رواية طائر العنقاء الفصل الرابع 4 - بقلم جنون كاتبة

قصة # طائر العنقاء
الكاتبة هدى سامي

(أعد اليّ قلبي القديم يا الله ، أعدني جميله كما خلقتني ، لا تُحزنني المواقف ولا يبكيني الخذلان ، أعدني مطمئنه بِوجه لا تسوءه الكلمات ولا تُربكه المواقف)

لميس : عندي مدونه دائما اكتب يومياتي عل مدونه ع فيسبوك كتبت

(احمل الكثير من الاعتذارات جميعها لي)

خرجت قبل ماطفي جاني اشعار فتحته لكيته صهيب منطيني اعجاب هزيت راسي بعتب بعدك ماشفت شي غلقت الموبايل حطيته جوه راسي

دك المنبه رفعته ساعه سته طفيت المنبه كمت امط بجسمي اخذت ملابس رحت سبحت رجعت للعرفه اجتي ماما كالت جيت اكعدج

‏لميس : كاعده ماماتي

ماما : شلون صرتي شو خل اشوف حرارتج

لميس : زينه الحمد لله جريت ايدها بستها يله حبيتي الخط راح يجي اريد ريوك من اديج الحلوه

ماما : احلى ريوك لبنيتي الحلوه

بديت اجهز نفسي جان عندي ملابس ملابستها كلما نروح لسوك اني ولمى يعجبها شي تشتري عله ذوقها تتوسل بيه البسهن بالجامعه واني مارضه تكلي

عيشي والبسي هاي احلى ايام حياتج،،،،

عيشي الي اني ماعشته،،،
شنو جنج عجوز نفس الملابس كل يوم
مجلبه بالفساتين العريضه عبالك بيبيتي

شكد تحجي وياي اهز راسي بس مانفذ هو اني من غير شي مسويني من الشوارع وبلا تربيه نوب البس هيج

اخخخ منج يالميس ياغبيه ليش جنت مخليته محور حياتي ليش جنت اريد اثبتله العكس هو بقه ماغيره نضرته الي ولا راح يغيرها ضليت احاول ارضي لحد ماهملت نفسي ومهتميت بشبابي

بس خلص لازم اتغير وصلت حدها

لبست قاط قماش بنطرون اسود وستره ماروني وقميص ابيض وحذاء كعب عالي ناسقت ويا شال حطيت مكياج خفيف رسمت عيوني بالايلاينر

جانت دائما لمى تكلي انتي خبيره بالايلاينر

بس الصراحه عيوني طلعن يموتن رفعت شعري بكماشه عاليه لفيت الشال بطريقه حلوه لبست النضارات حطيت الجنطه بكتفي والموبايل بالايد الثانيه باوعت متعجبه بنفسي عبالك مو اني ههههه طلعت من غرفتي

طك طك الكعب يطكطك

سمعت صوتهم بالمطبخ جاي يتريكون اول مادخلت

الكل مثل هذا 👈😳ههههه

امي : اللهم صل على محمد
بسم الله يحرسج من شر كل عين

مهيمن : لج هاي شنو لزمني من ايدي يفر بيه ولج شنو هل جمال طالعه تكتلين كتل

لمى : مانمت اليل من خوفي عليج اجي الكاج غير وحده ههههه ماشاء الله تخبلين اي هيج من زمان اكلج ليش دافنه روحج عيشي والبسي

لميس : ضحكت كتلها اوعدج منا ورايح راح شوفين لميس ثانيه

جان يدخل بابا جاي من الدوام بابا ضابط ركضت عليه باباتي حبيبي حضني كال

بابا : سمعت بيج مريضه اخذت اجازه ساعتين بس الحمد لله اشوفج زينه

لميس : بشوفتك صرت زينه باباتي

راح نضل واكفين اليوم مناوين تريكوني الخط عله جيه صبتلي
ماما ستكان جاي وسوتلي لفه وكفت اكل وحجي

______

صهيب : منطلقه تحجي وياهم متجاهلتني .....؟
تماما ولا كان بشر واكف

شلابسه وشلون طالعه شنو هل تغير ضليت متفاجىء صافن بيها وبجمالها اجاها الخط بوستهم كلهم وطلعت شلون ابوها واخوها سكتو عله هاي ملابسها صحيح مستورات بس ملفته لنضر اريد امنعها ماخليها تروح هيج بس مالي حق احجي كتلها لمى اني رايح للبيت اذا تريدين ابقي يم امج هزت راسها كالت ماتاخر شويه والحكك طلعت من بيت خالتي عله غرفتي كبل مددت عل جربايه حطيت اديه جوه راسي

كمت اذكر من عترفتلي بحبها وشلون حضنتنتي تتوسل بيومها كتلها كلام مارفعت راسها كدامي بعدها
‏
‏جانت مراهقه وطايشه تصرفاتها متعجبني دائما اكول لو اني اخوها جان كطعتها جانت مدلله وكحه الله ميجرعها متتواجد بمكان اذا مسوي مصيبه دائما جنت ارزلها حته اضربها لو اللوي اذانها تكوم تبجي امي تتخبل تجي ترزلني نوب اكرها اكثر من كبرت صارت مراهقه كامت تغريني وسوي حركات لحد مانجحت من الثالث متوسط عترفتلي بحبها سمعتها الكلام الي تستاهله جنت احتقرها

تفاجات من ردي دموعها كامت تنزل راحت تركض دخلت بيتهم من يومها

نطفت الحياه بعيونها الحزن

خيم عله ملامحها وتصرفاتها

بعد ماجانت كلها نشاط وحيويه وامل
جانت تضاحك الهوه نطفت مثل الشمعه من نطفيها

جنت اشمت بيها واكول حيل مرت الايام بتعدت عن الكل خلصت الثانويه دخلت نفس الكليه الي ادرس بيها...

جيتي والله جابها كلما تصحلي فرصه استحقرها وخجلها رغم هيه ما كونت صداقات وكلامها محدود ويه زملائها بس من اشوف احد من زملائها يسالها عله شي لو يصبح عليها

اكوم احس شرار يطاير من عيوني ادز عليها بغرفتي بالجامعه وارزلها رزاله غسل ولبس ماعرف ليش هيج اسوي وياها رغم هيه يمكن اكثر وحده محترمه نفسها بالجامعه وهوايه اشوف نضرات اعجاب من زملائها بس هيه مايوم عبرت احد ولا يوم سوت علاقه ولا يوم طلعت عليها حجايه بس هذا كله جنت ماشوفه ماشوف بس كرهي الها اكرها واريد اكسرها بكل فرصه وبكل طريقه....

لحد ماقررت ارتبط بااختها لمى جنت اشوف بيها كل مواصفات شريكة الحياه عكس نضرتي عله لميس رغم لميس احلى من لمى بهوايه بس اني ميهمني الجمال بكد مايهمني زوجه صالحه تربي اطفالي تربيه صحيحه لمى جانت فقيره مؤدبه حته دراسه ماقبلت تكمل لحد
ثالث متوسط وبطلت مطيعه شاطره بيها كل المواصفات الي يتمنها اي شاب هذا كله جان تفكير عقلي مو كلبي ....

جنت اكول الحب يجي بعد الزاج
وهمت لمى بحبي جنت ما أكنلها
اي مشاعر...

ماحبيتها ولا اعرف شنو يعني حب اخذت اهلي طلبتها وتمت الموافقه عقدت سيد دخلت بعد ماعقدنه بست راسها كعدت يمها لبسنه الذهب رفعت راسي لكيت لميس صافنه عليه وعيونها مليانه دموع نضرتلها
بحتقار اشرتلها بعيوني خير شبيج نتبهت عله نفسها طلعت تركض بدينه نجهز تجهيزات العرس لميس ويه اختها بكلشي؟

تدعم اختها واكفه وياها وتساندها ادري بيها تدعي الفرح وتمثل السعاده محد منتبه عليها بس اني ادري بيها جذب وجاي تمثل بس اني.....

العرس جان البارحه مجانت فرحان فرحت عريس بيوم عرسه ماعرف ليش بس تماشيت ويه العرس والي يكوله عقلي زفونه تممت زواجي ويه لمى الي طايره من الفرح بس احس اكو فراغ داخلي كمت من الجربايه فتحت الشباك ادخن جكاره غرفتنه بالطابق الثاني الشباك صاير عله بيت خالتي جان اشوفها واكفه بره رافعه اديها وراسها لسماء ؟

مثل الي يسوي طقوس...
لو تراتيل خاصه......
مثل الي تريد المطر يغسل احزانها...

من شفتها بهذا المنضر
ماعرف شصار بيه رحت ركض
كعدت لمى اجتي باوعت من الشباك عليها تخبلت كالت هاي جاي سوي؟

بدلنه ملابسنه عل سريع نزلنه نركض اول ماوصلت يمها اختها اغمى
عليها لمى كامت دك وتلطم اخذتها من لمى حطيتها بين اديه شلتها دخلتها جوه لمى كالت تعال حطها
هنا بغرفتها بين ماروح اكعد امي ومهيمن راحت لمى اجيت شايلها حطيتها عل فراش جريت البطانيه غطيتها بين ميجني يبدللها ملابسها قربت الصوبه عليها دخلت لمى ومهيمن وخالتي الخوف عله وجها يمه بنيتي شجاها

لمى : ماعرف والله لكيناها واكفه جوه المطر كعد مهيمن لزم ايدها يفركلها حته تدفه خالتي جرت الغطه عليها كتلهم يابه جاي سوو غلط؟

بدللها ملابسها ميصير تبقه بيهن مبللات طلعنه اني ومهيمن نص ساعه كعدنه بالستقبال القلق ماكلنه كام مهيمن كال بعد ماستحمل خل اروح اشوفها شلون صارت كمت ويا دكينه الباب ودخلنه كعدت عله صفحه يم الصوبه كعد يمها مهيمن لزم راسها كال مشتعله نار جانت مغمضه وتكول غطوني كتلهم اخذوها سبحوها ميصير ضل هيج ماسمعو مني فتحت عيونها حمر وشفايفها مثل الدم مغطيتها بتلث بطانيات وصيح غطوني يابه كشفنها ميصير هيج ميسمعن كالن الدنيا بارده وهيه مصخنه نوب احنه نكشفها لو نسبحها بهل برد

اله عطت بيهن تريدنها صير زينه لو لا هزت راسها لمى اذا تريدها تصير زينه اخذنها سبحنها بماء بارد كامن اخذنها كوه تمشي سبحنها وجابنها جابتلها دوه لمى كامت تعتذر كالت اسفه طلعتكم بهل برد اخذي زوجج ورحي مارضت لمى تروح اله طمنت عليها خالتي هم لحت كل شويه خازره لمى تكلها اخذي زوجج ورحي بعد ساعه نزلت حرارتها وصارت زينه كالت والله صرت زينه روحو حته امها ومهيمن كالتلهم روحو نامو مامحتاجه شي طلعنه رحنه لبيتنه صعدنه لغرفتنه ضليت اليل كله مامرتاح حاس بتانيب الضمير حالتها بسببي حته لمى ضل بالها عليها ماصدكنه طلع الصبح رحنه لبيتهم
‏
خالتي : اسم الله شجابكم من الصبح
‏
‏لمى : غير ضل بالي عله لميس مانمت اليل وينها

خالتي : جاي تبدل حته تروح لجامعه يله تعالو نتريك كعدنه كلنه حته مهيمن اجه يمسح بوجها كال خل تغيب اليوم اذا مريضه بعدنه نحجي اجتي طك طك صوت كعبها سبقها دخلت ؟
رفعنه راسنه كلنه متفاجاين كاشخه عله اخر حبايه لابسه النضارات
‏
‏طالعه عله كولت مهيمن تكتل كتل ضلو يحمدون بجمالها نزعت نضاراتها تحجي ومنطلقه واني صافن عليها بس مشوفني ولا كان بشر موجود ؟
‏
‏رجعت لميس القديمه الكلها نشاط وحيويه رجعت لميس القويه اجه ابو الخط فاتت من يمي يمكن حته ماشافتني

_________

لميس : طلعت صعدت بالسياره

_صباح الخير عمووو
رد عليه،،،،
_يسعد صباحج ،

باوعت عله اديه يرجفن من نضراته كمت افرك بيهن لحد ماوصلنه بيت صديقتي تبارك ناخذها ويانه نداوم نفس الجامعه ونفس القسم صديقتي الوحيده بيتهم بنفس منطقتنه بعد تلث شوارع من بيتنه
عمو مجيد دكلها هورن شويه وطلعت هيه واخوها مقداد تفاجاو من شافوني

تبارك : صباح الخير ياحلو شنو هل تغير

لميس : بتسمة بخجل

اجه مقداد كال صباح الخير

الكل : صباح النور كال

مقداد : عمي مجيد اليوم انته منور اليوم طالع تخبل هههههه

لميس : نزلت راسي بخجل ادري يقصدني رد عليه عمو

مجيد : لك سرسير تاخرنه يله فيماله

مقداد : الله وياكم عمي كل يوم هيج اريدك تلبس وتطلع حلوو ههههه ضحك عمو مجيد ومشينه

لميس : حجيت بهمس شوفي اخوج شلون احرجني شكد عيب من عمو مجيد

تبارك : اذا انتي اليوم طالعه تحجين حته الاخرس هههههه بس تعاي كليلي شنو هل تغير

لميس : منا ورايح راح شوفين غير لميس كافي خل اعيش مثل البنات

تبارك : وممكن اعرف سر هذا التغير شنو

لميس : لا سر ولا شي مجرد مليت من كوني اخاف من حجي الناس مليت من كوني احسب الف حساب لناس مليت من كوني ضعيفه

تبارك : يبوووو يوم المبارك رجعت صديقتي لطبيعتها اسلوبج هذا ماشايفتج من العداديه

لميس : هزيت راسي حجيت داخلي من ثمن سنوات من تحطم كلبي.....

كافي لازم اعيش واستمتع مثل بنات المهم ماسوي شي يغضب ربي وصلنه الجامعه نزلنه بالباب اول مادخلنه الانضار كلها توجهت عليه ماهتميت مشينه من الحديقه للممرات لحد القاعه مالتنه امشي بكل ثقه وحذائي

طك طك كل الانضار عليه.....؟
،،،،
علقوو عل فقرات طلبا وليس امرااا

لتنسوت تصوتون ⭐⭐⭐⭐وتعليقاتكم الحلوه