طائر العنقاء الفصل الثامن عشر 18 - بقلم جنون كاتبة

قصة # طائر العنقاء
.....
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة # هدى سامي
،،،،،،،
قرائه ممتعه

(اريد التغير نحو الافضل لااريد خيبات بعد اليوم اريد نفسي اود الذهاب لشيء ما اريد انسى مامريت به وارجع كرامتي لي اريد نفسي بين الكلام والخيبة والصراع الداخلي)

جتني رساله منه فتحتها...؟
كاتب هاي هيه يعني راح تزوجين بعد يومين ..

ماجاوبته جتني رساله ثانيه كاتب راح تشربيني من نفس الكاس احييج بس مراح اخليج تتهنين راح اذ*بحكم ثنينكم راح اصير مج*رم من وراج ..

ماجاوبته بعد شويه وصلتني رساله اترجاج لميس اترجاج لتزوجين بداعت حبج الي لسويها كتبتله حبك راح ونتهه من يوم زوجت اختي اني الي اترجاك عوفني اشوف حياتي بعيد عنك من حقي احب وانحب من حقي ازوج شخص يتمناني يشوفني اشرف وحده بالعالم واحد يسوي المستحيل حته يشوف البسمه عله شفايفي مراح اخاف من تهديدك لان ادري بيك انسان عاقل وكل خطوه تخطيها تحسبلها الف حساب ادري راح تفكر بعقلك مثل ما قضيت عمرك تفكر بعقلك ...
___
سكتت شويه رجعت كتبت صهيب ماعرف الي بكلبك شنو كره؟
تملك؟
غرور؟
حب؟
اي شي كان اترجاك بشي الي بكلبك عوفني اعيش حياتي وارسم طريقي مثل ما انته رسمته لنفسك وعايش حياتك ...سكتنه شويه وكتب

ادري اني ماستاهلج لان اني ضيعتج من ايدي راح اطلع من حياتج بنت خالتي زوجي وعيشي بس احب اكلج مراح شوفين السعاده لان نفسي بيج ...

ماجاوبته دزلي كلب مكسور 💔 خرجت من المحادثه غلقت الموبايل دموعي كامت تنزل عله وجناتي لحد ماغفيت

(‏ستظل الأيام التي جمعتنا ؛ هي أثمن ما حصلت عليه طوال حياتي ؛ ستظل حتى وإن رحلتَ إلى طرقٍ لن أعرف مسارها يومًا)

ثاني يوم لزمتني لمى وبنات خالتي شيرن جسمي كضينه اليوم ضحك وسوالف كل شويه الزم ابنها اكله اكل يوم الحنه اجتي تبارك راحت ويانه مهيمن وصلنه دخلنه الصالون اول شي صبغت شعري وميشته

_تبارك ماشاء الله كلش لاكلج الصبغ والميش

_لمى اي تغير جذري

_لميس بعد ابد ماغيره ماطول هيج طلع حلوو بزعت من الون الاسود كالن اي حلو لاكلج ساعدني لبست البدله رجعت عل كرسي بدت ام الصالون سوتلي تسريحه كلش حلوه بعدها مكياج سموكي طلعت اكطع البدله جان لونها بيجي من جوه عل نيلي من فوك بطيرقه تجنن مزج الاوان لمى لبست بدله ساك مخصره عل جسم لونها احمر وشسورت شعرها ومكياج طلعت كلش حلوه تبارك لبست بدله قصيره لحد الركبه منفوشه لونها صحراوي وكفنه احنه التلاثه كدام المرايه نباوع بعجاب ع نفسنه
تبارك : ولجن شنو هاي طلعنه نجنن

لمى : مثل متكول ماما اسم الرحمن يحفضنه ههههه

لميس : طلعنه نكطع خمسه وخميسه بعين الميصلي عل نبي ههههههه كالن انتي احلى وحده بينه كتلهن طبعاا احلى وحده غير اني العروس هههه لزعلن اشاقه فدوه لكلبجن امممطح شمرتلهن بوسه بالهوه رجعلياها هههه دك موبايل تبارك كالت هذا مقداد اجه حته تصورون اسبقني عل ستوديو راح اروح اجيبه واجي اخذتني لمى لصالون وكفت منتضرته مرتبكه جان يدخل وكف بالباب باوع من فوك الجوه اجه تقرب حضني كال طالعه تخبلين حضنته كتله اشكرك دخلت المصوره وكفتنه وكفات رومانسيه بعدها صورنه ويه تبارك ولمى ومهيمن اجه صور ويانه كملنه مقداد وتبارك راحو يجون بعدين ويه اهلهم احنه رجعنه ويه مهيمن دخلت بيتنه الديجي مشتغل البيت مليان الهلاهل شتغلت اخذوني عل كوشه بالحديقه حفلت النسوان بيتنه والرجال بحديقت بيت خالتي بيت عمي جايين جتي رغد ذبت لحم جرتني وياها كمت اركص لمى وبنات خالتي هم جني شبعنه ركص مسويات دائر عليه واني اركص بالنص اهز وفرحانه اجتي عيني عل بيت خالتي صهيب واكف بغرفتهم ويباوع من الشباك جريت نفس حزين رحت كعدت بعد ساعه صاحو اجه العريس وااهله دخلن النسوان بالهلاهل والرجال راحو لبيت خالتي دخلت تبارك بالركص والهلاهل ساعه ضلت تركص وتهلهل صاحو راح يدخل العريس حته يلبسن دخل مقداد اجه باس راسي رفع ايدي باسها كدام كل الموجودين شكد حبيت تصرفه عيني تحركت وحدها من باس ايدي راحت عله صهيب الواكف يباوع من الشباك كعدنه قطعنه الكيك وشربنه عصير وحركات تبارك سوو هيج وسوو هيج هههههه وتصور بينه لحد الليل قبل ميروحون حناني همس بااذني بس اليوم راح اعوفج باجر راح تنامين بحضني نزلت راسي بخجل باسني بخدي وراح الكل راح ماما ولمى وبنات خالتي كامن ينضفن بالبيت مهيمن يلم بالكراسي رحت بدلت لبست فستان اجيت حته اساعدهن
لمى : شجاي سوين
لميس : اساعدجن غير

ماما : لابنتي انتي عروس روحي رتاحي
_بنات خالتي احنه نساعدهن روحي رتاحي بقيت يمهن دك سوالف لحد ماخلصن لمى اخذت ابنها جان نايم بغرفتي وراحت هيه وبنات خالتي الكل راح ينام ويرتاح بعد يوم متعب رحت غرفتي فتحت التسريحه اخذت ملابس رحت سبحت طلعت نشفت شعري مددت بفراشي دخلت ع مدونه كتبت

(غدا يوم زفافي 💜 وبدأ العد التنازلي وبدا ينتابني الحزن الخوف الارتباك ، سأبتعد عن أهلي وسأبدا حياه جديده سأنتقل من حياة الى اخرى
ها أنا ألملم ما تبقى من أشيائي لأودع أمي وأخي واختي وكل عائلتي الجميله التي تربيت بينهم 👪 وسوف أبدا حياتي الجديده مع أميري ❤️😘💑
البارح كنت أعد الايام حتى يقترب موعد زفافي 💜 وها أنا اليوم أكتب عن آخر أيامي التي قضيتها في بيت أهلي البنت المدللة ستغادر عروسا 👰👰
يارب أتمم فرحتي على خير ❤️)

راسا جاني اشعر احزنني 😔من صهيب نقهرت عليه من اعماقي بس اني احس بي بس اني اعرف بشنو جاي يحس هسه لان مريت بي كمت توضيت وصليت دعيت ربي يبرد كلبه وكلبي ويهونها علينه ويشغلنه بحياتنه كملت خل انام باجر ورايه يوم كله احداث
...........

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة هدى سامي
،،،،،
لتنسون التصويت ⭐⭐ وتعليقاتكم الحلوه