رواية طائر العنقاء الفصل الخامس 5 - بقلم جنون كاتبة

قصة # طائر العنقاء

(لقد زرعوا فينا خذلاناً نخشى بعده كل يد تمتد وإن كانت صادقة ...)

لميس : هزيت راسي حجيت داخلي من تحطم كلبي من ٨ سنين
وصلنه الجامعه نزلنه بالباب اول مادخلنه الانضار كلها توجهت عليه ماهتميت مشينه من الحديقه للممرات لحد القاعه مالتنه امشي بكل ثقه وحذائي

طك طك كل الانضار عليه...?

متفاجاين رحنه كعدنه مكانه بلشنه محاضرات لحد ماخلصنه طلعنه للخط صعدنه ورجعنه

دخلت البيت اممممممطح اشم ريحت دولمه

ماما : اي دولمه علمودج سويتها يله بدلي حته نتغده

لميس : حضنتها تسلم ايدج يااحلى ام

دخل بابا هاي شنو الحضن بس لامج

لميس : احلى حضن لاحلى باباتي حضني بست ايده وباس راسي

ماما : يله عاد روحي بدلي وصيحي مهيمن من غرفته وخابري اختج خل تجي تتغده ويانه تحب الدولمه مثلج

لميس : هزيت راسي رحت بدلت تصلت عله لمى هلو حبيبتي

شلونج،،،،
رجع الرد،،،،
الحمد لله ،،،

لميس : امي تكول تعاي تغدي عدنه مسوين دولمه

رجع الرد هااا مادري خل اسال صهيب اسمعها سالته رجعت ردت عليه ماشي احنه جاين سديت الموبايل طلعت لغرفت مهيمن صحتله نزلت غسلت وصبيت غده ويه ماما اجتي لمى وصهيب كعدنه كلنه عل سفره كفيت رداني قربت عل دولمه جريت راسين بصل اخضر صبيت كلاص لبن حضرته

مهيمن فطس ضحك كال اليشوفج الصبح ميشوفج هسه وانتي كافه ردانج وحاطه راسين البصل

لميس : رفعت راس البصل بله رجاءا بلا تقليد ميته من الجوع تدرون بيه وقت الاكل ماعرف ابويه هههههه

بابا : كال هااااا

الكل ضحك ههههه

لميس : باباتي حبيبي مو قصدي بس ماتحمل الجوع

لمى : ياخوفي من تزوجين خاف بسبب البصل الي تاكلي بكل وجبه زوجج ميتحملج ههههههه

لميس : حته اركعه مية قندره يعجبه يعجبه ميعجبه الباب يفوت جمل ههههه الكل فطس ضحك اله شخص بس مبتسم

صهيب : اول مره اشوفها تضحك هيج ضحك وتنكت متجاهله وجودي عبالك سراب كدامها هسه اني شعليه ليش شاغل نفسي ليش ضايج ...؟

لميس : خلصنه غده غسلت المواعين ورحت لغرفتي الكل نام فتحت الفيسبوك عل مدونه مالتي
كتبت

(من منكم يعرف طائر العنقاء )
(هو طائر عجيب يجدد نفسه ذاتيا فهو يولد من رماد احتراق جسده هكذا يجب ان نكون نحن نتجدد دائما )
.دمتم بود .

نهالة عليه التعليقات من زملائي وزميلاتي بالجامعه كلهم يعرفون المدونه مالتي ودائما يكلولي نحب كتاباتج بعد اريد الحك ارد عليهم الي كاتبلي حبينه تغيرج اليوم
والي كاتبتلي دائما كوني قويه
والي كاتبلي هكذا هيه المراه
والي كاتبلي كلج نشاط وحيويه نريد نشوفج دائما هيج اكثر التعليقات دعم نفسي عله حالتي قبل وحالتي اليوم
___
صهيب : فتحت الفيس اريد اشوفها شراح تكتب اليوم كتبت عن طائر العنقاء وشلون يجدد كل الجامعه علقولها ضجت علقت

_كتبت بس انتي مو طائر العنقاء حته تجددين

______

لميس : جاني اشعار تعليق صهيب دخلت قريته راسا سويتله حضر اصلا ميهمني رايك غلقت الموبايل ونمت باليل بعد العشه خالتي وزوجها ولمى وصهيب يمنه كاعدين نتعلل مدري شبي صهيب عاقد وجه رحت اسوي جاي حطيت القوري عل نار غسلت الستكانات وكفت انتضر الجاي يخدر
_____
صهيب : رحت وراها ليش حضرتيني

لميس: اجه وكف كدامي يسالني ليش حضرته تجاهلته رتبت الستكانات حطيت القوري

صهيب : احجي ليش حضرتيني

لميس : رفعت صينيت الستكانات نداريت عليه ببتسامه نص خد كتله نسيبييييي اني حضرتك من كل حياتيييي

مشيت قبل ميحجي صبيتلهم جاي اجه عاقد وجه كال يله لمى كومي خل نروح كامت اول مانطق راحو

كملنه تعلولتنه كل واحد راح لغرفته دخلت غرفتي علكت الضوه جبت كتبي كومتهن اقره بهذا واشمره واقره بهذا واشمره نترست الغرفه كتب وملازم واوراق ذكرت لمى من جانت تذمر من الضوه ونضل متعاركين اني وياها هيه طفي واني اشغل تكلي روحي اقري بالستقبال واني معانده اله هنا بعدين انقهر عليها اخذ كتبي وروح

شكد حلو من تصير الك خصوصيه الغرفه وحدك بيها

بس والله مكانها خالي يله الله يسعدها زوجت الي تحبه مو بحالي ولا بحال الغرفه خلصت قرايه لميت الكتب

مددت بفراشي فتحت الموبايل دخلت ع مدونه
كتبت ....

(عِش ببساطة وتفائُل ولا تسّمح لأحد أن يدمر أمُنياتك وإيجابياتك)

اجتني اشعارات تعليقات زملائي اجاني تعليق من صفحه اول مره اشوفها مابيها صوره دخلت عل صفحه جديده من التاريخ عرفته صهيب مسوي صفحه جديده غير
الي حضرتها رجعت عله تعليقه
كاتب....؟

______

صهيب : سالتها ليش حضرتيني حجت ببتسامه مستفزه حضرتك من كل حياتي نسيبي عصبتني لو الزمها اكطعها

وكفت بالحديقه دخنت جكاره اخذت لمى ورجعنه للبيت اجتي لمى لابسه ثوب نوم مددت بصفي عل جربايه حضنتني عبالها جبتها علمود هاي الشغله دفعتها كتلها تعبان ماحجت ندارت ونامت اخذت موبايلي من الميز سويت صفحه جديده دخلت عل مدونه مالتها

شفتها شكاتبه بتسمت بخبث علقت عله منشورها
كتبت .....؟

(لاتسوي روحك صعب وتصدگ بـ ظنك آنا الـمرّخي الحـبل مااريد أجرنـــّك)

_______

لميس : شكد حقير فور دمي انته عريس التهي بمرتك عايفها وكاعد تعلقلي غلقت الموبايل ونمت

مر سبوع نفس الروتين كل يوم اروح بملابس احلى من القبلها وباليل يجون لمى وصهيب نتعلل احاول احسبه شخص عادي

صار زوج اختي ماريد اخون اختي كعدت الساعه سته كمت جهزت نفسي لبست بنطرون ابيض وقميص نيلي للركبه لبست الشال والحذاء وشوية مكياج خفيف لبست ساعتي والنضارات والجنطه والملازم باايدي

طلعت للمطبخ حضت ماما
صباح العافيه يااحله ام....
كالت ،،،،
صباح الحب ،،،،
يله تريكي

اكلت اني واكفه اجه للخط دك هورن بست ماما وطلعت التفت ع بيت خالتي لكيت صهيب واكف يمسح بجامة السياره من شافني وكف عاقد وجهه فتحت الباب صعدت ....

صباح الخير عموو ،،،
كال
صباح النور ،،،،
رحنه ع تبارك دكلها هورن طلعت هيه واخوها شافوني بتسمو حاط ايده عله كتفها يتهامسون بس سمعت يكلها قنعيها وشتردين اني حاضر كالتله دلل وانا ختك صعدت بالسياره كالت
صباح الخير
كنالها صباح النور

مقداد : يسعد صباحكم اكول عمي مجيد شو انته كل يوم تصير احلى من القبله شنو سالفتك

رد عليه عمو

مجيد : والله ياعمي جاي اضرب بنتكس مادري ياهي

لميس : من كال هيج فطسنه ضحك ههههههه ايريد يكول بوتكس وميعرف

مقداد : فديت الضحكه وهلها

لميس : يحجي ويباوعلي كمت اكرص بتبارك لمي اخوج
تابع كلامه لاعمي جمالك رباني كله طبيعي اني حافظ ملامحك

تبارك : يله عمي تاخرنه وج كافي تكرصين مشينه

لميس : شلون ويه اخوج يعني لازم يطلع وياج ويضل يتغزل

تبارك : اي غير ميت عليج يريدج صار سنين وانتي محاسه بي ليش شبي اخويه شاب محامي موضف عنده بيت شكله حلو كامل من كلشي يريدج عله سنة الله ورسوله وانتي ممعبرته لو شوفي شلون يتوسل بيها اقنعج لو شوفي شلون يكعد من الفجر وهو طول اليل سهران بالقضايه والاوراق يكعد قبلي حته يطلع وياي ويشوفج

لميس : جريت نفس حزين كتله انطيني فتره افكر وردلج خبر رتسمت الفرحه عله وجها كالت

تبارك : تحجين صدك يعني راح تفكرين مراح سكتيني مثل كل مره

لميس : لا حبيبتي ماسكتج اخوج انسان شريف واجه من الباب راد بالحلال ومثل متكولين صار سنين يستحق التقدير ولازم اخذ الامور بجديه

تبارك : الله يبشرج بالخير تعاي ابوسج باستني ضحكت وكالت اعتقد مقداد مراح ينام اليوم من الفرحه

لميس : مثل مكتلج افكر وردلج خبر بس انتي لضغطين عليه كالت
الج كل الوقت تفكرين مافتح حلكي وياج بكلمه لزمت موبايلها وندارت بغير صفحه تكتب رساله وتضحك اكيد جاي تراسل مقداد

نداريت عل جامه احجي ويه نفسي صار لازم افكر بعقلي لازم اشوف مستقبلي ويه انسان يحبني ويتمنناني لازم ادوس عله كلبي ومشاعري الي ضيعني سنين

وصلنه الجامعه دخلنه توجهنه لقاعتنه سمعنه ضجه دخلنه لكينه زملائنه البنات والولد مجموعين دخلنه بنصهم ريد نعرف شكو سالناهم كالو واحد من زملائنه معترف لزميلتنه بالحب باركنالهم الكل باركلهم كعدوهم بصف بعض الشباب كامو يدكون ويغنون واحنه البنات نصفك رفعت نفسي وكعدت عل مدرج الي كدام مقعدي اباوع عليهم شكد حلوين وخجلانين جنت اصفك واضحك منطلقه وياهم سمعنه الباب نركع ضربه قويه ندارينه

صهيب عاقد وجهه حجه بعصبيه هسه تشرحولي شنو جاي يصير

نزلت من المدرج كعدنه بمقاعدنه كال اريد اعرف شجاي يصير كام واحد من زملائنه شرحله

صار عصبي اكثر كال شنو انتو جهال شنو هل قلت حياء انتو جاين تتعلمون لو تحبون اكلنه خوش رزاله منه بعدها بلش بالمحاضره يشرح ويخزر بيه والله ياالله....

كمل محاضره وطلع جرينه نفس وصلتني رساله عل موبايل تعاي لمكتبي الحزن جتاحني ملامحي تبدلت نتبهت تبارك كالت بيج شي هزيت راسي لا اخذت ملازمي وجنطتي ورحت ادري شيريد يكلي

وكفت كدام الباب جريت نفس طويله وتنهدت دكيت ودخلت

نعم دكتور ردتني.......؟

ذب القلم والاورق الجانن باايده رتاج عل كرسي يباوعلي بحتقار نضرته نفسها من سنين ماتغيرت كال

صهيب : لابسه ملابس فاضحه ممكفيج نوب كاعده بنص الشباب تتمضحكين وصفكين جان ناقص بس تكومين تركصين

لميس : وعدت نفسي راح اصير قويه اشتت بنضري عنه ماريد دموعي تنزل تابع كلامه كال...?

صهيب : انتي وحده....

لتنسون التصويت ⭐⭐⭐ وتعليقاتكم الحلوه
،،،
علقو عل فقرات