن بالكليه والي بگدچن فتحن بيوت 8 نسوان بالبيت لو تخافن الله مجان صار هيج
ايات انتي بعد تغسلين مواعين العشة مناجات انتي تلمين الفراش وتكنسين لان دوامج ضهري تقات انتي عليچ المسح وبركات تخبزين وتغسلين الهدوم  وتساعدج نور مواعين الغدة  على نور وتسوين ريوگ هم وملابسي عليج هم
اسيل انتي مريضه  تطبخين بس الغدة وتساعدج ذكريات ذكريات انتي تطبخين العشة وسماح تسوي مواعين الريوگ وتمسح غراض البيت
مناجات: خوية وملاك
امين: عگب باچر يطلعون من البيت خلوهة دايخة بالغراض خطيه كلمن تسوي شغلهة وحتى لو غيري حچة معليچن ونور اكسر ايدچ
لو سويتي غير شغلچ.يلا من هسة التطبيق ما اريد اگعد البيت وصخ حبابات

سعاد؛ امين اكلت لو اصبلك
امين؛ لا خالة اكلت ابويه نام
سعاد: اي انتضرك هواي تالي نام
امين: خالة ديري بالج على نور
سعاد: شبيدي عليهة يخالة خليني متچفية المشاكل احسن الله يصبرهة
امين: البارحة چنت يم اسيل اليوم يم نور طبيت لگيتهة تكوي ملابسي تمددت نمت حسيت عليهة تضم الاوتي واجت نامت يمي جريتهة لحضني ضليت حاضنهة قوي غفيت گعدت الصبح طلعت  گبل شغل وتعب ومشت الايام البيت نضام وماكو مشاكل رجعت بالليل من الشغل اليوم يوم اسيل رحت يمهة ربع ساعه وسمعت العيطة
ام امين: انتي لو بيچ حظ چان رجلج ما لفه على غيرچ وميجي يمچ والله يعلم شمسوية الي هيچ هاجرچ
امين:، اشوف نور دموعهة تلالي بس ما بچت
نور: حسبي الله ونعم الوكيل هسة اني يمچ گاعد اغسل ملابس وساده حلگي التردي شنو وما سويته
ام امين؛ شتغسلين هدوم همزين غساله اكو شو بس تخضيهن
نور؛ وهسة شنو تردين
ام امين: امشي سوي الغدة اسيل عدهة امتحان باچر
امين: يمممممممه

نور:  راسي گام يدگ ما متعلمه على. هيچ هي بس ميس  واتحاشاهة مشيت خطوتين  ثگل جسمي كانوا ديسحبون من جسمي شي اي كانوا شي مني طار راح لبعيد رجعت حسيت خنگتني العبرة وايد امين على وجهي
امين: شدتحسين ليش وگعتي
نور: مناجات
مناجات:  ها
نور: العبايه ورة الباب حبابه جيبيهة
مناجات؛ صعدت ركض گضيت العبايه ونزلت
نور: لبست عباتي
امين؛ نور شبيچ تخبلتي وين
نور: حسيت شي نزل على حلگي مسحته بيدي دم نازل من خشمي غسلت وطلعت برة فتحت الباب هو يمشي بصفي دايخة وين اروح اهلي زوجوني بس يردون يخلصون مني وين تروحين يا نورة يا بيت يلفيچ طلعت ضليت امشي
امين: غير افتهم وين موليه
نور: رفعت راسي للسما .شنو السويته اخذت مني رجلي وابو بيتي  وهسة بين ذولة الضلام شلون اعيش اللهي الهمني الصبر احجي بداخلي وابچي بحرگة
امين: جريتهة لحضني ضلت تناشغ ما اعرف شبيهة وراهة وگعت بيدي نزلتهة للگاع وركضت للسيارة وصحت خالتي سعاد طريق المستشفى صار مثل طريق الفريت منه من داعش طويل كلش وصلنه گبل اخذوهة الممرضات وره نص ساعه طلع الطبيب
الدكتور: منو ويه المريضه نور عادل
امين: تفضل دكتور
الدكتور: شتعودلك المريضه
امين: زوجتي
الدكتور: عمرهة 18 وبدايه جلطة وين صايرة بيا دين تدري لو مملحگين عليهة تنشل
امين؛ ضليت اعصاب خابرت صديقي وصيته يشوفلي بيت حتى 100 متر اخذهة واطلع خلي اسيل الهة شنو ذنبهة هاي 

ذكريات العزوف💔💔
نجاه محمد