رواية سليله الانتقام الفصل الثامن عشر 18 - بقلم taratel

..مشتاقلج

.. كال هيج وحسيت باانفاسه بركبتي وايدي محاوطتني اخذت ايدي وحطيتها على ايده ونبتت اظافري بيها وحجيت بدون لا اندار

الـِن : شتريد
ضبع: اريدج
الـِن: ماكفاك السويته بيه تريد تنهيني على ايدك هلمره
ضبع: اخذج ترجعين يمي
الـِن : نجوم السما اقربلك
ضبع:انتِ نجمتي
الـِن: اني مو سجينه عندك بس اطلع منا اطلكك

..تقرب وهو يوخر خصلات شعري ويطبع بوسه خفيفه بركبتي وكال
ضبع: مرتي الشرسه
الـِن: لا مرتك ولا بطيخ
ضبع: بطيخ

..سكتت ونزلت دمعه من عيني غمضت بااسى واني احس گلبي يشتعل نار

الـِن : اسد وين

..قدم ايده على فكي وضغط عليه حيل دار وجهي عليه
ضبع: شتردين منه

..ابتسمت واني اثبت عيني بعيونه وحجيت بمكر
الـِن: اريده

..ضغط على فكي اكثر وكال
ضبع: عندج شي وي اسد

..هزيت براسي واني ابتسم راسا عيونه نكلبن حمر
ضبع: شعندج ويا
الــِن: احبه ويحبني

..ابتسم وتقرب لاذني وهو يهمس
ضبع:لا تلعبين وياي

..نزل ايده لارجاء جسمي لحد ما وصل للجرح الشبهه ملتئم ضغط عليه اكثر

..حسيت روحي شاطت وصحت بصوت
الـِن: الله ينتقم منك ياحيووان

..كام على حيله وصار من جهتي رفع اصبعه بتهديد
ضبع: لا تلعبين وياي تندمين

الن: على اساس هسه انت ماخليتني اعض اصابيعي ندم لان قبلت واجيت وياك

ضبع: بعدج ما شايفه شي

.. احساس الخوف الي احتلني شنو راح يسوي بيه بعد
حجيت بصوت متقطع
الـِن:ليش ضبع شمسويتلك ليش تاذيني

..اجا تقرب عليه وشالني مااكدر احرك ايدي قوي ولا رجلي حاوطت اديه ركبته وحطيت راسي على صدره حجيت بهدوء

الـن: ليش كل جهه تريد تكتلني عاصم وهاشم حتى انت ضبع كتلتني وشمرتني بلصحراء

..سكت واخذني نطلع من هلبيت جان شكله يخوف وفارغ رجعت حجيت
الـنِ: مااذيت احد بيكم عاصم وشمرني بلشارع وكتل امي ابنه واعتدى عليه الي هو اخوي وانت ياضبع زوجي وكتلتني وشمرتني وماهتميت

.. ما جاوب

الـِن: من يصير مصدر خوفك هو امانك الوحيد هيج اعتبرتك هيج جنت بس هسه مااشوف بيك بس الخوف

.. ماجاوبني وصعدني بلسياره

الـِن : احجي وين ماخذني ماروح وياك
ضبع: لبيتي
الـِن: مااروح وديني لبيتنه القديم ودزلي ورقه طلاكي

..اندار عليه يخزرني ورجع كمل طريقه
الـِن: اني هسه تاكدت انت واحد مريض لك بابا ذبحتني وشمرتني وتريد ارجع وياك لوو تموت

..ما جاوبوني ضليت احاول افتح الباب ماكدرت لحد ما وصلنه للباب البيت نزل على جهتي وجرني من ايدي وشالني مااحس عندي القوه بعد واقاوم حتى ماكدرت احجي اول ما دخل جانت الحجيه كاعده بلصاله بس شافتني وكفت على حيلها وتباوع بعيون ممليه قلق اخذني تحت انظارها وصعدني للغرفه خلاني على السرير وبعدها طلع

..مرت ايام وضبع ماكو الحجيه جانت دائما تصعدلي الاكل بس بعد مافتحت الموضوع واني هم لان عرفت هيه ليش حذرتني منه مايحتاج ارجع واسئل ليش ضبع انسان مريض ماينعرف شويه كدرت ترجعلي صحتي واكوم على حيلي

.. الساعه 10:27
..كاعده بلغرفه مااعرف وين اروح كمت اتجول واشوف الغرف الحجيه جانت كاعده جوه البيت حيل جبير فتحتهن غرفه غرفه اكو جانن فارغات ما موثثات واكو لا بيهن اثاث لحد ما فتحت غرفه عرفتها اله من عطره المالي المكان دخلت واني ماليني الفضول اشوف

..جانت فارغه فتحت المجرات ما جان بيهن شي فتحت الكنتور وجانت الصدمه

.. فساتين وملابس نوم طشرتهن بلكاع
..حجيت بااستفهام
الـِن: لمنو ؟

..وكعت صوره جانت بين الملابس اخذتها باايدي جانت صوره ضبع ويمه بنيه ويمهم طفل يطلع عمره سنه تقريبا ما مبين الصوره جانت بلعراق جانو لابسين قماصل وكلاو وجان حاضنها باايدي والطفل بحضنها
جان حيل فرحان ويضحك مو نفسه ضبع!!

.. ايدي ترجف درت الصوره وجان مكتوب التاريخ ومكتوب مع زوجي في لندن

الـن: يعني شنو ضبع جان متزوج لعد وينها مرته

..طلعت وعفت الغرفه ونزلت جوه خايفه لكيت الحجيه كاعده تباوع تلفزيون

-هلا يمه تعالي يمي نباوع اني وياج

..تقربت يمها وصرت انحب حضنتها باايدي وهم ما تعرف شسوي وشبيه حارت بيه رفعت راسي الها وحجيت تحت بكائي

الـِن: اعتبريني بنتج

.. مسحت دموعي وطبعت بوسه خفيفه على راسي وكالت
-حبيبتي انتِ بنتي
الـِن: لعد احجيلي راح اموت
-شنو تردين احجيلج حبيبتي

الـِن: ضبع جان مزوج ؟؟

..فتحت عينها بصدمه وخوف راحت من يمي قفلت البيبان ورجعت تباوعلي بخوف واشرتلي على الغرفه وراحت كدامي لحكتها وفتحت الباب جانت كاعده على السرير اشرتلي اجي يمها وسديت الباب وكعدت يمها كالت
-ضبع تارس البيت كامرات ويسجلن الصوت
الـِن: احجيلي خاله الله يخليج والله راح اموت

- ضبع جان متزوج وعنده طفل منها وهذا البيت جانو عايشين بي واني جنت اشتغل عدهم  مرته جانت كرديه من اول ما تزوجها بعدها عن القصر لان جان خايف عليها اخذها عن حب دلللها دلال بس هيه جانت دافره نعمتها هيه جانت السبب بتغير ضبع جان حيل مو زين وي الكل بس وياها  احسن الناس جان يجيبلها ارقى ملابس وارقى مطاعم ماخلا دوله ما سفرها الها جان يباوع لحلكها قبل لا تحجي ينفذه وخاصتا بعد ما جابتله طفل فرحته بذاك  ليوم ما راح انساها حار شيسوي وشينفذه الها

.. بس دلاله جان حيل مبالغ بي لحد ما اجا هذا اليوم
ومات ابن الضبع كعدوا لكو مذبوح بفراشه واتخيلي بعد حجم المعاناه الي عاشها و مرت ايام قليله وجان الضبع بدوامه

............

.. كعدت الفجر اصلي صلاه الصبح طلعت اتوضى وسمعت الباب انفتح ختلت ورا حايط الحمام خوف احد يشوفني بحكم ما لابسه حجاب مديت راسي على كيف اشوف منو لكيت مره الضبع ووياها واحد دخلو على كيف وصعدته فوك

.. خفت احجي منو هذا وليش هيج دخلو مثل الحراميه يوم عن يوم جانت شكوكي تتاكد هيه تخون الضبع لحد ما اجا هذا اليوم قبل لا يطلع ضبع للدوام ودعها ونزل بقى يمي حسيت بهاي الليله ضبع سوالها الكمين جنت اباوعله بنظرات خذلان كاعده اصلي كدامه وهو كاعد على السرير منزل راسه وعيونه ما تتفسر خفت احجي ويا لحد ما كملت صلاتي وحسينه على باب الصاله نفتح

-ضبع

.. ما جاوبني وضل يفتر بلغرفه شويه وفتح باب الغرفه وطلع صعد فوك وسلاحه باايده صعد على كيفه طلعت ويا ما سمعت بس صياحها وصوت طلقه وهيه تصيح وهرجت الدنيا ما عانني رجلي اصعد واشوفها بس جانت تستنجد وتصيح يمكن جان يضربها شويه وجرها من شعرها نزلها الدرج ووجها ما ينعرف من الضرب وكعت على الدرج ورجع شالها من شعرها وهيه تصيح

- اللله عليج خاله ساعديني راح يموتني

.. ابتعدت عن طريقه وطلع بيها جان مثل البركان عيونه قطعه دم اول مره شفت بيها ضبع بهاي الحاله الي تعودت عليها حاليا وحده ورا الثانيه عاشها ضبع شويه من مقتل ابنه لحد ماخانته مرته وشافها على فراشه  شويه ورجع ملابسه متروسه دم صعد فوك وكال

ضبع: ادخلي جوه ولا اطلعين

سويت مثل ما كال ومرت ايام وضبع بعد ما شفته ولا ادري شصار بيها لحد ما اخر مره اجا وكال ماتت ..

...................

- وهاي نهايه الي وصلت ضبع لهذا الحال ماجان ضبع هيج ابد تغير حيل من وراها وبعد ما شك بقصر مهيوب نفسهم ذابحين ابنه ولحد الان ماعرف منو القاتل

الـن: شكد اكرهه واحد مجرم
- لايمه لا تكرهي ما تعرفين ضبع بشنو مر

.. كالت هيج وعفتها وطلعت رجعت صعدت للغرفه لميت ملابسها كلهن وخليتهن بعلاكه واخذت الصوره ونزلت برا بلحديقه رشيت عليهن نفط وحركتهن

.. ماعرف ليش تصرفت هذا التصرف ياترا بدافع الغيره!!

.. اباوعلهن وهنه يحتركن شمرت الصوره بلنار الي اكلتها اكل بثواني عفتها تشتعل نار وطلعت متجهه للباب البراني مستحيل ابقى وي واحد مجرم ركضت حيل واني احجي

الـن: اخلصي منه لا تبقين يمه واحد مجرم

.. طلعت اركض وصلت للباب شكد حاولت بي ما ينفتح ضليت حايره وين اروح ضليت افتر بلحديقه ادورلي على باب ثاني لحد ما لكيته جان باب صغير خلفي اول ما فتحته نفتح وطلعت من عنده اركض واخيرا كدرت اتحرر من قيود الضبع..

...ماعرف شكد مر وقت واني اركض تعبت لحد ما وصلت منطقه هيمه كلشي مابيها مثل الصحراء بديت اتعب واحس النفس بلكوه يصعد وينزل توقفت شويه ورجعت اركض الدنيا ظلام حالك ماحسيت اله انلوت رجلي ووكعت عليها الم ما ينوصف رفعت ايدي الي انترست دم ورجلي ما وكفت مسحت الدم بملابسي ورجعت امشي على كيفي ماريد ارجعله واحد مجرم لو لكفني هلمره متاكده ما راح يخليني عايشه بعد السويته بي

.. خايفه حيل اسمع صوت جلاب يصيحن بديت اركض اقوا بس اريدلي طرف خيط واطلع من هذا المكان

: مكان مثل الصحراء لابشر لا بيت  اركض بس اريديلي طرف خيط اطلع من عنده من هذا المكان اذا شافني مراح يخليني عايشه متاكده هذا وحش ريحه الدم الي بملابسي والزفره كتلتني ايدي وجسمي احسه متكسر وماكدر  بعد حسيت شي دخل برجلي مثل الكزازه احس روحي شاغت من الوجع

-لاياربي لا مو وكتها ياالهي ساعدني اخخ رجلي

على ضوه القمر الخفيف اتلمست رجلي حسيت بكزازه نابته برجلي والدم مله ايدي كعدت بلكاع واني انحب على حضي الي جابني لهنا واتذكر الي سويته بي قبل ساعتين ابجي على حضي لو على الي سويته ويا هلمره ماكو شي راح يشفعلي عنده رجف گلبي من حسيت على ضوه سيارات عالي  ووحده من هاي السيارات شخطت كبالي عرفتها اله عرفت مراح يخليني عايشه هلمره مو اي شخص يوكع باايده  ويطلع منها بهلسوله هسه يله عررفت نزل من السياره واتجه نحوي بكل خطوه تعتبر اخر نفس اليه رمقني بنظراته

الـِن:ضبع

ضبع:هلاكي

..خفت من نظراته الجان مثبتهن عليه

الـِن: لا تكتلني
ضبع: ماتتعلمين من اخطائج

... كال هيج وهو يتقدم عليه

...................

صوت الطلقه العالي فتحت عيني واني اشوفها زرفت الحايط وعينه مارمشت ماجذبت من كلت عيونه ميته

..نزلت دمعه مني وقدم ايده ياخذ السلاح وبكل هدوء حجه

اشتر: خلصتي لعب يله انطينيا
ملاك: عينك ما رمشت ابد!! ما خفت
اشتر: لزمه السلاح خطأ فااكيد ما تجي بيه
ملاك: على الجايات انبتها بگلبك لا تخاف

..ابتسم
..عفته ودخلت للغرفه ضليت احوس مااعرف شسوي شويه وطلعتله لكيته كاعد مادري شيسوي بلحاسبه

ملاك: جوعانه

..رفع راسه واشرلي على المطبخ

ملاك: مااطبخ مااعرف جيبلي اكل من برا

..رجع راسه للحاسبه وبدون لا يباوع جاوب
اشتر: مااحب اكل المطاعم وصخ
ملاك: موالك ترا اليه
اشتر: بس راح ادخله لبيتي وراح ادخله بعلاكه مااعرف وين جانت بمكان وصخ لو نضيف ومن ايد لايد

..فتحت حلكي مصدومه
ملاك: هاي شبيك بس يا عندك وهواس النظافه

.. ما جاوبني رحت كعدت كباله بلصاله وحجيت واني منزله راسي

ملاك: بيوم الي نخطفت بي جنت اطبخ وهسه احس نفسي اذا طبخت انخطف

..طبك الحاسبه وتقدم عليه

اشتر: شتردين
ملاك: اي شي ينوكل

..تقدم للمطبخ ولحكته طلع من الثلاجه بتيته غسلها باالالف مره وقطعها وحمسها وطك عليها بيض وحطها على ميز  رحت تقدمت وكعدت على ميز الطعام وحط يمي جاي وخبز وكال

اشتر: تردين بعد شي

..هزيت براسي بمعنى لا

..بس طلع عفت الاكل بمكانه وكمت للغرفه احس روحي راح تطلع كعدت ابجي ماحسيت اله واني نايمه

.. كعدت على صوته وهو يسولف تمشيت للباب لكيته كاعد يسولف وي بنيه

-حبيبتي ديري بالج لا تتاذين

..كال هيج وحبيت اخبث عليه تقربت وحجيت
ملاك: حبيبي اشتر شويه دايخه روح جيبلي علاج

..كلت هيج وفتح عيونه مصدوم
..ابتسمت بخبث
رجع خزرني وكال

اشتر: حبيبتي روحي نامي عمه ولا تبقين كاعده

.. سد الاتصال واجا تقرب عليه
.. خفت رجعت بخطواتي ورا
اشتر: شبيج
ملاك: واحد حيوان جلب
اشتر: لج بابا بطلي هاي سوالفج
ملاك: الله ينتقم منك
اشتر: شبي راسج صدك ياذيج

.. باوعتله وخليت ايدي على راسي وحجيت

ملاك: اي شويه ياذيني
اشتر: من العرامه ياذيج
ملاك: حقير

.. سكت رحت كعدت مقابيله ونزلت راسي وحجيت

ملاك: بيوم الي انخطفت كتلو ثنين بنات كدامي وحده اغتصبوها وماتت بنفس الوقت والثانيه اغتصبوها وشمروها وصل السره اليه وما وصلولي حسيت رب العالمين يحميني منهم اخذونه بسيارات كبار وكتلو البنيه الكاعده يمي يعني لو مو هيه موجوده جان وكعت بيه ومتت وهنا هم حسيت رب العالمين كاعد يحميني منهم باعوني لبلقيس وردت اشرد وي بنيه وكتلوها وبقيت عايشه جانت الخطوه الاولى الحذرتني منها بلقيس الخطوه الثانيه جانت بلملهى وعرفت اريد اشرد وهددتني واخر خطوه واخر محاوله جانت وياك

.. جان يستمعلي بكل تركيز ومثبت عينه عليه رفعت خصلات من شعري وحطيتها ورا اذني نزلت دمعه من عندي مسحتها باايدي وحجيت

ملاك: جنت اخر خطوه اليه شكد جنت خايفه وتمنيتك تساعدني جنت منتضرتك تطلعني من الجحيم اللي عشته
جنت املي الوحيد

.. جان بس يستمع

ملاك: ضربوني حيل واذوني تحرشو بيه واخر شي شمروني على نصرت الي سلب من عندي روحي احس مااكدر ارجع لحياتي القديمه بعد

..مسحت دموعي وكملت تحت انظاره
ملاك: لو ساعدتني بذاك اليوم ما راح تخسر شي بس لو مساعدني

..حجه بحده كلامه وكال
اشتر: لو مساعدج بذاك اليوم الف وحده مثل حالتج راح تروح بيها

.. سكت ورجع كال
اشتر: انتِ عشتي وشفتي شصار وياهن اغتصاب وضرب وقتل
..انتِ اكثر وحده حسيتي بهاي المعاناه لو ناقذج وتارك هاي الالف راح تقبلين

..مسحت دموعي وهزيت راسي لا

ملاك:شوكت ارجع للقصر
اشتر: يم ضبع
ملاك:ضجت اريد اطلع
اشتر: اهل القصر عبالهم ميته غلط رجعتج الهم بلوقت الحالي
ملاك:ياترا من سمعو بيه ميته شسوو
اشتر:ما سوو شي
ملاك: لا لا ماما نور متاكده تبجي عليه وانقهرت عليه

..نزلت راسي بخذلان وحجيت
ملاك: يمكن هيه الوحيده الي اهتمت

..تقرب عليه ونزل صار بمستواي مد ايده يمسح بدموعي رفعت عيني عليه وحجيت

ملاك: ليش عيونك ميته
اشتر: اول مره اسمع عيون ميته
ملاك: عيونك هيج

.. ابتعد عني وطلع

.. شويه ورحت للغرفه اريد انام ماكدرت واني اتذكر لمساته القذره وهو فوكي ضليت افرك بجسمي قوي حسيته جلدي اتزلغ

..فتح الباب وهو يشوفها كاعده بلباب وتزلغ بنفسها ركض عليها يبعد ايديها

اشتر: هاي شبيج
ملاك: احس نفسي وصخه

.. بجيت مااتحمل نفسي بعد اكرها

.. لازم ايديها وهيه تقاومه تريد ترجع تزلغ نفسها عاط بيها صوت ومافاد جانت تبجي ومنهاره اخذها بحضنه وشالها دخلها للحمام وفتح الدوش عليه صاحت بصوت

ملاك: باارد
اشتر: اسبحي

.. قاومته اريد اطلع ما خلاني
اشتر: هاي شبيج
ملاك: اطلع برا

.. ملابسي لزكت عليه وهو يمي رفع خصله من شعري وتقرب عليه حيل وجهه مقابيل وجهي عيونه مثبتها على شفتي ايده على ركبتي احس گلبي يريد يطلع من هلقرب خفت وباوعتله بنظرات خوف

ملاك: عفيه ابت..

..بعدني ممكمله كلامي وهجم على شفتي اخذها بوسه عميقه
..فتحت عيوني مصدومه نفسي انكطع اضرب على صدره ما يبتعد نزل ايده على خصري وهو يقيدني باايديه مايفصلني عنه شي اختنكت والدوش فوكانا يصب مي اتبللت ملابسي رجع ضغط على خصري وهو يلتهم شفتي

.. ضربته قوي يله ابتعد اخذت نفس احس بنفسي دخت حيل رفعت نضري عليه جان مثبت عينه عليه كانما ينتظرني احجي شي نفسي لعبت لزمت بطرف تراكسوده وتقيئت عليه

.. لزمني من ضهري وهو يمسح عليه رفع شعري فوك سد الدوش حسيت نفسي دخت حيل لفني بلخاولي وشالني طلعني بلصاله رفع راسي بااصابعه ماكدرت افتح عيني دايخه ولعبانه نفسي

..فتحت عيني ولاول مره ماشوف عيونه الميته لا شفت عيون كلها مشاعر قلق وخوف

اشتر: شبيج

.. وخر ايده عني قوي وماكدر احجي حطي راسي وشويه ووخر عني حسيته دخل للحمام واسمع صوته يتقيئ

ملاك: هذا شبي يغار مني

.. سنت نفسي ورحت للغرفه وقفلت الباب واني كارهه نفسي ليش هيج كاعد يصير ويايه ليش رجعت حجيت وي روحي

ملاك: حيوان
..بقيت لليل كله ابجي على حضي وملابسي مبلله فتحت كنتوره وطلعتلي تراكسود ونفشت شعري ونمت

.. نمت وماكعدت اله على صوت طفله صغيرونه فوك راسي فتحت عيوني وشفتها تكمز على السرير

ملاك: هاي شلون دخلتي

..شافتني كعدت نزلت وتقربت على جهتي

..شكلها يجنن بيضه ومدبدبه وشكره حيل حجيت بكلامها المتبعثر
- يله كعدي
ملاك: منو انتي
- اني ملاك

..شلت راسي الها وضحكت
ملاك: هاي شنو بايكه اسمي
.. كعدت على حيلي لزمت اصبعي الصغير واخذتها للمطبخ اسويلها لفه الها والي لكيت الصاله فارغه وماهو

ملاك: منو جابج هنا
-بابا

..صفنت معقوله يكون متزوج
..سويتلها لفه صغيره وكعدتها على الميز تجنن سوالفها شويه ودخل باوعلنه وكال

اشتر: ملاك

.. اثنينه صحنه
-ها

..ابتسم وهو يكول
اشتر: ملوكه بابا تعالي

..راح تركض عليه وتشبك بي اباوعلهم وللحضه اشتاقيت لابوي انتبه عليه وكال

اشتر: هاي بنتي واسمها ملاك
ملاك: اي حبيبتي فدوه اسم على مسمى

..ثبت عينه عليه وكال
اشتر: صحيح ملاك اسم على مسمى

.. اجت عليه ولزمت اصبعي وهيه ادكول
-يله نروح
ملاك: وين نروح

..ابتسم واجا اخذها من يمي وهو يلاعبها كال
اشتر: تحب تطلع

..رجع باوعلي وكال
اشتر: تطلعين ويانه
ملاك: وين
اشتر: نروح نشتريلج ملابس لان مبين اخذتي ملابسي حاصل فاصل
ملاك: تمام لعد
اشتر: يله بدلي
ملاك: بس ماعندي ملابس عادي اطلع بتراكسودك

..هز براسه بمعنى لا وطلع برا ورجع ورا شويه بيده صايه وشال
اشتر:لبسيهن
ملاك: بس اني مو محجبه
اشتر: دبري نفسج بيهن

.. انطانياهن لبستهن وطلعت وياهم طول الطريق ملاك تسولف وبس نضحك على سوالفها تخبل انتبهت لنفسي اول مره اضحك ورا الاحداث الي صارت نزلنه يم المول واخذت ملابس هواي جان كلشي يعجبني اخذ من عنده قطعه وهو يدفع

ملاك: راح اخذ هذا اليه ولملوكه وضبع يدفعلك

.. هز براسه اخذت هواي شغلات وطلعنه
اشتر: نروح نتغده
..هزيتله براسي واني انتظر هاي الخطوه
.. رحنه للمطعم ونزلنه اكل كعد يوكل بملاك بلرغم هيه جبيره بس ميقبل يخاف توصخ ملابسها خلصت اكل وحجيت

ملاك: راح اكوم اغسل
..باوعلي بنظره شك كانما يعرف الي راح اسوي
اشتر: تمام لعد اخذي ملاك وياج
ملاك: لا ماابيها شي عليمن تغسل
اشتر: اخذيها غسليلها حتلو

..مااصريت لان ماردته يحس اخذت ملوكه وياي ورحنه نغسل غسللتها وحجيت
ملاك: باعي راح ابقى اني هنا اغسل وانتي طلعي روحي لباب تمام

.. اول ما طلعت مديت راسي اشوفه جان بس ظهره مبين شفت ملاك اخذت اول خطواتها تجاهه واني طلعت من المطعم اركض اول ما طلعت اخذت تكسي

ملاك: عفيه تكدر تاخذني ....
-بعبد بس اكدر اوديج للكراج ومناك اطلعي
ملاك: تمام لعد استعجل

..اخذني للكراج ومناك اخذت سياره ورجعت بيها للقصر اول ما وصلت للبوابه نزلت على الحرس الي جانو مصدومين بوجودي
ملاك: انطو للسايق كروته

.. دخلت واني فرحانه القصر شكد ما كرهته بس يبقى بيتي اول ما دخلت لكيتهم متجمعين نزلت دمعه مني حلو شعور الانسان من يرجع لبيته

.. كلها كامت على حيلها تشوفني وواحد يباوع بوجه اللخ مذهولين
ملاك: رجعت شبيكم والله ما متت

..كلها ساكته جانت تقدم عليه عمي احمد وهو يجرني من شعري
احمد: لج عار سويتي سوايتج ورجعتيلنه
..اخذ سلاحه وطلعني لحديقه القصر الولد التمو عليه يردو يوخر عني وهو يصيح
احمد : هاي عار علينه لازم تنكتل

.. ابجي واتوسل ميفيد
ملاك: والله عمو نخطفت مو بيدي والله
..جان مصر يكتلني دورت بعيوني على بابا رضوان ينقذني بس جان ما موجود ولا اسماء ولا ماما نور حتى ضبع ماكو تقدم ادم وهو يسحبني من عمي ويخليني ورا
ادم: اليوصللها اكسر ايده والله
احمد: ولك توكف بوجهي ياكلب

.. صارت عركه وواحد يضرب الثاني اخذو السلاح من عمي ودخلوني الولد جوه جان قرارهم يسولي فحص يشوفوني اذا بعدني بنيه لو لا وراها يقررون حياتي

....................

..حطيت السجينه على گلبه ثبتت عيني على ملامحه شكد كرهته بهاي اللحضه شمرت السجينه على جهه وطلعت من الغرفه وايدي على ركبتي مخنوكه ياالهي شصار بيه ما مستوعبه الصار اخذت ملابسي وطلعت ماعرف وين اروح بهذا الليل اتصلت على سلطان ماجاوب شويه ورفضه

..رجعت اتصلت عليه جاوبني وصوته ثكيل هستوه كاعد من النوم

ريم: سلطان الحكلي

سلطان: شكو منو
ريم: شبيك اني ريم

..بجيت ما تحملت حسيت على صوته صحت وصاح بصوت
سلطان: شكوو شبيج ليش تبجين
ريم: حباب سلطان ماعندي غيرك اروحله
سلطان: شكوو احجي
ريم : شرار تعرضلي
سلطان: شنو تعرضلج لحضه شكو
ريم: حباب بس تعال اخذني واسولفلك خايفه واكفه بلشارع ابحدي
سلطان: شرار شسوالج

..سكتت ما حجيت بس اشهك من البجي
رجع كال
سلطان: جاوبي ريم شرار شسوالج
..حجيت بصعوبه
ريم: اغتصبني

..سكت شويه واخذ نفس وراها رجع كال
سلطان: شكد انسانه رخيصه همزين عرفتج قبلا لا اتورط لا تتصلين عليه بعد

.. سد المبايل بوجهي ضليت مصدومه
..خوف وحزن والم وخذلان وكسره گلب و تهجير و اهلي ماتو ماعندي احد وسلبو مني روحي

..كلهن اجتمعن سوه رحت كعدت بلحديقه خايفه دنيا ليل وكلها نايمه كعدت على المسطبه ودموعي تنزل بقطت كاعده لحد ما طلعت الشمس واخذت تكسي انطيته اخر شي عندي واخذني لمخيمات الللاجئين اول مادخلت جان متروس وصخ وطين وجهال تلعب برا رحت سجلت وانطوني خيمه وي عائله وانطوني فراش وغطوه اخذتهن ودخلت

..اول ما دخلت لكيت مجموعه شباب  صغار كاعدين وبيدهم ماده بيضه خفت راسا رجعت خطوه عرفتها مخدرات من شافوني همه اخترعوا بقيت برا الخيمه لحد ما طلعوا كلهم يله دخلت شويه ودخلت مره جبيره وهيه ادكول
-ويانه
..هزيت راسي

..فرشت فراشي ونمت يوم كامل اني ما نايمه نمت وما حسيت على نفسي ....
...................
.. كعد وهو مصدوم بلدم شويه شويه بدت ذاكرته ترجعله كام على حيله يفتر البيت ما لكاها

شرار: رريييم

.. ماكو جواب

..كعد وهو يجر الفرشه ويمشرها حط ايده على راسه ياذي
شرار: اني شسويت

.. اخذ سويجه وطلع يدور عدليها...

............................

.. كاعده انتظرهم يقررون مصيري انفتح الباب ودخل ضبع وكفت على حيلي واباوعله بقلق اول ماحجيت

ملاك:ضبع

..اشرلي باايده اسكت
ضبع: لحكيني

..نزلت ورا للصاله جانت فارغه اول ما نزلت لكيت اشتر كاعد بس شافني اجا عليه يركض

اشتر: ملاك وين
ملاك: كدامك شبيك
..صاح بصوت
اشتر: ملاك بنتي وين مو جانت وياج؟؟؟

...............................

لهنا وخلص البااارت💗💗 اتمنالكم قراءه ممتعه يحلوات

وهسه نجي لفقرتنه المعتاده
- شنو تتوقعون ضبع راح يسوي لـ الـِن ؟؟
-ريم شراح يصير بيها ؟
-بنت الاشتر وين؟؟