رواية طائر العنقاء الفصل التاسع 9 - بقلم جنون كاتبة

قصة # طائر العنقاء
الكاتبة # هدى سامي
،،،،،،
شاركو القصه حته تكبر عائلتنه دزوها لأصدقائكم ولتنسون تعليقاتكم الحلوه وتفاعلكم
.......
قرائه ممتعه

(من هُم أسوأ أنواع البشر في نظرك ؟
- لم أقابل بالحياة أسوأ مِن هذا الذي ضمن محبتي فأهانني
ومَن استباح حُزني فخذلني، ومَن تشبثت بيديه وتركني.)

مقداد : ماروح اذا مااخذج كتله

لميس : لخاطري غير يوم نطلع من بابا موجود

مقداد : تردين تمشين كلامه عليه انتي زوجتي اكدر اخذج غصبا عله اكبر راس

لميس : صاح صهيب خل نشوف شلون تاخذها ندريت عليه خزرته بعصبيه غير يسكت

صهيب : خفت من نضرتها هههه عيونها المرسومات نوب لابسه عدسات طالعه تكطع

لميس : مقداد لخاطري خليها غير يوم

اجتي ماما ولمى يتوسلن بي كوه قتنع بس طلع زعلان عليه حاسه نار داخلي كد ماعصبيه اخذتني لمى كعدتني بالستقبال جابتلي مي كاعد كبالي بكل برود والله لجيب حق مقداد بس اصبر عليه

رحت لغرفتي دكيت عله بابا حجيتله كال
_ميخالف بابا اكيد خايف عليج كتله
_من شنو يخاف عليه من زوجي ماله حق يتحكم بيه كال
_ميخالف باباتي مثل اخوج اني مشغول هسه اجي باجر وفتهم شنو السالفه كتله
_الله يحفظك بابا ترجع بالسلامه سديت الخط،،،،،
دكيت عل مقداد ماجاوبني بدلت ملابسي ضليت ادك ينطي رفض صاحولي عل عشه كتلهم ماريد دخلت ع مدونه كتبت

(ثمة أناس لهم تلك القدرة الخرافية على المشي فوق قلوب الآخرين دون شعور بالذنب.)

اجاني شعار احزنني عرفته منو طفيت الموبايل ونمت

ثاني يوم واكفه بالحديقه منتضره مقداد يجي ياخذني تاخر اليوم دك هورن طلعت اركض لكيته عموو مجيد وتبارك نقهرت رحت صعدت
صباح الخير،،،،
ردوو ،،،،
صباح النور ،،،،

عموو مجيد : شلونج بنتي
لميس : الحمد لله عمو انته شلونك

عموو مجيد : بخير الحمد لله مبروك الخطوبه

لميس : الله يبارك بيك عمو نداريت عله تباورك وين مقداد ليش مااجه يوديني

تبارك : زعلان عليج يكول مشت كلام ابن خالتها

لميس : والله خفت عليه جانو ثنينهم عصبيين خفت لا يصير شي

تبارك : ماعرف بعد هاي انتي ويا حلو مشاكلكم

لميس : هزيت راسي وصلنه الجامعه بالشنه محاضرات خلص الدوام نتضرت مقداد ماجه رجعت ويه عمو مجيد وتبارك دخلت البيت بدلت وتغديت رجعت لغرفتي نمت كعدت العصر اخذت الموبايل دكيت عله مقداد مارد عليه ذبيت الموبايل

صار يومين مارايحه عله لمى ماريد اروح وشوفه بعدني افكر اجتي لمى
مساء الخير،،،، كتلها
مساء النور ،،،،،،كالت

لمى : يابذات ليش مجاي تجين صارلج يومين

لميس : ماريد ارتكب جريمه بااول شبابي ماريد اشوف زوجج التحفه

لمى : هههه والله علمود مصلحتج يخاف عليج

لميس : منين يخاف عليه من زوجي

لمى : تره حته اذا عاقدين بس انتو كدام الناس بعدكم مامزوجين المفروض ميتقرب منج لحد يوم العرس المفروض متامنين بي

لميس : لعد ليش انتو ماجنتو هيج ليش اول ما عقدتو كمتو تطلعون وطبون سوه جنتو تكعدون ساعات وحدكم مو حته الستقبال تشهد غير الغزل والمحاضن كدامنه لاخجل ولا مستحى

لو حلال عليكم وحرام علينه بس اني اعرف هذا مو كلامج واعرف منو دزج روحي كليله لميس تكلك لتبيع شرف واخلاق براسي

عقدت وجهه ما معاجبها الكلام وراحت صايره لعابه مسيره لحضرته بالليل جانو بيت خالتي يمنه رحت كعدت يم بابا حجيتلهم عله صهيب كتلهم ماريده يدخل بيه كلهم صارو ويا حته بابا ميخالف وابن خالتج ومقام اخوج يخاف عليج

(وإني غريبة ...
ليس لي في زحامهُم أحد 💔)

صهيب : لو النضرات تموت جان اني ميت من زمان تباوعلي بحقد

لميس : من شفتهم صارو ويا رحت لغرفتي مصدكين يخاف عليه منين يخاف عليه من زوجي بسيطه دخلت عل مدونه
كتبت
(لَا حذاقَة فِي الرَّأيِ اللاذع،
ولَا حِكمة فِي الْحُكم عَلى الْآخَرِين.)

ثاني يوم رحت لجامعه من خلصت دوام دزيت رساله لماما اني رايحه ويه تبارك مقداد مريض رايحه اشوفه رجعت ويه تبارك نزلت وياها

تبارك : ليش ماخابرتي خاف ماموجود

لميس : اريد اسويله مفاجأه حته اذا ماموجود انتضره
دكت الباب فتحته عمتي بوستها شلونج عمه،،،،،

هله بيج بنتي شلونج شلون اهلج كتلها
الحمد لله يسلمون عليكم كالت الله يسلمها ليش واكفه تفضلي دخلتي عل بيت كتلها عمه وين مقداد كالت نايم بغرفته

تبارك : تعاي بغرفتي بين ميكعد

لميس : شسوي بيج اني جايه عليج لو عله زوجي اريد اصالحه زعلان عليه هههههه

تبارك : هههههه عله كيفج بس لتحمين علينه تعاي ادليج عله غرفته

لميس : اخذتني تبارك بيتهم هدوء ولدهم كلهم مزوجين وطالعين كل واحد بيته كالت هاي غرفته فتحت الباب ودخلت ضربت بوجهي برودت التبريد عبالك غرفت عرسان كامله من كلشي

مقداد متغطي نايم ميدري الدنيا وين تقربت منه رفعت الموبايل اخذت صوره سلفي نزلتها عل انستا كتبت حبيبي ماكدر عله زعلك حطيت الموبايل وملازمي والجنطه عل ميز قربت منه

كعدت بصفه نزلت راسي بسته بخده فتح وغمض نزلت بجسمي حطيت ايدي جوه راسي وجهي صار بوجهه لزمت وجهه باايدي فتح وغمض يجوز عباله حلمان هههههه مشيت اصبعي عله خده وشفته فتح صفن غمض وفتح رفع راسه هههههه ضحكت
شبيك،،، كال هاي انتي ،،،،كتله اي اني لزم ايدي باسها كال

مقداد : شجابج

لميس : اجيت اصالحك موزعلان

مقداد :هاا اي زعلان زغرتيني ومشيتي كلام ابن خالتج الحقير عليه
لميس : والله لجيبلك حقك واذا ماخليته يعتذر منك اني مو لميس بس اصبر وشوف والله لخاطرك اجيت حته ماخذت رايي احد بس دزيت رساله لماما

رفع الغطه جرني بحضنه كال

مقداد : هيج اني غالي عليج

لميس : تخربط احوالي طلع مصلخ حته فانيله داخليه ماكو بس الشورت شنو هاي اكو واحد هيج ينام

مقداد : هههههه لعد شلون انام حضنتها كل قوتي اله طكطكت ضلوعها

لميس : وخر حلني خل كوم ويديني

مقداد : وين اوديج........؟

لميس : وديني لبيتنه موصالحنه

مقداد : لتخافين ماسويلج شي خل نام فد ساعتين ما تعبانه

لميس : جر شال نزعني فتح شعري رفعه يشم بي حط وجهه يم وجهي كال هوايه سنتين كتله احنه حجينه بهذا الموضوع انته تفقت ويه بابا بالعقد ميصير اكسر كلام بابا ضاج من كلامي بس ماحجه ضل يباوع بوجهي وملامحي غمضت عيوني من الخجل حته اهرب من نضراته

بس مرتاحه بقربي منه عندي جفاف عاطفي مو طبيعي ههه غفيت جنت ميته نعاس ماعرف هو نام او لا بس احس بي من يبوسني من خدودي ومن عيوني ومن شفايفي لو يرفع ايدي يبوسها جنت مثل العابه باايده

كعدت من ايده كامت تجي بااماكن محضوره كتله
_وخر خل اكوم حجه وهو ذايب

_شعلتي جمره بيه وتريدين تكومين جرني جوى كتله

_شبيك مقداد تخبلت انفاسه تسارعت كال
_اريد حقي الشرعي كتله
_ياحق مقداد هاي شبيك عود من نسوي عرس
_حط وجهه بركبتي ماتحمل بعد ماتحمل سنتين
_دفعته موصجك صوجي اني لي جيت رجع لوعيه كال

_وين تريدين.....؟ كتله

_لوما حالفه مارجع للبيت لليل جان هسه خليتك توديدني راح اروح يم تبارك لزم ايدي كال

_أسف سامحيني وخرت ايده كمت رحت عله غرفت تبارك لكيتها مدده تلعب بالموبايل

_وج تبارك ميته جوع شنو انتو منوين تغدوني الي اليوم

تبارك : غير زوجج دزلي رساله لتكعدونه عل غده من نكعد ناكل ههههه انتو شبعانين عمي شسون بالغده

لميس : سخيفه ضرتها بالمخده هههه ضحكت طلعتلي دشداشه كالت بدلي بين مااصبلكم غده سدت الباب وراحت

بدلت رحت غسلت ايدي وجهي رجعت للغرفه رتبت نفسي رحت يم تبارك صبت غده اخذت الصينيه للستقبال اجه مقداد كعدنه نتغده كال

مقداد : بعدج زعلانه ،،،،،

لميس : هزيت راسي لا ،،،،

مقداد : شكد حلو الغده اليوم شكد حلوه من تشوف كدامك شي يفتح النفس

لميس : يوكل بيه ويتغزل جنت فرحانه لان صدك محتاجه رجل بحياتي رجال يحسسني باانوثتي خلصنه غده تبارك اخذت الصينيه جابتلنه جاي كعدنه سوالف وضحك تقريبا ساعتين ستاذنت تبارك كالت نعسانه تريد تنام كمت كتلها وياج كام ويانه مقداد مشينه اول ماوصلنه غرفته جرني داخلها وقفل الباب

لميس : افتح الباب مقداد بلا هل حركات

مقداد : ماريد منج شي لتخافين تعاي نتفرج عله فلم

لميس : شغل التلفوين راح سند نفسه بالجربايه فتح ايدي تعاي ترددت بعدين رحت حطيت راسي عله كتفه باس راسي طلع فلم اجنبي تفرجنه لحد ماخلص رفعت راسي يله كوم وديني جرني لزكني عليه وجهه قريب من وجهي يحجي بهمس

مقداد : ياريت كل حياتنا تكون مثل هاي الحضه راح اكون اسعد انسان بالدنيا

لميس : صارت شفايفي بين شفايفه نبضي حيل سريع
،،،،،،،

لتنسون التصويت ⭐⭐ وتعليقاتكم الحلوه
....
الكاتبة # هدى سامي
،،،،،،
شاركو القصه حته تكبر عائلتنه دزوها لأصدقائكم ولتنسون تعليقاتكم الحلوه وتفاعلكم