رواية تائهة بين دوائر الانتقام الجزء الثانى الفصل الخامس 5 - بقلم Emy Abo-Elghait

في الشغل عند سمر بتتكلم في التليفون ,,,,,,,,,,,,,
سمر : يا ماما قلت لك مش هتأخر خلاص بقي احنا كل يوم في الحوار ده ...
والدتها ( منيرة ) : يا بنتي قلقانة عليكي , وقلقانة اكتر من وظيفتك , انا كان عندي حق انا وسيف لما وقفنا قدامك ,, بس هو ضعف قدامك ووافق عشان هتبقي قدام عينه وانا اتطمنت انك معاه بس انتي كل يوم واجعة قلبي وهو مش فاضيلك وبتجي لي متاخر وفي تاكسي انا هكلمه اقوله..
سمر بضيق : كانت غلطة عمري لما وافقت اشتغل معاه في مكان واحد , تصدقي بيزعقلي عشان لبسي , وقالي ده اخر يوم ليكي هنا ...
منيرة : احمدك يارب جت من عنده اقعدي بقي وطمني قلبي عليكي ..
سمر : انتي فاكرة اني هسمع كلامه ؟!! هنزل واشتغل واللي عنده يعمله ..
منيرة: لما يقلب عليكي بقي ماتجيش تعيطي لي , المهم ما تتأخريش , سلام .
سمر : دقايق ونازلة يا مامتي , يلا سلام ..
جمعت سمر حاجتها وقامت واتحركت ناحية الباب ,,,
آسر : سمر ...
سمر : ايوة يا آسر .
آسر : انتي رايحة فين ؟
سمر : مروحة .. في ايه ؟!
آسر : سيف قالي اوصلك عشان هو مع سارة ..
سمر : لا متشكرة يا آسر هاخد تاكسي .
آسر : لا ده انتي مستغنية عني بقي , انتي عارفة سيف ممكن يعمل فيا ايه لو سيبتك مشيتي , لو سمحتي اسمعي الكلام ويلا ..
سمر : ماشي , لما اشوفك يا سيف , معلش يا آسر هتعبك معايا ...
ومشيوا الاثنين ووصل آسر سمر لبيتها .....
طلع آسر موبايله واتصل بسيف ...
آسر : ايوة يا سيف انا وصلت سمر خلاص ..
سيف : متشكر اوي يا آسر ونعم الاخ ..
آسر : علي ايه يابني احنا اخوات ,, بقولك ايه الاخبار عندك ؟
سيف : مفيش سارة لسه بتفوق وانا داخلها دلوقتي ووقفني اتصالك .
آسر : خلاص روحلها وابقي طمني ,, ..
سيف : تمام اوي , سلام
آسر : سلام ... دور آسر عربيته وروح هو كمان ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في اوضة سارة (كريم ونجاة وسيف اللي اصر يدخلها وانتظرهم ابراهيم بره )
سارة نايمة علي السرير وبتتألم بشدة وبصمت بتقول ال اااه من غير صوت ,,
كريم بقلق : سارة انتي سمعاني ؟ ايه اللي بيوجعك ؟
سارة بتتألم : اممممممممممممممممم اه , اه ..
كريم : ايوة يا حبيبتي قولي لي ايه اللي واجعك بالظبط ؟
نجاة : دكتور كريم ضغطها كويس بس ضربات قلبها بتزيد ...
سيف ووقف جنب كريم ومسك ايد سارة بايده ، وبايده الثانية مسح علي راسها : حبيبي انا هنا معاكي , ايه اللي بيوجعك , حاسه بوجع فين ؟
سارة بألم : امم , اه ,, ونفسها بيقطع من ألمها وبتسحب ايديها من بين ايد سيف وبتمسك في السرير وبتضغط عليه جامد وباين علي ملامحها ان المها بيزيد , فجاة بدا جسمها ينتفض بشدة وجالها تشنجات وبسرعة لحقها كريم واداها ادوية اللي خلتها استسلمت ونامت ,,,,,

مَفِيش أَلَم عَاقِل
ولا جَرْح لُه مَعْنَى
ولا حَاجَة تِسْتَاهِل
تِجْرِى لْهَا يَا دْمُوعْنَا
والآهَة مَجْنُونَة
نِكْتِمْهَا تِوْجَعْنَا...
نِطْلِقْهَا تِوْجَعْنَا
مَكْتُوب عَلِينا كِدَه
نِعْيش بأَوجَاعْنَا
لا نِلْقَى ضِلِّة دُوحْ
ولا ضَمِير لِلْبُوحْ
ولا قَلْب يسْمَعْنَا
ونَصِيب سَاعَات بيْرُوح
ولا يُوَدَّعْنَا
ولِسَه قَادْرِين نِضْحَك
فِى عِز مَدَامِعْنَا
صَابْرِين عَليِك يا قَدَر
مِنْ غِير مَا نِسْأَل يُوم
لا لِيه ولا إِشْمِعْنَى !
( للشاعر صلاح )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
مرت ساعات علي ابطالنا مليانة خوف وقلق من اللي جاي ,, حزن علي سارة اللي مش قادرين يستوعبوا اللي حصلها , مش عارفين هتقاوم ازاي مع العاصفة دي , اللي بتكسر مش بتقوي , اللي تخلي الراس مطاطية والعيون متشوفش النور .. بس لازم المقاومة لان شمس الحق لازم تظهر وتثور..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في بيت ابراهيم ... في شقة شكرية .
شكرية : شفت ابراهيم بيكلمنا ازاي ؟ هيقاطعنا عشان البت دي ؟
جوزها (علي) : انتوا اللي زودتوها اوي .. البت يعني كانت عملت لك ايه ؟ عدت اكتر من 3 سنين من ساعة اللي حصلها وعرفتي ان ملهاش ذنب في اي حاجة وان كل الموضوع غصب عنها عايزة ايه اكتر من كده ,, هتبقوا انتوا كمان عليها ,, كل الظلم ده هيترد في عيالك , وبدل ما انتي اللي بتحافظي علي عيالك هتدمريهم لان كمان تدين تدان ...
شكرية بحزن : يا علي انا خايفه علي اولادي ..
علي : لما تبعديهم عن سارة مش هتحميهم , لان لو ربنا كاتب لهم حاجة هتحصلهم لو سارة السبب او غيرها ,, ادعي بس ان ربنا يحفظهم , وادعي للغلبانة اللي مرمية في المستشفي دي ربنا يشفيها ويعينها علي اللي هي فيه ...
شكرية وبدات تقتتنع بكلام جوزها : عندك حق ,, ربنا يحفظهم كلهم من كل شر ....
ياسمين : ماما انا اسفة اني بتدخل , بس والله سارة دي طيبة ومحتاجة اللي يعوضها عن اللي حصلها , محتاجة اب وام واخوات وده اللي عمله خالو ابراهيم ,, عشان خاطري حاولي تحبيها هي محتاجانا اوي كلنا الفترة دي نكون حواليها , وعلي فكرة اخواتك اه هيزعلوا منك انك عملتي كده بس المهم ربنا ، انتي عايزاه يحفظنا ازاي وانتوا بتظلموا سارة واس...( وقفت ياسمين عن نطق اسم اسلام ). واخواتها..
علي : يا زين ما ربيت , شايفة بنتك وعقلها , ربنا يحميكي يا بنتي ..
شكرية باقتناع: خلاص بكرة الصبح نكلم اخوكي ونروح , وربنا يشفيها .
علي : وليه بكرة كلميه دلوقتي واطمنوا عليها وشوفي سهير لو محتاجة حاجة نروحلها دلوقتي ..
ياسمين وبتخبي فرحتها جواها انها هتطمن علي سارة وطبعا اسلام ....
,,,,,,,,,,,,,,,,,,,,,,,,,,,,,,,,,,,,,,,,,,,,,
في مكان جديد خالص ,,,,
شادي بغضب : انتي يا هانم بقالي ساعة مستني الاكل ولسه مخلصش ، ولا انتي بقيتي زي البهايم مش بتمشي غير لما بتضربي ؟!!
ندى بخوف وعلي وشك العياط : انت اللي جيت بدري النهاردة ، وانا مالحقتش اخلص الاكل ، بس حالا اخلصه ....
شادي وقام ومشي ناحيتها بغضب ومسكها من شعرها : انتي هتقوليلي اجي بيتي امتي ، والله عال ما ده اللي ناقص ، انتي هنا خدامة وترضي رغبتي ،، اكتر من كده مالكيش لازمة انتي فاهمة ولا لا ؟
وبدأ معاها وصلة الاهانة اليومية وهي الضرب ....
ندى بعياط وصريخ : ااااه ، ابوس ايدك خلاص ، مش هعمل كده تاني حرمت ، ااااه ارحمني ابوس ايدك ، هعمل اللي انت عاوزه بس ارجوك كفاية ... اااااه
شادي بغضب ومستمر في ضربها : كل يوم تضربي وياريتك بتتعلمي ، اكتر من سنة معايا ومش عايزة تفهميني وانتي اللي بتجيبه لنفسك ،، وكمل ضربه ليها ....
ندى في نفسها وبتعيط : ربنا ينتقم منك يا بابا ، ربنا ينتقم منك ....

,,,,,,,,,,,,,,,,,,,,,,,,,,,,,,,,,,,,,,

في بيت حسام .... رن جرس الباب ..
سميرة : تعالي يا حسام افتح الباب عشان انا في المطبخ مش فاضية ..
حسام خرج من اوضته : حاضر يا امي ,,
فتح حسام الباب وملقاش حد ,, استغرب ورفع كتفه بتعجب جاي يقفل لقي جواب كبير ابيض علي الارض ... اخده وفتحه وشاف صور لسارة مش كويسة خالص .. ابتسم حسام ابتسامة خبث واخد الصور وقال في نفسه : اهبل مش عارف اللي فيها ..
سميرة : مين يا حسام ؟
حسام : مفيش حد , مالقتش حد ..
سميرة بتعجب : غريبة , ايه الظرف اللي في ايدك ده ؟
حسام : ولا حاجة , حاجة بتاعت شغلي ..
سميرة في نفسها : الجواب ده في حاجة ومهمة كمان ولازم اعرف ...
دخل حسام اوضته ونام عالسرير وحط الظرف جنبه وبيتفرج علي صور سارة : الله .. ايه الحلاوة دي يا بت يا سوسو ،، اللي يشوفك باسدالك وحجابك اللي مستخبية وراهم علطول ميتخيلش انك حلوة كده .. مش عارف بس امي رافضاها ليه ؟! بس يا ترى مين اللي بعت الجواب ده ؟!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في المستشفي ,, في اوضة اسلام ..
محمود : مش هقدر يا كريم اكتر من كده , اشوفها بس اطمن عليها يا اخي ..
كريم بضيق : انتوا بتزنوا اكتر من العيال الصغيرة , هي لسه في العناية ومش هينفع تدخلولها .
خالد : بص هنبص عليها من بره بس ,, ارجوك بقي ..
نجاة ودخلت وفتحت الباب فجاة ودخلت بتنهج وبصوت مقطوع : الحق سارة يا دكتور كريم ..
كريم بقلق : في ايه يا نجاة ؟ ايه اللي حصل ؟
نجاة : قلبها وقف ..
كريم وماردش عليها وجري وطبعا راح وراه محمود وخالد ومحمد بيسند اسلام اللي اصر يروح معاهم ،، وصلوا للعناية المركزة ومنعهم الممرضين من الدخول ..
كريم بزعيق : نجاة بسرعة نادي علي الدكتور مجدي ، بسرعة ...
نجاة : حاضر يا دكتور ،، وراحت نجاة تعمل اللي طلبه كريم ..
اسلام : يارب احفظها لي انا خلاص ماليش غيرها ومش عايز غيرها .
خالد : يارب اشفيها وعافيها واحفظها من كل سوء ..
سهير وبتعيط بحرقة ،،
محمد : اهدي يا ماما ارجوكي عشان متتعبيش اكتر من كده ان شاء الله كل حاجة هتبقي تمام ..
جت نجاة ومعاها دكتور مجدي بيجروا ودخلوا لسارة في العناية المركزة ....
جه ابراهيم وسيف ومعاهم يحيي اللي كانوا في كافيتيريا المستشفي .
ابراهيم بقلق : سهير انتوا ايه اللي جابكم هنا ؟
سهير بعياط : سارة يا ابراهيم قلبها وقف وكريم جوه ومانعنا من الدخول ...
سيف :ايه قلبها وقف ، دي كانت لسه كويسة ؟! ايه اللي حصل ؟ ليكون حد عمل لها حاجة ؟؟
يحيي : اهدوا يا جماعة ان شاء الله هتبقي كويسة ، ادعو لها بس ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في البيت عند سمر ...
سمر بضيق : شايفة كلمته كام مرة وبردو مابيردش ،، دي حاجة بقت تخنق ..
منيرة : ايه يعني مش فاضيلك , انتي عارفة شغله عامل ازاي وانتي ادري واحدة لانك معاه في شغله علطول ..
سمر بضيق : اكيد مع سارة .
منيرة : شغله ،، سارة اولا واخيرا شغله ومش هتعدي المرحلة دي ، متقلقيش ..
سمر : عارفة يا ماما وحتي لو سيف حطها في مكانه اعلى من شغله هتبقي اخته ، انا حبيت سارة من كتر كلام سيف عنها ، وعرفت من آسر كمان انها رجعت ، انا بفكر اروح لها المستشفي بكرة ان شاء الله ..
منيرة : طيب بس سيف مش هيتضايق انك بتتحركي من غير ما ترجعي له ؟
سمر : يا ست الكل كبري دماغك منه ، هيتضايق ليه هو انا عملت جريمة .. سيبك سيبك خدي اشربي الشاي ..
منيرة : بقولك يا سمر انا هكلم سيف نمشي في حاجة رسمي بقي مش هينفع وقف الحال ده .
سمر : وهو ما اعترضش يا ماما وقال هيجي بس شكل حوار سارة ده اللي شاغله ، وبعدين انا كده باخد فرصة اكبر في التفكير.
منيرة وبتخبط علي صدرها : يا لهوووي ، انتي لسه بتفكري ؟ مش خلاص وافقتي ؟ انتي بتستهبلي يا بت انتي ؟ ولا عايزة تجننيني معاكي ؟!!
سمر : ايه يا حجة مالك كده اهدي ، صراحة بقي سيف طلع شكله عصبي اوي وصعب اتناقش معاه وعامل لي فيها سي السيد ، وانا عايزة حد يحبني ويحتويني ، يعوضني غياب بابا ، يغير عليا بس مش يخنقني ويتحكم فيا ، حد بجد يكون سندي مش حمل عليا ، عايزة أب و أخ و حبيب و وزوج بجد . مش واحد يتحكم وخلاص ..
منيرة : وانتي مش لاقية ده في سيف ؟!!
سمر : مش عارفة بقي يا ماما مش عارفة .
منيرة : بصي يا بنتي صلي استخارة وربنا يقدملك الخير يا حبيبتي ..
سمر : يارب يا مامتي ، قولي بقي رايك في الشاي الحلو ده ؟
منيرة : كالعادة طعمه استغفر الله العظيم ، انتي سيف هيرجعك تاني يوم ليا لما يكتشف ان حتي كوباية الشاي مبتعرفيش تعمليها ..
سمر بضحك : البركة فيكي يا مامتي يا حبيبتي مانتي هتعيشي معايا وتعلميني بقي ...
منيرة بضحك : لا كذابة ، انتي مش هتتعلمي انتي هتتكلي علي وجودي ومش هتعملي حاجة ..
سمر : يعني تهون عليكي بنتك حبيبتك سيف يعلقني ويمسك عليا ذلة ، انا لسه ما شوفتش عصبيته ..
منيرة : يرضيني يمكن ده اللي يكسرلك دماغك ،، سمر وبتبص لها بغضب ،، ههههههههههه ربنا يصلح لك حالك يا بنتي ويسعدك .... بس بردو الشاي طعمه وحش ....
,,,,,,,,,,,,,,,,,,,,,,,,,,,,,,,,,,,,,,,,,,,,,,,

عند حسام في الشغل ،،، رن جرس موبايله....
حسام : الو ...
عاصم : ايه رايك في الامانة اللي وصلت لك ؟
حسام : مين معايا ؟ حضرتك عايز مين ؟
عاصم : انا عارف انا مكلم مين ، وعارف انا عايز ايه ، ايه رايك في صور خطيبتك ؟! حلوة مش كده ؟!! صراحة البت جامدة اخر حاجة واسالني انا ..
حسام وقعد علي كرسي المكتب وحط رجل علي رجل وبضحك : هههههههههههههه ، بجد ، يعني اتكل علي الله واجرب انا كمان ؟!!
عاصم وفهم دماغ حسام وبسخرية : اه وعلي ضمانتي ....
حسام : ماشي يا برنس تسلم ، بس سؤال انت تقصد ايه انك تبعتلي الصور دي ؟ ابعد عنها مثلا ؟
عاصم : لا ابدا ، اعمل اللي انت عايزه براحتك ، انا بس بديك وجهة نظري في خطيبتك ومراتك المستقبلية....
حسام بغضب : بص يا *******•