رواية تائهة بين اروقة الماضي الفصل الثامن والأربعون 48 - بقلم الكاتبة نهى

#تائهة_بين_ارقة_الماضي
#بقلم_الكاتبة_nuha-d-h
مساء الخير والسلام على اهل السلام مساءاً محملاً بالدعاء لأهلنا واحبابنا في كل انحاء العراق
🌹🌹🌹🌹🌹🌹🌹😊😊😊😊😊😊😊😊😊😊😊

ضاري
كاعد بالمكتب والشغل واصل لراسي اتصلت على رفاه واعتذرت منها وكلتلها اتعشي
لتنتضريني راح اتأخر اليوم
جنت اكتب بالقوائم وعندي معميل جاي اتحاسب وياه شغلة حوالة
وصلتني رسالة عالواتساب تركتها وكملت شغلي وطلع الولد وبقيت لوحدي اكمل حسابات
وبعدها صار كل ساعة توصل رسالة
تركت الحاسبة والسجل
وسحبت النقال اشوف منو
فتحته شفت رقم غريب داز صور
فتحت الصور شفت صورة بنية شابة وحاضنة
مرية جبيرة بالعمر هيج تجي بعمر امي
جانت البنية لابسة فستان حفلاة بس الله يستر عليها شايلة جمال يجذب العين
لكيتها كاتبة رسالة
حمودي شوف اختك وامك شلون طالعين بالحفلة حلوات وعودك ما اوصيك هم عيب علية وكول اختي مو حلوة
همست .. هذا الا اخوها اعمى ويكللها موحلوة
بس خطية هاي عبالها دازة الصورة لأخوها
وحسيت على روحي وبعدت نظري عنها
بس ظلت مطبوعة بعقلي
بس لازم احذرها لان هذا عرض ناس
دكيت عالرقم وردت علية صوت بنية يمكن هي صاحبة الصورة بس غير صوت يدوخ
بنت الاوادم
غمضت عيوني هسة انا شجاني شبية اتخبلت
.. الو احم
.. الو نعم منو حضرتك
.. العفو اختي انتي دازة صورتج على رقمي بالواتس اب
.. مستحيل ما راسلة الك صورة
انت متوهم
.. والله راسلة واذا متصدكين هسة ارسلها الج
ادري بيج غلطانة عبالج اخوج محمود
سمعتها شهكت وضربت خدها
. يايمة عزة بعني يعني شلون وصلتلك اني راسلتها لأخوية
.. ما اعرف يمكن صار خلل عندج بالواتس
او الرقم شمر بس المهم انتبهي لا بعدين تروح صورج عند واحد ابن حرام
.. عفية اخوية اروحلك فدوة تمسحهم
والله اموت شكد فشلة ونوب اني مفرعة
سودة بوجهي
.. لا اختي لتخافين انا هم عندي خوات
واخاف عليهم راح امسح الصورة واعتبري نفسج ما دازتهم
.. اشكرك كلك ذوق تسلملي
.. يالله اخذي راحتج
.. مع السلامة واشكرك مرة ثانية
.. لا مسويت شي الله وياج
سديت النقال وظل الموقف معلك ببالي
كسرت خاطري شكد جانت خايفة وهي تحجي عبالها راح تنفضح الله يستر على بناتنا
ويبعد عنهم اولاد الحرام
دخلت عالواتساب ومسحت صورتها شفتها متصل غلقت النقال

ورجعت اكمل شغلي ونسيت الموضوع
واتذكرت رفاه خطية هسة منتظرتني
باوعت للساعة جانت ب١١بالليل
غلقت السجل وطفيت الحاسبة وحاسبت العامل العندي واتصلت على حمزة يجي ياخذ الفلوس لان مبلغ جبير
احنا من يوم حادث ضرغام خلينا حماية عالمكتب والبيت
دك نقالي والتصل الحجي
.. الو ها يابة
.. انا هسة راح اعزل واجي للبيت
.. لا بوية ما يحتاج يوصلني حمزة خلي بس يجي ياخذ الفلوس احسن
هسة شنو قابل انا جاهل وحمزة يوصلني
للبيت
.. يالله هذا هو امري لله راح اخلي يوصلني
بس انت لتضوج
.. يالله مع السلامة
سديت النقال
ابوي هواي متشدد صارت بي خوفة من عهد سالفة ضرغام ما يقبل نرجع متأخرين للبيت الا ويانة واحد من الحماية
ولو هو الله الحافظ بس شنسوي
اخذ الاحتياط واجب
اجة حمزة وعزلنا المكتب واخذت المفاتيح
ركبت بالسيارة مالتي وحمزة جان جاي بسيارة الحجي
جنت اسوق واخذت النقال اريد اتصل على رفاه اشوفها شمحتاجة
بس فجاءة دك رقم ثاني ركزت بي هذا نفسه
الرقم مالة البنية الي قبل شوية رسلة صورتها بالغلط
جاوبتها واتفاجئت بصوتها تبجي

.. محمود عفية الحكني ماما ما ادري وين تيهتها واني بعدني بالمول ادور عليها وهي ماكو اتصل عليها جهازها مغلق
من يمي جاوبتها اتحركة عندي الغيرة وحسيت اختي ميس واكعة بشدة
.. لحظة اختي على كيفج لتبجين
.. عفية بسرعة تعال والله هذولي ولد ثنين
كاعدين يمشون وراي واني خايفة
ما ادري ليش صرت نار
.. اختي بس كليلي انتي وين وانا جايج
.. اوكف لحظة هذا مو صوت محمود
.. لا مو محمود بس ان شاء الله ماكو فرق انا هم مثل اخوج بس كولي انتي وين
حسيت عليها اترددت بس رجعت انطتني اسم المول
ورحت غيرت اتجاه السيارة
اتصل علية حمزة
.. حمزة انت روح للبيت وانا عندي شغلة اكملها واجيك
.. يا اخي كلتلك روح لتجي وراي
.. استغفر الله حمزة لتعاند كلتلك روح للبيت
.. دخيل الله شكد تلح هذا هو براحتك
ظل وراي
سديت النقال ورحت على نفس المكان
ادري بحمزة بعدة وراي وهاي اوامر القيادة العليا ابوي وضرغام
وصلت للمول واتصلت عليها
وانا عيوني تدور شفت بنية واكفة لوحدها وتعيط على ثنين شباب يحجون وياها وهي تنافخ ودارت وجهه وفتحت جنطتها وطلعت النقال وردت
اجاني صوتها وعرفتها هي المقصودة رحت عليها وصرت كدامها لتخافين انا من طرف اخوج محمود انتبهت عليها اتسعت عيونها
وجارتني بالكلام
ودارت وجهة على الولد الثنين
وكفت بصفها
وحجت بصوت ناصي مستحية
واشرت عليهم .. هذولي همة الي صارلهم ساعة يتحارشون بية
بجت وكملت كلامها
.. وماما ما اعرف وين صارت
اجة حمزة وعرف الوضع
وحجة وياي .. باشا انت صير على صفحة وانا احلها خليهم علية
جان يحجي وياي وزاح سترته على صفحة وبرز السلاح شفت الشباب انتبهوا عالسلاح
ورجعوا للخلف وباوعوله بحذر
.. لا حمزة ما يحتاج شكلهم يجون بالتفاهم
.. باشا انت اخذ الست وشوفها شتحتاج وانا
اشوف شغلي وياهم
التفتت عليها وشفتها تمسح بدموعها
وتكلب بالنقال وتحجي
؟؟.. اريد اعرف رقم اخوية وين صار ليش هيج الحظ كام يشمر خلي اوصل للبيت الااعرس عليهم عبالك اني موبنتهم
ابتسمت على شكلها
ورحت لعندها.. اختي كولي شمحتاجة اكدر اساعدج ؟؟
باوعت علية وابتسمت من بين دموعها
.. لا اخي اشكرك ما قصرت كافي بعدت هذولي اللزكة عني
.. بالله شو تعالي خلي ندور على امج
اخذتها وانا امشي وهي تمشي وراي صرنا ندور على امها
وبين ما ندور سألتني عن اسمي
وكلتلها اسمي ضاري
.. وانتي شنو اسمج
.. اسمي حنين
.. عاشت الاسامي
.. تسلم ضاري اسمك كلش حلو
ابتسمت وكملنا طريقنا وفجاءة وجان
تصيح .. هذيج هي ماما
اجتي تروح لعندها بس قبل لا تروح
التفتت علية .. اشكرك ضاري على وكفتك وياي اتمنى نبقى على تواصل
لان صعبة نلكة ناس ذهب مثلك بهذا الوكت
احرجني كلامها
.. اشكرج اختي انا ما سويت شي هذا واجبي يالله في امان الله
درت وجهي ورحت
بس ظل الموقف معلك براسي وصرت كلما اتذكرها ابتسم ما اعرف ليش
بس الحياة غريبة والصدف تلعب دورها
رجعت اتصلت على رفاه بس مردت علية
باوعت للساعة جانت ١٢ونص
هسة اكيد نامت
ردت اسألها شمحتاجة من برة لان انا هاي الايام هاملها وخطية هي دائما تعتمد علية
اشتريلها حلويات وشغلات تخص ثلاجة الغرفة مالتنة
وصلت للبيت وجان بس ابوي كاعد منتظرني
بقيت كاعد يمه وكعدنا نحجي عالشغل
والحسابات وبعدين سألني عن سالفة البنية
عرفت حمزة موصله كلشي
عيب بيتنا ما ينضم شي كون ابوي لو ضرغام يعرف بي
حجيتله الصار
وكال
.. دير بالك بوية ترة هاي الايام بنات العالم ما ينحزرن كلشي يصير اخاف هذا كمين او تريد تتبلة عليك فانت دير بالك مو تجي وتجيت
على ابو النخوة ومتدري شنو مضموملك
ضاري .. صار يابة لا تاكل همي
ماتعبر علية هيج سوالف بس هاي مبين عليها صدفة
تركته وصعدت فوك لغرفتي لكيت رفاه
معطرتها ومشغلة شموع
ومطفيتهم خطية التفتت شفت صينية العشا عالميز مغطيتها حسيت بالذنب جانت محضرة نفسها دورت عليها
شفتها نايمة عالشازون منتظرتني
ابتسمت ورحت لعندها
لمستها من كتفها المشوف
رفعت راسها ورمشت بعيونها وهمست شفايفها منفوخة من النعاس
.. ليش اتاخرت
.. صار عندي شغل مستعجل
نزعت قميصي وشفتها كامت من الشازون وراحت عالسرير جانت لابسة فستان قصير
وسيقانها تجنن
.. اوكفي لحظة وين رايحة يا حلوة
.. رايحة انام عالسرير جسمي اتكسر من الشازون
اتقدمت عليها وشفتها اتمددت على بطنها
عالسرير وبرزت السيقان كدامي تموت
مديت ايدي وخليتها تسافر على طول سيقانها ادلكهم الهة وهي تهمس
.. اي عفية ضاري
.. شنو عفية
.. دلكهم الي ايدك مريحة
استغليت الوضع وصرت ادلكها وانا ابتسم عليها شلون ذابت بين ايدية
كلبتها وباوعتلي وهمست.. ليش اتأخرت
.. شغل ياوردتي شغل
ما انطيتها مجال تحجي كبل قطعت كلامها واخذت شفايفها بين شفايفي
وغبنا سوية عن العالم جانت وياي على طول الطريق تستحيب لكل حركة بلهفة وهذا الشي مجنتي بيها
اخذتها لصدري وشميت حضنها
عطرها خاص غريب ياربي شكد احبها
وبعدها ما حسيت على نفسي الا وانا نايم بدفو حضنها مثل الطفل

((()

ريام.. ولج مخبلة انطيني مجال بس خلي اعدلج هاي
الصفحة من شعرج
ميس.. اهوووو تركيها خليها هشكل احلى يا اختي ترة
بعدهم مو اليوم يجون يخطبوني اليوم بس راح يحجون وية بيبي خاجية وبابا
ميس.. لج دك الجرس هاي اكيد عمة هيفاء اجتي امي اليوم عازمتها هي وعمة حمدية وخالو مازن
سمعنا صوت خالة حليمة تصيحنا من جوة
حليمة.. ولكم بنات وين صرتو هسة وكتها كارصات فوك
نزلت بسرعة
ريام.. هَـا خالة جنا اني وميس دنظف الفوك
حليمة .. ترة والله ما صارت هالفوك هذا سنة تنظفن بي
نزلي وصيحي وياج ذيج الثانية ميسة لا اجي اهلس شعرها
ميس.. هاي انا نزلت بس لو اعرف شبيج وياي تحسسيني عبالك مرت ابوي مو امي
حليمة تكلب بعيونها
.. هو ان شاء الله تجيج مرت ابوج وتراويج نجوم الظهر وتكعدين تترحمين على حليمة وايامها
ميس.. تخسة ماعاشت ولا جابتها امها الي تاخذ مكانج انتي الاصل والله اموت عليج واحبج هواي والله احس بيج مثل امي
ما حست الا الضربة اجتي على راسها
حليمة.. انا لو بس اعرف شوكت تثكلين وتصيرين مرة
كبرتي وراح تصيرين عروس وانتي بعدج على خبالاتج
الحجية خاجية.. خايبة حليمة شجاج اليوم كمتي علينا
اليوم بوجه منو مصبحة وكالبة الخلقة
حليمة.. حجية والله موتني بفهاوتهن
نزلت رفاه تباوع والوجه احمر
شافتها خالة حليمة.. يالله هاج استلمي وهاي جنتي الثالثة هستوها نزلت عالخير كرت عيني عندي تلث جنانين ومحسودة عليهن
مايدرون وحدتهن نايمة للظهر
ريام.. خالة عليج الله حددي انا بلغت حضوري الساعة
ب١٠ الصبح
حليمة.. هَـا شفتي حجية وهاي انطيها بس فزعة
الحجية خاجية .. خابية شبيج بس تعاركين انتي مو اليوم عازمة ما تروحين على مطبخج واكلتي راسي
حليمة.. رفاه شعندج متأخرة بالنوم
رفاه بخجل.. عمة جنت تعبانة وظهري يوجعني
حليمة.. منين يحظي يوجعج اكيد من النوم
يالله روحي اخذي ميس شوفي شغلج ونظفن الاستقبال
رفاه .. صار عمة
ميس.. عفية ميس حايط نصيص ياهو اليجي يتعلك عليه
حليمة.. الي يوم كاصة السانج
الحجية خاجية.. خايبة ميسة شبيج ولج هاي امج تحجي عليج علمود احاجيج يابتي واسمعج ياجنتي
حتى ما تزعل الجنة
راحت خالة حليمة للمطبخ واني دخلت وراها شفت هيام
غركانة بلف الدولمة
واستلمتها خالة حليمة
حليمة.. شنو السالفة جنج عوبة متعرفين تلفين الدولمة عدل
هيام.. خالة والله دا الفها عدل

سحبت نفس عميق اطلب الصبر مثل كل مرة نسوي دولمة خالة حليمة لازم تنتقد اللفة مالتي
.. ها خالة بالله شوفي هاي هشكل لو بعد اعدلها
.. اوف منكم ولا وحدة بيكم تعرف تلف الدولمة مثلي بس شسوي لازم اعلمجن
لان ماعاد بية حيل مثل الاول
رحاب .. اليوم شنو عازمة اخوج ابو ارشد
حليمة اي والله عزمته هو وابنه وبنته
خطية ظال لوحده بالبيت ومخلصها كلة اكل
مطاعم كلت يجي على والواهس هيفاء وحمدية
هيفاء.. خطية اخوج هذا الماعندة مرة يظل يفر بأذاناته ينحرم من نعمتها
لان المراءة سند اله لأولاده والهة درو بكلشي دراسة تنظيف طبخ كوي وفوك هذا كلة يفقد حضنها الدافي الله يكون بعونه
حليمة.. اي والله خطية هذا حاله من يوم توفت زوجته الله يرحمها لليوم
اكله خلي اشوفلك بنية بنت حلال وازوجك
بالبداية يكلي ما اكدر اتزوج بعدة الكلب يحن وبعدين من شاف بيته وابنه وبنته يحتاجون من يدير حياتهم وافق على ملحتي بس هو ما يريد اي وحدة لازم
اشوف وحدة متفهمة ومثقفة وواعية مو اي وحدة وهم هو يريدها حلوة
ريام
جانت خالة حليمة تحجي وية خالة هيفاء واني اراقب وجه خالة رحاب شلون كام ينطي الوان بحيث جانت تغسل التمن حتى تنكعه اباوع عليها شلون صافنة وياهم وناسية الماي يجري عالتمن وفاض الجدر
ريام.. خالة رحاب التمن
انتبهت من صفنتها وبسرعة
رجعت تكمل غسل
حجيت بصوت ناصي لهيام
.. اكص ايدي اذا مو خالة رحاب وراها شي
يخص مازن ابو ارشد وكولي كالت ريام
.. اهوو هسة نوب كلبتي على خالة رحاب
دعوفيها
.. بس صبري علية شوية اذا ما عرفت شنو القصة
ما اطلع ريام
حليمة.. كافي سوالف خلصن شغلجن بعدين سولفن
كامت ريام من يمي
واني اريد بس اخلص لف الدولمة كانت الكمية كلش هواي بحيث طاحت ايدي من اللف
وخالة حليمة تلف وياي وتعلق عبالك شرطي واكف فوك راسي
ميس
دخلت للمطبخ واني كلبي اجة يوكف من الفرحة شفت عمة هيفاء موجودة وعهود
والبنات موجودات سلمت عليهم واخذتهم بالاحضان
ورحت لأمي وشاورتها
ميس.. يمة يمة
حليمة.. هَـا خير شتردين
ميس.. الله عليج حمدي بية كدام عمة هيفاء ما اوصيج طلعيني كل اصبع مرة
حليمة بصوت مرتفع .. وخير ياطير
ليش هو انتي بشنو فالحة حتى اكعد احمد بيج كدام الناس
ميس صرت اغمزلها وااشر واعض شفة
.. يمعودة ام الغيرة ستري علية
حليمة.. انا اكلج فالحة بس بلعب البلي بهاي محد يلحكج
ميس .. اعمل نفسك ميت
عليت صوتي وابتسمت بوجه عمة هيفاء حتى اضيع السالفة
.. هههه والله يمة انتي دمج خفيف
بس حجاية حق انا كل اصبع مرة خصوصاً من العب بلي
صرت ورة عمة هيفاء وااشر لامي بحركة
.. بسيطة يانبع الحنان اردها الج بالافراح
مسحت بية الكاع وقصفت جبهتي وهاي اني موصيتها
تحمدني لعد لو كايلة تذمني شتسوي
اباوع لامي هزت بيدها وطكتني بكلمة حطمت كل
انوثتي
حليمة.. خايبة انتي عوبة والله يساعد الياخذج
واذا اخذوج يرجعونج علية يوم ثاني
ميس وانا حاصرتني البجية لو ادري ما كايلة حمديني
حشة وكعت بلسان يهود
.. هو بجاهج يمة راح يبطلون محد يتزوجني اظل على كلبج
اباوع لعمتي هيفاء تضحك
هيفاء .. على كيفج وية البنية والله دمها عسل وراح تشوفين الف من يتمناها
حليمة.. هو هسة خلي يجي من الالف واحد وانا اكبعها
وانطيها وشوفي
ريام .. لج ميس طلعي من المطبخ ونقذي ما تبقى من ماي وجهج احسنلج شكلج طلبتي الشخص الغلط
ميس.. عمي طالعة امري لله وخلي نشوف بعدين تظلين تتحسرين على ميس وايامها
خلصنا الغدة بعد ما اتجمعو خالاتي هيفاء وحمدية
واجة اخو خالة حليمة مازن ابو ارشد
خلصو الاكل والتهينا ننقل الصحون
انتبهت لخالة رحاب مثلما كالت ريام متدخل يمهم
ولا قبلت تكعد عالغدة
جنا اني وريام واكفين نغسل مواعين العزيمة لان كلش هواي ورفاه صبت جاي واخذتة الهم
وميس تحوم تمسح المكان وتبخر البيت الحلو بالموضوع خطية ميس صارت نادرة وام بيت من شافت خالة هيفاء لحد هسة ما كعدت
والله عليها سوالف
اجتي يمنا وهمست
ميس.. بنات هالله هالله بية راح تجي عمة هيفاء يمكم
ما اوصيكم اريدكم ما تقصرون برفع سوكي عند عمتي
حتى تفوت حيل صدر وتطمن على مستقبل ابنها
حتى ما تتردد لحظة وحدة لتطلب ايدي لابنها
اجتي خالة هيفاء يمنا وميس راحت طلعت وكعدت تسولف وياي اني وهيام
وتسألنا عن حملنا واقترحت علينا نشتري فساتين حوامل وفيكات ثانية كالت اخذكم للسوك حتى تشترون
هيام.. والله ياريت خالة لان ملابسي ضاكت علية صار لازم اشتري
ريام.. اكول خالة اريد اسألج سؤال يخص خالة رحاب
هيفاء.. شنو كولي
ريام.. شنو سالفة خالة رحاب اشو كلما يجي مازن ابو ارشد اخو خالة حليمة هي تطلع وما تقبل تلتقي بي
اريد اعرف ليش تتهرب منة
انتبهت لخالة هيفاء كامت تضحك
.. لج ريام تدرين مامنتبهة على رحاب يعني صدك هي
تتهرب من مازن؟؟
ريام.. اي والله خالة وهسة شوفت عينج حتى ما كعدت ويانة عالغدة
هيفاء .. اي والله صدك خلي احجيلكم شنو سالفتها
اتذكر من جنا صغار جان رحاب عمرها ١٢ سنة
وجان مازن عمره ٢٠سنة هو صادف كلية جانت
خطية كلش معجبة بي وليش ما فد يوم من الايام
كتبت رسالة حب بيها كلمات تدل على حبها لمازن
وصادف انطتها لمازن وهو ببيتنا
وقاريها وصار الكل يضحك على طلعتها بوقتها نصبنا
عليها لان صغيرة وسالفتها تضحك
ومازن بوكتها نصب عليها وبتصنيف يصيح عليها انتي زوجتي وكلما يشوفها يكللهم صيحولي زوجتي
وهي خطية مصدكة وتجي خدودها حمر من الخجل
عايشة الدور
وظل مازن على هذا الحال من باب الدعابة وسافر للخارج وهي صار عمرها ١٥سنة
وليش ما اجة اليوم ومازن رحع من الخارج واتزوج وحدة مدرسة واخذها وسافر بيها للخارج وهناك
عاش حياته
لكن الي ما جنا حاسبين حسابه
انتكاس رحاب والي انصدمت واتخربطت امورها
بدون محد يحس عليها غير بس اني وامكم انتبهنا عليها
ورة سنتين اتقدملها ابن صديق ابوي من اهل السوك
وابوي وامي واقفو يزوجونها لان ما اهتمت لدراستها
بذاك الوكت وحتى من اخذو رأيها بالزواج جانت ما مهتمة بس ابوي هو الي وافق عالناس وبعدها
صارت سالفة امكم وهروبها وزواجها من ابوكم
والناس فسخو الخطوبة ومن عهدها رحاب صارت ترفض كل الي يجونها وكثر الكلام ناس تكول هناء كسرت قسمة اختها وناس تكول بيها عيب ومتقبل تتزوج زمن قبل مو مثل هسة عادي اذا البنية بدون زواج لعمر متأخر
ريام.. والله كلامج قهرني بس صدك خالة اذا هشكل معناها خالة رحاب بعدها تحب مازن
هيام.. او يمكن ماتحبه
ريام.. لا اكيد تحبه والدليل نظرات عيونها وخجلها وارتباكها من يجي طاريه
اكول خالة حليمة ليش متخطبها لأخوها
هيفاء.. اي ولج صدك جبتيها فيت بس منو يكول
هي توافق او هو يقبل
ريام.. طبعا ميوافقون لان همة محد ملتقي بالثاني ولاحاجين سوية
هسة كون انتي ترتبين الوضوع وتحجين وية خالة رحاب وتجبرينها هسة تدخل وتكعد يمكم
واحجي وياها وشاركيها بالمواضيع
وحتى مازن خلوه يحجي ويسولف وياكم
ومنها راح نعرف مدى توافقهم
هيام.. والله يا ريام وهسة اكتسبتي صفة جديدة صرتي
تجمعين راسين بالحلال
ريام.. شعدالج اني ريام
هيام
جنا نحجي ونضحك على سوالف ريام
دك نقالي والمتصل ضرغام
.. هلا بطة شلونج
ابتسمت شكد احبه من يدلعني بطة
.. هلا حبيبي شلونك شعجب متصل بالنهار هذا مو موعدنا
.. اتصلت عليج ايريد منج تصعيدين فوك لغرفتنا وتفتحين الكنتور اكو شغلة كلش مهمة اريد اعرفها موجودة لو لا
جنت احجي وياه ونشفت ايدي بالمنشفة
واحجي وياه.. هسة راح اصعد بس انتظرني لحظة
.. علاوي وين
.. علاوي بالحجلة يم بيبي خاجية
بوسيه الي حيل مشتاقله
يالله صعدتي فوك لوبعدج
.. اي هسة راح اصعد
التفتت على خالة حليمة
.. خالة اني صاعدة فوك بس اشوف ضرغام محتاج شغلة من الغرفة يمكن شي يخص الشغل
.. روحي خالة بس مو تنامين
جنت احجي وياه واندك الجرس تركت ميس تفتح الباب
واني صعدت فوك
.. هَـا حبيبي بعدك عالخط
.. اي والله انتظرج تخلصين كلامج وين الوالدة
بس دخيل الله شكد مطيعة وحبابة وية الكل الا وية ضرغامج تبيعين ثكل
.. انت اخر من يحجي عالثكل ليش منو الي
شتلني اخر مرة ونام وتركني لوحدي انتظر
.. خرب بالحظ بعدج ما ناسية
.. ناسية وداعتك اصلا اذا طولت بعد يومين احتمال حتى انسى اسمك
.. اه انتي بكد كلمتج
.. اي جربني وشوف
هسة دخلت للغرفة شنو تحتاج لحظة فتحي الكنتور
تلكين بي علاكة سودة
.. اوكف لحظة وين اشو ماكو
اوكفي هسة اتصل عليج بس انتظري اخلص الشغلة واتصل عليج مو ترحين بعيد اوك
ظليت اكلب بالكتنور ادور عالعلاكة
السودة
مرت عشر دقايق عقدت حواجبي وين صار
رحعت اتصل عليه همس بصوت ناصي
.. هَـا بطة لحظة
.. شنو وين صرت
.. تدرين انا هسة يم حبيت الكلب
شهكت .. لك ضرغام بدون شقة ماصخ
.. والله العظيم شبيج هسة انا على بعد خطوات منها
وداعتج ما بقة شي واخذها لحضني واشم عطرها
وصلت الدمعة بطرف عيني
.. والله مو صوجك صوجي اني الغبية
اختنكت بالكلام والدموع اتزاحمت حتى تنزل
غلقت النقال بوجهه ورجع اتصل علية انفتح الباب
شمرت النقال عالسرير بقهر وكعدت امسح بدموعي
منتظرة دخول وحدة من البنات جنت ابجي وادردم
ما حسيت الا على همسة صوت خشنة
.. هَـا حبيبة معقولة تزعلين من ضرغامج
رفعت راسي بشهكة وباوعت لوجهه
ماحسيت على نفسي الا واني حاضنته لمني بحضنه وصرت اشم عطره من ركبته
.. ولج بطة شكد مشتاقلج
ضربته على صدره بدلع
.. لك شلك بخطيتي وكعت كلبي
.. ههههههه ردتج تصعدين فوك واستفرد بيج على كولت جدتي خاجية لانما تتخيلين شكد كلبي طاك عليج
ومشتاقلج تصدكين صرت اناني وردت بس انا اشوف فرحة عيونج من تشوفني سحبني وكعدني على حضنه
وهو يحجي اتلمس بطني صاير عندج بطن اخ يابة
متحلف بيج كون اخليج للصبح سهرانة
بس اتذكرت انتي حامل ولازم اصير اب مسؤل وهذا اول حمل انا اكون وياج وما اريد افوت اي
مرحلة اريد اشارك كلشي وياج
صحيح ما اكلج اساعدج واكعد اقيس الخصر بس
راح اكتفي اراقب بطنج اذا كبرت
رجعت حضنته واني ممصدكة عيوني
احس روحي ملكت العالم
همس.. مشتاقلج واذا ابدي اكلج هسة معناها ما انتهي
دنك راسه وحطها بركبتي وهو يهمس
.. شنو رأيج نغلس عليهم وتبقين هنا احبسج بحضني
.. التعدت عنة لا عيب خوالي وخالك مازن وخالاتي
عيب راح احضرلك الحمام وانزل
رحت للحمام احضره دخل وسد الباب
.. ما الله يهديج وتسبحيني
ابتعدت عنه واني اضحك لزمني من زندي
.. بالله شو تعالي دنك واخذ شفايفي
جنت ارجف على دفو انفاسه
قربته مني وحضنته وهمست.. ضرغام
.. عيونه
.. اموت بهواك
..وانا اعشك انفاسج
كمزت من مكاني على صوت الباب يندك
انتبهت لضرغام حلة صوته وصاح .. منووو
سمعت صوت ريام .. هيومة اني ريام عفية تعالي بسرعة
.. احم بالله روحي شوفي اختج شبيها بس مو تتأخرين انتظرج
.. اوك بس خلي اشوفها شتريد
تركته وطلعت فتحت الباب لريام
شفتها وجها مخطوف لونه
ريام.. هيام ضروري احجي وياج
.. شنو شبيج وكعتي كلبي
سحبتني من ايدي واخذتني لغرفتها وكعدت عالسرير
.. لج هيام ستوني سمعت خالة هيفاء فتحت موضوع خطوبة ايمن وية بيبي خاجية
.. اي وشنو يعني كلنا نعرف ان خالة هيفاء جاية تخطب لأيمن وراح تفتح الموضوع
.. لج لا هيام الي سمعته مصيبة مصيبة لج خالة هيفاء تريد تخطب لأيمن هالة صديقة ميس مو ميس
كعدت عالكرسي من الهبطة
.. لا ياربي دخيلك وميس شنو عرف بالموضوع
لو لا

يتبع