رواية صرخة قلب الفصل الثاني 2 - بقلم سحر الغرام

الكاتبة
سحر الغرام
*******ب2

مرات البحر ما يروي عطشان
لان مو كل عطش بالماي يروي
اكو محتاج يروي اشلون ما جان
ويصح مثلك محب مليون يسوه
انه بحبك فتحت الروح ديوان
وتمنيتك تجيني ابلايه نخوه
ما ريد اجذب نتسمه احباب
انة اريد المحبه وياك تقوة
گلبك مدرسه وتلميذه اني وياك
صدگني بمحبتك ماخذه القدوه

**********************

اشكرج يا احله ام بالدنيا
ولج اسكتي لا امج تسمع وشيخلصج منها
خليها تسمع كلت شي غلط
وفجأة. انفتح الباب وگالت منو هذي الما تردنه تسمع

يا هله اتفضلي حبيبه لا تهتمين لكلام هيومه

اجيت ادور عليج هيام يله نريد نروح وكلت اكيد الكيها عد امل

ام منتضر(ام هيام)

امل ...خليها واني اجيبه وره الاذان ام منتضر
لا خيه امل اليوم البنات عشاهن عدنه ويبقن يومين
ونريد نحضر اشوية اكلات الهن خطيه يجن كل شهر مره وما اريد انقصر وياهن

خلاص اذا هيج معناها تروح وياج هيومه المعدله واني باجر اسويلهن جدر دولمه من اليحبنه

اي عمه امل اني هم اريد من دولمتج اريد جدر لوحدي لان دولمتج ما ينشبع منها

روحي مو البارحه وديتلج

اي صح بس اكلوها كله ما حصلت غير بس اشويه

ام منتضر ...ولج ليش تجذبين مو عزلتي نص منها وحاطته بثلاجة غرفتج وقافلتها مثل عجايز گبل

اووف يمه اله تحجين مو اريد اجمع من دولمته

امل ...ولج بس لا تريد تصير حرب ونتي اجمعين مؤنه

الكل هههههههه يجوز
عمه حبابه مو تنسيني
روحي لا هسه بدفره ما اسوي الج بس لخواتج يله روحي

والله. ما ادري شنو عاجبج بم السان

ههههه هذي الغاليه ام منتضر ام كلب الحنين هيوم حبيبت عمتها

يله امل لازم اروح وصدك تعاي اتعشي عدنه

ما اكدر خليها غير مره

لا شنو غير مره حتى البنات مشتاقاتلج تعالي راح نحسب احسابج على. العشى يله في امان الله

****************🌺****************

رحت للبيت وجهزنه كلشي يحبنه البنات من اكل والبيت انترس جهال فرحانين بجيتهم ويلعبون ويه اولاد اخوتي

واخواتي اقبال. وابتهال. فرحانات بجيتهن لان عدهن دوام وهنه بغير محافظة

ف. يبطن يله يجن. النه
رحت اخذت حمام دافي من بعد التعب وبدلت ونزلت ردت اگعد يم البنات بس وقفني كلام امي

انتي المن نزلتي يللله رووووحي اصعدي

بس يمه اريد اگعد يمجن اشويه مشتاقه للبنات
كتلللج رووووحي ما اريد اشوف خلقتج روحي ادرسي يله
بس يمه والله ما عدي ادروس

انتي ليش ما اتسمعين الكلام

برطمت ورجعت ردت اصعد واني اصعد الدرج

سمعت اختي تكول ل امي

يمه ليش ما خليتيها تگعد يمنه خطيه مشتاقتلنه

اسكتي انتي ما احب تگعد يمنه ام السان هذي السانه فالت لمته اخلص منه
ليش تحجين هيج يمه هذي هيومه بزر الگعده

اوووف لمته تجي قسمته واخلص منها كون تجي قسمته بغير محافظة وما اشوفه اشهور

جنت واكفه. واسمع كلام امي الجرحني طبعا هذي مو اول مره لا من زمان

حتى من اگعد يم ابوي ومرات اگعد بحضنه لو من تكون تمطر ورعد وبرق اني عندي فوبيا من الرعد والبرق فمن تريد تمطر ابات بغرفت ابوي وامي وانام بحضن ابوي للصبح

هم اسمعها تحجي ويا وابوي دوم يعارض كلامها
***************

وبليل اجه عمي ابو علي وابنه علي وضرغامي حبيب كلبي وما اعرف شنو صار بيه من شفته
وهو جان يباوع بالوجوه يريد يشوفني ومن طاحت عينه عليه اتغيرت ملامح وجه لان ابتسم وبينن اسنونه البيض تكولك لؤلؤ يمه يخبش

رحت سلمت على عمي ابو علي وهو متعود عليه من اسلم عليه يحضني دوم لان يعزني
وسلمت على. علي بس سلام وضرغام. هم بس سلام

وصارت لمت الحبايب الماتخلو عن السوالف الحلوه والضحك

واني گعدت يم ام كلبي ماما امل هيج حاضنتها حضن

ولازمه المبايل ونتصفح بي اني وهي وفجاء اجتنه رساله على الوات مكتوب

لفي شالج عدل ولا تظلين تعرضين بعطوبج الذهب وحاط اسمايل 😡
اني وماما امل ضلينه وحده تباوع على الثانيه ونضحك

عدلت شالي وبعثت رساله ها وهسه اشرايك

رد
تمام يا حلوه بس اني زعلان منج
لييييش تزعل

ليش من سلمتي على ابوي حضنتي واني ما حضنتيني هاا 🤔

يا يا صدك تحجي حتى. يصير كتلي عمل شعبي

اشحده اليقترب من عافيتي انهي حياته

اني عافيتك يا ضرغامي

مثل ما اني ضرغامج انتي عافيتي يله روحي يلعن ابليسج لهيتيني عن ابوي وعمي يله روحي 😂

ضلينه نتبادل الكلام بالنضرات وبعدها كلها كامت تريد تروح وضرغام گال

يله عمه امل نروح يالغاليه

يله يا بعد عمتك نروح

عمه خليج وياي حبابه باتي عدي اريد انام بحضنج يالغاليه والله كلبي تعبان

هيوم يا عمري عندي دوام ولازم من الصبح اروح

ضرغام ...عمه خليج وياها وانتي كل يوم تگعدين من الفجر خلصي صلات الفجر وتعاي للبيت جهزي حالج وبعدين كله حايط بيناتنه مو ابعيد

الشيخ جاسر...اي خيتي امول خليج شنو احنه ما النه حصه بيج

لا اكيد الكم حصه والحصه الاكبر بعد

هيام ...فرحت من كل كلبي لان ماما امل رادت تبات عندي اليوم بس شفت امي اتكدر خاطره ما اعرف ليش

ما انتضرت لزمت ايد عمتي واخذتها وكبل لغرفتي

جهزنه فراشنه وبسرعه حطيت راسي بحضنها اوووف يا ريحة الجنه

اجتني رساله من ضرغام

هنيالها عمتي امل عدها حض اليوم العافيه بحضنه نايمه اااخ لمته يجي اليوم وتصير عافيتي بحضني
يله تصبحين على ضرغام.

رديت
وهنيالها التحضه بيوم واحد وياك وكلشي ما تريد

انشالله العمر كله مو يوم واحد احبج يالعافيه

واني اعشق هواك يالغالي يله تصبح على. خير

*&*&*&*&*&*&*&*&*&*&*&*&*

اجت عمتي ونمت بحضينها واني اتحسر

خيرج هيومه سلامتج ليش تتحسرين

لا تهتمين ما كو شي

احجيلي صاير شي بموضوعج انتي وضرغام

لا مو هذا الموضوع

لعد شنو

امي

ها اشبيها هل مره

وحجيتلها كلشي

ليش امي ما تحبني من زمان واني اشوفها. تتجنبني حتى من اروح وياها لخوالي تضل تحجي عليه وخوالي بس يرزلون بيه وكرهت الروحه الهم كلها لان هم گامو يكرهوني

لا يروحي ماكو ام تكره ضناها بس يجوز تخاف عليج من الحسد هل تحجي هيج

عمه حتى يم اخواتي معقوله تخاف منهن يحسدني لا اني متأكده تكرهني بس اريد اعرف السبب ولازم اعرفه

خلاص ام السان صدعتي راسي بكلامج اريد انام
اسكتي ولا كلمه تعاي يله حطي راسج ونامي

هههههههه اسفه يا عمري يله تصبحين على خير

نمت احله نومه وگعدت ويه عمتي صلينه وسويت بيدي ريوك الها من بعد اصرار لان ما قبلت اني اجهزلها الريوگ تكول اهناك اني اتريك بس اني ما قبلت وتريكنه سوه وراحت لدوامها واني هم جهزت حالي
ورجعت للمطبخ كملت ريوك ابوي واخواني ونتضرتهم يگعدون

واخذت كتابي وكمت اراجع

گعدوا اهلي وخلصو ريوكهم واني اجاني الخط ورحت لدوامي
***&****&****&****&****&****&****

ضرغام ......كمت كل يوم اراقب هيام اريد اعرفها اكثر
ومن خلال مراقبتي الها عرفت هي صاينه نفسه دوم اشوفها من تنزل من الخط عينه بالارض لمن تدخل للمدرسه ومن تطلع هم نفس الشي ورحت سألت المديره هم تمدح بيها من ادب من شطاره ارتاح گلبي

ورحت سألت صاحب الخط هو ما يعرفني وجان جوابه

والله. يا عمي اني ما اعرفها ولا منتبه الها حتى صوته ما سامعه بالصدفه ابنيه حجت وياها على امتحان وهي جاوبتها واني سمعت صوتها هي ابنيه مؤدبه

تريد الصدك مو مثل الوياها اكو چم ابنيه خفيفات ويتمضحكن بس هاي البنيه صدك لو گالو تربات اشيوخ

****&**&**&**&**&**&**&**&**&***

خلاص گلبي ارتاح لازم اتحرك خطوه لگدام حتى اضمن هيام الي رحت للوالد وگعدت وياه هو وامي وعمتي امل وخبرتهم بقراري وامي طارت من الفرحه تكول ما الكه احله واندر منها هاي المعدله بس ابويه گال

ابني البنيه ازغيره وانته اكبر منها 12سنه ما اعتقد توالمك هي زعطوطه بعدهي وانته طبعك صعب وهي ما اعتقد تتحملك

بويه واذا كتلك ما راح الكه وحده تتحملني غير هيام شتگول

خلاص على بركت الله اذا هي اتوالمك

أمل ......واني اضمنلك هيام خويه ابو علي تره هيام ورده مال الله

اني راضي خويه امل تدرين ليش لان تربات ايدج واني اثق بيج حتى اكثر من روحي

اشكرك خويه ابو علي

ضرغام ...يله اذا كلها راضيه ليش گاعدين خلونه نروح ونخطب المن نتضر هااا

هههههه ابني انته لو تصوم وما تقبل تتزوج لو تنفتگ علينه فرد مره

بويه ما اريد احد ياخذها مني واذا طالت السالفه كلها راح تحله بعيونهم هيام. واني اموت والله يله بويه استعجل تگوووم ها واسمعني باجر اجيب الشيخ يعقدلنه

بويه ابكيفك هي خلينه نشوف ابوها ياخذون رايها تفكر

يابه لا تفكر ولا بطيخ اني اخذت موافقتها وهي راضيه

يعني نروح لبوها ونگله هي راضيه خلينه نعقدلهم هااا اشو انته ما تفتهم اسمع ولك اذا حجيت هذا الحجي گدام ابوها والله تحلم اخلي هيام الك خلي احترام الها ولمكانته بگلب ابوها

واني هم احب هيام ومتمنيها تصير لواحد من ولدي بس ما اتمنيتها الك

شنوووو وليش بالله

لان انته صعب وتكولك مجرم لان من عاشره القوم صار مثلهم ونته مكضيها بين المجرمين خاف تجرم بيها

هههههه لا تخاف عليها خاف عليه من السانها

اسمعني زين تره هيام ما معتبره بت اخوي لا هيه بتي واذا صار يوم واذيتها اراح انخرب اني وانته

خلاص بويه الله يخليك خليتني اشك بروحي شنو انتم امسويني مجرم يله يبو علي خلينه نكوم ونتوكل على الله ونخطبها حباب كوووم

يله كومو واني امل هم ويانه

اكيد اصلن اني اول وحده راح اروح هاي هيام مو اي وحده

والله ما اعرف شنو سوت بيكم هيام وخلتكم كلكم تحبونها يمكن سحر

امل ...اي عيني ضرغام سحر وهم انته انسحرت من سحرها وغمزت اله

هههههه يله خلونه نروح

***&****&****&***&***&***&****

راحو لبو منتضر وكعدو وصار حديث يجر حديث وطالت گعدتهم ومحد فتح الموضوع وضرغام ظل يحوص ليش لسه محد حجه بالموضوع غمز ل ابو

وابو افتهم عليه وفتح الموضوع ويه ابوها

خويه ابو منتضر اليوم اجيناكم وطالبين الگرب منكم نريد نخطب هيام لضرغام وبصراحه ما الكي احسن منها وماكو بجمالها واخلاقها وطيبت كلبها انته ابوها واني اعرف كلش زين انته بمسألت الزواج ما تدخل تاخذ راي بناتك وما تجبر اي وحده على شي ما تريده

اگعد وياها واخذ منها الموافقه اذا وافقت بيها الخير واذا رفضت يعني ماكو نصيب

خويه ابو علي انته تعرفني اشگد اعز ضرغام وافضله حتى على ولدي وهو اقرب واحد على گلبي ومن زمان امنيتي وحده من بناتي تكون من نصيب ضرغام

بس هيام ازغيره وفارق العمر كلش جبير وضرغام ما اعتقد راح يرتاح وياها لان هي لسه تفكيرها مال بنات ازغار ويمكن راح تتعبه

عمي من بعد اذنك اعرف هي ازغيره وبصراحه اني رايدها وما اريد اتزوج وحده جبيره لا اريدها ازغير حتى تكبر على ايدي وعلى اطباعي اريد اربيها اني

اني ما اگدر اطيك موافقتي لازم اخذ رايها واذا وافقت گبع واخذ

تسلم عمي ما تقصر

يله خلونه نكوم

وين ما تطلعون اليوم غداكم عدنه

لا خويه قابل نريد نجربكم راح يكون غدانه عدكم اذا وافقت هيام مو هسه يله اودعناكم

*&*&*&*&*&*&*&*&*&*&*&*&*&*&*

ام منتضر (جميلة) ...انته ليش ما انطيتهم موافقتك هي بكيفها

اسمعيني يا مره هيج موضوع لازم يكون القرار بيد هيام حرام اجبره على شي اني ما اريد اتعذب من رب العالمين من اموت واذا ما وافقت اني هم ما اوافق هي ازغيرونه وبعدهي زعطوطه

هذي ام السان زعطوطه صح ازغيره بس تفتهم وعقله عقل عجايز لا تخاف عليها

هيام ...منو عقلها عقل عجايز هاااا

هاك استلم شيفكك منها يله بلشنه

هيام ...اجيت من الدوام ولكيتهم يحجون ما اعرف عليمن وسألتهم واني اتقدم بتجاهم ومثل كل مره ابوس امي بجبينها وابوي هم ابوسه بجبينه واگعد بحضنه ودوم امي تتضايق مني وتكلي انتي كبرتي بطلي حركات الزعاطيط

اشلونج يا روح ابوها

صرت زينه من شفتك يا نبض هيام

حاجيها ابو منتضر

يا مره مو هسه خليها تبدل ترتاح اشبيج مستعجله هااا

شنو صاير يابه

بنتي روحي ارتاحي وبعدين نحجي

لااا يله احجي كلي شكو

بنتي اليوم اجه عمج ابو علي وام علي وعمتج امل وضرغام وخطبوج لضرغام واني ما انطيتهم اي قرار كتلهم هل قرار بيد هيام هي صاحبت الشأن واريد منج تفكرين زين صح انتي ازغيره على ضرغام بس والله ما تلكين احن واطيب من ضرغام رجال بعمنه الكلمه ما اكلج اله اتوافقين لاا
اريدج تفكرين لان هذا زواج وعشرت عمر مو يوم او يومين راح تبقين العمر كله وياه فكري ورديلي خبر

كلام ابوي جان مثل اليدخل مسابقة العمر ويفوز بالمسابقه واني اكيد الفزت بحب ضرغامي ضليت هادئه ما بدر مني اي تصرف بعدني اريد احجي بس سمعت امي تگول

على شنو انته مكبر راسها اتوافق وغصبن ما عليها وهي منو يگلبها ام السان اصلن خايفه اتفشلني ويه اختي غصبن ما عليها اتوافق

دمعت عيني ونهضمت من امي اهواااي ما اعرف ليش تكرهني تركتهم وصعدت واني ابجي واسمع ابوي يگلها

انتي هم حاسبه روحج ام ولج هذي بتج لازم تكونين وياها بهيج موقف اتساندينها اتعلمينها تشوفين شنو رايها يضرها ينفعها ليش ما جبرتي بناتج الباقيات رغم اني جنت ما راضي بزواجهن لان ابعاد عنه بس انتي لا كلتي اذا هنه وافقن خلاص محد يعترضهن

ليش هذي حاطه نگرج من نگرها شنو مو بتج هااا احجي ليش ساكته

فتحت باب غرفتي ونمت على وجهي وابجي

اشويه ونفتح باب غرفتي ما اتحركت من مكاني بعدني ابجي بحرگه من تصرف امي وتذمرها ليش تكرهني

حسيت بدين يمسدن على شعري عبالي ابوي بس اتفاجأت من سمعت صوتها

هيوم يا عمري اسفه لا تبجين يعز عليه اشوف ادموعج
صدكيني انتي غاليه على گلبي وما اريد تصير قسمتج ابعيد عنه وبغير محافظة واصلن ضرغام ماكو منه صدكيني خوش ولد

لا انتي ما اتحبيني تكرهيني واصلن سمعتج هذاك اليوم تكولين لخواتي اريد قسمته بغير محافظة حتى ما اشوفها اشهور

وغلاتج جذب اصلن اني شفتج واگفه وتتسمعين وسمعتج هل حجي اريدج تحسين بيه انتي ابعيده عني هيام ابد ما تحجيلي شي عن حياتج دوم عد امل الكي كلشي يخصج حتى صدايقج تعرفهن وتعرف اساميهن وين يسكنن ومنو اهلهن

انتي دوم تفضلين امل عليه

لا يمه لا تگولين هل حجي انتي اغله شي على گلبي من بعد ابوي بس عمه امل احبها لان متعوده عليها من اني ازغيره وهيه هم تحبني ومتعلقه بيه

بس انتي الكمتي تبتعدين عني وكمت ابتعد اكثر من كلامج ومعاملتج الي بس رغم كلشي حبج ابد ما اتغير ابكلبي

لا تفكرين بيوم اكرهج يمه انتي روحي ونضر عيني اشلون تحجين هيج

خلاص عوفي العتاب وتعاي بحضن امج

حضنتني وجنت مشتاگه لحضنه من زمان محرومه منه

خلاص يا عمري اخذي وقتج وفكري زين وبعدها انطينه قرارج يله اني گايمه احضر الغده

رادت تكوم وكمشت ادينها لا ترحين اريد احجي وياج

شكو احجي يا عمري

اني موافقة

هيام ما اريدج توافقين على حسابي

لا لا يوم اني معجبه بضرغام وموافقه عليه لان احبه

امي ضلت متفاجئه وعيونها صارن بيهن لمعه وگعدت يمي

معقوله بنتي كبرت وكامت تحب هاا واني ليش ما عندي علم

يوم انتي جنتي بعيده عني وما جانت عندي الجرئه احجيلج جنت خايفه منج وحتى عمتي امل نصحتني احجيلج بس اني رفضت

يعني انتي موافقة عليه خلاص

اي خلاص
بعني اهلهل

ههههههه اي هلهلي

كلللللللوش كلللللللوش

€£€£€£€£
يتبع
صوتو اذا عجبكم
احبكم كومات