رواية طائر العنقاء الفصل الثالث 3 - بقلم جنون كاتبة

بنات لتنسون التصويت وتعليقاتكم الحلوه اريد اعرف رايكم

(ليس الشّتـــــاء هو فقط موسم البرد .. لكن الجفاء برد .. الخيبة برد .. الخذلان برد .. فراق الأحبة برد .. تغير الأصحاب برد .. فقدان الشعور برد .. فَبرد الروح أبشع من برد الجسد ..)

في يوم شتوي ممطر الساعه ١٢

بعد منتصف اليل
الكل نايم
اذكر من عترفتله بحبي شلون ستهزء بيه يااشر بااصبعه ويحجي

اني اباوع لوحده مثلج كهكهكه ضحكت سخريه

وج بابا لو انتي اخر وحده بالعالم مااباوعلج
ولا ارتبط بوحده مثلج

فتحت عيوني بصدمه ودموعي كامت تنهمر عله وجناتي من رده

(لا تُسامح من أوقف شغف الأشياء في عينيك أبداً~)

اليوم يوم زواجه من اختي

ضاق نفسي شح الهوه عليه فتحت باب غرفتي وطلعت

طلعت وكفت بالحديقه جوه المطر اريد اطفي هاي النار البداخلي رفعت اديه وراسي للمطر يتساقط بغزاره عليه اليوم عرسه اكثر واحد حبيته واكثر واحد جرحني تزوج اقرب شخص الي تزوج تؤم روحي وسندي اختي

لازم اتغير ،، لازم ادوس عله مشاعري الي مجابتلي بس الاهانه

كرامتي الي ضاعت بقيت ،، واكفه جوه المطر وهو
ينهمر عليه بغزاره دموعي

خالطت زخات المطر حسيت دوار مو طبيعي الارض تهتز من تحتي سمعت صوت اختي

_وج لميس شنومكفج هنا راح تموتين من البرد استعجل صهيب خل ندخلها اسمعه رد عليها جاي هياني وراج

بادت قواي من حضنتني اختي رحت بضلام حسيت بروده تسري بكل جسمي وشرايني فتحت ارجف كتلهم غطوني

حجة اختي

لمى : مغطينج تلث بطانيات كافي غطه موزين

لميس : فدوه غطوني بردانه
احجي وسنوني تصتك سن بسن

ماما : لو بس ادري شطلعج بهل
مطر بره وج عقلج وين

رد عليه اخويه

مهيمن : هسه مكان هذا الحجي
لو مودينها للمستشفى مو احسن
ردت عليه

ماما : دشوف المطر والجو شلونه ماكدر اخليكم تروحون بهيج جو صهيب راد يوديها بس اني مخليته

لميس : حجيت داخلي تقتل القتيل وتمشي بجنازته نوب كاعد مقابيلي بوجه المعقود اكيد جاي يسبني بداخله لان خربت ليلتهم

دمعت عيوني لزمت ايد اختي اسفه حبيبتي سامحيني خربت ليلتج بسببي اني صرت زينه اخذي زوجج
وروحي احجي وجر بالغطه عليه كالت

لمى : والله ماروح اليوم اذا تنزل حرارتج وتصيرين زينه بقت سويلي كمادات هسه شلون حرارتها جاي زيد ومتنقص

صهيب : دخليها سبحيها بمي بارد صار ساعه اكلج سبحيها بمي بارد جان هسه فاكتها الصخونه ‏

لمى : مشوفها ترجف من البرد والدنيا ثلج شلون اسبحها
‏
‏صهيب : بعصبيه تريدين اختج صير زينه لولا
لمى هزت راسها اي ،،،،،
‏
‏صهيب : خلص لعد روحي سبحيها

‏لميس : كومتني لمى اخذتني للحمام هيه وماما نزعني ملابسي يجرن بيه عل دوش واني ارجف من ‏البرد مارضه ادخل ،،،

كوه كل وحده من ايد دخلني شهكت بقوه وجسمي سوه كشش من الحراره لازماتني كل وحده من ايد ماخلني اطلع اله توسلت ‏بيهن وبوست اديهن نشفتي
‏ولبسني ملابسي طلعني للغرفه عله فراشي دمددت

دخلو صهيب ومهيمن ها شلون صارت

‏لمى : زينه الحمد لله

لميس : حجيت ويه نفسي ‏مخايف عليه يريد ياخذ لمى حته يكمل ليلته كعدو يم الصوبه لمى جابتلي دوه مال فلاونزه

أكعدي اخذي كدام عيني

كعدت اخذت الدوه كل شويه ماما تخزر ‏لمى تكلها اخذي زوجج وروحي ولمى تغلس
‏
صهيب : خاله عوفيها مو مشكله خل تطمأن عله اختها
بعد ساعه
حسيت نفسي زينه...
كتلها كومي روحي والله صرت زينه حته شوفي نزلت حرارتي جريت
‏ايدها حطيتها عله كصتي جرت نفس كالت
‏
‏لمى : الحمد لله يروحي
‏
‏لميس : اسفه باوعت لصهيب قلقتكم وياي ماحجه بس يباوع عليه
‏كتلها لمى حبيبتي روحو
‏
‏لمى : ماشي حبيبتي احنه رايحين واذا حتاجيتي شي بس خابريني
‏
‏_هزيت راسي تمام كامو كتلها ماما مهيمن انتو هم روحو نامو واني هم
‏نعسانه راح انام
‏
‏ماما : يعني ممحتاجتني

لميس : لاحبيبتي ممحتاجتج راح انام

قبل متطلع ماما كالت عود طفي الصوبه قبل متنامين لتنسيها هزيت راسي ‏طلعو وسدو الباب عليه

‏(كل شيء كان قاتلا لكنني لم امت 💔)

‏_دفعت الغطه وتقربت عل صوبه اباوع عله نارها داخلي ‏جاي يحترق الاف المرات اكثر من هاي النار

كافي يا لميس انسي وهذا الگلب دوسي عليه الگلب الي مجابلج غير الاهانه
‏فكري بعقلج كافي عواطفج تتحكم بيج انسي الي نساج
‏اليوم قتل اخر مشاعر جانت ‏اله بكلبي
‏
اليوم تحرم عليج صار زوج اختج وبس
‏وعد ‏اوعدج يا نفسي راح اتغيير وراح اصير لميس الي محد شافها ‏قبل مسحت دموعي الي جانت ‏تنزل لا اراديا ميستاهل دمعه اوعدج يانفسي بكد مابجيت عليه مراح ابجي بعد

رفعت الصوبه طلعتها طفيتها

رجعت لفراشي ممدت نهالت عليه الذكريات من عترفتله بحبي ‏شلون ستهزء بيه يااشر بااصبعه ويحجي فتحت عيوني بصدمه ودموعي كامت تنهمر عله وجناتي حجه عله اخلاقي وتصرفاتي ماتوقعت هذا رده ماانكر جنت ‏فترت مراهقه من حبيته وتصرفت تصرفات طفوليه ومو حلوه بس ‏كل هذا حته اجذب انتباهه الي
‏
‏من وعيت عل دنيا هو كدام عيني شخصيه وجذاب وانيق بشكل بنات جيرانه وياي بالمدرسه كاتلات روحهن عليه

نعجبت بي كمت اكبر ومشاعري تكبر اني جنت ازغر وحده بالعائله دلوعت البيت اخويه مهيمن اكبر ‏مني بسنتين متخرج تحاليل
‏مرضيه واخويه ايهاب اكبر من مهيمن بسنتين مسافر لجوء لامريكا واختي لمى اكبر وحده بينه
‏
‏جنت مدلله وكحه ماكعد كلما اروح لبيت خالتي لازم اكسر شي يبقه صهيب يرزل ‏بيه شكد وكحه ومتكعدين ‏خالتي تكله عوفها لزعلها جانو بيت خالتي جيرانه الحايط عل حايط

كبرت خلصت أبتدائي رحت متوسط كمت اكبر ومشاعري تكبر وصلت الثالث متوسط كلت خلص لازم اعترفله بحبي حته لان عطله يجي يتقدملي وننخطب رسمي حته صديقاتي بنات المنطقه يبطلن حجي ‏عليه كدامي التحجي عليه لو ‏تتغزل بي من يصير خطيبي اشكها نصين هههه بس هسه ‏ماكدر اردهن بس اكل بروحي ‏من جوه لجوه

بلشت متحانات اخر السنه متحنت ونجحت بيوم الشهاده فرحانه لازم اعترفله اليوم

الكل فرحان بنجاحي واني الفرحه مسايعتني سويت كيك وشربت ‏بيت خالتي اجوي وزعتلهم
‏كعدنه بالستقبال ضحك وسوالف اجيت كعدت بصف صهيب همستله اريد احجي وياك تعال ورايه باوعلي بطرف عينه

‏صهيب : خير شتريدين

‏لميس : هسه ‏تعرف تعال ورايه
‏طلعت رحت ‏وره البيت طلع يدور
‏عليه بسبستله اجه وكف كدامي
‏بنضرات مافهمتها بوقتها كال

‏صهيب : شتريدين.......؟
لزمت ايد
‏حطيت عيني بعينه حجيت
‏بدون تفكير او تردد

‏لميس : اني احبك ‏
كال
‏صهيب : شنو عيدي
كتله
‏
‏لميس : احبك
ضحك بستهزاء هه‍هه
‏
‏صهيب : وشتريدين هسه ‏
كتله
‏
‏لميس : اخطبني ماطول خلصت متحانات جيب اهلك وخطبني

‏ضحك لحد ماهتزت اكتافه باوعلي بحتقار رفع اصبعه كال
‏
‏صهيب : اني اخطبج انتي
أني ارتبط بوحده مثلج ؟
‏انتي وحده بلا تربيه ومن كثر دلال اهلج طلعت عينيج وج لوبيدي اكطعج لو امرج بيدي احبسج باب البيت ماخليج تطلعين ولج بعدج بالبيضه وتحبين وتتمعشكين جم واحد غيري كايلتله هاي الكلمه؟
‏ ‏
‏لميس : من غبائي وطيشي حضنته لا والله مكايلتها لغيرك ‏والله احبك لزمني من ذراعاتي بعدني عنه كال
‏
‏صهيب : اني اخلي وحده مثلج تصير ام جهالي

نصدمت فتحت عيوني عله كلامه جان يكدر يكلي انتي مثل اختي ماحبج بس يجرحني بكلامه ويستصغر مشاعري بهاي الطريقه ماتوقعتها منه جرحني جرح ماضن راح يشفه بيوم من الايام

رجعت جطوه وره متفاجأه وخطوه تلحق خطوه نداريت ركضت للبيت كلبي يبجي قبل عيوني ضليت كل الليل ابجي

لمى حاولت تعرف شبيه ماحجيتلها تمرضت يومين بابا ياخذني يضربني ابر

يجي صهيب يباوعلي بحتقار حلفت اقفل عله كلبي بصندوق اوذب مفتاحه بالبحر

من يومها واني مكسوره من يومها وصهيب ماطحتله فرصه اذا ماهاني جنت اسكت لان استاهل هنت نفسي واهلي مفكرت بيهم

كلهم تخطيتهم علموده اول واحد عيرني هوه وسواني بلا شرف وماصلح اصير ام جهاله

‏مرت الايام خلصت الثانويه ونجحت ‏من السادس

دخلت كلية تربيه ‏اريد اصير معلمه لغه عربيه اعشق الغه العربيه دخلت بنفس الجامعه الي يدرس بيها صهيب ‏لان هو دكتور جامعي ماتردد ولا ‏يوم ماباوعلي بحتقار واني احاول قدر الامكان اغير من نضرته عليه بس قافل حته ماجان عندي ختلاط ويه زملائي وزميلاتي هوايه شكد شباب حاولو وياي واكثرهم جانو قصدهم شريف يريدون يتقدمولي جنت ارفض اي علاقه ‏

‏(يخسر الإنسان مرة ، ويبقى خائفًا ، إلى الأبد".)
‏
‏اذا مره صدفت حجيت ويه زميل مثلا سالني عله شي وجاوبته وشافني صهيب بعد ‏هاي الله كتبها عليه احصل رزاله معدله ويضل يذب بكلامه عليه ويباوعلي بحتقار

ماكدر اجنب كلامهم وياي لان احنه زملاء وبنفس الدفعه نغلقت عله نفسي وعشت منطويه
‏
‏(يؤذينا انتهاء الموقف وما زال في الصدر كلام لم يقال )
‏
‏وهو عايش حياته بطول والعرض عايش قصة حب هو واختي كل مره يدوس عله كلبي وكول هاي اخر جرح منه لحد ماكتشفت حبه لاختي جاب اهله طلبها اختي جانت طايره من الفرح جابو شيخ عقدلهم جنت فرحانه لاختي توام روحي بس اكو حزن داخلي كل ‏فرح العالم ميشيله

صارت الخطوبه وبعدها بشهر العرس ‏الي هو اليوم كل هذا واني ادوس عله كلبي وامثل الفرح وتصرف ‏عادي بس مرات اشرد واصفن ‏عليه ينتبه عليه يااشرلي بعيونه خير اروح للغرفه اضرب نفسي ‏عله وجهي كافي عاد انسي
‏
( ‏"مازلت احاول ان أتعافى من أشياء لم أُخبر أحداًَ عنها.")

رجعت ‏من ذكرياتي اخذت موبايلي من جوه المخده

فتحت صفحتي عل فيسبوك عندي مدونه احب اقتبس بعض الكلمات الي تعجبني ،،،
لو من اكون حزينه ،،،،
او مضايقه اكتب يومياتي،،،
كتبت

(احمل الكثير من الاعتذارات جميعها لي)

خرجت من الفيسبوك قبل ماطفي جاني اشعار فتحته لكيته صهيب منطيني اعجاب هزيت راسي بعتب بعدك ماشفت شي غلقت الموبايل وحطيته جوه راسي ‏"

...
كتبولي رايكم بالقصه ولتنسون التصويت ⭐⭐⭐