رواية صرخة قلب الفصل الثالث 3 - بقلم سحر الغرام

الكاتبة
سحر الغرام
********ب ص

مراحب اشلونكم غوالي
خلونه نكمل قصتنه
اذا عجبتكم صوتولي
حتى تصعد القصه
*&*&*&*&*&*&*&*&*&*

تسمحلي اذبحك واخذ اعيونك
وشوفن بيك ونته اتشوف بعيوني
وتسمحلي انسخك ومسح التصوير
وحطك وسط عيني وقفل اجفوني
وتسمحلي اشمك واشهگ اني وياك
خاطر لا يشمح احد دوني
تسمحلي افك گلبك ونامن بي
خاطر من تجي العذال يلكوني
واذا تسمح ابوسك واشتعل نيران
حتى انعل والديهم لو يطفوني
تسمحلي اشبگك شبگت المشتاگ
واموت من اللطم ويطيحن امتوني
تسمحلي ابوكن صورتك بسكوت
وحضنهة ونوح اليل خلوني

****&****&****&****&***

اني موافقة

هيام ما اريدج توافقين على حسابي

لا لا يوم اني معجبه بضرغام وموافقه عليه لان احبه

امي ضلت متفاجئه وعيونها صارن بيهن لمعه وگعدت يمي

معقوله بنتي كبرت وكامت تحب هاا واني ليش ما عندي علم

يوم انتي جنتي بعيده عني وما جانت عندي الجرئه احجيلج جنت خايفه منج وحتى عمتي امل نصحتني احجيلج بس اني رفضت

يعني انتي موافقة عليه خلاص

اي خلاص
بعني اهلهل

ههههههه اي هلهلي

كلللللللوش كلللللللوش

يله گومي لبوج ونطي موافقتج

لا ماما ما اگدر استحي

اوووف يمه اليخجلن بس ابوج ما راح يقتنع اله انتي تنطينه موافقتج تعاي وياي

لا حبابه والله اخجل ما سمعتني امي سحلتني من ايدي وهي تهلهل ونزلنه يم ابوي وهو متفاجئ

ها خيرج
ابو منتضر هيام موافقه

اشلون موافقه وهي صعدت تبجي

لا بابا اني موافقه.
هيام بنتي اذا امج جبرتج لا تاخذين بكلامها القرار راجع الج

لا يالغالي امي بنفسها گالتلي ابكيفج واني موافقه من ذاتي محد جبرني

يعني انطيهم خبر موافقتج

دنكت خجلانه اي انطيهم خبر

فتح ادينه ابوي وگالي تعاي يا روح ابوج
رحت وحضنته وهو يمسد على شعري

راح تروح شمعت بيتي ومنو بعد ينشد عليه

لا تگول هل حجي يا نبضي قابل اني وين رايحه بينه حايط واحد وراح تمل مني وعد

هههههههه انشوف هيومتي

اتصل ابوي على عمي وعزمه على العشى صح صارت السالفه بسرعه بسرعه

بس هل شي من صالحي وصالح ضرغام لان دوم يكول اريد السالفه بسرعه تصير خايف يحط عينه عليج واحد من اولاد عمومتي وتروحين مني واموت

صار اليل وصارت لمت الحبايب وحبيب كلبي ضرغامي
هم موجود وطالع يملخ مدري اني اشوفه حلو

المهم بعد العشى خبرهم ابوي بموافقتي وصارت التهاني والتبريكات اليه والهلاهل ونضرات ضرغام ما فارگتني بعثلي مسج مكتوب بيها

💬عافيتي اريد اشوفج
💬ما اگدر اشلون ووين اشوفك وكلها گاعده
💬عافيتي تره اني مريض ودواي عدج دبريني حبابه

💬صدكني ما اگدر
💬ماشي شوفي من كلها تنام اني راح انتضرج وره البيت ومن ادزلج مسج معناها اني منتضرج اتفقنه

💬ما ادري خاف ما ادبرها ويذبحوني اذا احد شافني لا تورطني حبيبي

💬احتركت عشيرت حبيبج اسمعيني قسما بالله اذا ما اجيتي اني راح ادك الباب واطلبج بالاسم وبعد انتي بكيفج

💬مجنون انته

💬اي مجنون بيج، انتي جننتي ضرغامج وما على المجنون حرج 

💬الله كريم
💬اعشگ هواج يالعافيه
💬واني مجنونه بحبك ضرغامي
💬يله عل وعد مو تنسين
💬لا ما انسه

تركت المبايل عد عمتي امل ورحت اجيب حب لوجع الراس طلبته مني عمتي تكول راسي يوجعني

جبته الها ولكيتها تكلب بمبايلي عبالي شافت الرسائل بس لكيتها اتكلب بالصور ومعالم وجهه ما بيه شي يعني سلامات ما كشفتني اخذت منها المبايل ودخلت على الرسائل وحذفتهن ما اريد احد يشوفهن وابتلي

كلها راحت لبيوتها واهلي نامو لان تعبنه من فرت العشى واني اتكلب مثل السمجه خايفه هذي اول مره اتصرف هيج تصرف دك جهازي وشفت المتصل ضرغامي

لبست شالي وطلعت واني اتلفت مثل الحرامي وصلت للباب الوراني فتحته على كيف وخليته مفتوح وما شغلت الاضويه اخاف من الضلمه كلش بحيث اتخيل اشياء اتخوف

واني ادور وين ضرغام حسيت على ادين حاوطن خصري ارتعبت عبالي حرامي اجيت اصرخ بس من شميت عطره وهو همس يم اذني اشلونها العافية

هدأت وما بدر مني اي حركه دارني اله وحضن وجناتي بين اديه

…هيامي يا عافيتي مشتاقلج مووت ولج انتي اسويتي بيه خبلتيني خليتيني ابهذا عمري اراهق ما اعرف اشلون طلبت منج تجين لهنا وبهذا الوكت بله لو هسه شافنه احد شنو راح نكله

خلاص ضرغام والله احس كلبي يريد يطلع من اضلوعي خايفه

لا تخافين طول ما ضرغامج موجود

اخذني لحضنه ولمني لم حسيت حالي غصت بحضانه
حضنه دافي ويحسسني بالامان وفجاء سمعنه واحد يتحمحم

احم احم خلصتو لحضات الاشتياق والمحاضن هااااا

اندارينه لجهة الصوت وشفنه عمتي امل وعيونه يجدحن اتجدح والحواجب معگوده ضلينه واحد يباوع بوجه الثاني ورجعنه وجهت نضرنه لعمتي امل

انتم ما تخجلون من انفسكم شنو قلت الادب هذي هاا انتي هيام  ليش كمتي اتضمين عليه
ونته ضرغام ما خجلت من نفسك بله هيام ازغيره وزعطوطه بس انته الرجال الجبير العاقل ليش هيج تتصرف

لا عمه شنو زعطوطه

انتي اسكتي وردي السانج لا اگصه

عمه خلاص على كيفج وياهه هي ما الها ذنب اني طلبت منها اشوفها حتى رفضت بس اني الحيت عليها
وخليتها تجيني

اي دافع عنها بس لازم اتفكر بالعواقب لو احد شافكم مثلا ابوها لو واحد من اخوانها شنو راح يكون ردت فعلهم وشنو راح يتصرفون وياها يمكن يأذونها

اسف عمه اني اعترف غلطت وبعد ما اعيدها

ابني اني مو ضدكم بس خليها لمن تصير حلالك وانته ادور الك حق تشوفها وتشوفك ويله انتي ام السان روحي قبل ما يطلع احد ويشوفك

ونته حضرت الضابط گدامي يله

صار تدلل عمتي
اي اصبغ اصبغ

***&***&***&***&***&***&***

ضليت اعض اصابعي ندم لان ضميت عن عمتي امل
المفروض احجيلها كلشي وافتهم منها هل شي صٍحٍ لو غلط لازم باجر اروح واعتذر منها اخذت مبايلي ورسلت رساله الها كتبت كلمه وحده.     اسفه

ولفيت راسي ونمت

*&*&*&*&*&*&*&*&*&*&*&

ثاني يوم

داومت وجان اليوم عادي ما بي اي شي مهم

ومن رجعت اتغديت ورحت لعمتي امل اعتذرت منها وبالگوه سامحتني ادري بيها ما تزعل مني بس تريد تفهمني بطريقتها اني غلطانه

وبليل اتصل عليه ضرغام وجان اتصاله بخصوص دراستي وذكرني بشرطه ما يريد زوجته تدرس حسيت كلبي انعصر لان احب دراستي ومنيتي اكون محاميه بس لازم اضحي بمستقبلي لخاطر حبيبي يستاهل اتنازل اله مستعده اقدم تنازلات لخاطر اكون وياه

وافقت وهو اتكفل يفتح هل موضوع ويه ابويه وحددنه زواجنه بعد ما امتحن واخذ شهادتي وتخلص المدرسه راح نبدي نجهز لزواجنه

وفرحني بخبر حلو گالي نهاية الاسبوع راح نعقد
وصدك صار يوم العقد واني طايره من الفرح خايفه احسد روحي على هل فرحه

كلها حضرت اعمامي وخوالي وبنات واولاد عمامي وخوالي وعماتي وخالاتي وصارت احله لمه تم العقد وكلها باركتلي بس اولاد عمي وليد
فهد وفرح احسهم
ما عاجبهم هل شي ومبين على وجوهم العبس
بس امهم مريه حبابه ومسالمه ومبين على وجها الفرحه وهي كلش تحب ضرغام لان دوم يسأل عنه ويشوفها دوم ويهتم ل امرها

بس اني ما الي دخل اهم شي عندي ضرغامي شفته همس يم اذن  عمتي امل وهيه ضحكت وراحت تحجي ويه ابوي وشفت ابوي هز راسه بمعنه اي

شفت عمتي امل اجت بتجاهي وصلت الي وگالتلي تعاي وياي رحت وياها دخلتني بغرفة الضيوف

ها عمه صاير شي

لا يا روح عمتج ما صاير شي انتضري اشويه واجي مو تطلعين

صار

گعدت على السرير وصافنه اتذكر ضرغامي واشلون طالع شخصيته قويه واله هيبه تسطر

واني صافنه حسيت احد حاوطني وقيدني بديه عرفته ضرغامي انداريت اله وگال

مبروك عليه عافيتي
واني مبروك عليه ضرغامي

احبج هيامي ولج جننتيني
مو بگد حبي الك تره حبي من زمان

تعاي لحضني
ماا (حجيت بمياعه)

اتورطة كلت ما
انسحلت من اديه ونيمني وصار فوگاي
ردت ادفعه بس كمش اديه وحطهن فوگ راسي دحس راسه بصدري وكام يدغدغني بلحيته كمت اضحك وبلكوه كاتمه ضحكتي خاف احد يسمعنه ترك اديه وحاوط وجناتي بديه صارت المسافه معدومه بينه وختلطت انفاسنه همس وهو يباوع لشفايفي يلعافيه اريد اضوك العسل تدرين ضگته مره وضل طعمه لسه بشفايفي

لا تحرميني خليني اضوگ

ضرغامي اني كلي الك صرت ملكك حاوطت ركبته بثنين اديه وهو جان منتضر مني اشاره اخذ شفايفي وكام يبوس بيهن برقه وحنيه ولمساته كلش جريئه
وزادت لمساته اكثر جرئه انتبهت عليه ودفعته بديه الناعمات من صدره بس شدفع مثل الجبل صاير فوكاي حسيت الهوى خلص بعد ما اگدر اتنفس وحس عليه وتركني

ابتعدت عنه اشويه بس هو سحلني وخلاني بحضنه
وحاوطني بثنين اديه وگال هذا مكانج وبعد ما اسمحلج تبتعدين عني واخذ راسي وحطه على صدره وگال هذا وسادتج

هيام ما اريد احد يگول ضرغام اتزوج وحده زعطوطه وما تفهم اريدها كلها تكول عرف يختار ضرغام

من غير ما تكول حبيبي اني راح اكون عد حسن ضنك حياتي

اوووف ولج تعاي انتي بتي وروحي وحياتي وعافيتي
تعاي لحضني

***&***&***&***&***&***&***&***

فهد …اني فهد ابن عم ضرغام ابوي متوفي عايش بس ويه  اختي  وامي طول عمري واني اكره ضرغام ما احبه ولا اطيقه وهو دوم عنده حض كلشي يريده
يوصل لعنده 

وما عرفت بخطبته اله ليوم العقد هل حقير عرف يلعبه صح دور احله وحده من بنات عمامي وخطبه اله لو ادري حاط عينه عليه جان اخذته منه بس ما عليه الايام طويله بينه وراح يجي اليوم الراح تصير بي هيام الي اني وگدام اعيونه

قررت ابدي ابخطتي واختي فرح لازم ادخله وياي بالخطه لان هي الوحيده التگدر تساعدني واعرف بيه جانت تحب ضرغام وهو ولا امعبرها اتفقت وياها وراح نبلش بالخطه
*&*&*&*&*&*&*&*&*&&*&*&*&**

خلصت امتحانات ونتضرت النتيجه على احر من الجمر
صح ما اكمل بس على الاقل تكون عندي شهادت السادس اعدادي
وصدك طلع معدلي 89وطرت من الفرح لو مو زواجي وشرط ضرغام هسه اني بالكليه حلمي اكون محاميه شاطره بس مو كلشي نتمناه نحصل عليه

بس اهم شي اتمنيته بحياتي صار وهو ضرغام بعد كلشي ما اريد

#****#****#****#****#****#****#

حددنه موعد زواجنه بعد شهرين وضرغام كل ساعه والكي اگبالي وحتى تجهيزات العرس واي شي احتاجه ما يقبل احد ياخذني اله هو وكلها متعجبه اشلون ضرغام متغير وللاحسن

اليوم صادف جمعة وعمي ابو علي مثل كل مره يعزم احبابه على الغدا واني الفرحه ما واسعتني راح اشوف ضرغامي

وصدك بعد الغدا صاح ضرغامي
هيااام صبيلي جاي وحطي بغرفتي واني مثل المخروعه ركضت للمطبخ وسويت الجاي بسرعه وطرت لحبيب گلبي

فتحت الباب ماكو ضرغام رحت حطيت الجاي على الطبله وردت ادور عليه بس ابسرعه وبخفه طرت بالهوى عرفت هذني حركات حبيبي وابو بيتي 

هسه طالع من الحمام وشعره ينزل منه قطرات ماي وريحت المعطرات تدوخ ما جان لابس غير بس الشورت صح ماخذه عليه بس لسه اخجل منه

نيمني على السرير ونضم هو وياي ردت افلت منه بس ما خلاني لفني بالحاف لف وهو وياي بس روسنه طالعه اني بعد ما اسيطر على روحي بس اضحك وهو يريدني اسكت ما اگدر اسكت كتم ضحكاتي ابوسه گطع شفايفي وكو خلصت منه

اااخ ضرغام دميت شفايفي خلاص زعلت

بس الزعلان لازم نراضيه مووووو تعاي اراضيج

لاااا لااا حباب كافي والله كامت توجعني شفتي ضرغام
وبرطمت

ولج لا تبرطمين ادوخ بس اشوف هيج شفايفج ما اقاوم وهسه اگطعهن اذا ما بطلتي حركات

لا حباب بطلت خليني اروح حباب

ترحين بس لمن تشربيني الجاي بديج الناعمات يا ناعمه انتي

يدلل حبيبي اذا اني ما اشربك منو يشربك مممم

كمل جاي و. ودعته وعدلت شالي وطلعت واني امشي وما منتبها صار اگبالي فهد سلم عليه

اشلونج هيام

بخير خويه

اله ضرغام وين

هاا ب بغرفته (برتباك)

صاير هل ايام اهوااي اشوفج قريب من غرفته

اي هو راد جاي وجبته اله

مممم زين احنه مالنه حصه بيج

شنوووو

اقصد تكدرين اسوينه جاي وجيبينه اليه اني بغرفت ضرغام

هيام …ضجت منه ومن كلامه ونضراته فد واحد ما يستحي حتى على عرضه يباوع ردت اصرفه خاف يشوفني ضرغام وابتلي كتله هسه اجيبلك وتركته قبل ما يحجي شي

نزلت لكيت عمتي امل من شافتني ضايجه اجت اليه اني رحت للمطبخ

هيام اشبيج يا عمري صعدتي مثل الورده المفتحه ونزلتي ذبلانه اشبيج

اوووف يا يمه ما اعرف شكلج بس هذا فهد ما مرتاحه منه نضراته مقرفه وانزعج منه وما اعرف ليش هل فتره علاقته صارت ثخينه ويه ضرغام اني خايفه

واني هم مثلج هيام ما مرتاحه منه طول الگعده واني اراقبه كل اشويه ويباوعلج بس من تحت لتحت ما يخلي احد يشوفه

لا عمه لا تخوفيني الله عليج والله اخاف اذا عرف ضرغام يموتني

وليش يموتج انتي ما الج علاقه بس اريدج تاخذين حذرج وما تحتكين بي ابد وحتى سلام لا تسلمين ماشي يروحي

صار يمه راح اخذ بكلامج تدرين كل يوم اتشكر ربي العالمين لان من اتزوج راح تكونين وياي ما اعرف اشلون ادبر اموري اذا انتي مو وياي

لا تخافين يا عمري اني وياج على طول وما اتركج للابد

احبج يا احله ام بالدنيا

&&****&&****&&****&&****&&

صار موعد الزواج وصارت احله ليله بحياتي
ضرغام طالع يجنن والقاط الابسه تحفه عليه البنات اكلنه اكل بالنضرات واني الغيره فول صارت عدي

صارت الزفه بالقاعه وبعده رجعنه للفندق وجانت احله ليله بحياتي وضرغام مهتم بيه وغامرني بحنانه

صارت علاقتي بالكل قويه ويه نسوان احمويني احبهن ويحبني ويه اخوات ضرغام من زمان علاقتي قويه

وخالتي ام علي هم وفرح هل فتره صايره تجي النه اهواي وتتقرب مني بصراحه قبل ماخذه نضره عليه عبالي متكبره وتكرهني بس هسه اكتشفت اني على غلط الصراحه هي حبابه وتحب الكل بس جنه احنه مبتعدين عنه

وصارت صديقتي المقربه هي وشهد بت اخت ضرغام

وكمت اخلص شغل البيت من وكت وتجي هي ونگعد ندردش اني وياها

بس مره حجت وياي على مرت علي حماي تكلي ليش تشتغلين انتي بمكانه خليها هي تشتغل انتي كملي بس شغلج والباقي خلي عليها

هيام … بس اني ما عندي شي وفارغه وهي خطيه حامل وفترة نساته كلش صعبه ومحتاجه راحه وما بيه شي اذا اشتغلت ابمكانه اصلن بنص ساعه اخلص كل شغل البيت ف مو حلوه مني اخليها تشتغل وهي بهل حاله

وبصراحه ما اريد احد ياخذ نضره مو حلوه مني
اريد الكل يحبني وما اريد تصير مشاكل بالبيت بسببي لان هل شي راح يزعج ضرغام واني اموت اذا حبيبي يزعل مني

ما اريد احد يكول ضرغام ما عرف يختار وبعدين زينب بت خالتي واختي واني احبه واعزه من معزت اخواتي وانتي تعرفين اشكد احب خواتي وهي وياهن

ارجوج فرح ما اريد تحجين مثل هيج موضوع مره ثانيه لان هل شي ما احبه

اووو نسيت لازم اجهز العصير ل زينب خطيه من البارحه اشتهته واني وصيت ضرغام وجابه بليل

عن اذنج اشويه واجي

روحي ما يفيد وياج الحجي اني احجي لمصلحتج

صدكيني لا تحجين وياي مثل هيج موضوع راح يكون المصلحتي

*****&****&****&****&****&****

زينب …اني زوجت علي اخو ضرغام جنت نازله وسمعت حديث فرح وبصراحه ردت اطب وارزله بس استوقفني كلام هيام واشلون ردته وسكتتها وفرحتني من كالت من معزت اخواتي لان بصراحه اني ما عدي اخوات بس خمس ااخوه عندي واني البنت الوحيده بينهم ردها برد كلبي وكبرت ابعيني هيام

طبيت لغرفتي واشويه واجت هيام وجايبه وياها عصير صدك البارحه اشتهيته وكلت لعلي ونسه يجيبه اليه

هيام ما اعرف اشلون اشكرج انتي اتحملتيني اهواي وكل شغل البيت عليج انتي بس

زينب خلاص تره ازعل منج انتي تتنسين وهل فتره يرادلج اهتمام وراحه واذا اختج هيام ما اهتمت بيج منو يهتم بيج هااا احجي

واكثر من اخت هيام ما اعرف شنو اسوي لو انتي مو وياي

شوفي كلشي يخطر على بالج تكليلي واني اسوي الج اي شي واذا ما كلتيلي راح ازعل عليج تره اعرف ابطريقتي

خلاص وعد راح انطيج خبر

ماشي زين يا حلوه عندج ملابس يله انطينياهن اني هم اريد اغسل ملابس ضرغام وياهن اغسل الملابس اليردن غسل يله طلعيهن

لا هيام خلاص صدك زحمه اني راح اغسلهن حتى لو گوه على روحي

هههههه حلوه هاي گوه على روحي تجيبي بابا اني صارلي ساعه شسولف ها يله وبعدين عود من احبل انتي تساعديني يله يله

امين يا رب العالمين هيج واسمع خبر حملج

يسمع منج يا عمري يله اريدج اتخلصين هذا العصير كله وبعدها تنامين لان البارحه ما نمتي

اشمدريج هيام

افا اني هيام اخبار البيت تجيني مباشر اشلون تستهينين يقدراتي

لا صدك اشلون عرفتي

علي گالي وخطيه شايل همج يكول كسرت خاطري

اي هو ما نام بقه وياي

يا عيني على الحب والرمانسيه

هههههه خلاص هيام

****&***&***&***&***&****&*****

صار على زواجي 3اشهر وجانن احله اشهور ابحياتي عايشه مثل الاميرات واميري ضرغامي مدللني بالبدايه جنت خايفه ما اعرف طبع ضرغام بس هو رجال حنون وگلبه طيب ولمن نكون بغرفتنه يتغير ويصير مثل الطفل اليدور على حضن امه وهل حضن هو حضني

ابد ما يقبل ينام اله ابحضني ويوميه متعاركين اني اريد انام بحضنه وهو يريد ينام بحضني

ومن نكون بره الغرفه يتغير لشخص صارم وحدي اليشوفه يكول متعارك دوم عاگد حواجبه ولا يتشاقه وكوه يبتسم

وكل اسبوع يشتريلي فستان يكول شفته وعجبني عليج اكيد يطلع حلو مره لونه احمر ومره لونه گحلي ومره لونه سمائي من لون اعيوني

ومره يجيبلي سيت نوم انترست الخانه ترس وكل ما اكله خلاص يكلي ما عليج انتي

ايامي كلش حلوه لحد اليوم الغير حياتي وگلبه
رأسا على عقب

……………………………………………………

فرح/////بدينه خطتنه اني واخوي فهد وخليت هيام تطمأن من ناحيتي وخليته تثق بيه ومن اتأكدت منه بلشت بأول خطه وهي

اخذت فستان من عده بدون علمه لونه احمر عرفت جايبه الها ضرغام ولبسته ورحت لوره البيت وهناك لكيت فهد

فهد /اسمعي فرح راح نمشي من جانب المضيف هناك
ضرغام عد اهل هيام واكف هو عمي انتي من نصير اكبالهم خلي يشوف بس گفاج   حتى يعتقد انتي هيام

وضلي احجي وياي وبعدين الزمي ايدي ومن تلزمينه ضميه لكلبج اريده يشوف كلشي وبعدين اني ادفع ايدج واحجي ابعصبيه وياج واتركج واروح

وانتي تركضين ابسرعه وتنزعين الفستان وتروحين ترجعينه لغرفتها وتخلين هيام تلبس الفستان ضروري تلبسه واني راح ااخر ضرغام على ما تنفذين الخطه افتهمتي

اي افتهمت بس شنو الغايه من هذي الخطه

الغايه اريد ضرغام يشوف هيام وياي اكثر من مره حتى من اكله عليه راح يصدك كلامي ويعتبرها خاينه

يله خلينه نبدي

وكملنه خطتنه ونجحت

.*****&*******&*******&******&*****

ضرغام …جنت واكف يم عمي ابو هيام وشفت هيام واكفه يم فهد ابن عمي بيتنه بس اني ابيت عمي وهي ابعيده عني ما اسمعه شنو تحجي وشفته مسكت ايده وضمته لكلبها وهو دفعها وبقه يحجي وياها بعصبيه وتركها وراح

بصراحه هل شي جنني معقوله كل هذا يطلع من هيام لا لا ما اصدك هذي بنيتي وحبيبتي وهي تعشقني بجنون مستحيل بس اكيد اكو شي ولازم اعرفه تركت عمي ورحت للبيت وتلاكينه اني وفهد سلم عليه بس ضايج ومهموم وحتى ما يحط عينه بعيني

خيرك فهد اشبيك

اااخ اشبيه يا خوي ما اعرف اشبيه شايل هم يهد جبال ما اكدر احجي خاف احجي واتندم

فهد اشبيك كول لا تضل ساكت احجيلي

لا ضرغام عندي شغل مهم غير مره احجيلك اذا ما انحلت السالفه على خير راح اجي واحجيلك انته اول واحد وعد

خلاص براحتك يله اودعناك

رجعت للبيت وعيوني ادور عليها
…………………………………………………

هيام …اجتني فرح وهي شايله بيدها فستاني الاحمر

الله يا هيام على هل فستان يجنن ما شايفتج لابسته

هذا ضرغام جابه اليه

الله عليج البسي خليني اشوفه عليج

فرح غير مره مشغوله

لا لا هسه تلبسينه بعدين ضرغام على وصول اكيد اذا شافج لابسته راح يطير عقله يله

خلاص خلاص راح البسه جيبي

يله منتضرتج

ها اشلوني

يخبل عليج يله البسي شالج وخلينه ننزل

صار

صدك نزلت لكيت ضرغامي استوه وصل وعيونه تدور عليه من شافني بقه صافن عليه وابد ما نزل اعيونه مني

رحت لعنده ومسكت ايده وحضنتها

الله يساعدك يا روحي اشلونك

بخير اني طالع اريد ارتاح اشويه لحد يگعدني وما اريد بشر يحجي وياي حتى انتي هيام فاااهمه

هزيت راسي ب اي وتركني وراح هذي اول مره يتصرف وياي برود وكل مره ما يناديني بأسمي يصيحلي عافيتي

اشبي بس اخاف اروح اله واحجي وياه ما اعرف ليش خفت منه اعيونه حمر ويخوف هاي اول مره اشوفه هل شكل

رحت لغرفت عمتي امل لكيته تقره قرآن انتضرته اتخلص واحجي وياها خلصت
وشافتني متوتره وخايفه

خيرج يا عمري اشبيج

ما اعرف يمه ضرغام اليوم شكله غريب وحتى كلامه وياي برود وبس يصيح حتى خفت اروح وراه واشوف اشبي

ليش ما رحتي وشفتي اشبي

يمه اخاف منه انتي ما شفتي اعيونه اشلون حمر وگالي ما اريد بشر يجي ويگعدني

حتى لو عصبي لازم ترحين وتخففين عنه يجوز مشاكل. بالشغل وصدكيني بس يشوفج راح يهده ويرتاح يله روحي وبعدين بس يشوف هل لون عليج ما يقاوم روحي بابا روحي

اووف يا يمه ريحتيني الله لا يحرمني منج يله رايحه

ركضت كمت اعبر الدرج درجتين درجتين وصلت لباب الغرفه الهث اخذت شهيق زفير ودخلت

ماكو ضرغام لكيت ملابسه على السرير سمعت باب الحمام انفتح انداريت لكيته بس بالمنشفه

اتجاهلني وراح ينشف شعره على المرايا رحت وحضنته من ضهره

ضرغامي اشبيك يا عمري شنو المضيگ خلكك احجيلي مو اني عافيتك

والله يا هيام انتي الشبيج احجيلي صاير شي ضامه عني شي احجي احسلج

ومثل شنو احجي يا روحي ما عندي شي احجي

ماشي براحتج واشعجب لبستي هذا الفستان

اووو اسكت فرح جابته بيدها وگالتلي البسي هسه كتله مشغوله كالت لا اله هسه واجتني تلهث تكولك واحد يركض وراها

بعدين عوفنه من هذا كله وكلي ليش اليوم ما سمعت كلمت عافيتي ها
اقتربت منه وحضنت وجناته حاول يبتعد بس اني ما خليته اخذت منه بوسه وهو بادلني بس برود احسه كوه يضغط على روحه

عفته وردت اروح بس هو سحلني من ايدي ولمني لحضنه اوووف يا حضنك يا اخي احس بروحي بالجنه لمن اكون ابحضنك هذا اماني وبيتي وكلشي بهل دنيا
بالنسبه الي

حضني لمن حسيت اضلوعي راح يتكسرن
حبيبي اشبيك

احبج هيام وما اريد يوم اتعوفيني يموت ضرغامج اذا تركتي

انته اشبيك اليوم تعرف انته اشكد احبك لك من اني وزغيره احبك اني اتعديت مرحلت الحب اني متيمه بعشكك ضرغام اله الموت هو اليبعدني عنك افتهمت لو لااا

افتهمت يالعافيه (من كلامه حسيتها صادقة واني متأكد من حبه الي وما لازم افسر الشفته خيانه يجوز شي ثاني)

يله عوفني عندي شغل

لا يحلوه دخول الحمام مش زي اخروكو يا حبابه تعاي اريدج

لا ضرغام حباب

اني وكح مو حباب تعاي مو احترك جد جدج وووووو

…………………………………………………

فرح …كررنه الخطه اكثر من مره وكل مره البس فستان من ملابس هيام واخلي ضرغام يشوفني لابسه هل فستان واروح لهيام واخليها تلبسه

وبدينه بالخطه الثانيه كمت اخذ مبايل هيام وفهد يرسلي كلام على جهازي واني انقل لجهاز هيام على اساس هيام التراسل فهد وهيام مو كلش تهتم بالمبايل بس تتصل بضرغام وتترك الجهاز
مشغوله  بشغل البيت وبالعائله

لحد اليوم القررنه بي نفجر القنبله الموقوته ببمممم

يتبع ………………