طائر العنقاء الفصل الثامن والعشرون 28 - بقلم جنون كاتبة

قصة # طائر العنقاء
..........
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
.......

( علمني موت أختي أشياء كثيرة ،،،
تعلمت معنى أن أكون السند حينما تميل الأكتاف....وكيف أقف شامخاً حينما تشتد الرياح تعلمت معنى دعاء جبر الله كسر قلبك وتعلمت أنه لا فراق يكسر القلب مثل فقد الأخت، اللهم جبراً وصبراً ولقاء قريب
رحم الله ضعف قلب اشتاق لميت💔
اللهم ارحم وجهاً أحن إليه و روحا كسرني غيابها و أوجعني رحيلها اللھم ارحم أختي رحمة تسع السماوات والأرض 💔 )

صهيب : قفلن الباب علينه من بره شلون اطلع

كامت تفتر بالغرفه وتباوع مثل الي مضيع شي باوعت عليه كالت

ليس : لو تموتون مااخذ مكان لمى

صهيب : ماجاوبتها كمت من مكاني طفيت الضوه رحت مددت عل جربايه

راحت وكفت يم الشباك تمسح دموعها تغطيت سويت نفسي نايم

لميس : فتحت الشباك اتنفس هوه بارد حجيت داخلي اختي حبيبتي ادري انتي وصيتيني وكتيلي ازوجة واربي اولادج بس ماكدر

اوووف يا لمى شلون اخذ مكانج ......؟

(رحيل الاخت غصة قلب لا تموت حتى نموت لم اعيّ مايعنيه موت المكان ، موت الاشياء ، موت الحياة ونحن على قيد الحياة إلا بعد رحيل أختي
رحيلها هو الشي الوحيد الذي استطيع انّ أطلق عليه مسمّى الوجع الأبدي
ربي اجعلها مِن سكان جنتك وارحمها واغفرلها)

سديت الشباك باوعت عله صهيب همزين نايم فتحت الكنتور ادور عله فراش ماكو بس الي عل جربايه رحت اخذت مخده وبطانيه حطيت المخده بالكاع ميخالف بس اليوم باجر اطلع فراش وياي فتحت البطانيه مددت وتغطيت من بين التفكير غفيت

صهيب : انتضرتها تنام من تاكدت نامت اخذت مخدتي ورحت نمت بصفها رفعت بطانيتها وتقربت عليها بست خدها ماحست بست شفتها بهدوء همزين طلع نومها ثقيل ضليت الليل كله ابوس واشم بركبتها وشعرها بس بهدوء حته متكعد ممصدك صارت زوجتي وتجمعنه غرفه ونايم بحضنها ممصدك لحد الفجر غفيت من غير ماحس ....

لميس : كعدت الصبح حاسه بثقل عليه فتحت عيوني لكيته صهيب نايم بحضني وجها بركبتي كلبي صار طبل حاولت اطلع من جوى ادفع بي جان يكعد صحت بي وخررر شجابك هنا ليش نايم هنااا

صار عصبي جرني كال

صهيب : اليوم دخلتنه تعرفين شنو يعني دخلتنه مو زين مني عايفج طول الليل حته امج كالتلي لترحمها

لميس : بخوف يعني شتريد هسه ......؟

صهيب : اريد العلاقه الي صير بين المزوجين اريد حقي الشرعيه

لميس : بلعت ريكي بصعوبه اقتل روحي والله اذا جبرتني

صهيب : اجبرج واكسر راسج واخذ حقي الشرعي بالقوه

بس ماسويها تدرين ليش ...؟

لميس : .......

صهيب : لان الميريدني ماريده راح اصبر عليج بس تره صبري اله حدود فكري زين وذكري وصيت لمى

لميس : بتعد عني اول ماكمت من يمه دخلو الجهال بلال وطيبه جيتو عله ابوهم همزين انفتح الباب خل اروح اجيب طلال كلبي راح يطك عليه نزلت عل سريع

خالتي وماما بالمطبخ اول ماشافني بعدني بملابس البارحه عرفن ماصار شي بيني وبين صهيب

اجيت اخذت طلال حضنته ابوس بي ماما وخالتي شبعني رزايل ما جاوبتهن كعدت اتريك واريك طلال بعد شويه نزل صهيب شايل طيبه عله ضهره وكايد بلال باايده اجوي يتريكون لزمت قوري الجاي بارد كمت حميته وغسلت الستكانات طكيت بيض وحطيت جبن جريت بلال وطيبه تعالو ماما تريكوو كعدتهم يمي كمت اسويلهم لفات زغار واوكلهم

صهيب : تعال بابا اخذت طلال بحضني امي وخالتي عصبيات يخزرن بلميس هيه مطنشه توكل بالجهال ماعافتهم اله شبعو اخذتهم سبحتهم وغيرت ملابسهم جابت طلال يمي كالت

ليمس : خلي يمك علما انضف البيت واسوي غده بس لتغفل عينك منه يحبي خاف يوكع يتعور

صهيب : هزيت راسي ببتسامه راحت بلال وطيبه تعاركو بلال ضرب طيبه كامت تبجي ماحجيت ولا سويت شي اريد اشوفها شلون راح تتصرف وياهم

سمعت طيبه تبجي اجتي هاا ماما شبيج تبجين ......؟

طيبه : بلال ضلبني

لميس : بلال ليش ضربت اختك اعتذر منها يله ماما وبوسها .....

بلال : مااا متعلف تلعب ....

لميس : اذا معتذرت من اختك وبستها راح ازعل عليك وماحجي وياك

صهيب : لزم وجها بلال لا ماما لذعلين لاح ابوسها والله بعد ماضلبها بس لذعلين عليه

حضنته كالتله يابعد روحي ماكدر ازعل عليك

جنت اباوع عليهم حبيت تصرفها ومعاملتها ويه الجهال بلال غلط خلته يعتذر من اخته

تابعت كلامها هاي اختك يعني انته سندها انته قوتها بالحياه بعد لتزعلها تعرف شنو يعني اختك بلال يهز براسه اني اثف باس اخته

نزلت دموعها اكيد ذكرت لمى كامت راحت تمسح دموعها

لميس : خلصت اليوم بين تنضيف وغده بعد الغده رحت نمت بغرفت الجهال كعدت العصر رتبت البيت وغسلت الطرمه وسويت عشه تعشينه كعدنه تعللنه شويه بعدين كل واحد راح لغرفته خالتي وزوجها راحو لغرفتهم غسلت موعين العشه رتبت المطبخ رحت عله خالتي اخذت طلال جان يمها رحت لغرفت الجهال جانو بلال وطيبه يتفرجون عل ايباد اخذته منهم يله ماما نامو نومتهم كل واحد بجربايته فرشت بالكاع اخذت طلال بحضني ونمت

فزيت من النوم لكيت صهيب حط اديه جوايه يريد يشيلني

لميس : اوكف شدسوي وخر عوفني

صهيب : اشششش ولا نفس

لميس : جان عصبي طلع من غرفت الجهال شايلني طلعت خالتي من غرفتها من شافتنه بتسمت كاللها

صهيب : ديري بالج عله طلال كالتله

خالتي : ماعلي شي راح اجيبه يمي ينام

لميس : افلت بنفسي نزلني جاي اكلك ميسمع دخلنه الغرفه سد الباب برجله اخذني نزلني عل جربايه راح قفل الباب حط المفتاح بجيبه كمت كتله افتح الباب شنووهل تصرف مال الاطفال

صهيب : مالج طلعه من هاي الغرفه فاهمه وراح تنامين بصفي عل جربايه غصبا عليج

لميس : يحجي برود مدد عل جربايه حاط رجل عله رجل واني مشتعله بنار لو تموت مانام بصفك مجاهلني صيحت حجيت مامهتم يكلب موبايله باوعت موبايلي عل ميز اخذته رحت كعدت عل قنفه فتحت الفيسبوك دخلت عل مدونه كتبت

(الغلط ليس عيب العيب هو أن تضن نفسك علي صواب وتستمر في الغلط
والمهم دوما هو مراجعة كتاب حياتك ليس لحفظه بل لتصحيح بعض الأشياء كتبتها فيه بغير وعي وتركيز)
(مقصودة)

لميس : اول مانشرتها شافها حطلي اغضبني رفع راسه كال

صهيب : تبسمريني حضرتج

لميس : باوعت عليه بقرف ماجاوبته بس سويتله حضر

رفع راسه فاتحه عيونه الكبار كال

صهيب : حضرتيني ......؟
متخافين قبل جنتي تحضريني جنتي بعيده مني هسه اني وياج بغرفه مقفوله علينه متخافين

لميس : برود امشي من وجهي

ماحجيلكم عل طفره الطفره عايه ههههههه هو طفر واني طفرت يجيني منا انهزم منا كل شويه احصلي كفخه لو راشدي لحد مالزمني وصرنه بوكس🤛 بوكس 🤜ههههه كفخه بكفخه ضلينه نضارب لحد ماوكعنه بالكاع ميتين ضحك هههههههه

صهيب : ولج شكد عرمه ههههههههه

لميس : لعد اعوفك تضربني هههههه

صهيب : تقربت عليها سامحيني وخل نفتح صفحه جديده كالت

لميس : صعب اسامحك بهل سهوله سنين اتعذب كدامك وانته تزيد عذابي كلي شنو الذنب الي سويته

صهيب : تقربت عليها اكثر خل ننسه الماضي ونفتح صفحه جديده كامت تضرب عله صدري تبجي وتحجي

لميس : شنسه من ستهانيت بمشاعري لو من تكلي ماريد وحده مثلج تصير ام جهالي لو من تستحقرني بكل فرصه لو من زوجت اختي ......؟

صهيب : حضنتها احاول اهديها فقدت تبجي وتضرب بيه وتحجي بصياح

لميس : شنو الذنب الي سويته غير اني حبيتك فقدت اضرب عله صدره وابجي جاوبني شنو الذنب الي سويته غير

حبيتك اكثر من روحي رخصت نفسي عله مودك تجاوزت اهلي وبابا واخوتي وسمعتي وكرامتي كلهن جاوزتهن وجيت عترفتلك بحبي شنو الي سويته انته

صهيب : سامحيني جنت غبي كمت ابوس باايدها وجهه راح اعوضج واخليج اسعد وحده بالعالم

لميس : بعد ميفيد
(مات الشغف ونتهت الرغبه )

ادري اني مهامتك بس تريدني اربي جهالك لتخاف ماعوفهم راح اربيهم وماقصر وياهم ولا اعوفك ولا امنعك من حقوقك

بس تره اني ممسامحتك ولا راح اسامحك جريته من ايده اخذته عل جربايه مددت جريته فوكايه تريد حقوقك اخذها ماامنعك بس ماسامحك

صهيب : نزلت منها حضنتها واني ماريد منج شي اله تسامحيني منو كالج متهميني منو كالج اريدج علمود الجهال لميس اني ... اني ...

لميس : انته شنو احجي

صهيب : من سامحيني اكلج حضنتها بقت تبجي وتهمس كالت

لميس : صعب اسامحك صعب من عترفتلك بمشاعري جان تكدر تكلي انتي مثل اختي تكلي بعدج زغيره تكلي اهتمي بدراستج بس انته شنو سويت ستحقرتني وقللت من قيمتي وستهانيت بمشاعري سنوات وانته دايس عله كلبي

صهيب : ماعرف شحجي وشجاوبها بس حستها رتاحت وفرغت كل الي داخلها نامت بحضني ضليت ابوس واشم بيها لحد ماغفيت

،،،،،
..........

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
.......

اكتبولي رايكم وتعليقاتكم الحلوه ولتنسون التصويت ⭐⭐
،،،