طائر العنقاء الفصل السابع والعشرون 27 - بقلم جنون كاتبة

قصة # طائر العنقاء
.......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي
........

(- ‏لا تـتلـهّـفـي لـفـسـتـان الـزفـاف فـهـو رداء لـيـلـه واحـده ' مـا سـيـبـقـى هـو التـقـديـر والـحُـب فـأحـسـنِـي الإخـتـيـار ...)

لميس : كمت اصيح مابزعتو من هل موضوع مامليتو مازو...

ماحسيت اله بابا هفني راشدي لزمت خدي متفاجئه تضربني بابا ........؟

بابا : واكسر راسج همين مبين ماعرفت اربي دللتج زياده عن الزوم لحد ماكبرتي عليه باجر عقدج عله صهيب وماريد اسمعلج نفس ......

لميس : نزلت دموعي اول مره بابا يضربني رحت لغرفتي لازمه خدي

اجتي ماما وخالتي ورايه يقنعن بيه

بعد يومين كعدتني ماما من الصبح ساعدتها نضفنه البيت وسوينه غده سبحت الجهال وبدللتلهم رحت اتحضر سبحت طلعت نشفت شعري وسرحته لبست فستان جوزي وكعب عالي مكياج خفيف وايلاينر لبست عدسات لونهن رصاصي سمعت ضجه بيت خالتي اجوي صوت الهلاهل مله البيت

اخذتني ماما وخالتي وكفت وره الباب سالني الشيخ جاوبت موافقه وكلت بابا رجعت لغرفتي مقهوره صعب عليه اخذ مكان لمى بس محد جاي يفهمني اجتي ماما كالت تعاي بنتي الكل جاي ينتضرج راحت ماما

كمت اخذت طلال شلته باايد والايد الثانيه لزمت طيبه كدتها يله بلال ماما تعال اجه لزم فستاني طلعت اني وياهم رحت للاستقبال

من شافوني عله صوت الهلاهل اجني بنات خالتي بوسني مبروك كتلهن الله يبارك بيجن ماما وخالتي حضنني وباركلي بابا باسني من راسي مهيمن باركلي اخذو الجهال مني جرتني بنت خالتي كعدتني بصف صهيب الي ماشال عينه عني من اول مادخلت

صهيب : سعادتي بهاي الحضه ماكدر اوصفها واخيرا صارت مرتي

دخلت شلون طالعه تكطع
اجتي شايله اولادي شكد حبيت منضرهم وجهه حزين ماباوعت بوجهي لبسنه الحلقات لبستها الذهب كاعده هادئه شو هاي اول ماطلع ابوها تحولت زومبي هههه

لميس : جريت ايدي جان لازمها وخررر لا عبالك زواج حقيقي تره اني نجبرت عله هذا الزواج

صهيب : ... بعصبيه ماميت عليج اني هم ماريدج

لميس : اي بعد احسن عفتهم ورحت لغرفتي

خلصت اليوم واني اتهرب حته مياخذوني عله بيت خالتي بعد العشه اخذت الجهال واخذت كلشي احتاجه حته بعد مااطلع رحت عل سريع قفلت عله نفسي بغرفتي

اجوي دكو الباب ماجاوبت دكو مره ثانيه بقيت ساكته اسمع ماما تكول لبابا عوفوها لتضغط عليها تافاف بابا وراح اسمع ماما تكول لصهيب ميخالف ابني اصبر عليها ماحجه بس تمنيت اشوف وجهه هههه‍هه راحو صار هدوء اخذت موبايلي دخلت عل مدونه كتبت

(من مِنا لم تحلُم برجلٍ مختلف
رجلٌ يجيدُ لغة الحب.. رجلٌ يطوقها بالياسمين..؛
رجلٌ يكتب إسمها على رمالِ البحر.
رجلٌ يعلمها الفرح تحت المطر..
وأُحبِطت.؛
أُحبِطت جداً....)

_______

صهيب : شفتها شكتبت عل مدونه كتبتلها اي تبسمريني حضرتج .... جربتي تعيشين وياي حته تشوفيني اني الرجل الي تحلمين بي لو لا ليش تحكمين عليه عل بعد

شافت الرساله ماجاوبت

صار شهر من عقدت عليها وهيه تتهرب جنت واكف بغرفتي فاتح الشباك ادخن جكاره عيني عله بيت خالتي مال هسه اروح اشحطها اجيبها من شعرها ....

بس كرامتي متسمحلي الي ميريدني ماريده

كذب والله راح اموت عليه كلما ادخل للغرفه اكول بالكت الكاها حته من اروح لبيت خالتي اشوف جهالي كامت متطلع جنت اشوفها اكثر قبل مااعقد عليها الله يهديها عليه اريدها تنور حياتي اريد جهالي يمي يارب اهديها

بهاي الفترة شلت غرفت الاخشاب بعتها وجبت غيرها غيرت كلشي بالغرفة حته البردات

هيج أحسن حتة متذكر أختها كلما تفوت للغرفة وتحس بالذنب

لميس : شهر واني اتهرب اجني بيوم خالتي وماما رزلني رزاله مال اوادم

ماما : مو كافي عناد عاد

خالتي : ابني رجال ومحتاجج شوفين طلباته لشوكت راح نصبر عليج

لميس : .......
مجاوبتهن اخذن ملابسي وحاجاتي بالقوه وراحن ودنهن لبيت خالتي لغرفت صهيب رجعن اول مره اشوف ماما بهل عصبيه اخذت الجهال مني كامو يبجون ميرضون يعوفوني كالت

ماما : ابقي مثل البومه وحدج عافتني وطلعت

مرت يومين ماما وبابا ميحجون وياي جنت الليل ماانامه اللوب عل جهال بس ماريد اروح عله امل يرجعوهم الي

اجتي ماما من بيت خالتي عصبيه كالت الجهال متمرضين عليج يريدوج

تخبلت مشيت حته اروحلهم

لزمتني ماما وين تريدين .......؟

شنو وين تريدين انتي مو تكولين الجهال متمرضين يريدوني خل اروح لزمتني

ماما : دباعي حالج صارلج يومين ماسابحه ولامغيره دشداشتج روحي سبحي وبعدين روحي

لميس : هيه مال سبح ياماما خليني اروح مو كلبي راح يطك عل جهال

ماما : متروحين اذا مسبحين هذا العندي صارلج يومين عايفتهم هسه صرتي حنينه

لميس : ياماما عوفيني اروح

ماما : مكان هذا الجدال مالج جان هسه سابحه

لميس : ضربت رجلي بالكاع اوووف منج يا ماما رحت اخذت ملابس عل سريع سبحت وطلعت

أجتي ماما كالت تعاي اضفرلج شعرج كعدتني جابت معطرات الشعر وزيوت الشعر غركتني تغرك ضفرتلي ضفيره فرنسيه نزلت زلوف عله وجهي حطتلي ريحه ومعطرات

لميس : ها خلصتي اكدر اروح كالت

ماما : اي هسه تمام روحي

لميس : حطيت شال عله راسي طلعت اركض خايفه عل جهال ومشتاقتلهم دخلت بيت خالتي

ماما اجتي ورايه جانو كاعدين بالاستقبال اول مادخلت شافوني طيبه وبلال اجوي يركضون عليه ماما ....

____

يابعد عيون امكم بوستهم من وجهم ومن اديهم طلال بحضن صهيب يبجي عليه

اجيت بعد امك اجيت لتبجي مديت ايدي حته اخذه باوع عليه صهيب حطه بيدي وطلع اخذته حضنته بقوه اشم ريحته من كد مامشتاكتلهم نسيت حته اكول لماما تكولين مريضين شو كلشي مابيهم ضليت احضن بيهم وهمه يضحكون مكيفين

خالتي كالت جيبي طلال اخذته نطته لخالي ابو صهيب

ماما كالت تعاي نريدج كمت وياهن وصلنه لدرج لزمني كل وحده من ايد يمعودات حلني يمعودات كولن غيرها صعدني شحط دخلني بالغرفه وكفن يم الباب صهيب جان كاعد عل قنفه ماما كالتله ماوصيك لترحمها فتحت عيوني مصدومه طلعن وقفلن الباب وراهن

صهيب : عطرها ترس المكان رفعت راسي عطرها اخذني لغير عالم

لميس : رو .ر . روح جيبلي طلال اذا رحت اني مينطنيا روح انته جيبه

صهيب : قفلن الباب علينه من بره شلون اطلع

كامت تفتر بالغرفه وتباوع مثل الي مضيع شي باوعت عليه كالت

ليس : لو تموتون مااخذ مكان لمى

صهيب : ماجاوبتها كمت من مكاني طفيت الضوه رحت مددت عل جربايه

،،،،
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
،،،،،
الكاتبة # هدى سامي

اكتبولي رايكم وتعليقاتكم الحلوه ،،،
ولتنسون التصويت ⭐⭐⭐