رواية طبيب الروح دكتور عزام الفصل التاسع عشر 19 - بقلم الحساب مغلق

#ام النون
عزام :  رجعنة للبيت ميتين تعب و الي بهتنة بي اني و اسماعيل  طول الطريق شدن و ام جمال يسولفون و يضحكون سوة
اكووول اسماعيل شنو الفلم جانت وحدة مطيق الثانية اشو هسة حبايب
اسماعيل :ههههههه لا و الله ترة مو دفاعا عن مرتي بس نهال (ام جمال)كلش،حبت شدن و ادكول الله يحبة رزقة بهيجي،مرة
عزام : الحمد لله و الشكر
يلة عيني وصلنة و اخيرا
دخلنة للبيت
شدن : تحتاج شي عزام اريد افوت اسبح و ارضع موسى
عزام : لا روحي شوية اكعد وية مصطفى و اسماعيل
شدن :شلت موسى و لازك بصدري يريد حليبة ...انتظر شوية شنو خالة ممشربتك حليبة لو متحب حليب القواطي
الطفل : اغااا و يضحك
شدن : فدوة لهاي الضحكة ...هسة اطلع الممية مالتك حياتي انت ...
اوي حياتي هيجي جوعانة ...ظل يشرب حليب بربع ساعة...
دكت اريج علية ادكولي وصلت للبيت تركت ملابسي على الجرباية نسيتهة و فتت للحمام
بديت اسبح
عزام : كعدنة كلنة سوة و ظلينة نسولف و ناكل كرزات
هسة تعال سولفلي تزوج قبل رمضان لو ورة رمضان ؟
مصطفى : لا شعندي مستعجل خلي نرتب امورنة و تخلص السنة مال،محمود و الله كريم هسة اهم شي خطبتهة محد راح يكوللها فلان و علان يريدج
عزام : و انت اسماعيل شوكت تريد ترجع ؟
اسماعيل : لك ضايج من جيتي ..... الا افشر
عزام : ههههههه عبالي،لبنان غيرتك بس اتظل لسانك ينكط عسل
اسماعيل : بعد3ايام و ارجع ..تعرف شغلي هناك و كونت نفسي بعد و صار عندي اسم
عزام : وضعك ويا والدي شلونة
اسماعيل : صح نتحاجة بس بعد احس العتب بعيونة ..كمشت جكايري اووف لو يرجع الوقت و اغير كل الي صار بس شيرجعة ضيعت ثقة والدي بية ...و دمرت نفسي و دمرت عائلتي بهاي الغربة
عزام : لتنقهر .. الحمد لله توفقت بشغلك هناك
اسماعيل :الحمد  لله اهم شي الحلال يدخل لبيتي و مريح ضميري كدام الله و الناس،و مرتاح اكثر من والدي حجة وياية
عزام : حبيبي ربي يوفقك ..و يبعد عنك ولد الحرام ...
ديلة عيني اني اترخص اصعد لغرفتي وراية دوام
عزام صعدت و الكي ملابسهة و منشفتهة (الخاولي)على الفراش
😈😈😈😈
شعجب مخبوصة و ممدخلة ملابسهة وياهة اجاك الموت يا تارك الصلاة
كملت اباوع على التعلاكة ماكو ملابسي يااا شلون و عزام هسة دخل ؟
شدن فتحت باب الحمام : طلعت راسي ...عزام اريد ملابسي جان نازع ا باقي بالبرمودة
عزام : 😈😈 اطلعي او افتحي الباب و اطيج هدومج
شدن : هاااا ...ليش،هيجي،اسوي
عزام : لعد ظلي بالحمام ...
اجيت قريب من الباب
شدن : انت مو كد الصبر
عزام :ماكو رجال يصبر و اذا مرتة حلوة و كلها انوثة
شدن :فتحت الباب
،عزام: غمضت عيني و لفيتهة بالمنشفة و حضنتهة وعدتج ما اسوي شي غصب عنج و حطي ابالج اني زوجج ...اني سترج و غطاج
شدن : انت  انسان مو  عادي ...عفية اقسي علية اضربني حتى رب العالمين مياخذك مني 
عزام : اش لتكولين هيجي ان شاء الله .الله يطينة طولت العمر و نربي موسى و جهالنة
يلة روحي نشفي و اطلعي جماعتي،من الموصل جايبلي كرزات ضميتلج على الصفحة
عزام : ظليت انتظرهة ليحد مطلعت
تعالي ما دام اكو وطنية نشفي شعرج ...
شدن : اي هسة ...
عزام :شعرج كلش،حلو
شدن : اريد اكصة شوية علمود الرضاعة
عزام : اي شكو بيهة بس مو هواية
شدن : لا مو هواية
عزام : تعالي انشفة الج ...ومن تحتركين كوليلي
شدن : ههههههه نشف شعري و كفشني عادي
اخذت الفرشة مشطت شعري و ضربتة بالشسوار
عزام : كمشت شعرهة ...حلو كلش
شدن خجلت و نزلت راسي
و عيوني صارت على جسمة مراح تلبس تيشيرت
عزام غمزتلهة : لا حبي ما البس،ميت حر و مثل ما اني 😉 غضيت البصر انتي هم غضي،البصر
شدن : ها هيجي صار الحجي..عوفني
مشيت اتعذرت بالطبلة كمشني من خصري
عزام : اسم الله ...هسة تخافين مني افتهمنة اني مستعجل ... ليش اتخافين من نفسج و من مشاعرج
شدن: مخايفة من شي عوفني خلي انام
عزام : خلي نتفرج فلم و ناكل كرزات و شامية بقت شعرهة مفلول
شدن كملت  نص الفلم و بعد محسيت بروحي نمت
عزام : حطت راسهة على كتفي و نامت  سحبتهة على كيفي و نيمتهة عدل و حطيت راسهة على صدري وسديت عيني
اووف اذا راح اسماعيل حترجعين لغرفتج و تعوفيني ربي لين قلبهة علية و تلمست شفتهة لج هم يجي يوم و اعيدهة 
همسة : وصلنة للبيت وصلتلي رسالة من سرمد من توصلين دكي علية حتى نسولف
صعدت للغرفة و اكو لهفة و سعادة غريبة بس اريد اسمع صوتة
دكيت عليه رفضني و رجع دك
سرمد : الووو شلونج
همسة : الحمد لله ..انت شلونك
سرمد :اني زين ما دام سمعت صوتج ..كلش،حلوة جنتي،طالعة
همسة : اشكرك ..
سرمد : اي سولفيلي اتونستوا بالحفلة
همسة :يعني،تعبت كضيتهة اطك صور للعرسان و خوات و اقارب العروس يس يركصون
سرمد : ههههههه...زين من اتصيرين عروسة منو يطكلج الصور
همسة :-اجيللي مصورة و افضهة ههههه
سرمد : فدوة للضحكة و لصاحبة الضحكة
همسة : انت شنو اخبارك
سرمد : ملتهي بضيم المالية
همسة : الله يساعدك ...صدك سرمد انت شمخلص ؟
سرمد : اني تقنيات كهربائية
همسة : لهذا جنت وية محمود
سرمد : احنة اربعة بالغرفة اخوج و ولد ثاني مهندسين و اني،و ولد معهد
اسماعيل : همسة ..همسة
همسة : يلة باي سمعو ديصيحني
سرمد : اوك ..تصبحين على خير يا ملاكي
همسة :-و انت من اهل الخير

شدن :اني نايمة و احلامي كلهة بعزام فزيت من النوم لكيتة نايم مثل الطفل يخبل ظليت اباوع عليه و مبتسمة وراهة رضعت موسى و نمت
كعدت الصبح: عزام ...عزام يلة اكعد
عزام : اوووف اريد انام و الله ميت تعب
شدن : شلون اليوم الاستشارية عليك ؟
عزام : شوكت اصير مثل هذولة الاطباء الكبار اداوم يوم لو يومين
شدن : هههه صاير كسلان
عزام : و الله مو كسلان بس،ظهري كامشة دمااار
شدن: تعال ادلكة الك
عزام : خاف اتضوجين لان ملابس،تيشيرت ههههه
شدن : لا ما اضوج ...انطيني ظهرك
ظليت ادلكلة الا ان خف شوية ..ها شلونة
عزام : عاشت ايدج ...اليوم من الصبح اروح للعلاج الطبيعي اخليهم يفتحولي red ray الحراري
شدن : براحتك ...كوم اسبح بمي حار وراهة دافي بلكت ترتاح
عزام :هسة كايم
شدن :بس افوت قبلك عسريع...فتت و نزلت حضرت الريوك
اتريكنة و صعدنة فوك
عزام:اريد اسألج فتشي ..اني زوجج مو تخجلين
شدن : شنو؟
عزام : صارلج 3اسابيع بغرفتي ...اشو محسيت اجتج الشهرية لو بعد؟
شدن:لا اني اظاهر طبيعتي مثل امي لان ارضع متجيني
عزام : اكيد يعني شي عدكم بالعائلة ميحتاج نسوي  فحوصات
شدن : ميحتاج ...بس اذا هيجي خايف اسأل و اذا تريد نروح لطبيبة
عزام :ديلة اني رايح ...خلي اطلع اليوم استشارية و لعبان نفس
شدن : ههههه الله يوفقك

مصطفى كعدت من الصبح اخابر على الحب :الووو هلوو شلونهة حلالي
مروة : الحمد لله زينة ...انت شلونك
مصطفى : زين ..وين هسة انتي؟
مروة :دأبدل..
مصطفى : لطلعين من البيت ..اني اجي اخذج ...انتي قريبة
مروة : اوكي حبيبي انتظرك ...
مصطفى : بدلت و شغلت السيارة حسيت بطبة قوية يا ستار يا ربي خلي اخابر على عزام
الوو هلو عزووو
عزام : هلو حبيبي شكو
مصطفى : وين انت ؟
عزام : بالمستشفى ..شكو
مصطفى :سمعت صوت طبة ...اكيد هم بالحرية الي ميخافون الله
ديلة اني رايح اخذ مروة و نروح للمصرف
عزام : دخلت للمستشفى و رحت لمركز العلاج ظليت وياهم  ساعة كلش اتونست خوش ولد كضيناهة ضحك و وراهة مناقشات علمية بس مدوملي الضحكة لازم ارجف من الصبح
طلعت و شفت ابو ليلى كامش طفل صغير مجروح و تارسة قطن

عزام : شكو شبي ابنك ليش هيجي
ابو ليلى : الي ميخافون الله يومية امفجرين منطقتنة و انكسر الشباك و وكع على الطفل
عزام : من شفت منظرة اذكرت محمود و بدت الدموع تنزل جيبة عسريع خلي اودي يعالجوا
شلتة و ركضت بي صار ابالي موسى و محمود متت خوف علية
هو منو بيهم ؟
ابو ليلى : محمود
عزام : دمعت عيني ....الله يطي العمر
رحنة عالجنا و صار زين الحمد لله
ديلة اني اروح ترة الاستشارية اليوم الي
ابو ليلى : تعبتك وياية ...شسويلك قليل بحقك
عزام : ما اريد شي،بس اشوفكم بخير و صحة و عافية
خلص يوم دوامي وية المرضى و قبل ما اطلع مريت للطفل محمود بوستة و طلعت و امة تموت من القهر بس،تبجي
و رجعت للبيت و لاكتني شدن بأبتسامتهة التخبل
شدن : بشر شلون صرت ؟شبيك ليش الدمعة بعينك
عزام : طبيعي،ما اعرف اضم شي سولفتلهة على الانفجار و محمود الطفل
شدن : من سولفلي دمعت عيني رحت حضنتة  اششش كافي الحمد لله صار زين بس همة ليخلون طفل قريب من الجام (الشبابيك)ميعرفون وضعنة
عزام : صدك جنت محتاج لحضنهة و لحنيتهة .الله يخليج الي
شدن : يخليك الي و يبعد عنك كل حزن ..ما اريدك تنقهر تعرفني مستندة بيك اريدك اتصير قوي علمودي و علمود موسى
عزام  : تدللين ..
شدن : امشي خلي،نتغدة ....همة اكلوا بس اني ظليت انتظرك
عزام : ماشي ...يلة
اكلنة و كملنة و غسلت المواعين و اجتني ام جمال
ام جمال : شكو شبي عزام ؟
شدن :اكو رجال جانوا يداروا خطية ابنية مكسورة الجامة عليه و متأذي ..بس الحمد لله هسة احسن مقهور عليه
ام جمال :خطية ...حبيبتي شوشة احنة باجر من الصبح طالعين
شدن :لا ...شنو هاي،ظلوا بعد
ام جمال : لا ترة طولنة هي 3ايام صارت 3اسابيع علمود مهر مصطفى و اذا الله راد نجيكم على العرس
شدن : ان شاء،الله حياتي ..ربي يوفقكم و ان شاء الله نلتقي من جديد
ام جمال : ان شاء الله
شدن :صعدت لعزام
عزام : ، ها اشو اتأخرتي
شدن :صارت الدمعة بعيني ما اعرف شريد مرة اريد اظل ويا بنفس الغرفة و مرة اريد ابتعد لان دأحسة مديصبر
باجر راح يسافرون بيت اسماعيل
عزام :اي ادري راح نخلصين مني
شدن : لتحجي هيجي و تأذيني
عزام :تعالي احضنج
حضني و اتمددنة....
عزام : ما بيهة مجال اتغيرين رأيج
شدن : لا ..لان انت متصبر بعد اذا ظليت يمك
عزام : ههههه بكيفج بس اتعودت على هوست موسى و بجية
شدن : ميخالف ...ارجع ارتاح من عدنة
عزام : ،،هاي الحجاية بعد لتكوليهة لان انتوا عائلتي
احبج شدن
شدن :حطيت راسي برقبتة ..
عزام : شتريدين ؟
شدن : ما اعرف ....انت كلش،حباب
عزام :  انتي هم تحبيني بس جبانة من خيالج الي عايشة بي
خلي انام شوية لان دكتور بشير يريدني
شدن : اوكي
عزام : كعدت ورحت لدكتور بشير اتفق وياية ايام اكعد بالعيادة مالتة و الحمد لله اجاني رزق و راح اشتغل بعيادة و يصير عندي اسم حتى اكدر افتح عيادة بوحدي