رواية طائر العنقاء الفصل العاشر 10 - بقلم جنون كاتبة

قصة # طائر العنقاء
.....
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة # هدى سامي
......
قرائه ممتعه
.....
(بكيت، لأن كل شيءٍ عبارة عن استنزاف،
وأنا متعبه من توسل الأشياء الجيدة لكي تحدث.")

سديت الباب دخلت لغرفتي
بجيت لحد ماوجعني كلبي نقهرت لان كسرت غروره وخليته يعتذر اخذت الموبايل دخلت ع مدونه كتبت

(مارأيته مني انت من خترت أن تراه مني )

نتضرت يجيني شعار تعليق منه ماكو سديت الموبايل ونمت

ثاني يوم بالجامعه دخل عدنه محاضره اباوع عليه مجاهلني ولا كان بشر موجود

مرت الايام متحانات اخر السنه قربت جنت حيل مضغوطه منا القرايه والمتحانات ومنا لمى بطنها لخشمها اروح اساعدها مرات تصدف صهيب موجود بس مجاهلني كانما سراب كدامه

(الصمت... احيانا عتاب.. واحيانا انهاء مجادله لامور لا ينفع فيها اى حديث...
نحن نصمت... عندما تنتهى بينا الاحاديث.. او لا نريد خسارة احبابنا...
الصمت لا يعنى الضعف.. ولا يعنى الرضا.. ولا يعنى اللامبالاه
ولكن يوجد فى صمتنا احاديث ڪثيرة اذا حڪيناها ألمتنا قبل ان تؤلم غيرنا.... 😔🤐)

جنت اكمل شغله لمى ارجع تعبانه لو انام لو اكعد اقره حته مقداد هملته خابرني كم مره تعارك وياي بعدين يعتذر يكلي
_ادري مستقبلج مهم واختج مهمه وكلشي عندج مهم بس اني اخر هتماماتج بس اشتاقلج شسوي

_اكله حبيبي انته اول هتماماتي عذرني بس كم شهر افرغلك يجر نفس يكول
_خل نزوج خل نلم شملنه حسي بيه اكله خلي تخلص هاي السنه اخلص متحانات والله كريم كمت اخصصله وقت بس هم مو هواي لان بلشنه متحانات وضغط المتحانات قرايه وسهر من اروح المتحانات توتر وخوف بالقلق خلصت المتحانات بده توتر انتضار النتيجه بالليل جنت مدده بفراشي دخلت ع مدونه كتبت

‏(إبتسمو .. ، ..أنسو .. ، .. تناسو ..
‏أخلقوا من الدمعه إبتسامه
ومن الإبتسامه ‏آلف معنى ..!!)

سمعت صوت صهيب يكول لماما ستعجلي خاله فزيت ركضت شكو ماما مخبوصه تبدل وتلبس جواريب كالت لمى يمكن عدها ولاده كتله اجي وياكم كالت راح تاخرينه بعد ساعه مطلعين كتلها لاساعه ولاشي اخذت عبايه مال راس من عبيها معلكه وره الباب ركضت الغرفتي جبت شال لبسته عل تراك مالحكت البس دشداشه لفيت الشال لبست العبايه رحنه نركض عله بيت خالتي والقلق ياكلنه لكينه خالتي وصهيب ينزلون لمى من فوك اجينه نساعدهم كال روحي جيبي جنطت الطفل من غرفت امي رحت جبتها

طلعنه صعدنه لمى بالسياره تعيط من الالم صعدن وياها امي وخالتي رحت صعدت كدام عيني عله لمى ميته خوف عليها خالتي وامي يصبرن بيها وهسه جيبين وترتاحين ساق صهيب بكل سرعته وصلنه المستشفى نزلنه راح جاب كرسي متحرك كعدناها عليه واخذناها لصالة الولاده دخلنه وياها بس صهيب بقه بره لمى كامت تعيط من الالم ماما كامت تبجي خالتي تسكت بيهن جتي الدكتوره والممرضات كالن جيبنها عل سديه نومنها حته نفحصها دفعنه الكرسي لسديه

شفت منضر النساء الي جاي يجيبن فتحت عيوني بصدمه فاتحات رجليهن عل سديه رجليهن معلكه ومن غير ملابس داخليه الي طالع جاهلها عل نص والي طالع راسه ودمايه وقرف شعر راسي وكف دخت ردت اوكع لزمتني ماما كالت شدخلج هنا كتلها طلعيني سندتني خاف اوكع طلعتني بره الصاله

صهيب : طلعت خالتي اجيت عليها هاخاله بشري حجت بقلق بعدها الدكتوره جاي تفحصها اخذ هاي المعزايه راح تتخربط علينه باوعت عله لميس وجها اصفر وترجف لزمت ايدها اخذتها من خالتي كعدتها عل كراسي جان اكو براد جبتلها كلاص اخذي شربي باوعت بوجهي حبست انفاسي من نضرتها اخذت الكلاص شربته كله كعدت بصفها كالت خطيه لمى الله يكومها بالسلامه ضلت تدعي لااختها لسانها مابطل دعاء كل شويه تكول شو تاخرن ضلينه بقلق تقريبا ساعه جان تطلع امي تهلهل كالت مبروك بعد امك جاك ولد مثل الكمر حطته بحضني فرحتي بساعتها متنوصف صرت أب شعور حلو

لميس : خاله لمى شلونها ردت كالت زينه الحمد لله الدكتوره جاي تنضفها شويه ونطلعها

صهيب : اذنت بااذن ابني وكبرت وشاهدت بسته من خده

لميس : اباوع عل طفل ياعيني عنوني نطينيا عفيه

صهيب : حطيته بحضنها شكد تمنيت بهاي الحضه لو ابنه اني وياها اخذتها متعجبه باست ايده وجها حته مقرفت منه هستوه مولود كالت

لميس : راحتلك فدوه خالتك فدوه لله زغيروني اني راح اربيك ومن تكبر ازوجك بنتي هههه‍ه

صهيب : جيبي ابني اخذته منها كتلها ولو تبقه بنتج اخر وحده بالعالم ابني ميزوجها باوعت متفاجاء عيونها نملت دموع ندمت بس بعد ميفيد نفس الكلام الكته الها من عترفتلي بحبها ليش ياصهيب ليش مصر بكل فرصه طحلك تجرحها اخ منك ياصهيب

لميس : لاااا لاااا لميس ديري بالج تبجين ديري بالج تنزل دموعج احجي داخلي لتضعفين شتت نضري رفعت عيوني فوك حته متنزل دموعي رحت وكفت بعيد ليش اتاثر بكلامه المفروض تعودت عله تجريحه وكلامه الي مثل الخناجر ليش بعدني اتاثر شوكت تطلع من كلبي شوكت اكرهك طلعتك من حياتي بس من كلبي ماجاي اكدر اطلعك

نفتح الباب طلعن ماما وخالتي يدفعن ب لمى علكرسي المتحرك ركضت حضنتها مبروك يروحي صرتي أم ردت بتعب يوما الج اجه صهيب باسها من راسها كالها الحمد لله عله سلامتج كالت الله يسلمك اخذناها للغرفه رفعناها عل سديه اجتي الممرضه علكتلها محلول وبطل دم كالو نازفه هوايه بعد ساعه طلعناها للبيت صعدناها لغرفتها ساندتها نومناها عل جربايه عدلت نومتها حطيتلها مخاد جوه ضهرها ضلينه مكيفين بالطفل تقريبا ساعتين شفت ماما تعبانه كتلها ماما روحي نامي وانتي خاله هم روحي نامي كلكم روحو اني ابقه يمها مارضن ضليت مجادل وياهن ياله قنعتهن خاله انتي تاخذين علاج ضغط وانتي ماما تاخذين علاج سكر ثنينجن مو زين عليجن السهر خلني اني اسهر وياهه باليل وانتن بالنهار شنو رايجن كالن ماشي بس اذا تعبتي كلينه كتلهن تمام طمنن عله

لمى : مامحتاجه شي روحن رتاحن يمي لميس باوعت خالتي ع صهيب وانته وين تنام تجي تنام جوه رد عليها

صهيب : ماكدر ابعد عن ابني راح انام هنا عل قنفه

لميس : نزلن ماما وخالتي صهيب مدد عل قنفه حط ايده عله عيونه لمى نامت بقيت اني مكابله الكارك مال الطفل اهز بي كام يتنعوص سويتله قنداق اخذته بحضني بالخاشوكه اشربه رجعته بكاروكه نام شويه وكعد يتنعوص شلته افتر بي بالغرفه بقيت تقريبا ساعتين اشيله افتر بي ينام احطه بكاروكه يكعد حته صهيب مانام بس يبارع بقلق كعدت لمى كالت جيبي خل ارضعه بالكت ينام

نطيت الطفل لصهيب خلي يمك شويه رحت ساعدت لمى حطيت مخاد وره ضهرها عدلت كعدتها اجيت اخذته حطيته بحضنها كام يرضع هههه بتسمنه متعجبين فدوه وسبع فدوات راحتلك خالتك

لمى : اسم الله عليج يروحي

لميس : تعبتي هوايه اليوم بولادته ماجذبو من كالو الجنه تحت اقدام الامهات

لمى : كل التعب نسيته من حطيته بحضني

لميس : دباعي شلون عنوني باعي شلون يرضع جريت ايده بستها كتلها هم يجي يوم واصير أم

لمى : ليش لعد يروحي شناقصج قابل

لميس : جفلنه من ركعت الباب صهيب طلع وركع الباب ورى يجوز من كلامي زعجه مثل من زعجه بالمستشفى عبالك حلال عليه وحرام عليه كمل رضاعه الطفل ونام اخذته من لمى نومته بكاروكه رجعت ساعدتها مددت كعدت يم الكاروك اهز بي ملعون هههه اذا ماهزه مينام لمى نامت صهيب رجع مدد عل قنفه بقيت كاعده واغفي لحد ساعه سته

صهيب : حاطه الطفل بحضنها وتغفي فوكا كل شويه تنفض راسها حته متغفه ستخطيتها ليل كله سهرانه كتلها نطينيا وروحي نامي

لميس : لا مانام خاف لمى تحتاج شي
صهيب : اني يمها اذا حتاجت شي بعدين امج وامي هسه يجني

لميس : ماصدكت كال حطيته بحضنه كمت مابايه اروح لبيتنه نزعت شالي مددت بصف لمى نسيت حته وجود صهيب راسا غفيت

صهيب : باوعت عليهن ثنينهن أصارع افكاري هاي شريكت حياتي وام ابني وهاي ماعرف شنو هاي بنسبه الي شي مينوصف لاهو حب ،،،ولاهو كره،،، ولا هو عذاب،،، ولاهو جنه ،،،ولاهو نار،،، شي فاق كل مشاعري واحاسيسي غازيه تفكيري شكد حاولت انساها واتجالها ارجع الكه نفسي افكر بيها

غازيه احلامي كل يوم احلم بيها بوضع مثل العلاقه الحميمه بين المزوجين غازيه حته واقعي من انام ويه لمى تجي صورتها كدام عيني اتخيلها هيه شكد جاي انب نفسي وكول حرام وميصير وخيانه لزوجتي بس شي فوك ارادتي باوعت عليها شكد تمنيت لو اني النايم بصفها مكان لمى شكد تمنيت لو ابني منها عايش بعذاب تانيب الضمير من جهه وندم من جهه ندم لان كتشفت حبي الها متأخر اي حب مجان كره مثل مجنت متصور جنت احبها يمكن من هيه طفله جنت اتخبل اذا لعبت بالشارع ويه ولد الجيران الي بعمرها جنت اكتلها ودخلها بس الي خلاني اعتقد جنت اكرها هو تصرفاتها الي جانت تحاول تلفت نتباهي بيهن والي خلاني اعتقد اكثر مشاعري كره مو حب من رخصت نفسها وعترفتلي بحبها من توسلت بيه وحضنتني جانت عاطفتها تتحكم بيها
واني عقلي يتحكم بيه اخ لو يرجع الزمن لوره جريت نفس طويل ذكرت من خلتني اعتذر من خطيبها رجعت للبيت قطعت وعد عله نفسي راح انساها وراح اكرها بس ماكدرت اكرها حبها تربع بنص كلبي بس بنفس الوقت عقلي يكلي مستحيل ننجمع اني وياها بعد ماصرت زوج اختها مستحيل ننجمع بيوم من الايام راح ابتعد خل تزوج تعيش حياتها كافي الي شافته مني راح اتمنالها السعاده حته اذا يحترك كلبي حته اذا راح تصير لغير رجال بس الفكره تحرك روحي وتعذبني اخ ياعذابي الي مناوي يخلص هذا عقاب هاي خطيت كلبها الي جرحته ودست عليه
___
لميس : كعدت عله صوت الضجه والهوسه فتحت لكيت بابا وماما ومهيمن وخالتي وزوجها محتفلين بالطفل ويسولفون افتح وغمض بعدني مشبعانه نوم رفعت نفسي حطيت الشال عله راسي ماما كالت وين كتلها اروح اكمل نومتي بالبيت عفتهم نزلت نايمه عل نص رحت لبيتنه لغرفتي كبل فراشي عله حطته من الليل اول مامددت غفيت

ماعرف شكد نمت بس كعدت عله واحد يبوس بيه من شفايفي ومن خدودي افتح وغمض عبالي حلمانه

حضني بقوه كام يبوس بركبتي صعد عله شفايفي جفلت فتحت بخوف شفته مدد بصفي حاط وجه يم وجهي مبتسم كتله
_هاي انته
_اي اني

.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
صوتو عل قصه حبايبي ⭐⭐⭐⭐ وتعليقاتكم الحلوه