رواية سليله الانتقام الفصل الاول 1 - بقلم taratel

..مشهد الاول
...
: مكان مثل الصحراء لابشر لا بيت اركض بس اريديلي طرف خيط اطلع من عنده من هذا المكان اذا شافني مراح يخليني عايشه متاكده هذا وحش ريحه الدم الي بملابسي والزفره كتلتني ايدي وجسمي احسه متكسر وماكدر بعد حسيت شي دخل برجلي مثل الكزازه احس روحي شاغت من الوجع

-لاياربي لا كلش مو وكتها ياالهي ساعدني اخخ رجلي

على ضوه القمر الخفيف اتلمست رجلي حسيت بكزازه نابته والدم مله ايدي كعدت بلكاع واني انحب على حضي الي جابني لهنا واتذكر الي سويته بي قبل ساعتين ابجي على حضي لو على الي سويته ويا هلمره ماكو شي راح يشفعلي عنده رجف گلبي من حسيت على ضوه سيارات عالي ووحده من هاي السيارات شخطت كبالي عرفتها اله عرفت مراح يخليني عايشه هلمره مو اي شخص يوكع باايده ويطلع منها بهلسوله هسه يله عررفت نزل من السياره واتجه نحوي بكل خطوه تعتبر اخر نفس اليه رمقني بنظراته

-ضبع

-هلاكي..

مشهد ثاني:

... الضبع بس لو يدري منو يمنه هنا نصير بعداد الاموات
..احنه الي جبناها لروحنه جان ما لازم نندك بممتلكات الضبع

مشهد ثالث:
-تتوقع لهسه عايشه ؟
-النار اكلت القصر اكل مابقى شي بس الهيكل الله يرحمها ويصبرهم

مشهد ثالث:
:خليت ايدي على ايده اتلمس الوشم الي مزين اصابعه
-شنو معنى هذا الوشم

:باوعلي والجكاره بحلكه نفخها بوجهي وحجه بهدوء

- انتقام
:جريت ايده وبوست اصابعه اصبع اصبع وخليت عيني بعينه عيني الي متروسه دمع ضد عيونه الي متروسه شر وحقد والم وكولشي ممتزج بيها

- ضبع الله عليك انسى سالفه الانتقام كافي اكتفي بيه وعوفهم شنو تريد سوي انتقم من عندي دمرني ماعندي شي بعد واخسره بس لاتتقربله

: تقدم عليه ولزم فكي باايده وعصر وجهي قوي
-ماتوكفين بعيني لا انتي ولا غيرج

مشهد رابع:
- اجتكم بنيه مثل الكمر تتربه بعزكم يارب

: لزمها وهوه الفرحه ما سايعته الله رزقه من محبوبته طفله بعد ١١ سنه من المعاناه شالها وقربها يم محبوبته وهمه فرحانين بيها بس ياترا راح تكمل فرحتهم؟؟

-شنو راح نسميها
-إلـِن

مشهد خامس:
- كاعده بلرصيف منتظره احد يشتري من عندي واباوع على الاطفال الي يمي شلون يجلبون بلرايح والجاي بس في سبيل يمشون الي عدهم ويرجعون اله اني ماكدر احس نفسي تصتصعب اتوسل بااحد علمود يشتري من عندي
اباوعلهم والحيره اكلت كلبي

- اليوم اذا ما بعتهن كلهن راح انكتل وانام بلشارع
رفعت راسي للسما ياربي ساعدني تعبت نزلت راسي وحسيت بسياه ضخمه اجت عليه ورادت تدعمني راسا ابتعدت بخوف وضليت ابجي من شافني السايق الجان يسوق نزل عباله صار بيه شي مايدري من ورا الضيم الي منتظرني بلبيت مو لان ردت اموت لو ميته احسلي يمكن هذا الشي الي تمنيته من رفعت وجهي للسما وبس ماتححقت

- عمو شبيج خو ما صار بيج شي
-لا عمو اسفه ما انتبهت اعتذر من عندك

- بابا اهلج وين صدك يحجون مطلعيج بهذا الظهر لو عندي بنيه مثلج اضمها بگلبي وما اخليها تطلع للشارع

باوعتله وعيوني متروسه دمع
-عمو اهلي موجودين بس حالتنه مو شي واني الوحيده الهم واساعدهم

نزلت دمعه من عندي هاربه مسحت بساع باايدي وابتسمت بوجهه

باوعلي وكانما حس بيه نص على مستوايه

-انطيني الي عندج كلهن اني اشتريهن وانتي روحي للبيت لا تبقين هسه راح يصير المغرب

-لا عمو شكرا ماريدك تشفق عليه اذا تريد اخذ الي تحتاجه وروح
-لج بابا اني محتاجهن كلهن اوزعهن على المنطقه

باوعتله بعدم تصديق
- شكد يصيرن
-بخمسه

طلع من محفظته فلوس هواي وكولهن حمرات وانطاني وحده منهن

-هسه يله روحي لبيتكم بابا ولا تبقين

دورت بجيبي ردت انطي الصرف بس مالكيت عندي شي

-شكاعد تسوين ؟؟
-انطيك الصرف
-لا بابا اخذيهن الج
-شكرا ماريد شفقه
- صدكي مو بدافع شفقه
- لعد ايش؟

ابتسم بوجهي
-تشبهين شخص عزيز على كلبي حيل عيونج الخضره وجرتهن لو لون بشرتج خدودج وابتسامتج عينا تشبهه ابتسامتها محبوبتي

- ضليت صافنه عليه مااعرف شنو احجي واني طفله وشفت الدمعه بعينه وهوه يباوعلي

- لو بنتي عايشه جان كلت هاي بنيتي وضايعه هنا
- ليش وين بنتك
-ماتت
- الله يرحمها
- شكرا الج حبيبتي وهسه يله روحي للبيت ولا تبقين هنا
-تمام
مشيت خطوات تاركته بظهري بس اريد اخلص لان اكلني بنظراته خفت من عنده حيل بعدني ما بعدت من عنده وسمعته صاح التفت عليه نص التفاته

-شنوو اسمج
- إلـِن

وطكيتهااا بركضه ماعرف ليش بس اجاني شعور يخوف زين اذا خفت من عنده ليش كتله على اسمي

المشهد السادس:

كاعده واحس روحي حتطلع من الملل ماعرف وين اروح وهوه قافل عليه الباب وصارله اربعه ايام ما موجود وبس المره الي تشتغل بلقصر تجي تنطيني اكل وتطلع كمت باوعت من الشباك الي هوه متنفسي الوحيد اباوع من عنده على حديقه القصر الي بنفسي انزللها واتمشى على الحشيش البارد لو اشم الورد وخاصتا الجو هاي الايام صاير بي بروده حلوه وهوا عالي واني سارحه بنظري على الاشجار اجت عيني على الحرس وهمه يفتحون الباب اله دخل بسيارته وسدوها وراه باوعتله من دخل وعينه صارت عليه راسا سديت الشباك واجت على بالي فكره

- لو اني لو انت

رحت على غرفه الملابس الي جانت بنص الغرفه ورحت على قسم الفساتين الي اول مره اشوفهن واتقرب الهن رحت على اكثر فستان حلو وجريئ جريته واني گلبي يدك بلثانيه الف دكه واحسه راح يوكف من ورا الخوف واردفت وي نفسي

- لج هذا الضبع ما يلعب عليه

هزيت براسي ابعد هاي الافكار واخذته ولبسته جان لونه اسود طويل بي فتحه على شكل سبعه من جهه الصدر وفتحه على طول رجلي جان حيل كاعد على جسمي ومبين كل تفاصيله فتحت شعري الي جان لونه عسلي وي لون جسمي الابيض الشفاف باوعت على نفسي بلمرايه

- ابوسج على هلجمال عيني وين ضامته

واني واكفه على المرايه تذكرررت المبايل الي نسيته على الجربايه
-عزااا وهوه جاي بلطريق ياويلي لو شافه

رحت اركض للغرفه حطيت ايدي عليه احاول اضمه وحسيت ايد صارت على ايدي واني لازمه المبايل لزم ايدي وعصرها حسيت المبايل راح يطك باايدي من كد ما عصرها

-اخخ

تقرب عليه وصار جسمه يطخ بجسمي وحط راسه قريب ركبتي واحس باانفاسه على ركبتي جسمي ضل يرجف قرب خشمه على ركبتي وهوه يطبع بوسات خفيفه عليها صعد لاذني وعظ شحمه اذني وكانما فاقد واني ضايعه باايده

- ضبع لا

همس بااذني
-اششش كل واحد لازم ياخذ عقابه وانتي لازم تاخذين عقابج الليله  ..

المشهد الاخير :

واكفه اهز بجسمي ونظراتهم المقززه عليه وواحد يشمر فلوس وواحد يصيح وواحد يتحرش واني الي عيوني غوشت من الدمع ونظرات الحقد والحزن والالم وين جنت ووين صرت اني بنت العز والدلال اصير بهيج مكان وصخ اخخ يازمن تقربتلي وحده من البنات

- ام علي ادكول خل تروح لذيج الكراسي الي هناك واشرتلي عليهن
-مااروح
كرصتني بخصري وكالت

- لج ادبسزز لا تضيعين هاي الفرصه من ايدج اني اجيت اكلج ذوله كولهم
ضباط وشخصيات كبار بلدوله تقربي لواحد من عدهم بلكت يساعدوج

- اخاف شوفي نظراتهم
- روحي وجربي حظج هلمره
- اذا وكعت هلمره بيها نفس ذيج راح يبيعوني للحجي مثل ما هددت ام علي شلون خايفه اوكع بيده عاد هنا بس اركص هناك الله يعلم شراح يسون بيه

- روحي ملاك فرصتج اليوم روحي بس لا تتقربين للي لابس قميص اسود
- ليش
- ياكلج
باوعتلها بصدمه وخوف بداخلي
- شتحجين انتي
-لا بس هوه فعلا اكلج بخزراته بس باعيلي جماله يمه يكطع

- شوفي هذا الوحيد الي من يجي ميسوي شي ولا ياخذ بنات بس يباوع حتى الشرب ميخلي بحلكه وشكد جان يجي وكلهن البنات يتقربله بس هوه تلعب نفسه ويدفعهن فاابتعدي عنه احنه نريد فريسه سهله نصطادها
واذا سوالج شي هلمره ام علي راح تحس

ودفعتني على طاولتهم رحت واني حاطه ايدي على صدري احاول
اغطي مفاتني باايدي واقنع نفسي رحت واني خايفه والخوف مبين على وجهي كل ما اتقرب كل ما يوضحلي شكلهم وخاصتا خزراته ونظراته الي جانت تدور حولي وصلت وضليت اهز بجسمي يمهم علمود ام علي ما تشك بلموضوع

وصلت وكل واحد جان حاطله كلاص شرب ويشرب بي اله هوه
واحد من عدهم حط ايده على خصري ولزمني ويحاول ينزل جوه خصري دفعته ايده ما خلاني جرني اكثر عليه لعبت نفسي حاولت اوخر نفسي من عنده بدون لا تنتبه ام علي الي جانت واكفه وتباوع عليه وخايفه من الخطوه الي راح اسويها

ماحسيت اله على ايد جرتني قوي
باوعت لكيت الولد ابو القميص الاسود جارني عليه وكعدني بحظنه
حاولت اكوم واجت عيني بعينه وايدي محاوطه اكتافه تبعدهن وهوه محاوط خصري بكل قوته

- اثبتي ولا تتحركين
- حباب عوفني
- ليش انتي شنو شغلج
- اني مو مثل ماتتصور حباب عوفني باوعتله واني عيوني متروسه دمع

قرب وجهه عليه واحس باانفاسه تلفح بوجهي
انداريت لكيت ام علي تباوعلي خفت تشك بلموضوع

اندفعت ولاول مره بحياتي اسويها
تقربت على شفته واخذتها بوسه عميقه
حسيته تجاوب ويايه وعصر خصري

بعدني عنه تحت تصفيق وضحك اصدقائه الي كاعدين ويانه بنفس الطاوله
- مو مثل ما تتصور ؟ شو طلعت وغمزلي
انداريت واشوف ام علي بدت تخطو اتجاهي

تقربت لاذنه واني حاطه ايدي على صدره
- انقذني حباب بستر خواتك اني والله وحده شريفه و مخطوفه
ابتعدت من عنده واني اباوع على ملامحه عبالي الكه الاستعطاف لو المساعده لو اي نظره

تقرب لاذني وهوه يهمس
- والشريفه شتسوي بحظني

ماحسيت اله على ام علي واكفه فوك راسنه وهيه تصيح

-اهلا وسهلا سيدي نورتنه اليوم

غلس عليها وماجوبها اردفت مره ثانيه

-واخيرا عجبتك وحده من بناتي

-لابس هاي البنوته عدها شغله وياي وعبالها اساعدها

كومني من حظنه

-شتريد من عندك هاي

وهوه يطلع المعقم من جيبه ويمسح بي ايده وكانما جان يحاول يعقم نفسه من لمساته لجسمي باوع لام علي وهيه لازمتني من معصم ايدي حيل ودار نظراته عليه

-ادكلي مخطوفه على بالها اساعدها

باوعتله واني مصدومه ودموعي الي تنزل واحاول اكذب الي كاله وانققذ نفسي من الي راح يصير بيه والقهر الي بداخلي يعني خلص راح اودع حياتي السابقه جان اخر مهرب اليه واخر شخص التجئ اله اخذتني ام علي سحل من يمه ونظراتي عليه توسلته بنظراتي الي جانت بلنسبه اليه اخر نظرات بلحياه وهوه رجع لمكانه يباوعلي وبكل برود بهاي اللحظه حقدت عليه حقد ومستحيل راح انسى... الشخص الي دمر حياتي

________________________ _____
شنو رايكم بلمشاهد التشويقيه انتظرونه بلبارت الاول
وشنو راح تتوقعون راح يصير با الـِن ؟؟
ومنو ملاك؟
وياترا شنو هوه انتقام الضبع؟؟ ومنين