قصة # طائر العنقاء
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
......
( موت الاخت لا يشعر به الا من ذاقه
لا يوجد كلام يصف وجع الرحيل .....
فراق الشقيقة يخلق حزن عميق وألم شديد .رحمة الله عليكي يا اختي
بعد موت الاخت .ستعرف جيدا معني كسرة القلب مهما تظاهرت بالقوة والصبر .ستعرف جيدا أن الفراق يكسر حنايا القلب
الا فقدان الاخت 💔
بعد رحيل اختي لا حزن ينتهي ولا فرح يكتمل
الله يرحمك يا اختي الغاليه ويسكنك فسيح جناته اللهم امين يارب العالمين )
لمى : راح اسوي عمليه بس يجوز مااطلع عايشه
نزلت دموعي حطيت ايدي عله حلكها
لميس : أشش لتكملين الله يخليج
بعدت ايدي كالت راح احجي وماريد احد يقاطعني ....؟
جانت كوه تحجي صاحت تعال بابا تعال صهيب تقربو كلكم يمي
ألكل اجه لزمت بابا من ايد وصهيب من ايد كالت اوصيكم وصيه واتمنى تنفذوها من بعدي ....
الكل كام يبجي تنفست الكلام يتعبها حجت بصعوبه كالت بابا وصيتي اذا متت ...
عاطت ماما اسم الله عليج ..
لمى : كلت لحد يقاطعني بابا اذا صار بيه شي وصيتي تزوج لميس لصهيب ...
الكل بحالت صدمه
لميس : دموعي يكتن شنو هل حجي لمى راح جيبين وتكومين بالسلامه
تابعت كلامها بابا واعدني
هز راسه بابا دموعه تجري كالها وعد
ندارت عله صهيب كالتله اوعدني تزوجها
مسح دموعه كالها وعد
لميس : دفعتهم واجيت يمها ابجي واحجي شنو كاعد تكولين انتي
لزمت ايدي حجت بتعب
لمى : ماامن عله جهالي غير يمج ماريد يجيبلهم مرت اب بس اذا انتي تختلف اني متاكده انتي احن مني عليهم ومراح تحسسيهم بزوجت الاب
لميس : حضنتها كمت ابوس بيها من كل وجها الله يخليج لتحجين هيج زين واني مافكرتي بيه اموت وراج والله اموت ....
لمى : حبيبتي اختي ياروحي جهالي امانه بركبتج ديري بالج عليهم ولحد يكللهم انتي مو امهم حته ميعاملوج معاملت زوجت الاب من يكبرون ويصيرون زلم يله تكليلهم .....
بجيت بزايد الكل بجه
كالت تعاي تقربي خل اكلج شي قربت عليها همست بااذني
تزوجي صهيب تره يحبج ....
تفاجات باوعت بوجها كالت تقربي حته محد يسمع قربت اذني عليها كالت
من يوم خطوبتج عرفت بي يحبج بيوم الخطوبه كام يموت اكله شبيك ميحجي كسر شكو شي بالغرفه ويوم عرسج هج من كل المحافظه ومن طلعتي متخلفين الليل كله ماد سجادته ويصيلي ويدعيلج بااذني جنت اسمعه يدعيلج
كل هذا اذا مو حب لعد شنو ....؟
باوعت بوجهها متفاجأة اجوي الممرضين كالو صالت العمليات جاهزه اجينه ناخذ المريضه زاد بجينه كالت جيبو جهالي قربناهم عليها حضنتهم باستهم شمتهم باوعت علينه كلنه ماوصيكم بجهالي وصيتي مو تنسوها
حضنوها ماما وبابا يبجون كالت
وصيتي الثانيه لاتلطمون عليه ولاتشكن ثوب ولاتعيطن بس قران لتعذبني بقبري
الممرضين جرو السديه نايمه عليه رفعت ايدها الي والصهيب كل واحد لزم ايد والايد الثانيه شايلين الجهال وصلناها لغرفة العمليات قربنه الجهال عليها حضنتهم وباستهم دخلت الصاله مبتسمه تباوع عل كل بوجها الشاحب .......
وكفنه ننتضر باامل تطلع بالسلامه هيه وابنها لسانه مابطل دعاء
بابا : اخذي الجهال وروحي للبيت
لميس : مستحيل اتحرك منا قبل ماشوفها بعيني
صاح بيه بابا بعصبيه جاي اكول روحي للبيت تعال مهيمن اخذ اختك وديها هيه وجهال ...
خفت اخذت الجهال ورحت مهيمن وداني ورجع عليهم نومت الجهال توضيت صليت ودعيت الله يكومها بالسلامه خلصت كعدت اقره قرأن دموعي يكتن لحد ما سمعت ضجه طلعت دخلن ماما وخالتي بجي وعياط ولطم صاح بيهن بابا نسيتن وصيتها ...
اريد افتهم شكو جان توكف سياره فوكاها تابوت اهتز كل جسمي جان يغمى عليه
(وفي رحيل أختي أتذكر عندما شعرت بأن شيء أنتزع مني، فظل الفقد يوجعني، وظلت الذكرى تؤلمني، ولا أملك غير الدعاء لها بالرحمة، اللهم أرحم فقيدتي وأرحم ضعفي وأجبر قلبي وأجعل على ضفاف جنتك لقيانا يا رب العالمين سامحني يا الله لأني أبكيك شوقا لا اعتراض.)
كعدت اني بالمستشفى اجه بابا يمسح دموعه ليش يابابا مو كافي علينه خسرنه اختج تريدين تحركين كلبنه عليج
ذكرت لمى دموعي كامت تنزل صار عصبي بابا كام يحجي عليه كتله
لميس : بابا هاي لمى هاي اختي حبيبيتي
بابا : البجي ميرجع احد لصيبج جلطه ثانيه لتحركين كلبي وكلب امج عليج ...
خلص المحلول طلعنه من المستشفى اخذني بابا لبيتنه كال ممنوع توصلين الفاتحه ممنوع تبجين لو تنقهرين اخذي جهال اختج اعتني بيهم احسن من الطم والبجي .....
منعني بابا من الفاتحه جانت بيت خالتي جابولي الجهال والطفل الزغير اباوع عليهم ودموعي يكتن لمى منعتنه من الطم والعياط شغلت قران لبست اسود
جنت بحالت صدمه ممصدكه ماتت ....
صعب الي احس بي اختي ياروحي ليش عفتيني ورحتي حزني عله اختي مينوصف اباوع عله جهالها اذكر وصيتها لازم اصير قويه ودير بالي عل جهال
نوب هذا هستوه مولود اخاف حته الزمه كلشي ماعرف ماما وخالتي بالفاتحه ماشفتهن ولا اجني عتمدت عله نفسي اكمط وسوي ممات ورضع وشطف بالليل اسهر ويا يبجي ماسكت اله نومته بحضني طلع يدور حنان
ضليت كاعده اخاف انام عليه طيبه نايمه بصفي من الصفحه الثانيه واخوها بلال بصفها......
خلصت الفاتحه مرت الايام ملتهيه بالجهال ماما وخالتي مالهن علاقه كله عليه تعودت عليهم صارو اغلى من روحي اكثر شي هذا العنون صار عمره تلث شهور جنت مرات اطلع صدري اخلي يرضع اريد اجرب الشعور اموت ضحك هههههههه يدغدغ
تعاملي وكلامي كثر ويه صهيب بسبب الجهال لو يجي يشوفهم لو يجيب طلباتهم وهو الاخ مكيف البتسامه ممفاركه وجهه ....
بعد مرور خمس شهور بابا صاحني رحت كلهم موجودين خالتي وزوجها وصهيب وماما ومهيمن بابا فتح موضوع زواجي من صهيب
تخبلت كتلهم مستحيل ازوج زوج اختي جسمي كام يختض خافو عليه وسكتوو
مرت سنه عله وفات لمى كلما يفتحون موضوع زواجي من صهيب اتخبل
بيوم جنت نايمه بغرفتي طلال نايم بحضني فتحت لكيت صهيب واكف يم راسي يباوع علينه كعدت بعصبيه شعندك هنا ليش تباوع عليه
صهيب : اجيت اشوف ابني
لميس : ابنك دز عليه احد ياخذه تخابرني اجيبه الك
صهيب : مااخذ الاذن منج حته اشوف ابني بكيفي شوكت مااريد اجي اجي اشوفه
لميس : خزرته بعصبيه كعدت عله صفحه اخذ ابنه حطه بحضنه يبوس بي نومه مكانه كال
صهيب : ليش مجاي توافقين نزوج
لميس : ........
صهيب : نسيتي وصيت لمى
لميس : ........
صهيب : ترضين ازوج غيرج .....؟
ترضين اخذهم منج.......؟
ترضين اجيبلهم زوجت اب........؟
لميس : حته اموتك انته وياها
صهيب : هههههه تقربت عليها
لميس : بعد عني ...بعد لتقرب ... جاي اكلك بعد
صهيب : واذا مابعدت شسوين
لميس : احس كلبي صار طبل يمكن حته هو سمع نبضات كلبي
صهيب : قربت وجهي من وجهه بستها بهدوء ودفو شفايفها ورجفتها
لميس : جنت ذايبه بس حاولت اسيطر عله نفسي دفعته
صهيب : من دفعتني ضجت عضيت شفايفها بقوه حسيت نفسها نكطع دفعتني وخرت منها بضحكه ههههه انصحج توافقن عله زواجنه لان حالتج متاخره ههههه جنتي ذايبه بوستي كامت تمتمت بالكلام اح.اح.ترم .نف نفسك .ههههههه ضحكت عله خجلها عفتها وطلعت
لميس : تنفست حطيت ايدي عله كلبي خرب يومك شكد الك تاثير عليه همزين راح حضنت المخده مبتسمه
بالليل بابا صاحني رحت كلهم موجودين كال تحضري باجر يعقد عليج صهيب
لميس : وكفت بعصبيه جاي اكللكم ما ازوج زوج اختي وكف بابا كال
بابا : جاي اكول باجر العقد يعني باحر العقد كلمتي مصير ثنين
لميس : كمت اصيح مابزعتو من هل موضوع مامليتو مازو...
ماحسيت اله بابا هفني راشدي لزمت خدي متفاجئه تضربني بابا ........؟
بابا : واكسر راسج همين مبين ماعرفت اربي دللتج زياده عن الزوم لحد ماكبرتي عليه باجر عقدج عله صهيب وماريد اسمعلج نفس ......
لميس : نزلت دموعي اول مره يضربني بابا رحت لغرفتي لازمه خدي
اجتي ماما وخالتي ورايه يقنعن بيه
،،،،
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
،،،،
اريد اشوف تعليقاتكم الحلوه وتفاعلكم ولتنسون التصويت ⭐⭐⭐
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!