رواية تائهة بين دوائر الانتقام الجزء الثانى الفصل الثاني 2 - بقلم Emy Abo-Elghait

سيف : كنت في مأمورية والله غصب عني ، وبعدين يا هانم هو انتي مراتي عشان تحاسبيني .
سارة بضحك : مراتك هههههههههههه بعد الشر عليا ، دي ربنا يكون في عونها اللي هتتجوزها ...
قرب منها سيف وهمس لها : قريب أوي هتتدعيلها اللي هتتجوزني ...
سارة وقفت وبفرح : لااااااا ماتكروتنيش،، احنا نتغدى واعملك أحلي كوباية قهوة ونطلع عالسطح وسط الورد بتاعي ونتكلم...
إسلام : في ايه يا هبلة انتي مالك ؟؟ وهتتكلموا في ايه ؟
سارة بتستفزاز: مالكش دعوة ده سر ..
إسلام: ما شاء الله وبقي ليكي انتي وسيف اسرار ونسيتيني ..
سارة وقعدت جنب إسلام : وانا اقدر أنساك يا قلبي ده انت الخير والبركة ،،، بس ده سر مايخصنيش ده يخص أبيه سيف ، اصل هو كان بي......
قاطعها سيف وحط أيده علي بوقها : بس بس مش هيبقي سر ، ادي اخرة اللي يتكلم مع عيال ..
سارة بغضب : بقي انا عيال ؟!!
سيف بضحك : اه طبعا ،، بس أحلي عيلة ..
,,,,,,,,,,,,,,,,,,,,,,,,,,,,,,,,,,

قعدوا كلهم يتغدوا ومع مرح سارة وخالد المعتاد وبدأ إسلام يغير من بعد سارة عنه وقربها من خالد .. خلصوا الغداء ودخلت سارة عملت القهوة لسيف وطالعين هم الاثنين للسطح ولتاني مرة قابلت حسام وهو راجع والمرة دي شافها هي وسيف بيضحكوا بشدة ... أتضايق جدا واعصابه فلتت ..
حسام بزعيق: سااااارة..
اتفزعت سارة بشدة ووقفت واتخبط فيها سيف والقهوة كانت هتتدلق...
حسام بحدة :-ما شاء الله هو انا كل شوية شايف سيادتك مع واحد .. مرة مع خالد وبتهزروا ، والمرة الثانية مع الاستاذ وبردو بتضحكوا ، هو انتي كل شوية سحبالي واحد ورايحة معاه في حته..
اتضايقت سارة جدا من اسلوبه وجت ترد شاور لها سيف أنها تسكت..
سيف: امسكي دي يا سارة .. وناولها كوباية القهوة .. والتفت لحسام فجأة وعلي وشه علامات الغضب وعروقه ظهرت من عصبيته ومسك حسام من رقبته ولزقه في الحيطة ..
سيف : هي مين دي يا **** اللي كل شوية مع واحد .. انت فاكرها زيك يا كلب..
انت يالا شكلك كده مش مريحني،، شكلك لازم تتادب النهاردة ،، لسه سيف بيرفع أيده عليه عشان يضربه وقفه عياط سارة وصوتها .
سارة: وحياتي عندك يا أبية سيبه عشان خاطري لو بتحبني سيبه.. عشان خاطري.
سيف بحدة: انتي بتعيطي ليه يا هبلة انتي ، وبعدين هو قل أدبه ولازم يتربى .... قاطعه حسام بلكمة شديدة علي وشه
حسام بغضب: هو مين ده اللي يتربي يا ابن *****.. انا هوريك.. وبدأوا يتخانقوا وسارة بتصوت..
سارة : بس خلاص كفاية ارجوكم.. خلاص بقي كفاية ..
وسيف ماسك حسام وبيضربه بشدة ولا كأنه قتله قتيل ..
خرجوا كل اللي في البيت علي صوت عياط سارة وصويتها وصوت خناقة سيف وحسام...
ابراهيم وبيحاول يبعد سيف عن حسام : بس بس اهدوا... اهدوا... تعالوا يا ولاد فكوهم معايا ...
نجحوا بصعوبة أنهم يشيلوا حسام عن سيف ... ولسه سيف وحسام مستمرين في الشتيمة...
ابراهيم ووقف وسطهم هم الاثنين وبزعيق : بس انتوا الاثنين ايه شغل العيال ده .
سبف بزعيق : ال **** ده فاكر ان الناس كلهم **** زيه وبيقل ادبه علي سارة اسكتله يعني؟!!
ابراهيم بحدة : اهدي يا سيف بلاش الالفاظ دي انا واقف .. وبيبص لحسام اللي بيمسح وشه من الدم بسبب ضرب سيف ..
ايه اللي حصل يا حسام ؟
حسام بحدة : الهانم كل شوية شايفها طالعة مع خالد نازلة مع كريم طالعة مع سيف و يا عالم بكرة نازلة مع مين مش لاقية حد يلمها...
وهنا انفجر خالد وجري علي حسام وضربه وبيشتمه بأسوأ الالفاظ ودخل في الخلاف محمد وإسلام ومحمود اللي ما تقبلوش شتيمة اختهم بالاسلوب ده وتجمع رجالة العيلة للفصل بين اللي بيتخانقوا.. ومش عارفين ...
فجأة كلهم وقفوا لما سارة اغمي عليها ووقعت جامد من عالسلم واتجرحت بشدة وبدات راسها تنزف...
سيف بفزع : سارة حبيبتي .. وشالها بسرعة وجري بيها علي بيت ابراهيم ودخلها اوضتها وكلهم وراه وكريم كمان ..
كريم : شكله جرح سطحي ما تقلقوش..
محمود : مش هيحتاج خياطة ؟؟
كريم : لا مش مستاهل انا هنضفه بس عشان بس ميسبش أثر ..
إسلام بضيق : والله لو بس يا بابا مكنتش شيلتنا عنه انا كنت موته ازاي يقول علي سارة كده وبكل بجاحة ولا كان أخواتها واقفين ولا عارفين نربيها، بيتكلم علي خالد ومحمد وكريم اللي هم بقوا اخواتها والعلاقة ما بينهم كلها ود واحترام،، سيف كان بحكم اللي حصل وبقوا اكتر من اخوات ،، مش عاجبه يغور في داهية ايه قلة الأدب دي ..
ابراهيم بضيق : اهدي يا إسلام ، حق سارة انا اللي هجيبهولها وانا عارف ازاي ، ولو سمحتم الكلام ليكم كلكم وانت طبعا يا سيف محدش ليه دعوة بحسام خالص وانا هتصرف وهجيبلها حقها .
بدات سارة تفوق وبتتألم ,,
سارة بضعف : ااااااه يا دماغي .. ااااه بتوجعني ..
محمود : معلش يا قلبي وقعتي جامد واتعورتي ..
سارة وبدات تعيط وماسكة دماغها : حسااام ,, اااه بيشتمني .. انا عملتله ايه بس ؟!!
خالد بضيق : والله لاعلمهولك الادب بس اهدي بس ..
محمد : قلنا بلاها الخطوبة دي بس انتي دماغك اللي جزمة بتدوري علي المشاكل بمنكاش.. قلت لك الواد ده مش وراه غير المشاكل .. بس انتي اللي تستاهلي ..
اسلام بضيق : بت يا سارة ما تسيبي الواد ده ,, الخطوبة دي ولا كان ليها لازمة ..
سارة بعياط : مش وقته الكلام ده ,,ابية سيف فين ؟
سيف : نعم . انا هنا ..
سارة : مكانش في داعي اللي عملته ده ,, انا كنت هرد عليه .
سيف بعصبية : ايه معلش ؟ سمعني كده تاني ؟ تردي انتي عليه وانا واقف ؟!! ليه واقفة معاكي بنت خالتك ؟؟ مش مالي عينك يا بت ولا ايه ؟ والله لولا انتي كنت قتلتهولك قدام عنيكي بس انتي اللي منعتيني .. وانا صراحة من رايهم كفاية عليها الخطوبة دي اوي , الواد ده شكله مش مريح ومش مظبوط ..
سارة : مش وقته , مش وقته ,,
ابراهيم : سيف لو سمحت عايزك , خلوا بالكم يا ولاد من سارة ومش تضايقوها ..
الكل : حاضر يا بابا ..
ابراهيم : يلا يا سيف ..
سيف : اتفضل يا عمي ..
ابراهيم وضرب سيف علي راسه ضربة خفيفة : ما قولنا بلاش عمي دي ..
سيف بضحك : اسف يا بابا ..
ابراهيم : ايوة كده يا ولد اتعدل ..
وخرج ابراهيم وسيف من اوضة سارة ..
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ابراهيم : لا تعالى نخرج نروح نقعد في اي حته الموضوع مش هينفع هنا ..
سيف : اتفضل حضرتك نروح اي كافيه نتكلم ..
وفعلا راحوا الاثنين كافيه وطلبوا قهوة .. جابها الجرسون ..
سيف بقلق : بابا حضرتك قلقتني ,, خير ؟؟!!
ابراهيم : بص بصراحة هم موضوعين والاثنين يخصوا سارة .. اولا نبدا بالمهم ,, الشخص اللي كل شوية يكلمها ده ويهددها عايز اعرف هو مين وعايز ايه بالظبط ؟ وليه مش عايز تقولنا اي حاجة عنه؟!!
سيف بضيق وبيتنهد : الشخص اللي بيكلمها ده يا بابا بعد ما مكلمها اول مرة .....

فلاش باااااك *
سارة بخوف وكانها فقدت النطق : الحقني يا سيف ,, ووقعت سارة اغمي عليها
سيف بقلق : سارة حبيبتي ايه اللي حصل ؟؟ سارة فوقي .. وحاول يفوقها ولكن مفيش فايدة ,, شالها سيف والكل اتجمع بقلق ,, نزل بيها بيتهم قعد جنبها وجه كريم وبيحاول يفوقها وفاقت سارة ,,
قامت سارة بفزع ومسكت في هدوم سيف : الحقني يا ابية بيقولي هيندمني علي اللي عملته في ماجد انا خايفة يا ابية ,, خايفة ..
سيف وبيطبطب عليها وبيحاول يطمنها : اهدي بس يا حبيبتي , مين ده ؟
سارة بانهيار ولسه ماسكة في سيف : مش عارفه هو قالي كده , مش عارفة هو مين .
سيف ومسك ايديها عشان يهديها : اهدي بس ,, وبص سيف لكريم واخوات سارة .. استاذنكم يا جماعة سيبونا لوحدنا ..
اسلام بضيق : انا نفسي افهم ايه حكاية سيبونا لوحدنا دي كل ما تيجي تحكي لنا حاجة مهمة تقول سيبونا لوحدنا .. لا مش خارج وهتحكي قدامنا ,, كفاية اللي عملته ساعة ماجد استغفلتنا لمدة اسبوع وجه قعد معانا اكتر من ساعتين في مكان واحد واحنا مش عارفين وسلمت له اختي بايدي .. مش خارج وسارة هتتكلم قدامنا ..
سيف وبدا يفقد اعصابه : اسلام باشا حضرتك بكل بساطة انا ماردتيش اقولكم عشان ما تغلطوش ويعدي اليوم بامان وده فعلا اللي حصل ,, لو كنت قلت لك بكل بساطة كنتوا اتخانقتوا سوا وماجد كان اسهل ما عنده طلقة وانت كده مع السلامة , وبعدين انت واخد بالك انت بتتكلم في حاجة من سنتين يا قلبك يا اخي .. مش هتتكلم قدامكم عشان انا مش عايز القلق يتمكن منكم في حاجة ممكن تكون عبيطة بس كده ..
محمود وبيسحب اسلام : يلا يا اسلام خليه يشوف شغله واحنا نبقي نفهم منه بعدين ,, وخرجوا كلهم واسلام علي اخره من الضيق ..
سيف : احكي يلا اللي حصل .. وحكت له سارة كل اللي حصل ..
سيف : امممم بقي ده اللي عمل فيكي كده واحد عبيط بيخوفك .. يا هبلة متخافيش انا معاكي .. قومي كده اغسلي وشك وانا هشوف الموضوع ده متخافيش ... وقامت سارة ,,
قام سيف وكلم آسر في التليفون ..
آسر : سيف باشا , انا قلت انك نسيتني .
سيف : آسر عايزك في موضوع مهم .. عايزك تعرف لي مين اللي اتصل بسارة من نص ساعة كده .. وارجع لي ..
آسر : حاضر ,, سلام
سيف : سلام ,,,

بااااك ***
سيف : وعملنا تحريات وللاسف ماوصلناش لحاجة ,, بس من اسبوع بس عرفنا ان واحد اسمه عاصم وده كان ليه علاقة كبيرة بماجد وصل مصر ,,
ابراهيم بقلق : وده ايه علاقته بسارة ؟!!
سيف : مانا جاي لحضرتك في الكلام اهو .. عاصم ده من فترة طويلة عايش بره مصر وليه اعمال مشبوهة كتير وخطيرة جدا , وللاسف عاش في دول اروبية كتيرة وماقدروش يثبتوا عليه اي حاجة ,, ليه علاقة باكبر مافيا وليها اعمال مشبوهة كتير ,, شخص خطير جدا ,, وبيتنقل بشخصيته عادي جدا معروف ومش خايف لان اي عملية مشبوهة بيعملها مفيش اي ادلة وراه ,, ده غير انه عندهم اساليب حديثة جدا في التخفي و للاسف اساليب احدث في التعذيب ,, عرفنا من الاساليب دي حاجات وحاجات ممكن دماغنا اصلا ماتوصلهاش , اغلب اللي بيقعوا تحت ايد المافيا دي مش بيخرجوا احياء اصلا عشان نعرف منهم اللي حصل ,, من ساعتها بحاول اشيل من دماغي ان عاصم ده عايز من سارة حاجة وان اللي بيهددها يكون هو بس مش عارف لسببين اولهم ان سارة بعد يوم الحادثة بتاعت ماجد ولما فاقت وحكت لي اللي حصل بينها وبين ماجد وذكرت اسم عاصم انه هو اللي طلب من ماجد يجمع معلومات عن عيلة سارة وهنا اتذكر اسم عاصم للمرة الاولى.. ثانيا ان آسر بعد ما تتبع المكالمات اللي بتيجي لسارة مقدرناش نوصل لحاجة غير انها كلها من بره مصر والمكالمة اللي جت لسارة من يومين وفيها نفس التهديدات كانت من جوه مصر وده طبعا بعد وصول عاصم مصر ,,
ابراهيم : يا نهار ابيض كده مفيش غيره هو اللي بيهدد سارة , بس ايه اللي عايزينه من سارة اصلا ؟ وليه عايز معلومات عن سارة ؟ وايه علاقة عيلة سارة بمافيا زي كده ؟
سيف بضيق وبيبص في الارض : للاسف معنديش ولا اجابة للاسئلة ده ..
ابراهيم بحزن : يارب استرها .. يارب استرها .. سيف ارجوك متسيبش سارة , ارجوك , سارة بتحس معاك بالامان بجد ..
سيف : انا عمري ما هسيبها ,, انتوا وسارة اجمل حاجة ربنا عوضني بيها عن عيلتي اللي فقدتها .. انا مع سارة وعمري فداها ..
ابراهيم : ربنا يخليك يا بني ونعم الرجال فعلا ..
سيف : حضرتك كنت عايزني في موضوع تاني .خير ؟!
ابراهيم : والله يابني بعد حوار عاصم ده دماغي لفت .. الموضوع الثاني هو حسام .
سيف وتحولت ملامح للغضب : ده كلب وانا اللي هبعده عن سارة خالص ..
ابراهيم : اهدي بس يابني .. انا فعلا عايز ابعدهم عن بعض بس عايز سارة تقتنع بكده .
سيف بغضب : ان شاء الله عنها ما اقتنعت غصب عنها تسيبه .
ابراهيم : لالالا , انا عايز هي اللي تسيبه وتقتنع بكده وخاصة بعد اللي عرفته من كريم ..
سيف بتعجب : ايه اللي حضرتك سمعته من كريم ؟!!
ابراهيم : جه قالي انهم من فترة شاف حسام وسارة علي السلم وهو مقرب من سارة بشدة وكان بيحاول يبوسها ..
سيف وقف وبحدة وبزعيق : نعااااااااام .. كان ايه ؟؟
ابراهيم وبيتلفت حواليه : سيف يابني اهدي الناس بتتفرج علينا .. بس اقعد ,, شد ابراهيم سيف من ايده وقعده ,, انا بقولك عشان تعمل كده انا قولت انت العاقل اللي هتساعدني ..
سيف وبيهز رجله بعصبية وضاغط علي ايده بشدة وبحدة : عيوني هساعد حضرتك هقتله واريحكم منه...
ابراهيم بجدية : وبعدين بقي ,, اهدي بقي وخلينا نفكر بالعقل , عايز اعمل حاجة اكشف بيها نية حسام , هل فعلا هو جرئ بس ولا بيفكر في سارة بطريقة مش كويسة ..
سيف بابتسامة خبث : انا جات لي فكرة جهنمية هتثبت فيها نية الواد ده .. ولا هيبقي لينا دعوة بأي حاجة ولا كاننا احنا اللي مخططين لها ..
ابراهيم : الحقني بيها .
سيف : هقول لحضرتك ................
,,,,,,,,,,,,,,,,,,,,,,,,,,,,,,,,,,,,,,,,,
في بيت ابراهيم ,,,, خبط شديد علي الباب وفجاة الباب اتكسر ودخلوا رجالة ملثمين كتير ومعاهم اسلحة ومعاهم واحد شبه البودي جارد طويل عريض وبعضلات قال وبجمود : هاتوها بسرعة ..
دخلوا الرجالة دول علي سارة واخواتها واتفزعوا كلهم من المنظر ..
اسلام بفزع : انتوا مين ؟ وبيحاول يقف قدامهم ..
فجاة وجه الراجل سلاحه اللي فيه كاتم صوت ناحية اسلام وقال : ابعد احسنلك ..
الراجل التاني شال سارة علي كتفه وسط صرخاتها اللي مستمرة وبصوت عالي ومحاولتهم كلهم سحبها منه ..
اسلام بتحدي : مش هبعد ومش هتاخدها ,,
فجاة ضرب الراجل اسلام بالرصاص ووقع ودخلوا بقية الرجالة منعوا محمود وخالد ومحمد من سحب سارة من زميلهم وضربوهم بعنف شديد .. واخدوا سارة ومشيوا بعد ما خدروها عشان تبطل صويت وماتلفتش النظر ليهم .. سهير اول ما شافتهم استخبت منهم واول ما حست انهم مشيوا وشافت المنظر صرخت ان الاربعة واقعين في الارض واسلام فيهم مصاب . اتصلت بسرعة بابراهيم وقالت له تعالي حالا وقفلت التليفون .. واقل من عشر دقايق كان سيف وابراهيم في البيت واتفزعوا من المنظر وكانت الاسعاف وصلت بعد ما سهير كلمتهم واخدوا اسلام في عربية الاسعاف .. وسيف وابراهيم اخدوا محمود وخالد ومحمد في عربية سيف وراحوا علي المستشفي ..
,,,,,,,,,,,,,,,,,,,,,,,,,,,,,,,,,,,,,,
وجود العيلة حوالينا بيطمنا .. وبعدهم عننا بيقهرنا ... حافظ علي قربهم وعلي حبهم .. لان مفيش حاجة بتعوضهم ..
سارة وسط عيلتها حاسة بالامان والسند ,, لكن دلوقتي هي لوحدها وظهرها انكشف .. بس ربنا مع المظلومين .. ولابد يجي يوم وترجع لها ضحكتها .. ولحد اليوم ده لازم الصبر والاحتساب..
واليقين بالله انه ما بيقدر لنا الا الخير ولو مش عارفين الحكمة من اللي بيحصلنا دلوقتي ...
,,,,,,,,,,,,,,,,,,,,,,,,,,,,,,,,,,,,,,
في المستشفي اللي بيشتغل فيها كريم.. خارج اوضة العمليات ..
كريم: الرصاصة جت في كتفه وخرجت من الناحية الثانية بسبب قرب المسافة اللي انضربت منها الرصاصة .. عملت له ضرر كبير بس الحمدلله نجحنا في اننا نوقف النزيف وهو ان شاء الله ساعات وهيفوق .. اما بالنسبة لخالد ومحمد ومحمود فهم كويسين كدمات بس والحمدلله مفيش اي كسور ..
ابراهيم بحزن : متشكر يا كريم يابني تعبتك معايا ..
كريم بحزن : لا يا خالو متقولش كده ربنا يشفيهم ويرجع سارة بالسلامة ...
,,,,,,,,,,,,,,,,,,,,,,,,,,,,,