طائر العنقاء الفصل التاسع عشر 19 - بقلم جنون كاتبة

قصة # طائر العنقاء
......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة # هدى سامي
......
(ومن كان في حنايا الروحِ مسكنهُ
‏فلا فرق إن رأتهُ العينُ أو غابَ.. ♥️💜)

اليوم العرس كعدت من الصبح صبحت عله ماما وبابا ومهيمن كعدنه تريكنه اجتي لمى تريكت ويانه الحزن مخيم عله وجوه الكل بس نحاول نكون طبيعين بابا يرفع راسه يباوعلي ويتنهد خلصنه ريوك بدينه بتنضيف البيت سوينه غده تغدينه ماما عيونها حمر ضم دموعها عني لمى نفس الحاله مهيمن كل شويه جارني حاضني بابا حالته حاله عبالك مو عرس عبالك جنازه راح تطلع من البيت اسم الله بدت الناس تجي رحت بدلت اني ولمى اخذت البدله ودانه مهيمن لصالون دخلنه رحنه غرفت التبديل ساعدتني لمى لبست البدله كعدت عل كرسي بدت الماكيره بالمكياج من خلصته لزمت شعري برمته شالت نصه بدبابيس بطريقه حلوه ونصه الي جوه عافته مفتوح من يم رقبتي لبستني تاج وحطت البركع من جوه التاج طلعت اجنن باوعت لمى كالت

لمى : اسم الرحمن يحفظج تجننين

لميس : عيونج الحلوه حبيبتي انتي هم طالعه تخبلين جانت لابسه بدله عله شكل فستان لونها حليبي ومكياج وتسريحه كلش حلوه طالعه اول ماكملنه سمعنه صوت الزفه والهلاهل اجتي تبارك تهلهل وعمتي ونسوان حمويني واقاربهم الصالون نترس اخذوني للستوديو حته ناخذ صور وكفتني كدام الباب اول ما دخل مقداد اني كدامه باوعلي بحب وعجاب تقرب باس راسي وكفتنه المصوره وكفات رومانسيه بعدها صورنه صور جماعيه ويه امه وتبارك وخوته ونسوانهم بعدين ويه ماما ولمى ويه بابا ومهيمن جانو لابسين قاط ورباط فديتهم يخبلون طالعيه وماما لابسه جبه ولافه الحجاب طالعه تخبل عبالك اختنه مو امنه راح يجون ويانه للقاعه راح يحضرون عرسي بابا كال ماعوف بنتي وحدها بهيج يوم...

كملنه صور طلعنه الزفه جانت كلش حلوه هوسات ورقص وهلاهل وسباق لحد ماوصلنه القاعه نزلنه دخلو المعازيم للقاعه اني ومقداد اخذونه لغرفه بالقاعه حته نرتاح بين ميجهزون الدخوليه مالتنه اجتي ويانه تبارك ولمى يساعدني كعدوني عل قنفه مقداد وكف كدام المرايه يرتب بشعره جابونه اكل لفات وببسي جنت ميته جوع لان ماعرفت اتغده اكلنه من خلصت تبارك عدلت مكياجي هيه ولمى اجتي منضمت القاعه كالت يله حته تدخلون كمنه لزمت ايد مقداد وكفنه كدام الباب نفتح الانوار متوجهه علينه دخلنه بالهلاهل والاغاني مشينه عل سجاده الاحمر لحد الكوشه اطفال يمشون كدامنه بنات لابسات بدلات بيضه والولد لابسين قوط سوده وصلونه للكوشه كعدنه مقداد لازم ايدي الفرحه مسايعته بدت الحفله بين رقص واغاني وهلاهل وفرح جانت القاعه مختلطه كام مقداد ركص ويه اخوته وامه واني كمت ركصت ويه لمى وبنات خالتي ورغد وتبارك حته مهيمن ولد عمي هم ركصووو ذبينه لحم نركص ونرجع نكعد بالكوشه كل شويه مقداد يرفع ايدي يبوسها دعيت بكلبي ياربي ديم السعاده علينه رغم الحزن الي داخلي لان ماكدرت اطلع صهيب من كلبي بس جنت سعيده اكيد راح احب مقداد بعد الزواج اكيد راح انسه صهيب اجتي منضمة القاعه كومتنه ركصنه عله اغنية اليسا البسلك الابيض جنت مرتبكه وخايفه

مقداد : شبيج حبيبتي ليش ترجفين

لميس : هزيت راسي ماكو شي

مقداد : لتخافين يروحي مراح اكلج ههههههههه

لميس : هههههههه ضل ينكت ويضحك لحد مانساني خوفي بعدها قطعنه الكيك ورجعنه للكوشه لحد ماخلصت الحفله المعازيم بدت تروح وصارت الحضه الحاسمه كوموني حته يزفونه حضنوني اماما وبابا كامو يوصون مقداد عليه

مقداد : لتخاف عليها عمي والله بعيوني اخليها ردعليه بابا

بابا : ماوصيك بنتي تره هاي الغاليه

ماما : بداعت امك دير بالك عله بنتي

مقداد : والله عله راسي احطها ولا راح ازعلها بيوم

لميس : بعدنه نحجي مهيمن جاب الموبايل باوعت هذا اخويه ايهاب مكالمة فديو يمسح دموعه اول ماشفته نزلت دموعي كال مبروك يبعد اخوج كتله الله يبارك بيك يروحي مكانك خالي كام يبجي كال تمنيت اكون واكف وياج بهذا اليوم بس الضروف اقوه مني كتله الله يحميك ويرجعك بالسلامه اخذ الموبايل مقداد سلم عليه وطمنه وايهاب وصى عليه كلنه حجينه ويا ماما وبابا ولمى ودموعنه عله خدنه وتمنالنه السعاده سد الخط ودموعه عله خده

حضنتني لمى وشبعنه بجي لحد ماجرني مقداد كال كافي عاد ودعت اهلي صعدوني بالسياره نطلقت بينه عيني عله اهلي لحد ماكمت ماشوفهم زفونه اخوته واهله وصلنه لبيتنه نزلنه دخلنه بالهلاهل والهوسات جان بيتنه بصف بيت اهله دخلنه للستقبال عمتي تهلهل وطش جكليت سلمو علينه وباركولنه وراحو راح مقداد وياهم حته يقفل الباب بقيت واكفه جنت شايفه البيت اجينه اني وماما قبل الخطوبه جان بيت بسيط اثاثه حلو هذا بيتي مملكتي راح احافض عليه

مقداد : وين صافنه حبيبتي

لميس : اجه شالني حوطت اديه رقبته دخلني للغرفه نزلني عل جربايه نزع الستره شمرها حضني بقوه تسارعت نبضاتي بتعد كال كومي خل نغير ملابسنه اخذني من ايدي كعدني كدام المرايه فتحلي البركع والتسريحه وكفني اساعدج بالبدله نزلت راسي بخجل كال براحتج راح للكنتور طلع ملابس حاولت افتح سحابت البدله ماكدرت اجه فتحها ونزلها من كتافي بقيت بالملابس الداخليه تقرب باس كتفي دارني عليه باوع عليه من فوك الجوه متت خجل بتسم كال بدلي عله راحتج طلع وسد الباب ورى جان اكو ثوب نوم عل جربايه جان قماشه من التول الشفاف بدلت عل سريع جسمي مبين فوك ما شفاف نوب مزرف وصلوخ بتعلاكات حيل مغري مسحت المكياج بمنديل مبلل مشطت شعري ورفعته كبايه حطيت عطر رحت كعدت عل جربايه ميته خجل وخوف شو مقداد تاخر ؟
.......

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐

........
الكاتبة هدى سامي
،،،،،،،،

اكتبولي رايكم بالقصه ولتنسون التصويت ⭐⭐