طائر العنقاء الفصل الثالث والعشرون 23 - بقلم جنون كاتبة

قصة # طائر العنقاء
.....
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
......

(ﻻ ﺃﻋﻠﻢ ﻟﻢَ ﻛﻠﻤﺎ ﺍﺗﻜﺄﺕ ﻋﻠﻰ ﻋﺼﺎ ﺍﻷﻣﻞ ﺍﻧﻜﺴﺮﺕ ﻭﺳﻘﻄﺖ !!! ﻳﺎﺗﺮﻯ .. ﻫﻞ ﺃﺣﻼﻣﻲ ﺃﺛﻘﻞ ﻣﻤﺎ ﻳﺠﺐ !!)

الدكتوره : اني اسفه بس انتي عقيمه متخلفين

لميس : وكفت اريد استوعب شنو دكتوره الله يخليج خاف متوهمه هزت راسها بااسف.....

عمتي ضربت ايد باايد كالت ياعيني عليك وعله حضك ياابني هاي الكلمه اخر شي سمعته وكعت مادري بالدنيا وين.........
حسيت ايد تضرب بوجهي لميس .لميس فتحت لكيتها الدكتوره تفوق بيه وعمتي كاعده عله صفحه عاقده وجهه وتتافف كمت اريد اروح

الدكتوره : رتاحي خل يخلص المحلول ضغطج هابط

لميس : رجعت راسي غمضت عيوني مامستوعبه الصدمه اريد احجي اريد اتوسل بالدكتوره تكول غير هذا الكلام بس مابيه احجي خلص المحلول طلعنه من العياده اجرنه تكسي ورجعنه الطريق كله عمتي تضرب كف بكف تكول ياعيني عليك وعله حضك ياابني ماراعت حته شعوري نزلنه يم البيت رحت لبيتي كبل صاحت عليه يمكن عدها بعد كلام رادت تكوله ماجاوبتها فتحت الباب دخلت وقفلت عليه
____
نزلت كعدت بالكاع رتاجيت براسي عل باب احس انياط كلبي تتكطع بالم فضيع ماكدر اعبر عنه كمت فتحت الباب اجرت تكسي ورحت لبيت اهلي نزلت كدام البيت الباب مفتوح دخلت
____
البيت فارغ بس ماما جانت بالمطبخ شافتني تفاجات اجتي بقلق اجاوزتها ورحت لغرفتي كعدت يم الحايط ولميت رجليه عله صدري اجتي ماما اباوع شفايفه تتحرك بس ماسمعها شتكول دموعي نشفن من الصدمه بس صافنه ماما كامت تنفض بيه عل صياح ماما اجتي لمى
___
لمى : سمعت صوت ماما اجيت اركض لكيت لميس حالها يرثا لها لامه نفسها يم الحايط وصافنه نريد نفتهم شكو شبيها مجاوبنه نحجي ننفض نريد ماكو فايده لزمت موبايلي دكيت عله مقداد اريد افتهم شبيها ماحجه بس كال اني جاي بالطريق سديته الخط رجعت عله لميس ياروحي احجي شبيج متجاوب ماما كامت تبجي .....

رن. موبايلي هاي تبارك رديت عليها حجت بخوف تسال عله لميس كتلها هيانها يمنه بس كليلي شبيها لميس فاقده بغير عالم حجتلي تبارك ياريتها ماحجت ولاسمعت راسا عيوني كامن يكتن اباوع عله لميس حقها هيج حالها صعب يعني مراح تصير أم صعبه الله يساعد كلبج ياروحي يارب لانسالك رد القضاء ولاكن نسالك الطف فيه ياربي افرغ عليها صبرا جان يندك الباب مقداد اجه كال وينها كتله هيانها تعال خويه تعال اخذته لغرفتها دخل يركض حضنها كال

مقداد : حبيبتي شلون هيج تخوفيني عليج حبيبتي جاوبيني اترجاج ردي عليه انتي عندي بالدنيا انعل ابو الجهال لابو اليريدهم

لمى : حاضنها ويتوسل بيها موقفهم يبجي الصخر بالكوه ردت عليه نطقت كلمتين كالت

لميس : عوفني كم يوم خل استوعب

لمى : بس هذني الكلمتين ورجعت صفنت ضل مقداد يحجي يكلها طز بالجهال ويكلها نتبنه طفل نوب يكلها انتي عندي بالدنيه وهيه صافنه بالفراغ يمكن حته متسمعه لحد مابزع حضنها بقوه كالها راح اعوفج يومين بس لحد ماتهدء اعصابج واجي اخذج انتي روحي وحبيبتي مااتخله عنج علمود سبب تافه عافها وطلع يمسح بدموعه
____
ماما كابلت لميس وشبعت بجي لميس صافنه كوه شحطت ماما طلعتها خفت ضغطها يرتفع رجعت كعدت يمها جريت ايدها يعمري لتنقهرين انطيج ابني هذا البطني الج انتي تربي باوعتلي بقهر ياريتني ماحجيت ردت اريحها نوب زدتها عليها مددت نامت او ضاهرت بالنوم جريت غطه غطيتها طلعت يم ماما الموتت نفسها بالبجي تحجي ويه بابا كالتله
_____
اخذت الموبايل خفت عله بابا كتله زينه لميس نامت ليش مكبرين الموضوع راح انطيها ابني البطني بابا كال جاي مسافت الطريق صوته حيل حزين سديت الخط ضليت اهدي بماما وعيني عله لميس كل شويه اروح اشوفها

اجه مهيمن شاف حالتنه حجيناله تخبل كال الطب طور نسفرها تتعالج راد يدخللها جلبت بي كتله نايمه عوفها لحد الليل اجه بابا واجه صهيب الكل خايف ومتوتر كل شويه اروح اشوفها الكاها عله نومتها اقرب اصبعي من خشمها تتنفس الحمد لله دخل بابا كعدها حضنها كالها اسفرج تتعالجين لو لاخر الدنيا اوديج خلي ايمانج بالله تعالى ولتضعفين وتستسلمين من اول مشكله واجهتج بحياتج حضنت بابا وكامت تشهك من داخلها كلنه بجينه وياها حته مقداد اجه دخل يمها كعد لازم ايدها كالها

مقداد : رجعت اخذج لبيتج البيت مينطاق من غيرج

بابا : كومي بنتي روحي لبيتج وخلي ثقتج وايمانج بالله واحنه وزوجج انشاء الله منقصر وياج

مقداد :كومي حبيبتي ليش تعذبيني باجر اخذج لااحسن الدكاتره شمفهمها هاي الدكتوره

لميس : بعد يوم كامل من السكوت نفجرت بحضن بابا حضن السند والامان نطاني امل يعالجني حته اذا يطر الامر سفر يسفرني مقداد هم ماقصر لازم ايدي ويتوسل يكول البيت مو حلو من غيرج لو تمشين وياي لو اني اعيش عدكم الكل ضحك من بين دموعهم كاله تقبلني بيتك عمي بنتك عذبتني مترضه تروح وياي رد عليه بابا عله راسي احطك بس بنتي سباعيه هسه ترجع البيتها ومتعوفك وحدك يله بنتي كومي الله يهديج كتلهم ارجع بس بشرط
___
الكل ركز وياي كلهم جانو موجودين بغرفتي حته صهيب جان واكف ماباوعت بوجها ماريد اشوف نضرات الشماته بعيونه ذكرت كلامه من كالي مراح تشوفين السعاده
___
كتلهم راح امشي وره كلامكم واروح عله غير دكاتره واذا يطر الامر نسافر بس اذا كل هاي المحاولات فشلت وبقيت عقيمه اطلك ....

الكل تفاجئ مقداد هد ايدي زعل يباوعلي بعصبيه كتله ماكدر احرمك تصير أب ولا اكدر اتحمل اشوفك ويه وحده غيري طلكني وروح زوج كام زعلان عافني وطلع الكل كام يحجي عليه

بابا : موعيب بنتي زوجج جاي يواسي بيج واكف وياج هيج جاوبي

ماما : كنالج نعاجج ونسفرج ليش تسرعتي وهيج حجيتي

لمى : كافي تلوموها كومي كومي غسلي وجهج وروحي ويه زوجج ولتنسين صالحي خطيه نشل حاله كل شويه مخابر

لميس : كومتني لمى رحت غسلت طلعت مقداد منتضرتي بالحديقه سلمت عله اهلي طلعنه صعدنه بالسياره ومشينه الطريق كله ساكت بس شكله عصبي وزعلان وصلنه البيت لكيت تبارك تنتضرني حضنتني كامت تصبر بيه الطب طور وهسه تتعالجين ومن هل كلام ضلت شويه وراحت رحت للغرفه مقداد قفل الابواب واجه تقربت عليه حضنته وبجيت سامحني الله يخليك حضني كال

مقداد : تريدين تتخلين عني هيج بهل سهوله هنت عليج

لميس : ماكدر اصير انانيه واحرمك تصير أب ولا اكدر اخليك تزوج ماتحمل اشوفك ويه غيري

مقداد : مابدلج بنساء الكون كافي حبيبتي كافي تبجين

لميس : مسح دموعي اخذني نومني بحضنه وهو يحجي ويخطط

مقداد : انشاء الله اخذج عله احسن دكاتره واذا طر الامر نسافر واذا ماكو نتيجه لاسامح الله نتبنه طفل ومن يكبر نتبنه الثاني ونكسب بيهم اجر

لميس : جاريتهم هو واهلي اريد اي امل اتمسك بي انشاء الله ربي يباوع عله حالي واتعالج بس اذا ماصارتلي جاره ماكدر اصير انانيه واحرمه يصير أب مستحيل اتحمل
____
ثاني يوم رحنه لبيت عيالي عمتي وجها ثكيل مقداد سال عل نت وسال اصدقائه وبابا هم سالنه عله دكاتره زينين وبدينه كل يوم نروح لدكتور يطلب تحاليل وسونار واشعه كلهم نفس الكلام مستحيل اخلف ارجع متحطمه نفسيا مقداد واهلي يصبرون بيه هذا الدكتور ميفتهم خل نروح عله غيره لحد مالكينه دكتور وكال اكو امل متصورن الفرحه الي حسيناها ماما هلاهل وجكليت وبابا ذبح خروف ومقداد طاير من الفرح اني فرحتي متنوصف المهم الدكتور نطاني كلاج وتعلمات امشي عليهن
____
مرت الايام والاشهر ولمى جابت بنيه سموها طيبه

عمتي كل النهار سمعني حجي مرات تكلي خلي يزوج اسكت واتكطع من داخلي لحد ماتعاركت وياها تبارك كالتها

تبارك : ماما خافي الله لو اني زوجت وطلعت ماخلف جان هذا رايج هيج نفسه

عمتي : تريدني اسكت واني اشوف ابني يتحسر عل جاهل ندارت عله لميس لو اخوج تقبليها يبقه بلا خلفه بلا كلمت بابا اني مطالبه منج شي مستحيل
خلي يزوج ويخلف ماكو مره تاكل مره ولاانتي اول ولا اخر وحده زوجها يزوج عليها

لميس : ماعرفت شجاوبها كمت طلعت رحت لبيتي توضيت وكفت اصلي ودموعي عله خدي
____
تبارك من طلعت لميس تبجي تعاركت ويه ماما وخابرت عله مقداد كتله شويه واجه شايط تعارك ويه ماما كاتله هسه عصبي وتحجي عليه باجر من تزوج وتخلف وتسمع كلمت بابا تجي تشكرني انته ابني واني اريد مصلحتك رد عليها الكلام ضايع وياج طلع وركع الباب ورى

مقداد : لكيتها تصلي وتبجي من يوم عرفت متخلف وهيه تلجئ الهاي الطريقه تقربت منها حضنتها لصدري شدت حضني وبلشت تبجي بحركة كلب صوت شهكاته عاليه وصلت اشد مراحل البكاء حبيبتي اريدج متهتمين لاي شي يصير وياج ماكو حياه سعيده للابد ولا اكو علاقه مبيها مشاكل بس بالحب والتفاهم كلشي ينحل
____
لميس: مرت الايام واني اتعالج يم الدكتور الي كال اكو امل اخلف سمعت لمى حملت للمره الثالثه اني عله حالي الايام تمشي بملل والفراغ الي داعيشه احس الايام تعيد نفسها راح يصير سنه ونص من عرفت مااخلف بس عايشه عله امل اتعالج لحد مااجتي عمتي بوقت ماموجود مقداد كالتلي كله كذب والدكتور مقداد متفق ويا ينطيني اي علاج حته اسكت ويصير عندي امل وكالت حته تحاليل والسونارات والاشعه دازينها بابا ومقداد بالفاكس للخارج مامخلين دوله ولا دكتور مادازينهن وكل الدكاتره نفس الكلام مستحيل اخلف
___
من سمعت هذا الكلام شح الهوه عليه عيوني تريد تطلع من مكانها ماعرف بسبب الاحساس الي حتلني لو بسبب قلت الهواء
،،،
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة هدى سامي
........
اريد اشوف تعليقاتكم الحلوه وتفاعلكم ولتنسون التصويت ⭐⭐⭐