رواية سليله الانتقام الفصل الرابع عشر 14 - بقلم taratel

چا والعمرمن ضاع
ولكيتهه بنظره عيونك
چا وگلبي هسه المن
چا والعيون البيك حلمن؟
_______________

..انا تلك فريسه الضبع انا فريسه
المكر والاحتيال انا نار الانتقام

الن:ضبع شبيك كاعد تخوفني
..ضحك ضحكه استهزاء ورجع كال
ضبع:لا تخافين مو كتلج لا تخافين من عندي
..مسد على شعري وبنظرات مكر رفع وجهي باايده حيل
ضبع : اله اطلع كل الي عشته من عينكم

..اريد اوخر ايده ماكدر ضاغط على فكي حيل
الن:شوف ولك لا عبالك اتزوجتني يعني هاهيه راح تكدرلي وحق الله ادفنك بلكاع هنا

..حجيت هيج واني باايده ؟؟!

ضبع: تدفنين منو؟
..بلعت ريكي من الخوف وجاوبته
الن: ادفن عاصم بس وخر ايدك حباب ضبع شبيك
..زاد اكثر لحد ما نزلن دموعي يله تركني
الن:طلكني
ضبع:راح اصعد بلسياره لحكيني
الن:مااطلع منا هسه تطلكني
..اجا ضغط على ايدي واخذني سحل فتح باب السياره وصعدني الطريق كله بس ابجي وهو يدخن جكاير لحد ما وصلنه كدام المجمع كال
ضبع: اليوم بليل راح اطلع لاربيل اني وشرار
..ما جاوبته
ضبع: مو احجي وياج
الن:روحه بلا رجعه كون اخخ الهي كون يلزموك يحمسوك حمس
ضبع:بربو..

..باوعتله بخزره وحجيت على كيفي
الن:جلب
سمعني وصاح
ضبع:وحق الله يالن اذا الزمج اله اطلع بروحج
الن:انت ابن ابوك الزمني
واني فتحت الباب وركضت ركض ورايه ولزمني من ايدي قوي
ضبع:ووووين رايحه
الن:عوفني عوفني ماريدك
ضبع:هسه شسويتلج اني
الن:مريض تنكلب عليه الف شخصيه بلدقيقه الوحده

..رجعني للسياره وقفلها
ضبع:ولج اشش كافي لا تبجين
..هو كال هيج واني زدت
ضبع: لا يا الله كافي كافي
الن:لاااتصيح عليه
الن: واحد مريض خبل طلكني طلكني
ضبع:راح اشك حلكج
الن:لاا تغلط
ضبع:مااغلط بس لاتبجين
الن:على اساس حضره جنابك مهتم غير ادكلي اطلع كل الي عشته من عينكم اني شكوو لو كدرتك بس عليه بيك حظ روح الزمهم وطلع الي عشته بيهم

..اني كلت هيج لو تخبل عليه خبال ضرب الكشن الي كاعده عليه حيل كلت اتكسرت السياره نزلت راسي ابجي وحاطه ايدي على اذاني خايفه منه خايفه من وجوده مكاعد اعرفه هوه شنو يصير زين وياي فجأ يتغير

..ضل ساكت فتره واني بس ابجي شويه ومسحت دموعي وكلت
الن:افتح الباب اريد انزل
..ماجاوبني طلع جكاره وضل يدخن
الن:ضبع كافي خبال افتح السياره كتلك

..تقرب عليه وطفه الجكاره باايدي شكد ما جنت متاذيه شكد ما جان داخلي نار وبس اريد اصرخ خارجي جان العكس
الن:ارتاحيت عود هسه اذيتني عفيه عليك بطل يعني صرت رجال تريد تشوفني ابجي واتاذه لو تموت يا ضبع لو تموت همزين عرفتك واحد نذل على حقيقتك انكشفت

..ماجاوبني رجع فتح جكاره وورثها باوعتله اخذها باايده وخلاها بقبضه ايده وسدها ضليت صافنه هذا شكاعد يسوي جر نفس وكال

ضبع:تاذيتي
..جاوبته بزعل
الن:ضبع كافي الله عليك والله راح اموت راح تخبلني لا تصير انت والدنيا عليه الله يخليك ماعندي غيرك بعد اعتبرتك ملجئ اليه محد عندي بلدنيا بس انت الله يخليك ضبع لا تاذيني
..نزل من السياره ومااهتم ولا لاي حرف حجيته وصعدنه للشقه فتحت ريم الباب وسئلتني
ريم:شبيج الن ليش هيج عيونج
الن:عقدنه اني والضبع

..حطت ايدها على حكلها وشهكت
ريم:اسفه حبيبتي بس والله نصدمت
الن:عادي اني هم مصدومه
..عفتها ورحت للغرفه نمت ماحسيت بلدنيا بعد لحد ما اجت ريم وكعدتني
ريم:ولج الن كعدي شنو ميته راح تصير بلعشره بليل وانتي كلشي مماكله كومي اسويلج اكل
الن:ماريد
ريم:كعدي سولفيلي لا اموتج شكو شبيج ما جنج وحده اليوم عقدها وفرحانه

..كعدت على حيلي وحاجيتها
الن:بشرفج ريم وين الفرحه واني اعقد واهلي مو يمي واقبل بواحد خبل مريض نفسي كلساع وجه لج راح يخبلني مدري شبي شكد مااصير زينه ويا ينكلب عليه مثل الجلب
..رجعت حجيت بصوت عالي اسمعه ومادري اصلا موجود لو لا
الن:بس حتى الجلب وفي تنطي عظمه يضل يحرسك سنه كامله احسن من البشر
..مااحس اله فتح الباب وصاح على ريم تطلع
ضبع:ممكن ريم تطلعين وتخلينه ابحدنه
..هزت راسها وطلعت
الن:شتريد خير ياطير
ضبع: الن لا تنرفزيني اجيت اخذ ملابسي وطالعين لاربيل 
الن:ماعسى تطلع روحك شسويلك والله حلوه هاي

..سد الباب وقفله واجا تقرب عليه
الن:وخر ضبع
..لزم ايدي وباس مكان حرك الجكاره وباوع بعيني
ضبع:اني اسف
..جريت ايدي منه قوي وكلت
الن:اطلع برا بساع ماريد اشوفك

..تقرب عليه وحاوطني باايدي وفجاءه اخذ شفتي وكطع عني النفس احاول ابعده ميوخر دفعته حيل ابتعد من حس بعد مااكدر اتنفس
..رفعت ايدي ضربته راجدي الصدمه الي اعتلت وجهه
عيونه الي تحولن وصارن دم خفت حيل رجعت خطواتي ليورا واني ارفع اصبعي بتهديد
الن: والله يا ضبع لو تقربتلي بعد اطلع بروحك اني مو انسانه بلا كرامه ولا شخصيه ضعيفه تاذيني وترجع تبوس وتحضن واسامحك بهاي السهوله وعلى اي اساس اصلا تتقرب مني

..مشى خطوات بااتجاهي وهو يضحك ضحكته التنرفز الواحد تقرب حيل عليه عيوني
..عيوني ماليها الخوف رفع راسي بااصبعه عرفته ماراح يخليها تمر مرور الكرام عرفت لازم يطلع خبثه وحقارته وانانيته

.. حط ايده على حلكي وايده الثانيه محاوطتني صار ظهري على صدره همس بااذني

ضبع: انسانه ضعيفه مهزوزه منبوذه
.. ضل يردد هاي الكلمات بااذني رددهن بلخمس مرات ماكدر اصيح بس دموعي يتسابقن رجع كال

ضبع:انتي اقوى بشر بس يم الضبع واضعف بشر من تبتعدين عني ماكو ملجئ الج غير حضن الضبع

..طبع بوسه خفيفه على اذني وابتعد
باوعتله وكلت

الن:تعبت منك
ضبع:كتلج لا تحبيني اتضيعين
الن:مااحبك
ضبع:تحبيني

..رفعت عيني وثبتتهن بعينه
الن:اني بلنسبه الك اداه تنتقم بيها وبس
ضبع:انتِ هلاكي
الن:لاتاذيني
ضبع:لاتعوفيني
.. سكتت كام يريد يطلع صحت عليه
الن:ضبع
..اندار عليه مشيت على السريع وطبعا بوسه خفيفه على خده وحجيت
الن:اني اسفه
..ابتسمت ابتسامته الي ايقنت ما يجي وراها خير ابد وكال
ضبع:فدوه الج
..وطلع وطلعت ورا لكيت ريم بلصاله تقرا باجر اول يوم امتحان عدها رحت سويتلي شي اكله شويه واندك الباب كامت ريم فتحته ورجعت سدته راسا عرفته شرار

الن:لاحول الله شلون بينه وي هلمصيبه هاي رجعي فتحي خل الولد يدخل
..ضحكت ورجعت فتحته
دخل شرار وهو يرعد بصوته كلعاده
شرار: عود ليش بس هيه تفتح الباب
الن: اكو دراسه ادكول الانسان الي ينتظر شي دائما يفتح الباب
شرار:اي هاي دراسه من اخراج وتوزيع الن عاصم الجلب
الن:بكيفك لاتريد تصدك خل نسئل تجربتنه ونشوف شدكولين
ريم:صحيح منتظره اهلي
..انقهرت عليها حسيت نفسي جفصت نوبه كلت
الن:لا مو هيج قصدي اقصد انتِ منتظره شرار يجي لذلك تفتحيله الباب
..باوع وكال
شرار:وترجع تسده بوجهي
..حسيت نفسي عميتها بلزايد شفتها ابتسمت ابتسامه خفيفه بريئه وهادئه واخذت ملازمها ودخلت للغرفه باوعت لشرار وحجيت

الن:شرار شعدكم رايحين لاربيل
شرار:تحقيق شنو
الن:يو يعني ميصير نسئل شدعوه عليكم عيني متتحاجون
شرار:وهسه شكتلج واكلتيني اكل
الن:جاوب لعد
شرار: ندور ملاك
الن:صدك حددتو المكان
..هز براسه بمعنى لا
الن:لعد شلون ترحون على عم عينكم
شرار:لا رايحين نشوف جماعتنه المستلمين القضيه
الن: هاا وشوكت ترجعون
..نزل راسه وحجه
شرار: من الكاها
ابتسمت
الن:ان شاء الله تلكاها

..طلع ضبع وعلى جتفه جنطته العسكريه لبس شفقته السوده
الن:ترا ليل المن لابس شفقه
..ماحجه

باوعتله بمكر وكلت
الن:صدك شرار ما باركتلنه
شرار: على شنو
..باوعلي ضبع وخزرني
الن:ناجحه ومعدلي يسمحلي ادخل طب
شرار: اي الف مبروك ذكريني اسويلج حفله من ارجع
..هزيت براسي
ضبع: الباب لا تفتحنه لاحد ولا تطلعن وصيت واحد يجبلكم مسواك للباب
..تقدم وخله فلوس على الميز واجا عليه باوع بعيني وكال
ضبع: ديري بالج على نفسج من ارجع من اربيل لازم نحجي بموضوع واريدج ويايه
..هزيت راسي
الن:وانت هم دير بالك على نفسك زوجي العزيز
ابتسم وكال
ضبع:ادعيلنه نلكه ملاك
الن:ان شاء الله
..تقدم عليه وطبع بوسه خفيفه على راسي وطلعوا رحت نمت وبقت ريم تقرا للصبح

اجت ريم كعدتني
ريم:الن عندج شي البسه واروح للجامعه من اجيت لهنا ماجبت شي وياي سحلني الاخ وجابني

..اشرتلها على الجنطه ضلت تحوس شويه وطلعت رجعت عليه
ريم:الن هذا واحد بلباب يريدج يكول اني اخوها
..انداريت  بخوف لكيته واكف كبالي كال
هاشم:مشتاقين اختي
....................................

.. من اكثر الاحداث الي اثرت عليه بحياتي هذا اليوم هذا اليوم جان النهايه بلنسبه اليه

بلقيس:دخلو يردن يشردن
قمر:الله يخليج ام علي شنو هلحجي شنو نشرد نريد نروح للحفله متشوفين مبدلين ونريد نطلع

..نزلت من الدرج وهيه ادكول
بلقيس: قمر صارلج تشتغلن عندي اربع سنوات معقوله ماعرفتيني

..باعتلها بخوف
قمر: شنو السالفه عيني حجيه صدك تحجين نريد نروح للحفله ماله داعي هذا الحجي

..بهاي الاثناء دخلو ثنين ولد وواحد منههم نفس الي ضربني خفت صرت بظهر ملاك واني لازمه باايدها خايفه حيل

بلقيس: ادبوهن شويه

..تقربت على واحد من الولد وهمست بااذنه ماادري شنو وطلعت اتقربو علينه وضلينه نصيح ونركص نريدلنه مكان نشرد بي ماكو المكان مغلق اجسامهم ضخمه حيل وحوش لزمني احد من شعري وضربني بلكاع اذني طلعت دم شعري تهلس باايده نزع حزامه وضل يضرب بااي مكان بجسمي راسي رجلي ضهري بطني ايدي اصابعي بكل مكان وقمر ماجنت احسن حال من عندي لحد ما صاحت بصوت واجت عيني عليها جان غارس السجينه ابطنها والدم مله المكان شالوها وطلعوا مااعرف اذا ماتت لو بعدها عايشه

قفلوا الباب وطلعوا عافوني بلكاع ماكدر احرك جسمي احس نفسي ماعندي طاقه ابد بقيت بنفس مكاني حتى بجي مااكدر ابجي رفعت راسي للسكف وثبتت نظري وبس دموعي تنزل جسمي امدد بلكاع

ملاك:الهي كاعد تشوف
..تشوف عبادك شكد موذين
..تشوف الظلم وين وصل بيهم
..الهي كاعد تشوف شكاعد يصير بيه
..ربي هم يجي يوم وتفرج عليه

..غمضت عيني ونزلت دمعه بطرفها وكلت
..ياعلي ادركنا

هَلي وعيُونكم ضايع
هَلي إنسدت بوجهي الدنيا والبيبان
ويذبني العمر من شارع لشارع...

ماعرف شكد مر الوقت بس حسيت على رجل ترفس ابطني فتحت عيوني لكيت بلقيس تضرب برجلها

-كومي بساع حضري روحج انتي ماتجين بس بلعين الحمره كومي ذابه عليج فلوس كومه خل نشوف شتطلعين

..كمت لميت نفسي وحجيت بصوت خفيف خايفه حيل حيل خايفه
ملاك:ماريد

..دنكت صارت بمستواي وكالت
بلقيس: شوفي عندج طريقين تبقين هنا واتهزين لو نشمرج على الحجي وكل يوميه بحضن واحد اختاري

..فتحت عيني قوي وحجيت بتوسل
ملاك:الله عليج ثنينهن ماريدهن
..دفرتني برجلها وكالت

بلقيس:شويه ويجن البنات يعدلن جهرتج المزوركه

..طلعت وعافتني بقيت على نفس وضعيتي احس حياتي انتهت ودخلت بعالمهم المقرف وين جنت ووين صرت!! معقوله احس عقلي فارغ ما استوعب الي يصير بعد شويه ودخلن البنات وبيدهن فساتين انطني واحد وكالن كومي لبسي
ملاك:ماكو شي استر
-يمعوده شتسوين بلستر بعد دكومي كومي

..اخذت الفستان من عدها جان لونه سمائي بااكتاف عاريه بي فتحه على طول الرجل قماشه ستن حرير وبي فتحه من الصدر اخذته لبسته وطلعت
-يجننن كاعد على جسمج بشكل شو بله بس يمكن بي عرض شويه
..صاحت على وحدها من البنات وسئلتها اذا اكو بي اصغر وجابتلها واحد نفس بس لونه احمر

باوعتلها وعيوني تتوسل بيها
-الله يخليج
-حبابه لا تسويلنه مشاكل امشي هناك عرضي بروحج واسكتي كلنه على هلحال
ملاك:الله عليج والله مااكدر

..اتقربت يمي وكالت
-اول واحد يوكع باايدج حاجي يساعدج بس ديري بالج يحسون عليج
ملاك: شلون يكدر يطلعني
-معليج انتي بس حاجي وهو راح يطلعج ويا بشقه لبيت بعد انتي وحظج ومناك اشردي

ملاك: وليش يعني اله اروح لشقه لو بيت

..تقربت يمي وهست
-ماكو احد يساعد بدون مقابل

..حصرتني اللدمعه عرفت شنو قصدها محد يساعد لـ الله جرتني من ايدي وخلتلي مكياج
-يله كومي لبسي علمود نطلع
..اخذت الفستان ولبسته كعدت واني اخذ اخر انفاسي شويه وكالن اجت السياره وطلعنه جانن لازماتني من ايدي من جهتين وصعدني بلسياره انطلقت بينا متوجه لاقذر مكان على وجه الكره الارضيه حجيت بهمس بس اليمي سمعت كلت

ملاك:ياترا رب العالمين راح يسامحنه
جاوبتني
-يسامحنه
ملاك:شلون يسامحنه واحنه كاعد نعصي ندخل اماكن اللهو والفسوق الي حذرنه منها شلون يسامحنه بعد
-مجبورين العيشه صعبه
..باوعتلها يا عيشه تجبر انسان يذل نفسه ! ياعيشه تجير انسان يعرض نفسه ياعيشه تجبر انسان يغتصب ويقتل !!

..سكتت وصلنه ونزلت ماردت رجلي تخطو هيج اماكن توقفت والدمعه بعيني لزمني حيل ودخلنه من الباب الخلفي على حسب ما يكولون دخلنه بغرفه كاتلهه الوصخ والفساتين والمكياج اجا واحد وكف فوك راسنه -يله استعلجن كح..

..ضلن يطوخن المكياج واني دموعي ضلت تنزل اجت عليه ام علي
-شوفي ولج هاي المكح..مو عليه دموعج تبطليها هسه راح تنزلين وتهزين عدل ولو سويتي حركه خطا هنا احركج وادزج يم الحجي وانتي تعرفين شيسوي ما يحتاج اشرح

..هزيت راسي بخوف لحد مابدن وحده وحده تطلع جانو مسوين مجموعات تخلص مجموعه تدخل مجموعه ثانيه لحد ما صاحت علينه بلقيس وكالت باالاسماء دخلنه وبدن البنات يركصن واني واكفه كلساع وحده بيهن تخزر بيه عيوني انترست دمع واني اشوف نظراتهم المقززه نظرات مليانه شهوه على لحوم رخيصه!!

انداريت ردت ارجع واجتني وحده
-تشافي الشر دقايق ترا وترحين بيها ابقي هنا هزي بجسمج وابتسمي شويه شويه تتعلمين

بديت اهز بجسمي ودموعي ينزلن ..هاي تاليتج ملاك من استاذه جامعيه للملهى ؟!

..اتقربت مني نفس البنيه وكالت

..مالكيتي الفريسه
ملاك:فريسه شنو
..هاي شبيج نسيتي شحجيت
ملاك:حبابه الله عليج ساعديني
..يبو رجعنه لنفس الموضوع
ملاك:الله عليج والله راح اموت ماكدر اتحمل
..باوعتلي واشرت على واحد
..روحي لهذا وكليله يساعدج
ملاك:وصدك راح يساعدني ؟
-جربي حظج
..تقدمت عليه بس ماادري تقدمت برجلي للموت يمكن لو متقدمه للموت جان اهون...ياريتني ما خطيت هاي الخطوه...
......................

..اليوم اول امتحان اليه ماعندي شي البسه رحت كعدت الن واني خجلانه اشرتلي على الكنتور اخذت من عدها قميص ابيض وكيلوت لون اسود لبستهم وضفرت شعري اخذت ملازمي اراجع بيهن بلصاله اندك الجرس

ريم: عجيب منو يجينه هيج وقت
..رحت فتحت الباب طلع بوجهي ولد يجي عمره بلعشرينات

ريم:تفضل منو رايد
..الن
ريم: شتريد منها
..كليلها اخوج يريدج

..انصدمت ريم عدها اخو لعد ليش ما عايشه يمه وعايشه يم ضبع الي هوه ابن خالها الي اعرفه ابوها مسجون وامها توفت دخلت للغرفه كعدتها

ريم:الن هذا واحد بلباب يريدج ويكول اني اخوها
الن:منو
ريم:يكول اخوج
..انداريت لكيته واكف بلباب دخل على الن وجرها من شعرها وهيه ضلت تصيح ضربها بوكسي على وجها خلا دم خشمها يطافر

هاشم:ولج كح.. عايفه اخوج وكاعده وي واحد غريب شتسوين ويا تك.. اله اذبحج وغسل عارج يا جلبه

..جرها من شعرها تحت صرخاتها المتألمه وبجيها حاوت ابعده ضربني على راسي حسيت بكصتي انشكت وطلع دم وكعت بلكاع ماكدر اكوم شفته اخذها سحل من شعرها وهيه تبجي اخر شي صاحت بصوت

الن:ريم خاابري الضبع

..كمت اريد اوازن نفسي مااكدر الدم ضل ينزل بغزاره ضربني بشي كزاز على راسي الصاله نكلبت الناس الي بلشقق طلعت تباوع على منظرنه بس محد تدخل

رحت اخذت ورقه كتبها شرار اليه جان بيها رقمه يمكن جان حاسه گلبه راح يصير شي ركضت اخذتها نوبه ماعندي مبايل رحت على وحده من الشقق طلعتلي بنيه

ريم:عفيه تكدرين تخابريلي على هذا الرقم ماعندي ميايل ومحتاجه ضروري

..خطيه عاد هيه من شافت وضعي خافت وشافت الدم براسي وكصتي دخلتني جوه وانطتني مي جابتلي مبايلها واتصلت على الرقم وارجف شويه وجاوبني شرار

ريم:شرار وين انت الحكلنه
شرار:شكو شصاير
ريم:اجا واحد يكول اني اخو ريم واخذها وطلع ويريد يذبحها

..اسمع صوت الضبع يصيح واخذ المبايل ويحجي بصوت عالي كانما يرعد علينه
ضبع:ريم صارله شكد من اخذها
ريم:اكثر من عشر دقايق
ضبع:لاتتحركين ابقي بنفس مكانج راح ابلغ الحمايه واني بلطريق راجع
ريم:عفيه ضبع الحك راح يكتلها
.. سد الاتصال وبقيت كاعده بيت البنيه وابجي وخطيه هيه احتارت بيه ماتعرف شتسويلي شويه واندك الباب كامت فتحته ورجعتلي

..يمكن عليج واحد بلباب يريدج

طلعت اشوف منو لكيت واحد لابس زي عسكري وواكف بلباب بس شافني كال

-ريم
..هزيت براسي بمعنى اي
-اني من طرف ضبع خابرني اجي عليج خو ما بيج شي
ريم: مابيه شي بس راسي كاعد ياذيني حيل احس نفسي دايخه
..كلت هاي كلماتي وحسيت الدنيا افترت بيه وكعت واني مادري

..كعدت مادري شكد مر وقت حسيت على راسي لافينه اليه شويه وانفتح الباب دخل نفس الولد انتبهتله شكله حيل حلو جان ولابس زي عسكري و٣ نجمات مزينات اكتافه حجه وكال
-خوفتينه عليج ست ريم
ريم: عفيه بيش الساعه
-ب١ الظهر
..باوعتله وداخلي نار
ريم: راح امتحاني
-شنو تداومين
ريم:صيدله
-لا تهتمين هسه اشوفهم الج وااجلج الامتحان
ريم:ميأجلون صعبين حيل
-لا تخافين
ريم:شكرا الك بس عفيه مالكيتو الن
-نعرف مكانها بس ضبع ميقبل نتحرك لحد ما يجي
ريم:خاف يكتلها
-ميسويها واحد جبان وهستوه طالع من السجن بكفاله

..سكتت مااعرف شحاجي رفع عينه عليه وكال
-من وين
ريم:شنو؟
- مبين
ابتسمت
ريم:من لهجتي اكيد
-لا
ريم:لعد
-من شكلج
.....................

..ليش ماحجيت الصدك
ضبع:المن
شرار: ليش كلت رايحين لاربيل
ضبع:مااريد احد يعرف
شرار: شراح نسوي
ضبع: نخطف روان ونورهان
شرار:والله من ورا هاي سوالفك حتى الرتب راح يشيلوهن مني شنو انت الله ذابك غضب عليه

ضبع: جبان لا تصير
شرار: لك بابا خوفيش اني خايف عليك خلصت عمرك بلخطر واخر شي تنحبس ويسحبون منك الرتب على سوالف مو قانونيه
ضبع:ماكو شي يمشي بلقانون
شرار: وشكو رحت كليه عسكريه لو صاير مجرم احسن من هاي السوالف
ضبع:رحت علمود اشيل الشكوك عني
شرار:كو..

..باوعلي وخزرني
شرار: شوكت نخطفها
ضبع: مو هسه
شرار: اي عفيه ذبها براسي

.. شويه واتصل ضبع على اختها ووصاها تجيب روان واتفقت ويا بمكان يشوفها حجزنه مكان بمطعم نتريك بي
شويه ودخلن سلمت عليه وعلى ضبع الي باسته بخده وهيه ادكله
نورهان: مشتاقتلك حبيبي
ضبع: هلاو نورهان

.. كعدت روان ونورهان كدامنه وضلن يسولفن والضبع كذالك نضرات نورهان لضبع لو تحاول تتلمس باايده بس هوه يبعدها احسه كاعد على اعصابه بديت احجي وي رون وضلينه نسولف شويه وكال خل نطلع رحنه بلسياره وكف ضبع السياره وهو يكول

..ثواني اجيبلكم عصير واجي
ابتسمت عرفت الدكه
شويه ورجع جايب عصير شربن هنه واحنه حركنه السياره ضلينه هواي نفتر وهنه بس يسولفن
باوعتله وحجيت بهمس

شرار: اويلي النسوان امكانيه مو طبيعيه

..انداريت اباوع عليهن لكيتهن غافيات وهذا المطلوب اخذناهن متجهين لمزعه ضبع

شويه ودك مبايلي رقم غريب طلعت ريم هاشم ماخذ الن ويريد يكتلها ضبع تخبل نزل ضل دربه ميشوفه بعد حسيت راح ننكلب من كد السرعه نزلني بلمزرعه وترك وياي حرس ثنين قيدنا ايديهن ورجليهن وضبع رجع لبغداد ماتوقعته يوصل سالم بهاي السرعه كل شوي واتصل عليه وميجاوبني ..

..كعدت انتظرهن يكعدن ماكو جبت سطله مي وذبيتها عليهن
شرار: صح النوم يحلو
نورهان: عزا يا جلب شنو هاي وين احنه افتح ايدي شتريد من عندي
روان: اكيد هاي سوالف ضبع الحيوان

..تقربت عليهن وحجيت
شرار:تخطفون واحد من عدنه نخطف اثنين
العين بلعين والسن بلسن

نورهان: ياكلب افتح ايدي
.. لزمتها من شعرها وضغطت على فجها

شرار:احجي ملاك وين
نورهان:ماااعرف

.. خوش لعد اتجهت للمطبخ حميت سجينه واجيت يمه
شرار:الجنس الناعم ميكعد راحه لازم يتادب
روان : لاحباب الله عليك
نورهان :مادري والله مادري بس لا تتقرب

تقربت على روان وحجيت
شرار: وانتي متسولفينه شتعرفين متعرفين
..بارعتلي بخوف وكالت
روان:اعرف اعرف كلشي اعرف
شرار: احجي
روان: نور مره رضوان خطفتها

.. قربت السجينه على ايدها وصلخت ايدها عاطت
شرار: بدون جذب
روان:والله مااجذب عليك والله
شرار: احجي كلمه وحده جذب هاي اصابعج الحلوه التعبانه عليها مبينه وحاطتلهت مدري شنو من الوان هسه تودع الملاعب اختاري

روان: نور خطفت ملاك بمساعده من اسد وباعوها لتاجر اعضاء بشريه

.. رجعت حميت السجينه ورجعتلها
شرار: كافي دوختني لا تصيحن

..تقربت على نورهان حيل وكلتلها
شرار:شو بله طلعي لسانج

..هزت راسها بمعنى لا وحجت بخوف
نورهان: الله عليك لا والله احجي كلشي احجي

نورهان: اني ماادري بس را احجيلك الي سمعته

......

براء: والله وكفو منج يلذيبه خليتي ضبع يفر براسه ويرجع ليورا
رحمه: لا تستهينون بضبع ابد
اسد : ضبع يعرف ويدري بيها عدنه اني خايف من خطوته الجايه
براء: لا تخاف من ضبع يمي
رحمه: ملاك لازم تموت
اسد: لازم نطلع ااقل الخسائر ويبقى الورث بس النه
براء: ولو انتو ما تتامنون
رحمه: على اساس انتي الي تتامنين وانتي خاطفه بت اختج وبعتيها للملاهي
براء: اسماء تستاهل جان ما لازم تلعب ابحدها وتدري بضبع يلكفها ولكفها وحده غبيه
اسد : خابرني نصرت اليوم كال بدت تشتغل الحلوه وعليها طلب قوي يكول بس انطيني خبر وادخل كم واحد عليها

براء: مو هسه اوكفي خل نخلص سالفتنه من ضبع ونبدي بيها
رحمه: ليش شيريد يسوي
براء:يريد يزوج الن بت رضوان ضبع واحد نغ.. يدري بيها بت رضوان ويريد يزوجها ويصير الورث بااسمه وبس

رحمه: وشلون ندز عليها واحد يكتلها خطفناها ولا فادت وياها وين نوديها بعد خل نكتلها ونخلص من سالفه الوصيه

اسد: هاشم اخوها
براء:شبي
اسد: نرجعها لهاشم اخوها وننطي كم فلس ويكتلها ونطلع من عدها
رحمه:اتوقع بلسجن
اسد: مكالمه وحده اطلعه كفاله
براء:لازم نبدي نتحرك قبل لا نور تحس ونور مو هينه ابد وضبع بده يشتغل من جوه لجوه
اسد:عوفيها يمي باجر
........................

..ملاكي

..كال كلماته هاي ويجي صوت ناعم طفولي يتعثر بلكلمات والاحرف

- بابا شوكت تجي شتاقيتلك
اشتر:حبيبتي كم يوم وراجع صيري حبابه مو تاخذين عمه وسمعي كلامها
-امم
اشتر: شلونه جدو وبيبي
-زينين ينتظروك تجي
اشتر:مابقى شي يروحي انطيني عمه احجي وياها

-ها اشتر
اشتر:شلونج
-زينه حبيبي شوكت ترجع والله مشتاقيلك
اشتر:مابقى شي ان شاء الله
-هلمره هواي طولت
اشتر:المهمه صعبه ويحتاجلها وقت ومابقى بس القليل
-يله ارجع ملاك منتظرتك وخابصتني كل يوميه
اشتر: عاشت ايدج تعبتج حبيبتي
-لانشيل هم يمي
اشتر:كم مره تسبحيها بليوم
- مرات اسبحها مرتين ومرات ٣ مرات
اشتر: اني شوصيتج
-اشتر شبيك ترا طفله اتعقدت من المي
اشتر: مو كتلج كل ساعتين تبدليلها وتسبحيها
-مخلف سمجه مو صدك تحجي شجاك
اشتر: سوي مثل ما كتلج ولا تناقشين
-يله اوكي راح اروح امي تصيحني
اشتر:تمام سلميلي عليها وياج
-تسئل عليك ليش ما تخابرها
اشتر:ماريد احجي وياها تخاف بلزايد خليها هيج احسن
-تمام يله بيباي

.. سد الاتصال ورفع راسه للسما وكال
اشتر: ليش عفتينه

..شويه وصاحو الولد يدخل بس رفض رفض قاطع ونضف السياره وعقمها ونام بيها متقزز

.. كاعد بعيد عنها عينه وياها تترقب حركاتها خوفها رجفت ايدها وجسمها دموعها الماوكفت نظرات الحيره الي بانت عليها طلع جكاره وورثها وهو يمعن النظر بجسمها كانما قطعه من الجنه لو شعرها الي كلساع وخلته ورا اذنها من الخوف والارتباك ملامحها الهادئه غمازتها الي مطيتها جماليه خاصه ثبت عينه عليها وهيه تتقرب بخطوات على واحد ونزلت يم رجليه تبوس ايده ودموعها ما نشفت.....

_______________________

لهنا ونختم البارت 💕💕💕
كتبولي رايكم بلبارت اليوم راح اقرا تعليقاتكم كلهااا احبشننن بنااااات♥️🥺🥺😘

نجي لفقرتنه المعتاده؛
-هاشم شراح يسوي وي الن؟
-شنو خطه ضبع؟
-تتوقعون نور راح تعرف بيهم؟
-تتوقعون لقاء اشتر وملاك قرب؟🥺