رواية تائهة بين دوائر الانتقام الجزء الثانى الفصل الرابع 4 - بقلم Emy Abo-Elghait

في المستشفي ...
واقفة ممرضة في الكافتيريا بتاعت المستشفي بتغني وبتعمل قهوة وهي بتبص في الشباك ..
كريم : نجاة ..
نجاة بفزع : بسم الله الرحمن الرحيم .. يا دكتور كريم خف علينا شوية انا قطعت الخلف بسببك كل شوية تخضني ..
كريم : قطعتي الخلف وبطنك اللي قدامك مترين دي ,, نجاة الحقيني بكوباية قهوة حلوة من ايدك عشان دماغي هتتفرتك ..
نجاة : حاضر من عيوني يا دكتور .. ورجعت تكمل قهوتها وبتبص من الشباك وفجاة صرخت : يالهوووووووووي ,,
كريم بفزع : ايه اللي حصل انتي كويسه ؟ اتحرقتي ؟!!
نجاة وبتشاور علي الشباك : لالالالا بص البت دي عربية جت رميتها ومشيت ...
بص كريم مكان ما شاورت نجاة وشاف بنت جسمها كله جروح وهدومها اغلبها متقطع ..
كريم ونجاة جريوا علي باب المستشفي ..
كريم : نجاة هات لي بسرعه لبس من بتاع المستشفي نغطي بيها البنت دي ..
جري كريم قدام المستشفي ونجاة راحت تجيب اللبس .. كريم وقلع البالطو بتاعه ووصل عند البنت وغطى جسمها بيه وبيشيلها ولاقها سارة .. وقف للحظات من الصدمة وبيحاول يستجمع قوته من منظرها وفاق علي صوت نجاة : اتفصل يا دكتور غطيها بالملاية دي .. تعالى يا مسعد شيلها وحطها علي السرير بسرعه ندخلها ...
كريم ما زال مصدوم ومش قادر يتخيل ان دي سارة ومنظرها ده اللي جت بيه كفيل انه يحكي حالتها ..
شالها الممرض مسعد من كريم وحطها علي السرير المتحرك ودخلها جوه علي الطوارئ .. وكريم لسه واقف مكانه ..
نجاة بتعجب : دكتور كريم انت كويس ؟!
كريم بانتباه : ااه .. ااه انا كويس , تعالي ندخل نشوف البنت دي ..
ودخل كريم لسارة يتابع مع الدكتور حالتها ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
في مكتب اللواء حمدي رئيس سيف ,,
سيف : يا سيادة اللواء سيبني انا متكفل بالقضية دي ..
اللواء حمدي : سيف انت لسه مخفتش من جروح اهلك واللي عمله ماجد فيهم وبقي بيحركك حبك لسارة ودفاعك عنها وانت خايف انك تخسرها ,, انت كده مش هتنقذها انت هتأذيها اكتر ,, افهم بس دلوقتي في اتنين شباب مصريين معاهم جنسية **** واتجندوا في البلد دي وكانوا مكلفين بمطاردة عاصم .. طبعا هم تنازلوا عن الجنسية الثانية وهينزلوا مصر عشان يقبضوا علي عاصم وانت هتبقي معاهم هكون فريق منك انت وآسر وهم الاثنين ... ضغط اللواء علي زرار في جهازه عشان ينادي علي السكرتيرة سمر : سمر ..
سمر : ايوة يا فندم ..
اللواء حمدي : دخلي لي شهاب وطارق حالا ..
سمر : حاضر يا فندم ...
ودخلوا شهاب وطارق وأدوا التحية العسكرية لحمدي ..
حمدي : اتفضلوا اقعدوا .. دلوقتي سيف وآسر هيكونوا في الفريق بتاعكم وهتتحركوا سوا ,,
طارق : تمام يافندم ,, بعد اذن حضرتك يافندم وبالنسبة لموضوع اختي ؟
حمدي : متقلقش سيف وآسر هيخلصولك الحوار ده بسهوله ,, بص حمدي لسيف ,, سيف اقعد مع طارق وشهاب وافهم منهم حوار اختهم وخلصه ..
سيف بضيق ووقف وأدى التحية العسكرية : تمام يافندم ...
وخرجوا كلهم ....
,,,,,,,,,,,,,,,,,,,,,,,,,,,,,,,,,,,
خارج مكتب اللواء حمدي ,,,
سيف بيتنهد: ممكن افهم حوار اختكم ده ؟
شهاب وبيقدم لسيف ملف : دي كل المعلومات عنها , اسمها ندى . احنا كنا عايشين بره وحصلت مشاكل بينا وبين بابا بعد ما والدتنا توفت وبابا اخد ندى مننا وهرب بيها علي مصر ومش عارفين هم فين ، بعد ما اتقدم لها واحد للجواز ورفضنا , عايزين نوصلها لو عايشة ,,
طارق : ما تقولش كده ان شاء الله عايشة ..
سيف وبيفتح الملف وبيبص في صورة ندى كانت اية في الجمال ملامح صغيرة وبريئة , وسرح في اخته وفي سارة اللي ضاعت منه ,,
شهاب : لو سمحتي ممكن ترجعلي اختي في اسرع وقت ؟!
سيف : ماتقلقش انا وآسر هنخلص لك الحوار ده يومين او ثلاثة بالكتير وهتبقي معاكم ,, عن اذنكم ..
مشيوا ,,
سيف التفت لسمر : انتي ايه اللي جابك هنا ؟ انتي مش كنتي في مكتبي انا وآسر ؟
سمر وبترجع لورا علي كرسيها وبتحط رجل علي رجل وباستفزاز: سيادة اللواء طلبني هنا وانا وافقت , فيها مشكله دي ؟!!
سيف بحدة وبصوت منخفض : من امتي بتتحركي بدون اذني ؟
سمر بضيق : ما انت اللي مشغول علطول وانا مبقتش عارفة اكلمك ..
سيف : ماشي ,, ماشي ,, هنشوف الموضوع ده بعدين ,, دلوقتي ,اتفضلي كده اقفي .
سمر باستغراب : ليه ؟
سيف : اسمعي الكلام ,, وشدها من ايديها بعنف ووقفها ,, الله الله حلو اوي البنطلون ده اللي انتي مش لابساه ده , انتي بتخرجي كل يوم كده وانا مش عارف ,
سمر : لالالا والله ما بيحصل ده اول مرة والله ..
سيف بحدة : بصي انا اصلا كنت معترض عالوظيفة دي وانتي اللي اصريتي , اعملي حسابك ده اخر يوم ليكي هنا , وبدون نقاش , وسابها ومشي .
سمر : سيف استني بس , ولكن مشي من غير ما يسمعها ,,ضربت برجلها علي الارض,, اوووف بقي , ماشي يا سيف انا وانت والزمن طويل ,وبردو مش هسيب الشغل , ها ..
( سمر بنوته جميلة هادية ولكن حادة في التعامل , بنت لواء متوفي وصديق اللواء حمدي وهو اللي عينها في الوظيفة دي اكراما لصديق عمره )
,,,,,,,,,,,,,,,,,,,,,,,,,,,
عند عاصم .....................

عاصم : ها وصلتوها ؟
......: ايوة يافندم ولسه خارج قريبها اللي اسمه كريم ده واخدها ودخلها ..
عاصم : تمام اووي , خلاص امشوا انتوا ولما هحتاجكم هكلمكم , وما تنساش تظبط لي ليلة النهاردة عشان انا مبسوط اوي ..
...... : حاضر يافندم ,, كله جاهز وقت ما تحب سيادتك .
قفل عاصم التليفون وماسك صورة في ايده : واخيرا هجيبلك حقك وهخليهم يبكوا بدل الدموع دم ..
,,,,,,,,,,,,,,,,,,,,,,,,,,,,,,,,,,,,,,,,
في المستشفى ,,,,,
كريم : نجاة خدي عايزك ...
نجاة : نعم يا دكتور ..
كريم : مش عايز اي حد يعرف عن سارة والمنظر اللي جت بيه خالص ..
نجاة : سارة مين يا دكتور ؟!!
كريم : نجاة ركزي ,, البنت اللي لاقيناها بره انا وانتي ، مفيش غيرنا شافها بالمنظر ده ارجوكي عشان خاطري ما تعرفي حد ..
نجاة : اااااااه ,, البنت دي حاضر من عنيا , انا مش هقول لحد حاجة ابدا ,, بس اشمعني يا دكتور البنت دي مهتم بيها كده ؟!
كريم وبيتنهد : دي تبقي قريبتي والشباب اللي جوه اللي انا متابع حالتهم دول اخواتها وتخيلي بقي انتي لو عرفوا منظرها ده اللي جت بيه ده هيعملوا ايه , شوفي انتي عايزة ايه اعملهولك بس ماتقوليش لحد ؟
نجاة : اخس عليك يا دكتور انت بتشتمني ؟ ماتخافش احنا ولايا بردو وبنخاف من ربنا , ماتقلقش سرك في بير ومش هقول لحد حاجة .
كريم بابتسامة : متشكر اوي يا نجاة طول عمرك بنت اصول وجدعة , يلا عن اذنك هروح اطمن عليها ................
مشي كريم وطلع موبايله من جيبه ..
كريم : الو ايوة يا سيف ..
سيف : ايوة يا كريم .. عرفت ان سارة رجعت ..
كريم : طيب كويس انا كنت هبلغك ..
سيف : كريم هي عاملة ايه ؟
كريم : بص هي مضروبة علقة محترمة جسمها كله جروح بس مش عميقة ، كان عندها نزيف داخلي ووقفناه الحمدلله ، يعني ممكن النهاردة او بكرة بالكتير ان شاء الله وتفوق ,, انا لسه مبلغتش حد بوجودها غير لما نطمن عليها ..
سيف : خير ما عملت , بص انا جاي وجايب معايا الدكتور بتاعنا عشان بردو محتاج تقرير عن حالتها .. طمني بقى حد من الشباب فاق ؟
كريم : اه كلهم , ونفسيتهم صعبة اوي .
سيف : طيب ما تقولهم علي ان سارة رجعت بس بلاش يشوفوها
كريم : مانا هعمل كده فعلا ، بس قلت اكلمك الاول .. يلا سلام
سيف : ماشي , سلام .
,,,,,,,,,,,,,,,,,,,,,,,,,,,,,,,,,,,
في المستشفي في اوضة اسلام ,,,,,,
كريم : السلام عليكم ..
الكل : وعليكم السلام .
كريم : ايه ده ماشاء الله كلكم سايبين سرايركم وقاعدين ليه هنا ان شاء الله ؟
خالد : كريم احنا كلنا كويسين الحمدلله ,,انتوا اللي مصرين تعلقوا محاليل وكلام فاضي .
كريم : انا غلطان هشيلها بس ماترجعش تزعل , حضرتك مش متخيل كمية الكدمات اللي جسمكم والضرب اللي اتضربتوه ، اسال طنط سهير انتوا كنتوا بتتالموا ازاي وانتوا نايمين ..
سهير : الحمدلله انهم بخير ,, يارب عقبال ما ترجع لي سارة واخدها في حضني .. وبدات تعيط .
كريم : اهدي يا طنط بس , ما ده اللي كنت جاي لكم عشانه , سارة هنا ..
الكل : ايه ؟ هنا ؟ من امتي ؟؟
اسلام وبيحاول يقوم : اااه ,, سارة هنا ؟ هي فين ؟ انا عايز اشوفها ..
كريم : اسلام جرحك لسه مفتوح .. ما تتحركش , محدش هيقدر يشوف سارة لانها في العناية المركزة ومش هينفع تشوفوها , بس هي الحمد لله حالتها مستقرة وكويسة .
محمود : اسلام ومش هينفع يتحرك , ابوس ايدك وديني عندها عايز اطمن عليها .
كريم : ممكن تهدوا ,, محدش هشوفها الا بأمر الدكتور بتاعها , انتوا عايزين ايه اكتر من انها بخير ومعاكم ...
سهير : يارب احفظهالي , واشفيها وابعد عنها ولاد الحرام ....
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في المستشفي في اوضة سارة ...( سيف والدكتور وكريم ودكتور مجدي مدير المستشفي )
سيف : طمني يا دكتور ..
الدكتور : هي اتعرضت لضرب شديد وطبعا عامل لها كدمات وجروح زي ما انتم شايفين , وطبعا الاشعة اللي اتعملت لها بينت ان كان عندها نزيف داخلي وده بسبب الضرب والحمدلله بردو وقف..
سيف وبصوت منخفض : طيب حد اغتصبها ؟
الدكتور : لا ..
سيف وكريم وبيبصوا لبعض باندهاش ,,
سيف : حضرتك متاكد ؟!!
الدكتور : ايوة طبعا , مع ان في بعض الجروح اللي في جسمها بتقول انها متعرضة لاعتداء ووحشي كمان ,, بس مفيش اغتصاب والبنت سليمة ..
سيف وبيمسح علي راسه بعنف : الحمدلله ، انا متشكر اوي يا دكتور ..ارجوك ابعت التقرير لسمر لاني مش هقدر اروح المكتب الفترة اللي جايه خالص ..
الدكتور : ماشي ,, عن اذنكم ,, ومشي الدكتور .
دكتور مجدي : صدقتوا بقي هو كان لازم حد من برا يقول الكلام ده ما انا قولت لكم كده ...
كريم : يا دكتور حضرتك شايف منظرها ده مستحيل يكون منظر واحده خرجت من تحت ايده سليمة .
مجدي : ها ، واهي سليمة احمدوا ربنا بقي ،، مش كفاية اللي عاشته , كمان عايزين تعيشوها مكسورة ؟!! , كريم من هنا ورايح تسلم كل الحالات اللي معاك لاي حد من زمايلك مش عايز ليك اي وظيفة هنا غير متابعة سارة واخواتها لحد ما تخرج بالسلامة .. يلا عن اذنكم ,, وسابهم مجدي ومشي ..
بص سيف لسارة نظرة طويلة وباسها من راسها وخرج هو وكريم من اوضتها ...
,,,,,,,,,,,,,,,,,,,,,,,,,,,,,,,,,,,,,,,,,,,,,
خارج اوضة سارة ,,,
ابراهيم بقلق : ها يا ولاد طمنوني ؟!
كريم : الحمدلله يا خالو هي كويسة ..
ابراهيم : ايوة يعني هي , هي يعني اغتص... وسكت ابراهيم وبص في الارض ..
سيف بضيق : لا يا بابا ما اغتصبوهاش , ده واحد بيأذيها لمجرد الاذى ...
ابراهيم بحزن : انا قلت خلصنا من ماجد وعقدتنا اتحلت والبت اتخطبت وهتعيش حياتها هادية , شكلها مش مكتوب لها تشوف الراحة,, ذنب ايه طفلة بريئة كده تشوف البهدلة دي , تشوف العذاب الوان واشكال , يحبها واحد ويقتل اهلها يخطفها ويعيشها في عذاب ولما تفكر ترتاح يطلع غيره , انا بجد مابقتش فاهم حاجة ولا قادر استوعب اللي بيحصل ده حاسس ان احنا دخلنا فيلم رعب ومش عارفين نخرج منه ...
كريم : خالو اهدي ارجوك عشان صحتك , ضغطك ممكن يعلى وتتعب , وبعدين الحمدلله سارة معانا وبخير شوية جروح وهتبقي بخير ان شاء الله ..
ابراهيم : انت بتتكلم علي جروح جسمها ,, طيب وبالنسبة لجروح قلبها ايه ؟ تفتكر سارة هتقدر تكمل حياتها ازاي ؟؟؟
جه دكتور يحيى يجري عليهم ,,
وقف يحيي وبياخد نفسه : السلام عليكم ..
الكل : وعليكم السلام ..
كريم : مالك بس خد نفسك , انت بتجري كده ليه ؟
يحيى : استاذ ابراهيم حضرتك ازاي متكلمنيش ؟ مش انا قلت لحضرتك ان اي حاجة تحصل تبلغني عشان اقدر ابقي معاها لحظة بلحظة...
ابراهيم بحزن : انا اسف يابني انت مش متخيل اللي احنا فيه ,, عمالين ندخل في دوامات مالهاش اول من اخر, اصابة اسلام واخواته واختفاء سارة ورجعت بمنظر يقطع القلب , عامة هي لسه مافقتش ..بس انت عرفت منين ؟
يحيي : روحت البيت عادي عشان ميعاد جلستنا خبطت كتير مالاقتش حد , قابلت واحد قريبكم وقالي انه خطيبها وهو اللي حكى لي اللي حصل لما اتاكد اني عارف كل حاجة عن سارة..
يحيي وبيبص لسيف : عرفتوا مين اللي ورا ده ؟!
سيف : عارفين بس تفوق سارة وتأكد لنا ..
جت نجاة ووقفت ..
نجاة : دكتور كريم , بعد اذنك جيت ابلغك زي ما قلت لي سارة فاقت ..
الكل وانتبه معاها ....
كريم بخوف : يلا بينا بسرعة ...
،،،،،،،،،،،،،،،،،،،،،،،،،،،،،،،،،،،،،،،،،