رواية سليله الانتقام الفصل الثالث عشر 13 - بقلم taratel

____________

..ماخذتلها ركن بااحد زوايا القصر وهيه فرحانه من تشوف حركه گلوبهم وهذا هوه الي تريده فرحانه خلتهم يعيشون نفس المشاعر الي عاشتها بس بيمن بااقرب الناس الها الي وكفت وياها وساعدتها الي جانت تحبها حيل ومعتبرتها امها الي جانت تفضلها على امها!! شنو شعورها من تعرف

اسماء: رضوان بتي ماهيه راح يصيرلها اسبوعين وانت كاعد
رضوان:شسوي يعني شنو الي باايدي اسوي دورت عليها وماكو بقى املنه بضبع
اسماء : وشتتوقع هذا النذل ضبع يرجعها لحضني طبعا لا هوه اصلا يتمنى هذا الشي

..نروح لزاويا ثانيه بلقصر
براء:شنو وصتك
اسد: وصتني بس اخطفها وادرايها فتره وارجعها بس  علمود تحرك گلب اسماء ورضوان
براء: وانت شسويت
اسد: سويت مثل ما كتيلي دزيتها لنصرت هوه يتصرف وياها لو يشمرها بوحده من البارات العنده
براء: والله هاي نور طلع بيها بله
اسد: خطيه على بالها تكدرلنه
براء: ماتعرف ويامن تلعب
.........................

: اقبلي نتزوج وخل ننتقم منهم اني وياج انتِ تاخذين حقج واني اخذ حقي منهم ...

الن:حق شنو ضبع شنو الانتقام الي تريده من عدهم
ضبع: همه الي خططو لمقتل اهلي
الن:شلون
ضبع:لعبن براس مهيوب وماخلنه يتزوج امي لحد ما شردو سوه وحمدان كتل الوالد

..فتحت عيني بعدم تصديق
الن:اذا ما مزوجين انت شلون اجيت
ضبع:اتزوجها بلسر

..خليت ايدي على حلكي
الن:عزاا ابوك بي بله

..باوعتله وضيقت عيوني
الن: وبس يا انت هم تريد تزوجني بلسر
ضبع:اي اعيد امجاد السيد الوالد
الن:طبعا مااقبل
ضبع : انتي كدرتي ترجعين حق امج ودمها ماراح هدر من اشتكيتي بلقانون وسجنو عاصم وراح ينعدم

..ثبت عينه بعني
ضبع:بس اني ماكدرت ارجع حقهم لا قانون ولا باايدي
اني احتاج وجودج يمي الن ماريد شي ثاني وراح يكون زواج على ورق وبس راح احميج من عدهم واخليج تكملين دراسه وبعدين اختاري الانسان الي تردي بس نتخلص منهم وانضف القصر من شرهم

الن: بس اني ما مسويتلهم شي ليش تحميني من عدهم
ضبع: لان اكو ثارات قديمه بين حمدان ومهيوب وخاصتا انتي من طرفي راح يحاولون ياذوج مثل ماسمموج بلقصر

الن: افكر
ضبع:اخذي الوقت الي تردي بس لاتتاخرين عليه كلشي متوقف على قرارج حتى وجود ملاك

..هزيت براسي وطلعت من الغرفه لكيت شرار ماموجود وبس ريم كاعده بلصاله رحت يمها وضلينه نسولف
الن:ريم شنو رايج ننزل جوه اكو حدايق ومول نفتر شويه ونرجع اختنكت من الشقه
ريم: يله بعد احسن اني هم طاكه روحي بس اجيب ملزمتي وننزل
الن:خوش لعد اني هم راح اكول لضبع

..رحت يمه لكيته مبدل ويريد يطلع

الن:ضب ضب
ضبع:استغفرالله
الن:هاي شبيك اجيت اكلك راح ننزل اني وريم جوه نفتر
..باوعلي وابتسم كال
ضبع: شنو هاي من هسه اشتغلتي على دور الزوجه الصالحه
الن:ضب ضب لا تخليني افكس عينك كاعد اكلك علمود لا تفضحنه وتشهرنه مثل ذاك اليوم
.. رش عطر على قميصه واجا يمي وكال
ضبع: خوش لعد واذا احد سئلج شكد الشقه يا طابق لا تحجين الصدك ابد

..ضيقت عيوني وحجيت بااستهزاء
الن:شنو هاي ضب ضب اشو من هسه اشتغلت على دور الزوج الصالح
..ضحك وكال
ضبع:ديله روحي لا اغير راي
الن: ايي مو على اساس هوه بكيفك ترا بكيفي بكيفي اني انسانه حره الي اريده اسوي خووش ضب ضب

..تقرب عليه حيل رجعت خطواتي ليورا
ضبع:شلون بلسانج
الن:شبي
ضبع:يرادله كص
الن:كص دجاج لو لحم

..ابتسم وهو يكول
ضبع:روحي الن روحي راح تجلطيني

..طلعت واني اضحك عليه لكيت ريم لابسه قمصلتها وتنتظرني اني هم اخذت الجاكيته ونزلنه افترينه هواي ما خلينه مكان ما رحناله كعدنه بلحديقه وشفت الولد الي علسه ضبع راسا دار وجهه وابتعد

الن: عزا بعينك ضبع شمسوي بلولد
ريم:شنو شبيج ياولد

..كعدت اسولفلها المقتل
ريم:والله هذا ضبع مصيبه
الن:ريم انتي اهلج وين

..نزلت راسها بحزن وكالت
ريم:ماعرف
الن:ليش اكو واحد ميعرف اهله وين شبيج ولج
ريم:ماعرف الن مادري بيهم ميتين عايشين بس على الاكثر ماتو لو جانو عايشين يكدرون يتواصلون ويانه بس حتى اي خبر عنهم ماكو
الن:حبيبتي لا ادكولين هيج ان شاء الله عايشين وترجعون تعيشون سوه

..بدت تظلم شويه رجعنه للشقه كعدت اني وريم نسوي العشا شويه واندك الباب راحت فتحه وسدته بساع

الن:شكو شبيج
ريم:هذا شرار
الن:امم وليش سديتي
..باعتلي ورجعت فتحته دخل واحد يخزر بلثاني
الن:هاي شبيكم
..باوعلي وكال
شرار:ها الصفره
الن:شرار هواي كاعد تفتر على راسنه شتريد
شرار:اريد عشا

..تقربت يمه وضيقت عيوني
الن:شرار منو يطبخلك قبل لا اني اجي وانت عايش بحدك بشقه
شرار: مرتي

..حطيت ايدي على حلكي
الن:عزاا خطيه طلعت متزوج

..هز براسه وهو يطلع عنب من الثلاجه وياكل

شرار:شايفه طبخه شلون طيب يفلش
الن:وينها شنو اسمها ما تجيبها نتعرف عليها

..حرك حواجبه بااستهزاء وكال
شرار:اسمها ضب ضب

..كال هيج لو خربت من الضحك بدخله ضبع

ضبع:شبيج مختنكه من الضحك

..باوعلي شرار واشرلي مااحجي

الن:هذا شرار يكول عليك مرتي وخوش يطبخ وكتله شنو اسم مرتك يكلي ضب ضب يعني هاي يقصد عليك ويسميك ضب ضب

..رمق شرار بنظره لو اني بمكانه اوكع من الخوف وغلس ودخل للغرفه

شرار:حلل علسج
الن:اني يعلسني اوكفلي هسه اراويك
...اتجهت عليه للغرفه لكيته ينزع بلقميص ووشمه مبين
الن:ضبع ليش عندك هواي وشومات بجسمك
..ماجاوب
الن:هاي شبيك مو احجي وياك
ضبع:طلعي وسدي الباب وراج
.. سديت الباب ودخلت رفع عينه عليه وكال
ضبع:يمكن كلت العكس؟

الن:هاي شبيك ضبع وضعك مكاعد يعجبني

..تقربت عليه وباوعتله بنظرات قلق وخوف
الن:ضبع لا تخوفني عليك احجي شكو

..تقرب عليه وحضني حيل حاولت ابعده ماكدر مقيدني باايده
ضبع: احس الهوا يخنكني خليج يمي هيج خليني اتنفس
الن:ضبع احنه شكلنه حباب عوف هاي التصرفات كاعد تلعب نفسي

..بعدني عنه واتجهه للسرير ردت اطلع صاح ورايه
ضبع: يمكن نور ورا خطف ملاك

..توقفت وانداريت عليه لكيته مثبت نظراته على السكف اتقربت يمه
الن: عزا ضبع شكاعد تحجي مو نور امها لملاك شلون تخطفها
ضبع:مو امها
الن:لعد شنو
ضبع:مره ابوها

..حطيت ايدي على حلكي وشهكت بخوف
الن: وهسه شلون وين موديتها
ضبع:بايعيها

..جرني عليه وصرت قريبه عليه حط راسه على رجلي وهو يكول
ضبع: بس لو تعرفين شلون ناس تكره ناس شلون الخطط الي يسوها بس في سبيل الانتقام لو تشوفين مكرهم وحيلتهم تنصدمين ما تتوقعين ذوله بشر لا ذوله شياطين بهيئه بشر

.. ماعرف شجاوبه شال ايدي حطها على راسه وكال
ضبع:لعبي بشعري
الن:وخر عني اني اخاف من هاي كعدتك كل ما تكلي لعبي بشعري تسويلك مكسوره

..ابتسم وكال
ضبع:كل مااكعد هاي الكعده الكا نفسي
..رفع نظره عليه وكال
ضبع:الكا نفسي انسان ثاني يمج

..سكتت وحطيت ايده على شعره
الن:ضبع ليش متعوف انتقامك وتعيش حياتك بعيدا عنهم
ضبع: الي بينا مو انتقام عادي ولا مجرد واحد ياذي الثاني الي بينا رصاصه انتقام

..صفنت
الن:ترا مافهمت شنو رصاصه انتقام

..رفع ايده يلعب بشعري وجها قريب عليه وعينه مثبتها على شفتي كال
ضبع:يعني قتل
الن:على شنو واحد يقتل الثاني والله انتو عجيبين ترا الحياه ما تسوه اكتل فلان وعلان هيه خلصانه

..نزل عينه مني وكال
ضبع:الفلوس عاميتهم والحرام ماكلهم اكل
الن:ضبع هسه شلون راح تلكه ملاك تروح لنور وتحاجيها
ضبع:لا
الن:لعد

..باوعلي وكال
ضبع:ااذيها بيج واخليها تعترف
..وخرت راسه عن رجلي
الن:كوم عني مو صوجك عينك عينك كاعد ويكلي ااذيها بيج واني شكو اني شعليه بيكم ثاراتكم اخذوها بعيدا عني لا تدخلوني بقذاراتكم

ضبع:هيه تعتبرج بتها
الن:بس اني مو بتها حباب لا تدخلني باانتقاماتكم ماريد
ضبع:بس انتي دخلتي بيها من اول ما انولدتي بهلدنيا
الن:هاي شبيك ضبع بنفسي لو مره تحجي كلام مفهوم
ضبع:طلعي وسدي الباب وراج

..طلعت قبل لا اطلع حاجيته
الن:شرار هنا عيب كوم يمه
ضبع: سدي الباب

... سديت الباب وطلعت لكيت شرار وريم واحد يخزر الثاني
الن:هاي شبيكم بس تتخوزرون ترا لعبتو نفسي
ريم:كاعد احاجي الاستاذ ويغلس
الن:شبيج هيه هاي الزلم كلهم على هلرنه عبالهم فد شي حلو ايع ترا لعبان نفس وما ننعجب بيكم هيج احنه النسوان نحب الي يسولف ويضحك وفرفوش مو مثلكم بس تتخوزرون وتغلسون لو تحجون حجي ما مفهوم عود شوفوني اني غامض

..حجيتهن كلهن دفعه وحده وهمه صافنين عليه حسيت على نفسي ورحت للغرفه اسمع شرار يكول

شرار:هاي شبيها اجت متحمله علينه
ريم: مادري

...كعدت بلغرفه ضليت شويه افتر لحد ما خليت راسي ونمت حسيت على ريم اجت نامت يمي وبعدها مادري

..بيتنه القديم ماما نيران تطبخ عاصم يباوع اخبار رحت عليها احضنها وابوس بيها
الن:ماما ليش عفتيني
..جرتني من ايدي ودخلتني للغرفه وسدت الباب وقفلته اسمع عاصم يضرب بيها وهيه تبجي وتصيح فتح الباب وهيه واكعه جوا رجله ومابيها نفس تقدم عليه جرني من ركبتي يخنك بيه خنكني حيل جر كلادتي وشمرها بلكاع صارت كل حلقه بجهه ....

..كعدت واني مخنوكه بلكوه اجر النفس مو حلم كابوس تلمست ركبتي ماهيه كلادتي وينها ضليت ادور كمت اباوع بفراشي ماهيه طلعت ادور بلصاله ماكو معقوله واكعه من عندي ماتوقع سنين واني لابستها ماصار عليها شي كاعده ادور طلع ضبع من الغرفه باوعلي

ضبع:شعندج كاعده من هسه ترا الساعه ب٤
..باوعتله بعيون باكيه
الن:ضبع اهل القصر هم يبوكون
ضبع:كلشي يسون
الن:ضبع حباب كلادتي ماهيه الشي الوحيد ذكرى من ماما نيران 
ضبع:ماتوقع يبوكون كلاده ذوله يبوكون قصور وناس وفما فوق
الن:لعد شلون ضبع ماهيه اني اخر مره شبكتها ونمت من جنت بلقصر بعد ما اذكر حسيت عليها
ضبع:روحي نامي وباجر ندورها
..هزيت براسي ودك مبايله رفعه وكال
..وين لكيتوها
..لاتتصرف ابحدك
..جاي

الن: شنو وين راح تروح
.. ماجاوبني ودخل للغرفه ضليت انتظره بلصاله دقايق وطلع لابس زي العسكري صحت عليه
الن:احجي ضبع منوو لكيتو الله عليك جاوبني شنو لكيتو ملاك..

.............................

..صافنين عليه وهو يخطط للمهمه القادمه صافنين على ذكائه ودهائه ماكو مهمه فشلت عنده مايدخل بشي اذا مايدري بنفسه راح يطلع منه ربحان بس ياترا هاي المهمه شراح يصير ..

اشتر: اليوم نبدي ماريد خطأ واحد كلامكم توزنو قبل لا تحجو لا تنسون كلشي يعرفون شرب لا تثكلون بي حرام لا تدخلون بي خطأ واحد نروح بيها لا نصرت ولا بلقيس هينين

-شلون نوصل لنصرت
اشتر:عن طريق بلقيس
-بلقيس مو هينه
اشتر:اتفقت وي وحده راح تعرفنه عليها وندخل بس المشكله راح تكون هنا
-وين
اشتر: اكثر الضباط تروح لهذا الملهى لذلك راح ندخل بصفتهم حظرتلكم هويات مزيفه ندخل من خلالها
-شوكت نروح

.. كعد يكملهم الخطه الي راح ينفذوها بحذافيرها خلص وطلع المعقم يمسح ايده واحد منهم كال

-صدك لو كالو الاشتر
ابتسم وهم يوصفون عقله ودهائه وشلون راح ينفذ الخطه
..عافهم وراح غير قميصه للمره الخامسه لهذا اليوم والقديم يشمره
-اشتر صدك تحجي هذا القميص الالف نوبه كلهن تشمرهن شنو فلوسك زايده
اشتر:صار وصخ
-يمعود هوه غير صارلك ساعتين لابسه
..تركه وطلع صاح عليه
-وين رايح
اشتر:ماكدر انام بلخيسه النايمين بيها انتم
..طلع وعافهم حايرين بشخصيته الغريبه كعد على كرسي برا المكان الي كاعدين بي اشبهه بلخالي طلع الصوره القديمه من جيبه وهو يطبع بوسه خفيفه عليها
..اشتاقيتلج

..اتصل مبايله رفعه خلا على اذنه وكال
اشتر:ملاكي
......................

شرار:اريدج تساعديني نلكه يقين
ريم:ليش
شرار: اتوقع يقين الها دور بخطف ملاك
..هزيت راسي بنفي
ريم:عزا لا شرار ماتوقع
شرار: يقين تشتغل بملهى بغداد
ريم:عزااا ولا حسينه عليها
شرار: واتوقع الها ايد بلشخص الي خطف ملاك
ريم:وشلون نلكاها
شرار:هوه اني اريدج اتساعديني
ريم:شلون ماعرف كلشي عنها
شرار:فكري
..صفنت شويه ورفعت نظري عليه كلت
ريم:خاالها
شرار: بلضبط
ريم:شنو يعني اروح لخالها واسولفه عليها
شرار:يعرف
ريم:شيعرف
شرار:يعرف بيها تشتغل بملهى اصلا همه كلهم عائله منحطه
ريم:لعد شلون
شرار:اريدج ترحين لبيته وتسحبيلي من عنده حجي فهمتي قصدي شنو؟

..ابتعدت عنه واردفت
ريم:هاي شبيك شرار شنو هلحجي

..اتقرب عليه
شرار: صدكي اني يمج اي شي يحاول يسوي راح تلكيني فوك راسكم

ريم:حباب شرار ماكو غير هذا الحل
شرار:الحل الوحيد علمود نلكه ملاك ونلكه اهلج

ريم: موكلت تشتغل بملهى روحلها واخذها مناك
شرار:مانكدر ندخل لبار اله اكو امر القاء قبض وهاي البارات مسنوده من الدوله

ريم:اخاف
شرار:اني بظهرج لا تخافين مايكدر يلمس شعره منج واذا سوالج شي هذا شاربي ازينه

..ضحكت
شرار:ليش تضحكين
ريم:تخيلتك بدون شوارب يمه شكلك يضحك

..ابتسم وكال
شرار:هسه شكلتي
ريم: تمام بس اني مااندل بيت خالها
شرار:عوفيها عليه
ريم:تمام شوكت نبلش لعد
شرار: باجر
ريم:تمام
.. مر الوقت وطلع شرار راح لشقته وضبع هم طلع نزلنه اني والن جوه ضلينه نفتر بلحديقه وصعدنه فوك بدينه نحضر للعشا شويه واندك الباب رحت دااريد افتحه طلعلي شرار

شرار:بس اريد افتهم حاطيج بواب
..رجعت سديت الباب بوجهه
لمن حاجتني الن رجعت فتحت دخل وهو يخزر بيه
شرار:ليش سديتي الباب بوجهي
..خزرته وكلت
ريم:تستاهل

.. شويه واجا ضبع راحت الن تتعارك ويا بقينه بس اني وشرار كال

شرار: مستعده لباجر
..هزيت براسي
شرار:ماريد اخوفج بس خالها انسان قذر
..طلع سماعه صغيره من جيبه وكال خل نجربها تقرب عليه وخلاها بااذني باوعلي ورجع فتح ضفيرتي ابتعدت
ريم:شكاعد تسوي
شرار:افتح ضفيرتج لان السماعه مبينه
..عدل شعري وكال
شرار:من نخلص المهمه شعرج بعد لا تفتحي
..باوعتله بااستغراب
ريم:ليش
شرار:شعرج حلو
ريم:احترم نفسك
شرار:شكايل الله اكبر هاي فوك ما اكلج شعرج حلو هسه يطلع متروس كمل
..خزرته
شرار:منو ازهر
..كال هيج لو بهت وجهي
خمس سنين ماكدرت انسى بيهن ازهر خمس سنين وهو عايش بروحي ماكدر انسى ولا انسى الي عشته ويا ولا الموقف الي صار واني انتظره
جاوبته والدمعه بعيني

ريم:منين تعرفه
شرار:جاوبي منو
ريم:خطيبي

..هز راسه
شرار:وينه لعد
ريم:جاوبني منين تعرف
شرار:مو وصيتيني ادورلج اهلج رحت لمنطقتكم القديمه وسئلت كالو اهلها ماقبلو يزوجوها وانهزمت وي ازهر واهلها شالو من عار بتهم

..ابتسمت
ريم:هيج كالو
..هز براسه بمعنى اي
ريم:اتهمو اتهام شخص جبان شرد
كلتها بااستهزاء رجعت حجيت
..بس هو اشجع الشجعان
شرار: ليش شردتي
..باوعتله بعيون حزينه
ريم:تصدك؟
شرار:ماتوقع لان لو شارده ماتعيشين ابيت عمج
ريم:خلص لعد سد السالفه
..سكت رجعت حجيت
ريم:منو الي كلك
..ما جاوبني وعينه بلمبايل رجعت حجيت
ريم:شرار شبيك جاوبني منو كلك هذا الحجي
..هم ما رجع جاوبني شويه ودخلت الن عصبيه وتريد تنفجر شمرت علينه قنبله وراحت نامت وشرار طلع بقيت عزلت الصاله والمطبخ ورحت نمت يمها

للصبح كعدت على صوت جرس الباب كمت مالكيت احد لا ضبع ولا الن رحت فتحت الباب لكيت شرار سديته بوجهه قبل لا يحجي كلمه رجع دكه وفتحته

شرار:تعوودت
..فتحت الثلاجه اخذت بطل مي وشربته
شرار:لبارحه لزمنه يقين
..فتحت عيني بصدمه
ريم:صدددك والله هسه هيه وين كدرتو تعرفون شي
شرار:غير من اول راجدي من ضبع حجت الاكو الماكو
ريم: اي شكالت وين مكان ملاك
شرار:مثل ما توقعنه بايعتها لواحد تاجر مخدرات وتاجر اعضاء بشريه
ريم:عزاا

..باوع عليه وقلدني
شرار:عزااا
ريم: يا هاي شبيك شرار
.. حجه بصوته الرجولي وكال
شرار: لا ادكولين عزا تفتين گلبي فت رحمه لربج
..تقربت عليه وحجيت
ريم:الله عليك شرار ملاك ميته لو عايشه
..شفت الدمعه بعينه ونزل راسه بااسى
شرار:عايشه روحيا بس اكيد ميته نفسياً
ريم:سوده عليه حبيبتي ما تستاهل

..عافني وطلع بهذا اليوم تاكدت شرار عنده مشاعر تجاه ملاك وله ما اشوف الدمعه بعينه لوكل مينذكر طاريها ويفز گلبه ويسمع كل حجايه نحجيها عرفته من كاعد يسوي المستحيل علمود يلكاها خطيه الله يجمعهم يارب شويه وانفتح الباب دخل ضبع والن وجهم مكلوب والن عيونها حمر دم تقربت من عدها

ريم:شبيج ولج عيونج حمر باجيه؟
..جاوبتني بصوت متعب
الن:عقدنه اني وضبع
...............................

..اخر ثواني من حياتي باعت عليه وكالت
-تفيد اخذوها

..هنا بديت رحله جديده اخخ يلقهر بذاك الوكت ماكدر اوصفه مثل سلعه رخيصه اشتري وانباع هيج صرت مااذيت احد ولا كرهت احد بس ليش عشت حياتي اتاذه وعشت عمري انكرهه اجت عليه وحده اسمها بلقيس بس يصيحولها ام علي عمرها نهايه ال٣٠ اخذتني ما انسى بيومها شكد توسلت بيها تعوفني

ملاك:الله عليج عوفيني بروح اهلج بروح كل عزيز عندج عوفيني والله ماريد
احجي واشهك بس لا حياه لمن تنادي جرتني من شعري وحجت
-شوفي ولج هواي برابيك مرن عليه مثلج مو اول وحده عادي مره مرتين تتعودين على الوضع ويصير زلاطه
ملاك:والله مااتعود ماكدر الله يخليج والله اهلي ينطوج فلوس وشكد ماتردين الله يخليج بس عوفيني
..جرت شعري حيل والتمن عليه ب٥ بنات لزمني كطعني تكطع شعري تهلس باايدهن حسبي الله ونعم الوكيل عليهم ناس ماكو بكلبها اي رأفه

-طلعت وحده من عدهن وراحت صاحت على واحد من برا لزمني من شعري ولزك راسي بلحايط وشكك ملابسي شكد ما حاولت ابعده ماكدرت صعبه من انسان طاهر وبيوم وليله يصير قذر هاي اني هيج صرت قذره جردني من ملابسي بقيت بس بلداخليات وضل يضربني برجله حيل انسان وحش حقير بمعنى الكلمه شكد ما احجي عليه قليل نزع الحزام وضل يضرب بيه على جسمي وهو يحجي اقذر الالفاظ لحد ما غوشت عيوني وماحسيت بشي بعد

..فتحت عيني واني احس بروده بجسمي كعدت على نفس وضعي لفيت نفسي باايدي واحاول الم ملابسي المشككه والبسهن ولو ميسترن بعد بس اقنع نفسي رجعت لميت نفسي على الحايط واني خايفه خايفه يرجع ويعيد الي سوا ابجي واضرب نفسي خفيف خاف يسمعني ويرجع يضربني

..يضربني واني العزيزه والمدللـه الي ما فديوم واحد مد ايده عليه انتهك جسدي واني اشرف الشرف حتى بغلطه گلبي ماتنازلت ولو بلمسه وحده من ايدي اني هيج صار بحالي اني هيج انتهت حياتي شنو وليش منو السبب؟؟ لان انولدت بقصر مهيوب

..مرت دقايق واني ابجي على كيف دخلت عليه وحده وشمرتلي فستان مصري للرقاصات

-لبسي بساع خل نشوف مواهبج
..اخذته البسه مو لان اريد البسه لبسته علمود استر بي جسمي شويه ودخلت عليه
-خلصتي.. شكد حلو عليج ولا يكلج وانتي مفاتنج حلوه دتعالي خل نشوف عمي خوش قطعه جايبين هلمره

..باوعتلها بقرف
ملاك:حسبي الله ونعم الوكيل عليكم
..اجت لزمت حلكي قوي وكالت
-لزمي لسانج لا هسه هنا انهيج وما تكدريلي مساع وصرتي مثل الفاره تتوسلين بيه اعوفج

.. سكتت لان جان عندي امل اطلع منا واني انسانه نظيفه جان هذا املي الوحيد جرتني للصاله وجانت فاتحات دي جي وحده منهن كاعده على كرسي وبيده سوط الي تتحرك خطا تضربها بي

كامن البنات يركصن كدامها وشويه وبدت كل وحده تركص ابحدها وبس تخلص ادكلها حولي لحد ما اجا سراي كالت
-يله خل نشوف البنيه الجديده ونرحب بيها
..ضحكن هنه بضحكه مقرفه حيل

فتحت الدي جي وكالت ركصي
سويت مثل ما كالت واني اصلا اعرف سويت علمود لا تضربني علمود لا تدنسني بس كل هذا وجانت تضرب ضربتني على رجلي حسيت بيها طلع دم نزلت كعدت بلكاع بعد ماكدر انهاريت بلبجي والصريخ شايفين من تبجون بجيه وراها تحسون الحياه ما تسوه بعد البنات من شافني ابجي يمكن انقهرن عليه حاجنها وكاللها تعوفني بس اليوم لان جديده على ما اتعود وفعلا عافتني بس ماكدر بعد الاحداث كلها تجمعت براسي

..من الخطف للاغتصاب للقتل للدعاره كل هاي الاحداث تمر على انسان بكم ليله بس شيصير بي؟؟

..اخذني البنات للغرفه وضلن يحجن وياي
-شوفي ترا والله كلنه هيج اول ما اجينه بس شنسوي ندور لكمه عيشنه
-واني اهلي شمروني هنا علمود اجيبلهم فلوس اتخيلي بس
-وباعي والله اني هم اهلي ماتو وماكو اليه احد وتعرفت على وحده بلشارع وجابتني هنا وهم بلبدايه بجيت وبعدين سكتت

..باوعتلهم وحجيت بصوت باكي
ملاك: اني لا اهلي ذابيني ولا محتاجه فلوس اني بت عز وخير اني بت الدلال اني اجيت هنا مو لان ماعندي احد اني غصبا عني هنا اجيت واني فرحانه راح اصير استاذه تالي متالي انخطف واصير كح..
..ضربت على رجلي حيل وانهاريت ا اضرب على وجي وراسي وحتى جسمي اضرب بنفسي قوي فوك الضرب مااحس باالم بجسمي يمكن تعودت على الضرب تقربن من عندي مقهورات على حالي ويحلون يوكفني شبكتني وحده بيهن وهيه تحاول تهدئ بيه وهمست بااذني

-اشردج منا

..رفعت راسي عليها من الدموع ماعرفت اميز تفاصيل وجهها مسحت دموعي باايدي وشفتها عضتلي شقتها وكالت
-موتحجين اسكتي
..مسحت دموعي وتوقفت شعوري المخربط مثل الغركان ومجلب بكشايه فرحت لان اكو احد راح يساعدني واخيرا وراح اطلع منا وارجع لاهلي وخوف اخاف تجذب عليه
..همست بااذني
-يرحن ونتفق
..هزيت براسي وطلعن حتى هيه وياهن كعدت ماعرف شسوي شويه واجت جايبتلي ملابس
-كومي بدلي علمود نتفق
..رحت لزمت ايدها
ملاك:الله عليج راح تساعديني
-بس بشروط هسه روحي بدلي وتعالي
..رحت فرحانه بدلت بساع جانت جايبتلي تراكسود لون رصاصي لبسته شويه عريض عليه طلعت واني الفرحه ما لامتني واخيرا راح اخلص منا

ملاك:يله بدلت حبابه احجيلي شلون راح نطلع منا
-شوفي اول شي شسمج
..ملاك
-واني اسمي قمر
قمر: سمعي ملاك اني عندي شروط
ملاك: طلبي اي شي والله كل شي تردي انفذه بلحرف الواحد بس طلعيني منا
قمر: اني اهلي ميتين وعندي بس اخواني وانجبرت اعيش هاي العيشه بس فس سبيل اعيشهم شرطي الوحيد من اطلعج منا تعيشين اخواني ويدخلون احسن مدارس وميحتاجون احد ويكملون دراستهم
..هزيت براسي
ملاك:والله والله موافقه بس طلعيني منا الله يخليج والله اني حفيده مهيوب النعمه بيت وسياره وملابس واحس عيشه

قمر: اني هذا الي اريده بس اساعدج منا اني هم اعوف الشغل
..باوعتلها بقهر
ملاك: ليش تشتغلي لعد
قمر: اهلي ماتو بحادث ومحد من عمامي وخوالي رادنه لان احنه هواي ٣ ولد و٤ بنات واني اكبرهم جنت ادرس طالبه اعلام بلمرحله الاخيره لحد ما اجا هذا اليوم وتدمرت بي اني واخواتي

ملاك: هسه وين عايشين ليش ما رحتو لدار ايتام
قمر: اذا رحنه لدار ايتام راح نفترق واني اخواني وصيه امي وابوي انجبرت اشتغل هذا الشغل في سبيل اعيشهم
ملاك :ساعديني والله اعيشكم كلكم العمر كله بس خلصيني منا 
قمر: اليوم بليل اطلعج منا
ملاك:شوكت
قمر: من يرحنه للملهى ب١٢ نطلع اني وياج راح اكلهم مريضه وانتي بعدج بلبدايه يخافون ياخذوج

..هزيت راسي
قمر:نامي هسه علمود يجن يشوفنج نايمه واني راح اسوي نفسي مريضه ومن يطلعن اكعدج ونطلع
ملاك:حبابه الله عليج لا تعوفيني
قمر: اسكتي لا تبجين والله يشكون
..هزيت براسي وسكتت جابتلي فراش وغطا شكد ماحاولت انام ماكدرت تگلبت بلفراش شكد حسيت عليهن بدن يشتغلن السشوار والهوسه وصوت الكعب الي زرف اذاني تزرف ورا كم ساعه طلعو كعدت اباوع ماكو احد بس ولد واكفين بلباب واحد نفس الي ضربني الكلب

..طلعت افتر بلبيت ونزلتلي قمر من فوك
قمر: يله ملاك هاي الملابس البسيها
..انطتني فستان فاضح
ملاك:شسوي بي هذا
قمر :لبسي علمود من يحاجوني الي بلباب اكلهم طالعين عدنه حفله وهمه يعرفوني زين

.. هزيت براسي ورحت اريد ادخل للغرفه استوقفني صوت قوي انداريت لكيتها بلقيس تنزل من الدرج وهيه ادكول
-ها خير وين رايحات
..جاوبتها قمر
قمر:عدنه حفله وطالعين
-هاا حفله جيد جيد شنو رايجن اني اسويلج حفله بلبيت
قمر: ام علي عيني عدنه حفله وحتى ادم هوه راح يودينه ونرجع
..شالت المبايل بدون لا تسمعها وكالت
-ادخلو يردن يشردن
......................................

مشهد مستقبلي🔥

صاحت بصوت رج القصر
-الحكوووو الن خطفت ابن الضبع وشردت 
- ولكم درا لو بعده
-لحد يكله واللله يحركها حرك
...........................
مشهد مستقبلي 🔥

-لويبقى اخر يوم بعمري ما راح اسامحك على الي سويته بيه
.......................
مشهد مستقبلي 🔥
-طلقه وحده وتبدي معاناه الضبع الابديه
.......................

مشهد مستقبلي 🔥
سبع سنوات مرت واني ماشايفته تمنيت اشوفه واخلي يسامحني واعتذر منه بس اليوم اجاني غركان بدمه!!

..........................
الن:احجي ضبع منوو لكيتو الله عليك جاوبني شنو لكيتو ملاك
ضبع: لا لكينه يقين الي جانت وياها بلشقه
الن: وشراح تسولها
ضبع: انكفخ بيها لحد ما تعترف
..سكتت راد يطلع ورجع عليه
ضبع:الن
..رفعت راسي عليه
الن:نعم
ضبع:اليوم الصبح نروح نعقد
الن: ماريد ضبع اني خفت ماريد ادخل باانتقاماتكم اخاف

..تقرب عليه و مسد اطراف اصابيعه على خدي وكال
ضبع:لاتخافين والضبع وياج
..نزلت راسي وجاوبته
الن:ضبع اني اخاف منك مو من غيرك
ضبع:ليش
الن: تخوفني انسان غامض حيل كول اني قبلت بيك وعقدنه وتزوجنه وبعدين واني وماريدك
ضبع:كتلج اعوفج
الن: هاا كلت وشنو الي يثبت زين اتزوجتك شراح تسوي بيه شنو الي راح اعيشه وياك وانت الانتقام عامي عينك
ضبع:كتلج حقج تاخذي واني اخذ حقي
الن: ما امن بيك اعذرني
..جر المسدس  وخلا على راسي
ضبع: شايفه هذا المسدس عمره ما خطأ بلتصويب

..دفعت المسدس وكلتله
الن: جلب متصيرلك جاره حاط المسدس على راسي ويجيني تعالي خل نعقد لو تموت لوووو تموت يا ضبع مااقبل بيك

.. هز راسه وكال
ضبع: يصير خير لعد

..خلا وطلع بقيت افتر شويه ورحت نمت بلصاله ماحس اله على طبكه باب كعدت لكيت الشمر واكف فوك راسي

الن: استغفرالله ياالهي شتريد
ضبع:كومي حضري نفسج نروح
الن:شحجيت مساع هندي ؟
..كعد كدامي وفتح جكاره اخذها من عدها نفس وكال
ضبع: اساومج

..حجيت بااستهزاء وكلت
الن: اي موعندي شي علمود تساومني بي لا اهل لا بيت كلشي ماعندي بعد شتريد مني

ضبع:حلمج

..رمشت بعيني مستغربه
الن:ليش شنو حلمي

..نفخ نفس الجكاره وكال
ضبع:الطب

الن:شجاب هاي على هاي؟
ضبع: معدلج 100.2 يسمحلج بدخول الطب بس ياترا تكدرين تدخلين هيج وانتِ ماعندج احد

..حتى مالحكت افرح بمعدلي نزلت دمعه من عندي
الن:شكد انسان حقير ونذل

..الهدوء والبرود الي جان بي يخوف رفع عينه عليه وكال
ضبع: لمصلحتج
الن:وين مصلحتي وين وانت كاعد تهددني يعني قصدك تشمرني بلشارع مو عادي اروح بلشارع ولا ابقى بهاي الذله
ضبع:خبال لا تتخبلين كتلج ادرسين طب واني اتكفل بمصاريف دراستج بس نعقد كم شهر وراها نطلك وانتي ترحين في حال سبيلج واني اساعدج بكل نفقات لدراسه لحد ما تتخرجين وتوكفين على حيلج وتصيرين دكتوره

..باوعتله بقهر وماعندي حل ثاني اذا اريد اخلص من ضبع لازم ادرس واوكف على حيلي علمود مااحتاجه بعد
الن: خوش موافقه بس عندي شروط
ضبع:وهي
الن: تخلي شهود على كلامج تساعدني لحد ما اتخرج
ضبع:مايحتاج الضبع من ينطي حجايه يسويها
..خزرته وحجيت
الن: والشرط الثاني ما تتقربلي ولا توصلي افتهمت

..هز براسه وكال
ضبع: حضري نفسج بساع

.. كمت بدلت ورحنه لمكان مادري وين وعقدنه بي عقد شيخ وتمت الاجراءات كلها وجان جايب ثنين شهود طلعوا بقينه بس اني ويا بغرفه جبيره ومابيها شي كال انتظريني شويه واجي وطلع

.. شويه ودخل وباايده اوراق كال
ضبع:وقعي على ذني الاوراق
.. وقعت بدون لا انتبه شنو بيهن
..جرهن من ايدي حيل وابتسم ابتسامه شفت بيها ضبع ثاني باوعلي وكال
ضبع: اهلا بيج بوكر الضبع

..وهنا بانت حقيقه الضبع

............................................
لهنا وخلص البارت 💕💕 بنات مثل ما ردتو بارت طويل بدل البارتين اذا يعجبكم هذا النمط  علقولي اذا تحبون نستمر عليه
الوقت الاكثريه رادت بليل واني شفت هذا الوقت المناسب ♥️ للكل هم كتبولي اذا ما عجبكم

اليوم راح انزللكم اشباه الابطال بعد شويه ♥️

فقرتنه المعتاده 💕😶
كتبولي توقعاتكم للبارتات القادمه
شنو توقعتو من المشاهد المستقبليه🔥💕

اعذروني عن اي اخطاء املائيه لان البارت ماارجع اقرا انشره بساع علمودكم 😘😘♥️