رواية صرخة قلب الفصل العاشر 10 - بقلم سحر الغرام

الكاتبة
سحر الغرام
...............

ضلت امل تحجي وياها وتلهيها حتى يقترب منها ضرغام ويلزمها

اخر لحضه حست عليه هيام ودفعت روحها

امل ......هياااااااااااام

هيام ...ااااااااااااااااااااه

ضرغام .....................لزمتج خلاص

لااا اتركني عووووفني لااا ما اريد اعيش اررررريد امووووت اهئ اهئ اهئ اااااااه عوفني ضرغام لااا

اهدي يا عمري خلاص كلشي انتها
اجتها الحاله اختنكت بعد ما تگدر تتنفس شالها ضرغام ونزل يركض بيها لقنينة الاوكسجين حتى يساعدها على التنفس

...................................................

ولمن جانو كلهم ملتهين بهيام فرح كومت اخوها كوه واخذته وشردت لبيتهم داوته وضمدتله اجروحه
وجها صاير خريطه

اجت امهم واشافتهم بهاي الحاله وهي ضلت تدك وتلطم تريد تعرف منو التعرض لبنها واذاه

بس همه حجولها كلشي سوه وهسه يردون ينهزمون وطلبو من امهم تنهزم وياهم

بس كان رأي امهم ما متوقعينه

شنووو تنهزمون من كل عقلكم اني انهزم وياكم وانته واحد نذل اشلون هيج اتسوي هل مگروده اتعذبت بسببكم انتو الاثنين وتستاهل اليصير بيك ومحد يطلع من هذا البيت تبقون اهنا وتتحملون العواقب

يممممه خلاااااص كلنالج ما نبقه يعني ما نبقه تردين ترحين ويانه تردين تبقين عدهم انتي عدج ضرغام اغله من عدنه

اي اغله منك لان ابن ناس ومربى ويعرف الصح من الغلط وانته واحد ناكر المعروف ولك اعتبرك مثل اخوه
ليييش يمه لييش

يله فرررررح خلصتي

اي فهد خلصت يله خلينة نروح

لا يمه لا تعوفوني ما اتحمل افراگم واني احجي ويه ضرغام والله ما اخلي يسويلكم شي يمه لا ترحون

يمه خلااااص (دفعها وطك راسها بالمحجر ونزفت بس همه ما انتبهولها طلعو بدون ما يشوفونها)

بقت تنزف ومحد يدري بحالها لان همه انهزمو وتركو امهم

............................................................

اما هيام اتحسنت حالتها بس تبجي وتدك على بطنها وكلساعه لازماتها يحاولن يمنعنها

ولبليل قرروو ابو ضرغام وابو هيام وكل عمامهم يرحون لبيت فهد ويتفاهمون وياهم بس ضرغام ما شفه غليله وجان ناوي يلزمة ويدكه دكه من هاي التمام

بس الصدمه جانت لمن شافو امهم مرميه وتنزف وكل نبض ماكو ركضو الها واسعفوها لاكن للاسف فارقت الحياة

سوولها فاتحة جبيره كل الناس تحجي بيها

وكل اليسأل عن ابنها يكلوله مسافر وما گدرنة نخبره بوفاة امه لان ابلاد غربه وخفنه عليه

............................................................

اما فهد وفرح ضلو يفترون بالسياره لمن عبرو محافضات اهواي واخير شي استقرو بالموصل جان عنده صديق بس هذا واحد عنده سوالف تعبانه مخدرات وحشيش وبعد اهواي شغلات وحته عنده بنات يأجرهن ليليه

ومن شاف فرح هذا الشخص عرض عرض على فهد

شوف فهد اني اگدر ادبرلك شقه وراتب زين وكلشي تريده بس اريد هاي الحلوه الي دوم

بس هي مزوجه

هههههههت عمي حتى لو حامل هم اريده اشبيك انته

ما اعرف شكلك بس لازم اخذ رايها

روح واخذ رايها

هااا فهد بشر رضه ينطينه مكان نبقه بي

ها اي اي رضه بس بشرط

شرط شنو هذا الشرط

شوفي فرح هو راح يتكفل بمعيشتنه شقه وراتب الي والج وكلشي انتي تطلبينه بس

بس شنوو اي احجي وخلصني الخاطر ربك

يريدج انتي اله

شنووووو اااااني

اسكتي فضحتينه اي انتي يكول حلوه وعجبتني

انته اشتحجي فهد ترضاها انته

اشبيج صرتيلي مثل امي بويه عيشي حياتج وطنشي كلشي عفتي وراج انسي

بس تدري اني مزوجه

انتي ما تشوفين هو يهتم لهذي الشغلات بويه هو مستعد حتى لو اخته هم يطيها

ما ادري خليني افكر

بويه عوفي التفكير وافقي تره تعبنه ولازم نرتاح

خليني اني احجي وياه
روحي هذاك هوه منتضرج على احر من الجمر

هله هله ابهلطله اتفضلي تعاي اهنا
تسلم ما گتلي شنو اسمك

اسمي حميد

عاشت الاسامي حميد اني موافقه بس بشرط

أمري انتي

اريد هاي الشقه بسمي واريد كلشي اطلبه منك يتنفذ

هاي ركبتي سداده ومن باجر راح انفذ كل اشروطج

معناها خلينه نقره الفاتحه هههههههههههه (بمياعه)

واحله فاتحه ههههههه

يله تعالو اراويكم الشقه

فهههههد تعااال

اجيت

دخلهم للشقه جانت جديده وبيها كل وسائل الراحه

واخذ فهد لغرفه وكاله هاي غرفتك طب للغرفه وتفاجئ بالبنيه الموجوده بالغرفه طببه وغمزله اخذ راحتك فهد انته تعبان ولازمك راحه

تسلم حميد ما اعرف اشلون اشكرك

سد الباب وراح لفرح اخذها لغرفتها وگال الها هاي غرفتنه اني وانتي

اخذي راحتج فروحه

تسلم حميد ما اعرف اشلون اتشكرك

ماكو شكر بين الحبايب يا ورده انتي

اريد اروح للحمام اشويه واجي

اخذي راحتج هذا بيتج انتي

راحت للحمام وبقت تباوع للمرايه الموجوده وتحجي بينها وين نفسها

شوف يا ضرغام راح اخلي سمعتك بالارض

راح اخليك تندم على ضربك لفهد

جهزت روحها وراحت لعند حميد

من شافه حميد اتعجب على جمالها ما انطاها مجال على طول حضنها وفرح بادلته نفس الشي تكول وحدها عدها خبره بهيج شغلات

استمرو على هذا الحال شهرين

وهيام صار على حملها خمسة اشهر بس ما تقبل تروح وتشوف شنو جنس الجنين معنده

وضرغام يحاول يرجع علاقته وياها بس هي معنده مره بالمطبخ گاعده ويه امها امل

امل تحضر بالغدا. اقترب من هيام ومسك ايدها

اشلونها امريتي ......
اترك ايدي ......

ليش ممنوع يعني

اااااي اترررركها كتلك

مااا ...............
راح تندم صدكني

ليش اندم لان مسكت ايدج

سحلت ايدها وكامت بتجاه الطباخ وكامت تلمس بالمكان لمن وصلت لعين الطباخ وهيه مشتعله حطت ايدها عليها ركض الها ضرغام وسحل ايدها وبردها بالثلج

امل ...هياااام انتي جنيتي هااا اشلون هيج اتسوين

كتلك راح تندم واذا عدت هل شي هم راح احرك كل مكان تلمسني منه افتهمممممت

خلاص عمي هاي بطلنه بعد شنو تردين وما راح ازعج حضرتج ارتاحيتي

تركها وراح ………

امل …هيام بنتي ليش هيج يا روحي ليش

ماما خلاص الخاطر الله انتي نسيتي السواه بيه نسيتي العذاب التعذبته

لااااا ما نسيت بس الواحد لازم ينطو فرصه

وليش هو ما انطاني فرصه ليييش هااا

صيري انتي احسن منه

لاااا ما اريد اصير ولا راح اسامحه بحياتي خلي يشرب من نفس الكاس الشربته اني

……………………………………………

فهد …الووو اهلا اشلونك احمد شخبارك

احمد (صديق فهد)يا هلا بأبو الشباب لك وين سافرت وبعدين ما لكيتك حتى اعزيك بوفاة والدتك

شنووووو اااامي انته اشتحجي احمد امي اشبيها

فهد اكو احد ما يعرف بوفاة امه

لااااا مستحيل امي ما بيه شي

لك فهد امك لگوها واكعه قريب من الدرج وتنزف 

اجوها عمامك بليل عدهم شغل يمك بس ما لگوك ولگو امك تنزف وفاقده بس ما لحكو عليها ماتت بالطريق للمشفى

فهد يتذكر من جانت تترجاه ودفعها وطاحت وحتى سامعها من صاحت اااخ بس هو غلس وتركها ونهزم

خلص الاتصال بينه وبين صديقه وضل يبجي ويتوعد لضرغام اجته فرح وشافته يبجي سألته

فهد اشبيك خيرك ليش تبجي

فرح اهئ اهئ اهئ اممممي اهئ اهئ اهئ

لك اشبيه امي احجي اشبيه

كتلوها همه كتلوها

منو الكتلها منووو

ضرغام واهله كتلوها لان ما لگونه احنه كتلوه هي

امي راااحت اهئ اهئ.

لاااا لاااا ااااااه ااااااااه يمه يمه اهئ اهئ. اااااااخ يا يمه

الله ينتقم منك يا ضرغام والله اله اخليك تندم اهئ اهئ اهئ اااااه اهئ اهئ

خلاص لا تبجين يا روحي راح ناخذ حقنه منه بس اصبري الي اشويه لمن ارتب اموري والله اله اخليهم يعضون اصابعهم ندم

………………………………………………

بعد مرور 3اشهر اتحسنت  علاقة هيام ويه ضرغام

بس مو اهوااي وبالگوه قنعها تروح تاخذ سونار يردون يطمنون على الجنين بس المفاجئة كانت هي حامل بتوم ابنية و ولد وضرغام طاير من الفرحه
والكل فرحانين امفكرين اذا صار عدهم اطفال راح يرجعون لبعض بس ما يعرفون بهيام مستحيل تنسه او تسامح احد وخصوصا ضرغام

العصر ……كل الاهل اجت اتبارك لضرغام لان سمعو الخبر ومن ضمنهم اهل هيام

ابوها وامها طبو ولگو هيام گاعده بالصاله

اقترب منها ابوها هيام اشلونج بنتي

لمن سمعة صوته ضاجت حيل منه وگامت

شنوووو بنتي لا انته متوهم اني مو بنتك لان اني اهلي ماتو من زمان وانته بنتك ماتت هم مو هذا كلامك قبل هاااا (بصياح)

امل …هيام شنو هل كلام

ليش غلطانه اني همه وين جانو عني من جنت اتعذب وصلت الموت ولا احد سأل عني ولا واحد اجه وشافني ويييين جانو اني ما عندي اهل واحسن الك ترجع من وين ما اجيت افتهممممت

ام هيام …هيام عيب بنتي  تحجين ويه ابوج بهذا الاسلوب

انتي اخر وحده تحجي افتهمتي لو لا عوفي العيب على صفحه وما اريد احد يكلي بنتي اني مو بنت احد بس بت امل وتركتهم وراحت

امل …خويه ابو منتضر اني اعتذر بالنيابه عنه

لا تعتذرين امل حقها مهما حجت حقه الصار بيها مو قليل واحنه غلطانين وياها

بنتي واعرفها ما تسامح بسهولها خليها على راحتها

…………………………………………………

اليوم زينب ولدت ابنيه وعلي طاير من الفرح ومن اجت من بالمشفى ذبحو طلي وسوو عزيمه التمت الاحباب

وقررو يسمونها هيام بس هيام   رفضت ما تريدها بأسمها اتخاف عليها خاف يطلع حضها مثل حضي بس همه امقررين من زمان وكلها  اجت تبارك للمولوده الجديده

……………………………………………………

هيام …ماما لمته اگدر اسوي العمليه

امل …لمن تجيبين يا عمري وتعدي فتره وبعدين نگدر نسوي العمليه

ممممم خوش

بشنو تفكرين هيام

اريد ارجع اكمل دراستي لان محد يستاهل

اي حقج اني هم ردت اتكلم وياج بهذا الموضوع

من ترجعين اتشوفين لازم تكملين دراستج هذا حقج اني من البدايه ما ردت تبطلين بس انتي جنتي عميه وقافله على ضرغام. واني ما ردت اكون عقبه بسعادج

ماما حياتي جانت حلوه ولا اشتاقيت للدراسه بس من اتغير كلشي عرفت مستقبلي اهم من كلشي

…………………………………………………

ضرغام كام يعرف نقطة ضعفها هو الاكل واكو اكلات معينه هي تقفل عليهن گام ضرغام يجيبهن الها وبحجت الاكل يتقرب منها وهي بعد ما تحاول تبعده عنها

لان اكو شي بداخلها يمنعها من صده
رجعت اتحب وجوده بحياتها وقربه منها

مره بليل تريد تروح للحمام تحس بوجع خفيف بضهرها تمشي وتتلمس بالحيطان وماسكه ضهرها

شافها وراح الها

هيام اشبيج احسج مو على بعضج وليش لوحدج هااا

خلاص ضرغام هو اني وين رايحه هذا الحمام ااااخ يمه

هااا اشبيج
ضهري راح اموت منه ااااخ ااااااخ

ولج هيام خاف تطلكين

هاا ما اعرف بس ضهري راح ينگطم ااااخ

هسه كليلي شسوي

ما ادرررري ااااخ

هو هم يصيح وياها اااخ

انته اشبيك
اني هم بطني گامت توجعني

عممممه عمممه يمممممه وينجن تعاااالن ابسرعه

ضرغام بصياحه فزع الناس البلبيت كلها گعدت مخروعه ويركضون بتجاه الصوت

لگو هيام تلوج من ضهرها

ام ضرغام. …ابسرعه خلونه ناخذها للمستشفئ تطلك

لا عمه مو وجع قوي بس ضهري اشويه يوجعني بس هذا كبر السالفه

انعمله عليج صرت هذا ادور مممم

امل …هيام بنتي كومي ناخذج للمشفى يا روحي نطمن عليج واذا تطلگين هاي هيه احنه يم الدكتوره

لااا لا لا اني ما بيه شي عوفوني يله اريد اروح للحمام وارجع انام

تحجي ويه ضرغام على كيف

انته اله تگعد امة الثقلين يله ترتاح

وين راحت التصرخ اخ وااخ هاا وين راحت انتي جبانه بس سمعتي بالمستشفى صرتي كلشي ما بيج

امل …انتو شتبسبسون

ولا شي عمه بس تكول اريد انام واني تريدني يمها

هيام …شنووو

تره هسه احجي الهم واكلهم انتي تطلكين

لاا لاا خلاص انته واحد حقير
شكرا هذا من ذوقج

يله رجعو نامو بس تقلصات بعده موعد ولادتها

كلهم رجعو بنامون وبقت بس هي وياه

تعاي وين تردين
اريد انام عوفني يله

تره هسه اصرخ وارجع المهم كلهم
لاااااا حباب.
معناها تعالي نامي يمي حبابه

خلاص راح انام اعرفك انته واحد

حقير اعرف حفضتها وربي باليوم تكوليها الف مره

اخذها لغرفته وحطو راسهم على المخده بقه ضرغام يتأمل بوجها الحلو والخصله الشيب الزايدتها جمال

ليش ساكت

شنو ترديني احجي ما عندي حجي هيام بس اكو شي بداخلي يكلي اسألها تحبني لو بطلت

يمكن اسامحك بحاله وحده اذا بقيت عميه لان اذا رجعت اشوف راح اتذكر كلشي سويته وياي كل ما اشوف وجهك راح ارجع اكرهك اكثر واكثر

بس اني ما اقبل تبقين عميه هيام وعد مني بس تجيبين ويتحسن وضعج بعد الولاده راح اخذج ونجري العمليه

بس راح ابعد عنك ضرغام راح تشوف هيام جديده گلبها قاسي اقسه من الحجر ويمكن تخسر اهواي شغلات من ارجع اشوف

كرهتيني هيام؟

كرهتك مره وحده ضرغام مو من عذبتني لااا كرهتك لمن امنت بيك وحسستني بالامان وبعدها اعتديت عليه بكل وحشيه ما اهتميت لمشاعري ولا لتوسلاتي
اتوسل بيك اترجاك بس انته ضربتني (گامت تبجي)

حضنها ضرغام كافي لاتبجين يا روحي اسف والله ندمان تدرين اتمنه يرجع الزمن لوره جنت ما غلطت هاي الغلطه بحياتي اني خربت كلشي حلو بحياتي هيام دمرت سعادتي بديه

هم يجي يوم وتساعديني
ما اعتقد اسامحك ضرغام راح تتعذب بالايام الجاي اهوااي

راضي يالعافيه خليني اتعذب  يمكن يشفي غليلج مني اذا تشوفيني اتعذب

ما اعرف خليها لوكتها ونشوف

انتي هم تحسين بوجع

قليل بس ضهري

باجر اخذج للدكتوره تشوف حالتج

يله نامي تصبحين على خير
وانته بخير

صباح يوم جديد ………

الكل داخلين الانذار خايفين على هيام لان ازغير وخاف ما تتحمل اطلوك (شوف الزمن اشلون دار قبل محد يهتم بيه وهسه خايفين عليها)

ضرغام گعد من الصبح وشوالها معلاك وعصير برتقال طبيعي وحضرله صينيه اشكبرها بس حتى تتغذه وما تصير عدها مضاعفات

اتريكت واخذتها امل وضرغام للدكتوره وسوتله عدت فحوصات وگالتلهم عده ولاده يو اليوم لو باجر وهيام من سمعت كلامها حست بلويه بضهرها وصرخت

ااااااه ااااااه اااااخ يا يمه
هيام حبيبتي اشبيج

لك ضرغام رااااح اموووت اااااه

اهدي ماما تعالي خلو على السديه هذي

شالها ضرغام وحطها وهي تصرخ لان الوجع زاد وما تعرف اشلون تتصرف تخاف مسكت ايد ضرغام
ضرغام راح اموووت الوجع يكتل اااااه ااااخ الحگني ضرغام اهئ اهئ اهئ اااااااه

اهدي ماما خلاص بس خليني افحصج
دكتوره راح امووووت ماما امل الحكيني اااااه

اهدي هيام بس خلي الدكتوره تشوفج

عيني عده ولاده لازم تنقل للمشفى تعرفين هي بجر وحامل بتؤم ف لازم تروح ابسرعه للمشفى

صار دكتوره شكرا

اني راح اجي وراكم بس اخبر السكرتيله

شكرا دكتوره

هذا واجبي

يله هيام كومي

لا لا ما اكدر اكوم ما اريد اكوم عوفني كله منك انته عوووفني

يا روحب اني شلي دخل هااا

لعد امنين اجو ذوله هااا من سوق بلي

هههه يا عمري وانتي بهاي الحاله وتنكتين

تضحك موو

لج كومي خبلتيني

اااااه ااااه الحكني ضرغام ما اعرف شنو هذا

اجت الدكتوره تركض يا عيني لازم هسه نولدها هذا راس الطفل طلع

لو سمحت ممكن تطلع اشويه
ها ليش خلوني يمها

ما يصير اطلع بره ونادي للسستره الموجوده بالغرفه الثانيه

صار راح اصيحه

بعد نص ساعه ولدت هيام ابنيه وولد يجننون اعيونهم على هيام والبنت نسخه منها بس الولد على ضرغام بس اعيونه على امه هيام

بعد ساعه اخذوها للمشفى خاف تصير مضاعفات
وهناك لكو ساره امجهزه كلشي الهم
وحجزت غرفه خاصه الها حتى تاخذ راحتها لان تعبت حيل بالولاده

وجها صار اصفر وبس ترجف ضرغام ما اقترب  لجهاله بس گاعد يم هيام منتضره تصحه لان خايف عليها نايمه وترجف ضمها لحضنه ويقره ايات على راسها

بقو يومين لان هيام اتخربطت اوضاعها وصار عده نزيف بس اتلاحكوها وعدت على خير

……………………………………………

اليوم تجي هيام والكل منتضر وصولها

وصلو وصارت كلها تذب جكليت وهم ذبحو طلي
على رجل هيام
بس هيام ما تحس بأي فرحه وبس ساكته حتى اليجي ويتحمدلها بالسلامه ما ترد عليه انتبه عليها ضرغام وامل هم

كلها تريد يشوفون الملائكه الصغار واحد ياخذ البنيه والثاني يريد الوليد ويتمالخون عليهم

هيام تعبانه وتريد تنام

ماما اريد انام تعبانه وما اكدر امشي لوحدي

ضرغام. …تعالي اني اوديج تعاي

كوه تمشي وضرغام امحاوطها من خصرها

نيمه وغطاها وهي على هدؤها ماكو اي تعبير بوجها

هيام يا عمري اشبيج ليش هيج مسلوبه فرحتج

ما عندي شي ضرغام بس تعبانه واريد انام

ماشي نامي( وعلاوي وماسه )اني اجيبهم

لاااا ما اريدهم لا تجيبهم

هااا صدك تحجين وليش هيجي عصبتي

ضرغااااااام روح ولا تجي لا انته ولا همه ما اريدهم

اكو ام ما تريد اولادها

اي اكووو خالتك قبل وهسه اني

اي البنت تطلع على امها

بس اتمنه تصيرين احسن من امج وتلمين اولادج لحضنج

……………………………………

هيام بالبدايه ما تقبل تقترب من اطفالها بس اشويه اشويه بدت تحب وجودهم بحياتها وصارو روحه بالدنيا

وضرغام رجع علاقته ويه هيام وبدت تحب وجوده قريب منها وكل ما يصير نقاش على موضوع عمليتها هي تضوج

مره انتبه عليها ضرغام وسألها

ليش تضوجين هيام من نجيب طاري عمليتج

لا متوهم

احجيلي اشبيج يا روحي

ما اريد اسوي العمليه لان اذا سويتها راح اتركك ضرغام

شنوو ليش يا عمري هااا

خليني عميه احسلك ضرغام لان اذا رجعت اشوفك راح اتذكر كلشي صار قبل وتذكر تعذيبك الي وراح تخسر هيام مره ثانيه وللابد

حضن وجناتها ابيده شوفي يا عافيتي اني حرمت من اهواي شغلات ومستحيل احرمج من شوفت الضوه
اني راضي تحرميني منج مستعد اتحمل بعدج وجفاج بس كون ترجعين اتشوفين من جديد

ضرغام راح اتشوف هيام جديده وحده گلبه ميت ومستحيل اتسامح ما راح اسامحك انته او اي شخص جرحني

خلاص مسحي ادموعج ولا تهتمين بأحد اني اريدج اترجعين اشوفين من جديد وتشوفين الماسه وعلاوي واذا ما تردين اتشوفيني ما راح ازعجج

بعد مرور 5اشهر  ………

اليوم موعد عند الدكتور عباس (عم هيام)

وحددو موعد العمليه بعد يومين

وجهزو امورهم وحجزو غرفه خاصه الهم

صار اليل وهيام كل لحضه تمر تتعذب بيه كلبه يحن لضرغام وعقلها يكره ومحتاره

اجه ضرغام يمه ……

هيام اريد انام يمج اليوم النه اخر يوم سوه

تعااال …ادنت وسوتله مجال وهو ما صدك گبل دحس روحه يمها

بقه صافن بوجها ويتأمل معالم وجها يمكن خايف من الجاي ويريد يشبع من شوفتها

وهيام بس گلبها يدك بسرعه حاسه هاي اول مره يكون قريب منها وهيج مرتبكه

حضنها وگام يشم بعطرها هاي اخر ليله النه هيام

اي اخر ليله ما اريده تخلص ضرغام خلينه نرجع وما اسوي العملية

لا يالعافيه بس باجر وراح هل عيون الحلوه تشوف النور

بس باجر راح تكون ابعيد عني ضرغام

ادري بس مو اهم منج انتي

صار الصبح ودخلوها للعمليات وضلت عمليتها 4ساعات

وبعد ما كملت العملية نقلوها للغرفه وبقة الضماد على اعيونها لثاني يوم

والكل داخل انذار متخوفين خاف العمليه ما تنجح

بس اكو شخص يدعي ما تنجح العمليه وهي هيام

ما تريد تبتعد عن ضرغام تحبه بجنون رغم العذاب الشافته منه

اجه الموعد حتى يشيلون الضماد عن اعيونها

وبده الدكتور يزيل الضماد

هيام اريدج اشويه اشويه تفتحين اعيونج ماشي

هزت راسه ب اي

وبدت تفتح اعيونها بس رجعت غمضت

اااخ ااااه ما اگدر افتحن الضوه قوي

اي اعرف لان صارلج اهواي ما شايفه الضوه

حاولي مره ثانيه

وبعد محاولات گدرت هيام تفتح اعيونها وشافت كل اهلها اگبال اعيونها

شافت ابوها وتذكرت السواه بيها وشلون اتبره منها
وامها من اتخلت عنها وما دافعت عنها

وضرغام ………الشخص الحبته من الزغر وتالي الحب عذاب

اتذكرت اشلون من يضربها ومن يعذبها اشلون من يشلع بأضافرها وشلون من يكهربها

اهواي شغلات اتذكرتهن

اول كلمه نطقتها هي ……اطلعووووو بررررره

ضرغام ……هيام اشبيج

كلت بررره ما اريد اشوف واحد منكم يلللله بره

امل… بنتي اهدي اشبيج

ما بيه شي خليهم يطلعون كلهم ذوله اني اكرهم ما اريد اشوفهم يله برررره

ضرغام …بهللحضه عرف راح يخسر هيام صدك

عباله بس كلام بس انصدم من ردت فعلها وترك الغرفه وراح

ومن هاي اللحضه بدت حياة جديده هيام

نهاية البارت اتمنه يعجبكم
:
;
:
:
:
:

وعتذر على التأخير
اعرف ضجتو اني ماره بهل شي
بس الضروق اقوه مني وما گدرت
ادعو لزوجي بالشفاء التام
هسه يله كملته
احبكم 🌹🌹🌹🌹🌷🌹🌹🌹🌹