رواية سليله الانتقام الفصل العاشر 10 - بقلم taratel

-شايفين من تخزنون اشخاص بعقلكم بسبب موقف حلو جمعكم حاليا اني هيج شعوري دااخزن كل تعليقاتكم بقلبي💕💕 والبنوتات الحلوات الي يعلقنن بحيث اول ماانزل بارت جديد الكاهن كاتبات اعوف كولشي  واجاوبهن  صرت احس نفسي اعرفجن وحده وحده 🤣♥️♥️
-القصه خلال يومين وصلت اكثر من ٢٠ الف مشاهده كل هذا وبفضلكم ميهمني التفاعل ولا العدد اهم شي انتو تحبون القصه وتستمتعون من تقروها وناخذ الفائده سويه 💕💕

_____________________________

.. كاعد على مكتبي والقلق والخوف اكل گلبي المركز مكلوب كلاب كولها تنتظر ضبع يجي علمود نبلش بحث ياترا هسه هيه وين وشسوو بيها وشصار وياها رفعت نظري لكيت ضبع جاي وبكل هدوء .. هدوء ما قبل العاصفه كمت على حيلي تقدمت عليه واني الزمه من ايده

ضبع: شرار انطيتهم امر البحث
شرار: اي وبقى بس امر فتح الكامرات
ضبع: وين اختفت مستحيل تختفي هيج بدون سبب اكيد صار وياها شي
شرار: تتوقع تشرد
ضبع: مستحيل تسويها وهيه جانت تنتظر هذا اليوم الي تداوم بي

...احتل گلبي الشك واني اتذكر الموقف:
..............:
..كاعد ضبع يسولف وياي وصار صوت جوه ايدي رفعت ايدي لكيت مبايلي واشعارات مااحب اتدخل بخصوصيه احد بس اجت عيني على كلمات

.. شنو رأيج نعوف ال٥٠٠ دولار ونروح للشقه

.. وراها انرسلت صور بس ماعرف شنو بيهن

........... نرجع للحاضر

.. احتاريت شنو الي لازم اسوي احجي لضبع على الي شفته بس مااتوقع ملاك يطلع من عدها هيج شي مو زين باوعت لضبع الي جان مو اسوء من حالي ما خلا شي ما سوا لو بيده حتى الارض ينبشها نبش ويطلعها بس كل هاي المحاولات باءت بلفشل كانما فعلا الارض انشكت ونبلعتها ما خلينه مكان يعتب علينه ما دورنا بغداد بيت بيت ماكو رجعنه للمركز ولكينه امر فتح الكامرات موجود وتفتيش البيت هم موجود رحنه للبيت ولكينا فارغ حتى البنات الي جانن وياها ما موجودات

شرار: اذا هيه تفقدت صارلها ٣ ايام والبنات الي وياها ما موجودات منو الي كلك ملاك ماهيه ؟؟

...باوعلي
الحارس
شرار: وشنو الحارس جان نايم ٣ ايام
.. جان يم اهله وموصي ابنه بس ابنه المطي ما يعرف وعباله من محد يطلع من البيت موجودين بي

... سيدي اول غرفه مكسوره اليده مالتها واكو دم بلكاع

.. ركضنه على الغرفه الي جانت دمار والباب مضروبه قوي هنا عرفنه ملاك انخطفت

.. حسيت الكاع افترت بيه ماعرف شسوي ايدي مكلبجات اذوها؟؟ ضربوها ؟؟ ميته لو عايشه ؟
شلون احزن على اول عشك لگلبي ويمي ابن عمها ..
اباوعله والدمعه بعينه اول مره اشوف ضبع بهاي الحاله اخذنه جفوف ونشوف شكو اجا شرطي واخذ عينه من الدم الموجود شعرها الي جان مكطع وممتزج بلدم ..

ضبع: ماميته

لزمت گلبي الي اذاني حيل وحجيت واني احاول اخفي الالم
شرار: شلون
ضبع: لو يردون يكتلوها بلبيت ولا تنسى وياها ثنين بنات حتى هذا الدم ما نعرف لمنو يكون يجوز لوحده بيهن

.. تقدم نزع الجفوف وطلع برا
رحت بااتجاه
شرار: شراح نسوي هسه وين ندورها
ضبع: ماتوقع ٣ مخطوفات
شرار: شنو الي ياكدلك هذا الشي
ضبع: مكان الجريمه

.. سكت ما اعرف شنو براس الضبع
ضبع: طلعلي دوريه واسئل المنطقه  اذا وحده بيهن طالعه لو شايفين فد شي غريب اسئل شنو الي يجي بعقلك ما يحتاج اعلمك شنو!واريد مستمكات البنات الي بلبيت وياها 
شرار: تمام 
... سويت مثل ماكال الجوارين كلها ماتعرف شنو الي صاير بس واحد شهد وجان طفل مايتجاوز ال١٠ سنوات

.. جنت العب طوبه بلشارع وشفت بنيه دخلت للبيت وراها طلعت مخروعه وضلت تفتر بلشارع ومبين عليها خايفه وما تعرف وين تروح شويه ورجعت للبيت واجوي ٢ ولد دخلو للبيت وطلعت وياهم صعدو بلسياره وراحو

شرار : عاشت ايدك حبيبي
.. رجعت للمركز احس التعب اخذ نص حيلي واني ادورها جنت انتظرها يوم يوم ترجعلي خبر موافقتها واخطبها جنت اخطط لهذا اليوم وهيه يمي تالي اجاني خبرها مفقوده..

.. وصلت للمركز وحجيت الاقوال لضبع
ضبع: حلو نكدر نستفاد من عنده بعد

.. كعدت مقابيله شمرلي ملف

شرار: شنو هذا
.. فتحته لكيت ملف البنيه الي طلعتلي بلباب جانت من الموصل قريت المعلومات الي موجوده جانت من الموصل وتهجروا اهلها باالاحداث طالبه كليه صيدله عايشه يم عمها باالانبار  اخذت العنوان  وطلعت
ضبع: اذا عرفت شي خابرني

..طلعت بدون لا اجاوبه متوجه لبيتهم اخذت ويايه كم ضابط وتوجهنه للانباروصلنه نزلت كدام بيتهم اول ما دكيته فتحتلي الباب

ضبع: ماشاء الله حاطيج بواب

.. خافت من شافتني وكالت
ريم: شتريد
دفعت الباب ودخلت
شرار: وين ملاك
.. الدموع ترسن عيونها لزمت ايدي على السريع وهزتلي بمعنى ايجاب شنو جان قصدها ياترا؟؟

.. طلعت وحده وراها تلعلع
.. هاي شكو منو هنا
شرار: امشي وياي بدون كلبجات عيب من الناس المنطقه
.. شكو خير غير نفتهم
باوعتلها بجمود
شرار: بلمركز تفتهمون
.. اخذتها وطلعت تحت صياح الي ماعرف شتصيرلها بس اتوقع مره عمها بصقت عليها واحنه طالعين

.. تف عليج جبتيلنه العار احنه تالي عمرنه يجون الشرطه علينه روحي وعساج لا رجعتي واذا رجعتي بعد اكسر رجليج

.. لزمت ايدي وهيه تتوسل بيه
ريم: حباب الله يخليك خليني ارجع والله بعد ما عندي مكان وين ارووح

.. لزمتها قوي من ايدها وصعدتها للسياره
شرار: هسه اريدج تسولفيلي

..ماكو جواب بس تبجي تحت شهكاتها المكتومه

..وكفت السياره ونزلت جبتلها مي وفتحت الباب غسلتلها وجها رفعت عينها عليه

.. الله يخليك رجعني والله بعد ماعندي مكان اضل بلشارع وين اروح

شرار: شوفي بس ساعديني وكولييلي شصار بذاك
اليوم وراح اوعدج اساعدج

سكتت شويه وجاوبته
ريم: ماعرف شنو الي صار كالتلي اروح اجيب مسواك ماعدنه رجعت لكيتها ماموجوده والبيت مكلوب كلاب

شرار: مايعجبني هذا الكلام احجيلي تفاصيل

ريم: شوف راح احجيلك كولشي صار بس علمود نلكه ملاك راح احجي حتى الشغلات التافهه

.. جانن اكو غرفتين وحده اليه وحده ليقين من اجت ملاك تنازلت الها عن غرفتي لان كلت هيه ماجستير خطيه وتحتاج مكان تنعزل بي علمود تقرا بس بقت ملابسي واغراضي بلغرفه بيوم من الايام كعدت الفجر ردت اقرا رحت للغرفه اطلع ملازمي لكيت يقين واكفه وتصور بملاك هيه ونايمه

ريم : شكاعد تسوين
يقين: دا اصورها علمود ازها لامي تشوفها
.................

.. سكتت بس جنت اعرف مو هاي الغايه مالتها وحذرت ملاك من عدها ووصيتها تقفل الباب من تنام
شرار: ليش سكتي
ريم: خفت من يقين تطردني لان جان البيت لخالها لذلك سكتت
.. مرن اربع ايام واني وملاك صرنه صديقات اما يقين مجنه نشوفها وجانت تبات برا البيت على مرتين

شرار: يوم الحادث
ريم: يوم الحادث مثل ما كتلك رحت اجيب مسواك رجعت لكيت البيت مكلوب ويقين اصلا ماجانت موجوده بيومها بلبيت
شرار: ليش شردتي لعد
ريم: والله ما شردت بس بوكتها ماجنت اعرف شسوي وخاصتا من شفت الدم بلكاع خابرت على عمي دز ثنين من جماعته واجوي اخذوني جنت حيل خايفه ردت اجي وابلغ بس عمي ماقبل

ريم: وهسه حباب رجعني للبيت
شرار: احتاج اقوالج

..سكتت والطريق كوله تبجي الضباط الي اجوي وياي جانو بسياره ثانيه ورانه وصلنه بغداد باوعت الساعه ب٩ بليل مو مال اخذها للمركز غيرت الاتجاه واتجهت بيها للشقه ...
.....................

.. بعد ما انفقدت ملاك.. الضبع ماضليت اشوفه يجي ساعه ساعتين يبدل ويسبح ويطلع جنت اسئله ميجاوبني نهائي ويعتبرني كاني ما موجوده اصلا حيل جنت اتاذه على ملاك اتمنى يلكوها او اعرف خبر من عدها

..كاعده بلصاله انتظر ضبع يجي واسئله مثل العاده اندك الباب وصاي اول مره يندك بيها بعد الاحداث زوالاخيره رحت باعت من الكامرا الي موجوده يم الباب شفته شرار وويا بنيه

الن: عزا هذا شعنده جاي ومنو هاي ويا

..فتحت الباب وصاح بيه
شرار: ها ولج الصفره شبيج اتاخرتي
الن: واني شمدريني صفوري جاينه جان طلعت فرشتلك البساط الاحمر

.. ضحك وهوه يدخل
شرار:اعرفج على ريم
الن: اهلا وسهلا حبيبتي
ريم: وبيج حبيبتي

الن: عفيه شرار كلي وينها ملاك راح اموت ضبع ما يحجي شي واصلا عايفني بحدي وراح اطك واموت

.. باوعت للبنيه الي يمه ضلت تبجي
الن: شبيج حبيبتي شبيج منو وياج
ريم: ملاك مخطوفه

.. مسحت دموعها وشبكتها وهيه تجنن ناعمه حيل وشكلها بريئ وهادئه

الن: ان شاء الله يلكوها وترجعلنه بس انتي شتصيرين من عدها
ريم : اني صديقتها وياها بلشقه

شرار: اني راح اطلع ولج الصفره ديري بالج على البنيه ومو تاكليها بلسانج

.. باوعتله مو نفسه شرار حيل شكله متغير مادري ليش ضعفان حيل باوعت لعيونه الي احسها تشرح
كلشي

شرار: باجر راح اجي اخذج علمود تنطين افادتج كامله

..هزت براسها اله وطلع بقينه اني وياها وسولفلتلي تدرس صيدله راسا جاوبتها
الن : الله تدرين اني بس خلصت امتحانات السادس صارت ويايه كل هاي الاحداث وحتى ما اعرف شنو نتيجتي ناجحه لو راسبه بس اتمنى اطلع طب عام عاد اكدر اعين نفسي واتخلص من ضبع الجلب

..ان شاء الله ماجبت مبايلي وياي جابوني سحل جان هسه طلعتها الج ماعندج مبايل

الن: لا والله ماعندي بس ان شاء الله من نلكه ملاك اخلي ضبع يشوفها اليه

.. هزتلي براسها مااعرف حيل حبيتها شكليها حيل مريح وهادئ كمت سويت الغده وتغدينه اني وياها شويه ودخل ضبع سلم عليها ودخل لغرفته لحكته

..دخلت للغرفه جان يطلع ملابس من الكنتور تقدمت عليه اندارلي لزمته من ياخه قميصه

الن:شوف ضبع تحجيلي شصاير لا والله اذبحك هنا ترا روحي طالعه وانت عايفني مثل الجلب ابحدي وگلبي نار اريد اعرف شصاير على ملاك

..نزل ايدي من ياخه قميصه ولزمهن حيل وتقرب عليه

ضبع: شو بله ذبحيني
..باوعتله بعيون مدمعه
الن: الله عليك ضبع راح اموت احجيلي

..جر ايدي وكعدني على السرير وكعد يمي وهو خال ايدي على راسه يعتصره
الن :يله احجي
..باوعلي وسحب رجليه وخلا راسه عليهن وحجه بصوت يكسر الگلب

الن: ولك كوم يمه مو راس صخره عزاا رجليه راحن
ضبع: عشت طفولتي ابحدي عشتها ابين مكرهم وكراهيتهم عشت ابين انتقاماتهم وثاراتهم عشت على ضربهم واذيتهم كم مره جنت انام واني جوعان كم مره ضربني وطردني من القصر واني عمري ما يتجاوز ال٦ سنوات كم مره ذبن تهمه عليه بس في سبيل مهيوب يطردني كبرت على حجايه ابن زنا كبرت واني لاشفت ام ولا اب حرموني من عدهم كلشي خططوله صار جنت انقهر من اشوف ولد عمامي كل واحد موجوده امه وابو ويدافعولهم اله اني انحبس بلمخزن لايام

..رفع عينه عليه عينه الي بيها الم وحقد وكره اخذ ايدي وخلاها على عيونه وكال
ضبع: الن اني حيل تعبان تعبت من حياتي

..اول مره اشوف ضبع هيج 
ضبع: تدرين مره حبسني بلمخزن شهر كامل ينطني بس خبز يابس ومي
الن: ليش محد فقدك محد كال انت وين
ضبع: هذا اليتيم الي ماعنده احد محد يذكره

.. دمعت عيوني شكد ما جنت اكول حياتي صعبه بس على الاقل اني شفت امي وابويه وحتى وان كان عاصم جلب بس احبه يبقى والدي

ضبع: محد جان يهتم بيه بس ملاك وماما نور
الن: لا تخاف ان شاء الله تلكوهه اني متاكده تكدر تلكاها

.. رجع نظراته عليه وكال
ضبع: اني خايف لا اهل القصر الهم ايد بخطف ملاك

..شهكت من الصدمه
الن:صدك تحجي وين اكو اهل يخطفون بتهم ما صايره ولا دايره

..سحب ايدي عليه وطبع بوسه خفيفه سحبتها من عنده قوي
الن: هاي شبيك ضبع خلينه كاعد نسولف يله كملي شنو صار وياك بعد

..كعد على حيله
ضبع: ولج كاعد تعرفين شغلات اكثر من اللازم
الن: حباب اريد اسئلك وتجاوبني

ضبع: بس كلشي بثمن

..جاوبته براءه
الن: والله شتريد انطيك بس جاوبني راح اموت وحتى اذا تريد كل يوميه اطبخلك واسويلك اكل وانضفلك الشقه كلها

..ابتسم ابتسامه خفيفه ورجع خلا راسه على رجلي وشال ايديه كال
ضبع: العبي بشعري علمود انام
الن: اني ما كتلك نام كتلك اريد اسئلك وتجاوبني
ضبع:العبي بشعري واسئليني
..هزيت براسي وخليت ايدي بشعره
الن: عيونك عليمن طالعات

..رفعلي عيونه تبادلنه نظرات يمكن بلنص دقيقه هوه صافن بعيني واني هم ماكدرت ارمش حتى واني صافنه بيهن بحر صافي اكدر اشوف نفسي من خلالهن عيوني وعيونه حيل متضادات هوه زراك صافي وعيوني خضار قاتم ..رفع راسه عليه وخر خصله من شعري جانت نازله على وجهي

ضبع: هلاكي
الن:شنو
ضبع:عيونج

..ضليت صافنه مااعرف شجاوبه كرصته باايده وكلت
الن:جاووبني

..رجع على نفس وضعيته السابقه وجاوبني
ضبع: امي
الن: امك شلون ماتت
ضبع: جدج حمدان كتلها
الن:وابوك
ضبع: ابوج عاصم كتله

..شهكت بصدمه ووخرته من رجلي كعد على حيله
الن: عزااا ليش كتلووهم

..جاوبني برود
ضبع: تخطيطهم
الن:منو
ضبع:اهل القصر
الن:منو بلذات همه هواي
ضبع:كلهم
الن:ضبع حباب كاعد اخاف ليش هيج يسوون شكد حقراء
الن: ضبع اني اسفه
..تقرب عليه حيل ما يفصلنه بس سانتيمترات رجعت راسي احاول ابعد نفسي عنه وكال
ضبع: حتى وجودج هنا بغرفتي من تخطيطهم
الن:شلون يعني تخطيطهم وليش هيج يسون شيستفادوو...

..بعدني ما مكمله جملتي وهجم على شفتي واخذها بوسه عميقه اريد ابعد نفسي ماكدر عضيته حيل ابتعد كمت ارجف
الن: يا جلب ياحيوان
..شردت للغرفه لكيت ريم نايمه بلغرفه قفلتها وضليت افتر ولازمه شفتي امسح بيها

الن:ايع ياربي لعبت نفسي شينيميني بعد الله ياخذك ياضبع المنحرف

..ضليت افتر ماعرف شسوي لعبانه نفسي من الصار باوعت لكيتها الساعه باالاربعه اخذت ملابسي وطلعت اريد اسبح امشي على كيفي خايفه يكعد ويرجع يسوي الي سوا دخلت سبحت وطلعت امشي على كيفي سمعت طكطكه بلمطبخ اتجهت للمطبخ لكيته كاعد يسوي كهوه
حاولت ارجع بدون مينتبهلي بس صاح

ضبع:نعيما
الن: الله ينعم عليك
ضبع: تردين كهوه
الن: لا
ضبع:تعالي كعدي كبالي خل احاجيج
الن:ماريد اخاف

..خزرني وكال
ضبع:تعالي
الن:شتريد

..ماجاوب رحت للصاله كعدت كمل الكهوه جابها وخلاها كدامه والحاسبه بحظنه يشتغل عليها حتى ما باوعلي هذا شبي

الن:اتوقع كلت تحاجيني ما تكعد مدري شسوي بلحاسبه

..ماجاوب عفته وكمت بعدني دااريد ارجع انداريت عليه وهو يكول

ضبع: باجر نروح نعقد
..............................
بمكان ما ...
-وصيتهم ميتقربون الها
-وصيت مثل ما كلتي
-عفيه ماريدها راسا تموت اريدها تنازع لحد اخر نفس
-ليش هيج تسوين
-اريد احرك گلبه مثل ما حرك گلبي
.................................
مشهد مستقبلي

-الحكو الضبع حركها ووجت نار راح تموووت

..............................

..فتحت عيني على اصوات بجي قوي لكيت نفسي بمكان مظلم وبس بنات كاعدات يمي يبجن ويصرخن كعدت ولميت نفسي واني اتذكر اخر شي صار وياي

ملاك: عفيه حبابات احنه وين جاوبني
..ماكو جواب بس بجي لحد ما دخل علينه واحد طويل وضخم شكله يخوف صاح بصوت بيهن بس ما سكتن لزم وحده بيهن تبجي جرها وملخها تملخ وشكك ملابسها وضل يتلمس بجسمها وهيه تمنعه جانت طفله عمرها يمكن ما يتجاوز ال١٢ سنه ماعدها قوه تمنعه اغتصبها وهو يضرب بيها اغتصبها بدون رحمه اغتصبها وهوه يشيل راسها ويركعه باالارض كل هاي الاحداث صارت كدام عيني شفتها شلون فاقده والدم مله المكان كام من عدها وهوه يضربها برجله على كل جسمها جرها من شعرها وسحلها بلكاع وهيه مابيها نفس !! يسحل بيها من شعرها والدم خله بصمته باالارض طلع وهوه يسحل بيها كل هاي صارت تحت انظاري صدمتي لو القهر لو مصيري المجهول

..الخوف اخذ نص عمري ضليت ارجف واشهك بلبجي بس خفت يسمع صوتي ويرجع يسويلي مثل ما سوالها البنيه الي جانت يمها فقدت كمت اريد اشوفها ماكدر رجلي وايدي مقيديهن بقيت على هذا الوضع ساعات مادري شكد احس روحي منهوبه وبس ابجي ماكدر احرك جفن ماعندي قوه شويه ودخلو ٣ نفسهم الي خطفوني يمكن لان جانو نفس الهيئه جروا البنيه وذبو عليها سطل مي وكعدوها جنت اراقبهم تحت بكائي وشهكاتي الخفيفه اخاف يطلع من عندي صوت وينتبهون عليه حاولت اضم نفسي عنهم واني كدامهم!!حتى النفس كطعته

..والصدمه تقربولها كلهم واغتصبوها واحد ورا الثاني جانت مالها طاقه تقاومهم ولا تصيح بس تون من الالم لحد ما خلصوا وابتعدوا جنت ضامه وجهي ماريد اشوف الي كاعد يصير مااسمع بس وناتهم الحيوانيه على مخلوق لاحول ولا قوه عمري وحياتي مراح انسى هذا اليوم مراح بدايه دماري رفع واحد من عدهم وجه عليه

..شباب بعد عدنه وليمه
..نوبه شلون وليمه تخبل

اتقربوا عليه وعيوني غوشت من الدموع وضليت اصيح بااعلا صوت بحنجرتي
ملاك: لا حباب لا تتقربلي الله يخليك عليك الله لا

.. اتقرب عليه واحد من عدهم وهو حاط رجله على بطني في سبيل ما اتحرك صوتي تشحرج من كد ماصيحت احس بعد ما يطلع من عندي صوت
ملاك: لاااا بستر خواتك لاااااا

حجه واحد بيهم
.. يمعودين هاي الي مساع جبناها من الشقه موصين عليها لا واحد يدخل بلعميق وضحك بصوت عالي

..شموصين عليها
..للملاهي
..يمعود عادي اول وتالي راح ينفقد الشرف
..لا يردون يبيعوها بسعر غالي وتدري شكد يحبون الشريفه وياخذون الي يردو وبفلس واحد بعد ما تسوه

..ابتعد من عندي وطلعو واخذو البنيه الي مارسو رذيلتهم عليها اخذوها ومابقى بس اني دخت حيل بعد مااكدر اقاوم شكد تمنيت اموت بلحظتها بس ما متت صوتي احسه انكطع وماكدر احجي ريحه الدم الي ملت المكان الخوف الي عشته بيومها ماعرف شلون فقدت وما احس اله على سطل مي شمرو عليه لكيت واحد مكنبص كدامي وبيده سطله المي

..صح النوم يحلو يله اكعدي ورانه يوم شاف

ملاك: شتردون مني عندي الله يخليكم عوفوني والله جدي عنده هواي فلوس بس رجعوني والله شتردون ينطيكم الله عليك حباب ساعدني

..ضربني على بوكسي قوي وجهي حسيت خشمي طفر دم سحلني من شعري وهو يكول

..مانريد فلوس نريدك انت يحلو

..كام على حيله تقربت يمه لازمه بيها

ملاك:ابوس رجلك بس عوفوني والله راح اموت من الخوف اريد ارجع لاهلي الله عليك بداعت امك رجعني

..ضربني على بطني حيل واشر للي يمه ياخدوني

تقربوا عليه واني اصيح بصوتي والمتشحرج اخذوني مادري وين طلعنه برا الغرفه وجان اكو ممر اضلم طويل مهجور بس الكراتين والزبايل تارسته واشعه الشمس الي داخله من ثقب الحياطين والسقيقه لحد ما وصلنه نهايه الممر ساحه حيل جبيره وبيها سيارتين ضخمات (تريله) ومجموعه بنات نفس وضعي بيهن ب٤٠ وحده من مختلف الاعمار بدون يصعدون بيهم وحده وحده

.. بيهن الي وكعت وانغمى عليها بيهن الي تعاند وتبجي وبيهم الاطفال الي خايفين كل هذا ما جان يشفعلهم جانو يعاملوهم مثل الحيوانات يشيلون ويشمرون بيهن بلسياره صعدونه بلسياره وانطلقت بينه للمجهول

.. كلهن جانن يبجن ويصرخن ويحاولن يفتحن باب الصندوك بس ميكدرن الايدين مقيديها اطفال ياالهي اطفال مايتعدى عمرهم ال٦ سنوات خايفين ويبجون شيسون بااطفال صغار حسبي الله ونعم الوكيل

..اباوعلهم واحس عيوني خلصت دمع صوتي انفقد جانت كاعده يمي بنيه تطلع بعمري باوعتلها وبس عيونها تدمع ولسانها يلهج بشي واحد
..ياعلي ادركنا

....................

.. اسبوع كامل وملاك مفقوده ماكو مكان ما دورنا ضبع شويه ويفقد عقله لا ليلنه ليل ولا نهارنه نهار ندور ابره بوسط قش هذا اقرب مثال ممكن اوصف بي حالتنه لا خلينه مستشفيات ولا ملاهي بكل مكان جنه ندور وماكو يومين صارلي ما نايم اتصل عليه ضبع رحتله للمركز لكيته كاعد يگلب بلملفات والجكاره باايده

شرار: ضبع لكيت شي
..هز براسه بمعنى لا
شرار: يعني شنو ووين راحت انشكت الكاع وبلعتها
..باوع لضبع وحجه بغصه
شرار: خاف كاتليها ودافنيها؟؟
ضبع: شرار اهل القصر الهم ايد بلموضوع
شرار: شمدريك
ضبع: اعرفهم

..اخذ نفس من الجكاره ونفخه بهدوء
شرار: وشنسوي هسه
ضبع: اني الاسوي
شرار: شراح تسوي
ضبع: اطلعها من عيونهم
..باوعتله بخوف هذوء الضبع هذا يخوف مثل هدوء مابعد العاصفه ثبت نظراته عليه وكال
ضبع: اريدك تدخل للقصر

..اشرت على نفسي
شرار:اني
ضبع: اي
شرار:ليش
ضبع: مهمه
شرار:شلون
ضبع: تتقرب من روان بت عمي
شرار: شكد جلب يكلي اتقرب من بت عمه

..خزره
ضبع: اعرفك انت شنو لذلك انطيتك هاي المهمه
شرار: اعتبرها صارت
ضبع: اذا جرينه روان نكدر ناخذ من عدها حجي اغبى واحد بلقصر هيه فريسه سهله
شرار: شلون
ضبع: معليك خليها عليه بس اخلص الي عندي ونبدي بيها
شرار: تتوقع سولها شي
..هز راسه بمعنى لا
ضبع:يردون يحركون گلبي

..نفخ دخان الجكاره ورفع راسه
ضبع: ميدرون راح احركهم ويا

..منظر ضبع حيل جان يخوف عيونه دم كعدته وكلامه كلشي جان يخوف بي كل كلمه يحجيها بيها سر ما تكدر تناقشه عليها لان ماراح تلكه جواب ..

ضبع: كدرت تتواصل وي اشتر
شرار: لا ماحصلته
ضبع: بس هوه يكدرلها
شرار: لشنو
ضبع: يلكه ملاك
شرار: ليش احنه مو بعينك

.. عدل كعدته وكال
ضبع: كل واحد واخذ مهمته همه مشو هاي الخطوه واحنه راح نمشيهم خطوات

..سكتت مااعرف شنو يدور اباله
ضبع: حاول تتواصل وي اشتر وتنطي المعلومات كامله
شرار: اشتر ماخذ مهمه لاكبر تاجر مخدرات بلعراق قافل اجهزته ومختفي صارله شهر
ضبع: وين مهمته
شرار:بااربيل

.. باوعتله وكلت
شرار: المهمه الي ماخذها اشتر
ضبع:شبيها
شرار: ابن عمك اسد موجود من المتهمين

..ابستم بشر وهو يكول
ضبع: حلو راح نبدي نلعب هسه ..
_________________

وصلنه لنهايه البارت 💕💕
كتبولي توقعاتكم واراءكم راح اقراها كولها واجاوبكم عليها 😘😘
تطلبوني بعد بارت ينزل بليل ♥️♥️
-شتتوقعون ضبع شراح يسووي ؟
-ملاك وين راح تروح
-رضوان ليش ساكت لحد هسه
-تتوقعون الن راح تقبل تزوج الضبع وليش يريد يزوجها ؟🌚💕💕
-شنو قصه ريم ؟
-اشتر وين ؟