رواية طائر العنقاء الفصل الثامن 8 - بقلم جنون كاتبة

قصة # طائر العنقاء
،،،،،
الكاتبة # هدى سامي
......
تفاعلو حبايبي وشاركو القصه دزوها لأصدقائكم حته تكبر عائلتنه
.....
قرائه ممتعه ،،،،

(فى هذه الأيام:
سيصل بك الأمر إلى أن تكتشف أن أكبر إنجاز يمكنك أن تقدمه لنفسك هو أن تكمل ما تبقى من حياتك دون أن تفقد عقلك!!.)

الموبايل جان بيدي مسويته هزاز جان تجيني رساله من صهيب هذا شيريد الفضول خلاني افتحها كاتبلي

اني بغرفتج اريد احجي وياج اذا ماجيتي احرك البيت عل بي

رتبكت باوعت الكل ملتهي حته لمى تحجي ويه تبارك

سحبت نفسي وكمت خل اشوف تاليها ويه صهيب

فتحت باب غرفتي ودخلت لكيته شكله مو طبيعي مو ذاك الانيق يمكن صارله سبوع مسابح

باوع عليه من فوك الجوه حسيت عبالك ملابسه ملابس رتبكت كتله

خير شتريد صافن بوجهي عدت السؤال خير شتريد

حجه برجاء ،،،
صهيب : لتزوجين

لميس : ليش ليكون اني مريم العذراء راح اضل طول عمري من غير زواج

صهيب : جاي احجي بجديه ممكن تصيرين جديه

لميس : اللهم طولج ياروح خلصني شرايد

صهيب : لتنخطبين لتخلي يعقد عليج

لميس : انته واحد فاضي مشيت حته اطلع لزم ذراعي

صهيب : اذب*حج انتي ويا اذا وافقتي

لميس : من حقي ازوج واشوف حياتي ويه انسان يتمناني انسان يشوفني اشرف وحده بالعالم

وتره وكفتنه هنا غلط اذا احد شافنه شيكول علينه نفضت ايده مشيت لزمت الباب جان يكول
‏
‏صهيب : اذا وافقتي وسجلتي عله اسمه راح احسبج ميته
‏
‏لميس : رجعت وكفت كدامه ضحكت بستهزاء اني ميته من ٨ سنوات لو نسيت هههههه وين جنت من ثمن سنوات
بيا حق جاي تمنعني ازوج ،،،،
مثل مانته زوجت اختي،،،،
افهمني وفكر بكلامي زين،،،،
انته زوج اختي يعني اني هسه مثل اختك اي علاقه غير الاخوه حراممم عفته ومشيت قبل مااطلع
كال

صهيب : ‏انشاء الله مشوفين السعاده بعينج،،،،

طلعت اعصابي كلها ترجف اتنفس بقوه رحت للمطبخ شربت مي اخذت شهيق وزفير

(لم اتعافى منك ... اجبرت على التخطي ... ‏)
‏
اجتي لمى وينج يمعوده كلها سالت عليج كتلها جيت اشرب مي

رجعنه للهول كعدت مكاني نسمع صوت الرجال كامو يحجون بالمهر وشغلات الزواج بابا حط شرط الزواج بعد التخرج اسمع مقداد عترض هو وابو وخوته حاولو يقنعون بابا بس بقه عله رايه عاد وافقو العرس بعد سنتين تفقو عله كلشي

بدأ الشيخ يعقد اجه مهيمن يمه جيبنها حضرنها حته من يسالها الشيخ تجاوب

اخذتني ماما كعدت عل كرسي وره الباب لمى حطت رجليه بطشت مي بي ياس وهيل ورد جنت لازمه القران باايدي حطن قماش ابيض كله ايات قرآنية عله راسي

بده الشيخ يعقد لزمتني رجفه لزمت ايد لمى جانت واكفه بصفي حطت ايدها الثانيه عله راسي لتخافين اني يمج هزيت راسي سالني الشيخ
لميس بنت هاشم تقبلين الزواج من مقداد عامر

ضغطت عله ايد لمى باوعت بوجهي هزت راسها وافقي عاد السؤال الشيخ جاوبت
نعم اقبل وانت وكيلي،،،،،،
تلث مرات عدتها،،،،،

عله صوت الهلاهل كومني رجعت لمكاني تبارك سوت فنه بالهلاهل حضنتني مبروك زوجة اخويه كتلها يوما الج صاحو العريس راح يدخل وكفت مرتبكه ويه دخلته عله صوت الهلاهل اجه يباوعلي بنضرات حب باس راسي رفع ايدي باسها حجه بحب

مقداد : مبروك عليه انتي

لميس : بخجل الله يبارك بيك كعدنه لبسنه الحلقات قطعنه الكيك وشربنه عصير جان لازم ايدي ضاغطها باايده وعيونه عليه كعد شويه بعدين صاحو عليه حته يروحون كام اني هم كمت لزم وجهي بايده كال اشوفج بعد يومين من نعقد محكمه باس راسي وراحو بقينه بس احنه

اجه بابا وينها بنيتي الحلوه ركضت حضنتها

بابا : كبرت بنيتي وصارت عروسه بس حطيت عليهم شرط اله تخلصين دراسه ههههه شعبالج افرط بيج بهل سهوله

لميس : الله لايحرمني منك باباتي

لمى : هاي شنو كمت اغار اني هم اريد حضن

فتح ايده الثانيه بابا جتي تركض حضنتنه

مهيمن يابه بقت عليه اجه حضنه

ماما كالت بقت عليه اجتي حضنتنه صار حضن جماعي هههه

دعيت داخلي الله لايحرمني منهم اهلي قوتي سندي بلاياهم ماسوه شي ...

باليل دخلت ع مدونه كتبت

(ثم يهبك الله قمراً مضيئاً يعادل جميع النجوم
التي انطفأ نورها وسقطت من سمائك)

(اليوم كان يوم مهم مرحله جديده من حياتي اللهم اسالك خيرها واعوذ بك من شرها اليوم عقد قراني)

جاني اشعار احزنني من صفحه جديده وتعليق قلب مكسور💔 عرفته هو سديت الموبايل ونمت

بعدها صادفت اجازه جمعه وسبت مقداد خابرني مرتين باليل افتح خط بس ابقه ساكته يضل يحجي بعدين يكول مازعل منج من مجاوبين ادري بيج تخجلين يله حبيبتي راح اسد الخط اشوفج يوم المحكمه
‏
‏يوم الاحد حضرت نفسي لبست فستان وردي غامق وشال لونه بيج وحذاء كعب وجنطتي باايدي باوعت عله نفسي بنضرة اعجاب اخذني بابا وماما للمحكمه لكيناهم واصلين قبلنه نزلنه عل هلاهل مالت عمتي

مقداد كالها يمه مو هسه من نعقد ونطلع هههه كالتله هسه ومن تطلعون ركعتنه بهلهوله كوووولش اجه

مقداد : شلونج يروحي

لميس : الحمد لله لزم ايدي دخلنه عقدنه طلعنه بالهلاهل والجكليت من عمتي كووولش
هاي الرادها وهاي التمناها،،،،
بنت الشيخ لبن الشيخ جبناها،،،، وكلللش،،،،،،،
سوو هوسه كدام المحكمه،،،،،
عمتي اخوان مقداد وعمي ابو مقداد جان جاي

مقداد واكف لازم ايدي نباوع ونضحك اخو مقداد جره كامو يركصون سوه عل هوسات وكفت اصفك

مقداد : اني عازمكم عل غده كلكم

بابا : ماكو داعي ابني مريد نكلفكم

مقداد : ماكو تكلفه عمي عيوني ترخصلكم

بابا : سالمه عيونك بارك الله بيك

لميس : رحنه لسيارات حته نصعد

مقداد : تعاي صعدي وياي

لميس : باوعت لبابا اشرلي براسه كال روحي رحت ويا صعدت سد الباب ندار صعد مشينه لزم ايدي رفعها باسها كال

مقداد : انتي صرتي زوجتي ليش اله سمحلج ابوج يله صعدتي وياي ليش تخافين مني

لميس : بقيت ساكته هو هم سكت رحنه تغدينه كاعد بصفي يجيب اكل ويحط كدامي يكلي اكلي حبيبتي اني ميته خجل من اخوانه واهله خلصنه الغده رجعنه للبيت قبل منوصل كال

مقداد : ولا كلمه حجيتي اريد اسمع اي كلمه منج

لميس : ماعرفت شحجي بس افر بعيوني

مقداد : حبيتي كليلي اي كلمه اصبر نفسي بيها ليوم الخطوبه وصلنه وكفت كدام بيتهم هيه بعدها محاجيه

لميس : فتحت الباب نداريت عليه كتله مقداد بتسم بتسامه عريضه كال

مقداد : رحت فدوه لهل صوت الدوه الكلبي العليل هيج اسمي حلو واني مادري

لميس : بعد هذا الغزل ماكدرت احجي شي بعد ابتسمتله ونزلت دخلت جتي عيني عله بيت خالتي صهيب واكف بشباك غرفتهم يباوع عليه ويدخن جكاير جاهلته ودخلت

ثاني يوم رحت اني وماما لسوك حته اشتري تجهيزات الخطوبه شتريت بدله قصيره لحد الركبه منفوشه ومن فوك بيها دلعه من الصدر ومن الضهر لونها قهوائي عله اسود بيها تطريز خرز ناعم من جوه صاعد لفوك شتريت حذا لونه اسود كعب عالي اجرت بدله ثانيه مخصره عل جسم بس مستوره حته البسها من تصير الخطوبه مشتركه هوايه شتريت حاجات كملنه ورجعنه للبيت راسا سبحت ونمت

ثاني يوم كعدت من الصبح نضفت البيت ورتبنه الكراسي والديجي بالحديقه لمى تفتر ورانه تريد تساعدنه اجرها وكعدها عل كرسي بس اكعدي ديري بالج عله ابن اختي كلشي ماريد منج تضحك تكول

لمى : بس اجيب انتي تريبي

لميس : يبوو يوم عيد تروحله فدوه خالته

ماما : اسم الله عليج بنيتي يله بدلن حته يدويجن مهيمن لصالون

لميس : بدلنه ورحنه ويه مهيمن لصالون كال ساعتين وجيجن راح واحنه دخلنه لبست الفستان القصير ولمى هم بدلت لبست فسان حلو بطنها مكعوره هههههه كبرانه شويه

كعدنه كل وحده عله كرسي بدت الماكيره اول شي رفعت شعري بتسريحه كلش حلو كتلها راح البس بدلتين اريد مكياج يناسب البدلتين هزت راسها مكيجتني مكياج صارخ كملنه باوعت عليه لمى كالت

_اللهم صل عل نبي واله بسم الرحمن محفوضه

_ضحكت كتلها كايمه تحجين مثل ماما كالت

لمى : وج غير طالعه تكطعين

لميس : عيونج الحلو يعمري جيف اختج شوفيني حلوه قربت همست
_وج باعي النسوان الراح تاكلج بعيونها والله طالعه تكطعين ماشاء الله
_كتلها انتي هم تخبلين طالعه

لمى : بس مو بجمالج أوكفي لتلبسين الرداء

لميس : ليش خل نتحضر مهيمن عله جيه تدرين بي ميصبر يسويها بينه ويعوفنه ويروح

لمى : حته ناخذ صور احنه تلاثتنه معليج اني اقنعه حته يصور ويانه

لميس : بس تدرين فرحتنه ناقصه

لمى : اي والله ياريت لو هنا ويفرح ويانه

لميس : يوميه اخابره اطمن عليه ويسالني عله احوالي ومن تقدملي مقداد خابرني يسالني اذا احد جابرني

لمى : اخونه الجبير يبقه يخاف علينه لوشكد ماكبرنه

لميس : سوده عليه مكانه خالي جاي نحجي جان تجي وحده كالت اجوي عليكم يريدوكم

لمى : انتي اسبقيني عل ستوديو واني رايحه اصيح مهيمن

لميس : تمام جان اكو باب من الصالون للستوديو دخلت جانت اكو مرايه عله طول الشخص وكفت كدامها متعجبه بنفسي بين ميجون جان تدخل لمى تحجي تعال قابل انته غريب تعال حته نتصور سوه تعال شوفها شلون طالعه عبالك لعابه نداريت جان الكا

صهيب فاتح عيونه الكبار بصدمه يباوع عليه من فوك الجوه

،،،،،،،،،
الكاتبة # هدى سامي
.......

علقولي حبايبي نطوني رايكم بالقصه ولتنسون التصويت ⭐⭐⭐