الفصل الثالث

رواية سموم العشق الجزء الثالث 3 بقلم صباح عبدالله سموم العشقرواية سموم العشق الحلقة الثالثة في الشارع.. واقف مراد مستني حازم… حازم ييجي جري وهو بيقول: حازم بقلق الحقني يا مراد، البنك بعتلي إنذار، لو ما سددتش اللي عليا هيحجزوا على البيت والشركة. مراد طيب وانت ناوي تعمل إيه دلوقتي؟ حازم مش عارف، أنا جايبك علشان تشوفلي حل. مراد يسكت شوية وبعدين يقول. مراد ما الحل قدامك، انت مش راضي. حازم بحيرة

لا يا مراد، مهما كان ملك مالهاش ذنب في حاجة، هظلمها معايا، ومش هقدر أتقبلها بصراحة. فكرت في أكتر من اتجاه، لاقيت نفسي مش قابلها خالص، مش هقدر أظلمها معايا. مراد بحنق طيب وانت هتعمل إيه دلوقتي يا فالح؟ هتفضل قاعد كده لحد ما يحجزوا على البيت والشركة وتقعد بأمك وخواتك في الشارع؟ حازم يفكر شوية وبعدين يقول وهو باصص ناحية عربيته. حازم إيه رأيك لو أبيع العربية؟ مراد باستغراب ولما تبيع العربية هتنزل شغلك إزاي؟

وحتى لو بعتها دي مش هتجيب أكتر من 200 ألف جنيه، هتجيب الباقي منين؟ حازم ينفخ بزهق وهو بيقول بحيرة. حازم مش عارف يا مراد، مش عارف أعمل إيه بجد؟ بس اكيد مش هعمل اللي بتقولي عليه ده مهما حصل انا مش حمل ظلم بنت بريئة مالهاش ذنب في حاجه. –تاني يوم في قاعة المحاضرات.. حازم واقف بيشرح للطلاب.. ملك تدخل جري، وفجأة تقع، الكل يبص لها بصدمة، وبعدين يضحكوا. حازم يجري عليها يساعدها تقوم وهو بيقول: حازم انتي كويسة يا آنسة؟

ملك تقوم ودموعها نازلة وبتقول بكسوف. ملك أنا آسفة أوي على التأخير يا دكتور. حازم يناولها منديل. حازم عادي، حصل خير، اتفضلي اقعدي. ملك تبتسم بخجل وتمشي بكسوف، وحازم يفضل باصص لها. ملك تقعد، تلاحظ نظرات حازم، تتكسف. ملك يا لهوي، هو بيبص ليه؟ قلبي هيقف. منه تبص لملك وهي بتقول بسخرية. منه مش تدخلي على مهلك بدل ما كنتي هدهتي القاعة على دماغنا يا ملوكة. الكل يضحك، وملك تقول بغيظ. ملك كنا هنصلبها بمسمار زيك، ما تخافيش.

الكل يضحك، منه بغضب. منه مسمار ما يدخل في نفوخك يا فيل. ملك لو مش لمتي نفسك الفيل هيفعصك تحته يا معصعصة. حازم يحاول ما يضحكش ويقول بصوت عالي. حازم سكووووت، يلا يا شباب نشوف كنا بنقول إيه. (يبص لملك) وانتي يا آنسة ملك ابقي عدي على مكتبي خدي المحاضرة علشان تذاكري اللي فاتك منه. ملك بصدمة حضرتك بتكلمني أنا؟ الكل يضحك عليها، وحازم يقول بحنق. حازم لا بكلم أمي، هو في غيرك هنا اسمه ملك وأنا ما أعرفش؟ ملك تبص له بكسوف وتسكت.

—ملك ماشية في الرواق الجامعة… يقابلها أحمد شاب جميل أبيض، عيونه زرقا، شعره بني، قاعد على كرسي متحرك، المكان ضيق. ملك تقف وهي بتقول. ملك استغفر الله العظيم وأتوب إليه، هعدي أنا إزاي دلوقتي؟ أحمد يقرب من ملك وهو بيقول. أحمد السلام عليكم، من بعد إذنك، ما تعرفيش واحدة اسمها منه هنا؟ ملك بحنق وحتى لو أعرفها، مالهاش دعوة بوحده زيها. أحمد باستغراب شكلها مزهقاكي في عيشتك.. ملك وأنا مش لاقية غير المعصعصة دي وتزهقني في عيشتي.

أحمد يبص لجسمها وهو بيقول. أحمد ما هي فعلًا جنبك معصعصة.. على العموم هي فين؟ ملك بغيظ ما أعرفش، ثم انت هتصاحبني ولا إيه؟ اركن في جنب كده خلينا نعدي. أحمد يبص لها وللمكان وبعدين يقول. أحمد هي المشكلة التفاهة دي طلعتي منين؟ ملك بغيظ من تحت الأرض يا ظريف، خلاص صرف نفسك مش فاضية. أحمد بت انتي ما تلمي نفسك ولسانك اللي متبري منك ده. ملك بغرور ما انت جاي تدور على منه هانم، أكيد مش هييجي من وراها حاجة عدلة… أحمد بزهق

طيب أنا آسف إني سألتك وازعجتك، ممكن تعديني؟ ملك انت بتفهم من الشمال ولا من اليمين؟ ما أنا بقالي ساعة بقولك عاوزة أعدني يا حمار. أحمد بغيظ الحمار ده اللي جابك ونسي يربيكي. غوري من وشي يا دي القرف فيكي وفي منظرك ده. أنا محترم نفسي علشان انتي بنت، بس انتي مش عاوزه تمحترمي نفسك… ملك دموعها تنزل… أحمد يسكت، يبص لها بحنق وبعدين يقول. أحمد أنا آسف، بس انتي اللي عصبتيني، عيب تتكلمي بالشكل ده، بالأخص مع شاب غريب… ملك بهدوء

ممكن تتصرف؟ عاوزة أعدي.. أحمد طيب أنا هرجع مكان ما جيت على ما تعدي، وأنا بعتذر مرة تانية.. أحمد يرجع بظهره، وملك تمشي بكسوف… أحمد يبص لها بندم وحزن علي الكلام اللي قاله. —في مكتب حازم حازم قاعد على كرسي المكتب، قدامه ملفات الطلاب بيصححها.. تدخل ملك وهي بتقول بكسوف. ملك السلام عليكم ورحمة الله وبركاته، حضرتك طلبت أعدي عليك علشان أخد المحاضرة. حازم يبص لها ويناولها ملف. حازم

وعليكم السلام ورحمة الله وبركاته، أيوه اتفضلي أهي، وياريت ما تجيش متأخر تاني. ملك بكسوف هو أنا ماكنش بمزاجي يعني، أنا نازلة من الساعة ستة، الطريق كان زحمة، ومن غصب عني عمو محمد اتعطل شوية. حازم باستغراب وهو مين عمك محمد ده؟ مش فاهم. ملك بابتسامة ده السواق بتاعي.. حازم بزهق آها.. طيب ماشي.. ملك بكسوف طيب أنا همشي بقى بعد إذنك. ملك تتحرك علشان تطلع.. حازم يبص ناحيتها بتردد شوية وبعدين يقوم بسرعة وهو بيقول. حازم

آنسة ملك، ثواني من بعد إذنك.. ملك تبص له باستغراب. ملك خير يا دكتور؟ حضرتك محتاج حاجة؟ حازم يبلع ريقه بتوتر وبعدين يقول. حازم هو احنا ممكن نطلع نشرب فنجان قهوة مع بعض بعد الجامعة؟ ملك تشاور على نفسها بصدمة. ملك نعم حضرتك عايز تطلع تشرب قهوة معايا أنا؟ حازم باستغراب ومالك بتقوليها كأنك كأن من كوكب تاني كده؟ أيوه يا ستي، عايز أطلع معاكي، موافقة ولا إيه؟ ملك بكسوف هو حضرتك متأكد عايز تطلع معايا أنا؟ حازم بزهق

شكلك مش موافقة، انسي اللي قولته واتفضلي على محاضرتك. ملك هو انت مالك بقمصة ليه كده؟ ما تصبر وطوّل بالك علينا شوية، أنا مش مستوعبة الصدمة أصلًا، شكلك شارب حاجة النهارده؟ وعلشان كده مش واخد بالك بتقول إيه صح؟ حازم بت انتي بتخرفي؟ بتقولي إيه؟ وهشرب إيه؟ مش فاهم. ملك طيب ما انت مش شارب حاجة اهو. مالك النهارده كده؟ مش على بعضك؟ حضرتك كويس يعني وكل حاجة الحمد لله؟ حازم بيأس

ملك، روحي محاضرتك، وأنا اللي آسف إني طلبت منك طلب زي ده. حازم يسيبها ويطلع وهو بيقول بتفكير. حازم الحمد لله إنها جات منها، أنا أصلًا كنت متردد ومكسوف، ومش متخيل كنت همشي مع دي إزاي قدام الناس، أكيد كنت هكون مهزقة للريح واللي جاي. ملك تفضل واقفة، باين عليها الحزن والندم، وهي بتكلم نفسها. ملك أنا مني لله، غبية أوي، ضيعت فرصة الله أعلم ممكن تتكرر تاني إمتى. (بعدين تقول باستغراب وشك) بس هو كان عازمني على قهوة ليه؟

معقولة مشاعره اتحركت ناحيتي وحاس بيا… (تبرق بصدمة) معقولة يكون معجب بيا؟