رواية صرخة قلب الفصل الاول 1 - بقلم سحر الغرام

الكاتبة
سحر الغرام
********ب1

هذا اول بارت اتمنه تنطوني حافز
حتى اكمل صوتولي كون التصويت
يعلك بهذا البارت لان صراحه القصه
تخبل وحزينه
*************************

قدر مكتوب حبك من تقسمة
الواحد ماله ناتج من تقسمة
لون بسيوف كلبي من تقسمه
تشوف محبتك شمسويه بيه

**************************

جنه معزومين بيت عمي ابو علي
وكلها ملتمه يعني الزلم بمكان والنسوان الاكبار بمكان
والبنات الزغار على گولت عمتي امل مراهقات بمكان

المراهقات كلنه بعمر13 وعمر 15 وعمر 16

ودائما البنات بهيج عمر يكون اغلب كلامهن بفارس احلامهن وشنو مواصفاته

وصل السؤال اليه
اي هيام وانتي منو تتمنين يكون فارس احلامج
حجيت بكل ثقه واني حاطه راسي على التخم وعيوني بالفراغ الفوك راسي  ضرغااام
كلهن نطن بصوت واحد شنووووو
اشبيجن كبيتن بوجهي ما كلت شي يخوف حتى تخترعن

ولج بس لا ضرغام ابن عمي ابو علي

اي 😍ليش اكو غيره هذا الكبد مالي( بصوت بي نوع من المياعه )

حجت نور بت عمي عباس عمرها 16وعمي دكتور عيون
جبح والله جبح انتي مخبله وما تردين عمرج اكو وحده تحب عزرائيل ولج هذا الموت بذاته يمه اني من اشوفه افلت حتى ما اباوع بوجها يخوف

كبيت عليها

اشبيج تره ما اسمحلج تتجاوزين على ضرغام
وليش من تشوفينه تخافين اشو كلشي بي يخبل

هيبته تسطر وعيونه مثل اعيون الصگر
واللحيه تجنن والشعر ماله وصف وكلمته وحده
رجال حووك وكلامه ما يتثنه

بعد شنو تردين هو هذا الشخص المفروض كل بت تفكر بي بس اكيد ماكو اثنين منه لان هو واحد والي اني بس
هممممم وحطيت ايدي على خشمي ورفعت وجهي وهزيته
(حركه سوتها )

وايدت كلامي شهد بت اخت ضرغام
هي صديقتي المفضله

صحيح كلام هيام خالي ضرغام ماكو منه وحباب وگلبه طيب مو تحكمين عليه من شكله يا ست نور مهما يكون هو ابن عمج والمفروض ما تنطين بيه گدام احد صيري مثل هيام تدافع عنه

كمت وحجيت ما يحتاج تدافع عنه اني اكفي واوفي يا ويلها التحجي على  ضرغامي اكون الها بالمرصاد

خلوني اعرفكم على هيام 👇

(اني هيام بت الشيخ جاسر عمري 15هذا شكلي 👇👇👇👇👇👇👇👇👇👇👇👇👇👇👇

اني اعشق ضرغام ابن عمي ابو علي صح عمي  هو الجبير اكبر من ابوي بس هو ما يحب الشيخه وقضاياها ف جدي انطه الشيخه لبوي وضرغام يكون ايد ابوي اليمين يعتمد عليه بكلشي

وراح تكولون ليش اخوانج وين
اخواني يشبهون عمي ابو علي ما يحبون امور الشيخه كلمن بدوامه

ف ما احب احد يحجي على ضرغام اتخبل وما اسكت ويطلع الساني اشطوله واخليه يتوب ما يعيدها مره ثانيه

******&*******&*******&******&*****

ضرغام …جنت راجع من الدوام من وكت لان عدنه عزيمه ابوي الله يحفضه كل جمعه يعزم الاهل اخواتي وعمامي وولد عمي وبنات عمي واني اريد ادخل استوقفني كلام بنات عمامي الزغار هههههه هنه كلهن ناعمات بس عمرهن جبير يعني 14و13و15

سمعت نور بت عمي عباس تحجي عليه ههههه يمكن مرتعبه مني وشايفتني وحش والله ما اذكر حتى شكلها ولا حاجي وياها بس ليش خايفه مني وتشبهني بالمجرمين

بس الفرحني رد هيام ودفاعها عني جانت تحجي
ومحتركه روحه ودافع عني وسكتت البنات كلهن بصراحه مو اهوااي شايفها مره لو مرتين ما اذكر حتى ملامحها يمكن بسبب شغلي ما اتواجد بالبيت ولا اهووواي مختلط بأهلي وناسي

وحتى عمي جاسر هو شيخ ومعتمد عليه مرات بأمور الشيخه ما يثق بأحد بس بيه وحتى اولاده مو مهتمين بالشيخه اهوااي يعني اخلص دوامي وارجع ساعه ارتاح وارجع اروح ويه عمي جاسر ونحل قظايه العشاير

واني عدي خبره بأمور الشيخه اتعلمت من عمي جاسر وصارت الي كلمه على الكل ومن يتعب عمي يدزني اني احل القضايه عنه

واني افكر معقوله هي تحبني بس هي زغيره عليه ما اعتقد تتحمل طبعي لان اني طبعي صعب وكلشي عندي بنضام. مثلا ما احب احد يشرب بكوبي مالت الجاي او احد ياكل بماعون  الاكل مالتي واذا احد اجه واخذ من ماعوني  واني اكل تلعب روحي واكره حتى الماعون الاكلت بي

وحتى الجاي مالتي يختلف عنهم ما اشرب الجاي هيج حاف لا لازم يحطون عليه حليب واشوية گهوه
كلها مستغربه اشلون اشربه بس والله هو كلش طيب لو مجربين وشاربين منه ما يعوفونه ابد

بس ما بيها شي اذا صارت ملكي احسن ازغيره اربيه على ايدي  وعلى طبعي وهي معجبه بيه

انتبهت على روحي اني لسه واكف يم الباب وما دخلت ولسه هيام  السانها تكول رشاش وتخرط بيهن عمي اتورطن حجن وياها بس هذي الملسونه اشلون اذا صارت من نصيبي يمكن تجلطني من وره السانها

فتحت الباب ودخلت وهنه كلهن گامن تكولك شافن مجرم  كدامهن  والخوف امبين بعيونهن

بس هيام اااخ اعيونه مو اعيون تكولك بحر مايه صافي ومحتله الون الازرق

هذي اول مره انتبه على هيام خصرها تكولك عود ريحان والشعر طالع من شالها مثل اخيوط الذهب
وبياضها متناقض ويه لون الشال جان شالها لونه ماروني غامق  والشفايف قصه ثانيه لحالهن

اخدودها يجننن مال عض صايرات حمر هههه يمكن لان امعصبه

انتبهت لنور تريد تفلت بس اني ما خليتها

وييين نورررر(بحده)
ه ه هاا اني امي ص ص صاحتلي ت ت تريدني

لااااا محد صاحلج اشبيج بس تردين اتشردين تكولك شايفه عزرائيل ونطيتها بسمار  بمعنه اني سمعت كلامج

نداريت لهيام. لكيتها اعيونها مسبلتهن عليه والشفايف مفتوحات فهت بس تباوعلي
هيااام.

هااااا بصوت هاامس
اريد اتصبيلي جاي وجيبي اليه
صار من اعيوني (بهمس. )
تسلم اعيونج تره اعيونج غاليات
هي سمعت هل كلمه وشكت الحلك ببتسامتها

هيام …من كالي هل كلمتين عبالك سمعني شعر غزل
تهت رحت وما اعرف شعوري بساعتها شنو جان مشاعر مظطربه

رحت واني سرحانه للمطبخ وحضرت الجاي طبعن اعرف كلشي عن ضرغام درست طبعه دراسه من عمتي امل الجاي يشربه مو مثلنه جاي والحك ربعك لااا لازم نحط حليب واشوية گهوه. بس اني جربته وطلع طعمه يجنن
********************************
(خلوني اعرفكم على عمتي امل )

هي ازغر من ابوي واخوانها يعني بزر الكعده همه جانت عدهم عاده بنات العم لولد العم وكله اتزوجت بقت بس عمتي امل

وخالي ثائر  راد يكمل دراسته بالخارج وعد عمتي من يكمل دراسه ويكون مستقبله يجي ويتقدملها طبعن بعد قصة حب دامت اربع اسنين وكلها تعرف بحبهم

بس الصدمه جانت لعمتي من اجاها خبر زواج خالي من وحده صديقته اهناك بالخارج وهم عن حب
طبعن هي شابه مثل باقي الشابات من تعرف بفارس احلامها وحبيبها تركه وتزوج غيره بعد طول انتضار

هلشي زعلها ودخلت بحاله نفسيه بس بمرور الزمن اتقبلت الخبر وعاشت حياتها طبيعي وكملت دراستها وصارت استاذة جامعيه والها اسمها ومكانتها وكل اليتقدم الها ترفضه خلت كل اهتمامها لبوها وامها
وابوها ما ضغط عليه خلاها على راحته

واني اعتبرها امي الثانيه ويمكن اقرب اليه من امي
كل اسراري عدها معتبرتها صديقتي وامي وهي تحبني ودوم تكلي انتي بتي مو بت اخوي ما اعرف ليش اعزج عن باقي اولاد اخوتي

وعدها زميلها كلش قريب منها اسمه عمار هم استاذ جامعي زوجته متوفيه وعنده ابنيه تقريبا من عمري
وكل اهله شدو وياه حتى يتزوج بس هو رافض فكرت الزواج يكول ماكو وحده راح تحب بنتي وتعاملها بحنيه
*******************************

(وخلونه هم نتعرف على اهل ضرغام وهيام وبعدين نكمل)
ضرغام عنده اثنين اخوان (علي وعمر)متزوجين علي مزوج بت خالته وعمر مزوج بت عمه عباس اخت نور

واخواته اثنين. (ساره وسما)
ساره متزوجه وعدها (اثنين ولد وبنيه هي شهد )وسما تدرس ابنيه حبابه

اما اهل هيام

تتكون عائلتها ابوها الشيخ جاسر وامها جميلة وعده اربع اخوان واثنين اخوات مزوجات بغير محافظة
اخوها الجبير اسمه منتضر

اما عمي عباس دكتور عيون  عنده اربع ولد واربع بنات
بنته نور

وعندي عم متوفي  اسمه وليد عنده ولد وبنيه
الولد اسمه👈 فهد والبنت اسمه 👈فرح
هذا فهد ما اطيقه بس يباوع على البنات حتى لو بنات عمه اما فرح مو كلش قريبه مني بس احسه كشاخه

*****&****&*****&*****&****&*****

كملت الجاي ورحت لكيت خالتي ام علي (هي ام ضرغام بس علي اكبر واحد )
خاله وين ضرغام
ها يبعد خالتج صعد لغرفته روحي ودي اله
صار.
وصلت يم غرفته واحس كلبي يريد يطلع من اضلوعي
دكيت الباب واجاني رده اتفضل

مو گالي اتفضل احسه يگلي تعاي لحضني حطيت الجاي ورفعت راسي لكيته بس بالجينز نازع القميص ومبينات عضلات جسمه هو ضخم الله يحمي
ومندمج على. الابتوب ويمه كومه اوراق
حسيت اخدودي وجن نار من شفته هيج خجلت وردت اطلع بس وقفني كلامه

ويين يا حلوه تعاي اريدج بشغل
هااني
لا اخيالج تعاي اكعدي يمي وكام يطبطب بيده على المكان اليمه
رحت وگعدت يمه واني منزله راسي ما عندي جرئه احط عيني بعينه

منو سوه الجاي امي لو عمتي امل
لا اني سويته( بصوت ناصي)
تعرفين الجاي الاشربه اشلون
اي اعرف
وشلون عرفتي
مره شفت خالتي ام علي اتحضره الك

مممم بس يكولون اشلون تشربه مو طيب

لا مو صحيح اصلن طعمه يجنن مره سويت مثله وعجبني وحته كمت اشرب الجاي مثل جايك

هههههه  وليش اكدر اعرف
ها لا بس هيج فضول
تدرين هيام ما جنت ادري بعيونج هيج حلوات
(ااوف خجلت تعالو دوروني وين اروح متت)

شكرا هذا ذوقك بس اعيونك احله
لا يبوي اني اعيوني يكولون مثل اعيون الصگر موو صحيح كلامي

هيام …ضليت ابلعم يمه بس لا سمع كلامي

هيام اريد اسألج سؤال
اتفضل
قبل اشويه سمعتجن تحجن بخصوصي وبصراحه عجبني كلامج ودفاعج عني وهتمامج بيه هل شي فرحني من لمته انتي مهتمه بيه

ه ه ها
هههههه اشبيج كمتي اتهوهوين ها وها اريد جواب حتى كلبي يرتاح

ليش اشبي كلبك

اريده يستقر على وحده واذا جاوبتني هسه خلاص يرتاح

اي اني معجبه بيك ومن زمان
بس هيام انتي بفترة مراهقة ومشاعرج تتغير بين فتره وفتره

صح تتغير بس مشاعري اتجاهك ما اتغيرت صدكني

زين هيام  اني اريد ام بيتي تمشي بشوري وما اريده تدرس صح اريده تقره وتكتب بس ما اريده تكمل دراسه وانتي طموحج تصيرين محاميه واني ما يصرفلي هذا الحجي

بس اني مستعده اتخله عن كلشي الخاطرك
حتى مستقبلج
حتى عمري اذا تريد

خلاص يبت عمي هايهيه ارتاحيت
ما فهمت
خلينه فتره نتعرف على بعض وبعده اكلم عمي واطلب ايدج

هيام:::::: بس اني اعرف كلشي عنك

هههه بس اني ما اعرف كلشي عنج كليوم راح نشوف بعض ونتعود وبعدها المقسوم يصير بس ما اريد وحده من بنات عمج لو خالج تعرف لان السانهن فالت

محد تدري بس شهد وامي امل

قصدج عمتي امل وشهد بت اختي سارة
اي
وشمعنه شهد وعمتي امل

هنه اقرب اثنين اليه

ماشي بس فهميهن  ما يحجن لحد تدرين ليش لان ضرغام اذا حط عينه على شغله كله تصير تريدها وانتي غاليه عليه وما اريد افرط بيج

صار

زين تعاي انتي خطج حلو
اي
هاج الزمي هاي الورقه والقلم وراح اردلج اسماء. ونتي ادرجيهن يمج وخطج كون حلو لان اني تعبت من كثر الكتابه

صار

وندمجو وضلو ساعه يكتبون وساعه يسولفون عن حياهم

بعد ساعه خلصو درج الاسماء وضرغام شرب جايه
واخذت الكوب مالت الجاي وكامت وصلن يم الباب صاح ضرغام

اووووكفي يابه وين هيج طالعه جان يحجي ويتقدم بتجاهي

راح اودي الكوب وهم اروح لهلي اتأخرت

اي يا حلو اخليج ترحين بس عندي حجي وياج

شنو ورفعت راسي وصارت عيني بعينه

اول شي هذني اعيونج مره ثانيه من احد يحجي وياج ما اريدج تباوعين بعيونه دنگي وحجي ما اريد احد يشوف حلا اعيونج

صاار تدلل

اووف معقوله انتي هيج هادئة وطيعين اي واحد

لا بس انته اطيعك والباقي لااااا

رفع ايده ولزم خصله من شعري وگال
حلوو واعطوبج ذني كلساعه وعارضتهن للرايح والجاي
شنو معناته

بويه ندري حلوات ويخبلن تگولك خيوط ذهب ما اريد احد يشوفهن خلي بس صرغامج يشوفهن
ويمتع ناضره

اخذ الشال ولف الحجاب عدل خله بس قرص وجهي طالع بقه صافن عليه وحجه

اشو طلعتي بعد احله وخدودج بينن اشلون هسه وين اضمج عن العالم

ضحكت من فرحتي

صاح اااخ بويه ما اتحمل بعد غمازات عمي بس اعيونج كافي يخطفن كلبي اشلون وطلعن عدج غمازات اني انتهي

شو عندي حل
شنو
اخذ الشال وغشاني كلي كمت اضحك وهو هم يضحك واني لسه امغشايه

بعدين رفعه عن وجهي وبقه صافن عليه حضن وجناتي بثنين اديه وصارت المسافه معدومه كمنه نتنفس الهوى نفسه وبعدين قرب شفايفه على شفايفي وگال اريد اضوك هل شفايف شنو راح يكون طعمهن وباسني

يمكن دقيقه بس اني ما اعرف اشصار بيه حتى رجليه بعد ما يعينني اوكف حطيت اديه على صدره العاري ونتجيت عليه لان ما عندي قوه اوكف اتخردلت احوالي

فجأة ابتعد عني وحنه نتنفس بسرعه بسرعه وكال
امشي  يبت روحي تره ما اضمن شنو راح يكون تصرفي وياج لان كلبي ما يسمع الكلام خلاص
روحي

**************************

طلعت من الغرفه واني وجهي صاير طماطه وجسمي كله يرجف

امشي وما منتبه وصدمت امي امل ما شفته

اااخ راسي
ووجع غير تنتبهين عمه حتى عمه وين جنتي ووجهج هيج احمر هاا احجي (جانت تحجي وتهز بيدها يعني شنو السالفه)

ها عمه رحت وديت الجاي لضرغام (جنت احجي وصافنه واتذكر قبل لحضان الصار ما منتبها على عمتي)

سحلتني عمتي من ايدي ودخلتني غرفتها تصير مقابيل غرفت ضرغام وكل هذا واني ما ادري

ما حسيت اله على اگلاص الماي صار ابوجهي نزيت

وشفت عمتي گاعده وحاطه رجل على رجل والكرسي يهز بيها وتباوعلي ورافعه حاجبها

بلعمت لان شكلها ما تتركني اله اخرط الاول والتالي

رحت وگعدت يم رجليها ولزمت ادينها الناعمات
اشبيها امي حبيبت گلبي ليش امعصبه مني

لا تضحكين عليه بذني الكلمتين وبحركه سريعه لزمت اذني ولوتها

شسوين عد ضرغام ها ولج احجي ام السان وين راح السانج بلعتي

اااخ يمه على كيفج ويه بنتج حبيبتج والله هو گالي بعضمت السانه اسويله جاي وسويت اله اوديته وطلب مني ادرج اشوية اسماء. وخلاص يا عمري

جرت اذني حيل وگالت

ولج ذني مو عليه هيام ليش صايره ابعيده عني ليش ما تحجيله ليش احسج متغيره

لا وداعتج يا روحي ما اضم عنج بس ما اريدج تضوجين مني اذا خبرتج
ضرغام گالي لا تحجين لحد بس خلاص انتي راح احجيلج كلشي

ضرغام طلع معجب بيه واني هم اعترفت اله

وهو طلب مني اشوية وقت حتى يتعود عليه وبعدين يطلب ايدي من ابوي بس ما يريد احد يعرف بالموضوع

وليش ما يريد احد يعرف شنو غايته

ما عنده غايه بس گالي اذا ضرغام حط عينه على شي راح كلها تصير تريده وانتي غاليه عليه وما اريد افرط بيج او اخسرج

خلاص اموله مو اذني راح تنشلع واذا انشلعت اكيد ضرغام يبطل وما يتزوجني اتركيها

هاي تركناها. تعاي خليني اباركلج يا روح امل يمه بتي كبرت وراح تصير عروس امووواح امووواح

اشكرج يا احله ام بالدنيا
ولج اسكتي لا امج تسمع وشيخلصج منها
خليها تسمع كلت شي غلط
وفجأة. انفتح الباب وگالت منو هذي الما تردينه تسمع

*&*&**&*&*&*&*

اتمنه ينال اعجابكم والتنزيل ما كو موعد محدد
احبكم كومات
يتبع