رواية سليله الانتقام الفصل الثالث والعشرون 23 - بقلم taratel

🚫🚫تنويه سيتم. تغير الغلاف بعد هذا البارت

____________________
-بنيتي

.. كالها ورفع سلسله الحلق الضايعه مني

.. اتقربت واطرافي يرتعشن حجيت

الـِن:شتسوي يمك
رضوان: الج؟

..هزيت براسي بمعنى اي وتقربت اكثر باوعلي بنظرات ماعرفت افسرها حزن والم فقدان كسر هاي جانت نظراته وحجه

رضوان: شتسوي حلقتي اني ونور يمج

..فتحت عيني بصدمه واني اخذها من ايده اقربها لگلبي

الـِن: امي انطتنياها

.. رجع اخذها من ايدي وهو يكطع السلسال وياخذ وحده من الحلق ويلبسه باايده ورفعه بوجهي

رضوان: شوفي شلون كعدت باايدي

الـِن: هاي ليش هيج سوويت

..تقرب عليه وهو يتلمس بوجهي خفت ورجعت خطوه ومصدومه من الكاعد يصير

الـِن: شكو ليش كاعد تخوفوني

رضوان: اخذوج من عدنه وحرمونه من عندج

..جرني حيل لحضنه وحاوطني قوي باايدي وهو يبجي!!

..مابدر من عندي اي شي جنت خايفه ما فهمت قصده شنو

رضوان: ١١ سنه انتظرتج بفارغ الصبر كل يوم ادعي رب العالمين يرزقني بيج شكد تخيلتج تجين واشتريلج الي تحبي وادللج وتصيحيلي بابا واصيرلج سند بحياتج شكد تمنيت من يضوجج احد تجين وتشكيلي جانت كلها تخيلات شكد تمنيتج من الانسانه الحبيتها لحد ما اجيتي انتي بعدج يوم واحد واخذوج من عدنه

..جان يحجي وهو يبجي نزلت دمعه بطرف عيني مسحتها ودفعته عني

الـِن: شكاعد تحجي انت هسه وذاك اليوم مرتك الخبله

..نزل راسه بااسى وحجه
رضوان: من اول ما شفتج بي واني ادور شي يثبت انتي بنتي والله انتي بنتي عاصم ما جان يصير عنده بنات بس ولد

.. دموعه تنزل بقهر وهو ياشرلي باايدي

رضوان: والله عاصم ما جان يصير عنده بنات مايعيشن بس ولد

الـِن: الله عليكم لا تستغلون ضعفي لا تستغلون گلبي مومعناته اهلي ماتو وتطلعلي انت ومرتك تعوضون النقص بيه

رضوان: تعالي خل اشبع عيوني بيج تعالي لحضني يا بابا لا تكسريني اكثر

..ابتعدت عنه اكثر ورجع كال

رضوان: اذا تردين نروح نسوي فحص DNA  بس ارجعيلي وعيشي ويانه ارجعي خل ترجع حياتنه طبيعيه

.. ماكدرت استوعب الموقف لزمت راسي وحسيت عيني غوشن اني وين ليش هيج يصير وياي شنو يعني معقوله عشت يم ناس مو اهلي وماما نيران؟؟!

..رحت تهجمت عليه قوي وادفع بي

الـِن: اطلع برا

..دفعته بكل قوتي وهو جان يباوعلي بنظرات حزن اندار يريد يطلع ودفعته قوي صارت ايدي على الحايط حسيت بعظم طك خفت ابتعدت عنه غمض عيونه قويه متألم و

..رجع سند نفسه واندار عليه وكال

رضوان: اني رايح هسه بس راح ارجعلج من اجيب الاثبات وارجعج ويايه للبيت ونعيش سوه اني وانتي ونور وراح اعوضج عن العشتي وتعوضيني عن فقدانج   اوعدج راح ارجع واخذج

..ضليت مثبته عيني عليه وصل يم الباب ورجع اندار كال
رضوان: انتي وريثتي الوحيده

..فتح الباب وطلع

..من حسيت عليه طلع انهاريت ماعرفت شسوي

الـِن: الهي لا تعذبني هيج والله تعبت تعبت

..بقيت بس املش بشعري مااعرف شسوي صوتي انبح من البجي والعياط

.. حسيت على الحجيه اجت يمي وتسئل شبيه بس جنت شبهه فاقده لمتني بحضنها وهيه خايفه

-ولج يمه شبيج احجي
الـِن: يكلولي ماعندج اهل ماعندج ام واب واحنه اهلج

..ااشر بيدي وهيه ترجف

-يايمه ذوله خطيه بتهم انخطفت بعد ١١ سنه وهمه ينتظروها وما عاشو بعدها اعذريهم

..بجيت بصوت
الـِن: واني شنو ذنبي خاله هيج اليتيم يصير بي خاله كاعد ياذوني حيل

..ضلت تتلمس بوجهي وهيه مقهوره على حالي كالت

-تريدين اخابرلج الضبع

..فتحت عيني وهزيت باايدي لا

الـِن: لا خاله عفيه كلشي ولا يدري الضبع

.. راحت جابتلي مي وتغسل بوجهي كومتني كعدتني بلصاله واني بس ارجف الى متى اعيش هيج حجيت

الـِن: خاله اريد مبايلج اخابر ضبع

..هزت براسها وراحت جابتلي مبايلها اتصلت عليه وانطتنيا سمعت الخط انفتح حجيت

الـِن: ضبع انت وين
ضبع: بلدوام ليش شبي صوتج
الـِن: اريدك ضبع راح اموت

..حجه بصوت اعلا
ضبع: شكو احجي لا تخبليني شصاير

.. بجيت بصوت وكلت بكلام ما مفهوم
الـِن: عمك اجا ويكلي انتي بنتي

.. سكت ما جاوبني

..حجيت بكل براءه جاهله الواقع
الـِن: ضبع اني خايفه خاف يسولي شي ويخطفوني يمهم

ضبع: لا تخافين باجر انزل واحجي ويا

الـِن:امم

ضبع: انطيني الحجيه هسه احجي ويايها ولا تبجين

.. انطيت المبايل للحجيه وضلت تحجي ويا تقريبا بلعشر دقايق كل شويه وترفع نظرها عليه مصدومه اخر شي سدته من عندي وضلت صافنه باعتلي وكالت

- يمه تنامين
.. هزيت براسي وحجيت
الـِن: اي راح اصعد انام احسن

... صعدت فوك انام خليت راسي على السرير ونمت بعد ماحسيت بس على فتحه الباب ماكدرت افتح عيوني وحسيت خصله من شعري انجرت

.. رجعت غمضت عيني

.. حسيت صوت ضبع بعيد فتحت عيني وكمت على حيلي لكيت ضابع راجع رحت للحمام وسبحت وبدلت ملابسي ولكيته كاعد يخابر بس شافني سده

..بس شافني اجا عليه واخذني بحضنه وحاوطني قوي دفعته حيل مابعد

الـِن: وخر خنكتني شبيك

..رفع راسي بااصابعه وهو يتلمس بوجهي وخصلات شعري وكال

الـِن: هاي شبيك ضبع وخر كاعد تضوجني

..تقرب عليه وطبع بوسه خفيفه على وجنتي وثبت عينه بعيني وكال

ضبع: هم يجي يوم وتسامحيني
الـِن: لو تموت مااسامحك
ضبع: لو ضام عنج شي وهذا الشي هسه فقدتي ومايرجع هم راح تسامحيني

..باوعتله بااستغراب
الـِن:هاي شبيك ضبع مافهمت قصدك

..سكت ماجاوب بس جان مركز بعيني حجه

ضبع: رضوان مات

..من كال هيج دفعته عني قوي واني مصدومه وهو ابتعد وراح كعد بلصاله لحكته

الـِن:شموته مو لبارحه جان هنا ويصيح انتي بنتي وراح اجيبلج الاثبات

ضبع: مكلوبه بي السياره وميت

.. نزلت راسي ماعرف شنو احساسي صح ماصدكته بس انقهرت عليه

الـِن: الله يرحمه

..اندار عليه وكال

ضبع: ترحين للفاتحه

الـِن: شعندي رايحه

.. سكت ونزل راسه وكال

ضبع: اعتبارج مرتي

الـِن:وين فاتحته

ضبع: بلقصر

الـِن: خطيه الله يساعد مرته

ضبع: بلمستشفى فاقده اليوم كلتلهم يجيبوها

الـِن: شوكت نروح

..باوعلي وكال

ضبع: هسه

..هزيت براسي وصعدت لبست جان عندي فستان ساده  اسود لبسته ونزلت بس شافني عاط بيه

ضبع: هاي شلابسه
الـِن: شبيك نززتني شلابسه
ضبع: غيري
الـِن: ما
ضبع: يتغير
الـِن: هاي شبيك ضبع لا تتخبل غير رايحين فاتحه شلبس قابل
ضبع: البسي اسود بس مو هيج ضاب عليج روحي لبسي اي شي
الـِن: ترا عريض

..سكت وكال
ضبع: طلعي كدامي

.. صعدت بلسياره يمه وهو احسه بركان اقل شي وينفجر عليه وكفنه يم محل نزل وكال

ضبع: شويه واجي

..هزيت براسي ونزل
..شويه ورجع صعد بيده علاكه شمرها عليه
الـِن: شنو هاي

..فتحتها جان بيها بشت ساده وحجاب

الـِن: هاي شنو اني مالبسهن

ضبع: لبسيهن احنه ما رايحين لعرس

.. ماحجه شي بعد واني هم خلصت الطريق ساكته

..اول مادخلنه للقصر جانت حديقه القصر متروسه سيارات وناس دخلني ضبع من الباب الجانب بس نزلت اجا عليه وخزرني

ضبع: هاي شنو ليش هيج مفتوح

.. جان البشت مفتوح واني لابسه جوا فستان بينصل ساده

الـِن: هاي شبيك صاير متنحمل

.. خزرني ولزم ايدي يدخلني جوه قبل مندخل جان شرار ويمه واحد واكفين باب المدخل ولابسين دشاديش سود

..اشرلي ادخل جوه وهو بقى برا
..دخلت لكيت القصر متروس نسوان وصوت القران عالي

.. وكفت محتاره مادري وين اروح تقربت شويه وكعدت بلصاله جانت بس وحده كاعده بنهايه الصاله تبجي وتصيح الوحيده الي جانت متاثره تقربت اكثر شفتها ملاك

..تقربت عليها واني اركض خايفه مو ملاك ماتت مو ضبع كال ملاك ماتت تقربت اتاكد جانت هيه

..بس شافتني تقربت عليه وحضنتني حيل وضلت تبجي

ملاك: ولج الـِن راح وما شفته ما شبعت من عنده ولا بوسته مايدري بيه رجعت شكد تمنيت اسمع صوته ماكدرت

.. تحجي ونزلت من عندي دمعه مسحتها راسا ماحسيت بمشاعر الاب ولا حنانه عشت حياتي واني اعاني من عاصم مااعرف شنو شعورها وهيه تحجي عنه وفاقدته

.. ابتعدت عني من شافتهم دخلو التابوت وجانو شايلي ضبع واحد من عمهم والباقين مااعرفهم نزلو بنص الصاله وبدت الاصوات تعلا والبجي تقربت ملاك عليه وهيه تصيح

.. اتقربت وهيه تتلمس الجفن وتحجي بهدوء

ملاك: لحد يصيح ميحب الصريخ والازعاج

.. ها بابا شو عفتني
.. مو كلت اني يمج واحميج
.. مو كلت انت سندي بلدنيا
..شو عفتني
..مو كلت ازفج باايدي ؟
.. بابا حباب ارجع والله بعد ما اعاندك
.. بعد ما احجي شي يضوجك ولا اعلي صوتي

.. كالت كلماتها هاي بكل هدوء

..سدت اذانه وبدت تصرخ اتقرب عليها ضبع وهو يحضنها ويوخرها عنه جانت فاقده

..رفع نظره عليه نظراته جانت غريبه حيل جنت واكفه بنهايه الصاله واباوعلهم دمعه وحده ما نزلت من عندي بس انقهرت على ملاك مادري ليش ما بجيت يمكن جانت هاي الدموع مقدره لبعدين ...

.. تقربو عليه وشالو وطلعوا وملاك فقدت تقربت عليها اشوفها شبيها جان وجها اصفر اكعد بيها ما تكعد طلعت برا اصيح ضبع مالكيته بس لكيت نفسه الي جان واكف يم شرار اول مدخلنه 

الـِن: عفيه  الحك ملاك فقدت وماعرف شسويلها

.. دخل وكال سويلي طريق
الـِن: ادخل كلهن لابسات

.. اخذها بحضنه يضرب على وجها خفيف والنسوان ملتمه علينه صاح بيهن

اشتر: سوو مجال شويه راح تختنك
.. ابتعدن ورجع صاح عليه

اشتر: جيبلي مي بلا زحمه عليج

.. ركضت اجيبله مي وانطيته اله ذبه عليها وما كعدت اخذها بحضنه وشالها واني امشي ويا شفت دشداشته انترست دم

.. خفت حيل وحجيت
الـِن: هذا دم

.. ماجاوبني لحد ما وصلنه لباب المدخل خزرني وصاح
اشتر: لا تطلعين ابقي هنا ضبع مايقبل
الـِن: اروح وياك خو ما اعوف ملاك ابحدها

.. ماجاوبني وطلع واني هم لحكته وكلساع وخزرني حطها بسيارته واني كعدت يمها اعصر باايديها واقيس نبضها واشوف تنفسها بس وجها جان اصفر حيل

..انتبهت عليه جان حاط ايده على بطنه يضغط بيها وهو يسوق سريع حيل لحد ما وصلنه للمستشفى ونزلها وهو شايلها نزلت ورا خلاها على السديه ودخلوها

.. كعدت انتظرها وهو جان يروح ويرجع بنفس المكان ننتظر جانت بقعه دم بدشداشته وهو لازم خصره

الـِن: هذا الدم منين من عندك لو من ملاك

.. باوعلي وكال
اشتر: لا من عندي

الـِن: روح شوفه لا تبقى هيج اني هنا يمها

..باوعتلها جانت نايمه ومشكلين الكانونه باايدها

اشتر: لا مو هسه
الـِن: هاي شبيك لا تعاند هسه تموت علينه

.. باوعلي ابتسم وكال
اشتر: الله يساعد ضبع

..ضيقت عيوني وحجيت
الـِن: وليش يمه الله يساعده انت تدري شسوه بيه كتلني وشمرني بلصحراء

.. بانت على ثغره ابتسامه ورجعت حجيت

الـِن: عبالك اجذب والله روح اسئله وشوف شيكلك ولو هوه واحد جذاب

اشتر: والله لو يسمعج

الـِن: خل يسمع ما اخاف من عنده بعد

..بعدني احجي واتصل مبايله شاله سمعته كال

اشتر: ها ضبع

.. بس كال هيج عيوني دمعن وهزيت براسي وحجيت بهمس

الـِن: الله عليك لا ادكله اني هيج حجيت عليه

..رجعت سمعته جاوب

اشتر:
..مابيها شي هسه حطولها مغذي على مايخلص وتكعد اخذها وارجع 

.. يمي مرتك
.. لا خطيه اني كلتلها تعالي وياي

.. ضيقت عيوني وحجيت
الـِن: ياا جذاب

..باوع عليه وغلق الجهاز وكال
اشتر: يسئل عليج يكول شعدها طلعت بنص الزلم

..حجيت بااستهزاء
الـِن: عود يغار عليه حضره جنابه

.. رجعت باوعتله وحجيت
الـِن: اكلك ما ادكوم تشوف بطنك كاعد تنزف ترا نوبه تموت عليه وضبع يذبها براسي ماعنده مشكله ويكتلني وراك بس يريدله حجه علمود يذبحني بيها كوم

..حجيتهن كلهن سوه بحيث الولد ضل صافن عليه وكال

اشتر: راح اكوم كلشي ولا يكتلج ضبع

.. كام على حيله وهو لازم خصره يضغط عليه رفعت نظري عليه وحجيت بگلبي
الـِن: شكد حلو

..بعدني ما مكمله انداريت ولكيت ملك الموت جاي عليه جان لابس دشداشه سوده تجنن عليه وهو طويل وضخم بحيث كاعده قالب عليه اول مره اشوف ضبع لابس دشداشه تقرب عليه  وشرار جن خلفه تقرب وكال

ضبع: وينها ملاك

.. اشرتله وحجيت
الـِن: هناك نايمه

..رجع نظره عليه وخزرني
ضبع: شعندج طالعه
الـِن: صاحبك كلي تعالي ويايه مااخذ ملاك للمستشفى ابحدها

.. ضيق عيونه يعرف جذب

تقرب شرار عليه وكال

شرار: ولج صفره وين هلغيبه
الـِن: يا متدري غير ضبع كتلني وشمرني بلصحراء

..شرار ضل صافن وضبع باوعلي خزرني خزره متت بدمي ونزلت راسي خايفه

..ضحك شرار يكسر الموقف وكال
شرار: ولج الصفره انتي تكتلين ما تنكتلين

..رفعت راسي ابتسمت بوجهه بخوف وحولت عيني على ضبع الجان يخزر بيه حجيت بهمس

الـِن: ديله على اساس ميعرفون بسوالفك

..حجه شرار وكال
شرار: شلون صارت
الـِن: خطيه حيل تعبت من فقدت ابوها

..رجعت حجيت بخذلان
الـِن: واني من انحكم عاصم اعدام طلعت والفرحه ما سايعتني

..نزلت دمعه بطرف عيني مسحتها وسكتت ضبع جانت عينه عليه ما وخرها رجع كال

ضبع: اشتر وين
الـِن: بطنه بيها دم وراح يسويها

..ضحك شرار وكال
شرار: اول مره اشوف بطن بيها دم لا لا نوبه يسويها شنو يصلحها

.. خزره ضبع وسكت تقرب عليه شرار وكال

شرار: هذا شبي اليوم بس يخزر مو حتى گلبي وكفه

..حجيت بهمس
الـِن: انچلب علينه
شرار: اسكتي لا يسمعنه نوبه يروح يلكطنه بعضه

.. جان واكف ومنطينه ظهره وراسا اندار علينه خزرنه ثنينه وصاح بشرار

ضبع: شرار روح شوف اشتر وين

.. هز راسه وطلع اجا ضبع تقرب عليه وكعد يمي وكال

ضبع: ليش ما بجيتي اليوم

..رفعت راسي عليه وحجيت
الـِن: ليش ابجي
ضبع: من كال انت بنته ما صدكتي بي ليش
الـِن:ماعرف شلون تريدني اصدك واني عشت بيت اصيح بي ماما وبابا نوبه يطلعلولي جدد شبيك ضبع

.. سكت وماجاوبني بعد شويه واجا شرار كال

شرار: من شايلها خياطاته مفتوحه وملتهبه

ضبع: وهسه شصارله
شرار: خيطوهن من جديد

.. هز براسه وسكت شويه وراح ضبع يسئل الممرضه ورحت ورا

ضبع: شوكت يخلص المغذي

- هيه كعدت هسه بس بقى يخلص المغذي وتكدرون اتطلعوها ديرو بالكم عليها

.. اتبعها ضبع للغرفه واني ورا شرار جان واكف وعيونه ما تتفسر اشرتله يجي واجا علينه دخلنه لكيناها فاتحه عيونها ومثبتتهن بلسكف هذا الموقف ذكرني من فقدت امي

..تقرب عليها ضبع وهو يلزم ايدها رفعت نظرها عليه ونزلن دموعها

ملاك: ضبع محد بقالي
ضبع: اشش لا تحجين هيج اني يمج
ملاك: راح واني ما شايفته

..سكت ماعرف شيجاوبها

ضبع: اسكتي لا تبجين مو زين ميقبل عليج هيج معذبه نفسج

ملاك: موبيدي ضبع مو بيدي نار بگلبي ما تنطفي

.. تقرب عليها وباس راسها وهو لازم ايدها قوي
ضبع: اني يمج يروحي انتي

ملاك: كتلوو

.. حجت  هاي الحجايه وراسا ضبع خله ايده على حلكها يسكتها وهمس بااذنها قريب

.. جانت بس دموعها تنزل وشرار جان واكف بعيد يباوع عليها وبعيونه نظرات انكسار شويه ودخل اشتر ورانه هيه بس شافته دارت وجها للجهه الثانيه

اشتر: شلون صارت
ضبع: قويه بنيتنه
..كال هيج وهو يشد على ايدها رجع كال

ضبع: شلون صار جرحك

.. راسا ملاك رجعت نظرها الاشتر حيل قلقتني تصرفاتها

اشتر: ماكو شي

..رجع كال
اشتر: يله خل نطلع لعبت نفسي

..ضحك شرار وهو يكول
شرار: انتو بس شوفو اشتر عايف المستشفيات كلها وجاي لاحسن مستشفى ولك بله البنيه ماتت بلطريق شدكللهم اوكفو خل اشوفلي مستشفى نظيفه

.. ضحكت على كلامه واشتر وضبع بس يخزرون بي وملاك بغير عالم رجع شرار باوعلي وكال

شرار: غثه غثه ما ينحملون

.. ضحكت بصوت عالي على كلامه ماحسيت اله على خزرات ضبع وهو تقرب مني وكال

ضبع: لا تضحكين اتشوفين البنيه بيا وضع

.. صدك اني حيل ضجت بس طلعت مني تلقائيا تقربت على ملاك وحجيت

الـِن: يمكن اني ما حسيت بمشاعر الاب مثلج يمكن اني ما تحققت امنيتي وجانت اقل شي اصيح لعاصم بابا جان يضربني اذا كلتها جانت امنيتي احجيها ماشفت من عنده بس قسوه والذل والاهانه

.. لزمت ايدها حيل وحجيت
الـِن: كلنه نموت ونروح يم رب رحيم لايظلم بس اكو فرق شخص عن شخص من تموت وانت محقق احلامك وعايش المشاعر كلها واكو فرق من تموت وانت اصلا تعيس الحظ وما شفت بحياتك شي بس تدرين الاثنين اول وتالي راح نموت وماتفرق شي

.. حجيت هيج ونزلن دموعي ماكدرت اسيطر على نفسي راسا طلعت برا وطلع ورايه ضبع جرني من ايدي ولمني بحضنه وهو يطبع بوسات خفيفه على راسي ويكول

ضبع: اني وياج ونعيشهن سوه

.. رفعت راسي اله وحجيت
الـِن: وخر عني ضبع عيب فشله من العالم شيكولون
ضبع: يكولون هذا واحد يحب مرته حيل

.. كال هيج ودفعته عني قوي
الـِن: اي وماكو مكان يحبها بس بلمستشفى

..لزم ايدي وكال
ضبع: عادي نروح للبيت واحبج

..كرصته باايده قوي صاح بصوت خفيف متالم
ضبع: بت عاصم الجلب
الـِن: يله اني راح اطلع انتظركم بلسياره

.. اندارت اريد امشي وصاح عليه

ضبع: وين طالعه ابحدج تعالي
..انداريت عليه وحجيت واني مسويه نفسي عصبيه علمود ميحاجيني
الـِن: شوف ضبع اني هاي سوالف الغيره ماغيره مااحبها افتهمت لو لا

.. عفتهم وطلعت برا انتظرهم يم السياره شويه وطلعو جان ضبع لازم ملاك من خصرها وهيه لازمته من ايده شكلها حيل مختلف عن اخر مره شفتها بي هسه ضعفانه حيل وجها اصفر

.. تقربت وصعدت بسياره ضبع واني هم صعدتي يمها حطت راسها على كتفي وغمضت عينها وهيه تون وعيونها ماسكتن لحد ما وصلنه للقصر ونزلها ضبع ونزلت وراهم جانو اشتر وشرار كل واحد بسيارته طبكو ورانه وصلنه وجان وقت مغرب والناس بدت تتعشى اول ما دخلنه باوعلي ضبع وكال

ضبع: اخذيها صعديها فوك وخليها تاكل شي لا تبقى هيج

..هزيت راسي واخذتها من ايده وصعدتها فوك جانت فاقده كلشي ماتحس صعدتها للغرفه وكعدتها على سريرها ورحت سديت الباب

الـِن: ملوكه تنامين حبيبتي شويه ارتاحي

..خلت راسها على السرير وتتلمس بلغطوه وكالت
ملاك: اني نايمه هنا وهو نايم على التراب مايتحمل ادري بي

..نزلت دمعه منها وهيه تحجي رجعت كالت بااستغراب
ملاك: الـِن بس هو يشتري كله مخاد طبيه علمود راسه مياذي هسه شلون بي؟

.. خفت عليها حيل ورحت تقربت عليها وحجيت
الـِن: ابجي

.. هيه ماصدكت حجيت وراسا ضلت تبجي حيل قهرتني بقت ساعه تحضني وساعه ترجع تملش بشعرها وتضرب بنفسها حطت راسها على السرير وغمضت عينها وهيه تبجي حسيت عليها نامت طلعت وسديت الباب ..

.. نزلت جوه لكيت الناس مكلوبه دخلت للمطبخ لكيت بس الخدم تشتغل لكيت مره جبيره رحت يمها وحجيت

الـِن: اساعدكم بشي
-لاحبيبتي مشكوره روحي كعدي ارتاحي
الـِن: ماريد اكعد ضبع ما يقبل اكعد يمهم

..فتحت عينها بصدمه وحجيت
-شتصيرين من ضبع
الـِن: زوجي

..كلهم الجانو بلمطبخ انداروا عليه مصدومين
الـِن: شكو بيه شي

.. حجيت واني اقرب اصبعي واشر على نفسي
..حجت المره الجبيره
-لا خاله مابيج شي روحي كعدي
الـِن: الله عليج انطيني اي شي اسوي

..باعتلي محتاره وكالت
-اكو بلمخزن جدوره جيبيهن لعد

..ابتسمت بوجها وحجيت
الـِن: وين

..دلتني عليه ورحت تقربت عليه سىمعت صوت همس تقربت اكثر سمعت

..ضبع فتح تحقيق بقتل رضوان
.. شلون لو عرف احنه ورا السالفه
.. يعرف

.. تقربت اريد اشوف منو اليحجي مديت راسي اشوف منو جانت ضلمه حيل تقربت اكثر حسيتهم شافوني وتقرب ظلهم عليه...

......................

- اختج مجاهده بلدوله الاسلاميه تردين تلتقين بيها انضمي ويانه

..كال هيج لو احس اطرافي ارتعشن يعني الي كدامي انسان ارهابي شخص شارك بدمار مدينتي وبلدي
جاوبته بخوف ماردته يحس عليه شكد جانت هاي الخطوه صعبه بلنسبه اليه بس ماعندي شي واخسره بعد حجيت بصوت خايف

ريم: موافقه بس اهم شي اشوف اختي شنو الي تردو من عندي اسوي

- تفجرين

..كال هيج وفتحت عيوني بصدمه احتلتني الخنكه ماكدرت احجي بس جان ابالي شي ثاني اسوي بس اطلع منا

ريم: موافقه

-خوش لعد روحي هسه وباجر اجي اخذج تلتقين بجماعتنه

.. هزيت راسي وطلعت بس وصلت للخيمه طلعت مبايلي جنت ضامته واتصلت عليه اكثر من مره ماجاوب جنت ناويه احجيله كلشي صار جنت ناويه ارجع مره ثانيه التجئ اله ماجاوب تركت المبايل ورجعت على فراشي ماكدرت انام واجت الافكار ابالي شكد جانت حلوه عائلتنه شبساع هيج افترقنه؟؟ ليش هيج الموت سريع وياخذ الناس الي نحبهم

.. حسيت الصبح على اصوات الاطفال يتعاركون كمت على حيلي لكيت الخيمه فارغه فتحت الخيمه وطلعت جانو اكثر شي اطفال مجمعين على واحد يوزعلهم اكل تقربت من يمه اوكف سره وانطاني

.. ليش هيج الوكت صعب حيل اني درست خمس سنين وكملت صيدله وما اشتغل قررت اروح ادورلي على صيدليله اشتغل بيها والم نفسي شويه شويه واطلع منا حتى هذا الارهابي ما التقي بي بعد مشيت شويه ولكيت نفس المجموعه الي جانو يوزوعون دوا وتقربت عليهم وحجيت

ريم: ممكن شويه من وقتك
-اتفضلي
ريم: اني مخلصه كليه صيدله واريد اشتغل بصيدليه او اي مكان تكدر تساعدني

..فتح عينه بصدمه وكال
-صيدله!

..هزيت براسي بمعنى اي
-ليش ما تداومين بلمستشفى لعد
ريم: هستوني خلصت امتحانات ووثيقتي ما صادره
-اها تمام لعد هسه اشوفلج ولد ويانه اذا يكدر يساعدج

..صاح عليه وذاك اجا اتقرب
- ها علي محتاج شي
علي: لا حبيبي بس عدنه هنا البنيه مخلصه صيدله وتريد تشتغل بعد تدري لازم نساعدها احسن من ضلتها هنا
- اي والله ياريت محتاج وحده تشتغل الشفت الصباحي
ريم: من شوكت لشوكت
-من الـ٧ لـ٣
ريم: تمام ماكو مشكله
-بلشي من باجر لعد راح اكتبلج العنوان بورقه وانتي بس انطي لابو التكسي وهو يجيبج للمكان

..نزلت راسي بقهر
ريم: ماكدر اجي تكسي راح اجي مشي

.. باوع عليه وحس طلع خمسين من جيبه ومد ايده اليه اخذهن

..دفعتهن باايدي وحجيت
ريم: لا لا ماكدر اخذهن شكرا الك
-اخذيهن ونكطعهن من الراتب

..مديت ايدي مستحيه واخذتهن كتبلي العنوان بورقه وانطانيا رجعت للخيمه والفرحه ما سايعتني وقررت اعوف الخطه الفاشله ذوله مجموعه ناس ميخافون الله وحتى وان كانت اختي وياهم مااريدها بعد رجعت واني مقرره من باجر ابلش دوام

.. لكيت شرار متصل عليه غلقت المبايل وحجيت
ريم: بعد مااحتاجك ياحيوان

.. شويه ودخل عليه نفس الولد جانت الخيمه فارغه راسا سدها وكعد يمي

- اختج تسئل عليج
.. خفت وجاوبته
ريم: مابقى شي ونلتقي
..ابتسم بوجهي وكال تعالي الجماعه منتظريج

..رحت ورا واني خايفه اخذني لنفس الخيمه اول ما دخلت لكيت ٣ كاعدين دخلت كعدت مقابيلهم وكال واحد بيهم
-اختج يمنه وويانه تشتغل وهيه دزتنه عليج

..هزيت براس واني ما مصدكه كلامه رجع كال

-انضمي ويانه وكلشي نوفرلج من عيشه وراح تكدرين تشوفين اختج وتلتقين بيها
ريم: منو كال الي عدكم اختي ايجوز مشتبهين
- طلعلي صوره رحت اتقربت عليها نفسها ورود اني وياها فرق هيه عدها شامه قريب اذنها واني ما عندي

..رجعت كعدت كدامه بكل هدوء الي ما اعرف منين اجاني معقوله من ورا الاحداث الي عشتها؟؟

ريم:شتردون اسوي
-شي سهل حيل
ريم: وهو
- تاخذين هاي العبوه وتخليها بلمكان الي نكلج عليه
.. هزيت راسي
ريم: اريد اشوف اختي اول
-نفذي اول الي نريده وتشوفين اختج
ريم: شوكت
- الخميس
ريم:يعني بعد يومين
-اي

..كعد بلساعه يشرحلي الخطه الي يريد يسويها واني جنت اتجاوب ويا وابالي خطه ثانيه خلص كلامه وكال

-مفهوم
ريم: اريد اختي اشوفها اول شي
-تشوفينها عن قريب

ريم: شلون اخاطر بنفسي واني ما شايفتها منو يكول يمكم
- اتصل على ابو الخير يفتح الكامرا ونشوف

.. شويه واتصل عليه وسمعتهن يحجون بلفصحى بيناتهم شكد يخوفون جانو ٢ سورين واحد عراقي تقرب عليه العراقي وهو يرفع بوجهي المبايل وانفتحت كامرا

.. عيوني نفتحت من الصدمه ودموعي تجري بسكته من شفتها جانت موجوده كاعده يمه شكلها حزين حيل معقوله هاي ورود حجت بااستفهام

ريم:ورود؟

.. هزت براسها وهيه ادكول
ورود: ريم شلونج
ريم: حبيبتي اني بخير

..تحركت نظراتها بخوف وهيه تباوع للي كاعد يمها وهو يهمس بشي ما مسوع ورجعت باعتلي وكالت

ورود: يله نفذي المهمه علمود ينقلوج يمي وتجين اشوفج

..رجعت حجت وكالت
ورود: ساعدي الدوله الاسلاميه الدوله الصحيحه النه

..هزيت براسي ونزلن دموعي الما قاومن الموقف

.. سد الاتصال وهو يطلع نفس الماده البيضه ويشتم بيها ابتعدت عنه وحجيت

ريم: راح اروح هسه وباجر نلتقي ونتفق

..صار قريب عليه وكال
- اي شي تسوي اختج تروح بيها

..رجعت بخطواتي وطلعت رجلي يرجفن مادري منين جبت القوه وكعدت كدامهم وحجيت وياهم مصدومه من نفسي همه نفسهم الكتلو الاطفال ورملو النساء نفسهم الي كتلو اهلي !! نفسهم الفجرو نفسهم الي فجعوا كل بيت عراقي

.. صرت مسافه عنهم وبعد ماكدر اكمل رجلي متعيني نزلت بلكاع واني ابجي رجلي يرجفن من الخوف ورفعت راسي للسما

ريم: الهي ساعدني 

..خايفه من الخطوه الراح اسويها شلون لو حسوو عليه حجيت واني رافعه راسي

ريم: فدوه للوطن الراحو مو احسن مني

.. سندت نفسي ورجعت للخيمه لكيت الحجيه تصلي رحت حطيت راسي على الفراش بس ماكدرت انام منتظره باجر

..كعدت الصبح واني مقرره اروح واخبر عليهم بلمركز قبل لا اروح للصيدليه طلعت الفلوس الي انطانياهن الولد ولزمتهن باايدي قوي لبست وطلعت برا الخيمه لكيت نفس الهوسه الي اكعد عليها كل يوم تمشيت ماخذه خطواتي برا المخيم

..حسيت على واحد يمشي وراي التفت لكيته نفسه حجيت بخوف
ريم:شعندك تمشي وراي احنه مو اتفقنه بليل روح لا احد يحس
-وين رايحه
ريم: للشغل

..اتقرب عليه وحجه
- ما تحتاجين شغل ارجعي

..كال هيج وكسر اخر امل عندي حجيت
ريم: لازم اروح

- كتلج ما تحتاجين ارجعي

.. خفت حيل من عنده ورجعت ورا خايفه حيل يعني شنو بعد ماكدر اطلع وراح انفذ مهمتهم القذره جان املي الوحيد بلمبايل

.. رجعت للخيمه وهو راح ضليت ادور على المبايل ماكو نبشت الخيمه ماكو جانت يمي حجيه كاعده واطفالها

ريم: عفيه ما شفتو مبايلي هنا جان عفته

- مادري جنه طالعين

ريم: هنا نسيته وطلعت نسيته

..صاحت عليه بصوت خوفتني
-يعني شنو تتهمينه بايكين مبايلج

.. من حجت هيج خفت من عدها وطلعت برا الخيمه ابجي

..خايفه حيل ماكدر اطلع وماكو مبايل شلون راح اكدر ابلغ عليهم واذا عرفوا بيه يكتلوني واذا انسحبت يكتلون ورود وبلحالتين اني ميته واذا نفذت مهمتم اتروح بيها ناس بريئه

.. كعدت بلطين واني ابجي بس شافوني الجهال تقربو عليه يسئلوني شبيج جان شكلهم يضحك يطلع بيهم بلعشره ومتقربين عليه حجيت

ريم: اريد اطلع منا

..حجه واحد بيهم
-احنه هم نريد نطلع منا بس ماعدنه غير مكان

..صفنت عليه وكمت على حيلي تاركتهم وراي يلعبون اتجهت لاول خيمه جانت كدامي دخلت لكيت بيها بنيه يطلع عمرها هيج ١٦ ويمها اختها  طفله وامهم تقربت وحجيت

ريم: ساعدوني
-خاله احنه نريد مساعده بشنو نكدر نساعدج

..تقربت عليها واني ابجي من شافتني بهذا الوضع كالت
-اكعدي وفهميني شبيج

..كعدت واني اشرحلها الصار وهيه بس فاتحه عينها من الصدمه وكلساع تشهك وتحط ايدها على صدرها لحد ما وصلت لاخر شي وحجيت

ريم: خاله اريد اطلع وابلغ بس ماعندي مبايل ولا اكدر اطلع مراقبيني

.. باعتلي بنظرات خوف وحجت
-احنه ماعدنه مبايل واكثر الخيم مابيها بس موجود عد واحد واذا اخذنا راح يعرف

ريم: لعد شلون خاله الله يخليج ساعديني

..باعتلي بقلق ورجعت باعت لبتها كامت على حيلها واشرت لبتها ادكوم وياها

.. اتجهت لعلاكه جانت بيها ملابس طلعت عبايتين انطتني وحده ووحده لبتها وكالت

- لبسيها واطلعي انتي وفاطمه واني راح اطلع وراكم علمود محد يحس ومناك اخذي تكسي وروحي للمركز

.. سويت مثل ماكالت ولبسنه العبي واحنه مغطين وجهنه وصلنه لنهايه المخيم وضلينه نمشي هواي وهنه وراي لحد ما وصلنه للشارع الرئيسي باوعت ماكو احد نزعت العبايه وانطيتها الها واني اتشكرهم

.. رجعن وبقيت بلشارع الرئيسي ماكو سيارات قليله بقيت اتمشى لحد ما مرت سياره ووكفت

-وين رايحه
ريم: عمو لاي مركز قريب
- صعدي

.. صعدت ويا خوفتني نظراته گلبي احسه يريد يطلع تخيلته هم دازي عليه اطرافي يرجفن لحد ما وصلنه كدام المركز نزلت

.. صار كدامي المركز خطيت بخطواتي للداخل واني خايفه توكع براسي ويتهموني متعاونه وياهم واشكال التخيلات الي اجت براسي اول مادخلت والانظار صارت عليه

..نزلت راسي واول واحد لكيته كدامي حجيت بقلق
ريم : عمو اربد ابلغ
- اي عمر روحي تعالي وراي

..مشيت ورا وصلنه لغرفه دكها قبل ليفتح وحجه
- عن شنو تردين تبلغين عنف اسري؟
..هزيت براسي لا

..سمعنه الطرف الثاني صاح ادخل ودخلنه

.. جان كاعد رجال يطلع نهايه الـ٣٠ اول ما جيت رفع عينه عليه وكال

- شكو هلمره شكو كل يوميه جايات للمراكز تبلغن عن سوالف امي كتلتني ابوي كتلني شردت وي صاحبي كعدن واسكتن

.. باوعتله ونزلت دمعه بطرف عيني مسحتها

..حجه بااستهزاء وكال
- اطلع سعد خل نشوف شنو المشكله هلمره

.. طلع الولد الجابني
..اشرلي اكعد كدامه كعدت بعدني ما حاجيه وانفتح الباب وسمعت صوت

..ولك مصعب الكو..

.. بعده ما مكمل كلامه وانداريت عليه هذا الصوت اعرفه كلش زين هذا الصوت دمر حياتي لعبت نفسي مجرد ما سمعته انداريت عليه واجت عيني بعينه جان مصدوم من وجودي سمعته همس

شرار: ريم

.. نزلت راسي وسمعت الضابط الكدامي حجه
مصعب:ها شرار السك.. شتريد

..تقرب اكثر وصار يتوسط الغرفه وباوع عليه ورجع نظره لمصعب

شرار: شعدها هنا
مصعب: والله مادري هستوها دخلوها ماندري شنو من تهلكه جايبات هلمره

ريم: اريد ابلغ عن مجموعه ارهابيه

..ثنينهم نصدموا شرار تقرب عليه
شرار: مصعب اطلع خليني احقق

مصعب: اكل خ.. تريد الترقيه تجيلك

..خزره وكال
شرار: سويلي سالفه بيها حظ  لمره وحده واطلع

..طلع

..اجا تقرب عليه خفت وكمت على حيلي من الكرسي ورجعت بخطواتي واني خايفه

شرار: ريم وين جنتي

ريم: ابتعد عني عفيه شرار وخر اخاف منك

..حط ايده على وجهه وهو يكول
شرار: لا تخافين مني ماسويلك شي

.. رفعت عيني عليه
ريم: بس سويت انت سويت ماجان عندي احد غيرك التجئت الك واني لا اهل ولا الي احد وكسرتني هاي الكسره ليش

.. بجيت حيل واني اتذكر الصار اتذكر لمساته الوصخه اليه لميت نفسي واحاول ابتعد عنه

ريم: لا تتقربلي ابتعد

..ابتعد بخطوات بطيئه عني وكال
شرار: احجيلي الصار

ريم: شحجيلك ما تذكر شسويت

شرار: جنت غبي بيومها ولاول مره بحياتي اشرب ما توقعت ارجع للشقه بس كعدت لكيت نفسي على السرير والدم مالي الفرشه وسجينه على الجهه الثانيه

..فتحت عيني بصدمه ورجع حجه
شرار: حاولت اقتلج ؟

..بس كال هيج انهاريت وتقربت عليه واني اضرب بي بصدري واصيح
ريم: لك غبي انت سويت الاكبر من قتلي لو كاتلني صدك ولا عمتلك هاي

.. جنت اصيح وابجي قربني عليه وسد حلكي باايده وقيدني باايده صار ما يفصلني عنه شي عينه ثبتها بعيني وحجه

شرار: صوتج ماكاعدين بلشقه

.. بعد ايده عن شفتي بس بعده مقيدني باايدي وكال
شرار: احجي شصار

.. حجيت بصوت واهن ضعيف
ريم: شرار انت اغتصبتني

.. فتح عينه بصدمه وهو ياشر على نفسه
شرار: اني

..هزيت براسي بمعنى اي واني ابجي ماكدرت اسيطر على نفسي حسيت دخت كعدت على الكرسي

..من شافني هيج تقرب عليه وكال
شرار: ريم والله ماجنت بعقلبي مستحيل تطلع من عندي والله مادري اصلا مادري راح ارجع للشقه

.. كعد يم رجلي يتوسل بيه اسامحه
..مسحت دموعي وحجيت
ريم: شرار اني تورطت بسالفه اكبر

..رفع راسه عليه وكال
شرار: شنو الاكبر من هيج بعد
ريم: من طلعت من الشقه رحت لمخيمات اللاجئين وهناك

..سكتت ماكدرت اكمل حجه
شرار: شكو هناك احجي

ريم: لكيت اختي

..فتح عينه بصدمه وكال
شرار: عايشه؟
ريم: تشتغل وي داعش

.. من كلت هيج كام على حيله
شرار: احجي شكو

..حجيتله كلشي صار ويايه
شرار: ليش وافقتي
ريم: ردت اني اخذها وابلغ ولا ياخذها غيري وميبلغ ويرحون بيها الناس الفقره

..صفن عليه وكال
شرار: تدرين همه كاعد يسولج تجربه يشوفوج اذا كدها يدخلوج وياهم واذا مو كدها يذبحوج انتي واختج

ريم: شسوي هسه خايفه حيل
شرار: اتطلعين من عدها ومترجعين بعد
ريم: واختي
شرار: ندري بيهم موجودين بمخيمات اللاجئين يستغلون فقرهم ومعاناتهم ويسحبوهم مخيمات اللاجئين هيه بؤره لداعش

..باوعلي ورجع كال
شرار: لا تخافين ندري بيهم يردون يسولهم سالفه زارعين جماعتنه باالاستخبارات هناك ماخذين المهمه مابقالهم شي ويفطسون

ريم: خايفه على اختي
شرار: وين هيه
ريم: بمخيم الهول

.. ثبت عينه عليه وكال
شرار: سالفتها تعبانه اختج مبين من زمان تشتغل وياهم

.. باوعتله وحجيت
ريم: مانكدر ننقذها

..هز براسه وكال
شرار:لا مخيم الهول لداعش

..نزلت راسي بااسى وحجيت
ريم: تولي لعد

..باوعلي وكال
شرار: كومي وياي بعد ما ترجعين للمخيم

..كمت على حيلي وحجيت
ريم: ومستحيل ارجع وياك افتهمت

شرار: مو وياي اتكعدين بشقه ضبع مو يمي منا لمن توكفين لروحج

.. باوعتله واني ماعندي غير حل
..هزيت براسي موافقه وطلعنه
..صعدت بسيارته وحجيت
ريم: على اساس اليوم ابدي شغل بصيدليه

..اندار عليه وكال
شرار: سلطان وين لعد
ريم: واحد حيوان حاله حالك

شرار: ماردتج توافقين بي سلطان متزوج وراد يتزوجج بلسر لان ماعندج اهل

.. هزيت براسي بقهر وحجيت
ريم: اي هوه هذا الماعنده اهل هيج يصير بي

..سكت ماجاوبني بعد وصلنه للشقه فتحلي شقه ضبع ودخلت بيها انطاني المفتاح وكال

شرار: راح اتسوكلج واجي

..سكتت عنه طلع شويه ورع جايب مسواك واكل من برا وكعد بلصاله

ريم: شكو كاعد اطلع برا
شرار: هاي شبيج هسه شمسوي كاعد وساكت يله صبيلنه غده اتغده واطلع

ريم: اطلع برا شرار

.. ماجاوبني عفته حضرت الاكل وحطيته على الميز اجا كعد وكعدت كدامه بعدني هسه اريد اكل وحسيت نفسي لعبت

.. ركضت للحمام وضليت اتقيئ غسلت وجهي وباوعت للمريا وشفت نفسي بيها كانما صار عندي لحضه ادراك
وكفت خايفه وايدي ترجف كعدت احسب

ريم: لا ياااالهي لا

.. حطيت ايدي على شفتي واني اشهك واصيح خايفه لا يسمعني
..طردت الافكار من بالي مقرره بس يطلع اروح اجيب تحليل واحلل

..فتحت الباب لكيته واكف ينتظرني وعينه متروسه قلق 
شرار: شبيج

..تركته ومشيت منطيته ظهري
..سمعت كلماته هاي وهو يكول

شرار: ريم خل نتزوج

..........................

ضبع: المساومه راح تكون بيج ننطج الهم ويرجعون بنت الاشتر

..نزلت على ايده واني اتوسل بي
ملاك: لا ضبع لا الله عليك لا تسوي بيه هيج والله اخاف ارجعلهم
ضبع: لج انتي خبله وارجعج الهم
ملاك: لعد بنت الاشتر شلون بيها خطيه

..باوعلي وكال
ضبع: لا تخافين نرجعها بس اريدج ويانه وتساعدينه
ملاك: اساعدكم والله بس مستحيل ارجعلهم

.. هز براسه وهو يكول
ضبع: راح يجي اشتر ونتفق على الخطه
ملاك: شلون

..سكت وضل يفتر بلغرفه خوفني كلساع مبايله يتصل وميجاوب اخر شي اتصل عليه رقم وجاوبه سمعته كال

ضبع:نزلت

..باوعلي وكال الحكيني

..نزلت ورا دخل للصاله اول مافتحتها لكيت شرار واشتر ووياهم بعد واحد ماعرفته جانو لابسين زي عسكري بس ضبع ما لابس

..دخلت واني عيني على اشتر الجان منزل راسه

..كعدت يم ضبع واني خايفه وهمه بدو يخططون

مصعب: المكان الي خلو بي المساومه صحراء يعني مانكدر نخلي قوات اسناد يكدرون يلاحظون بكل سهوله

ضبع: نكدر
مصعب: شلون
ضبع: بطريقيتين نسويها

.. جان الكل مركز وي ضبع وهو يحجي
ضبع: اول شي من خلال القناصين نوزعهم على التلال وثاني شي من خلال السراديب نوزع الجنود

شرار:القناصين ماكو مشكله بس السراديب شلون ندخلها

..اشر لاشتر
..الي بدوره اخذ خريطه وخلاها على الطبله وهو يشرحلهم

اشتر: للسرداب ٣ فتحات وحده منهن تصير مقابيل المخزن راح ندخل من هاي الفتحه رقم واحد ونطلع من رقم ثنين

مصعب:شلون ندخل وهمه مراقبين المنطقه ٢٤ ساعه

..ابتسم اشتر وهو يكمل

اشتر: كل يوم بـ٣ الظهر تمر قافله بعران تستمر بلنص ساعه يعني كون هذا الوقت ندخل للسرداب ومحد يلاحظ

.. شمر مصعب الكوشه عليه وهو بدور اتفادها

مصعب : مو عقول حاطين يمنه خرب يومكم واحد اضرب من الثاني

..رفع نظره عليه وكال

اشتر: بعد دورج
ملاك:شنو
اشتر: راح اخذج باايدي الهم

..انداريت على ضبع وعيني ماليها الخوف

..هز براسه وهو يطمني

ضبع: لا تخافين وانتي يم اشتر

..رجع رفع نظره على اشتر وكال
ضبع: متاكد يفديج بروحه لو اضطر

..سكتت مااعرف اجاوب رجعت نزلت راسي واسمع الاشتر

اشتر: راح اخذج واسلمج الهم ركزي على حركات اصابعي

..حرك اصابعه بطريقه سريعه وكال
اشتر: بس اسويلج هيج يعني دنكي

.. باوعت عليه وحجيت
ملاك: شفره؟
اشتر: تعرفيلهن
ملاك:شي بسيط

.. ثبت عينه بعيني وكال
اشتر: ركزي وياي

..رجع سوه نفس الحركات بس بغير ايد
اشتر: وهيج يعني تقدمي عليه

ملاك: مافتهمت تحرك ايدك سريع
اشتر: شوفي الايد اليسرى تقدمي واليمنى دنكي افتهمتي

..هزيت براسي وحجيت
ملاك: اي هسه افتهمت

اشتر: خلصنا اتكدرين اطلعين

.. كمت على حيلي وهمست لضبع
ملاك: هذا شبي طردني
ضبع: طلعي نريد نكمل شغلنه

... طلعت وصعدت لغرفتي منتظره ضبع يجي يفهمني كعدت انتظره لحد ما دك الباب وسمحتله يدخل ودخل كال
ضبع: باجر انفذ
ملاك: ضبع اني خايفه شلون اذا واحد مات
ضبع: أي خطأ نروح بيها افتهمتي اسمعي للاشتر وابقي يمه

..هزيت براسي وعافني وطلع

..عشت بقلق الليل كله اني مانايمه لحد ما طلع الصبح واني افتر لو فاتحه البلكونه وكاعده بيها وبس افكرشراح يصير باجر

..لحد ما حسيت الباب انفتح ودخل ضبع وهو يكول
ضبع: يله

..هزيت براسي وطلعنه

..جان لابس زي عسكري اسوي ووجه ماامبين بي بس عيونه زرك يخوفن
..صعدني بسيارته وطلعنه شويه وحسيت اكو سيارات ورانه هواي باوعتله وحجيت

ملاك: ضبع

..ما جاوبني وطبك على صفحه ونزلنه ووكفن السيارات ورانه ووحده منهن نزل اشتر واتقدم عليه

اشتر: يله

..قدمني ضبع اله وهو يحجي
ضبع: باامانتك اشتر
اشتر: بروُحي

..حجه هيج واندار رحت مشيت وراي وصعدت بسيارته

ملاك: ما تنطيني الهم مو
اشتر: لا راح انطيج الهم واخلص منج

..باوعتله وعيوني مدمعه
ملاك: والله اسفه مو قصدي الي كاعد يصير
اشتر: لو بس كاعده وساكته ما صار الي صار

..نزلت راسي خايفه

..شويه وباوعت السيارت اختفن باوعتله وحجيت
ملاك: وين راحو شو ماكو
اشتر: راحو من غير طريق

.. سكتت ماحجيت بعد لحد ما وصلنه كدام مخزن قديم اشرلي انزل وبيده مبايل وشمر سلاحه بلسياره

..نزلت واجا على جهتي لزمني من ايدي وخله عينه بعيني
اشتر: مثل ما اتفقنه مو تنسين

..هزيت براسي وتقدمنه كدام المخزن
.. شال مبايله يتصل وراسا طلعو خمسه من المخزن واحد شايل ملاك الصغيره وجانو ضاربينا الجلاب وايدها مجويها وبس تصرخ من شافت ابوها وهيه تصيح عليه وتريده وهمه خانكيها

..لزمني من ايدي قوي وقدمني وهمس بااذني
اشتر: من اكلج اكعدي بلكاع وحطي ايدج على اذنج وعينج لاترفعيها ابد افتهمتي

..هزيت براسي ودفعني عليهم مشيت بخطوات  بطيئه خايفه تجاهمم وجان واحد بيهم موجهه السلاح عليه والثاني اخذ ملاك الصغيره ينطيها لاشتر وصلت يمهم واحد لزمني  من ايدي قوي واشتر اخذ ملاك

.. باوعت الاشتر الجانت نظراته عليه ثواني بس واشرلي باايده اليسرى راسا اليمي انضرب طلقه قناص براسه وتطشر الدم عليه كعدت بلكاع ساده اذاني بدا الرمي يعلا وناس تضرب على ناس اشتر اتقرب عليه وهو يجرني من ايدي ويركض للسياره وهواي طلعو من المخزن كانما دود اخذني وفتح باب السياره وصعدني بيها

..صاح بصوت
-نزلي راسج 

..حسيت السياره زرفوها تزرف واشتر اخذ سلاحه من السياره وصار وراها يرمي

..الخوف الجان محتلني بذاك الوقت دموعي ينزلن واني مغطيه راسي باايديه 

..شويه وسكت الرمي وانفتح الباب جان ضبع

ضبع: طلعي خلصت

..فتحت عيني وطلعت من السياره واني الزم باايده
ملاك: خفت ضبع

..نزلت ولكيتها متروسه ترس جيش وهواي ميتين بلكاع والدم متطشر وبيهم مسلمين روحهم حضني ضبع وكال

ضبع: لاتباعين غمضي عيونج

.. اخذني وصعدني بلسياره وصاح واحد

- اشتر تصاوب

.. راح يركض ورا شويه واني كاعده بلسياره والدنيا مكلوبه صعد شرار وساق السياره

ملاك: شرار شبي اشتر
شرار: اتصوب
ملاك: وهسه شنو شبي شنو حالته خطره

..باوعلي وثبت عينه بعيني وكال
شرار: شلونج

.. حسيتها دخلت لگلبي اول مره واحد يسئل عني
خليت عيني بعينه

ملاك: تعبانه

.. سكت وهو طول الطريق ما حجه بعد وصلت للقصر
ونزلني وطلع صعدت للغرفه وبعد ما نزلت جان يصعدلي الاكل فوك اعتكفت على روحي مادري ضبع بعد مااجا ولا شفته لحد مااجا هذا اليوم وبدت معاناه جديده ..

..كاعده بغرفتي مثل كل مره وسمعت صوت ماما نور تصرخ فتحت الباب والصوت قوه نزلت مخترعه ولكيتها بلصاله تصرخ وتبجي

..جانو داير مدايرها محد مهتم الها تقربت عليها واني اسئل

ملاك: شكو ماما نور شبيج لسش تصرخين

.. تحت بكائها وصاحت
نور: راح ابوج يا ملاك راح

ملاك: وين راح ماما شبيج ليش تخوفيني

نور: مات رضوان ملاك مات بعد ما يرجعلنه ماوفه بوعده وراح

..كالت هيج لو احس الدنيا افترت بيا ماعرف شسوي اختنكت حيل كعدت يمها وطلقت صرخه متعبه مالت انسان فقد اعز شي عنده بلحياه بقيت ابجي احس نفسي فقدت دخلو الولد وهمه يشيلون ماما نور الي ماانتبهت الها من فقدت

.. مرت الفاتحه واني انتهيت صوتي انبح من البجي صدري قطعه حمره من كد مااضرب عليه اعتزلت بلغرفه وجانت الناس تطب وتطلع وياخذون من خاطري على اساس بس جنت جسد بلا روح ما تخيلت يجي يوم وافقده

..مشتاقتله حيل ضحكته وكعدته كلامه وسوالفه كلهن صارن ذكرى

..جانت بس الـِن تجي يمي وتكعد تسولف وتطلع ماجنت اتجاوب وياها

.. كاعده ابجي وانفتح الباب ودخلت الـِن

الـِن: يردوج جوه

..حجيت بصوت مبحوح
ملاك: شكو

..نزلت عيونها وكالت

الـِن: راح يقسمون الاملاك

..طلعت يمها وهيه ابتسمت بوجهي ونزلنه لكيناهم الكل كاعدين حتى مهيوب وكاعد المحامي

..اول مانزلت الانضار صارت عليه كعدت يم ضبع والـِن من الجهه الثانيه وماما نور كاعده كبالي والكل جان متوزعين حجه المحامي

- الوصيه ادكول الاملاك والورث وكل شي يخص رضوان عبدالله نعمه يرحن لوريثته الشريعه ابنته من زوجته نور وبسبب موت طفلته الاولى وعدم حصوله على طفله اخرى منها سيتم توزيع الورث لابناء مهيوب نعمه واحفادهُ وال ١٠٪؜ سيتم توزيعه للمنظمات الخيريه بااسمهُ

..جانت عيني على ضبع
..ابتسم
..عرفت السالفه انتهت نزلت راسي وابتسمت سمعت صوته وهو يكول
ضبع : ومنو كال بنته ميته..

......................................
لهنا وخلص البارت اعذرووني على التاخير بس ردت اعوضكم ابارت حلووو وطوويل 🥺🥺💕 كتبولي ارائكم وتعليقاتكم راح اقراها كلها

شنو تتوقعون ؟؟

- الن راح تعرف هيه بت رضوان؟
- ريم راح توافق تزوج شرار؟
-منو الكتل رضوان؟