طائر العنقاء الفصل الخامس والعشرون 25 - بقلم جنون كاتبة

قصة # طائر العنقاء
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
......

(الروح تميل لمن يقاسمها الحزن و التعب و قسوة الأيام ... أما بالفرح فكل الناس أحباب...!💜🌸)

لميس : نهاريت بعد ماطلع بعد يومين اجانه ستدعاء من المحكمه .............؟

كعدت الصبح اتحضر حته نروح للمحكمه لبست فستان لونه اسود بسواد ايامي لبست شال نيلي فاتح ملامح وجهي شاحبه تحت عيوني اسود من البجي لبست الحذاء اخذت جنطتي طلعت بابا جاي ينتضرني هو وماما

صعدنه بالسياره رحنه للمحكمه المحامي ينتضرنه وكفنه ننتضر مقداد بعد نص ساعه اجه هو وتبارك ركضت عليه حضنتني ثنينه بجينه اخذتني عله صفحه كالت

تبارك : ما الله يهديج وتتراجعين عن الطلاق

لميس : هزيت راسي لا
ماكدر اضلم اخوج وياي

تبارك : تدرين.... تعارك ويه امي عركه شكبرها وقاطع اهلي كلهم بس اني اروحله اشوف طلباته اغسل ملابسه

تدرين.... لوما خايف عليج لصيبج جلطه ثانيه من القهر جان ماطلقج ضل بين نارين ميكدر يجبرج تعيشين ويا بالقوه ولا يتمنه يطلقج بس ختار راحتج

ختار يعيش بالم فراقج ولا يصيبج شي بسببه

لميس : هيه تحجي واني دموعي يكتن واكف بعيد ويباوع عليه برجاء شكله ذبلان وملامحه حزينه

صاحو عله اسامينه دخلنه يم القاضي طلقنه وطلعنه اخذني بابا تحت ذراعه كتله بابا طلعني منا بسرعه هز راسه صعدنه بالسياره ونطلقنه كبل لبغداد

لميس : بابا وين رايحين ......؟

بابا : رايحين عل ايمه وال البيت (ع) ماخذج لااولياء الله الصالحين اول شي راح نروح للكاضم (ع) الشيعه يكولون مااجى احد ورجع خايب زوري واطلبي من الله ينزل السكينه عله قلبج

لميس : دخلنه الامام نزور صليت دموعي يكتن بعد ماصليت لزمت شباكه ودعيت الله يصبرني عله مابتلاني حسيت بسلام داخلي كملنه طلعنه رحنه لاأبو حنيفه النعمان (رض) دخلت صليت دعيت لحد ماتعب الساني كملنه طلعنه رحنه لعبد القادر الكيلاني (رض ) صليت ودعيت كملنه رجعنه للبيت

بالليل مدده بفراشي دخلت ع مدونه كتبت

(عِشنا ما لا نريد ونِلنا ما لا نستحق،
ونقضي أعمارنا نسأل : أكنا نستحق كل هذا الألم لنتعلم ...
أم أنّنا أفرطنا في أحلامنا ونسينا أننا في واقع يغتال الحلم ...
عشنا حياتنا بالصبر والتحمل وحين أخبرونا بأن نغادر ما يؤذينا وجدنا الأذى صار في قلوبنا ...
لسنا ضعفاء ولم يصيبنا الإحباط بعد ،
لكننا وصلنا لمرحلة نفذت طاقتنا وانتهى رصيد الامنيات في قلوبنا ولا نعلم ماذا ينتظرنا بعد....)

اجاني اشاعر من صهيب معلق كاتب

(لا تذبلي فالكل اعتاد ان يراك مزهرة ...)

طفيت الموبايل ضليت اتكلب بفراشي ماعرفت انام كمت طلعت بالحديقه كعدت عل مرجوحه الدنيا نص ليل الجو هدوء سمعت صوت لتفت صهيب اجه يمشي كعد بصفي
بعدت عنه كتله

لميس : كلامك تحقق كتلي ماراح اشوف السعاده وفعلا ماشفتها اكيد شمتان بيه مو ..

باوعلي بنضرت عتب كال

صهيب : مستحيل اشمت بيج بالعكس تنميت لو بيدي شي واكدر اسويلج جان متاخرت دقيقه

لميس : اكيد تكول لنفسك همزين مازوجتها جان ماخلفت

صهيب : لاطبعا لزمت ايدها بين اديه ماعرف شلون اواسيج بس اكلج هذا بتلاء من رب العالمين وبعد الابتلاء جبر بس خلي ثقتج وايمانج بالله ومراح يخيبج ....

لميس : جريت ايدي وكمت من يمه دخلت البيت عله فراشي حطيت راسي عل مخده دموعي يكتن

بابا كام كل احازه يجي ياخذني عله امام ماخلينه كلهم زرناهم جنت ادعي الصبر والسكينه وصدك ربي ماخيبني ونطانياهن تاقلمت عله بعد مقداد وتناسيت موضوع الخلفه الحمد لله

مرت اربع شهور بطن لمى كبرت هذا الحمل حيل متعبها ونوب طفلين زغار الولد سنتين وشويه والبنيه سنه وشويه يعني مسؤليه جبيره طلبت مني اساعدها

جنت عبالي راح تخاف لا احسدها عبالي راح تبعد اطفالها مني بس بالعكس كامت تقربهم مني حته تكلي اخذيهم يمج نوميهم خل يتعودون عليج وعله ريحتج ......؟

اني اكيف بعد روحي اموت عليهم اضل العب بيهم يونسوني وينسوني همي ...

جنت اروح بالنهار اساعد لمى اخسل ملابسهم انضف غرفتها بس وضعها ماعاجبني حيل متعبها هذا الحمل جنت اساعد خالتي بالبيت تفرح بيه ضل تدعيلي

جنت اشوف صهيب هوايه لان عطله ماكو دوام

ماكو اي كلام بيني وبينه بس يباوع عليه من اطب واطلع جنت اتجنبه بس يومي كله يمهم تقريبا وبلليل لمى تكول خالتي عدها ضغط وسكر مو مال سهر تكلي اخذي الجهال يمج انوميهم اخذهم انومهم كل واحد من صفحه همه هادئن حبابين يومي جان مليان ماالحك افكر الحمد لله

مرت الايام قربت ولادت لمى بطنها صارت شكبرها وضعها ماعاجبنه كلنه ماعاجبنه خايفين عليها سوتهم طفل فوك طفل تعبت خطيه هوايه تعبت

يوم ولادتها اجتي خالتي بعد العشه صاحت عله ماما كالتلها لمى جاي تطلق ركضت اخذت الجهال كل واحد باايد وركضت لبيت خالتي لكيتهم ينزلون بيها من الدرج صهيب لازمها من ايد وماما من ايد وخالتي شايله جنطت الطفل نزلت الجهال حضنتها

لميس : الله يكومج بالسلامه يروحي

بجت وحضنتني كالت

لمى : جهالي امانه يمج ..ديري بالج عليهم

لميس : بعيني اخليهم هذوله جهال الغاليه بعد ...بس اوكفو انتضروني اجي وياكم

ماما : ماجاي شوفين حالته مو مال ننتضرج ضلي يم الجهال وين تاخذيهم بالمستشفى خاف يتمرضون

لميس : صعدو بالسياره خالتي كالت ديري بالج عل بيت هزيت راسي اخذوها وراحووو عافوني بقلق

دخلت البيت اخذت الجهال بحضني اووو ولكم شنو هاي الريحه ثنينكم عاملينها خرب بيومكم ههههه اخذتهم شطفتهم ابد متلعب نفسي منهم غيرت ملابسهم نومتهم

بديت انضف بالبيت حته اشغل نفسي غسلت المواعين نضفت المطبخ غسلت الطرمه نضفت البيت خليته يلمع صعدت لغرفت لمى نضفتها سمعت صوت سياره باوعت من الشباك صهيب نزل دخل للبيت مستعجل الخوف تملكني نزلت اركض كتله

لميس : ها بشر جابت لمى شلونها

صهيب : تريدج دزتني عليج

لميس : تريدني ليش والجهال نايمين

صهيب : مو وكت اساله يله عل سريع الجهال ناخذهم ويانه

لميس : تمام خل اروح ابدل

صهيب : البسي اي شي جاي اكلج عل سريع

لميس : صعدت لغرفت لمى لبست عبايه اسلاميه وشال وشحاطه نزلت اخذنه الجهال صعدنه بالسياره توجهنه للمستشفى

وصلنه نزلنه صهيب يمشي سريع يكول ستعجلي دخلنه لكيت بابا جاي من الدوام وزوج خالتي موجود ماما شبعانه بجي هيه وخالتي اجني اخذن الجهال من عدنه

اشرت لمى تعاي الخوف تملكني وجهه شاحب وعيونها ذبلانات رحت حضنتها جانت نايمه عل سديه حضنتني وباستني لزمت ايدي كالت

لمى : راح اسوي عمليه بس يجوز مااطلع عايشه

نزلت دموعي حطيت ايدي عله حلكها

لميس : اشش لتكملين الله يخليج

بعدت ايدي كالت راح احجي وماريد احد يقاطعني ....؟

جانت كوه تحجي صاحت تعال بابا تعال صهيب تقربو كلكم يمي

الكل اجه لزمت بابا من ايد وصهيب من ايد كالت اوصيكم وصيه واتمنى تنفذوها من بعدي ....

الكل كام يبجي تنفست الكلام يتعبها حجت بصعوبه كالت بابا وصيتي اذا متت ...

عاطت ماما اسم الله عليج ..

لمى : كلت لحد يقاطعني بابا اذا صار بيه شي وصيتي تزوج لميس لصهيب ...

الكل بحالت صدمه

لميس : دموعي يكتن شنو هل حجي لمى راح جيبين وتكومين بالسلامه

تابعت كلامها بابا واعدني هز راسه بابا دموعه تجري كالها وعد ندارت عله صهيب كالتله اوعدني تزوجها مسح دموعه كالها وعد

،،،،

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي

اريد اشوف تعليقاتكم الحلوه وتفاعلكم ولتنسون التصويت ⭐⭐
،،،،