رواية صرخة قلب الفصل الحادي عشر 11 - بقلم سحر الغرام

الكاتبة🌹
سحر الغرام 🌷
…………………

اول كلمه نطقتها هي ……اطلعووووو بررررره

ضرغام ……هيام اشبيج

كلت بررره ما اريد اشوف واحد منكم يلللله بره

امل… بنتي اهدي اشبيج

ما بيه شي خليهم يطلعون كلهم ذوله اني اكرهم ما اريد اشوفهم يله برررره

ضرغام …بهللحضه عرف راح يخسر هيام صدك

عباله بس كلام بس انصدم من ردت فعلها وترك الغرفه وراح

ومن هاي اللحضه بدت حياة جديده هيام

………………………………………

كلهم تركوها وطلعو ابوها امها اخوها الجبير وضرغام

بس بقت امل وعلي

امل ……اشبيج يمه ليش هيج اتصرفتي

ماما ما اريدهم ما اريد اشوفهم اتعذبت بسببهم ابوي وأمي اتخلوا عني وضرغام عذبني وتهمني بالخيانه

جنت عميه ونسيت ما اتذكر شي لان ما اشوف اوجوهم

بس هسه ما اتحمل اشوفهم اگبالي اجن يمممه

خلاص اهدي يا عمري ما راح اخلي احد يجي الج مره ثانيه

بعدين اني امحضرتلج مفاجئة

شني هاي المفاجئ …………
اذا كتلج ما راح تكون مفاجئة

انتضري خليني اشوف وصلت لو لا

اتصلت امل وگالت ها جبتهم

والرد كان …اي

اندك باب الغرفه وامل گالت اتفضل

دخل ضرغام وشايل بديه اثنين ملائكة صغار

يجننون

اقترب من هيام وحطهم بحضنها

من زمان متمني هاي اللحضه هيام اريدج اتشوفينهم

وتشبعين اعيونج بشوفتهم

هيام ……لمن جابهم  ضرغام وحطهم بحضني انتابني شعور غريب ما اگدر اوصفه حضنتهم وشميت ريحتهم حاسه حالي هاي اول مره احطهم ابحضني
وأول مره اشم عطرهم الماسه تجنن شكره وعيونها على اعيوني صدك تشبهني وعلاوي كوله ضرغام نسخه منه بس اعيونه على اعيوني

ندمانه لان قبل بعدتهم عني بس من بعد اليوم خلاص ما راح اتركهم او اتخله عنهم راح اكون سند الهم والماسه راح اهتم بيها وما اتركه ابد راح اخليها تكون صديقتي مو بس بنتي

………………………………………………………

بعد اسبوع ………

هيام صارت حالتها تمام ورجعو للبيت

وطلبت من ضرغام وعمه وخالتها  وعمته تحجي وياهم واجتمعو وبدت هيام تحجي

اني ردت احجي وياكم بخصوص مستقبلي
قبل قدمت تنازلات اهواي الخاطر ضرغام بس للاسف طلع ما يستاهل اتنازل اله واليوم اريد اخبركم اني راح ارجع اكمل دراستي

ابو ضرغام …اكو وحده هيج تحجي على زوجها

ليش حجيت شي غلط؟

بنتي خلي اشوية احترام لزوجج

لمن اعتبره زوجي ذيج الساعه راح احترمه بس اني ما تربطني بي علاقه بس الخاطر اطفالي اني باقيه وياه ولو ماجان عدي اطفال لا والله من زمان تركته ورحت بس احمدو الله باقيه عنده لسه

بس اني ما اسمحلج هيام اتقللين من احترامه

تسمح ما تسمح اني ما يهمني

هيااااام احترمي نفسج ولا تراددين

والله اني ما اسكت بعد مين ما كان ايكون راح ارادد واسكت اليحجي وياي

ولج انتي صايره ما تحترمين

اني ما اريد اجادل وياك بس ردت اخبركم بقراري لا اكثر ولا اقل سواء عجبكم او لا

ضرغام ابني ليش ما تحجي ليش ما ترد عليها وتسكتها
وتحطها عند حدها

هيام تباوع على ضرغام صفح 😒 وتريده يحجي هي تتمنه يرفض حتى تتعارك وياه بس كلام ضرغام صدمها وصدمهم

اني اموافق ترجعين وباجر جهزي روحج واني بيدي اقدملج

الكل انصدمو من قراره

ابني بس انته ما تريد مرتك اتكمل مو هذا كلامك قبل

يابه هذا الكلام قبل بس هسه اتغيرت اهواي شغلات

اي طبعن اتغيرت اهواي شغلات مثلا بعد ما اله حق يقرر شي بخصوصي اني القرار صار بيدي ومو بكيفه بعد اني الاقرر وهو غصبا ما عليه راح يوافق

هيام ماكو داعي تحجين بهاي الطريقه وياي هاي مو اخلاقج انتي

عوفنه من الاخلاق كلشي ما حصلت منها

وصدك العصر اني طالعه للسوك بس حبيت انطيكم خبر

اني اوصلج

لاااااااا مو انته علي راح ياخذني ما اريد خدماتك خليك ابعيد عني ولا تقترب مني ابد افتهمممت

ضرغام بقه متفاجئ من تصرفها وطريقة كلامها
متغيره عمرها كلها ما حجت وياي بهذا الاسلوب ليش

………………………………………………

بعد كم يوم …………

كملت هيام معاملتها وقبلوها دخلت قانون

وجانت اهواي متحمسه وفرحانه لان حلمها تكون محاميه

واليوم اول يوم دوام الها وقرر ضرغام هو اليوصله بس رفضت وهو عند اله هو اليوصلها

وعلى اعناده حطت مكياج طووخ وهو يتخبل من المره التحط مكياج

وهي طلعت مثل العروس وتتمايل بمشيتها مدري هو يشوفها هيج تمشي گعدت وره بس هو رفض اله تگعد كدام يمه

يسوق وينافخ ما يگدر يحجي وياها ويكلها امسحي المكياج لان راح تعاند وخايف لا ترجع وتحط مكياج مره ثانيه فوگ هذا المكياج 

وصل وشاف الطلاب والطالبات وهو گلبه كام يلوب اشلون يخليها اهنا وحدها بنص هاي الوحوش

الطلاب راح تاكلها اكل اشلوون

هيام تحجي وياه بس هو صافن على الولد الگباله

ضرغااااااام افتح الباب ليش قافله

هااا اي هسه

فتح الباب وهي نزلت حتى بدون ما تكله مع السلامه

بقه منتضرها لمن دخلت وهو نزل ووراااها مشى

ويباوعلها من ابعيد شافها دخلت الحمامات وبقه منتضرها خمس دقائق وطلعت هيام  بدون مكياج

اهنا ضحك ضرغام وعرف هاي الحركه بس حتى اتغيضه ارتاح گلبه وتركها وراح

اما هيام بقت وحدها گاعده بس اشويه اشويه بدت تتعرف على البنات الوياها بلقسم

وصارن عدها صديقات وحده اسمها (لقاء) والثانيه( بحر )والثالثه زهراء واكو طالب هم زميلهن اسمه (تيم)

بس تيم انعجب بهيام اهوااي وبقه صافن على جمالها

ويمكن كلبه بده يحبها

شكل تيم هو اسمر بس شكله حلو وشخصيه وكل لبسه اسود ومحبوب وكل  البكلية تحبه لان يتخالط ويه الطلاب والطالبات حتى لو ما يعرفهم يكعد ويتناقش وياههم

وبده يهتم بهيام حتى المحاضرات مرات هو يستنسخن وينطيهن لهيام

بس هيام عبالها اهتمامه عادي يعني هو معروف يهتم بزملائه

وراحت ايام واجت ايام وحبه يزيد الها ونصدم لمن عرف هي متزوجه بس من سمع قصتها صار عنده امل ان يوم من الايام راح تحبه وتترك زوجها وهو راح يتزوجها هذا جان كل نفكيره

اما علاقتها ويه ضرغام ما جانت تگعد وياه ابمكان واحد دوم هي بمكان وهو بمكان وكل ما  يحالول يكون يمه هي تعوفه وتروح

ودوم تكله اني ما اريد اشوف وجهك ابقه ابعيد عني

بس ضرغام كلبه بده يتعب بسبب جفه هيام وحاس حاله يتعذب اكثر من عذاب هيام قبل لان هو مو مثل هيام ما يتحمل بعده عنها وما عنده صبر بعد

وقرر يبعد عن هيام لان ما يتحمل يشوفها اگباله ومو من حقه يقترب منها

صار الصبح وكلها گعدت تتريك بس اتفاجئو من شافو جنطه ملابس مالت ضرغام مالت الجيش بالصاله

هيام امل الجد والجده كلهم بقوا صافنين واحد بوجه الثاني
بهل لحضه نزل ضرغام وهو شايل علاوي والماسه

صباح الخير

الكل صباح النور

امل …خيرك ضرغام شنو هاي الجنطه
حط الماسه وعلاوي بمكانهم ورد على عمته

عمه لازم اروح للموصل ويه باقي الفوج ويمكن ابقه شهر

هيام شهكت وحطت ايدها على حلكها بس محد انتبه غير امل عليها

ليش انته اتروح كل مره ما تروح

وهو يباوع على هيام …بس هل مره غير عمه ويمكن تتمدد اقامتنه اهناك يجوز شهرين او اكثر ما اوصيج عمه البيت بأمانتج

ابني اهناك المكان خطر عليك لا تروح عمه هي الموته وحده الجان اهنا او اهناك انموت انموت

ابعيد الشر عليك يكلبي لا تكول هل كلام بعدين تگدر اتفارك الماسه هااا

ضرغام يمسح بلحيته ويباوع على المردت كلبه لا والله ما اگدر على افراكها راح اتعذب اهوااي

هيام تباوع من تحت لتحت وتعرف هو يقصدها بس ضاجت لان راح يروح هي اتحبه لحد الان وما تتحمل ما تشوفه يوميه

كملو ريوكهم وراح ضرغام خبر ابو وامه ونصدمو من الخبر واترجو ورادو منه يتراجع عن قراره بس للاسف هو مصمم على قراره

واجته امه لهيام تريد تحجي وياها

خاله هيام انتي الوحيده التگدرين تخلينه يبطل ما يروح الله يخليج سامحي ورجعو لبعض لا تطولون بزعلكم

هيام …صافنه عليها ……زين انتي ليش ما رحتي لضرغام قبل وترجيتي حتى يسامحني ونرجع لبعض هاااا لو هذا ابنج وما تتحملين اتشوفينه يتعذب بس اريد اكلج مااااا راح اسامحه واني الاريده ما يبقه لان من اشوفه اكرها اكثر واكثر خليه يروح احسله

لان اذا بقه يجوز يخلص صبري واتركه اني ف احسله يروح ويبعد عني هذا احسن حل

كل كلامها سمعه ضرغام وفهم كلامها صح اذا بقه راح تتركه هيام

صار الضهر واتصلو على ضرغام يجهز روحه لان راح يجونه

وكمل كلشي بس بقت شغله وحده اباله لازم يسويها حتى يگدر يروح وهو مرتاح

دور على هيام ولكاها بغرفتها تلعب رياضه ولابسه اتراك اسود ضيگ واصلوخ وهي تلعب وما منتبها على الواگف ويتأمل بمعالم جسمها حس روحه عرگ وبعد ما يتحمل اقترب منها واندارت هيام اله انصدمت من شافته

اااا انته ش شتريد…بتعلثم

ما اريد شي يالعافيه بس حبيت اودعج ودعت الكل بس انتي البقيتي

اي مع السلامه تگدر اتروح

هاي هيه بس هذي الكلمه هيام

اي لعد شتريدني اكوم الطم

بحركه سريعه لف ايده على خصرها وقربها اله حيل واخذ شفايفها بين شفايفه وكام يتفنن بيهن طلع شوك السنين كلها

وهي تضرب على صدره تحاول تبعده بس ما تگدر اله لان هو ضخم وعضلات وهي مثل البزونه  بين اديه

حس على حاله وتركها

انته حقير روووووح يللله اطلع برررره وتضرب بي

هو مسك اديها واخذها لحضنه هيام راح اروح ديري بالج على الماسه وعلاوي

راح اشتاقلج ما اتحمل ما اشوفج يوميه رحت بس على مودج انتي لان ما تحبين اتشوفيني راح اروح وبعد ما ارجع جذبت على اهلي وكتلهم شهر وارجع بس جذب اني نقلت دوامي اهناك

عيشي حياتج وسوي النفسج بي من حقج هيام
بس اريد شغله وحده اتذكريني ولا تنسيني فدوه
اتذكري ضرغام الحبج بيوم من الايام وجان مخلص الج بس الزمن لعب لعبته وياي وخلاني اخسرج ندمان اهواي واتمنه امووت والله لان اعرف مستحيل اتسامحيني بيوم من الايام

وتركها وراح بدون ما يسمع جوابها
وهي انهارت بالبجي هي اتحبه بس ما تگدر اتسامحه

ضلت تبجي تبجي بس ماكو فايده راح ركب السياره ويه اصدقائه وراح

بعد مرور سنتين …………

هيام من اشطر الطالبات بالقسم

وعرفت تيم يحبها بس ما بينت اله وكامت دوم من يكون موجود يمهن هي وصديقاتها تذكر ضرغام واشلون جان يحبها وهي تسولفلهم اشكد اتحبه لسه وراح تبقه وفيه اله طول العمر حتى لو ابعاد عن بعض

اما ضرغام گام كل شهرين يجي اجازه اسبوع ويروح وبهذا الاسبوع يتحسر على شوفتها لان هي اتحاول ما تشوفه

بس هو يدور عليها ادواره ويشوفها

وكل ما تخلص اجازته من يريد يروح يبوسها ويروح بدون رضاها وهي تحترك روحها من تصرفه بس بداخلها تتمنه هل لحضه ما تروح وما تخلص

وعلاوي والماسه كبرو وصارو يخبلون اما الماسه بنية جسمها ضخم يعني عمرها ما يناسب جسمها

ومتعلقه بأمها حيل وعمتها امل

نجي ل امل هي رجعت لدوامها وجانت مشتاقه اهواااي ل عمار زميلها

اما عمار من شافها من بعد اغياب ما يعرف شنو من احساس انتابه بلحضتها جان مشتاق اهوااي الها ولشوفة وجها الجميل

قرر اليوم ماكو دراسه بس يتونسون بالجامعه

وعزمها على الغده وجاب بنته حتى تتعرف عليها لان تتمنه اتشوف امل الابوها كل لحضه يحجي عنها
البنيه عرفت ابوها يحب امل وهي حبتها بدون ما اتشوفها بس اليوم فرصه حتى تتعرف عليها اكثر واكثر

وجان يومهم كلش حلو للطرفين

……………………………………

اما فهد وفرح

فهد من سنتين وهو يخطط اشلون ينتقم منهم وصار معروف بين جماعته وصارت عنده شله تعبانه
ويخطط لشي جبير للنتقام

اما فرح اطلگت غيابي ضرغام طلكها

وهي عرفت بهذا الشي

بس ضرغام يعرف كلشي عنهم وحتى مكانهم يعرفه

وبين فتره وفتره يشمشم اخبارهم وخاف ينون على شي حتى يكون مستعد الهم

…………………………………………………

صار على حياتهم اربع اسنين

وهمه على هذا الوضع

بس امل اتغيرت حياتها

عمار صارحه بحبه الها وطلب ايدها للزواج وهي وافقت واهلها كلهم وافقو بس

الفرحه ما تدوم اجه ابن عمها من الخارج وجايب بس جهاله ويا لان زوجته اتوفت

وسمع بخطوبتها بس هو اعترض وگال بت عمي الي مو لغيري
وهنا امل انتفضت وقررت اتحطه عند حده

جانو الكل گاعدين من اتكلمت هي

شوف ثائر انته اتزوجت وتركتني بدون حتى ما تبرر الي وما حجيت شي ولا عاتبت احد ولا ذبيت الووم على احد سكتت وكملت حياتي وانته عشت حياتك وتزوجت من وحده حبيتها وهسه تالي العمر تعترض على زواجي لك انته ما عندك ضمير هاااا ما تخجل اني لو منك ما ارجع لهنا بعد

ما اراوي وجهي بعد

وما الك حق تعترض افتهم اني احبه اسنين تعرف شنو اسنين وما اسمحلك ترفض انته ما الك حق بعد خلاص

وحتى لو الكل اعترض اني راح اسوي البالي وراح اتزوج الوافقتو او الرفضتو

عمي احجي وياها ليش ساكتين

طفرت هيام وهي كلبه امجمر على خالها

تره عمتي ما حجت شي غلط وكل كلامها صح وانته الغلطان لان خنتها وخليتها تتعذب قبل بس الله ابد ما يترك عبده ساعدها وخلاها تكوم من جديد وهسه هي بين ناسها واحبابها وانته وين هااا كلي وين انته

متغرب عن اهلك واطفالك ابعاد عن اهلهم والغربه تكتل

هذا جزاتك احسلك اترك كلشي وارجع من وين ما اجيت المصلحتك تره

حجت المحامي الدفاع شنو منو خلاج محاميه على امل

لا مو محاميه بس لان محد يردك اشو المضيف متروس زلم امشوربه ولا واحد كام وحجه وخلاك عند حدك

ولج انتي ما تستحين صايره اقترب منها صار يضربها

بس ايده لزمها ضرغام اعتذر خالي بس ما اسمح لاحد يأذي هيام وهي مو غلطانه انته الغلطان واني اايد عمتي امل من حقها اتكمل حياتها ويه الشخص التحبه والتهواه

ف جيتك وتطالب بيها وتريد انته تتزوجها غلط

خالي ارجع لحياتك واطفالك متعودين بهذاك البلد

روح وانساها وتمنالها السعاده مثل ما اتمنت الك السعاده قبل

ثائر ……امل انطيني فرصه اليغلط ينطو فرصه يصحح غلطه الله يخليج

شوف ثائر لو الك مكاني ابكلبي جنت انطيتك فرصه بس صدكني ماكو شي ابكلبي الك لا مشاعر ولا حب

انته انسان عادي بالنسبه الي مجرد ابن عم واخ بس

خلاص اني اسف واعتذر منج ومنكم كلكم صح اني غلطان ونشالله اشوفج فرحانه ويه زوجج المستقبلي

اخذ جهاله ورجع لبيت ابوه وجهزو جنطهم ورجعو للبلد الجانو بي

وصارت الخطبه رسميه ولبسو الحلقات واهل عمار فرحانين بجنتهم الجديده وصار الزواج وقرر عمار شهر العسل بتركيا

وجهز جوازه وجوازها بس

بس امل گالتله ليش بس اني وانته

ههههه يا عمري احنه العرسان منو تردينه ويانه يروح

احنه مو صرنه عائلة.

اااي

وكم فرد بهاي العائلة

اتلاثه

ممممم لعد ليش جوازين بس

يا عمري بنتي تبقه بيت جدها لمن نگضي شهر العسل ونرجع

لا لا لا گلبي ما ينطيني اتركها ونروح كل هاي المسافه لو هي ويانه لو ما اروح

هااا

والله.

خلاص راح اجهز جوازها ويانه

اي هيج تمام

صارت تروح بس هو لزمها ومنعه من الروحه

وييين تررردين هاااا

راح اجهز ملابسنه

لا عوفيهن لا تعوفيني

خلاص اتركني اشبيك

ما اتركج

عمار خلاص

اتخبل من اسمع اسمي بصوتج اجن

حباب

منو كالج اني حباب هاا

لاا اشبيك

تعاي اريدج.  وووو……………

……………………………………

اما ضرغام رجع لدوامه القبل يعني بعد ما يبعد عن البيت وابو وامه وسما انتقلو يمهم

اجت امل ازيارة وقررت تبقه عدهم اسبوع بس بجيتها جانت ناويه على. شي

جانت گاعده هي وهيام وسما وسما سألت هيام سؤال

شنو تتمنين اول قضية تستلمينها يعني اول قضيه بمجالج

جاوبتها هيام بدون تفكير …الطلاق؟

كلهن نطت اعيونهن على هيام وضرغام صادف جيته وسمع كلامها

سما …شنوووو هاي امنيتج هيام الواحد يتمنه اول قضيه اله عقد زواج لو تسجيل عقار وانتي تتمنين طلاااااق

انتي ليش انصدمتي سما اعرفي طلاق منو وبعدين انصدمي

منوووو؟ ……

طلاك هيام وضرغام ترررااااا

امل بقة صافنه على ضرغام وتحجي وياه بنضراتها

گامت امل منزعجه من هيام وطلعت للحديقه ولحكها ضرغام

عمه اشبيج يالغاليه

ضرغام الى متى تبقون هيج كلي

ما ادري يا عمه اني هم مثلج محتار وتعبان شسوي بعد كليلي ماكو شي ما سويته بس بدون فايده

اخذتلها صفنه امل ………………

شوف عندي خطه

شني
انته اريدك اجهز مزرعته من كلشي والشبابيك اريدك اتقفلهن والبيبان هم يعني من تدخل لداخل البيت كلشي يكون امقفل هسه تروح وتنفذ كلشي وهاا اريدك تاخذ مسواك يكفي عشرة ايام

وكلشي تحتاجه انته وهيام

عمه على شنو ناويه كليلي

اريدك تخطف هيام …………؟؟

شنووو

اي ومن باجر مو ترجع من الدوام انته تجيبها من دوامها بس ما تجيبها لهنا لا تاخذها للمزرعه

وتبقون اهناك واي شي تحتاجه بس خابرني
وما ترجعون اله وانتم متصالحين بقت الشغله يمك انته وشطارتك

نهاية البارت اتمنه يعجبكم

وعتذر عن التأخير
هسه كملتها ونشرته الكم

الساعه بالثنتين واربعه وعشرين دقيقه

تعبت كمت كوه اشوف الاحرف

اذا اكو سحكه عود علسوو

😘😘😍😘😘