رواية سليله الانتقام الفصل الثاني 2 - بقلم taratel

‏"أغداً ألقاك "؟! سحقًا لغدٍ
‏كلّما قد شاخ يرتد فتيّا
‏" والهوى غلّاب" لكنّي على
‏نارهِ بردٌ فيا قلب تهيّا
‏" دارت الأيّام " والشوق غدا
‏مستبدًّا عابثًا صلبًا عتيّا
‏يجرح البعد فؤادي كلّما
‏قلت رحماك ويدمي مقلتيّا..

_____________________

في مكان ما في جنوب العراق حيث البساتين والمزارع التي تزين هذه المدينه في احد القصور الكبيره لاحد الشيوخ حيث العادات والتقاليد التي تسود في القصر والمكائد الخبيثه بين اهل هذا القصر لنبدأ بسم الله ولنفتح احد ابواب هذا القصر ومعرفه ما يجري داخلهُ  ..

- كاعد بلديوان ومنتظر والدي يقرر حياه اخوي احنه الي مالنه دخل بحياتنه ووالدي هوه الي يقرر كل شي يخصنه كانما آله بلنسبه اله ماعدنه لا مشاعر ولا احاسيس احنه الي مالنه اختيار شريكه حياتنه ولا يهم احنه شنو نريد المهم انفذ شيريد الشيخ بدون ما نفتح حلكنه

الشيخ : رفدان خلص باجر نروح نخطب بنت عمك شعلان رحمه
رفدان : بس
الشيخ: انا ابوك يرفدان وادكلي بس ؟!
رفدان : يبا الي يعجبك

- اباوعله ورضخ هلمره رفدان وراح يخطب بنت عمه الي مايطيقها ويعوف حب حياته واني جايني السره ماتعودنه نكسر حجايه الشيخ ابونا الي تعب علينه وربانا كافي بس احنه شايلين اسمه الشيخ الي يهابه الكل

الشيخ : وانت يارضوان شوكت نخطبلك ونفرح بيك

..ابتسمت

رضوان : بويه اني راح اروح لبغداد اكمل الدكتوراه اول ويصير خير

الشيخ : اصغر ابنائي اعرفك دومك متمرد ومختلف عن اخوانك والشالع بكلبي

رضوان : لاتخااف يا يبه الگلب محفوظ والاذن صاغيه الك

الشيخ : بارك الله بيك

رضوان : يله حجي رايد شي اني كايم اشوف الحلال والكيعان هذا عبيس صاير يلعب بذيلو ويرادله كطم

الشيخ: شمسوي هذا عبيس الجلب

رضوان: لا تشيل هم يبوي يمي اني اعرف اتعامل ويا

.. اومئ برأسة موافق

رحت بست راس الشيخ وودعته اشوف الكيعان والبساتين والمشاكل الي كاعد تصير على الكيعان
......

رفدان : اخر مره راح التقي بيج هنا
مكانه يم النهر وشجرتنه الي
محفوره عليها اسمائنه

مررت ارفع وجها باايدي واباع لعيونها الي متروسه قهر

نجلاء: رفدان من الاول جان حبنه غلط من الاول تعرف ابوك ما يخطبك الي بس علكتني بكليبك وعلكت گليبي بيك

رفدان: حجاية الشيخ ما تنكسر نجلاء

.. بعدت عيونها عنة بحزن  وگسرة گلب وگالت
نجلاء: روح يرفدان مودع بالله ياابن گلبي روح مهنايه بيك ومهنى بيها بس خليها ابالك ما راح يجي احد ويعشكك بكدي بكل مشكله راح تتمناني يمك واول طفل الك راح تتمنى من عندي وخلي هذا الحجي ابالك وهاي كسره گلبي كون تكسرك يا رفدان وما تتعداك

..خلت وراحت تمشي والدموع تارسه عيونها الي يا ما عشكهن

.. رجع يتمشى للقصر صار كبالة رضوان التفت علية وكال
رضوان: ها يخوي
رفدان: انتهيت يحزام ضهري اني مو زلمه ماخذت الي حبيتها راح ابقى اعاني حياتي كلها راح ابقى عاشكها لاخر نفس

رضوان: هاي حياتنه الي يكتبه النه رب العالمين والشيخ نشوفه

.. رجعنه للقصر ومثل كل مره لازم تتلكانه المشاكل وعركات النساوين

رضوان: خيرجن على شنو كالبات الدنيا

اسماء: هله باابن عمي معليك بسوالفهن زعاطيط بيناتهن

براء: على اساس انتي شلونج انتي راس البله حيه ام راسين

رضوان: خير يبوي شكو احجي على شنو متكاونات

براء: اسماء عليها الخبز اليوم ومتقبل تخبز

..هزيت باايدي ودخلت صعدت لغرفتي واني كارهه القصر والي بي عائله مو هينه واحنه ٧ ولد لابوي و٣ بنات وكلهم متزوجين وبس اني ورفدان ما متزوجين وهسه رفدان خطب وبقيت اني وراح يوصلي السره والشيخ يقرر حياتي واني الي رافض بس.. شنو الي مخبي القدر

مرت الاشهر ورفدان تزوج واني رحت اكمل دراستي ببغداد علمود محبوبتي لحد ما اجا اليوم الي غير بي حياتنه وما معروف شنو الي راح يضمه النه المستقبل

... قبل شهر
رفدان: صارلي ساعه انتظرج وين جنتي دنجي لا احد يشوفج من السلف
نجلاء : شتريد مني وباجر عرسك شتريد بعد
رفدان : اريدج يبت گلبي اريدج اريد طفل منج وشيصير خل يصير
وماريد رحمه ولا راح ادخل عليها
نجلاء : رفدان روح واتشفى الشر روووح لا احد يشوفنه ونصير فضيحه السلف كله
.. جريتها لكوخنه الي موجود يم النهر كوخ صغير هذا الكوخ الي بهليله شهد على حبنه بعد صراعات عديده ورفض نجلاء لقربي الها بس ينتصر الحب وماندري بعد هليله شنو الي راح يصير ويتغير نمت لاول مره مرتاح بس ياترا راح تستمر الراحه هاي

...... بعد شهر
رضوان : اوعدج هلمره من انزل افاتح الشيخ بلموضوع والي يصير خل يصير اني بايع الدنيا واهلها واريدج وان عارضني الشيخ اعوف القصر واطلع ماتحمل بعد العيشه هناك

نور: روحي انت من الدنيا حبيبي اني وياك والي يصير اني بظهرك وسندك ماريد شي بس انت وجودك بحياتي كافي

.. طبعت بوسه خفيفه على ايدها وودعتها ورجعت لديرتي وجنت مقرر بهذا اليوم افاتح الشيخ والي يصير خل يصير بس بهذا اليوم بدا مجرى حياتي يتغير

رضوان: بويه عندي وياك سالفه

الشيخ: قبل لا ادكول ولا تحجي عندي الك بشاره

رضوان: نعم يبوي

الشيخ: خطبتلك اسماء بنت عمك محمد ووافقو

رضوان: بويه واني مارايدها واني اجيت افاتحك بموضوع اني اريد اخطب وحده وياي تدرس دكتوراه بلجامعه

الشيخ: وتكسر كلمتي يرضوان

رضوان: لابويه ماكسر كلمتك بس اني البت واحبها ورايدها بلحلال

.. صارت مشاكل بين الشيخ ورضوان وكل واحد ويحجي حسب عقليته لا الشيخ فاهم رضوان ولا رضوان فاهم الشيخ وبعد ما ازادات حاله الشيخ سوء وتعرض لجلطه ولاول مره واحد يعارض الشيخ مهيوب بكلمه قرر رضوان يرضخ لمتطلبات ابو ويوافق على اسماء بنت عمه تارك محبوبته الي تنتظره لكن هلمره الشيخ قرر يسوي شي مغير ويدمر بي حياه اولاده

الشيخ : تزوج بنت عمك محمد وراها تزوج الي تريدها بس تدخل للقصر تنسى شهادتها وشغل ماكو تجي هنا حالها حال الخدامه يا رضوان

رضوان: وانت هيج راح تضلم البت يا شيخ واحنه ما متعودين على ظلمك للناس وانت المعروف بااكثر رجال حكاني بلديره

الشيخ : هذا الموجود

... كعد يسولف لمحبوبته بقهر كل الاحداث الي صارت هاي الفتره والي عانى من عدها

خلت ايدها على ايده وهيه تواسي

نور: اني وياك اهم شي يمك واشوفك راح اساعدك واوكف وياك ولابد يجي اليوم الي يتغير بي حياتنه

.. وبهيج نور وافقت تدخل للقصر بس ماتدري شنو الي ينتظرها

...... بمكان ثاني

نجلاء : اني حامل يا رفدان شوفلي جاره لو عرفوي هلي يذبحوني
رفدان : اتقربت يمها وخليت راسي على راسها تصيرين مرتي شرعا باجر نعقد الشيخ بيناتنه واخذج يمي الشيخ غير الشروط واخيرا رضوان راح يتزوج محبوبته من بغداد بس الشرط تكون الثانيه واني اريدج تكونين اليه

مر الوقت وعقد رفدان ونجلاء بس الصدمه جانت رفض الشيخ زواج نجلاء ورفدان

نجلاء: بدت بطني تكبر وبدو يلاحظونها يارفدان راح اموت خلينه نشرد من السلف اني تعبت

رفدان : اليوم طالعين ونبدي حياة جديدة اني وانتِ والضبع ..

..واجا اليوم المشئوم واجت ساعه الصفر وانطلقوا الاحباء لرحله البحث عن حياتهم الي اختاروها مع ابنهم لكن شاءت الاقدار لتحويل هذه الليله السعيده الى ليله داميه بمقتل رفدان بطلقه مباشرة في الراس واخذ نجلاء لذبحها من قبل اهلها لا عتقادهم ان الحب غير صالح لعاداتهم وتقاليدهم المشؤمه

الشيخ: دم اخوكم ينرد ومايروح هدر
.. بدت الصراعات بين اقوى العائلات انتهت با اتفاق على ولادة نجلاء في قصر مهيوب وبعدها تنذبح

بعد مرور اشهر

نجلاء: نور اي شي يصير عليه ابني بركبتج انتي تربي وتدارينه
نور : حبيبتي لا ادكولين هيج ان شاء الله تجيبين بسلامه وتبقين يمنه وتربين ابنج

نجلاء: ماتوقع همه منتظريني اجيب وراها يدفنوني يم رفدان

نور : اشردي نجلاء اشردي لا تبقين روحي اخذي ابنج واشردي من هاي العائله وربي على ايدج

نجلاء: ماكدر اخاف اخاطر بحياه ابني خليني اروح يم رفدان اشتاقيتله

.. واجا اليوم الي جابت بي نجلاء والشخص الوحيد الي جان موجود يمها نور الي ولدتها على ايديها اخذت الطفل با احضانها وهي مبتسمة

نور: ولج نجلاء طلع طلع
شلته باايدي وقربته عليه جان عباره عن دم وساكت توقعته ميت لحد ما كلبتها ودكيت عليه بحكم عملي السابق واعرف كدر يعيش ابن رفدان بمعجزة

نور: شراح تسمي
نجلاء: ضبع
نور:شنو هذا الاسم ولج
نجلاء : اريده يطلع سبع ومكار بنفس الوقت اريده ياخذلي حقي وحق رفدان من عيونهم همه سبب موته كل الي بلقصر تامروا عليه وهمه الي خططو لمقتله وكل الاحداث الي صارت بسببهم نور اريدج انتي تربي وتنطي الاوراق الي كتبتهن اله يقراهن راح يعرف   جنت اتمنى اشوف ثمره حبنا اني ورفدان ويكبر كدام عيني بس اجا الوقت الي اروح بي

نزعت حلقتها وانطتها لنور

نجلاء: هاي تنطيها اله الشي الوحيد الي ذكرى من امه وابو

... دخلو اهل نجلاء واخذوها وهيه بدمها اخذوها ذبوحها
وهي بنفاسها..

وبقى هذا الطفل يبجي الطفل الي ما رضع من صدر امه ابدا الي فقد حبها وحنانها والي ماعرف شنو يعني حنان الام تربى على القسوه تربى على اطباع جده مهيوب صار النسخه الثانيه لجده ويمكن لو كلنه ضبع صار اقوى من جده وحتى جده مرات يخاف من ضبع يمكن نبالغ بس هيه هاي الحقيقه

نور: خل نطلك رضوان
رضوان : تحلمين
نور: مكاعد اكدر اخلفلك وكل الي بلبيت يتشمتون بيه شلون اسماء حامل واني لا
رضوان: يولون
نور: مكاعد تحس بيه اموت الف موته من اشوف اسماء حامل وراح يصير عدها طفل منك واني لا

رضوان: ماريد شي من الحياه بي كربج

..مرت ١١ سنه واجا اليوم الي واخيرا رب العالمين رزقني بي وصرت حامل وبيومها فرحتي اني ورضوان ما تنوصف عكس الموجودين بلقصر

شكد حاولو يسولي هلفتره مكائد في سبيل اسقط بس ماكدرن رادن بكل الطرق مايصير عندي طفل من رضوان بس رب العالمين جان كاتب اليه وكاتب لطفلي يشوف الحياة ..

...
الممرضه:اجتكم بنيه مثل الكمر تتربه بعزكم يارب

: لزمها وهوه الفرحه ما سايعته الله رزقه من محبوبته طفله بعد ١١ سنه من المعاناه شالها وقربها يم محبوبته

-شنو راح نسميها

رضوان: الـِن

نور: فتحو الباب ضبع وملاك الي جانت بنت اسماء تقريبا بعمر ضبع بس هوه اكبرها منها بسنه

تقرب ضبع شوف بنيتي
: ايع تلعب نفسي مو حلوه
نور: ولك ماما شوفها تخبل منين ايع بعدين تكبر وتشوف شلون تصير

ملاك: ماما نور عادي ابوسها للعابة

نور : ابتسمت تعالي حبيبتي قربي على اختج

: لا ملاك تصير بيج جرثومه عوفيها
نور : ولك ليش تحجي على بنتي ترا بس تكبر ما انطيها الك

: مو بحالها بنتج

كالها وطلع مااعرف هذا الطفل ليش هيج تصرفاته وكلامه وي الكل شديد وينتر عليهم وعصبي حيل مهيوب وكاعد

تقرب رضوان وحاوط ضهري باايدة

رضوان: معليج بي هوه طفل
نور: حيل تاذيت علموده ومادري شبي اسلوبه وياي

يكبر ويتعلم

نور: هسه شوكت نطلع من المستشفى
رضوان: على باجر شويه تصيرين احسن ونطلع
نور: تمام

... وياريتني ما طلعت ورجعتلهم بس رجعنه للقصر ونفتحت البوابه گلبي نعصر وحسيت بهاي دخلتي راح يصير شي طول اليوم واحنه فرحانين باالـين نمت وكعدت لكيت الـِن ما موجوده بفراشها تخبلت باوعت ورضوان ما موجود يمي ضليت اصيح تهسترت فتحت الباب وشفت النار كابه بلقصر ضلينه ما نعرف منين نطلع حاوطتنه النار من كل جهه والسلف انكلب كلاب علينه يردونه يطلعونه والقصر شاعل نار واني كل بالي على بنتي الي مادري وين راحت يردوني اطلع واني ماريد ادور على بنتي لحد ما لاحتني النار ايدي ونص من وجهي ورجلي وحسيت فقدت بعد واني انطق الـِن

نور: كعدت واني بلمستشفى ونص من وجهي لافينه باندج وايدي ورجلي جانت بس عين وحده اكدر اشوف بيها ردت اصيح وانطق احس اكو شي ميخليني احجي حسيت على رضوان يمي

نور:رضوان بنتي وووين
باوعلي والدمعه بعينه

نور : احجي رضوان لا تخليني هيج بنتي من كعدت لكيتها ما موجوده بلفراش

رضوان: حبيبتي ربج الي انطاها النه اخذها يمه

نور: ماكدر اصيح ما كدر ابجي بنيتي الي انتظرتها ١١ سنه بفارغ الصبر راحت بسهوله بس اني جنت متاكده بنتي ما نحركت بلقصر مثل ما يكولون لان من كعدت هيه ماكو وبقى محد يصدكني حتى رضوان واعتبروني مجنونه من كد ما اكول بنتي ما ماتت ومحد يصدكني

مرت اشهر.. واني مبتعده عن الكل رضوان حيل نافرته ومن يجي يمي اطرده واسمعه كلام مو حلو حاطه سبب موتي هوه سببه لان لو جان موجود يمي بذيج الليله وما رايح لاسماء ممكن هسه بنتي ويانه

وجهي تشوهه وايدي وكولشي فقدت حتى روحي بعد ما اتحمل كعده القصر صرت مثل المجنونه او مثل ما رادوني اكون..!!

- كاعده مثل كل يوم صافنه بلغرفه ومحد يدخل عليه وحتى رضوان مل من عندي من كد ما اطرده وضل ما يجي حتى ويشوفني ومخلصها يم اسماء يمكن كرهه شكلي الجديد او يمكن هذا الحب انتهى انفتح الباب وشفته الضبع اتقرب يمي ودنك بمستواي

ضبع : ماما نور
نور : ها حبيبي
ضبع : اني الوحيد الي اصدكج

كعدت على حيلي ولزمت ايده
نور: ضبع انت تعرف موو
ضبع: الِن اخذوها من فراشج بذاك اليوم
نور: منوو الي اخذها ضبع احجي
ضبع: عمتي اسماء اخذتها  حتى حريق القصر جان بفعلهم همه رادو هذا الشي رادو يحركوج بس ما كدروا لان جانت خطتهم اكبر من موتج اني سمعت ماما نور

..... يوم احتراق القصر.....
-على الساعه ٢ هذا مفاتيح القصر تدخل وترش القصر بانزين وتحركه

- واذا نكشفنه لو الزمت منو الي راح يساعدني وانتي اول واحد راح تتخلين عني

- لاتخاف محد يراح يكون موجود والحراس نايمين وهذا المفتاح الباب الخلفي

-والفلوس

-تكمل شغلك وبعدين تدلل

- ابتسم وشنو فائدتج من راح تحركين كلبها  وتموت واول وتالي بنتها موجوده وراح تاكل نص من الورث اذا ما رضوان سجله بااسمها على فرحته اليوم بيها

- راح ننهيها بس بطريقتنه

- انتي من كل عقلج تقتلين طفله

- مراح اقتلها راح نخطفها بس عوف الباقي عليه

- يله خوش ارجعي لا يحس عليج

- اوكي حبيبي ..

...... الحاضر.....

ضبع : ماما نور هذا كل الي سمعته
نور: ضبع شلون محد يصدكني بلبيت شلون الكه بنتي وكلها تصيحلي المخبله حتى عمك مو بحالي يكولون صارت رماد لان هيه طفله صغيره

لزم ايدي وباسها

ضبع: مراح انسى فضلج عليه وصدكي راح يجي هذا اليوم الي ارجعلج بي الن لحضنج بس ساعديني

نور: وشنو الي باايدك انت حبيبي بعدك ١٥ سنه وشفت انواع الضيم من وراهن

ضبع: اوعدج راح ارجعها لحضنج

نور: خو ما كاعد يسولك مشاكل

ضبع: براء ذبتلها تهمه براسي

شهكت بصدمه

نور: ولك ضبع شمسوي

ضبع: ما مسوي

نور: احجي شكو

ضبع: براء ادكل للشيخ ضبع يتحرش بنورهان

نور: وشكال الشيخ

ضبع: اكيد ردها وطيح حظها وكال هذا ترباتي

ضحكت ولزمته من شعره

نور: خل يروح ترباته غير انت اجيت على ايدي

طبعت بوسه على خده
نور: ابني انت شايف لو لكيت الن اله ازوجها الك

مسح خده واردف بتقزز

ضبع: صدك تحجين تدرين بيه تلعب نفسي وثانيا مااتزوج بنتج نوبه تطلع تشبهج

نور: يا طايح الحظ كوم من يمي

كام وقبل لايطلع انتبهت لايده

نور: ضبع هاي شبيها ايدك
التفتلي بحيره

ضبع: تعورت بلشارع

نور: شوف ولك ضبيعان هاي سوالفك مو عليه اعرفك من تجذب خلي عينك بعيني

رفع عيوني عليه ونظرات ارتباك عيونه الي تشبه البحر حرفيا اكثر شي يميز ضبع هيه عيونه الزرك وزراكهن مو عادي ابد

ضبع: عمي احمد حبسني بلمخزن وضل يضرب بيه

ابتسم

ضبع:بس اني ماخليته ياخذ الي يريده

كمت بخوف واتقربت عليه

نور: ولك ضبع شسوالك

ضبع : ابتسم تخيلي جلدني جلد وما نزلت من عيني دمعه عبالهم ذاك الطفل الي يضربون بي ويتوسل بيهم علمود يعوفوني

ضحك بصوت شراني

- والله اله اندمهم على كلشي راح يصير

خله وطلع ضبع مو هوه متغير حيل كلبه القاسي لو كلامه القوي وبمرور الوقت ضبع كاعد يصير اقوى واقسى حتى علينه ضلينه ما نشوفه يا يشتغل بلكيعان يا يدرس وكل ما يكبر كل ما يتغير حتى كلامه ويانه خف واني يجي يشوفني بليل ويطلع لحد ما دخل ضبع كليه عسكريه وهنا اتغير تغير دائم واني بقيت طول هاي الفتره احاول الكه زله على اسماء بس مااكدرلها هنه بظهرها ورضوان ما يجمعني بي شي بعد تركني وحتى ما يحب يباوع لوجهي لان احترك ومابقى شي بيدي غير ادعي رب العالمين يخلصني من هذا الهلاك ويرجعلي الـِـن

......
قبل ١٠ سنوات

دخل وبايده طفله صغيره مثل الملاك نايمه تقربت عليه

نيران: عاصم هاي الطفله منين جبتها

سكت وما جاوبوني ودخلها للغرفه وخلاها

نيران: عاصم دا اكول هاي منين الطفله لا تخبلني بس  لا تزوجت

عاصم : نيران هاي الطفله اريدج تداريها لحد ما تكبر لازم ناخذ ثارنه بيها

نيران: ولك ثاريش صدك تحجي ثاريش تدوره من طفله رضيعه

عاصم: بهاي الطفله اطلع ثار اختي من بيت مهيوب هاي الطفله بت رضوان

خرمشت وجهي
نيران: ولك عاصم وشذنبها هاي الطفله و فوك الضيم والقهر والفكر الي كاتلنه نربيها لو تموت يا عاصم ما اربيها رجعها الاهلها لو والله اروح وافضحك واخلي مهيوب يكطم راسك 

عاصم: هاا ؟ كلتي وين ترحين ليش عندج اهل وترحيلهم شوفي لو طلع حرف واحد من عندج انهيج نهي وراها اطلكج وروحي خلي الشوراع تلفيج

سكتت لان صح لان ماعندي اهل ميتين وبس اخوي متزوج وملتهي بمرته وجهاله واحنه المره الي تزوج ما تطلك بعد والي تطلك تعتبر عار لذلك سكتت

نيران: بس فهمني هيه هاي رجولتكم روح واجه مهيوب طلع رجولتك عليه مو على طفله صغيره بعدها بلحيمها
شنوو ذنبهااا

عاصم: ذنبها انولدت بقصر مهيوب

خله الطفله على الفراش وطلع تقربت من عدها وباوعت الملامحها شكد هادئه وجميله شلتها بلمحلف مالتها ووكع شي بلكاع يمكن جان مجلب بلغطوه نزلت اشوف شنو وجان حلقات ثنين مشكلات بدنبوس عرفتهن ذني الاهلها لان هاي عدنه عادات وتقاليد من يجي الطفل نخلي حلقه الام والاب بدنبوس ونحطهن بكماط الطفل قررت احتفظ بيهن الها واني الخوف والقلق ماليني شلون لو عرف مهيوب حفيدته يمنه وبعد الا حداث الي صارت يمكن ينهي سلاله حمدان نفضت الافكار من راسي من دخل عليه هاشم ابني الصغير

.. ماما هاي منين البنيه
نيران: ماما هاي اختك الصغيره بعد منا ورايح راح تعيش ويانه

.. يعني ماما هاي طلعتيها من بطنج

باوعتله وعيوني متروسه دمع ماعرف شجاوبه والى متى راح نبقى على هلحاله

نيران: اي حبيبي وهسه عوف اسئلتك وارجع نام شمكعدك عليه بهلوقت

.. سمعت صوت سياره شرطه وكعدت خايف

نيران: سياره شرطه؟

خفت توقعت جاين علينه وطلعت اركض للباب واباوع من الزرف الموجود بي واشوف زلم رايحه راجعه وناس تركض وشايلين سطوله مي واسمع واحد بيهم يصيح

.. قصر ميهوب احتررك

رجليه ضلن يرجفن عرفت سالفه عاصم ما خاليه

نيران: حسبي الله ونعم الوكيل عليك يا عاصم الجلب الله بلاني بيك دخلت اخذت عباتي ومديت راسي من الباب وصحت على طفل جان بلشارع

نيران: تعال حبيبي احاجيك

اجا الولد يركض
.. ها خاله
نيران: هاي شصاير ليش الديره مكلوبه كلاب
.. خاله قصر مهيوب صار رماد
نيران: لاااا لاحول الله ولاقوه الا بالله
زين حبيبي تعرف عايشين ميتين

.. كلها عايشه بس مره رضوان حالتها خطره وبتها يكولون صارت رماد

حطيت ايدي على گلبي وحايره شنو الي اسوي اروح اكللهم بتكم يمي وزوجي خطفها بس ماكدر وخاصتا على الاحداث الاخيره الي صارت بيناتنه بس اوصل حدرهم يذبحوني سديت الباب ودخلت سمعت صوتها تبجي اخذتها باايدي شسويلها كلشي ما عندي وماكدر انطيها ضليت اهز بيها لحد ما نامت وخليتها على الفراش والقهر اكل كلبي عليها شنو ذنبها هاي الطفله شنو الي راح تعيشه بسبب ثاراتهم شويه ودخل عاصم باايده حليب وحفاظات

نيران: عاصم قصر الشيخ محترك تدري لولا اووو لا اوكف عااصم انت الي حارك بيت الشيخ

اجا عليه وضربني على وجهي بوكسي وكعت بلكاع والدم ضل يطشر من خشمي ماعرف ضليت شسوي اخلي ايدي على خشمي لو امسح ادموعي الي بعد ما تتحمل هلعيشه هاي صاح عليه بصوت وبتهديد

عاصم: حلكج اذا انفتح اشكه الج ولسانج اكصه هاي السيره ما تجيبين طاريها ورجليج لو وصلتي للباب بعد اكسرها

رجع ضربني برجله على بطني وروحي شاغت من الوجع ماكدرت احجي مرت الايام والاشهر والطفله موجوده عدنه ولحد الان حتى ما سيمتها ولا اعرف شنو اسميها جان بنفسي تجيني بنيه بس الله ما رزقني وماكدر اعتبرها بنتي وهيه بت غيري بس حبيتها حيل حبيتها جانت حيل هادئه وحيل حلوه خفيناها عن الكل علمود محد يشك لحد ما اجا اليوم الي قرر بي عاصم ينتقل من هلمدينه خوفا من انو احد يعرف وخاصتا بعد ما كبرت وهيه ما تشبهنا نهائيا احنه سمر وهيه جانت فائقه البياض عيونها لونهن اخضر لو شعرها العسلي رموشها الشكر شكد ما اوصفها جميله حيل وتشبهم هواي وبيوم الي قررنه بي نطلع جان الفجر علمود محد يشوفها

عاصم : حضرتي الغراض
نيران: خلصت
عاصم: يله لعد السياره بلباب

طلعنه بلسياره حطيت الن بحضني سميتها الن وهذا جان شرطي الوحيد على عاصم من اربيها واداريها اسميها مثل ما سموها اهلها ومشت السياره بينه لحد ما وصلنه قريب قصر الشيخ مهيوب الي رجع بنائه وصار احلا واكبر من قبل مرينه واجت سياره رضوان مقابيلنه اندارلي عاصم واشرلي اغطيها مالحكت اغطيها ورضوان صارت عينه عليه وعلى الن ومرينه نزل رضوان من السياره وما نسع بس صوت صياحه

رضوان: لك عاااصم

.....

البارت الاول سرعت احداثه علمود نبدي بقصه ابطالنه المشوقه
تتوقعون عاصم شنو علاقه وثاريش يريده من الشيخ مهيوب وضبع شنو الي مر بي وخلا يصير ضبع!؟؟