رواية طائر العنقاء الفصل السادس 6 - بقلم جنون كاتبة

قصة # طائر العنقاء
،،،،،
الكاتبه # هدى سامي
.....
بنات ياحبيباتي صوتن واكتبلي تعليقاتجن الحلوه حته اعرف رايكم بالقصه .....

قرائه ممتعه

("عِجاف القلوبِ لن ينفع معهُم ودّ ؛ حتّى لوْ زَرعتَ لهُم سَبع سنين سَنابل حُبّ.."🖤🥀)

صهيب : ممكفيج لابسه ملابس فاضحه كاعده بنص الشباب تتمضحكين جان ناقص بس تكومين تركصين

لميس : حجيت داخلي وعدت نفسي راح اتغير وماخلي كلامه يااثر بيه شتت نضراتي عنه ماريد دموعي تنزل تابع كلامه كال

صهيب : انتي وحده.....

لميس : قاطعته اني وحده بلا اخلاق،،،، اني بلا تربيه،،،، اني وحده ادبسزز ،،،،،،

اهلي ماعرفو يربوني مو هذا الي تريد تكوله دكتور؟

صهيب : تفاجات بردها تحجي بملل تابعت كلامها

انصحك دكتور كلامك هذا صار قديم شوف غيره فتحت الباب وطلعت عافتني متفاجىء بقوتها عبالك مو هيه قبل جانت متجاوب بس دموعها تنزل صار تلث سنين بالجامعه كل ماطحلي الفرصه اسمعها كلام ماكو بنيه تتحمله ارزلها وهينها واطردها من مكتبي

خايف من هذا التغير كمت رحت يم الشباك اباوع جاوبت نفسي اني شعليه بيها اذا تغيرت او لا جاوبت نفسي خاف افقدها جاوبت نفسي شبيك صهيب نسيت كرهك الها نسيت هيه تكون اخت زوجتك اوعه صهيب وعقل

_____

لميس : طلعت من يمه واني احس بالنصر حيل فخوره بنفسي لدرجة خلصت يومي بس اوزع بتسامات خلص الدوام ورجعت للبيت باليل

مدده بفراشي دخلت عل فيس عل مدونه كتبت

(اذا لم يكن لدى اشخاص مشكلات فان عقله يبحث تلقائيا عن طريقه لختراقها هناك اشخاص كثيرون لديهم هاجس ان يكونو على صواب في حياتهم الى حد يجعلهم لايعيشون تلك الحياه)

نهالة التعليقات عل منشور وصلتني رساله عل خاص بطلبات المراسله شفتها كاتب

(تبسمريني حضرتج )

مارديت عليه خرجت طفيت الموبايل ونمت ،،،،

كعدت ثاني يوم عل منبه كمت سبحت جهزت نفسي طلعت صبحت عله ماما وبابا ،،،،،،
تريكت اني واكفه،،،،،،

اجه الخط طلعت صعدت
صباح الخير عموو ،،،
رد صباح النور ،،،،،

رحنه عله تبارك دك هورن طلعت هيه ومقداد باوع عليه والبتسامه ماليه وجهه نزلت راسي بخجل صعدت تبارك صبحت علينه

اجه مقداد كال
صباحكم حب ،،،،

عزه متت خجل ،،،
_رد عليه عموو مجيد ،،،
صباح النور ابني،،،

مقداد : عمي لا تتاخر عليه بالرد تره منتضرك عله احر من الجمر

لميس : عمو مجيد ضل يفر بااذانه مفاهم شي كرصت تبارك عاطت اخخ يله عمو امشي تاخرنه عمو

مشينه وصلنه الجامعه دخلنه رحنه لقاعتنه كعدنه منتضرين المحاضرات جان يدخل زميلنه احمد جان غايب شهر بسبب مرض والدته سلمنه عليه وتحمدناله عله سلامت والدتها كال الله يسلمكم كال محتاج ملخصات المحاضرات الفايته كالوله ماعدنه محد جان مصورهن بس اني حبيت اساعده كتله

عندي موجودات اني انطيكياهن فرح كال مشكوره هزيت راسي جان يدخل الدكتور

بعد مخلصة المحاضره اجه احمد حته انطي الملخصات طلعت من جنطتي كتلها الباقي بالبيت كل يوم اجيبك قسم بتسم كال

شكراا ممكن اذا مصير زحمه تشرحيلي مختصر بس اخذ فكره

كتله ماكو
زحمه بالعكس رحمه بهل اثناء زملائنه كلهم طلعو باوعت الباب مفتوح احسن ميصير ينغلق علينه وحدنه

كعدت كعد مسافه بعيده عليه رتاحيت اكثر اني اعرفه احمد مؤدب وابن ناس لو غير واحد جان ماساعتده

بديت اشرحله موضوع وره الاخر جان نسمع عيطه بااسمي

لميسسس

رفعنه راسنه صهيب
كال
شعندج هنا جاي سوون يريد يطك من العصبيه

وكفنه كتله دكتور ....

عاط اشش ماسمعلج نفس احجي انته حجه احمد شرحله أصلا هو يعرف بمرض والدت احمد ويعرف بي محترم من خلص كلام احمد

حجه صهيب كاله الملخصات التريدها عندي اني انطيكياها واذا شي مفاهمه اني اشرحه الك هسه روح ويه زملائك وانتي تعاي لمكتبي

جان يحجي بعصبيه طلع وطلعت ورى كل الجامعه يعرفون صهيب ابن خالتي وزوج اختي يعني عادي اروح لمكتبه دخل قبلي للمكتب جريت نفس قوي احاول اصيطر عله دكات كلبي دخلت لكيته واكف حجه بعصبيه

صهيب : شنو هاي تصرفات انتي ليش مو محترمه

لميس : زميلي راد مساعده واني ساعدته باب القاعه مفتوح وكاعد بعيد بمسافه عليه شكو بيها اذا ساعدته ليش متعوفني بحالي وتركز بحياتك

مشيت قبل مااطلع نداريت عليه كتله وهااا اني محترمه غصباا عن اكبر راس عفته وطلعت

صهيب : كعدت عل كرسي محتار بحالتي كل كلامها صحيح ادري ماسوت شي غلط ليش دائما اشكك بااخلاقها ليش ماركز بحياتي مثل ماكالت ليش مهتم بيها ....؟
ماعندي جواب لنفسي وابقه اسال نفس الاساله؟

لميس : طلعت من يمه حاسه بالنصر شكد حلو طعم النصر ههههه خلص الدوام رجعت للبيت دخلت اجتي لمى تغدت ويانه بعد الغده رحنه للغرفه مددنه نامت بحضني شفتها حزينه كتلها

لميس : شبيج بيج شي كالت لا كتلها لعد ليش حزينه تنفست بحزن كالت

لمى : ماكو شي بس شتاكيتلكم شتاكيت لغرفتنه لمشاكلنه عل ضوه وعله كتبج المطشره بكل مكان

لميس : حضنتها ياروحي اني هم مشتاقتلج واذا عل مشاكل اني موجوده شوكت متردين تعاي نتكافش من الروس مثل قبل ههههه ضحكنه ثنينه كتلها ليش اشوف حزن بعيونج مو زوجتي التحبي رادت تحجي دك موبايلها ردت اسمعها تكله هسه جايه سدته كالت

لمى : اني رايحه صهيب يريدني

لميس : تصرفج ويا ميعجبني ملاحضتج اول مينطق تنفذين ليش معضمته لهل درجه

لمى : غير زوجي حبيبي لعد شلون

لميس : حبيبتي الله يسعدكم حياتج وانتي حره بيها كالت يله اني رايحه باي راحت

فتحت الفيس عل مدونه
كتبت

(نعم الله تعالى كثيره ولكن اعضم النعم والتي يجهالها الكثير ان تكون لك اخت قلبها ابيض كبياض شعر لحيت ابي ان يكون لك اخت لاتعرف غير ارضاء الاخرين حتى لو كان على حساب نفسها دمتي لي حبيبتي وملاكي )

بدت التعليقات والايكات علق صهيب كتب الله يديم المحبه بينكم اول مره يكتب شي بي خير سديت الموبايل واخذتلي غفه باليل خابرتني تبارك كالت

تبارك : الووو اكلج لميس زميلنه الي عترف بحبه لزميلتنه رايح طالب ايدها من اهلها وموافقين ويريد يسويلها حفله يم الكافتريا والدعوه لجميع تروحين

لميس : ماعرف يجوز ماروح

تبارك : دتعاي قابل ربج وحد دائما متحضرين الحفلات والندوات

لميس : مالي واهس خل اشوف باجر الله كريم

سديت الخط وياها دخلت عله كروب القسم مالنه لكيتهم يحجون بنفس الموضوع سلمت عل كل باركت لزملائنه كالو تحضرين الحفله،،،،،
كتلهم
ماعرف مالي واهس
كالو
نزعل عليج اذا ماجيتي
كتلهم
افكر وشوف
كالو
حبينه التغير الي طرء لحياتج ونتمنى يكون تغير جذري عله كل تصرفاتج السابقه

قصدهم جنت ماأحضر حفلات وندوات هسه لازم احضر دزيتلهم ضحكه ههههه
انشاء الله اجي
كيفو كالو
اي هسه تمام

طبعا زملائنه الباقين يشجعوني ويايدوون كلامهم حته صهيب موجود بالمحادثه بس ينطي لايك محجه شي

غلقت الموبايل ونمت كعدت عل منبه كمت سبحت وبديت ارتب نفسي لبست بنطرون وستره احمر غامق وقميص وشال ابيض مكياج خفيف وايلاينر ولبست كعب عالي حطيت عطر النضارات والجنطه والموبايل والملازم بيدي طلعت للمطبخ

ماما : ماشاء الله تبارك الرحمن

مهيمن : لج شنو هاي طاله تفلشين

لميس : فديت الي يرفع معنوياتي تريكت سمعت هورن عمو مجيد بوست ماما ومهيمن وطلعت شفت صهيب كدام بيت خالتي يم سيارته فتح الباب يريد يصعد من شافني وكف يباوع عليه راسا صعدت

صباح الخير عمووو،،،،

رد صباح النور،،،،

مشينه مرينه عله تبارك طلعت هيه ومقداد شافوني صفنو باوعو واحد لثاني وباعولي صعدت تبارك كالت

_صباح الخير
كنالها
_صباح النور

اجه مقداد ببتسامه

مقداد : صباح الجمال.... عله كيفك بينه عموو مجيد.... هيج هوايه علينه صاير تملخ

لميس : من الخجل نزلت راسي جوه الكرسي عمو مجيد كاله امشي هتلي ههههه تاخرنه مشينه رفعت راسي حاطه ايدي عله كلبي خزرت تبارك وبعدين عاد ويه اخوج

تبارك : يابه والله معذور صدك طالعه تملخين

لميس : تسلمين حبي هذا من ذوقج

تبارك : شقررتي راح تجين للحفله

لميس : اي اكيد اجي مشوفين شلون طالعه مجهزه نفسي علمود الحفله وصلنه الجامعه رحنه للقاعه مالتنه بلشنه من محاضره لمحاضره لحد ماخلصنه اخذت تبارك رحنه للحمامات نرتب نفسنه ونجدد مكياجنه رجعنه للقاعه مالكينه احد

تبارك : اكيد راحو للكافتريا خل نلحكهم

لميس : يله امشي جان تجيني رساله عل موبايل تعاي لمكتبي كتلها راح اشوف دكتور صهيب شيريد واجي نتضريني كالت ماشي رحت للمكتب جريت نفس دكيت الباب ودخلت

نعم دكتور ردتني.......؟

باوع عليه من فوك الجوه حسيت عبالك ملابسه ملابس خجلت

نعم دكتور ردتني......؟

حجه بعصبيه

صهيب : لتروحين للحفله

لميس : السبب؟

صهيب : لتروحين وخلص

لميس : انته ابويه ؟

جاوب ليش ساكت ماحجه فاتح عيونه مستغرب انته ابويه جاوبت مكانه لاااا
زين انته اخويه ؟ هم لااااا
‏انته زوجي هم لااااا
انته ولاشي بالنسبه الي رجاءا مالك علاقه بيه انته مو ولي امري؟

لتنسون التصويت ⭐⭐⭐ وتعليقاتكم الحلوه