رواية سليله الانتقام الفصل السابع عشر 17 - بقلم taratel

هَلي
وناسي
وحِزن گلبي
ومواويلي
وشعر شعبي
ورصاص احمر ترس گلبي
بديت اكره منايركم
ولاحبكم
غريبه بعيني
اساميكم..

..........................
يوم الحادثه

.. موجهه السلاح على راسها الكل داير مدايرها خايفين تنتحر مبتعدين عنها اله هوه اقرب شخص الها غمضت عيونها بخوف  ثبت عيونه عليها وبثواني اخذ السلاح منها اغمى عليها وقبل لا توكع على الارض احتضنتها اديه وهو يلفلفها بلغطوه عيونه تترقب ملامحها  اخذها بحضنه وهو يتجه بيها للسياره وعينه ما فاركت ملامحها

..اخذها للسياره صاح واحد ورا
-اشتر اول مره تفشل مهمه عندك
اشتر:مو مهم المهمه اهم شي هيه
-نصرت انكتل ومااخذنه معلومه

..ربت على كتفه وكال
اشتر: لا تخاف كامل المعلومات عندي
-وبلقيس
اشتر: انصدر القاء القبض عليها وهسه ديلعبون وياها شويه وتعترف

.. اندار نضره عليها يباع لملامحها الهادئه ملامحها الي جانت متشوهه من ورا الضرب رموشها الي مانشفت منهن الدمعه تقرب عليها وهو يتلمس تفاصيل وجها بعنايه
..شخطت سياره كدامه ونزل شرار منها يركض تقرب على اشتر وهو يصيح
شرار: ولك اشترررر وينها

..اشرله بعيونه عليها
..تقرب يمها وهو يلزم ايدها
شرار: ليش هيج وجها اشتر احجي شصاير وياها
اشتر: نصرت مغتصبها لحكت عليها على اخر لحضه

..انصدم من كلامه ورجع اندار عليها اخذ ايدها وهو يطبع بوسه خفيفه عليها

اشتر: اشو ابتعد شويه خليها تتنفس
شرار: ليش فاقده انطيني بطل مي خل اكعدها
اشتر: ما فاقده بس هيه شارده من واقعها خليها هيج لحد ما تكعد
شرار: والى متى نبقى
اشتر:هسه شويه وناخذها للمستشفى نجيك نشوف شبيها

.. ترك شرار خلفه وصعد بسيارته ماخذها لبيته دخل وهو شايلها خلاها على السرير تلمس بااصابعه وجها وهو يبعد اخذ تراك من عنده وراح يلبسها ويستر جسدها العاري

شعرها ابتعد من سمع صوت الجرس اول مافتح الباب هجم عليه

ضبع: لك اشتر الكلب لييييش واني الجنت انتظرك تنقذها

...تركه يفرغ غضبه بي وهو ساكت لحد ما تركه وراح يدخل للبيت يصيح

..كام على حيله وهو يبصق الدم من حلكه

اشتر: بلغرفه

.. اتجهه للغرفه وهو يشوفه كاعد يمها وهيه لامه نفسها وصافنه بلفراغ

ضبع: ملاك حبيبتي باعيلي

.. ماحركت عينها ولا رمشت وضعها جان يخوف لدرجه
اندار يباوع الاشتر الي جان بمقدمه الغرفه ومركز عينه عليها

ضبع: احجيلي شسوو بيج

..ماجاوبته تركها وتقدم لاشتر وهو يكول
ضبع:الحكني

..راح ورا وهو يكول

ضبع: احجيلي شصار من البدايه
.. جاوبه وبكل برود
اشتر: جانت عد بلقيس بلملاهي وبعدين شمروها لنصرت واغتصبها جانو يردون يبيعوها

ضبع: ليش ما نقذتها اشتر
اشتر: كل دقيقه وبكل لحضه الاف البنات تغتصب تنباع تنهان تنضرب بسببهم لو انقذها راح تروح بيها الاف من البنات نفس وضعها

..رجع كال
  خاطرت بكلشي بديته من اشهر ورحت علمود انقذها ياضبع

ضبع: جنت اعرف ماكو غيرك راح يلكاها

.. باوع عليه وخزره وكال
ضبع: اشتر من عرفتك للحضه هاي ماشفتك فد يوم جبان وخايف ماكو مهمه تدخل بيها اذا ما تطلع وانت ربحان واريد اسلمك هاي المهمه وماريدك تفشل بيها

اشتر: كول

ضبع: اريدك تخفي ملاك يمك وتحميها

اشتر: مااتوقع تتقبلني وتبقى هنا

..باوع بااستغرب وكال
ضبع: ليش ما تتقبلك

..سكت ماجاوبه ورجع كال
اشتر: سهله اعتبرها صارت

ضبع: ماريد احد يعرف بيها عايشه

اشتر: تمام

ضبع: شرار وين

اشتر: مادري وينه عفته بلموقع يم الولد اتصل عليه وشوفه

ضبع: تمام عوفها عليه راح اطلع لليل وارجعلك ديريالك عليها

..طلع وتركه هو وياها رجع للغرفه وهو مثبت عينه عليها حست بي رفعت عينها عليه عينها الي جانت قطعه حمره من البجي كامت على حيلها وتقربت منه وهيه تبجي

ملاك: ليش دمرتني
اشتر: ما جنت اعرف

.. تقدمت عليه وهيه تضرب بقبضه ايدها على صدره قوي
ملاك: ماااا رااح اسامحك عمري وحياتي الله ينتقم منك وينتقم منكم كلكم

.. انهارت بلكاع وهيه تبجي ملخت شعرها باايدها
ملاك: كسرتي وحوبتي عظيمه يم رب العالمين

..رفعت نفسها اله وحطت عينها بعينه وهيه ادكول
ملاك: حسبي الله عليك وعلى امثالك عساها ترجعلك الهي بااقرب الناس الك عساك بحركه گلب ما تنطفي

..تقرب عليها وحط ايده على شفتها يمنعها تكمل كلامها قربها اله وهو مقيدها حاولت تبعده ماكدرت اندارت عليه وحظنته حيل وهيه تشهك

..اخذها بحضنه وهو يسويها لاول مره ويقرب شخص اله بعد سنين

حجت وهيه بحضنه
ملاك: ضربوني حيل واذوني كتلو سلمى وقمر ماكو بكلبهم رحمه

..ضلت تشهك بلحجي وشدت ايدها عليه كانما تناست السبب الرئيسي لعيشها هذا الشعور نفسه الي تشكيله !!

ملاك: غصه بگلبي احس اكو نار بگلبي ما راح تطفه العمر كله

..ابتعدت عنه بعيون باكيه رفعت عينها عليه عينها جانت حزينه مقابل عينه الي جانت ماتتفسر ابد

ملاك: اهلي وين

..تقدم عليها وهو يمسح دموعها بااصابعه

..بعدت ايدها عنه قوي وركضت للباب تريد تطلع لحكها وجرها من ايدها حيل

اشتر: لا لا بعدنه ما متفقين تعالي كعدي خل نتفاهم

ملاك: الله عليك شتريد من عندي

.. دخلها للغرفه وسد الباب نظراتها جانت على الباب
ملاك: افتحه الله يخليك افتحه

..باوعلها بنظرات قلق ورجع فتح الباب

اشتر: الي تردي يجرالج

ملاك: شتريد من عندي الله يخليك خليني اروح والله خايفه

اشتر: بس اسمعيني راح تبقين هنا لحد ما يجي ضبع ونقرر شراح يصير

ملاك: ماابقى هنا يمك مستحيل

.. كامت على حيلها وهيه تتجهه للباب صاح عليها

اشتر: رجعي كلت
.. اندارت عليه
ملاك: هاي منين الملابس
..سكت ماجاوب

..تقربت عليه وهيه تصيح وتضرب بقبضه ايدها على صدره
ملاك: احجيي منين هاي الملابس
اشتر: الي
ملاك:منو لبسني
اشتر: اني

..غمضت عيني ونزلت دمعه مسحتها باايدي سريع و حجيت باالم
ملاك: هيه بقت عليك

..رجعت كعدت على السرير
ملاك: اتصل على ضبع اريده يجي

..هز براسه وطلع شويه ودخل ضبع وشرار الي ماشافني واجا يتلمس الجروح والكدمات بوجهي

ضبع: منو سوالج هيج
ملاك: بلقيس

..لزم ايدها وطبع بوسه خفيفه وكال
ملاك: اعذريني ماكدرت الحك عليج اعذريني

..بجت وهيه تحضنه
..لمها بحضنه وهو يطبع بوسات خفيفه على شعرها وكال
ضبع: والله لاندمهم كل واحد شارك بااذيتج يتندم والله لخليهم يموتون

..رفعت عيني واشرت بااصبعي على الي واكف كدامي
ملاك: وهذا هم ندمه هو نفسه الباعني

..طبع بوسه خفيفه على راسي وكال
ضبع: اريدج تنسين الي صار
ملاك:ماينسي
ضبع: نتناسى
ملاك: موبيدي
ضبع:صيري قويه
ملاك:اذوني حيل اذوني
ضبع: ما عاش

..رفعت نظري عليه وحجيت
ملاك: بس عاشو
ضبع: منو العاش نصرت لو بلقيس وثنينهم ودعو

..رجعت نزلت عيني
ضبع:مستعده تحجين وتقدمين افادتج

..هزيت براسي بمعنى لا
ضبع: ملاك باعيلي

..رفعت راسي عليه وحجيت

ضبع:راح تبقين هنا محد يعرف لكيناج اذا رجعتي ياذوج بعد
ملاك: ماريد ابقى يم هذا الجلب
..باوعلها وخزرها

ضبع: لا تحجين عليه راح تبقين هنا لحد ما تقدمين افادتج اشتر راح يساعدج ويبقى يمج وعلى ما نفرغ القصر من سمهم

ملاك: بقي شرار يمي هذا ابو عيون الميته ماريده
ضبع: لا شرار عنده مهمه ثانيه وراح يسافر مايكدر يبقى هنا

شرار: عادي اتركها علمودها وابقى يمها

..خزره ورجع كال
ضبع: لا مايكدر
ملاك: ابقى لان ماعندي احد
ضبع: لا ادكولين ماعندي احد اني يمج بس ماكدر ابقى دائما هنا لازم نطلعهم من الوكر وارجعج للقصر

..هزيت براسي
ضبع: هسه راح اروح وانتي ارتاحي اشتر يمج اي شي تحتاجين يساعدج

ملاك: بس بشرط انطيني سلاح ماامن ابقى يم هذا الميت

..طلع السلاح من خصره وقدمه الها
.. اجا اشتر وجره من ايده وكال
اشتر: صدك تحجي تنطيها سلاح غير رادت تكتل نفسها بااخر لحضه سحبته منها

.. رجع نظره عليها وكال
ضبع: صدك ؟

..تركته وراح للغرفه وقفلت الباب

ضبع: اشتر لو صار عليها شي اطير راسك
اشتر: يعني شسويلها قابل
ضبع: مو انت بس خايف عليها يرجعون يخطفوها لو يعرفون بمكانها
اشتر: لا تضل تروح وتجي وانت تدري بيهم مراقبيك

..باوع لـ شرار الي جان طول الكعده ساكت ومثبت عينه عليها

ضبع: امشي نروح راح نتاخر

......

..شويه واندك الباب مافتحته سمعته يصيح عليه
غلست حطيت راسي على السرير وماعرف شوكت نمت بعد ما داهمتني الذكريات المقرفه

حسيت على طكه القفل كعدت مفزوعه لكيته واكف كدامي

اشتر: شبيج ليش قافله الباب 
ملاك: اطلع برا

.. ماتحرك

..كمت على حيلي تقدمت عليه تقربت حيل صار ما يفصلني عنه بس سانتيمترات قليله رفعت راسي وثبتت عيني بعيني تسللت ايدي لخصره

..حس عليه ولزم ايدي وضغطها حيل اتقرب عليه اكثر وكال
اشتر: لا تتحارشين
ملاك: وخر عني

..ترك ايدي وجر المسدس من خصره وقدمه اليه

..بانت ابتسامه خفيفه على شفتي حسيت واخيرا راح اخلص من هاي المعاناه

.. مديت ايدي وسحبته منه رفعت على راسي وغمضت عيني قوي استذكر كل الاحداث الي صارت ويايه بشكل متسلسل  حسيت على شي نزل على خدي فتحت عيني لكيت نفسي ابجي!!! رفعت عيني عليه لكيته مثبت نظره عليه

.. رفعت المسدس وثبته عليه باوعلي بكل برود حجيت

ملاك: اكرهه عيونك
اشتر: تدرين كم مره انرفع عليه السلاح هيج

..حجيت بااستغراب
ملاك: كم مره
اشتر: ولا مره
ملاك: اكرهك
اشتر: هذا الزين
ملاك: اريد اطشر مخك مثل ما طشرت مخ نصرت
اشتر: لازم تردين حنيتي اله وتردين تنتقميله

..كال هيج واحس ايدي ضلت ترجف واني اتذكر الي صار بدون وعي ضغطت على المسدس وصار صوت قوي

..ابتعدت عنه واني فاتحه عيني بصدمه

.....................

..اجت عيني على اول رقم اتصلت عليه ما جاوب بقيت اتصل وماكو الناس طلعت تباوعلي اخذت علاكتي ومشيت ماعرف وين اروح اخذت تكسي وحجيت

ريم: عمو اريد اروح للكراج
-صعدي عمو صعدي

..اخذني للكراج وضليت حايره وين اروح نضراتهم المقرفه شلون يباوعولي كرهت نفسي تقرب عليه واحد وكال

-بغداد خويه

..باوعتله وهزيت براسي

-تعالي هنا خليت السياره

..رحت امشي ورا دلاني على السياره كعدت انتظر بيها طلعت المبايل واتصلت هم نفس الشي حجيت
ريم : الله عليك جاوب ماعندي غيرك

.. انتظرته شويه وراها اجا الولد وانطلق بينه لبغداد اول ما نزلت بغداد رحت للشقته ماعندي غيره دكيت الباب مافتحها كعدت انتظره بلباب والدمعه بعيني

..ليش الانسان الي ماعنده اهل ينذل

.. لميت نفسي وخليت ايدي على رجليه حسيت اكو خطوات بلممر رفعت راسي اشوف لكيته جاي كمت على حيلي وهو تقرب من لمحني انصدم

..ريم

..نزلت راسي بااسى وحجيت
ريم:شرار ماعندي احد اروحله غيرك

..تقرب عليه خايف
شرار: شكو شصاير
ريم: عمي مات ومرته طردتني
شرار: كح.. بت الجلب لا تهتمين تعالي تعالي دخلي
..فتحلي الباب دخلت واني مستحيه
ريم: ما راح انسى فضلك ابد وبس ادور على شغل اطلع من الشقه
شرار: لا تهتمين اني راح اشوفلج صيدليله تشتغلين بيها ومن تلمين نفسج وشوكت ميعجبج اطلعي

..هزيت براسي اشرلي على مكان غرفه وكال

شرار: نامي هناك اني بعد شويه راح اطلع
ريم: وين تروح
شرار: شغل
ريم: تمام

..عفته ودخلت صاح ورايه
شرار: نسيت اكلج
ريم: شنو
شرار: البقاء بحياتج
ريم: حياتك الباقيه
شرار: ريم

..رفعت عيني علي وكال
شرار: انسي

..عفته ودخلت نمت كعدت الصبح مالكيته موجود قررت اليوم اطلع ادورلي شغله اشتغلها لبست وطلعت اخر فلوس بجيبي لزمتهن قوي

ريم: وين اروح بيهن ذني

..بعدني مطالعه ودخل شرار

شرار: وين رايحه
ريم: اشوفلي شغل
شرار: مو كتلج اني ادورلج شغل
ريم: الي كاعد تسويليا عمري مراح انسى ماريد ازحمك بعد

..راح انزل ونزلي وراي
..نزلت ورا لكيته يتصل

شرار: سلطان عبدالله وين يداوم بيا صيدليه
..تمام دزلي العنوان
.. مشكور حبيبي

..هذا الي سمعته نزلت يمه
ريم: وين نروح
شرار: تشتغلين بلصيدليه وي عبدالله

..ابتسمت
ريم: ياريت
شرار: يله لعد هسه اوصلج واروح لدوامي

.. اخذني ورحنه للصيدليه نزل ويايه جان بس عبدالله موجود وسلم عليه وعافني وطلع بقيت اشتغل لليل قبل لا نطلع دخل سلطان

سلطان: منو يمنه

ابتسمت
ريم: اهلا سلطان
سلطان : اجيتي بوكتج
ريم: نعم؟
سلطان: نكدر نحجي شويه
ريم: كول سلطان عسى ما شر
سلطان: كل خير ان شاء الله
سلطان : نحجي بس اول شي خل اوصلج ماترجعين هيج وقت
ريم: تمام لعد

..اخذني ورحنه صعدت بلسياره وهو بس ساكت لحد ما وصلنه للمجمع كال
سلطان: شوفي مااحب الف وادور اريد اجي اخطبج

.. من صدمتي ضليت صافنه بوجهه

سلطان: لا تنطيني جواب هسه فكري عدل ورجعيلي خبر راح انتظرج

..نزلت واني خايفه طبكت الباب ونظراته مثبتها عليه صعدت للشقه واني تفكيري مو يمي فتحتها لكيت ضبع ماكو على ما كعدت وانفتح الباب وصاح بيه

شرار: منوووو جابج واني من مساع انتظر يم الصيدليه

..تلبكت واني اجاوبه
ريم: سلطان جابني
شرار:وما كلتي اكو جلب ينتظرني

..رفعت ايدي اشمها واردفت
ريم: واني شمدريني اشم كفه ايدي

..تقرب عليه حيل رجعت خطوه خايفه منه وضعه مو طبيعي
شرار: سلطان شيريد
..فتحت عيني مصدومه
ريم: يعني حاجاك

..كال بشك
شرار: ليش شيريد
ريم:خطبني

..ابتعد عني وراح فتح الثلاجه يطلع مي وهو يحجي بااستهزاء كال
شرار: لا توافقين
ريم:ليش
شرار: عاجبج ؟
ريم: لا ما عاجبني
شرار: لعد شكو تقبلين بي
ريم: ما كلت قبلت بس كاعد افكر وين اروح ماعندي احد على الاقل ازوج

..اجا تقرب عليه وكال
شرار: لا توافقين انتي مانايمه بلشارع علمود بس تردين توافقين اتخرجي وابدي اشتغلي لمي نفسج وبعدين اختاري الي يعجبج

..سكت بعدين كال
شرار: باالاضافه انتي ما ناسيه ازهر

..من كال هيج احس الدمعه صارت بطرف عيني
تركته ودخلت نمت

..كعدت الصبح على صوته وهو هارج الجو هرج كعدت لكيت المطبخ مگلوب
ريم: شرار شبيك
شرار: اسوي كهوه

..حجيت واني اتقدم عليه
ريم: صدك تحجي وليسوي كهوه هيج يهرجنه هرج من الصبح

.. تقرب عليه وهر يرفع شعري من ورا باايده انداريت بااتجاهه وباوعتله بااستغراب

ريم: شتسوي
شرار: الم شعرج ضوجني

.. رحت شلت شعري بكتر وسويته كعكه ورجعت اسويله الكهوه كعد كدامي وكال

شرار: شراح تسوين
ريم: كهوه
شرار: مو هذا قصدي

..رفعت راسي واجت عينه بعيني
ريم: راح اوافق
شرار: بطلي غباء

..نزلت راسي وكلت
ريم: احسن حل على الاقل احس اكو احد بظهري

..اتقرب عليه وكال
شرار: اني وياج لا تحسين نفسج ماعندج احد لا تنسين اني السبب بلمكان الي انتي هسه بي لو ما ماخذج بذاك اليوم ماصار الي صار

ريم: لا تخاف اول وتالي جنت راح اصفى بلشارع

..سكت ما جاوبني رجعت حجيت
ريم: مالكيت اهلي

.... تقرب عليه حيل ونزل عيونه وكال
شرار: ميتين

..رفعت راسي عليه والدمعه نزلت مني سكتت واحس داخلي نار جنت اعرف ميتين بس انطي امل لنفسي على الخالي بلاش

شرار: ما ردت احجي بس لازم تعرفين
ريم: اعرف من زمان
شرار: عندج اخت مادري اذا ميته لو عايشه لحد الان مالكيتها موجوده بس على الاكثر ميته واذا موجوده ماخذيها لدواعش وبايعيها

..مسحت دموعي واتقربت  منه
ريم: ما اتأمل بعد

.. هز براسه بااسى وكال

شرار: اليوم السايق يوديج ويرجعج لا ترجعين ابحدج

ريم: تمام

.. طلع للباب ورجع

شرار: لا توافقين

ريم: راح ارجعله اليوم موافقتي

..سكت وعافني وطلع

..نزلت للسايق جان منتظرني صعدت ويا ورحت للصيدليه بقيت اشتغل وي احمد لحد ما دخل سلطان واجا عليه

سلطان: ريم نحجي شويه

..هزيت براسي ورحت عليه

ريم: نعم سلطان
سلطان: فكرتي بسالفتنه البارحه
ريم: سلطان اسمع الي راح احجي وانت انطيني جوابك

.. جنت مخطوبه وبيوم خطوبتي سقطت الموصل وانقتل خطيبي ورا ايام طلعنه من الموصل اتهجرنه اهلي نقتلو وبقيت وي بيت عمي وعشت يمهم لحد ما عمي توفى وطردتني زوجته والتجئت لشرار واني هسه يمه جاوبني اذا تقبل بوحده ماعدها اهل ومشموره بلشارع

..ابتسم وكال
سلطان: لبارحه ما كدرت انام وافكر بجوابج شنو راح يكون

..تقرب عليه وكال
سلطان: حضري نفسج اجيب اهلي ونخطبج

..صفنت بوجهه وحجيت و ماكو اي فرحه بگلبي قبلت بي بس علمود اخلص من واقعي العايشته ردت انطي فرصه لنفسي 

ريم: لازم نسيت شحجيت كتلك اني ماعندي اهل منين تجي تخطبني

سلطان: اخذج اعرفج على اهلي ومناك نروح نعقد

..هزيت براسي وكال

سلطان: حبيتج من اول يوم شفتج بي
..سكتت
ريم: اني رايحه السايق ينتضرني جوه

..عفته وطلعت للسايق واني حاطه ايدي على گلبي خايفه من الخطوه الي راح اخطيها وصلت للشقه جانت فارغه كعدت انتظر شرار يجي ماكو دخلت للغرفه شويه وسمعت صوت قوي طلعت اشوف شكو لكيت شرار واكع بلكاع تقربت عليه وضعه مو نضامي ابد جان شارب باوعلي وكام على حيله وتقرب عليه

..رجعت للغرفه خايفه اجا هجم عليه وقيد ايدي تقرب عليه حيل ولزمني من شعري قوي وقربني عليه واخذ شفتي شكد حاولت ابعده ماكدرت شكد صارعت ويا ما تركني جان فاقد حيل شكك ملابسي عليه دموعي وتوسلاتي ما فادت شمرني على السرير رجعت بخطواتي ورا مانعته

ريم: لا شرار الله عليك لا

.. تقرب عليه وصار فوكي قيد ايدي باايده ونزل يترك اثاره المقرفه على جسمي

..بعد ماخلص بعد ما صوتي راح بعد ما انتهت توسلاتي بي كسرني شرار كسرني وشمر نفسه للجهه الثانيه فاقد كمت من يمه واني اشوف الدم مله الفرشه ضليت ارجف كمت واني الم بملابسي بلكاع بس مابيهن شي يستتر مشيت خطواتي واني خايفه

.. احساس الي تنسحب روحه على البطيئ هذا احساسي كرهت نفسي بهذا اليوم وين اروح طلعت من الغرفه واني كارهته طلعت من هاي الغرفه متوجهه للمطبخ اخذت سجينه ورجعت للغرفه تقربت عليه قربتها على گلبه

ريم: اسلب روحك مثل ما سلبت روحي ياكلب.

.....................

.. مرت الايام وهيه على نفس نومتها وفرلها احسن الدكاتره علمود تكعد اكثر شخص يريد ياخذ انتقامه منها هو

.. كاعد وهو يركز على ملامحها انتبه عليها حركت اصابعها تقرب عليها وهو يشوفها بدت تستشعر بملامحها وتتغير اتجهه عليه الدكتور المختص بحالتها

- ردات فعل تبشر بلخير مابقى شي وتكعد الف الحمدالله على سلامتها

اسد: الله يسلمك دكتور

.. تقرب عليها وهو يطبع بوسات خفيفه على اماكن متفرقه من وجها وهو يكول
اسد: مابقى شي

...........

..فتحت عيني واني خايفه رفعت راسي اشوف اني وين غرفه صغيره بيها اجهزه طبيه حاولت احجي ماكدرت ماطلع صوت مني رجعت راسي على السرير واني اتذكر اخر شي صار وياي اتذكر عيونه واخر نضراته اليه نضراته ياما كلت راح تضيعني وفعلا ضعت

..نزلت دمعه بطرف عيني شلت ايدي الجانت بيها الكانونه
الن: صارلي شكد نايمه

..احس جسمي متكسر وگلبي ياذيني

.. واني كاعده استكشف المكان انفتح الباب ودخل اسد
تقرب عليه
اسد: الحمدالله على السلامه

..حجيت بصعوبه
الن: شتريد مني انت وابن عمك الجلب
اسد: اني اريدج وابن عمي ميريدج
الن: واني ثنينكم ماريدكم
اسد: لا لا لا ليش مو ابن عمي كالب الدنيا يدور عليج
..سكتت مااعرفت شجاوبه او ماردت انطي بي وادري بااسد جلب بس ليش مااقبل وهو كتلني ..

..تقرب عليه يهمس
اسد: ضبع عباله ميته
الن: احسن
اسد: اكعدي وخلي ايدج باايدي وننتقم منه
الن: بس اكعد اروح منا وبعد ماريد اشوف جهركم الزفره 
..سكت من شاف الدكتور دخل وضل يسئلني على حالتي وجنت اتجاوب ويا اجا ضربني بلمغذي ابره وكال

-ارتاحي هسه

.. شويه ورجعت نمت كعدت على ايد محاوطتني من ورا وهمس بااذني وهو يشتم بشعري

..مشتاقلج

_________________

بارت صغيرون لعيونكم باجر راجعه لبيتنه ادعولي اوصل بسلامه راح احاول استغل الطريق واكتبلكم بي بارت حلو مثلكم 💗 بس البنات الي متابعاتني باالانستا يعرفن وين جنت 😂 صدك بناات الي متابعتني باالانست وماردتلها تعلقلي راح اجاوبها

بنات طريقه النشر راح تكون بين يوم ويوم
-يعني اليوم نشرتلكم بارتين باجر انشرلكم بارت واحد طويل بقفله حلوه ووراها ننشر بارتين وهكذا 💗 شكرا لكلامكم الحلو اعذروني اذا اكو اخطاء املائيه نشرت البارت بدون مراجعه

كتبوولي توقعاتكم؟؟💕🥺